1 නමො තස්ස භගවතො අරහතො සම්මාසම්බුද්ධස්ස
සූරස්සතීනීති
පඨමො භාගො
පණාමගාථා
1.
මුඛම්හා [Pg.1] භගවන්තස්ස,සුගන්ධකමලා සුභා;
සඤ්ජාතං උත්තමං වාණිං,වන්දාමි විත්තමානසා.
2.
සමජ්ඣිට්ඨො රචිස්සාමි,දක්ඛෙන රාජමන්තිනා;
නාමෙන සන්තෙන,නීතිං ලොකහිතාවහං;
සාලඞ්කාරං සොපදෙසං,නාමෙනාහං ස්වරස්සතිං.
3.
පෙක්ඛන්ත්විමං නීතිං සන්තා,මඤ්ජූසරුක්ඛසන්නිභං;
නානොපදෙසසංපුණ්ණං,සදත්ථකුසලා සදා.
සූරස්සතීනීති
1.
කතඤ්ඤුතා [Pg.3] ච සච්චඤ්ච,ලොකසාරා හි තෙ දුවෙ;
ලොකාපි තෙහි තිට්ඨන්ති,රට්ඨං අකංසු ඉස්සරං.
2.
කාකාච [Pg.8] දුජ්ජනා ලොකෙ,මලීභූතාව සබ්බදා;
ඉට්ඨං ගුණං නාසයන්ති,තෙ වෙ ලොකස්ස වෙරිනො.
මිගානං [Pg.10] සිඞ්ගාලො අන්තො,පක්ඛීනං පන වායසො.
අකාරණවෙරී [Pg.12] හොන්ති,මච්ඡානං ධීවරා යථා;
ගුණීනං සජ්ජනානඤ්ච,දුජ්ජනා නිච්චවෙරිනො.
3.
සිරිං [Pg.14] භොන්තො සුපොසෙථ,සිරි මූලා හි සම්පදා;
සිරිය ඉධ ජොතන්ති,සිරී සා සබ්බසිද්ධිකා.
4.
මුසා [Pg.20] තමොකරා ලොකෙ,සච්චං මීදිතිකාරකං;
මුසාතමෙන දුක්ඛන්ති,සච්චාභාය සුඛන්තිවෙ.
සුවිජානං [Pg.23] සිඞ්ගාලානං,සකුණානඤ්ච වස්සිතං;
මනුස්සවස්සිතං රාජ,දුබ්බිජානතරං තතො.
5.
කප්පග්ගිසදිසා [Pg.25] ඉස්සා,ඣාපෙති සබ්බසම්පදං;
මුදිතා කප්පමෙඝොව,රොපෙති සබ්බසම්පදං.
6.
යථා [Pg.30] අසන්ථිරා ථම්භා,ථුසරාසිම්හි උස්සිතා;
තථෙව කපිචිත්තානං,කම්මන්තා චඤ්චලඞ්ගතා.
හලිද්දිරාගං [Pg.34] කපිචිත්තං;
පුරිසං රාගවිරාගිනං,එදිසං තාත මාසෙවි;
නිම්මනුස්සම්පි චෙ සියා.
7. [ක]
පුප්ඵචුම්බි [Pg.35] චිත්තපත්තී,සකවණ්ණෙන මජ්ජිතො;
වික්කමී පුප්ඵතො පුප්ඵං,නස්සාගාරං න සඞ්ගමො.
[ඛ]
කිප්පිලිකා දුබ්බණ්ණාපි,සමග්ගාච පරක්කමා;
මා හොථ පුප්ඵචුම්බීව,හොථ වො පචිකා යථා.
1.
යෙ [Pg.40] මරන්ති කීළන්තා තෙ,ස්වානා අඤ්ඤොඤ්ඤමොදිතා;
දිස්වාන ඡට්ටිතං භත්තං,සීඝවෙරී විහිංසරෙ.
2.
තථෙකෙපි [Pg.41] ජනා දානි,සමග්ගා ඤ්ඤොඤ්ඤමොදිතා;
ධනහෙතු විහිංසන්ති,ධීරත්ථු සීඝවෙරිකා.
9.
වසන්තෙ [Pg.45] හෙමන්තෙ ගිම්හෙ;
නෙව තාලා විසෙසිනො;
ථිරචිත්තා ජනා සන්තා;
සුඛදුක්ඛෙසු නිච්චලා.
