නමො තස්ස භගවතො අරහතො සම්මාසම්බුද්ධස්ස
ඒ භාග්‍යවත් වූ, අරහත් වූ, සම්මා සම්බුදුරජාණන් වහන්සේට මාගේ නමස්කාරය වේවා!
පජ්ජමධු
පජ්ජමධු (පද්‍ය මධු)
ආනන්ද රඤ්ඤ රතනාදි මහා යතින්ද,නිච්චප්පබුද්ධ පදුමප්පිය සෙවිනඞ්ගී;
බුද්ධප්පියෙන ඝන බුද්ධ ගුණප්පියෙන,ථෙරාලිනා රචිත පජ්ජමධුං පිබන්තු.
අනන්ත ගුණැති බුදුරජාණන් වහන්සේගේ ශ්‍රී පාද පද්මයන් නිරන්තරයෙන් සේවනය කරන්නා වූ, සංඝරාජ ආනන්ද මහා ස්වාමීන්ද්‍රයන් වහන්සේ ආදී උතුම් යතීන්ද්‍රයන් වහන්සේලා ද, බුදුගුණ කෙරෙහි මහත් සේ පැහැදුණු ‘බුද්ධප්පිය’ නම් වූ, භ්‍රමරයකු බඳු වූ තෙරණුවන් විසින් රචනා කරන ලද මෙම ‘පජ්ජමධු’ (පද්‍ය මධු) නම් වූ පැණිය පානය කෙරෙත්වා (ශ්‍රවණය/ග්‍රහණය කෙරෙත්වා).
1.
1.
උණ්ණාපපුණ්ණසසිමණ්දලතො ගලිත්වා,පාදම්බුජඞ්ගුලි දලට්ඨ සුධා ලවානං;
පන්තීව සත්ථු නඛපන්ති පජාවිසෙසං,පීණෙතු සුද්ධ සුඛිතම්මණ තුණ්ඩපීතා.
පූර්ණ චන්ද්‍ර මණ්ඩලයෙන් ගිලිහී වැටී, ශ්‍රී පාද පද්මයන්හි ඇඟිලි නැමැති පෙති අග රැඳී ඇති අමෘත බින්දු සමූහයක් බඳු වූ, ශාස්තෘන් වහන්සේගේ නඛ පන්තිය (නියපෙළ) පිරිසිදු වූ ද සුවපත් වූ ද සිත් ඇති සත්ත්ව සමූහයාගේ දෑස් නැමැති මුවින් පානය කරනු ලබමින් ඔවුන්ව සතුටු කෙරේවා!
2.
2.
ඛිත්තාය මාරරිපුනා පරිවත්‍ය සත්ථු,පාදස්සයා ජිත දිසාය සිතත්තලාය;
යා ජෙති කඤ්චන සරාවලියා සිරිං සා,දෙතන්ගිනං රණජයඞ්ගුලිපන්තිකන්තා.
මාර පරාජය සඳහා එල්ල කරන ලද ආයුධ වළක්වමින්, අපරාජිත දිශාවෙහි වූ සුදු පැහැති පත්ල ඇති ශාස්තෘන් වහන්සේගේ ශ්‍රී පාදයෙහි බබළන්නා වූ, රන් හී සර වැලක ශ්‍රී සෝභාව පරාජය කරන්නා වූ, රණ ජයග්‍රහණය ලබා දෙන්නා වූ ඇඟිලි පෙළ සත්ත්වයන්ට සංසාර යුද්ධයෙන් ජයග්‍රහණය උදා කරත්වා!
3.
3.
සොවණ්ණ වණ්ණ සුඛුමච්ඡවි සොම්ම කුම්ම,පිට්ඨීව පිට්ඨි කමතුන්නති භාති යෙසං;
තෙසුප්පතිට්ඨිතසුකොමලදීඝපණ්හි,පාදා ජිනස්ස පදදන්තු පදං ජනස්ස.
රන්වන් වූ ද, සියුම් සමකින් යුක්ත වූ ද, සෞම්‍ය වූ ඉබ්බෙකුගේ පිටක් මෙන් ක්‍රමයෙන් උස්ව බබළන්නා වූ පිටිපතුල් ඇති, මනාව පිහිටි සුකොමළ වූත් දිගටි වූත් විලුම් ඇති ජිනේන්ද්‍රයන් වහන්සේගේ ශ්‍රී පාදයෝ ජනයා හට උතුම් නිවන් පථය (නිර්වාණ පදය) උදා කරත්වා!
4.
4.
අච්ඡෙර පඞ්කජසිරං සිරියා සකාය,යෙ මද්දිනො විය චරන්ති සරොජ සීසෙ;
සඤ්චුම්බිතා විය ච තානි පරාග රාගා,තෙ නීරජා මුනිපදා පදදන්තු ලක්ඛිං.
ස්වකීය ශ්‍රී සෝභාවෙන් යුතුව, විස්මිත නෙළුම් මල් මුදුනෙහි ඒවා මඩින්නාක් මෙන් හැසිරෙන්නා වූ ද, රේණු රාගයෙන් සිපගන්නා ලද්දාක් මෙන් බබළන්නා වූ ද, කෙලෙස් රහිත වූ ඒ මුනිවරයාණන් වහන්සේගේ ශ්‍රී පාදයෝ ජනයාට ලෞකික හා ලෝකෝත්තර ශ්‍රී සම්පත්තිය උදා කරත්වා!
5.
5.
