නමො තස්ස භගවතො අරහතො සම්මාසම්බුද්ධස්ස

ධම්මනීති

1.

වන්දිත්වා රතනං සෙට්ඨං[Pg.1], නිස්සාය පුබ්බකෙ ගරුං;

නිතිධම්මංපවක්ඛාමි, සබ්බලොකසුඛාවහං.

2.

ආචරියොචසිප්පඤ්ච, පඤ්ඤාසුතංකථාධනං;

දෙසොචනිස්සයොමිත්තං, දුජ්ජනොසුජනොබලං.

3.

ඉත්ථීපුත්තොචදාසොච[Pg.2], ඝරාවාසොකතාකතො;

ඤාතබ්බොචඅලඞ්කාරො, රාජධම්මොපසෙවකො;

දුකාදිමිස්සකොචෙව, පකිණ්ණකොතිමාතිකා.

4.

කින්තෙහිපාදසුස්සසා[Pg.3], යෙසංනත්ථිගරූනිහ;

යෙතප්පාදරජොකිණ්ණා, තෙවසාධූවිවෙකිනො.

5.

විනාගරූපදෙසන්තං, බාලොලඞ්කත්තුමිච්ඡති;

සම්පාපුණෙනවිඤ්ඤූහි, හසභාවංකථංනුසො.

6.

උට්ඨානාඋපට්ඨානාච, සුස්සුසාපරිචාරිකා;

සක්කච්චංසිප්පුග්ගහණං, ගරුංආරාධයෙබුධො.

7.

උපජ්ඣාචරියානඤ්ච[Pg.4], මාතාපිතූනමෙවච;

සක්කච්චංයොනුපට්ඨාති, සුතොපිතස්සතාදිසො.

8.

උපජ්ඣාචරියානඤ්ච, මාතාපිතූනමෙවච;

සක්කච්චංයොඋපට්ඨාති, සුතොපිතස්සතාදිසො;

9.

සම්මාඋපපරික්ඛිත්වා;

අක්ඛරෙසුපදෙසුච;

චොරඝාතොසිස්සොසියා,ගරුචොරට්ටකාරකො.

10.

පණ්ඩිතොසුතසම්පන්නො[Pg.5], යත්ථඅත්ථීති චෙසුතො;

මහුස්සාහෙනතංඨානං, ගන්තබ්බංවසුතෙසිනා.

11.

සුඛංරුක්ඛස්සඡායාව, තතොඤාතිමාතාපිතු;

තතොආචරියොරඤ්ඤො, තතොජිනස්සසාසනං.

12.

පාසාණඡත්තංගරුකං, තතොදෙවානචික්ඛනං;

තතොවුඩ්ඪානමොවාදො, තතොජිනස්සසාසනං.

13.

තුලංසල්ලහුකංලොකෙ[Pg.6], තතොචපලජාතිකො;

තතොවුඩ්ඪානනොවාදො, යතිධම්මෙපමාදකො.

14.

සුතිසම්මුතිසඞ්ඛ්‍යාච, යොගානිතිවිසෙසකා;

ගන්ධබ්බාගණිකාචෙව, ධනුබෙදාචපූරණා.

15.

තිකිච්ඡාඉතිහාසාච[Pg.7], ජොතිමායාචඡන්දති;

කෙතුමන්තාචසද්දාච, සිප්පාට්ඨාරසකාඉමෙ.

16.

අලසස්සකුතොසිප්පං, අසිප්පස්සකුතොධනං;

අධනස්සකුතොමිත්තං, අමිත්තස්සකුතොසුඛං;

අසුඛස්සකුතොපුඤ්ඤං, අපුඤ්ඤස්සකුතොනිබ්බානං.

17.

සිප්පංසමංධනංනත්ථි, සිප්පංචොරානගණ්හන්ති;

ඉධලොකෙසිප්පංමිත්තං, පරලොකෙසුඛාවහං.

18.

බොධපුත්‍රසදාවිත්‍යං[Pg.8], මාඛෙදාචරියංගරුං;

සදෙසෙපූජිතොරාජා, බුධොසබ්බත්ථපූජිතො.

19.

බොධපුත්‍රකිමාලස්සෙ, අබොධොභාරවාහකො;

බොධකොපූජිතො ලොකෙ, බොධපුත්‍රදිනෙදිනෙ.

20.

රූපයොබ්බන්නසම්පන්නා, විසාලකුලසම්භවා;

විත්‍යාහීනානසොභන්ති, නිගන්ධාඉවකිංසුකා.

21.

මාතාසත්‍රුරුපිතාච[Pg.9], බාලකාලෙනසික්ඛිත;

න සොභතිසභාමජ්ඣෙ, හංසමජ්ඣෙබකොයථා.

22.

ගුණොසෙට්ඨඞ්ගතංයාති, නඋච්චෙසයනෙවසෙ;

පාසාදසීඛරෙවාසො, කාකොකිංගරුළොසියා.

23.

සබ්බසුතමධියතෙ, හීනමුක්කට්ඨමජ්ඣිමෙ;

සබ්බස්සඅත්ථංජානෙය්‍ය, නචසබ්බංපයොජයෙ.

24.

නලොකෙසොභතෙමුළ්හො[Pg.10],කෙවලත්තපසංසකො;

අපිසම්පිහිතොකූපෙ,කතවිජ්ජොපකාසිතො.

25.

මදන්තදමනංසත්ථං, ඛලානංකුරුතෙමදං;

චක්ඛුසඞ්ඛාරකංතෙජං, උලූකානමිවන්ධකං.

26.

භොජනංමෙථුනංනිද්දා,ගවෙපොසෙචවිජ්ජති;

විජ්ජාවිසෙසොපොසස්ස,තංහීනොගොසමොභවෙ.

27.

යොසිස්සොසිප්පලොභෙන[Pg.11], බහුංබහුංවගණ්හාති;

මුගොවසුපිනංපස්සං, නසක්කාකථිතුං පරං.

28.

සුස්සුසාසුතවඩ්ඪනා, පඤ්ඤායවඩ්ඪනංසුතං;

පඤ්ඤායඅත්ථංජානන්ති, ඤාතොඅත්ථොසුඛාවහො.

29.

අනාගතංභයංදිස්වා[Pg.12], දූරතොපරිවජ්ජයෙ;

ආගතඤ්චභයංදිස්වා, අභිතොහොතිපණ්ඩිතො.

30.

ලොභංකොධංමදංමානං, තන්දිංඉස්සංපමත්තකං;

සොණ්ඩංනිද්දාලුකංමක්ඛං, මච්ඡෙරඤ්චජහෙබුධො.

31.

සද්ධාහිරිචඔත්තප්පං, බාහුසච්චංවිරංසති;

පඤ්ඤාචසත්තධම්මෙහි, සම්පන්නොපණ්ඩිතොමතො.

32.

දිට්ඨෙධම්මෙචයොඅත්ථො[Pg.13],යොචත්ථොසම්පරායිකො;

අත්ථාභිසමයාධීරො,පණ්ඩිතොතිපවුච්චති.

33.

සභාවසදිසංවාක්‍යං, සභාවසදිසංපියං;

සභාවසදිසංකොධං, යොජානාතිසපණ්ඩිතො.

34.

භූපාලොපණ්ඩිතොනිච්චං, නෙවතුල්‍යොකුදාචනං;

සදෙසෙපූජිතොරාජා, බුධොසබ්බත්ථපූජිතො.

35.

පණ්ඩිතස්සපසංසාය[Pg.14], දණ්ඩොබාලෙනදිය්‍යතෙ;

පණ්ඩිතොපණ්ඩිතෙනෙව, වණ්ණිතොවසුවණ්ණිතො.

36.

අත්තනායදිඑකෙන, විනිථෙනමහාජනා;

විනයංයන්තිසබ්බෙපි, කොධංනාසෙය්‍යපණ්ඩිතො.

37.

සරීරස්සගුණානඤ්ච, දූරමච්චන්තමන්තරං;

සරීරංඛණවිද්ධංසි, ගුණාතුකප්පඨායිනො.

38.

අත්ථංමහන්තමාපජ්ජං, විජ්ජංසම්පත්තිමෙවච;

විචරෙය්‍යාමානථද්ධො, පණ්ඩිතොසොපවුච්චති.

39.

නාලබ්භමතිපත්ථෙන්ති[Pg.15], නට්ඨම්පිනචසොචරෙ;

විප්පත්‍යඤ්චනමුය්හන්ති, යෙනරාතෙවපණ්ඩිතා.

40.

ගණ්ඨිඨානෙඑකපදෙ, නාතිමඤ්ඤෙය්‍යපණ්ඩිතො;

කිමක්කොවෙළුපබ්භාරො, තිමහාදීපභානුදො.

41.

ගුණදොසෙසුනෙකෙන, අත්ථිකොචිවිවජ්ජිතො;

සුඛුමාලපදුමස්ස, නළංභවතිකක්ඛළං.

42.

සුමහන්තානිසත්ථානි, ධාරයන්තාබහුස්සුතා;

ඡෙදායොසංසයානන්තු, ක්ලිස්සන්තිලොභමොහිතා.

43.

දොසංපිසගුණෙදිස්වා[Pg.16], ගුණවාදීවදන්තින;

නලොකොවිජ්ජමානම්පිචන්දෙපස්සතිලඤ්ජනං.

44.

සකිංපිවිඤ්ඤූධීරෙන, කරොතිසහසඞ්ගමං;

අත්තත්ථඤ්චපරත්ථඤ්ච, නිබ්බානන්තංසුඛංලභෙ.

45.

නදීතීරෙට්ඨිතෙකූපෙ, අරණිතාලවණ්ඩකෙ;

නවදාපාදිනත්ථීති, නමුඛෙවචනංතථා.

46.

පණ්ඩිතොඅපුට්ඨොභෙරී[Pg.17], පජ්ජුන්නොහොතිපුච්ඡිතො;

බාලොපුට්ඨොඅපුට්ඨොපි, බහුංවිකත්ථතෙසදා.

47.

ගුණසම්පන්නලඞ්කාරො, සබ්බසත්තහිතාවහො;

පරත්තත්ථංනචරෙය්‍ය, කුතොසොපණ්ඩිතොභවෙ.

48.

සපරත්ථංචරෙධීරො, අසක්කොන්තොසකංචරෙ;

තම්පිචෙවඅසක්කොන්තො, පාපාත්තානංවියොජයෙ.

49.

සබ්බංසුණාතිසොතෙන[Pg.18], සබ්බංපස්සතිචක්ඛුනා;

නචදිට්ඨංසුතංධීරො, සබ්බිච්ඡිතුමරහති.

50.

චක්ඛුමාස්සයථාඅන්ධො, සොතවාබධිරොයථා;

පඤ්ඤාවාපියථාමුගො, බලවාදුබ්බලොරිව;

අථඅත්ථෙසමුප්පන්නෙ, සයෙය්‍යමතසායිතං.

51.

අතිජාතංමනුජාතං, පුත්තමිච්ඡන්තිපණ්ඩිතා;

අවජාතංනඉච්ඡන්ති, යොහොතිකුලඡින්නකො.

52.

තයොවපණ්ඩිතාසත්ථෙ[Pg.19], අහමෙවාතිවාදිච;

අහමපිතිවාදීච, නාහන්තිචඉමෙතයො;

53.