10.
යථා [Pg.50] පවට්ටමානම්හි,සුට්ඨු තිට්ඨති ගෙණ්ඨුකෙ;
අප්පවට්ටෙ භූම්යං සෙති,තථෙව ගෙණ්ඨුකො ජනො.
11.
අග්ඝාපෙතුං [Pg.55] නසක්කොන්ති,කාලඤ්හි කාලිකා ජනා;
වජිරාදිඤ්ච සක්කොන්ති,තෙන කාලො අනග්ඝිකො.
12. [ක]
අසනො [Pg.59] හි දීඝද්ධානො,සාරසාරො සුගන්ධිකො;
නිග්ගන්ධො ත්වෙව නිස්සාරො,දීඝද්ධානොපි සිම්බලී.
[ඛ]
තථෙවෙකෙ [Pg.60] ජනා ලොකෙ,දීඝද්ධානා සුසාරකා;
නිස්සාරා කෙචි ඵෙග්ගූව,දීඝද්ධානාපි ගොයථා.
13.
උපකාරො [Pg.64] චාපකාරො,යස්මිං ගච්ඡති නට්ඨතං;
පාසාණහදයස්සස්ස,ජීවතීත්යා භිධාමුධා.
පසාදො නිප්ඵලො යස්ස,කොපොචාපි නිරත්ථකො;
න තං සඞ්ගන්තු මිච්ඡෙය්ය,ථීපුමාව නපුංසකං.
14.
උපචාරො [Pg.69] හි කාතබ්බො,න යාව සොහදං භවෙ;
උපචාරො සුමිත්තම්හි,මායා ච හොති කොටිලං.
15.
කමෙන [Pg.75] අග්ගතො උච්ඡු,රසො සාදුතරො යථා;
තථෙව සුමිත්තො ලොකෙ,දුම්මිත්තො පන නෙදිසො.
16.
සොකාරාති [Pg.80] පරිත්තාණං,විස්සාසපීතිභාජනං;
රතනාභිරතනං ඉච්ඡෙ,සුමිත්තං අක්ඛරත්තයං.
17.
දම්පතීනං [Pg.85] සුමිත්තානං,මුඛං අඤ්ඤොඤ්ඤදප්පණං,සුඛෙ සුඛං දුක්ඛෙ දුක්ඛං,පටිච්ඡායෙව දප්පණෙ.
කථං [Pg.88] නු තාසං හදයං,සුඛරාවත ඉත්ථියො;
යාසාමිකෙ දුක්ඛිතම්හි,සුඛමිච්ඡන්ති අත්තනො.
18.
නිවාතඤ්ච [Pg.90] පුරෙ කත්වා,මානං කත්වාන පච්ඡතො;
සකත්ථං ධාරයෙ ධීරො,අත්ථභඤ්ජො හි මුළ්හතා.
19.
පුරෙචාරං [Pg.94] සතිං කත්වා,සද්ධං කරෙය්ය පච්ඡතො;
තුරං න සද්දහෙ ධීරො,සීඝසද්ධො හි මන්දකො.
20.
වනෙ 0.0099 බහූනි කට්ඨානි;
දුල්ලභං රත්තචන්දනං;
තථා ජනා බහූ ලොකෙ;
පුමා ජඤ්ඤො සුදුල්ලභො.
21.
තිණකට්ඨපලාසෙහි[Pg.103];
සුක්ඛෙහි දය්හතෙ වනං;
එතාදීහි අසාරෙහි;
ලොකො ජනෙහි දය්හතෙ.
22.
අන්තොවස්සෙ [Pg.107] තිමාසම්හි,පුඤ්ඤකම්මෙන මොදිතා;
සුඛං වසිංසු පොරාණා,බුද්ධසාසනමාමකා.
23.
මිගමදෙන [Pg.111] එකෙන,තං වනං සුරභිගන්ධිකං;
තථා ජනෙන තං රට්ඨං,ගුණිනා හි සිරීමතා.
සරීරං [Pg.115] ඛණවිද්ධංසී,කප්පන්තට්ඨායිනො ගුණා.
24.
ඛරානං [Pg.116] සීහබ්යග්ඝානං,සඞ්ගමො නො හිසබ්බදා;
තථෙව බ්යග්ඝචිත්තානං,සජාතිකා ඛයොනතා.
25.