අගාමි කාල ජන මඞ්ගල භත්තු භාවං,ව්‍යාකත්තුමත්‍ර කුසලෙනිව නිම්මිතානි;
යාත්‍රාසුමට්ඨසතමඞ්ගලක්ඛණානි,සාධෙතු නං පදයුගං ජයමඞ්ගලානි.
අනාගත කාලයෙහි සත්ත්වයන්ට මංගල්‍යයන් උදා කරන්නා වූ නායකයෙකු වන බව ප්‍රකාශ කිරීමට දක්ෂ ශිල්පියෙකු විසින් මවන ලද්දාක් බඳු වූ, ශ්‍රී පතුල්හි පිහිටි එකසිය අටක් මඟුල් ලකුණු ඇති ඒ උතුම් ශ්‍රී පාද යුගලය සත්ත්වයන්ට ජය මංගල්‍යයන් සාදා දෙත්වා!
6.
6.
සස්සෙවිජන්තුවරසන්තිපුරප්පවෙසෙ,නිච්චං සුසජ්ජ ඨපිතානිව මඞ්ගලාය;
යෙ තෙ දධන්ති කලමඞ්ගලලක්ඛණානි,වත්තන්තු තෙ ජිනපදා ජයමඞ්ගලාය.
ශ්‍රේෂ්ඨ වූ ශාන්ති පුරය (නිවන) කරා ඇතුළු වන සත්ත්වයන්ගේ මංගල්‍යය සඳහා නිරන්තරයෙන් මනාව සරසා තබන ලද්දාක් බඳු වූ, සොඳුරු මංගල ලක්ෂණයන් දරන්නා වූ ඒ ජිනේන්ද්‍ර ශ්‍රී පාදයෝ සත්ත්වයන්ගේ ජය මංගල්‍යය පිණිස පවතිත්වා!
7.
7.
සබ්බෙභිභූය සපදෙසු නිපාතනස්ස,සඤ්ඤාණකං විය යදස්සිතසබ්බලොකො;
පාදාත්‍යධොකතතිලොකසිරොවරා පි,ලොකං පුණන්තු ජයමඞ්ගලකාරණානි.
සියලු ලෝකයන් තමන් වහන්සේගේ පාදයන් යටතට පැමිණි බව දැක්වෙන සලකුණක් බඳු වූ, තුන් ලෝකයෙහි උතුම්ම හිස් මුදුන්වලටත් වඩා උසස් වූ ද, ජය මංගල්‍යයට කරුණු වූ ද ඒ ශ්‍රී පාදයෝ ලෝකය පිරිසිදු (පවිත්‍ර) කරත්වා!
8.
8.
ලොකත්තයෙකසරණත්තවිභාවනාය,සජ්ජො ව තිට්ඨති යහිං සුවිභත්තලොකො;
තං සබ්බලොකපටිබිම්බිතදප්පණාභං,පාදද්වයං ජනසුසජ්ජනහෙතු හොතු.
තුන් ලෝකයෙහි එකම සරණ වන බව පැහැදිලි කරනු පිණිස, මනාව බෙදුණු ලෝකය යමක ප්‍රකටව පෙනෙන්නේ ද, මුළු ලෝකයම පිළිබිඹු කරන කැඩපතක් බඳු වූ ඒ ශ්‍රී පාද යුගලය ජනයා සත්පුරුෂයන් බවට පත් කිරීමට හේතු වේවා!
9.
9.
ලොකුත්තරාය සිරියාධිගමාය සුට්ඨු,රජන්ති යත්ථ දිගුණානිව පාතු භූතා;
චක්කාසනාභිසහනෙමිසහස්සරානි,ත්‍යඞ්ඝී දිසන්තු සකලිස්සරියං ජනස්ස.
ලෝකෝත්තර ශ්‍රී සම්පත්තිය ළඟා කර දීම සඳහා මනාව බබළන්නා වූ, දහසක් ගරාදිවලින් ද, නිම් වළල්ලෙන් ද, නාභියෙන් ද යුත් රෝද (චක්‍ර) සලකුණු පිහිටි ඒ ශ්‍රී පාදයෝ ජනයාට සකලවිධ ඓශ්චර්යය උදා කරත්වා!
10.
10.
යත්‍රුල්ලසන්ති දුවිධානිව පාතූ භූතා,ධම්මස්සසබ්බභුවනස්ස ච ඉස්සරත්තෙ;
චක්කානි චක්කසදිසානි සුදස්සනස්ස,තානජ්ජ ජන්තු සරණා චරණානි හොන්තු.
දහම් රජු බවටත්, මුළු ලෝකයටම අධිපති බවටත් සාක්ෂි දෙන්නාක් මෙන් යම් ශ්‍රී පතුලක සුදර්ශන චක්‍රය බඳු වූ චක්‍ර ලක්ෂණයෝ බබළත් ද, ඒ ශ්‍රී පාදයෝ අද සත්ත්වයන්ට සරණ වෙත්වා!
11.
11.
සත්තෙසු වච්ඡතු සිරී සිරිවච්ඡකෙන,සොවත්ථි සොත්ථිමනුතිට්ඨතු පුග්ගලෙසු;
නන්දිං ජනානමනුවත්තතු නන්දිවත්තී,සීසානලංකුරුතු පාදවතංසකො පි.
ශ්‍රී පතුලෙහි ඇති ශ්‍රීවත්ස ලක්ෂණයෙන් සත්ත්වයන් කෙරෙහි සිරි සෝභාව රඳා පවතීවා! ස්වස්තික ලක්ෂණයෙන් සත්ත්වයන්ට යහපත සැලසේවා! නන්ද්‍යාවර්ත ලක්ෂණයෙන් ජනයාගේ සතුට වර්ධනය වේවා! වටංසක (හිස් සරසන ආභරණ) ලක්ෂණය ජනයාගේ හිස් සරසාවා!