නසාසභායත්ථනසන්තිසන්තො,නතෙසන්තොයෙනවදන්තිධම්මං;

රාගඤ්චදොසඤ්චපහායමොහං,ධම්මංභණන්තාවභවන්තිසන්තො.

54.

බාලෙචුම්මත්තකෙභූපෙ, ගුරුමාතාපිතූස්වපි;

සඞ්ඝෙජෙඨෙචභාතරි, නදොසාකරියාබුධා.

55.

අත්තනාමනොතාපඤ්ච[Pg.20], ඝරෙදුච්චරිතානිච;

වඤ්චනඤ්චඅවමානං, මතිමානපකාසයෙ.

56.

පරදාරංජනෙත්තිංව, ලෙඩ්ඩුංවපරසන්තකං;

අත්තාවසබ්බසත්තානං, යොපස්සතිසපණ්ඩිතො.

57.

සඨෙනමිත්තංකලුසෙනධම්මං,පරොපතාපෙනසමිද්ධිභාවං;

සුඛෙනවිජ්ජංඵරුසෙනනාරිං,ඉච්ඡන්තියෙතෙනචෙවපණ්ඩිතා.

58.

නිපුණෙසුහමෙසෙය්‍ය[Pg.21], විචිනිත්වාසුතත්ථිකො;

සත්තංහුක්ඛලියංපක්කං, භාජනෙපිතථාභවෙ.

59.

වසුංගණ්හන්තිදූරට්ඨා, පබ්බතෙරතනොචිතෙ;

නමිලක්ඛාසමීපට්ඨා, එවංබාලාබහුස්සුතෙ.

60.

හිරඤ්ඤෙනමිගානංව[Pg.22], සුසීලෙනඅසීලිනො;

අධම්මිකස්සධමෙන, බාලානම්පිසුතෙනකිං.

61.

අප්පස්සුතායංපුරිසො, බලිබද්ධොවජීවති;

මංසානිතස්සවඩ්ඪන්ති, පඤ්ඤාතස්සනවඩ්ඪති.

62.

අප්පස්සුතොසුතංඅප්පං, බහුමඤ්ඤතිමානිකො;

සින්ධූදකංඅපස්සන්තො, කූපෙසොයංවමණ්ඩුකො.

63.

තදමිනාපිජානාථ[Pg.23], සොබ්භෙසුපතීරෙසුච;

සණන්තායන්තිකුසොබ්භා, තුණ්හීයන්තිමහොදධී.

64.

සුභාසිතංඋත්තමමාහුසන්තො,ධම්මංභණෙනාධම්මං, තංදුතියං;

පියංභණෙනාපියංතංතතියං,සච්චංභණෙනාලිකංතංචතුත්ථං.

65.

සීහමෙදාසුවණ්ණෙව[Pg.24], නචතිට්ඨන්තිරචතෙ;

පණ්ඩිතානංකථාවාක්‍යං නචතිට්ඨතිදුජ්ජනෙ.

66.

මහාතෙජොපිතෙජොයං, මත්තිකංනමුදුංකරෙ;

ආපොපාපෙතිමුදුකං, සාධුවාචාචකක්ඛළං;

67.

මුදුනාවරිපුංජෙති, මුදුනාජෙතිදාරුණං;

නාසිද්ධිමුදුනාකිඤ්චි, යතොතොමුදුනාජයෙ.

68.

චන්දනං [Pg.25] සීතලං ලොකෙ, තතො චන්දංව සීතලං;

චන්දන චන්ද සීතම්හා, සාධුවාක්‍යං සුභාසිතං.

69.

සීතවාචො බහුමිත්තො, ඵරුසොතු අමිත්තකො;

උපමං එත්ථ ඤාතබ්බා, චන්දසූරියරාජුනං.

70.

පත්තකල්ලොදිතංඅප්පං, වාක්‍යංසුභාසිතංභවෙ;

ඛුද්දිතස්සකදන්නම්පි, භුත්තංසාදුරසොභවෙ.

71.

සත්ථකාපිබහුවාචා[Pg.26], නාදරාබහුභාණිනො;

සොපකාරම්ප්‍යුදාසීනං, නනුදිට්ඨංනදීජලං.

72.

නාතිවෙලංපභාසෙය්‍ය, නතුණ්හිසබ්බදාසියා;

අවිකිණ්ණංමිතංවාක්‍යං, පත්තකාලෙඋදීරයෙ.

73.

ඉච්ඡිතබ්බෙසුකම්මෙසු, වාචායකුසලංමූලං;

වාචායකුසලෙනට්ඨෙ, ඉච්ඡිතබ්බංනසිජ්ඣති.

74.

හත්ථපාදාසිරොපිට්ඨි, කුච්ඡිපඤ්චඉමෙජනා;

මුඛමෙවූපසෙවන්ති, සදාවඅනුසාසිතා.

75.

සද්ධාධනංසීලධනං[Pg.27], හිරිඔත්තප්පියංධනං;

සුතධනඤ්චචාගොච, පඤ්ඤාවෙසත්තමංධනං.

76.

ඉත්ථීනඤ්චධනංරූපං, පුරිසානංධනංකුලං;

උරගානංධනංවිසං, භූපාලානංධනංබලං;

භික්ඛූනඤ්චධනංසීලං, බ්‍රහ්මණානංධනංවිජ්ජා.

77.

නරූපංනචපඤ්ඤාණං[Pg.28], නචකුලඤ්චසම්භවො;

කාලවිප්පත්තිසම්පත්තෙ, ධනමෙවවිසෙසකං.

78.

ධනහීනංචජෙමිත්තා, පුත්තදාරාසහොදරා;

ධනවන්තංවසෙවන්ති, ධනංලොකෙමහාසඛා.

79.

සත්තාසදූපසෙවන්ති, සොදකංවාපිආදිකං;

සභොගංසධනඤ්චෙව, තුච්ඡාතෙචෙජහන්තිතෙ.

80.

අත්තනාවකතාලක්ඛී[Pg.29], අලක්ඛීඅත්තනාකතා;

නහිලක්ඛිංඅලක්ඛිඤ්ච, අඤ්ඤොඅඤ්ඤස්සකාරිතො.

81.

ධනවාජොතියොරාජා, නදීවෙජ්ජොතථාඉමෙ;

පඤ්චයත්ථනවිජ්ජන්ති, නතත්ථදිවසංවසෙ.

82.

යත්ථදෙසෙනසමානො[Pg.30], නපීතිනචබන්ධවො;

නචවිජ්ජාගමොකොචි, නතත්ථදිවසංවසෙ.

83.

අමානනායත්ථසියා, සන්තානංඅවමානනං;

හීනසමානනාවාපි, නතත්ථදිවසංවසෙ.

84.

දෙසමොසජ්ජගච්ඡන්ති, සීහාසප්පුරිසාගජා;

තත්තෙවනිධනංයන්ති, කාකාකාපුරිසාමිගා.

85.

යත්ථාලසොචදක්ඛොච[Pg.31], සූරොභිරුසමපූජා;

නසන්තොතත්ථවසන්ති, අවිසෙසකරෙනකො.

86.

චලත්‍යෙකෙනපාදෙන, තිට්ඨත්‍යෙකෙනපණ්ඩිතො;

නාසමික්ඛ්‍යපරංඨානං, පුබ්බමායතනංචජෙ.

87.

ඨානභට්ඨානසොභන්තෙ, දන්තාකෙසානඛානරා;

ඉතිවිඤ්ඤායමතිමා, සඨානංනලහුංචජෙ.

88.

ගුණොසබ්බඤ්ඤුතුල්‍යොපි, සීදත්‍යෙකොඅනිස්සයො;

අනග්ඝංරතනංමණි, හෙමංනිස්සායසොභතෙ.

89.

නසෙවෙඵරුසංසාමිං, තංපිසෙවෙනමච්ඡරිං;

තතොනිග්ගණ්හිකංසාමිං, නෙවාපග්ගණ්හිකංතතො.

90.

පරොක්ඛෙගුණහන්තාරං[Pg.33], පච්චක්ඛෙපියභාණිනං;

තාදිසංනොපසෙවෙය්‍ය, විසකුම්භංපලොභිතං.

91.

පිට්ඨිතොක්කංනිසෙවෙය්‍ය, නිසෙවෙඅග්ගිකුච්ඡිනා;

සාමීනංසබ්බකායෙන, පරලොකංඅමුළ්හකො.

92.

නසෙවෙකතපාපම්හි, න සෙවාලිකවාදනෙ;

නසෙවෙඅත්තදත්ථම්හි, නසෙවෙඅතිසන්තකෙ.

93.

මහන්තංනිස්සයංකත්වා[Pg.34], ඛුද්දකොපිමහාභවෙ;

හෙමපබ්බතංනිස්සාය, හෙමපක්ඛීභවන්තිතෙ.

94.

අසහායොසමත්තොපි, තෙජසීකිංකරිස්සති;

නිවාතසණ්ඨිතොඅග්ගි, සයමෙවූපසම්මති.

95.

රුක්ඛාසුභූමිනිස්සාය, පුප්ඵඵලංපවඩ්ඪති;

සප්පූරිසූපනිස්සාය, මහාපුඤ්ඤංපවඩ්ඪති.

96.

අනලසොඅචණ්ඩික්කො[Pg.35], අසට්ඨොසුචිසච්චවා;

අලුද්ධොඅත්ථකාමොච, තමුත්තංඋත්තමොනරො.

97.

අහිතෙපටිසෙධොච, හිතෙසුචනියොජකො;

බ්‍යසනෙචාපරිච්චාගො, සඞ්ඛෙපංමිත්තලක්ඛණං.

98.

ආතුරෙබ්‍යසනෙසචෙ[Pg.36], දුබ්භික්ඛෙපරවිග්ගහෙ;

රාජද්වාරෙසුසානෙච, සඞ්ඛෙපංමිත්තලක්ඛිණං.

99.

හිතෙසනොසුමිත්තොච, විඤ්ඤූචදුල්ලභොජනො;

යථොසධඤ්චසාදුඤ්ච, රොගහාරීචසජ්ජනො.

100.

යොධුවානිපරිචජ්ජ, අධුවානොපසෙවති;

ධුවානිතස්සනස්සන්ති, අධුවෙසුකථාවකා.

101.

ලුද්ධමත්ථෙනගණ්හෙය්‍ය[Pg.37], ථද්ධමඤ්ජථිකම්මුනා;

ඡන්දානුවත්තියාමුළ්හං, යථාභූතෙනපණ්ඩිතං.

102.

සච්චාභික්ඛණසංසග්ගා, අසමොසරණෙනච;

එතෙනමිත්තාජිරන්ති, අකාලෙයාචනෙනච.

103.

තස්මානාභික්ඛණංගච්ඡෙ, නචගච්ඡෙචිරාචිරං;

කාලෙනයාචංයාචෙය්‍ය, එවංමිත්තානජීයරෙ.

104.

යෙනමිත්තෙනසංසග්ගා[Pg.38], යොගක්ඛෙමොවිහීයති;

පුබ්බෙවජ්ඣභවංතස්ස, රක්ඛෙය්‍යග්ගිංවපණ්ඩිතො.

