Namo tassa bhagavato arahato sammāsambuddhassa

Sūrassatīnīti

Paṭhamo bhāgo

Paṇāmagāthā

1.

Mukhamhā [Pg.1] bhagavantassa,Sugandhakamalā subhā;

Sañjātaṃ uttamaṃ vāṇiṃ,Vandāmi vittamānasā.

2.

Samajjhiṭṭho racissāmi,Dakkhena rājamantinā;

Nāmena santena,Nītiṃ lokahitāvahaṃ;

Sālaṅkāraṃ sopadesaṃ,Nāmenāhaṃ svarassatiṃ.

3.

Pekkhantvimaṃ nītiṃ santā,Mañjūsarukkhasannibhaṃ;

Nānopadesasaṃpuṇṇaṃ,Sadatthakusalā sadā.

Sūrassatīnīti

1.

Kataññutā [Pg.3] ca saccañca,Lokasārā hi te duve;

Lokāpi tehi tiṭṭhanti,Raṭṭhaṃ akaṃsu issaraṃ.

2.

Kākāca [Pg.8] dujjanā loke,Malībhūtāva sabbadā;

Iṭṭhaṃ guṇaṃ nāsayanti,Te ve lokassa verino.

Migānaṃ [Pg.10] siṅgālo anto,Pakkhīnaṃ pana vāyaso.

Akāraṇaverī [Pg.12] honti,Macchānaṃ dhīvarā yathā;

Guṇīnaṃ sajjanānañca,Dujjanā niccaverino.

3.

Siriṃ [Pg.14] bhonto suposetha,Siri mūlā hi sampadā;

Siriya idha jotanti,Sirī sā sabbasiddhikā.

4.

Musā [Pg.20] tamokarā loke,Saccaṃ mīditikārakaṃ;

Musātamena dukkhanti,Saccābhāya sukhantive.

Suvijānaṃ [Pg.23] siṅgālānaṃ,Sakuṇānañca vassitaṃ;

Manussavassitaṃ rāja,Dubbijānataraṃ tato.

5.

Kappaggisadisā [Pg.25] issā,Jhāpeti sabbasampadaṃ;

Muditā kappameghova,Ropeti sabbasampadaṃ.

6.

Yathā [Pg.30] asanthirā thambhā,Thusarāsimhi ussitā;

Tatheva kapicittānaṃ,Kammantā cañcalaṅgatā.

Haliddirāgaṃ [Pg.34] kapicittaṃ;

Purisaṃ rāgavirāginaṃ,Edisaṃ tāta māsevi;

Nimmanussampi ce siyā.

7. [Ka]

Pupphacumbi [Pg.35] cittapattī,Sakavaṇṇena majjito;

Vikkamī pupphato pupphaṃ,Nassāgāraṃ na saṅgamo.

[Kha]

Kippilikā dubbaṇṇāpi,Samaggāca parakkamā;

Mā hotha pupphacumbīva,Hotha vo pacikā yathā.

1.

Ye [Pg.40] maranti kīḷantā te,Svānā aññoññamoditā;

Disvāna chaṭṭitaṃ bhattaṃ,Sīghaverī vihiṃsare.

2.

Tathekepi [Pg.41] janā dāni,Samaggā ññoññamoditā;

Dhanahetu vihiṃsanti,Dhīratthu sīghaverikā.

9.

Vasante [Pg.45] hemante gimhe;

Neva tālā visesino;

Thiracittā janā santā;

Sukhadukkhesu niccalā.

10.

Yathā [Pg.50] pavaṭṭamānamhi,Suṭṭhu tiṭṭhati geṇṭhuke;

Appavaṭṭe bhūmyaṃ seti,Tatheva geṇṭhuko jano.

11.

Agghāpetuṃ [Pg.55] nasakkonti,Kālañhi kālikā janā;

Vajirādiñca sakkonti,Tena kālo anagghiko.

12. [Ka]

Asano [Pg.59] hi dīghaddhāno,Sārasāro sugandhiko;

Niggandho tveva nissāro,Dīghaddhānopi simbalī.

[Kha]

Tatheveke [Pg.60] janā loke,Dīghaddhānā susārakā;

Nissārā keci pheggūva,Dīghaddhānāpi goyathā.

13.