12.
12.
භද්දාය පීඨමුපගච්ඡතු භද්දපීඨං,වුද්ධිං ජනානමනුවත්තතු වද්ධමානං;
පුණ්ණත්තමඞ්ගිමනුකුබ්බතු පුණ්ණකුම්භො,පාති ච පාතු සතතං ජනතං අපායා.
ශ්‍රී පතුලෙහි ඇති භද්‍රපීඨ ලක්ෂණය සත්ත්වයන්ට යහපත් ආසනයක් (සුවයක්) උදා කෙරේවා! වර්ධමාන ලක්ෂණය ජනයාගේ දියුණුව සලසාවා! පූර්ණඝට (පුන්කලස) ලක්ෂණය සම්පූර්ණත්වය උදා කෙරේවා! පාත්‍ර ලක්ෂණය නිරන්තරයෙන් සත්ත්වයන් අපායෙන් බේරා ගනීවා!
13.
13.
සෙතාතපත්තමපනෙතමඝාතපෙ තං,ඛග්ගො විඡින්දතු සදා දුරිතාරිවග්ගෙ;
සංක්ලෙසදාහමපනෙතු සතාලවණ්ට,සංවීජනී කුමතිමක්ඛිකමොරහත්ථො.
ශ්වේතච්ඡත්‍ර (සෙත්කුඩ) ලක්ෂණය පාප නැමැති අව් රශ්මිය දුරු කෙරේවා! කඩුව (ඛග්ග) ලක්ෂණය නිරන්තරයෙන් පාපී සතුරු සමූහයා සිඳ බිඳ දමාවා! තාලවැට (තල්වැට) ලක්ෂණය හා පවන් සලන මයුර හස්ත (මොනර වල්විදුන) ලක්ෂණය කෙලෙස් දාහය හා වැරදි මත (දුර්මත) නැමැති මැස්සන් දුරු කෙරේවා!
14.
14.
ආකඩ්ඪනො ජනවිලොචනමත්තනින්නං,වාරෙතු සබ්බගතිවාරනමඞ්කුසො සො;
පාදම්බුජස්සිරිවිලාසනිකෙතනං ව,පාසාදලඛණමුපෙතු මනොපසාදං.
ජනයාගේ නෙත් සිත් ඇදගන්නා සුලු වූ ඒ අංකුස (කෙවිට) ලක්ෂණය සත්ත්වයන් සතර අපායට වැටීම වළක්වාලත්වා! ශ්‍රී පාද පද්මයෙහි ශ්‍රී සෝභාවේ වාසස්ථානයක් බඳු වූ ප්‍රාසාද ලක්ෂණය සත්ත්වයන්ට සිතේ පැහැදීම උදා කරත්වා!
15.
15.
පාණීනමත්තභජතං වරපුණ්ණපත්තං,සම්මා දදාතු පදනිස්සිතපුණ්ණපත්තො;
පාදෙසු ජන්තු මනබන්ධනදාමභූතං,දාමං දමෙතු විමලං ජනතම්මනානි.
ශ්‍රී පාදය ආශ්‍රය කළා වූ පූර්ණපාත්‍ර (පුන් බඳුන) ලක්ෂණය තමන් භජනය කරන සත්ත්වයන්ට උතුම් පින් බඳුන් (සම්පත්) ලබා දේවා! සත්ත්වයන්ගේ සිත් බැඳ තබන රැහැනක් බඳු වූ ඒ මල්දම් (ද්‍රාම) ලක්ෂණය ජනයාගේ සිත් දමනය කර පවිත්‍ර කෙරේවා!
16.
16.
උණ්හීසකුප්පලමණීපදුමෙහි පාදා,සස්සෙවිජන්තුකරණානි විභූසයන්තු;
සන්නෙත්තනාවුපගතානමනග්ඝකානි,බොජ්ඣඞ්ගසත්තරතනානි දදෙ සමුද්දො.
උෂ්ණීෂ, උත්පල, මණි, පද්ම යන ලක්ෂණවලින් යුත් ශ්‍රී පාදයෝ සත්ත්වයන්ගේ ඉන්ද්‍රියයන් සරසත්වා! සද්ධර්ම නැමැති නැවට නැඟුණවුන්ට, සාගර ලක්ෂණය මිල කළ නොහැකි සප්ත බොජ්ඣංග රත්නයන් ලබා දේවා!
17.
17.
උත්තුඞ්ග නිච්චලගුඞා ජිතතාය නිච්චං,සෙවීව පාදසිරි නිච්ච සමුබ්බහං ව;
අත්‍රාපි සක්කභවනුබ්බහණෙ නියුත්තො,පාදට්ඨමෙරු භවතං භවතං විභූත්‍යා.
උස් වූ ද, අචල වූ ද ගුණයෙන් යුක්ත වූ, ජයග්‍රහණය නිසා නිරන්තරයෙන් ශ්‍රී පාද ලක්ෂ්මිය සේවනය කරන්නාක් බඳු වූ ද, ශක්‍ර භවනය දරා සිටීමට සමත් වූ ද, ශ්‍රී පතුලෙහි පිහිටි මහා මේරු පර්වත ලක්ෂණය සත්ත්වයන්ට සම්පත් උදා කරත්වා!
18.
18.