සක [Pg.121] සාධුපි නො සාධූ,යො චෙඤ්ඤ දුට්ඨකාරකො;
බහූනං සාධූ පායෙන,ස වෙ සාධූති වුච්චතෙ.
26.
බහූදකෙ [Pg.126] සමුද්දෙපි,ජලං නත්ථෙව පාතවෙ;
ඛුද්දකෙ ඛතකූපම්හි,සාදුං අත්ථි බහුං දකං.
27.
මා [Pg.130] සීඝං විවරෙය්යාථ,නින්දිතුඤ්ච පසංසිතුං;
මුඛඤ්හි වො කථාද්වාරං,නිරුන්ධෙය්යාථ සබ්බදා.
28.
මා [Pg.134] සීඝං විවරෙය්යාථ,චක්ඛුං වො දස්සිතුං පියං;
සණිකඤ්හි පියලාභං,ධනලාභං තුරං කරෙ.
29.
අනාරම්භො [Pg.138] හි කම්මානං,පඨමං බුද්ධිලක්ඛණං;
නිට්ඨඞ්ගතං ආරද්ධස්ස,දුතියං බුද්ධිලක්ඛණං.
අසමෙක්ඛිතකම්මන්තං[Pg.140],තුරිතාභිනිපාතිනං;
සානි කම්මානි තප්පෙන්ති,උණ්හං වජ්ඣොහටං මුඛෙ.
30.
අඵලානි [Pg.143] දුරන්තානි,ජනතා නින්දිතානි ච;
අසක්යානි ච කම්මානි,නාරභෙථ විචක්ඛණො.
31.
අතිවිරොධභීතානං[Pg.147],සඞ්කිතානං පදෙ පදෙ;
පරප්පවාදතාසානං,දූරතො යන්ති සම්පදා.
සද්දමත්තං [Pg.150] න භෙතබ්බං,ලොකො සද්දස්ස ගොචරො;
යො ච සද්දපරිත්තාසො,වනෙ භන්තමිගො හි සො.
32.
ද්වින්නං [Pg.151] තණ්ඩුලථූසානං,විසෙසො සුට්ඨු ඛායති;
රන්ධිතොපි සිනිද්ධො නො,ථුසො විරසඵාරුසො;
තණ්ඩුලං සිනිද්ධං රසං,එවං ලොකෙපි ඤායතෙ.
33.
එරණ්ඩං [Pg.155] නිස්සිතා වල්ලි,රුහතෙ කිං යථාබලං;
මහාසාලං සුනිස්සාය,රුහතෙ බ්රහතං ගතා.
34.
මෙත්තා [Pg.160] හි සීමසම්භෙදා,පක්ඛපාත විඝාතිකා;
පක්ඛපාතෙන දුක්ඛන්ති,නිප්පක්ඛො වසතෙ සුඛං.
35.
නරා [Pg.164] පඤ්ඤා ච ලඞ්කාරා,යථාඨානෙ නියුජ්ජරෙ;
නො හි චූළාමණි පාදෙ,පාදුකා ච සිරොපරි.
උක්කුට්ඨෙ [Pg.167] සූර මිච්ඡන්ති;
මන්තීසු අකුතූහලං;
වියඤ්ච අන්නපානම්හි;
අත්ථෙ ජාතෙ ච පණ්ඩිතං.
36.
පමාදො [Pg.169] හි තමො ලොකෙ,කාලො චොරො භයානකො;
කායගෙහං බහුඡිද්දං,කාලචොරස්ස චොරිතං.
37.
චඤ්චලො [Pg.173] කාලදාසො හි,ධීතිමා කාලඉස්සරො;
කාලිස්සරො රට්ඨිස්සරං,අතිවත්තති සබ්බසො.
38.
විලුප්පන්ති [Pg.17]8 ධනං එකෙ,කාලමෙකෙ අනෙක්ඛකා;
තෙසු කාලවිලොපාව,භයානකා තිකක්ඛළා.
39.
රඤ්ඤා [Pg.182] රට්ඨහිතං කත්තා,රඤ්ඤො හිතං ජනෙහි වෙ;
දෙස්සො අත්තහිතං දස්සී,ගාරය්හො කින්නු කාරකො.
අත්තදත්ථං [Pg.189] පරත්ථෙන;
බහුනාපි න හාපයෙ.
40.