105.

යෙනමිත්තෙනසංසග්ගා, යොගක්ඛෙමොපවඩ්ඪති;

කරෙය්‍යත්තසමංවුත්තිං, සබ්බකිච්චෙසුපණ්ඩිතො.

106.

පබ්බෙපබ්බෙකමෙනුච්ඡු, විසෙසරසවාග්ගතො;

තථාසුමෙත්තිකොසාධු, විපරිත්තොවදුජ්ජනො.

107.

තෙනෙවමුනිනාවුත්තං[Pg.39], ධම්මායෙකෙචිලොකියා;

තතාලොකුත්තරාචෙව, ධම්මානිබ්බානගාමිනො.

108.

කල්‍යාණමිත්තමාගම්ම, සබ්බෙතෙහොන්තිපාණිනං;

තස්මාකල්‍යාණමිත්තෙසු, කාතබ්බංහිසදාදරං.

109.

යොහවෙකතඤ්ඤූකතවෙදිධීරො,කල්‍යාණමිත්තෙදළ්හභත්තිචහොති;

දුක්ඛිතස්සසක්කච්චංකරොතිකිච්චං,තබ්භාවංසප්පුරිසංවදන්තිලොකෙ.

110.

හිතකාරොපරොබන්ධු[Pg.40], බන්ධූපිඅහිතොපරො;

අහිතොදෙහජොබ්‍යාධි, හිතමාරඤ්ඤමොසධං.

111.

පදුමංවමුඛයස්ස, වාචාචන්දනසීතලං;

මධුතිට්ඨතිජිව්හග්ගෙ, හදයෙසුහලාහලං;

තාදිසංනොපසෙවෙය්‍ය, තංමිත්තංපරිවජ්ජයෙ.

112.

කත්වානකුසලංකම්මං[Pg.41], කත්වාන, කුසලංපුරෙ;

සුඛිතංදුක්ඛිතංහොන්තං, සොබාලොයොනපස්සති.

113.

කාලක්ඛෙපෙනහාපෙති, දානසීලාදිකංජළො;

අථිරංපිථිරංමඤ්ඤෙ, අත්තානංසස්සතීසමං.

114.

බාලොධපාපකංකත්වා, නතංඡට්ටිතුමුස්සහෙ;

කිංබ්‍යග්ඝආදිගච්ඡන්තො, පදංමක්ඛෙතුමුස්සහෙ.

115.

නිද්ධනොපිචකාමෙති[Pg.42], දුබ්බලොවෙරිකංකරො;

මන්දසත්ථොවිවාදත්ථී, තිවිධංමුළ්හලක්ඛණං.

116.

අනව්හායංගමයන්තො, අපුච්ඡාබහුභාසකො;

අත්තග්ගුණංපසංසන්ති, තිවිධංහීනලක්ඛණං.

117.

යථාචුට්ටම්පරාපක්කා, බහිරත්තකමෙවච;

අන්තොකිමිලපූරණො, එවංදුජ්ජනධම්මතා.

118.

යදූනකංසණතිතං, යංපූරංසන්තමෙවතං;

අඩ්ඪකුම්භුපමොබාලො, යංපූරකුම්භොවපණ්ඩිතො.

119.

බුධෙහිසාසමානොපි[Pg.43], ඛලොබහුතකෙතවො;

ඝංසියමානොපඞ්ගාරො, නිලමත්තංනිගච්ඡති.

120.

මුළ්හසිස්සොපදෙසෙන, කුනාරීභරණෙනච;

ඛලසත්තූහිසංයොගා, පණ්ඩිතොප්‍යවසීදති.

121.

චාරුතාපරදාරාය, ධනංලොකතපත්තියා;

පසුතංසාධුනාසාය, ඛලෙඛලතරාගුණා.

122.

ඉතොහාසතරංලොකෙ[Pg.44], කිඤ්චිතස්සනවිජ්ජති;

දුජ්ජනොතිචයංආහ, සුජනංදුජ්ජනොසයං.

123.

නවිනාපරවාදෙන, රමන්තිදුජ්ජනාඛලු;

නසාසබ්බරසෙභුත්වා, විනාසුද්ධෙනතුස්සති.

124.

තප්පතෙයාතිසම්බන්ධං, ද්‍රවංභවත්‍යවනතං;

මුදුදුජ්ජනචිත්තංන කිංලොහෙනපමීයතෙ.

125.

තස්මාදුජ්ජනසංසග්ගං[Pg.45], ආසිවීසමිවොරගං;

ආරකාපරිවජ්ජෙය්‍ය, භූතකාමොවිචක්ඛණො.

126.

දුජ්ජනෙනහිසංසග්ගං, සත්තුතාපිනයුජ්ජති;

තත්තොවඩය්හත්‍යඞ්ගාරො, සන්තොකාළායතංකරො;

127.

දුජ්ජනොවජ්ජනීයොව, විජ්ජායාලඞ්කතොපිචෙ;

මණිනාලඞ්කතොසන්තො, සබ්බොකිංනුභයංකරො.

128.

අග්ගිනොදහතොදායං, සඛාභවතිමාලුතො;

සොඑවදීපංනාසෙති, ඛලෙනත්ථෙවමිත්තතා.

129.

සබ්බොදුට්ඨොඛලොදුට්ඨො[Pg.46], සබ්බාදුට්ඨතරොඛලො;

මන්තොසධෙහිසොසබ්බො, ඛලොකෙනුපසම්මති.

130.

හදයට්ඨෙනසුතෙන, ඛලොනෙවසුසීලවා;

මධුනාකොටරට්ඨෙන, නිම්බොකිංමධුරොභවෙ.

131.

අසතංසම්පයොගෙන, සන්තොපිඅසන්තොභවෙ;

මග්ගොකචවරයුත්තො, උජුම්පිඅසාධුභවෙ.

132.

පුතිමච්ඡංකුසග්ගෙන[Pg.47], යොනරොඋපනය්හති;

කුසාපිපුතිංවායන්ති, එවංබාලුපසෙවනා.

133.

බාලංනපස්සෙනසුණෙ, නචබාසෙනසංවසෙ;

බාලෙනාලාපසල්ලාපං, නකරෙනචරොචයෙ.

134.

අනයංනෙතිදුම්මෙධො, අධුරායනියුඤ්ජති;

දුන්නයොසෙය්‍යසොහොති, සම්මාවුත්තොපිකුප්පති;

විනයංසොනජානාති, සාධුසෙනඅදස්සනං.

135.

යාවජීවංපිචෙබාලො[Pg.48], පණ්ඩිතංපයිරූපාසි;

නසොධම්මංවිජානාති, දබ්බිසූපරසංයථා.

136.

ඵලංවෙකදලිංහන්ති, හන්තිවෙළුනළංඵලං;

සක්කාරොකාපුරිසංහන්ති, ගබ්භොඅස්සතරිංයථා.

137.

සුනඛොසුනඛංදිස්වා, දන්තංදස්සෙතිහිංසිතුං;

දුජ්ජනොදුජ්ජනංදිස්වා, රොසයංහිංසමිච්ඡති.

138.

මණ්ඩූකොපිනුක්කොසීහො[Pg.49], සුකරොපිනුක්කොදීපි;

බිලාරොසදිසොබ්‍යග්ඝො, දුප්පඤ්ඤොපිනපඤ්ඤවා.

139.

මණ්ඩූකොපිසීහොවිය,කාකොගණ්හෙපිඤ්ඤෙපිඤ්ඤෙ;

බාලොචපණ්ඩිතොවිය,ධීරොපුච්ඡෙවයෙවයෙ.

140.

කාකොදුට්ඨොසකුණෙසු, ඝරෙදුට්ඨොචමූසිකො;

වානරොචවනෙදුට්ඨො, මනුස්සෙසුචබ්‍රහ්මණො.

141.

තිණානිභූමිචොදකං[Pg.50], චතුත්ථංවාක්‍යසුට්ඨුතං;

එතානිහිසතංගෙහෙ, නොඡිජ්ජන්තෙකදාචිපි.

142.

අම්බුංපිවන්තිනොනජ්ජො, රුක්ඛාඛාදන්තිනොඵලං;

මෙඝොකදාචිනොසස්සං, පරත්ථායසතංධනං.

143.

ගුණාකුබ්බන්තිදූතත්තං[Pg.51], දූරෙපිවසතංසතං;

කෙටකෙගන්ධමාඝාය, ගච්ඡන්තිභමරාසයං.

144.

ආකිණ්ණොපිඅසබ්භීධ, අසංසට්ඨොවභද්දකො;

බහුනාසන්නජාතෙන, ගච්ඡෙ නඋම්මත්තකෙන.

145.

පාපමිත්තෙවිවජ්ජෙත්වා, භජෙය්‍යුත්තමපුග්ගලං;

ඔවාදෙචස්සතිට්ඨෙය්‍ය, පත්ථන්තොඅචලංසුඛං.

146.

යථාචපනසාපක්කා, බහිසණ්ඩකමෙවච;

අන්තොඅමතපූරණො, එවං සුජනධම්මතා.

147.

තග්ගරඤ්ජපලාසෙන[Pg.52], යොනරොඋපනය්හති;

පත්තාපිගන්ධංවායන්ති, එවංධීරුපසෙවනා.

148.

ධීරංපස්සෙසුණෙධීරං, ධීරෙනසහසංවසෙ;

ධීරෙනාලාපසල්ලාපං, තංකරෙතඤ්චරොචයෙ.

149.

නයංනයති මෙධාවී, අධුරායනයුජ්ජති;

සුනයොසෙය්‍යසොහොති, සම්මාවුත්තොනකුප්පති;

විනයංසොපජානාති, සාධුතෙනසමාගමො.

150.

අප්පකෙනපිචෙවිඤ්ඤූ[Pg.53], පණ්ඩිතංපයිරූපාසි;

ඛිප්පංධම්මංවිජානාති, ජිව්හාසූපරසංයථා.

151.

බාහුබලඤ්චඅමච්චං, භොගංඅභිජච්චංබලං;

ඉමෙහිචතුබලෙහි, පඤ්ඤාවෙසෙඨතංබලං.

152.

බලංපක්ඛීනමාකාසො[Pg.54], මච්ඡානංඋදකංබලං;

දුබ්බලස්සබලංරාජා, කුමාරානංරුදංබලං.

153.

බලංචන්දොබලංසූරො, බලංසමණබ්‍රහ්මණා;

බලංවෙලංසමුද්දස්ස, බලංතිබලමිත්ථියා.

154.

සපාදානංබලංසීහො, තතොපුළුවකොබලං;

තතොකිප්පිලිකොනරො, රාජාසබ්බෙසමන්තතො.

155.

ගතිමිගානංපවනං, ආකාසොපක්ඛිනංගති;

විරාගොගතිධම්මානං, නිබ්බානාරහතංගති.

156.

චරෙය්‍යකුලජංපඤ්ඤො[Pg.55], විරූපමවිකඤ්ඤකං;

හීනායපිසුරූපාය, විවාහසදිසංකරෙ.

157.

සාමාමිගක්ඛීසුකෙසී, තනුමජ්ඣිමදන්තවා;

දස්සනීයාමුඛවණ්ණා, ගම්භීරනාභිවාචකා;

සුසීලාවායමතිච, හීනකුලංපිවාහයෙ.