සො චක්කවාළසිඛරී ප්‍යවතං සමන්තා,සබ්බූපසග්ගවිසරාජනතං සමග්ගං;
දීපා පුථූපි චතුරො ද්විසහස්ස ඛුද්දා,ධාරෙන්ත්වපායපතමානමදත්ව ජන්තුං.
ශ්‍රී පතුලෙහි ඇති ඒ සක්වළ පර්වත ලක්ෂණය සත්ත්ව සමූහයා සියලු උපද්‍රවයන්ගෙන් ආරක්ෂා කෙරේවා! සතර මහා ද්වීප සහ දෙදහසක් කුඩා ද්වීප ලක්ෂණ සත්ත්වයන් අපායට වැටෙන්නට නොදී දරා සිටිත්වා!
19.
19.
සූරො පබොධයතු ජන්තු සරොරුහානි,චන්දො පසාද කුමුදානි මනොදහෙසු;
නක්ඛත්තජාතමඛිලං සුභතාය හොතු,චක්කං ධජං රිපුජයාය ජයද්ධජාය.
සූර්ය ලක්ෂණය සත්ත්වයන්ගේ සිත් නැමැති නෙළුම් මල් පුබුදුවාවා! චන්ද්‍ර ලක්ෂණය සිත නැමැති විලෙහි ප්‍රසාදය නැමැති කුමුදු මල් පුබුදුවාවා! සියලු තාරකා ලක්ෂණයෝ යහපත උදා කරත්වා! ධජ (කොඩි) ලක්ෂණය සතුරු පරාජය පිණිසත්, ජයධ්වජය ජයග්‍රහණය පිණිසත් පවතිත්වා!
20.
20.
ජෙතුං සසංසද-සුදස්සන-චක්කවත්ති,චක්කානුගන්තලලිතං යහිමාවහෙය්‍ය;
චක්කාණුවත්ති පරිසාවත-චක්කවත්ති,නංවත්තතං පදයුගං ජනතා හිතාය.
සක්විති රජුන්ගේ සුදර්ශන චක්‍රය පවා පරාජය කරමින්, තමන් අනුව යන පිරිස පිරිවරා ගත් සක්විති රජෙකු බඳු වූ, සක්විති රජුගේ ආඥාව පවත්වන්නා වූ ඒ ශ්‍රී පාද යුගලය ජනයාගේ යහපත පිණිස පවතිත්වා!
21.
21.
පුජෙතුමාගත වතා වජිරාසනට්ඨ,මින්දෙන ඡඩ්ඩිත මහාවිජයුත්තරාඛ්‍යං;
සංඛං පවිට්ඨමිව මාරභයා පදාධො,පාදට්ඨසංඛමිහ වත්තතු සන්තියා වො.
වජ්‍රාසනයෙහි වැඩසිටි බුදුරජාණන් වහන්සේට පූජා කරනු පිණිස පැමිණි ශක්‍රයා විසින් අත්හරින ලද, ‘මහාවිජයුත්තර’ නම් වූ, මාර භය නිසා ශ්‍රී පාදයට යටින් සැඟවුණාක් බඳු වූ ඒ ශ්‍රී පතුලෙහි පිහිටි ශංඛ ලක්ෂණය ඔබ සැමට ශාන්තිය උදා කෙරේවා!
22.
22.
සොවණ්ණමච්ඡයුගලං සිවභත්ත භොගෙ,ඉච්ඡා බහූපකරණං භවතං ජනානං;
කුම්භීලධිග්ගහිතතො ව පදුත්ථචිත්තා,පාදම්බුජාකර විගාහි තු නොපහොන්තු.
ශ්‍රී පතුලෙහි පිහිටි රන්වන් මත්ස්‍ය යුගල ලක්ෂණය, සියලු ජනයාට උතුම් සම්පත් හා කැමති උපකරණ ලබා දෙත්වා! දුෂ්ට සිත් ඇති කිඹුලන් බඳු වූ පාපීහු ශ්‍රී පාද පද්ම නැමැති විලට ඇතුළු වීමට අපොහොසත් වෙත්වා!
23.
23.
සත්තාපගා ජනමනොජ මලෙ ජහන්තු,සංක්ලෙසදාහමපනෙන්තු දහා ච සත්ත;
සෙලා ච සත්ත විදධන්තු ජනස්ස තානං,ලොකප්පසිද්ධිජනනෙ භවතං පතාකා.
ශ්‍රී පතුලෙහි ඇති සප්ත මහා ගංගා ලක්ෂණයෝ ජනයාගේ සිත්හි ඇති මලකඩ දුරු කෙරෙත්වා! සප්ත මහා විල් ලක්ෂණයෝ කෙලෙස් දාහය නිවාලත්වා! සප්ත කුල පර්වත ලක්ෂණයෝ ජනයාට ආරක්ෂාව සලසත්වා! ලෝක ප්‍රසිද්ධිය ඇති කරන පතාක (ධජ) ලක්ෂණයෝ ජනයාට ශ්‍රී සෝභාව උදා කෙරෙත්වා!
24.
24.
පාටඞ්කි සන්ති ගමනෙ භවතූපකාරා,දාහෙත්තනෙසු ජහතං පදචාමරං තං;
සල්ලොකලොචනමහුස්සව-උස්සිතං ව,වත්තෙය්‍ය තොරණමනුත්තරමඞ්ගලාය.