යස්ස උපකාරො දින්නො,උපකාරං දදෙ පුන;
තතො පකාරං නිච්ඡෙය්ය,කතඤ්ඤූ දුල්ලභො ඉධ.
සච්චං [Pg.190] කිරෙව මාහංසු,නරා එකච්චියා ඉධ;
කට්ඨං නිප්ලවිතං සෙය්යො,නත්වෙවෙ කච්චියො නරො.
41.
කාරුකො [Pg.191] සකපඤ්ඤාය,මහග්ඝං දාරුකං කරෙ;
තථා ජනොපි අත්තානං,මහග්ඝො ලොකමානිතො.
42.
අප්පග්ඝො [Pg.196] හි අයො හෙමං,මහග්ඝං ඡින්දතෙ යථා;
නිග්ගුණො සගුණං ලොකෙ,අලක්ඛීච සිරිං තථා.
සූරස්සතීනීති
දුතියො භාගො
1.
ධනස්ස [Pg.1] දුබ්බිධං කිච්චං,පාපෙති උණ්ණතං ධනිං;
අධනිං ඔණතං ලොකෙ,සඤ්චිනෙ තෙන තං ධනං.
2.
වට්ටතෙ [Pg.6] සතතං සීඝං,කාලචක්කං අවාරිතං;
තෙන ඝටී දිනං මාසො,වස්සො භවත්ය චීරතො.
3.
සත්තුනා [Pg.11] න හි සන්ධෙය්ය,එකදා සො භයං කරො;
සුතත්තමපි පානීයං,සමයතෙ නු පාවකං.
4.
විජහං [Pg.16] පකතිං යො හි,විකතිං පුන ගච්ඡති;
සභාවෙන ආකාරෙන,විප්පල්ලාසං ස ගච්ඡති;
සංසුමාර ගතා ගොධා,යථා ථී පුමවෙසිකා.
5.
පක්ඛං [Pg.20] ලද්ධාන උඩ්ඩෙන්ති,උපචිකා හි වම්මිකා;
නික්ඛන්තා මරණං යන්ති,උප්පතා නිප්පතං ගතා.
6.
සබ්බංපියස්ස [Pg.23] දජ්ජෙය්ය,නිස්සෙසං පියමානසං;
සද්ධාචිත්තං තු නො විඤ්ඤූ,සද්ධායිකො පක්ඛලිතො.
7.
සක්කොති [Pg.27] ලඞ්ඝිතුං බ්යාමං,මහුස්සාහෙන යො හි සො;
තදඩ්ඪං අනුස්සාහෙන,නොස්සාහො තෙසු ථොමිතො;
මහුස්සාහො දුක්ඛො ලොකෙ,අනුස්සාහො සදා සුඛො.
8.
දුක්ඛමං [Pg.32] අක්ඛමන්තො යො,පිට්ඨිකාරීච දුක්කරං,කදා ලභෙය්ය සො ලොකෙ,සුඛමං සුකරං මුධා;
පච්චක්ඛඤ්හි සො කරෙය්ය,දුක්ඛමඤ්චාපි දුක්කරං.
9.
අනග්ඝො [Pg.36] මනුස්සො ලොකෙ,තොසනාපොසනාදිනා;
තෙන සො මහග්ඝං කම්මං,කරෙ ලොකහිතායුතං.
10.
වාතෙන [Pg.41] නප්පභිජ්ජන්ති,නින්නා වෙළූ කසා නළා;
යථාවාතං නගච්ඡන්ති,තථා චරෙ ජනෙ කදා.
11.
පුරතො [Pg.44] ච පච්ඡතො චෙ,නිස්සයො නත්ථි පස්සතො;
අධිකං වීරියං හොති,අත්තනාථො තදා භවෙ.
12.
ඛණං [Pg.48] ආඛුබිලං සීහො,පාසාණසකලාකුලං;
පප්පොති නඛභඞ්ගංවා,ඵලංවා මූසිකො භවෙ.
13.
මග්ගමුළ්හා [Pg.52] ජනා අන්ධා,අමග්ගා මග්ගසඤ්ඤිනො;
තථෙව දුප්පඤ්ඤා මුළ්හා,තථත්ථං නාව බුජ්ඣරෙ.
14.
පියරූපං [Pg.56] වීරරූපං,දුවිධා රූපසම්පදා,නාරිං ඉච්ඡෙ පියරූපිං,පුරිසං වීරරූපකං.