158.

සුත්තොමාතාවභොජෙසි[Pg.56], භරණෙසුචධාතියො;

කම්මෙසුසකපන්ති ච, කතකම්මෙසුධාතිනං.

159.

ධම්මෙසුපතිට්ඨානිච්චං, සයනෙසුචවණ්ණිභා;

කුලෙසුභාතරංවාචී, යානාරීසෙට්ඨසම්මතා.

160.

යොනංභරතිසබ්බදා[Pg.57], නිච්චංආතාපිඋස්සුකො;

සබ්බකාමහරංපොසං, භත්තාරංනාතිමඤ්ඤති.

161.

නචාපිස්වත්ථිභත්තාරං, ඉච්ඡාචාරෙනරොසයෙ;

භත්තුචගරුනොසබ්බෙ, පතිපූජෙතිපණ්ඩිතා.

162.

උට්ඨාහිකාඅනලස්සා, සඞ්ගාහිකාපරිජනෙ;

භත්තුමනාපංචරති, සම්භතමනුරක්ඛති.

163.

එවංවත්තතියානාරී, භත්තුඡන්දවසානුගා;

මනාපානාමතෙදෙවා, යත්ථසාඋපපජ්ජති.

164.

ඉත්ථියෙකච්චියොවාපි[Pg.58], සෙය්‍යාවුත්තාවමුනිනා;

භණ්ඩානංඋත්තමාඉත්ථී, අග්ගුපට්ඨායිකාතිපි.

165.

මාතරාධීතරාවාපි, භගිනියාවිචක්ඛණො;

නවිවිත්තාසනෙමන්තෙ, නාරීමායාවිනීනනු.

166.

විජ්ජුතානඤ්චලොලත්තං, සත්ථානඤ්චාතිතික්ඛණං;

සිඞ්ඝතංවායුතෙජානං, අනුකුබ්බන්තිනාරියො.

167.

දිගුණොථීනමාහාරො[Pg.59],බුද්ධිචාපිචතුග්ගුණො;

ඡගුණොහොතිවායාමො,කාමොත්වට්ඨගුණොභවෙ.

168.

එකමෙකායඉත්ථියා, අට්ඨඅට්ඨපතිනොසියුං;

සූරොචපලවන්තොච, සබ්බකාමරසාහරා;

කරෙය්‍යනවමෙඡන්දං, උන්නත්තාහිනපූරති.

169.

විවාදසීලීඋස්සුයා[Pg.60], පස්සන්තතණ්හිකාගතා;

අමිතාභුඤ්ජනානිද්දා, සතංපුත්තංපිතංජහෙ.

170.

ලපන්තීසද්ධිමඤ්ඤෙන, පස්සන්තඤ්ඤංසවිබ්භමා;

චිත්තකංචින්තයන්තඤ්ඤං, නාරීනංනාමකොපියො.

171.

ගණ්හෙය්‍යවාතංජාලෙන, සාගරමෙකපාණිනා;

ඔසිඤ්චෙය්‍යචතාළෙන, සකෙනජනයෙරවං;

පමාදාසුවිසජ්ජෙය්‍ය, ඉත්ථියෙසාවධම්මතා.

172.

ජිව්හාසහස්සිකොයොහි[Pg.61], ජීවෙවස්සසතංනරො;

තෙනනිකම්මුනාවුත්තො, ථිදොසොකිංඛයංගතො.

173.

පඤ්චඨානානිසම්පස්සං[Pg.62], පුත්තමිච්ඡන්තිපණ්ඩිතා;

භතොවානොභරිස්සති, කිච්චංවානොකරිස්සති.

174.

කුලවංසොචිරංතිට්ඨෙ, දායජ්ජංපතිපජ්ජති;

අථවාපනපෙතානං, දක්ඛිණානුපදස්සති.

175.

අතිජාතමනුජාතං, පුත්තමිච්ඡන්තිපණ්ඩිතා;

අවජාතංනඉච්ඡන්ති, යොහොතිකුලඡින්නකො.

176.

එකූදරසමුප්පන්නා, නභවන්තිසමස්සමා;

නානාවණ්ණානානාචරා, යථාබදරකණ්ඩකා.

177.

අදම්මෙබහවොදොසෙ[Pg.63], දම්මෙතුබහවොගුණෙ;

තස්මාපුත්තඤ්චසිස්සඤ්ච, දම්මකාලෙවදම්මයෙ.

178.

ඔවාදෙය්‍යානුසාසෙය්‍ය,අසප්පායානිවාරයෙ;

දන්තොහියොපියොහොති,අදන්තොහොතිඅප්පියො.

179.

පුත්තංවාභාතරංදුට්ඨං, අනුසාසෙය්‍යනොජහෙ;

කිංනුඡෙජ්ජංහත්ථපාදං, ලිත්තඅසුචිනාසියා.

180.

අන්තොජාතොධනක්කිතො[Pg.64], දාසබ්‍යොපගතොසයං;

දාසාකරමරානිතො, ඉච්චෙවංචතුධාසියුං.

181.

දාසාපඤ්චෙවචොරය්‍ය, සඛඤාතත්තසදිසා;

තථාවිඤ්ඤූහිවිඤ්ඤෙය්‍ය, මිත්තාදාරාචබන්ධවා.

182.

දුට්ඨදාරෙනඅමිත්‍යා[Pg.65], දාසොචුත්තරවාචකො;

සසප්පෙචඝරෙවාසො, මච්චුමෙවනසංසයො.

183.

යසංලාභංපත්ථයන්තං, නරංවජ්ජන්තිදූරතො;

තස්මාඅනපෙක්ඛිත්වාන, තංමග්ගංමග්ගයෙබුධො.

184.

ඛලංසාලංපසුංඛෙත්තං[Pg.66], ගන්තාචස්සඅභික්ඛණං;

මිතංධඤ්ඤංනිධාපෙය්‍ය, මිතඤ්චපාචයෙඝරෙ.

185.

අඤ්ජනානංඛයංදිස්වා, වම්මිකානඤ්චසඤ්චයං;

මධූනඤ්චසමාහාරං, පණ්ඩිතොඝරමාවසෙ.

186.

සයංආයංවයංජඤ්ඤා, සයංජඤ්ඤාකතාකතං;

නිග්ගණ්හෙනිග්ගණ්හාරහං, පග්ගණ්හෙපග්ගණ්හාරහං.

187.

එකයාමොනරාධිප්පො[Pg.67],ද්වියාමොපණ්ඩිතොනරො;

තයොයාමොඝරාවාසොච,චතුයාමොචදුග්ගතො.

188.

යොචබන්ධුහිතෙයුත්තො,සොපිතායොචපොසකො;

තංමිත්තංයත්ථවිසාසො,භරියායත්ථනිබ්බුති.

189.

සද්ධාපෙමෙසුසන්තෙසු, නගණෙමාසකංසතං;

සද්ධාපෙමෙඅසන්තෙසු, මාසකංපිසතංගණෙ.

190.

යාචකොඅපියොහොති[Pg.68], යාචංඅදදමප්පියං;

තස්මාසෙට්ඨනරොලොකෙ, ධනංසිප්පංපරිග්ගහෙ.

191.

සබ්බදාපිධනංරක්ඛෙ, දාරංරක්ඛෙධනංපිච;

දාරංධනඤ්චඅත්තානං, රක්ඛායෙවසදාභවෙ.

192.

නසාධාරණදාරස්ස, නභුඤ්ජෙසාදුමෙකකො;

නසෙවෙලොකායතිකං, නෙතංපඤ්ඤායවඩ්ඪනං.

193.

සීලවාවත්තසම්පන්නො[Pg.69], අප්පමත්තොවිචක්ඛණො;

නිවාතවුත්තිඅථද්ධො, සූරතොසඛිලොමුදු.

194.

සඞ්ගහෙතාවමිත්තානං, සංවිභාගීවිජානවා;

තප්පෙය්‍යඅන්නපානෙන, සදාසමණබ්‍රහ්මණා.

195.

ධම්මකාමොසුතද්ධරො, භවෙය්‍යපරිපුච්ඡාකො;

සක්කච්චංපයිරූපාසෙ, සීලවන්තෙබහුස්සුතෙ.

196.

පුබ්බසිරොසිමෙධාවී[Pg.70], දීඝායුදක්ඛිණංසිරො;

පච්ඡිමොචිත්තසන්තොසි, මරණංඋත්තරොභවෙ.

197.

ආයුමාපාචිනංමූඛං, ධනවාදක්ඛිණංභවෙ;

පච්ඡිමංයසසීභුඤ්ජෙ, නොභුඤ්ජෙඋත්තරංමුඛං;

198.

භුත්වානිසීදනංථූලං, තිට්ඨන්තොබලවඩ්ඪනො;

ආයුමාචඞ්කමොසියා, ධාවන්තොරොගවජ්ජිතො.

199.

යොචසිතඤ්චඋණ්හඤ්ච[Pg.71], තිණාභිය්‍යොනමඤ්ඤති;

කරංපුරිසකිච්චානි, සොසුඛානවිහායති.

200.

විසම්හාමතමාදෙය්‍ය, අසුද්ධම්හාපිකඤ්චනං;

නීචම්හාප්‍යුත්තමොවිජ්ජං, රතනථිංපිදුක්කුලා.

201.

ගුය්හමත්ථමසම්බුද්ධං, සම්බොධයතියොනරො;

මන්තභෙදභයාතස්ස, දාසභූතොතිතික්ඛති.

202.

අඤ්ඤාතවාසවසතා, ජාතවෙදසමෙනපි;

ඛමිතබ්බංසපඤ්ඤෙන, අපිදාසස්සතජ්ජිතං.

203.

ධනධඤ්ඤපයොගෙසු[Pg.72], තථාවිජ්ජාගමෙසුච;

දූතෙචබ්‍යාහාරෙසු, චත්තොලජ්ජංසදාභවෙ.

204.

නහිකොචිකතෙකිච්චෙ, කත්තාරංසමපෙක්ඛතෙ;

තස්මාසබ්බානිකම්මානි, සාවසෙසානිකාරයෙ.

205.

උපකාරංහිතෙනෙව, සත්තුනාසත්තුමුද්ධරෙ;

පාදලග්ගංකරට්ඨෙන, කණ්ඩකෙනෙවකණ්ඩකං.

206.

නමෙනමන්තස්සභජෙභජන්තං[Pg.73],කිච්චානිකුබ්බස්සකරෙය්‍යකිච්චං;

නානත්ථකාමස්සකරෙය්‍යඅත්ථං,අසම්භජන්තංපිනසම්භජෙය්‍ය.

207.

වජෙචජන්තිසිනෙහාකිරියා,අපෙමචිත්තෙන නසම්භජෙය්‍ය;

දිජොවදුමංඛිණඵලංඤත්වා,අඤ්ඤංඅපෙක්ඛෙය්‍යමහාහිලොකො.

208.

චජෙඑකංකුලස්සත්ථං, ගාමස්සත්ථංකුලංචජෙ,ගාමංජනපදස්සත්ථං, අත්තත්ථංපථවිංචජෙ.

209.