ශ්‍රී පතුලෙහි ඇති පාටංකි (සිවිකා) ලක්ෂණය ශාන්ති ගමනට (නිවන් මඟට) උපකාරී වේවා! චාමර ලක්ෂණය සත්ත්වයන්ගේ කෙලෙස් දාහය දුරු කෙරේවා! සත්ත්වයන්ගේ දෑස්වලට මහෝත්සවයක් බඳු වූ, එසවූ තොරණ ලක්ෂණය උත්තරීතර මංගල්‍යය පිණිස පවතීවා!
25.
25.
යස්මිං මිගින්ද ගත භීති බලාව දඩ්ඪ,දානා නතා සිරවිදාරණ පීළිතාව;
නාලාගිරී කරිවරො ගිරිමෙඛලො ච,තං සීහවික්කමපදං හනතා ඝදන්තිං.
භීතියට පත් නොවූ, මෘගරාජයෙකු බඳු වූ, තමන් ඉදිරියෙහි හිස නමා දමනය වූ නාලාගිරි ඇතා සහ ගිරිමේඛලා ඇතු දමනය කරන්නා වූ, සිංහ වික්‍රම ඇති ඒ ශ්‍රී පාදයෝ සත්ත්වයන්ගේ පාපී ව්‍යසනයන් විනාශ කරත්වා!
26.
26.
පාපාහිනො හනතු පාදසුවණ්ණරාජා,ව්‍යග්ඝාධිපො කලිජනෙ අදතං අසෙසං;
වාලාහ-අස්සපති සම්පතිතුං අදත්වා,පායෙසු පාපයතු සන්තිපුරම්පජායො.
ශ්‍රී පතුලෙහි ඇති රන්වන් ගුරුළු රාජ ලක්ෂණය පාපී සර්පයන් විනාශ කෙරේවා! ව්‍යාඝ්‍ර රාජ ලක්ෂණය දුෂ්ට ජනයා සම්පූර්ණයෙන්ම මැඬ පවත්වාවා! වලාහක අශ්ව රාජ ලක්ෂණය සත්ත්වයන් සංසාරයෙන් වැටෙන්නට නොදී, උතුම් ශාන්ති පුරය (නිවන් පුරය) කරා පමුණුවාවා!
27.
27.
ඡද්දන්ත දන්ති ලලිතං ගලිතං රුසම්හා,ලුද්දෙත්ත දුබ්භිනි දිසෙ අචලං දධානො;
පාදට්ඨහත්ථිපති සම්පති ජන්තුතාසෙ,තාසෙතු හාසමපරන්දිසතං සතානං.
ක්‍රෝධයෙන් මිදුණු, සොඳුරු ලීලාවෙන් යුත්, ද්‍රෝහී වැද්දා කෙරෙහි ද මෛත්‍රී සිතින් අචලව සිටි සද්දන්ත හස්ති රාජයා බඳු වූ, ශ්‍රී පතුලෙහි පිහිටි හස්ති රාජ ලක්ෂණය සත්ත්වයන්ගේ බිය දුරු කොට, සත්පුරුෂයන්ට මහත් වූ ප්‍රීතිය හා සිනහව උදා කෙරේවා!
28.
28.
සබ්බඞ්ගිනො චරණුපොසථ හත්ථිරාජා,පාපෙතු සබ්බචතුදීපිකරජ්ජලක්ඛිං;
කිත්තීව පාදපරිචාරිකතා නියුත්තා,කෙලසසෙලපටිමා හිතමාචරෙය්‍ය.
සියලු අඟපසඟින් යුත් උපෝසථ හස්තිරාජයා, සතර මහාද්වීපයෙහි රාජ්‍ය ලක්ෂ්මිය ලබා දෙත්වා! ශ්‍රී පාද පද්මයන්ට සේවය කිරීමෙහි නියුක්ත වූ කීර්තියක් මෙන් වූ, කෛලාස පර්වතයේ ප්‍රතිමාවක් බඳු වූ ඒ හස්තිරාජයා ලෝකයාට හිතසුව සලසත්වා!
29.
29.
සාමිස්ස හංසසමයෙ දහපාසබද්ධ,මාසීන වෙසගමකො විය පාදහංසො;
නිග්ඝොස ගන්තිජිතතො විය මූගපක්ඛො,යාරෙතු සබ්බ ජනතා භවගන්තුකත්තං.
තමාගේ ස්වාමියා වූ හංසයා උගුලෙහි බැඳුණු කල්හි මඩෙහි එරුණු හංසයෙකු මෙන් ද, ඝෝෂාව මැඩපවත්වා ජයගත් මූගපක්ඛ කුමාරයා මෙන් ද සිටි, බුදුරජාණන් වහන්සේගේ ශ්‍රී පාද පද්මයෙහි වූ හංස රාජයා, සියලු ජනයාගේ සංසාරගාමී බව දුරු කරත්වා!
30.
30.
ඔහාය දිබ්බසරසිං ඛිලලොක සබ්බ,රම්මඞ්ඝිවාපිමවගාහිතවාව පාදෙ;
එරාවණො කරිවරො මනසාභිරුළ්හෙ,ජන්තුං පුරින්දදපුරං නයතං ව සීඝං.
දිව්‍යමය වූ විල අත්හැර, මුළු ලෝකයාටම රමණීය වූ බුදුරජාණන් වහන්සේගේ ශ්‍රී පාද නමැති විලට බැස සිටින්නා වූ, උතුම් වූ ඒ ඒරාවණ හස්තිරාජයා, තමන්ව සිතින් ඇසුරු කළ සත්ත්වයා වහාම සුගති පුරය කරා පමුණුවත්වා!
31.
31.