15.
පජ්ජලන්ති [Pg.60] හි ඛජ්ජොතා,පක්ඛචාලනකම්මුනා;
කුසිතා සුපිතා නෙතෙ,තථා ජනාපි කම්මිකා.
16.
කුම්මසඞ්කොචමොපම්ය[Pg.65],නිග්ගහමපි සංඛමෙ;
පත්තකාලෙ තු නීතිඤ්ඤො,කණ්හසප්පොව උට්ඨහෙ.
17.
භක්ඛසෙසං [Pg.69] නඛාදන්ති,සීහා උන්නතචෙතසා;
පරංපි නපණාමෙන්ති,වුද්ධිකාමා තථා චරෙ.
18.
න [Pg.72]ව වස්සො සමුප්පන්නො,ඛීණො පුරාණහායනො;
නවවස්සෙ නවා මෙත්තා,භාවිතබ්බා හිතෙසිනා.
19.
සන්තාපයන්ති [Pg.76] කමයාප්යභුජං න රොගා,දුම්මන්තිනං කමුපයන්ති න නීතිදොසා;
කං ස්රී න මානයති කං න ච හන්ති මච්චු,කං ථීකතා න විසයා පරිපීළයන්ති.
(වසන්තතිලකාගාථා.)
20.
(ක) බ්යාමමත්තෙන [Pg.81] දණ්ඩෙන,යොලුම්බ්ය උදකං මිනෙ;
අගම්භීරං ගම්භීරංවා,අගාධෙ මඤ්ඤි ගම්භීරං.
(ඛ)
තථා මන්දො සඤ්ඤාණෙන,අගාධෙ මඤ්ඤි පණ්ඩිතං;
සමාසමං න ජානාති,බහ්වප්පං තික්ඛමන්දතං.
21.
දුට්ඨකම්මෙ [Pg.86] සඞ්ගමන්ති,ඡෙකකම්මෙ ච නො ඉධ;
මච්චුං වහන්ති සීසෙන,තෙ මුළ්හා මුළ්හසඞ්ගමා.
22.
දුවිධො [Pg.91] සඞ්ගමො ලොකෙ,උජුකො කුටිලො භවෙ;
උජුකොව පසංසෙය්යො,නොහ්යඤ්ඤො සාජසඞ්ගමො.
තෙ [Pg.93] ඉමිනා උපායෙන සමග්ගා සම්මොදමානා මහා භිත්තිපිට්ඨිකාය වසන්ති. (මහොසධජාතක අට්ඨකථා)
23.
යූථිකා [Pg.95] පුප්ඵතෙ නොහි,සිඤ්චිතාපි පුනප්පුනං;
පුප්ඵතෙ සම්පත්තෙ කාලෙ,එවං ධාරෙථ වීරියං.
24.
ධනුච්චයො [Pg.101] ධනක්ඛෙපො,දුවිධා හි ධනාකති;
ධනුච්චයෙ නයො අත්ථි,ධනක්ඛෙපම්හි නො ඉධ.
25.
අමාතා [Pg.105] පිතරසං වඩ්ඪං,ජූතකාරඤ්ච චඤ්චලං;
නාලපෙය්ය විසෙසඤ්ඤූ,යදිච්ඡෙ සිද්ධි මත්තනො.
හලිද්දිරාගං [Pg.109] කපිචිත්තං,පුරිසං රාගවිරාගිනං;
එදිසං තාත මාසෙවි,නිම්මනුස්සංපි චෙ සියා.
26.
ගුණා ගුණඤ්ඤූසු ගුණා භවන්ති,තෙ නිග්ගුණං පත්වා භවන්ති දොසා;
ආසාද්යතොයා පභවන්ති නජ්ජො,සමුද්රමාසජ්ජ භවන්ත්යපෙය්යා.
(උපජාතිගාථා)
27.
සිලාරූපං [Pg.113] නිම්මිනන්ති,කොට්ටෙත්වාන පුනප්පුනං;
කොට්ටකොව තථා බාලා,සාධුං ඔවජ්ජ නිම්මිතා.
චාණක්යනීතිලා ගාථා
ලාලනෙ [Pg.116] බහවො දොසා,තාළනෙ බහවො ගුණා;
තස්මා පුත්තඤ්ච සිස්සඤ්ච,තාළයෙ න ච ලාලයෙ.