ධනංචජෙඅඞ්ගංවරස්සහෙතු[Pg.74],අඞ්ගංචජෙජීවිතංරක්ඛමානො;

ධනංඅඞ්ගංජීවිතඤ්චාපිසබ්බං,චජෙනරොධම්මමනුස්සරන්තො.

210.

අහාගච්ඡන්තිහායන්තා, සත්තානමිහජීවිතං;

තස්මාහිමාපමත්තතං, ගච්ඡන්තුජිනසාසනෙ.

211.

එතෙසිය්‍යොසමායන්ති[Pg.75], සන්තිතෙසංනජීරති;

යොඅධිප්පන්නංසහති, යොචජානාතිදෙසනං.

212.

අග්ගිආපොඉත්ථීමුළ්හො, සප්පොරාජකුලානිච;

පයතනොවගන්තබ්බො, මච්චුපාණහරානිති.

213.

සත්ථංසුනිච්ඡිතමපීතිවිචින්තනීයං,සාරාධිතොප්‍යවනිපොපරිසඞ්කනීයො;

හත්ථඞ්ගතාපියුවතීපරිරක්ඛනීයා,සත්ථාවනීපයුවතීසුකුතොවසීතං.

214.

උස්සාහොරිපුවමිත්තං[Pg.76], අලසොමිත්තංවරිපු,විසංවියාමතංවිජ්ජා, පමාදොඅමතංවිසං.

215.

වහෙඅමිත්තංඛන්ධෙන, යාවකාලෙඅනාගතෙ;

තමෙවආගතෙකාලෙ, භින්දෙකුම්භංවසිලායං.

216.

සිඞ්ගිංපඤ්ඤාසහත්ථෙන[Pg.77], සතෙනවාහනංචජෙ;

හත්ථීනන්තුසහස්සෙන, දෙසචජ්ජෙනදුජ්ජනං.

217.

පච්චක්ඛෙගරවොසංසෙ, පරොක්ඛෙමිත්තබන්ධවෙ;

කම්මන්තෙචදාසභච්චෙ, පුත්තදාරෙසංසෙමතෙ.

218.

සිනෙසිප්පංසිනෙධනං, සිනෙපබ්බතමාරුහෙ;

සිනෙකාමොචකොධොච, ඉමෙපඤ්චසිනෙසිනෙ.

219.

සතංචක්ඛුසතංකණ්ණා[Pg.78], නායකස්සසුතොසදා;

තථාපිඅන්ධබධිරො, එසානායකධම්මතා.

220.

බහූනංඅප්පසාරානං, සාමග්ගියාතිදුජ්ජයො;

තිණෙනවට්ටතෙරජ්ජු, තෙනනාගොපිබන්ධතෙ.

221.

උප්පජ්ජතෙසචෙකොධො, ආවජ්ජෙකකචූපමං;

උප්පජ්ජතෙරසෙතණ්හා, පුත්තමංසූපමංසරෙ.

222.

දානංසිනෙහභෙසජ්ජං, මච්ඡෙරංදොසනොසධං;

දානංයසස්සිභෙසජ්ජං, මච්ඡෙරංකප්පනොසධං.

223.

ධනමිච්ඡෙවණිජ්ජෙය්‍ය[Pg.79], සිප්පමිච්ඡෙබහුස්සුතෙ;

පුත්තමිච්ඡෙනාරිකඤ්ඤෙ, රාජාමච්චංඉච්ඡාගතෙ.

224.

මහන්තංවට්ටරුක්ඛාදිං, ඛුද්දබීජංබහුප්ඵලං;

සක්ඛිංකත්වාඋදික්ඛෙය්‍ය, පුඤ්ඤපාපංකරොනරො.

225.

ගරුකාතබ්බපොසෙසු, නීචවුත්තිංකරොතියො;

නීචත්තංසොපහන්ත්වාන, උත්තමත්ථෙපතිට්ඨති.

226.

උත්තමංපණිපාතෙන[Pg.80], සූරංභෙදෙනවිජයෙ;

හීනමප්පපදානෙන, වික්කමෙනසමංජයෙ.

227.

නත්තදොසංපරෙජඤ්ඤා, ජඤ්ඤාදොසංපරස්සතු;

කුම්මොගුය්හාඉවඞ්ගානි, පරභාවඤ්චලක්ඛයෙ.

228.

උස්සූරසෙය්‍යංආලස්‍යං[Pg.81], චණ්ඩික්කංදීඝසුත්තියං;

එකස්සද්ධානගමනං, පරදාරුපසෙවනං;

එතංබ්‍රහ්මණස්සෙවස්සු, අනත්ථායභවිස්සති.

229.

සුරායොගොවිකාලොච, සමජ්ජානඝරඞ්ගතො;

ඛිඩ්ඩධුත්තොපාපමිත්තො, අලසොසොඉමෙජනා;

මහාභොගාවිනස්සන්ති, හීනභාවස්සිදංඵලං.

230.

අතිසීතංඅතිඋණ්හං, අතිසායමිදංඅහු;

ඉතිවිස්සට්ඨකම්මන්තෙ, ඛණාඅච්චන්තිමාණවෙ.

231.

පරනාසනතොනට්ඨො[Pg.82], පුරෙවපරනාසකො;

සිඞ්ඝංවආනසංයාති, තිණොපාසාදඣාපකො.

232.

නවිසාසෙඅමිත්තස්ස, මිත්තඤ්චාපිනවිසාසෙ;

කදාචිකුප්පිතොමිත්තො, සබ්බදොසපකාසකො.

233.

කුදෙසඤ්චකුමිත්තඤ්ච, කුසම්බන්ධංකුබන්ධවං;

කුදාරඤ්චකුරාජානං, දූරතොපරිවජ්ජයෙ.

234.

කක්කටොඅසීසොයාති[Pg.83], සබ්බාපදොවගච්ඡති;

අථනීකුක්කුටීපුත්තා, පුරිසෙනාවමඤ්ඤරෙ.

235.

හීනපුත්තොරාජාමච්චො, බාලපුත්තොපිපණ්ඩිතො;

අධනස්සපුත්තොසෙට්ඨි, පුරිසෙනාවමඤ්ඤරෙ.

236.

යෙනමිච්ඡතිසම්බන්ධං, තෙනතීණිනකාරයෙ;

විවාදමත්ථසම්බන්ධං, පරොක්ඛෙදාරදස්සනං.

237.

ඉණසෙසොඅග්ගිසෙසො[Pg.84],සත්‍රුසෙසොතථෙවච;

පුනප්පුනම්පිවඩ්ඪන්ති,තස්මාසෙසංනකාරයෙ.

238.

කුලජාතොකුලපුත්තො, කුලවංසසුරක්ඛිතො;

අත්තනාදුක්ඛපත්තොපි, හීනකම්මංනකාරයෙ.

239.

සමිද්ධොධනධඤ්ඤෙන, නකට්ඨොදතිණග්ගිහි;

සබ්බතොදුග්ගතොනට්ඨො, තස්මානදුක්කටංකරෙ.

240.

නගණස්සග්ගථොගච්ඡෙ[Pg.85], සිද්ධෙකම්මෙසමංඵලං;

කම්මවිප්පත්තිචෙහොති, ඵරුසංතස්සභාසයෙ.

241.

බාලක්කොපෙතධූමොච, වුඩ්ඪිත්ථිපල්ලලොදකං;

ආයුක්ඛයකරංනිච්චං, රත්තොචදධිභොජනං.

242.

ඉත්ථීනංදුජ්ජනානඤ්ච, විසාසොනොපපජ්ජතෙ;

විසෙසිගිම්හිනදියං, රොගෙරාජකුලම්හිච.

243.

අයුත්තකම්මාරභනංවිරොධො[Pg.86],සඞ්ඝස්සයුද්ධඤ්චමහාබලෙහි;

විසාසකම්මංපමදාසුනිච්චං,ද්වාරානිමච්චුස්සවදන්තිවිද්වා.

244.

ථියොසෙවෙය්‍යනච්චන්තං, සාදුභුඤ්ජෙය්‍යනාහිතං;

පූජයෙමානයෙවුඩ්ඪෙ, ගරුංමායායනොභජෙ.

245.

විනාසත්ථංනගච්ඡෙය්‍ය, සූරොසඞ්ගාමභූමියං;

පණ්ඩිත්වද්ධගූවාණිජ්ජො, විදෙසගමනොතථා.

246.

දෙහීතිවචනද්වාරා[Pg.87], දෙහට්ඨාපඤ්චදෙවතා;

සජ්ජනිය්‍යන්තිධිකිත්ති, මතිහීරිසිරීපිච.

247.

නත්ථීතිවචනංදුක්ඛං, දෙහීතිවචනංතථා;

වාක්‍යනත්ථීතිදෙහීති, මාභවෙය්‍යභවාභවෙ.

248.

යත්ථවොසංනජානන්ති, ජාතියාවිනයෙනවා;

නතත්ථමානංකිරියා, ජනෙවසමඤ්ඤාතකෙ.

249.

මාතාහීනස්සදුබ්භාසා[Pg.88], පිතාහීනස්සදුක්‍රියා;

උභොමාතාපිතාහීනා, දුබ්භාසාචදුක්කිරියා.

250.

මාතාසෙට්ඨස්සසුභාසා,පිතාසෙට්ඨස්සසුකිරියා;

උභොමාතාපිතාසෙට්ඨා,සුභාසාචසුකිරියා.

251.

අතිදීඝොමහාමුළ්හො[Pg.89], මජ්ඣිමොචවිචක්ඛණො;

වාසුදෙවංපුරෙක්ඛිත්වා, සබ්බෙවාමනකාසඨා.

252.

ආචාරොකුලමක්ඛාති, දෙසමක්ඛතිභාසිතං;

සම්භවොපෙමමක්ඛාති, දෙහමක්ඛාතිභොජනං.

253.

ජලප්පමාණංකුමුදනාළං,කුලප්පමාණංකරණකම්මං;

පඤ්ඤාපමාණංකථිතවාක්‍යං,භූමිප්පමාණංභජ්ජලතිණං.

254.

ජවෙනභද්‍රංජානන්ති[Pg.90], වහෙනචබලිබද්ධං;

දුහෙනධෙනුජානන්ති, භාසමානෙනපණ්ඩිතං.

255.

ජානෙය්‍යපෙසනෙභච්චං බන්ධවංපිභයාගමෙ,බ්‍යසනෙචතථාමිත්තං, දාරඤ්චවිභවක්ඛයෙ.

256.

විනාසත්ථංනජානන්ති, කාලංසබ්බෙපිජොතිකා;

කුක්කුටාපනජානන්ති, තතොරුක්ඛාතතොභ්වාපා.

257.

පථවීභූසනංමෙරු[Pg.91], රත්තියාභූසනංසසී;

ජනානංභූසනංරාජා, සෙනානංභූසනංගජො.

258.

සීලතාසොභතෙරූපං,චාරිතාසොභතෙකුලං;

සපුප්ඵාසොභතෙරඤ්ඤං,සගජාසොභතෙබලං.

259.

කොකිලානංසද්දංරූපං[Pg.92], නාරීරූපංපතිබ්බතං;

විජ්ජාරූපංඅරූපානං, ඛමාරූපංතපස්සිනං.

260.