Upakāro [Pg.64] cāpakāro,Yasmiṃ gacchati naṭṭhataṃ;

Pāsāṇahadayassassa,Jīvatītyā bhidhāmudhā.

Pasādo nipphalo yassa,Kopocāpi niratthako;

Na taṃ saṅgantu miccheyya,Thīpumāva napuṃsakaṃ.

14.

Upacāro [Pg.69] hi kātabbo,Na yāva sohadaṃ bhave;

Upacāro sumittamhi,Māyā ca hoti koṭilaṃ.

15.

Kamena [Pg.75] aggato ucchu,Raso sādutaro yathā;

Tatheva sumitto loke,Dummitto pana nediso.

16.

Sokārāti [Pg.80] parittāṇaṃ,Vissāsapītibhājanaṃ;

Ratanābhiratanaṃ icche,Sumittaṃ akkharattayaṃ.

17.

Dampatīnaṃ [Pg.85] sumittānaṃ,Mukhaṃ aññoññadappaṇaṃ,Sukhe sukhaṃ dukkhe dukkhaṃ,Paṭicchāyeva dappaṇe.

Kathaṃ [Pg.88] nu tāsaṃ hadayaṃ,Sukharāvata itthiyo;

Yāsāmike dukkhitamhi,Sukhamicchanti attano.

18.

Nivātañca [Pg.90] pure katvā,Mānaṃ katvāna pacchato;

Sakatthaṃ dhāraye dhīro,Atthabhañjo hi muḷhatā.

19.

Purecāraṃ [Pg.94] satiṃ katvā,Saddhaṃ kareyya pacchato;

Turaṃ na saddahe dhīro,Sīghasaddho hi mandako.

20.

Vane 0.0099 bahūni kaṭṭhāni;

Dullabhaṃ rattacandanaṃ;

Tathā janā bahū loke;

Pumā jañño sudullabho.

21.

Tiṇakaṭṭhapalāsehi[Pg.103];

Sukkhehi dayhate vanaṃ;

Etādīhi asārehi;

Loko janehi dayhate.

22.

Antovasse [Pg.107] timāsamhi,Puññakammena moditā;

Sukhaṃ vasiṃsu porāṇā,Buddhasāsanamāmakā.

23.

Migamadena [Pg.111] ekena,Taṃ vanaṃ surabhigandhikaṃ;

Tathā janena taṃ raṭṭhaṃ,Guṇinā hi sirīmatā.

Sarīraṃ [Pg.115] khaṇaviddhaṃsī,Kappantaṭṭhāyino guṇā.

24.

Kharānaṃ [Pg.116] sīhabyagghānaṃ,Saṅgamo no hisabbadā;

Tatheva byagghacittānaṃ,Sajātikā khayonatā.

25.

Saka [Pg.121] sādhupi no sādhū,Yo ceñña duṭṭhakārako;

Bahūnaṃ sādhū pāyena,Sa ve sādhūti vuccate.

26.

Bahūdake [Pg.126] samuddepi,Jalaṃ nattheva pātave;

Khuddake khatakūpamhi,Sāduṃ atthi bahuṃ dakaṃ.

27.

Mā [Pg.130] sīghaṃ vivareyyātha,Nindituñca pasaṃsituṃ;

Mukhañhi vo kathādvāraṃ,Nirundheyyātha sabbadā.

28.

Mā [Pg.134] sīghaṃ vivareyyātha,Cakkhuṃ vo dassituṃ piyaṃ;

Saṇikañhi piyalābhaṃ,Dhanalābhaṃ turaṃ kare.

29.

Anārambho [Pg.138] hi kammānaṃ,Paṭhamaṃ buddhilakkhaṇaṃ;

Niṭṭhaṅgataṃ āraddhassa,Dutiyaṃ buddhilakkhaṇaṃ.

Asamekkhitakammantaṃ[Pg.140],Turitābhinipātinaṃ;

Sāni kammāni tappenti,Uṇhaṃ vajjhohaṭaṃ mukhe.

30.

Aphalāni [Pg.143] durantāni,Janatā ninditāni ca;

Asakyāni ca kammāni,Nārabhetha vicakkhaṇo.

31.

Ativirodhabhītānaṃ[Pg.147],Saṅkitānaṃ pade pade;

Parappavādatāsānaṃ,Dūrato yanti sampadā.