හිත්වා සකම්භවනමඞ්ඝිනිසෙවනත්ථ,මාගම්ම රම්ම තරතායිහ නිස්සිතො ව;
පාලෙත්ව මූනි පදවාපිතරඞ්ගභඞ්ගි,මන්ගී කරොන්තතනුවාසුකි නාගරාජා.
තමාගේ ස්වකීය භවනය අතහැර, ශ්‍රී පාද පද්මයන්ට සේවය කරනු පිණිස මෙහි පැමිණ, රමණීය වූ බුදුරජාණන් වහන්සේගේ ශ්‍රී පාද නමැති විලෙහි රළ පෙළ මෙන් තමාගේ ශරීරය වට කොටගෙන සිටින වාසුකී නාගරාජයා ලෝකයා ආරක්ෂා කරත්වා!
32.
32.
නාථස්ස කඤ්චනසිඛාවලජාතිලීල,මාවිකරං ව පදනිස්සිතමොරරාජා;
තං ධම්මදෙසනරවෙනිව ලුද්දකස්ස,ලොකස්ස පාපඵණිනො හනතං අසෙසං.
ලෝකනාථයන් වහන්සේගේ ශ්‍රී පාදයන් ඇසුරු කොට සිටින්නා වූ, රන්වන් සිළු ඇති මොනර රාජයා, දහම් දෙසන හඬින් වැද්දන් බියගන්වන්නාක් මෙන්, ලෝකයාගේ පාප නමැති සර්පයා සම්පූර්ණයෙන්ම විනාශ කරත්වා!
33.
33.
සංසාරසාගරගතෙ සධනෙ ජනෙ තෙ,නෙතම්පදෙ කලචතුම්මුඛහෙමනාවා;
නිබ්බාණපට්ටනවරං භරුකච්ඡකන්තං,සුප්පාරපණ්ඩිත ගතා විය ආසුනාවා.
සංසාර සාගරයට පත් සත්ත්වයන්, සුප්පාරක පණ්ඩිතයන් වහන්සේ නැව වේගයෙන් භාරුකච්ඡ තොටුපළට පැමිණෙව්වාක් මෙන්, ශ්‍රී පාද පද්මයෙහි ඇති රන්වන් සතරැස් නැව, උතුම් වූ නිවන් නමැති වරාය කරා වහා පමුණුවත්වා!
34.
34.
සම්බොධි ඤාණ පරිපාචයතො මුනිස්ස,භත්තො යථා හිමවතද්දි සමාධිහෙතු;
එවම්මනෙන භජතං හිමවද්දිපාදෙ,සම්බොධිඤාණ පරිපාචනහෙතු හොතු.
සම්බෝධි ඥානය මුහුකුරා යවන්නා වූ මුනිඳුන්ට සමාධිය පිණිස හිමාලය පර්වතය යම් සේ උපකාරී වූයේ ද, එමෙන්ම ශ්‍රී පාද පද්මයෙහි ඇති හිමාල පර්වතය ද සිතින් භජනය කරන්නන්ගේ සම්බෝධි ඥානය මුහුකුරා යාමට හේතු වේවා!
35.
35.
දළ්හං පරාජිතතයා මුනිනා සරෙන,සුඤ්ඤස්සරොපගත පඤ්ජර බන්ධනොව;
සො පාදපඤ්ජරගතො කරවීකපක්ඛී,සබ්බෙසමප්පීයාවචඤ්ජහතා භවන්තං.
මුනිඳුන්ගේ මිහිරි හඬට පරාජය වීම නිසා, උන්වහන්සේගේ ස්වර නමැති කූඩුවෙහි බැඳුණාක් මෙන් ශ්‍රී පාද පද්මය නමැති කූඩුවට වැදුණු ඒ කරවීක පක්ෂියා, සියලු සත්ත්වයන්ගේ අප්‍රියජනක වචන සහ සංසාරය දුරු කරත්වා!
36.
36.
තෙ චක්කවාක මකරා අපි කොඤ්ච ජීවං,ජීවාදි පක්ඛිවිසරා සරසීව භුත්තං;
වෙස්සන්තරෙන චරණම්බුජි නිබ්භජන්තා,ජන්තු තහිං විය පදෙ සුරමෙන්තු නිච්චං.
වෙස්සන්තර රජුගේ පොකුණෙහි සතුටින් විසූ චක්‍රවාක, මකර, කොක්, ජීවජීවක ආදී පක්ෂි සමූහයා මෙන්, බුදුරජාණන් වහන්සේගේ ශ්‍රී පාද පද්මය ඇසුරු කරන සත්ත්වයෝ එහි සැමදා සතුටින් වෙසෙත්වා!
37.
37.
තං චන්දකින්නරගතිංව ගතස්ස බොධි,සත්තස්ස තස්ස සපජාපතිකස්ස භාවං;
සංසූචයන්ත පද කින්නර කින්නරී වෙ,සාමග්ගිමග්ග පටි පත්තිසු පාපයන්තු.
සඳකිඳුරු ජාතකයෙහි බෝධිසත්ත්වයන් වහන්සේ සහ උන්වහන්සේගේ මෙහෙසිය දැක්වූ පතිභක්තිය හා ආදරයසිහිපත් කරවන ශ්‍රී පාදයෙහි වූ කිඳුරු-කිඳුරියෝ, ලෝකයා සමඟි සම්පන්න ප්‍රතිපත්තියෙහි පිහිටුවත්වා!
38.
38.