කිසාසොභාතපස්සීච,ථූලාසොභාචතුප්පදා;

විජ්ජාසොභාමනුස්සාච,ඉත්ථීසොභාචසාමිකා.

261.

රත්තිහීනොනචන්දරො, ඌමිහීනොනසාගරො;

හංසහීනොනසංඵුල්ලො, ඉත්ථිහීනොනපුරිසො.

262.

වත්ථහීනංනලඞ්කාරං[Pg.93], පතිහීනානනාරිකා;

සිප්පහීනොනපුරිසො, ධෙනුහීනංනභොජනං.

263.

දීපකෙදීපකොචන්දො, නාරිකෙදීපකොපති;

තිලොකෙදීපකොධම්මො, සුපුත්තොකුලදීපකො.

264.

අපුත්තකංඝරංසුඤ්ඤං, දෙසංසුඤ්ඤංඅරාජිකං;

අපඤ්ඤස්සමුඛංසුඤ්ඤං, සබ්බසුඤ්ඤංදලිද්දකං.

265.

සොතංසුතෙනෙවනකුණ්ඩලෙන[Pg.94],දානෙනපාණීනතුකඞ්කණෙන;

ආභාතිකායොපුරිසුත්තමස්ස,පරොපකාරෙනනචන්දනෙන.

266.

දානංසීලංපරිච්චාගං[Pg.95], අජ්ජවංමද්දවංතපං;

අකොධංඅවිහිංසඤ්ච, ඛන්තීචඅවිරොධනං;

දසෙතෙධම්මෙරාජානො, අප්පමත්තෙනධාරෙය්‍යුං.

267.

දානංඅත්ථචරියාපිය, වාචාඅත්තසමංපිච;

සඞ්ගහාචතුරොඉමෙ, මුනින්දෙනපකාසිතා.

268.

වනෙමිගානලභන්ති, මතාභයානිද්දසුඛං;

රාජානොපිනලභන්ති, උත්තරථාමභීතතො;

සංසාරභයභිතෙන, නරමන්තියෙපණ්ඩිතා.

269.

ඛමාජාගරියුට්ඨානං[Pg.96], සංවිභාගොදයික්ඛනා;

නායකස්සගුණාඑතෙ, ඉච්ඡිතබ්බාහිතත්ථිනො.

270.

පරිභූතොමුදුහොති, අතිතික්ඛඤ්චවෙරවා;

එතඤ්චඋභයංඤත්වා, අනුමජ්ඣංසමාචරෙ.

271.

නෙකන්තමුදුනාසක්කා, එකන්තතිඛිණෙනවා;

මහත්තෙට්ඨපිතුඅත්තං, තස්මාඋභයමාචරෙ.

272.

කස්සකොවාණිජොමච්චො[Pg.97], සමණොසුතසීලවා;

තෙසුවිපුලජාතෙසු, රට්ඨංපිවිපුලංසියා.

273.

තෙසුදුබ්බලජාතෙසු, රට්ඨංපිදුබ්බලංසියා;

සරට්ඨංවිපුලංතස්මා, ධාරෙය්‍යරට්ඨභාරවා.

274.

මහාරුක්ඛස්සඵලිනො, ආමංඡින්දතියොඵලං;

රසඤ්චස්සනජානාති, බීජඤ්චස්සවිනස්සති.

275.

මහාරුක්ඛූපමංරට්ඨං, අධම්මෙනපසාසති;

රසඤ්චස්සනජානාති, රට්ඨඤ්චාපිවිනස්සති.

276.

මහාරුක්ඛස්සඵලිනො[Pg.98], පක්කංඡින්දතියොඵලං;

රසඤ්චස්සවිජානාති, බීජඤ්චස්සනනස්සති.

277.

මහාරුක්ඛූපමංරට්ඨං, ධම්මෙන යොපසාසති;

රසඤ්චස්සවිජානාති, රට්ඨඤ්චාපිනනස්සති.

278.

යොචරාජාජනපදං, අධම්මෙනපසාසති;

සබ්බොසධීහිසොරාජා, විරුද්ධොහොතිඛත්තියො.

279.

තථෙවනෙගමෙහිංසං[Pg.99], යෙයුත්තාකයවික්කයෙ;

ඔජාදානබලිකාරෙ, සකොසෙනවිරුජ්ඣති.

280.

පහාරවරඛෙත්තඤ්ඤූ, සඞ්ගාමෙකතනිස්සමෙ;

උස්සිතෙහිංසයංරාජා, සබලෙනවිරුජ්ඣති.

281.

තථෙවඉසයොහිංසං, සංයමෙබ්‍රහ්මචාරියො;

අධම්මචාරිඛත්තියො, සසග්ගෙනවිරුජ්ඣති.

282.

සයංකතානපරෙන[Pg.100], මහානජ්ජොජුවඞ්කතා;

ඉස්සරෙනතථාරඤ්ඤා, සරට්ඨෙඅධිපච්චත්තා.

283.

පුත්තොපාපංකතොමාතා,සිස්සොපාපංකතොගරු;

නාගරෙහිකතොරාජා,රාජාපාපංපුරොහිතො.

284.

පුඤ්ඤාපුඤ්ඤංකරොන්තෙසු, ඡභාගොඑකදෙසකං;

රාජාලභතිසබ්බෙහි, තස්මාපාපානිවාරයෙ;

පුඤ්ඤමෙවපවඩ්ඪෙන්තො, ජනකායංපසාසයෙ.

285.

බාලස්සජීවිතංඅප්පං[Pg.101], පණ්ඩිතස්සබහුතරං;

ජනකායස්සරාජාව, රාජධම්මොවරාජුනං.

286.

අනායකාවිනස්සන්ති, නස්සන්තිබහුනායකා;

ථිනායකාවිනස්සන්ති, නස්සන්තිසුසුනායකා.

287.

කච්ඡපීනඤ්චමච්ඡීනං, කුක්කුටීනඤ්චධෙනුනං;

පුත්තපොසොයථාහොති, තථාමච්චෙසුරාජුනං.

288.

නහිරාජකුලංපත්තො[Pg.102], අඤ්ඤාතොලභතෙයසං;

නාසූරොනාතිදුම්මෙධො, නපමත්තොකුදාචනං.

289.

යදාසීලඤ්චපඤ්ඤඤ්ච[Pg.103], සොචෙය්‍යඤ්චාධිගච්ඡති;

අථවිසාසිතොතම්හි, ගුය්හඤ්චස්සනරක්ඛති.

290.

දිවාවායදිවාරත්තිං, රාජකිච්චෙසුපණ්ඩිතො;

අජ්ඣිට්ඨොනවිකප්පෙය්‍ය, සරාජවසතිංවසෙ.

291.

නරඤ්ඤාසමකංවත්ථං, නමාලංනවිලෙපනං;

ආකප්පංසරකුත්තිංවා, නරඤ්ඤාසදිසමාචරෙ.

292.

කිළෙරාජාඅමච්චෙහි[Pg.104], භරියාපරිවාරිතො;

නාමච්චොරාජභරියා, භාවංකුබ්බෙථපණ්ඩිතො.

293.

අනුද්ධතොඅචපලො, නිපකොසංවුතින්ද්‍රියො;

මනොපණිධිසම්පන්නො, සරාජවසතිංවසෙ.

294.

නාස්සභරියාකිළෙය්‍ය, නමන්තෙය්‍යරහොගතො;

නාස්සකොසෙධනංගණ්හෙ, සරාජවසතිංවසෙ.

295.

න [Pg.105] නිද්දංබහුංමඤ්ඤෙය්‍ය, නමදායසුරංපිවෙ;

නාසදායෙමිගෙහඤ්ඤෙ, සරාජවසතිංවසෙ.

296.

නාස්සපිට්ඨංනපල්ලඞ්කං, නකොච්ඡංනනාවංරථං;

සම්මතොම්හීතිආරුළ්හෙ, සරාජවසතිංවසෙ.

297.

නාතිදූරෙභජෙරඤ්ඤො, නච්චාසන්නෙවිචක්ඛණො;

සමුඛාචස්සතිට්ඨෙය්‍ය, සන්තසන්තොසභත්තුනො.

298.

නමෙරාජාසඛාහොති [Pg.106]6, නරාජාහොතිමෙථුනො;

ඛිප්පංකුජ්ඣන්තිරාජානො, සුලෙනක්ඛිවඝට්ටිතං.

299.

නපූජිතොමඤ්ඤමානො, මෙධාවීපණ්ඩිතොනරො;

ඵරුසංපතිමන්තෙය්‍ය, රාජානංපරිසංගතං.

300.

ලද්ධද්වාරොලභෙද්වාරං, නෙවරාජූසුවීසයෙ;

අග්ගිංවසංයතොතිට්ඨෙ, සරාජවසතිංවසෙ.

301.

පුත්තංවාභාතරංවාපි[Pg.107], සම්පග්ගණ්හාතිඛත්තියො;

ගාමෙහිනිගමෙහිවා, රට්ඨෙහිජනපදෙහි;

තුණ්හිභූතොවුදික්ඛෙය්‍ය, නභණෙඡෙකපාපකං.

302.

හත්ථාරොහෙඅනිකට්ඨෙ, රථිකෙපත්තිකාරකෙ;

තෙසංකම්මාවධානෙන, රාජාවඩ්ඪෙතිවෙත්තනං;

නතෙසංඅන්තරාගච්ඡෙ, සරාජවසතිංවසෙ.

303.

චාපොවූනූදරොචස්ස[Pg.108], වංසොවාපිපකම්පය්‍යෙ;

පටිලොමංනවත්තෙය්‍ය, සරාජවසතිංවසෙ.

304.

චාපොවූනූදරොචස්ස, මච්ඡොවස්සඅජිව්හකො;

අභාසංනිපකොසූරො, සරාජවසතිංවසෙ.

305.

නබාළ්හංඉත්ථිංගච්ඡෙය්‍ය, සම්පස්සං තෙජසඞ්ඛයං;

කාසංසාසංථද්ධාබලං, ඛීණමෙධොනිගච්ඡති.

306.

නාතිවෙලංපභාසෙය්‍ය[Pg.109], නතුණ්හිසබ්බදාසියා;

අවිතිණ්ණංමිතංවාචං, පත්ථකාලෙඋදීරයෙ.

307.

අකොධනොඅසඞ්ඝට්ටො,සච්චොසණ්හොඅපෙසුණො;

සම්ඵංගිරංනභාසෙය්‍ය,සරාජවසතිංවසෙ.

308.

මාතාපිතුභරොඅස්ස[Pg.110], කුලෙජෙට්ඨාපචායිකො;

හිරිඔත්තප්පසම්පන්නො, සරාජවසතිංවසෙ.

309.

විනිතොසිප්පවාදන්තො, යතත්තොනියතොමුදු;

අප්පමත්තොසුචිදක්ඛො, සරාජවසතිංවසෙ.

310.

නිවාතවුත්තිවුඩ්ඪෙසු[Pg.111], සප්පතිස්සොසගාරවො;

සූරතොසුඛසංවාසො, සරාජවසතිංවසෙ.

311.

ආරකාපරිවජ්ජෙය්‍ය, සඤ්ඤිතුංපහිතංජනං;

භත්තාරමෙවුදික්ඛෙය්‍ය, නචඅඤ්ඤස්සරාජිනො.