Saddamattaṃ [Pg.150] na bhetabbaṃ,Loko saddassa gocaro;

Yo ca saddaparittāso,Vane bhantamigo hi so.

32.

Dvinnaṃ [Pg.151] taṇḍulathūsānaṃ,Viseso suṭṭhu khāyati;

Randhitopi siniddho no,Thuso virasaphāruso;

Taṇḍulaṃ siniddhaṃ rasaṃ,Evaṃ lokepi ñāyate.

33.

Eraṇḍaṃ [Pg.155] nissitā valli,Ruhate kiṃ yathābalaṃ;

Mahāsālaṃ sunissāya,Ruhate brahataṃ gatā.

34.

Mettā [Pg.160] hi sīmasambhedā,Pakkhapāta vighātikā;

Pakkhapātena dukkhanti,Nippakkho vasate sukhaṃ.

35.

Narā [Pg.164] paññā ca laṅkārā,Yathāṭhāne niyujjare;

No hi cūḷāmaṇi pāde,Pādukā ca siropari.

Ukkuṭṭhe [Pg.167] sūra micchanti;

Mantīsu akutūhalaṃ;

Viyañca annapānamhi;

Atthe jāte ca paṇḍitaṃ.

36.

Pamādo [Pg.169] hi tamo loke,Kālo coro bhayānako;

Kāyagehaṃ bahuchiddaṃ,Kālacorassa coritaṃ.

37.

Cañcalo [Pg.173] kāladāso hi,Dhītimā kālaissaro;

Kālissaro raṭṭhissaraṃ,Ativattati sabbaso.

38.

Viluppanti [Pg.17]8 dhanaṃ eke,Kālameke anekkhakā;

Tesu kālavilopāva,Bhayānakā tikakkhaḷā.

39.

Raññā [Pg.182] raṭṭhahitaṃ kattā,Rañño hitaṃ janehi ve;

Desso attahitaṃ dassī,Gārayho kinnu kārako.

Attadatthaṃ [Pg.189] paratthena;

Bahunāpi na hāpaye.

40.

Yassa upakāro dinno,Upakāraṃ dade puna;

Tato pakāraṃ niccheyya,Kataññū dullabho idha.

Saccaṃ [Pg.190] kireva māhaṃsu,Narā ekacciyā idha;

Kaṭṭhaṃ niplavitaṃ seyyo,Natveve kacciyo naro.

41.

Kāruko [Pg.191] sakapaññāya,Mahagghaṃ dārukaṃ kare;

Tathā janopi attānaṃ,Mahaggho lokamānito.

42.

Appaggho [Pg.196] hi ayo hemaṃ,Mahagghaṃ chindate yathā;

Nigguṇo saguṇaṃ loke,Alakkhīca siriṃ tathā.

Sūrassatīnīti

Dutiyo bhāgo

1.

Dhanassa [Pg.1] dubbidhaṃ kiccaṃ,Pāpeti uṇṇataṃ dhaniṃ;

Adhaniṃ oṇataṃ loke,Sañcine tena taṃ dhanaṃ.

2.

Vaṭṭate [Pg.6] satataṃ sīghaṃ,Kālacakkaṃ avāritaṃ;

Tena ghaṭī dinaṃ māso,Vasso bhavatya cīrato.

3.

Sattunā [Pg.11] na hi sandheyya,Ekadā so bhayaṃ karo;

Sutattamapi pānīyaṃ,Samayate nu pāvakaṃ.

4.

Vijahaṃ [Pg.16] pakatiṃ yo hi,Vikatiṃ puna gacchati;

Sabhāvena ākārena,Vippallāsaṃ sa gacchati;

Saṃsumāra gatā godhā,Yathā thī pumavesikā.

5.

Pakkhaṃ [Pg.20] laddhāna uḍḍenti,Upacikā hi vammikā;

Nikkhantā maraṇaṃ yanti,Uppatā nippataṃ gatā.

6.

Sabbaṃpiyassa [Pg.23] dajjeyya,Nissesaṃ piyamānasaṃ;

Saddhācittaṃ tu no viññū,Saddhāyiko pakkhalito.

7.