සංරාජධානිමුසභො වහතග්ග භාරං,පීතිප්පයො පජනයෙය්‍ය සවච්ඡධෙනු;
සස්සෙවිනො අභිරමෙන්තු ඡකාමසග්ගා,ධාරෙන්තු ඣායිමිහ සොළස ධාතුධාමා.
ශ්‍රී පාද ලාංඡනයෙහි ඇති රාජකීය වෘෂභයා උතුම් බර දරත්වා! වස්සා සමඟ සිටින දෙන ශ්‍රී පාදයෙහි ප්‍රීති කිරි උපදවත්වා! සදිව්‍ය ලෝකයෝ එහි වෙසෙන්නන් සතුටු කරවත්වා! ධ්‍යාන වඩන්නෝ සොළොස් බ්‍රහ්ම ලෝකයන් දරත්වා!
39.
39.
සුත්වා ජිනස්ස කරවීක සරම්මනුඤ්ඤං,අඤ්ඤොඤ්ඤ භීතිරහිතා අපි පච්චනීකා;
හිත්වා ගතිං විය ඨිතා පදසත්තරූපා,සබ්බං භවස්සිත ජනානගතිං හනන්තු.
බුදුරජාණන් වහන්සේගේ කරවීක පක්ෂියෙකු බඳු වූ මිහිරි හඬ අසා, එකිනෙකා කෙරෙහි වූ බියෙන් තොරව, වෛරී ස්වභාවය අත්හැර ශ්‍රී පාද පද්මයෙහි රැඳී සිටින තිරිසන් සත්ත්ව රූප, සංසාරගත සත්ත්වයන්ගේ සියලු දුර්ගති විනාශ කරත්වා!
40.
40.
සොවණ්ණ කාහළ යුගො පමමින්දිරාය,සන්නීරපුප්ඵ මුකුලොපමමුස්සවාය;
නිච්චං සුසජ්ජ ඨපිතං මුනි තිට්ඨතන්තෙ,ජඞ්ඝාද්වයං ජනවිලොචන මඞ්ගලාය.
ස්වර්ණමය මඟුල් සක් යුගලක් බඳු වූ, නිල් මහනෙල් පොහොට්ටු මෙන් ශෝභමාන වූ, ලෝකයාගේ ඇස්වලට මංගල්‍යයක් බඳු වූ බුදුරජාණන් වහන්සේගේ ශ්‍රී ජංඝා යුග්මය නිරන්තරයෙන් බැබළේවා!
41.
41.
ලඛ්‍යා විලාස මුකුරද්වය සන්නිකාසං,තාඩඞ්ක මණ්ඩන විඩම්බකමංසු සණ්ඩං;
ජානුද්වයං ලළිත සාගර බුබ්බලාභං,හොතං ජගත්තය නිජත්ත විභූසිතුන්තෙ.
ශ්‍රී කාන්තාවගේ ලීලාවන් පෙන්වන කන්නාඩි යුගලක් බඳු වූ, තෝඩු ආභරණයක කාන්තිය පරාජය කරන රශ්මි සමූහයක් ඇති, රමණීය සාගර බුබුළු වැනි වූ ඔබ වහන්සේගේ දණහිස් යුගල තුන් ලෝකයම සැරසීමට හේතු වේවා!
42.
42.
ඡද්දන්ති දින්න වරදන්ත යුගොපමානා,තං හත්ථි සොණ්ඩ කම පුණ්ණ ගුණා තවොරූ;
ලීල පයොධි සිරි කෙළි සුවණ්ණරම්භා,ඛන්ධාව දෙන්තු පරිපුණ්ණ ගුනෙ ජනානාං.
ඡද්දන්ත හස්තිරාජයා විසින් දෙන ලද උතුම් දළ යුවලක් බඳු වූ, මනා කොට වැඩුණු ඇත් සොඬක් බඳු වූ, රන් කෙසෙල් කඳන් වැනි වූ ඔබ වහන්සේගේ කලවා යුග්මය, ලෝකයාට පරිපූර්ණ ගුණධර්මයන් ලබා දෙත්වා!
43.
43.
ජඞ්ඝක්ඛ කද්ව්‍ය සමප්පිත චිත්තපාද,චක්කද්වයී මනමනොජහයො මුනෙ තෙ;
සොනී රථො සිරිවහො මනසා භිරුළ්හං,ලොකත්තයං සිවපුරං ලහු පාපයාතු.
මනහර රථයක් බඳු වූ, කෙණ්ඩා යුගල අක්ෂ කොට ඇති, ශ්‍රී පාද පද්මයන් රෝද යුගල කොට ඇති, මනස නමැති ජව සම්පන්න අශ්වයන් බැඳි ඔබ වහන්සේගේ උකුළ නමැති ශ්‍රී රථය, සිතින් ඊට නැගුණු තුන් ලෝ වැසියා වහා නිවන් පුරයට පමුණුවත්වා!
44.
44.
රම්මොර පාකට තටාක තටා සවන්ත,රොමාවලී ජල පනාලික කොටිකට්ඨා;
නාභී ගභීර සරසී සිරි කෙළිතා තෙ,සස්සෙවිනං ව්‍යසන ඝම්මමලං සමෙතු.
රමණීය වූ කලවා නමැති තටාක ඉවුරෙන් ගලා බස්නා, රෝම රාජිය නමැති දිය පීල්ල කෙළවර පිහිටි, ශ්‍රී කාන්තාව කෙළිනා ගැඹුරු විලක් බඳු වූ ඔබ වහන්සේගේ නාභිය, එය ඇසුරු කරන්නන්ගේ දුක් කරදර නමැති ග්‍රීෂ්මයේ දාහය සංසිඳුවාවා!