312.

සමණෙබ්‍රහ්මණෙචාපි, සීලවන්තෙබහුස්සුතෙ;

සක්කච්චංපයිරූපාසෙ, අන්නපානෙනතප්පය්‍යෙ;

ආසජ්ජපඤ්හෙපුච්ඡෙය්‍ය, ආකඞ්ඛංවුඩ්ඪිමත්තනො.

313.

දින්නපුබ්බංනහාපෙය්‍ය[Pg.112], දානංසමණබ්‍රහ්මණෙ;

නචකිඤ්චිනිවාරෙය්‍ය, දානකාලෙවණිබ්බකෙ.

314.

පඤ්ඤාවාවුඩ්ඪිසම්පන්නො, විධානවිධිකොවිදො;

කාලඤ්ඤූසමයඤ්ඤූච, සරාජවසතිංවසෙ.

315.

උට්ඨාතාකම්මචෙරෙසු, අප්පමත්තොවිචක්ඛණො;

සුසංවිහිතකම්මන්තො, සරාජවසතිංවසෙ.

316.

ඛලංසාලංපසුංඛෙත්තං[Pg.113], ගන්තාචස්සඅභික්ඛණං;

මිතංධඤ්ඤංනිධාපෙය්‍ය, මිතඤ්චපාචයෙඝරෙ.

317.

පුත්තංවාභාතරංවාපි, සීලෙසුඅසමාහිතං;

අනඞ්ගවාහිතෙබාලා, යථාපෙතාතථෙවතෙ;

චොළඤ්චනෙසංපිණ්ඩඤ්ච, ආසනඤ්චපදාපරෙ.

318.

දාසෙකම්මකරෙපොසෙ[Pg.114], සීලෙසුසුසමාහිතෙ;

දක්ඛෙඋට්ඨානසම්පන්නෙ, අධිපච්චම්හිඨාපයෙ.

319.

සීලවාචඅලොභොච, අනුරුත්තොචරාජිනො;

ආවීරහොහිතොචස්ස, සරාජවසතිංවසෙ.

320.

ඡන්දඤ්ඤූරාජිනොඅස්ස, චිත්තට්ඨොචස්සරාජිනො;

අසඞ්කුසකවුත්තිස්ස, සරාජවසතිංවසෙ.

321.

උච්ඡාදනෙන්හාපනෙච[Pg.115], ධොතෙපාදෙඅදොසිරං;

ආහතොපිනකුප්පෙය්‍ය, සරාජවසතිංවසෙ.

322.

කුම්භිඤ්හිපඤ්ජලිංක්‍රියා, චාතඤ්චාපිපදක්ඛිණං;

කිමෙවසබ්බකාමානං, නදාදංධීරමුත්තමං.

323.

යොදෙතිසයනංවත්ථං, යානංආවසතංඝරං;

පජ්ජුන්නොරිවභූතානං, භොගෙහිඅභිවස්සති.

324.

ද්වෙවිමෙකණ්ඩකාතික්ඛා[Pg.116], සරීරපරිසොසිතා;

කාමෙතිනිද්ධනොයොච, යොචකුප්පත්‍යනිස්සරො.

325.

අධනස්සරසංඛාදා, අබලස්සහතාහතා;

අපඤ්ඤස්සකථාවාක්‍යා, තිවිධංහීනලක්ඛණං.

326.

පථබ්‍යාමධුරාතීණි[Pg.117], උච්ඡුනාරීසුභාසිතං;

උච්ඡුනාරීසුතප්පන්ති, නතප්පන්තිසුභාසිතං.

327.

පථබ්‍යාතීණිරතනානි, සඞ්ගහානිමහීතලෙ;

සිප්පංධඤ්ඤඤ්චමිත්තඤ්ච, භවන්තිරතනාඉමෙ.

328.

කල්‍යාණමිත්තංකන්තාරං, යුද්ධංසභායභාසිතුං;

අසත්ථාගන්තුමිච්ඡන්ති, මුළ්හාතෙචතුරොජනා.

329.

ජීවන්තොපිමතාපඤ්ච[Pg.118], බ්‍යාසෙනපරිකිත්තිතා;

දුක්ඛිතොබ්‍යාධිතොපක්ඛො, ඉණවානිත්‍යසෙවකො.

330.

චක්ඛුද්වාරාදිකංඡක්කං, සංවුතොසපඤ්ඤොනරො;

ඡබ්බිධොහොතිසීලෙන, අසීලෙනාපිඡබ්බිධො.

331.

නිද්දාලුකොපමාදොච, සුඛිතොරොගවාලසො;

නිච්ඡන්දොචකම්මාරාමො, සත්තෙතෙසත්ථවජ්ජිතා.

332.

කුලජොපඤ්ඤවාඡන්දො[Pg.119], හිරොත්තප්පොසුතද්ධරො;

අත්ථකාමොසුරක්ඛොච, අට්ඨෙතෙසත්ථයුජ්ජිතා.

333.

කුලසෙට්ඨොසපඤ්ඤොච, වුඩ්ඪිසූරොචසීලවා;

බහුස්සුතොවුට්ඨානොච, මීරොසුගතිගාමිකො;

නවෙතෙසුජනාසෙට්ඨා, පාපාත්තානංනිවාරයෙ.

334.

බුද්ධොපච්චෙකබුද්ධොච, අරහාඅග්ගසාවකො;

මාතාපිතාගරුසත්ථා, දායකොධම්මදෙසකො;

පණ්ඩිතෙහිඉමෙදස, න දුබ්භන්තීතිජානියා.

335.

ධම්මත්ථකාමමොක්ඛානං[Pg.120], පාණොසංසිද්ධිකාරණං;

තංනිඝාතොකිංනිහතො, රක්ඛිතොකිංනරක්ඛති.

336.

සථංදීඝායුකොසබ්බ[Pg.121], සත්තානංසුඛකාරණං;

අසථංපනසබ්බෙසං, දුක්ඛහෙතුනසංසයො.

337.

යන්තගතොඋච්ඡුරසං, නජහාතිගජොතථා;

සඞ්ගාමෙසුගතොලිළං, සුස්සුතෙනාපිචන්දනං.

338.

සාරගන්ධංනජහාති, දුක්ඛපත්තොපිපණ්ඩිතො;

නජහාතිසතංධම්මං, සුඛකාලෙකථාවකා.

339.

අත්තාබන්ධුමනුස්සානං, රිපුඅත්තාවජන්තුනං;

අත්තාවනියතොඤාති, අත්තාවනියතොරිපු.

340.

අත්තානංපරිච්චාගෙන[Pg.122], යංනිස්සිතානුරක්ඛනං;

කරොන්තිසජ්ජනායෙව, නතංනිතිමාතාමතං.

341.

සත්ථකබ්බවිචාරෙන, කාලොගච්ඡතිධීමතං;

බ්‍යසනෙනඅසාධූනං, නිද්දායකලහෙනවා.

342.

භමරාපුප්ඵමිච්ඡන්ති, පුතිමිච්ඡන්තිමක්ඛිකා;

සුජානාගුණමිච්ඡන්ති, දොසමිච්ඡන්තිදුජ්ජනා.

343.

නමන්තිඵලිනොරුක්ඛා[Pg.123], නමතෙවබුධාජනා;

සුක්ඛකට්ඨඤ්චමුළ්හොච, නෙවනමන්තිභිජ්ජතෙ.

344.

සචෙසන්තොවිවාදති, ඛිප්පසන්ධියරෙපුන;

බාලොපත්තාවභිජ්ජන්ති, නතෙසමතමාගමුං.

345.

අප්පම්පිසාධූනංධනං, කූපාවාරිවනිස්සයො;

බහුකංපිඅසාධූනං, නචවාරිවඅණ්ණවෙ.

346.

සොකඨානසහස්සානි[Pg.124], භයඨානසතානිච;

දිවසෙදිවසෙමුළ්හං, ආවීසන්තිනපණ්ඩිතං.

347.

දුට්ඨචිත්තොපනාහිස්ස, කොධොපාසාණලෙඛිතො;

කුච්ඡිතබ්බොසුජනස්ස, ජලෙලෙඛාචිරට්ඨිතා.

348.

නිදුලුකොඅසන්තුට්ඨො, අකතඤ්ඤූචභිරුකො;

සක්කොන්තිනසමාචාරං, සික්ඛිතුංතෙකදාචිපි.

349.

සාධුත්තංසුජනසමාගමාඛලානං[Pg.125],සාධූනංනඛලසමාගමාඛලත්තං;

ආමොදංකුසුමභවංදධාතිභූමි,භූගන්ධංනචකුසුමානිධාරයන්ති.

350.

ගුණමද්ධිසමංමක්ඛෙ, පරෙනකලහෙසති;

අද්ධිසමංපකාසෙන්තං, අනුමත්තංපිදොසකං.

351.

දොසංපරස්සපස්සන්ති, අත්තදොසංනපස්සති;

තිලමත්තංපරදොසං, නාළිකෙරංනපස්සති.

352.

කොධොඅත්ථංනජානාති[Pg.126], කොධොධම්මංනපස්සති;

අන්ධතමංතදාහොති, යංකොධොසහතෙනරං.

353.

කොධොඅබ්භන්තරෙජාතො, ධුවංනාසෙතිකොධනං;

වත්ථාලඞ්කාරපුණ්ණායං, මඤ්ජුසායංසිඛීයථා.

354.

රාගොනාමමනොසල්ලං, ගුණවරත්තචොරකො;

රාහුවිජ්ජාසසඞ්කිස්ස, තපොධනහුතාසනො.

355.

නතිත්තිරාජාධනෙන[Pg.127], පණ්ඩිතොපිසුභාසිතෙ;

චක්ඛූපිපියදස්සනෙ, සාගරොපිමහාජලෙ.

356.

අසන්තුට්ඨොයතිනට්ඨො, සන්තුට්ඨොපිමහීපති;

සසජ්ජාගණිකානට්ඨා, නිලජ්ජාසුකුලගතා.

357.

භූපාණ්ණවග්ගිථීසිප්පී, අභිජ්ඣාලුචපුග්ගලො;

එතෙසංමහිච්ඡන්තානං, මහිච්ඡතාඅනිච්ඡිතා.

358.

ආරොග්‍යංපරමංලාභං[Pg.128], සන්තුට්ඨීපරමංධනං;

විසාසොපරමංඤාති, නිබ්බානංපරමංසුඛං.

359.

දුග්ගතංගච්ඡභොලාභ, ලාභොලාභෙනපූරති;

ථලෙපවුට්ඨපජ්ජුන්න, ආපොආපෙනපූරති.

360.

බොධයන්තිනයාචන්ති, දෙහීතිපච්ඡිමාජනා;

පස්සවත්ථුංඅදානස්ස, මාභවතූතිඊදිසො.

361.

සෙලෙසෙලෙනමාණිකං[Pg.129], ගජෙගජෙනමුත්තිකං;

වනෙවනෙනචන්දනං, ඨානෙඨානෙනපණ්ඩිතං.

362.

සතෙසුජායතෙසූරො, සහස්සෙසුචපණ්ඩිතො;

වාක්‍යංසතසහස්සෙසු, චාගොභවතිවානවා.