Sakkoti [Pg.27] laṅghituṃ byāmaṃ,Mahussāhena yo hi so;

Tadaḍḍhaṃ anussāhena,Nossāho tesu thomito;

Mahussāho dukkho loke,Anussāho sadā sukho.

8.

Dukkhamaṃ [Pg.32] akkhamanto yo,Piṭṭhikārīca dukkaraṃ,Kadā labheyya so loke,Sukhamaṃ sukaraṃ mudhā;

Paccakkhañhi so kareyya,Dukkhamañcāpi dukkaraṃ.

9.

Anaggho [Pg.36] manusso loke,Tosanāposanādinā;

Tena so mahagghaṃ kammaṃ,Kare lokahitāyutaṃ.

10.

Vātena [Pg.41] nappabhijjanti,Ninnā veḷū kasā naḷā;

Yathāvātaṃ nagacchanti,Tathā care jane kadā.

11.

Purato [Pg.44] ca pacchato ce,Nissayo natthi passato;

Adhikaṃ vīriyaṃ hoti,Attanātho tadā bhave.

12.

Khaṇaṃ [Pg.48] ākhubilaṃ sīho,Pāsāṇasakalākulaṃ;

Pappoti nakhabhaṅgaṃvā,Phalaṃvā mūsiko bhave.

13.

Maggamuḷhā [Pg.52] janā andhā,Amaggā maggasaññino;

Tatheva duppaññā muḷhā,Tathatthaṃ nāva bujjhare.

14.

Piyarūpaṃ [Pg.56] vīrarūpaṃ,Duvidhā rūpasampadā,Nāriṃ icche piyarūpiṃ,Purisaṃ vīrarūpakaṃ.

15.

Pajjalanti [Pg.60] hi khajjotā,Pakkhacālanakammunā;

Kusitā supitā nete,Tathā janāpi kammikā.

16.

Kummasaṅkocamopamya[Pg.65],Niggahamapi saṃkhame;

Pattakāle tu nītiñño,Kaṇhasappova uṭṭhahe.

17.

Bhakkhasesaṃ [Pg.69] nakhādanti,Sīhā unnatacetasā;

Paraṃpi napaṇāmenti,Vuddhikāmā tathā care.

18.

Na [Pg.72]va vasso samuppanno,Khīṇo purāṇahāyano;

Navavasse navā mettā,Bhāvitabbā hitesinā.

19.

Santāpayanti [Pg.76] kamayāpyabhujaṃ na rogā,Dummantinaṃ kamupayanti na nītidosā;

Kaṃ srī na mānayati kaṃ na ca hanti maccu,Kaṃ thīkatā na visayā paripīḷayanti.

(Vasantatilakāgāthā.)

20.

(Ka) byāmamattena [Pg.81] daṇḍena,Yolumbya udakaṃ mine;

Agambhīraṃ gambhīraṃvā,Agādhe maññi gambhīraṃ.

(Kha)

Tathā mando saññāṇena,Agādhe maññi paṇḍitaṃ;

Samāsamaṃ na jānāti,Bahvappaṃ tikkhamandataṃ.

21.

Duṭṭhakamme [Pg.86] saṅgamanti,Chekakamme ca no idha;

Maccuṃ vahanti sīsena,Te muḷhā muḷhasaṅgamā.

22.

Duvidho [Pg.91] saṅgamo loke,Ujuko kuṭilo bhave;

Ujukova pasaṃseyyo,Nohyañño sājasaṅgamo.

Te [Pg.93] iminā upāyena samaggā sammodamānā mahā bhittipiṭṭhikāya vasanti. (Mahosadhajātaka aṭṭhakathā)

23.

Yūthikā [Pg.95] pupphate nohi,Siñcitāpi punappunaṃ;

Pupphate sampatte kāle,Evaṃ dhāretha vīriyaṃ.

24.

Dhanuccayo [Pg.101] dhanakkhepo,Duvidhā hi dhanākati;

Dhanuccaye nayo atthi,Dhanakkhepamhi no idha.

25.

Amātā [Pg.105] pitarasaṃ vaḍḍhaṃ,Jūtakārañca cañcalaṃ;

Nālapeyya visesaññū,Yadicche siddhi mattano.

Haliddirāgaṃ [Pg.109] kapicittaṃ,Purisaṃ rāgavirāginaṃ;

Edisaṃ tāta māsevi,Nimmanussaṃpi ce siyā.