28.
අතීතස්ස [Pg.117] හි මිත්තස්ස,යො චෙ දොසං පකාසයෙ;
සො හවෙ පච්චුප්පන්නස්ස,දොසං භාසෙති ඤායති.
29.
ලතාවිය [Pg.121] සෙවකා තෙ,යෙ නිස්සයං පලම්බරෙ;
නිස්සයස්ස විනාසෙන,භූම්යං සෙන්ති අනාථකා.
30.
දොසසිඞ්ගෙහි [Pg.125] විජ්ඣන්තො,මානඛූරෙහි අක්කමං;
භයං කරොති ලොකම්හි,ගොව බාලො විහිංසකො.
31.
ආදො [Pg.128] උපරි ලොකොයං,උජුලෙඛාය තිට්ඨති;
මුසාවාතෙහි තංලොකං,නිපාතෙසි අනජ්ජවං.
32.
සුඝටං [Pg.132] කුම්භකාරෙන,නාරහො පරිභුඤ්ජිතුං;
තථූපමාය වෙක්ඛෙය්ය,සකම්මපරකම්මනි.
33.
අනන්තරංසී [Pg.136] සූරොපි,නසක්කොති ඝනං තමං;
විජ්ඣිතුං රංසියා ලොකෙ,තථා මදනමොහිතා;
නසක්කොන්ති මදං භෙත්වා,පඤ්ඤාභාය පභාසිතුං.
34.
ඛෙදවෙරං [Pg.139] දලිද්දම්හි,භොගිම්හි රොගුපද්දවං;
දෙස්සවෙරඤ්ච ආණිම්හි,පස්සෙ ලොකස්ස වෙරිතං.
35.
සංලද්ධෙන [Pg.144] සුභොගෙන,ජීවං සුද්ධං කරෙ නිජං;
සෙට්ඨො සො තෙන ජීවෙන,ජෙගුච්ඡො මලජීවිකො.
36.
වජිර [Pg.148] පුප්ඵරාගානං,විසෙසං යො නබුජ්ඣති;
කථඤ්හි සො වික්කීණෙය්ය,කීණෙය්ය වා යථාතථං.
37.
කිප්පීලි [Pg.152] කොපි චින්තෙත්වා,පබ්බතං භෙත්තු මුස්සහං;
අබලා තනුමජ්ඣත්තා,චින්තා හස්යාව සා මුධා.
38.
ජාතමත්තං [Pg.155] න යො සත්තුං,රොගඤ්චූපසමං නයෙ;
මහාබලොපි තෙනෙව,වුද්ධිංපත්වා ස හඤ්ඤතෙ.
39.
සජීවමංසභක්ඛෙහි[Pg.159],සදාඨීහි මුඛෙහි භො;
බිළාරබ්යග්ඝසීහානං[Pg.160],නිහීනානි අනෙකධා;
තික්ඛානි ඛරවාදානි,මනුස්සානං මුඛානි වෙ.
40.
විලුප්පන්තා [Pg.163] විධාවන්ති,සජීවවුත්තිකම්මුනා;
ජනා තෙන විහඤ්ඤන්ති,චරන්ති ධම්මවෙමුඛා.
41.
සුලභං [Pg.167] ලොකියං ලොකෙ,සාසනීයංව දුල්ලභං;
දුල්ලභං තං වමඤ්ඤන්තො,එසො බාලතමො භවෙ.
42.
යො [Pg.172] පතිත්ථ අග්යාවාටං,මොහා තං උපකාරිතුං;
අඤ්ඤොරොහි තදා වාටං,දුතීයො මුළ්හමුළ්හකො.
43.
බ්යග්ඝො [Pg.176] ආවුධවිද්ධො හි,අකා දුට්ඨානි නින්නදං;
තථෙව සාධුසත්ථෙන,විද්ධො බාලො පකුප්පිතො.
44.
පිවන්ති [Pg.180] ලොහිතං ඩංසා,අන්තො තුණ්ඩෙන මක්ඛිකා;
බහිද්ධා පරිවාරෙන්ති,ජනො තෙන ඩංසායයෙ.
45.
අධනස්ස [Pg.184] ඛණො අප්පො,සද්ධම්මො අප්පකාලිනො;
අප්පකො තෙන යුඤ්ජෙය්යුං,ඛණං බහුං ලභෙතවෙ.