363.

ජිනෙනආගතංසූරං, ධනඤ්චගෙහමාගතං;

ජිණ්ණඅන්නංපසංසෙය්‍ය, දාරඤ්චගතයොබ්බනං.

364.

පොත්ථකෙසුචයංසිප්පං[Pg.130], පරහත්ථෙසුයංධනං;

යදාඉච්ඡෙසමුප්පන්නෙ, නතංසිප්පංනතංධනං.

365.

වාචාවුධාචරාජානො, සච්චාවුධාචසමණා;

ධනාවුධාසෙට්ඨිනොච, ගොණාවුධාදලිද්දකා.

366.

උක්කට්ඨෙසූරමිච්ඡන්ති, කොලාහලෙසුභාසිතං;

පියංඅන්නඤ්චපානඤ්ච, අත්ථකිච්චෙසුපණ්ඩිතං.

367.

කපණෙතාරයෙමිත්තං[Pg.131], දුබ්භික්ඛෙධඤ්ඤංධාරයෙ;

සභායංධාරයෙසිප්පං, සඞ්ගහානිමහීතලෙ.

368.

දුබ්භික්ඛෙඅන්නදානඤ්ච, සුභික්ඛෙචහිරඤ්ඤදං;

භයෙචභයධාතාරං, සබ්බෙසංවරමංවරං.

369.

හංසොමජ්ඣෙනකාකානං, සීහොගුන්නංනසොභතෙ;

ගද්‍රභානංනතුරඞ්ගො, බාලානඤ්චනපණ්ඩිතො.

370.

නසොරාජායොඅජෙය්‍යං[Pg.132], ජිනාතිනසොසඛාරං;

යොඅයුත්තෙනජිනාති, නසාභරියාපතිනො;

විරොධතිනතෙපුත්තා, යෙනභරන්ති ජිණ්ණ.

371.

නත්ථිවිජ්ජාසමංමිත්තං, නත්ථිබ්‍යාධිසමොරිපු;

නත්ථිඅත්තසමංපෙමං, නත්ථිකම්මපරංබලං.

372.

ඉත්ථිමිස්සොකුතොසීලං,මංසභක්ඛොකුතොදයං;

සුරාපානොකුතොසච්චං,මහාකොධොකුතොතපං.

373.

ක්වාතිභාරොසමත්ථානං[Pg.133], කිංදූරොබ්‍යවහාරිනං;

කොවිදෙසොසවිජ්ජානං, කොපරොපියවාදිනං.

374.

දුබ්භික්ඛොකසිනොනත්ථි, සන්තානංනත්ථිපාපකො;

මුගස්සකලහොනත්ථි, නත්ථිජාගරතොභයං.

375.

බාලිත්ථීමක්ඛිකාතුණ්ඩි, ඉසීනඤ්චකමණ්ඩලු;

සෙතම්බුඵලංතම්බුලං, නොජ්ඣිට්ඨමුපජායතො.

376.

පඤ්චරත්‍යාසුගන්ධබ්බා[Pg.134], සත්තරත්‍යාධනුග්ගහා;

එකමාසාසුභරියා, අඩ්ඪමාසාසිස්සාමලා.

377.

මලිත්ථියාදුච්චරිතං, මච්ඡෙරංදදතොමලං;

මලාවෙලාමකාධම්මා, අස්මිංලොකෙපරම්හිච;

මලංමලතරංතතො, අවිජ්ජාපරමංමලං.

378.

සුතස්සරක්ඛාසබ්බදාභියොගො,කුලස්සවත්ථංපුරිසස්සවිජ්ජා;

රඤ්ඤොපමාදොපසමොධනස්ස,ඉත්ථීනන්තුනත්ථෙවජාතුරක්ඛා.

379.

සත්තානංජරතාහන්ති[Pg.135], තණ්හාහන්තිසබ්බසුඛං;

සබ්බබලංචින්තාහන්ති, දයාහන්තිසකංධනං.

380.

නීචෙවාසොසිරිංහන්ති, හන්තිගරුංචයාචකො;

පසංසාසුගුණංහන්ති, හන්තිචිත්තංඅසඤ්ඤතා.

381.

අසනංභයමන්තානං[Pg.136], මච්චානංමරණංභයං;

උත්තමානන්තුසබ්බෙසං, අවමානංපරංභයං.

382.

සූරියොතපනංතපො, නසන්තිපරිවාරිතා;

චන්දරංසීතලංජාතං, තාරකාපරිවාරිතා;

උපමාඑත්ථඤාතබ්බා, සූරියචන්දරාජුනං.

383.

අලසොමන්දබුද්ධිච, සුඛිතොරොගපීළිතො;

නිද්දාරොමංසවඩ්ඪනො, සුභක්ඛොචවිලුද්ධකො.

384.

පමාදොජායතෙමදා, පමාදාජායතෙඛයො;

ඛයාදොසාපවඩ්ඪන්ති, මදංකිංනජහෙබුධො.

385.

යාදිසංවප්පතෙබීජං[Pg.137], තාදිසංඵලංසම්පත්තො;

කල්‍යාණකාරිකල්‍යාණං, පාපකාරීචපාපකං.

386.

පුඤ්ඤාපාපඵලංයොචෙ, නසද්දහතිසච්චතො;

සොවෙසකානනංඛිප්පං, ආදාසතලමානයෙ.

387.

සම්පරායිකත්ථෙයො[Pg.138], නසද්දහතිචෙපිසො;

ආවාසෙසප්පගාමීනං, මොක්ඛභෙකිංනපස්සති.

388.

සද්ධාහිරිචඔත්තප්පං, බාහුසච්චංවිරංසති;

පඤ්ඤාචසත්තධම්මෙහි, සම්පන්නොපණ්ඩිතොමතො.

389.

රවිමූලංසසීඛන්ධං, සොරිඅඞ්ගාචපත්තිකං;

බුද්ධංපුප්ඵංගරුබීජං, භරගුඵලමෙවච.

390.

පොත්ථකාදීනිඛෙත්තංව[Pg.139], ලෙඛානියුගනඞ්ගලං;

අක්ඛරානිබීජංකත්වා, චරන්තොපණ්ඩිතොභවෙ.

391.

අක්ඛරංඑකමෙකඤ්ච, බුද්ධරූපංසමංසියා;

තස්මාහිපණ්ඩිතොපොසො, ලිඛෙය්‍යපිටකත්තයං.

392.

දුග්ගතිංනාභිජායෙය්‍ය, පිටකත්තයකාරකො;

බහුක්ඛත්තුංචක්කවත්ති, රාජාචතුදීපාධිපො.

393.

පදෙසරජ්ජංවිපුලං, ගණනාතොඅසඞ්ඛ්‍යෙයො;

ඡකාමාවචරොදෙව, රාජාහොතිබහුක්ඛත්තුං.

394.

දානාදීනිචපුඤ්ඤානි[Pg.140], කරොන්තොබොධිඅඞ්කුරො;

භවාසබ්බඞ්ගසම්පන්නො, තිලොකපූජිතොභවෙ.

395.

අද්ධෙමහද්ධනෙඵිතෙ, ජායරෙකුලමුත්තමෙ;

උත්තමෙනෙවසංවාසො, පිටකත්තයවාචකො.

396.

එකක්ඛරඵලෙනහි, පිටකත්තයකාරකො;

චතුරාසීතිසහස්සං, ලභන්තිපවරංසුඛං.

397.

අප්පකෙනාපිමෙධාවී, පාභතෙනවිචක්ඛණො;

සමුට්ඨාපෙතිඅත්තානං, අනුමග්ගිවසන්ධමං.

398.

දුක්ඛංපාපස්සපුඤ්ඤස්ස[Pg.141], සුඛංමිස්සස්සමිස්සකං;

සබ්බංසදිසකංයාති, ඤාතබ්බංකම්මුනොඵලං.

399.

චොදෙන්තොචතුභාගාච, කම්මකාරාතයොභාගා;

සාමිනොසමභාගාච, එකභාගානුමොදනා.

400.

අනත්තස්සවාක්‍යාපරමංතුණ්හි[Pg.142],අසන්තමිත්තාපරමංඑකං;

සුරූපදාරාවරමන්ධා,දූරෙකලාභාවරමස්සසුක්ඛං.

401.

හීනචජ්ජොපිචෙ හොති, උට්ඨාතාධීතිමානරො;

සීලආචාරසම්පන්නො, නිසෙඅග්ගිවභාසති.

402.

නචජ්ජවසලොහොති,නචජ්ජහොතිබ්‍රහ්මණො;

කම්මුනාවසලොහොති,කම්මුනාහොතිබ්‍රහ්මණො.

403.

පථවීවෙළුකංපත්තං[Pg.143], චක්කවාළංසුචිප්ඵලං;

සිනෙරුවම්මිකංඛුද්දං, සමුද්දොපාතිතංයථා.

404.

එකෙනෙවචකප්පෙන, මාතුඛීරංනසඤ්චයං;

තතොතුසමුද්දොචාපි, අතිරෙකතරංබහුං.

405.

බ්‍රහ්මාතිමාතාපීතරො, පුබ්බාචරියාවුච්චතෙ;

ආහුනෙය්‍යාචපුත්තානං, පජානමනුකම්පකා.

406.

තස්මාහිනෙනමස්සෙය්‍ය[Pg.144], සක්කරෙය්‍යචපණ්ඩිතො;

අන්නෙනඅථොපානෙන, වත්ථෙනසයනෙනච.

407.

උච්ඡාදනෙනන්හාපෙන, පාදානංධොවනෙනච;

උට්ඨායපාදචරියා, උපට්ඨාපෙය්‍යපණ්ඩිතො;

ඉධෙවනංපසංසන්ති, පච්චසග්ගෙපමොදති.

408.

එකස්සෙකෙනකප්පෙන[Pg.145], පුග්ගලස්සට්ඨිසඤ්චයො;

සමංපබ්බතරාසිම්හි, ඉතිවුත්තංමහෙසිනා.

409.

සබ්බදානංධම්මදානංජිනාති;

සබ්බරසංධම්මරසොජිනාති,සබ්බරතිංධම්මරතිජිනාති;

සබ්බදුක්ඛංතණ්හක්ඛයොජිනාති.

410.

අප්පමාදරතාහොථ, සචිත්තමනුරක්ඛථ;

දුක්ඛාඋද්ධරථත්තානං, පඞ්කෙසන්නංවකුඤ්ජරං.

411.

චජදුජ්ජනසංසග්ගං[Pg.146], භජසාධුසමාගමං;

කරපුඤ්ඤමහොරත්තිං, සරනිච්චමනිච්චතං.

412.

අනිච්චාවතසඞ්ඛාරා, උප්පාදවයධම්මිනො;

උප්පජ්ජිත්වානිරුජ්ඣන්ති, තෙසංවූපසමොසුඛො.

413.

නහිධම්මොඅධම්මොච, උභොසමවිපාකිනො;

අධම්මොනිරයංනෙති, ධම්මොපාපෙතිසුග්ගතිං.

414.

සමසීසංසමපාදං[Pg.147], අන්තරඤ්චසමංසමං;

ඉදංමනසිනිධාය, ලිඛෙය්‍යපිටකත්තයන්ති.