26.

Guṇā guṇaññūsu guṇā bhavanti,Te nigguṇaṃ patvā bhavanti dosā;

Āsādyatoyā pabhavanti najjo,Samudramāsajja bhavantyapeyyā.

(Upajātigāthā)

27.

Silārūpaṃ [Pg.113] nimminanti,Koṭṭetvāna punappunaṃ;

Koṭṭakova tathā bālā,Sādhuṃ ovajja nimmitā.

Cāṇakyanītilā gāthā

Lālane [Pg.116] bahavo dosā,Tāḷane bahavo guṇā;

Tasmā puttañca sissañca,Tāḷaye na ca lālaye.

28.

Atītassa [Pg.117] hi mittassa,Yo ce dosaṃ pakāsaye;

So have paccuppannassa,Dosaṃ bhāseti ñāyati.

29.

Latāviya [Pg.121] sevakā te,Ye nissayaṃ palambare;

Nissayassa vināsena,Bhūmyaṃ senti anāthakā.

30.

Dosasiṅgehi [Pg.125] vijjhanto,Mānakhūrehi akkamaṃ;

Bhayaṃ karoti lokamhi,Gova bālo vihiṃsako.

31.

Ādo [Pg.128] upari lokoyaṃ,Ujulekhāya tiṭṭhati;

Musāvātehi taṃlokaṃ,Nipātesi anajjavaṃ.

32.

Sughaṭaṃ [Pg.132] kumbhakārena,Nāraho paribhuñjituṃ;

Tathūpamāya vekkheyya,Sakammaparakammani.

33.

Anantaraṃsī [Pg.136] sūropi,Nasakkoti ghanaṃ tamaṃ;

Vijjhituṃ raṃsiyā loke,Tathā madanamohitā;

Nasakkonti madaṃ bhetvā,Paññābhāya pabhāsituṃ.

34.

Khedaveraṃ [Pg.139] daliddamhi,Bhogimhi rogupaddavaṃ;

Dessaverañca āṇimhi,Passe lokassa veritaṃ.

35.

Saṃladdhena [Pg.144] subhogena,Jīvaṃ suddhaṃ kare nijaṃ;

Seṭṭho so tena jīvena,Jeguccho malajīviko.

36.

Vajira [Pg.148] puppharāgānaṃ,Visesaṃ yo nabujjhati;

Kathañhi so vikkīṇeyya,Kīṇeyya vā yathātathaṃ.

37.

Kippīli [Pg.152] kopi cintetvā,Pabbataṃ bhettu mussahaṃ;

Abalā tanumajjhattā,Cintā hasyāva sā mudhā.

38.

Jātamattaṃ [Pg.155] na yo sattuṃ,Rogañcūpasamaṃ naye;

Mahābalopi teneva,Vuddhiṃpatvā sa haññate.

39.

Sajīvamaṃsabhakkhehi[Pg.159],Sadāṭhīhi mukhehi bho;

Biḷārabyagghasīhānaṃ[Pg.160],Nihīnāni anekadhā;

Tikkhāni kharavādāni,Manussānaṃ mukhāni ve.

40.

Viluppantā [Pg.163] vidhāvanti,Sajīvavuttikammunā;

Janā tena vihaññanti,Caranti dhammavemukhā.

41.

Sulabhaṃ [Pg.167] lokiyaṃ loke,Sāsanīyaṃva dullabhaṃ;

Dullabhaṃ taṃ vamaññanto,Eso bālatamo bhave.

42.

Yo [Pg.172] patittha agyāvāṭaṃ,Mohā taṃ upakārituṃ;

Aññorohi tadā vāṭaṃ,Dutīyo muḷhamuḷhako.

43.

Byaggho [Pg.176] āvudhaviddho hi,Akā duṭṭhāni ninnadaṃ;

Tatheva sādhusatthena,Viddho bālo pakuppito.

44.

Pivanti [Pg.180] lohitaṃ ḍaṃsā,Anto tuṇḍena makkhikā;

Bahiddhā parivārenti,Jano tena ḍaṃsāyaye.

45.

Adhanassa [Pg.184] khaṇo appo,Saddhammo appakālino;

Appako tena yuñjeyyuṃ,Khaṇaṃ bahuṃ labhetave.