45.
45.
කන්තිච්ඡටා ලුළිත රූප පයොධි නාභි,ආවට්ට වට්ටිත නිමුජ්ජිත සබ්බලොකො;
සොභග්ග තොය නිවහං විසසො පිවිත්වා,ලොකුත්තරාදි සුඛ මුච්ඡිතතං පයාතු.
ශරීර කාන්තිය නමැති රළ පෙළින් කැළඹුණු, රූප සෝභාව නමැති මහා සාගරයෙහි වූ දිය සුළියක් බඳු ඔබ වහන්සේගේ නාභියෙහි, මුළු ලෝකයාම ගිලී එහි සෞභාග්‍යය නමැති ජලය පානය කොට, උතුම් වූ ලෝකෝත්තර සුවය ලබත්වා!
46.
46.
ගම්භීර චිත්තරහදං පරිපූරයිත්වා,තං සන්දමාන කරුණම්බු පවාහ තුල්‍යා;
රොමාලිවල්ලිහරි නාභි සුභාලවාලා,දෙතං ලහුං සිවඵලං භජතං මුනෙ තෙ.
ගැඹුරු සිත් විල පුරවා ගලායන කරුණා දිය දහරක් බඳු වූ, නාභිය නමැති පාත්තියෙහි හටගත් රෝම රාජිය නමැති රන්වන් වැල, මුනිඳුනි, ඔබ වහන්සේව භජනය කරන ලෝකයාට වහාම මොක්ෂ ඵලය ලබා දෙත්වා!
47.
47.
චාරූර සාරිඵලකො කුටිලග්ග ලොම,පන්තී විභත්ති සහිතො සිරි කෙළි සජ්ජො;
සග්ගාපවග්ග සුඛ ජූතක කෙළි හෙතු,හොතං තිලොක සුඛ ජූතක සොණ්ඩකානං.
වක්‍ර වූ අග්‍ර ඇති රෝම පේළිවලින් සැරසුණු, ශ්‍රී දේවියගේ කෙළි බිමක් බඳු වූ රමණීය පපු තලාව, ස්වර්ග මෝක්ෂ සැප ලැබීමේ ක්‍රීඩාවෙහි යෙදෙන තුන් ලෝ වැසියන්ට එම සැපත ළඟා කර දෙන හේතුවක් වේවා!
48.
48.
ගම්භීර චිත්ත රහදො දර ගාහමාන,මෙත්තාදයා කරි වධූ කර සන්නි කාසා;
සබ්බඞ්ගිනං සිවඵලං තනු දෙව රුක්ඛෙ,සාඛා සඛා තව භුජා භජතං දදන්තු.
ගැඹුරු සිත් විලෙන් නික්මුණු, මෙත්තා කරුණා නමැති ඇතින්නන්ගේ සොඬ වැල් බඳු වූ, ඔබ වහන්සේගේ ශරීරය නමැති කල්ප වෘක්ෂයේ අතු වැනි වූ ශ්‍රී බාහු යුගලය, ඔබ වහන්සේව භජනය කරන්නන්ට සියලු අයුරින් නිවන් සුවය ලබා දෙත්වා!
49.
49.
නිහාර බින්දු සහිතග්ගදලොප සොභි,බ්‍යාලම්බ රත්ත පදුමද්වය භඞ්ගි භාජා;
පාපාරිසීසලුනතෙනිව රත්ත රත්තා,රත්තා කරා තව භවුම්භුවි මඞ්ගලාය.
පිනිබිඳු සහිත රතු නෙළුම් පෙති දෙකක ශෝභාව දරන්නා වූ, පාපය නමැති සතුරාගේ හිස සිඳීමෙන් තැවරුණු ලේ මෙන් ඉතා රතු වූ ඔබ වහන්සේගේ ශ්‍රී හස්තයෝ, මෙලොව මංගල්‍යය පිණිස පවතිත්වා!
50.
50.
රුපස්සිරී චරිත චඞ්කම විබ්භමා තෙ,පිට්ඨී යථා කලල මුද්ධනි සෙතු භූතා;
එවං භවණ්ණව සමුත්තරණාය සෙතු,හොතම්මහාකනක සංකම සන්නිකාසා.
රූප ශ්‍රීයෙන් යුතුව සක්මන් කරන කල්හි මඩ මතුපිට තැනූ පාලමක් බඳු වූ, මහා රන් පාලමකට සමාන වූ ඔබ වහන්සේගේ ශ්‍රී පිටිපතුල, සත්ත්වයන්ට සංසාර සාගරයෙන් එතෙර වීම පිණිස පාලමක් වේවා!
51.
51.
සද්ධම්ම දෙසන මනොහර භෙරිනාද,සංචාරණෙ සිවපුරං විසිතුං ජනානං;
ගීවා සුවණ්ණමය චාරු මුතිඞ්ග භෙරි,භාවම්භජා භවතු භූත විභූතියා තෙ.
සද්ධර්ම දේශනා නමැති මනහර බෙර හඬ පතුරුවමින්, ජනයාට නිවන් පුරයට වැදීම පිණිස මඟ සලසන, රන්වන් වූ මනහර මෘදංගයක් බඳු වූ ඔබ වහන්සේගේ ශ්‍රී ග්‍රීවය, සත්ත්වයන්ගේ අභිවෘද්ධිය පිණිස පවතීවා!
52.
52.
ලඛී නිවාස වදනම්බුජ මත්ත නින්න,මාකඩ්ඪයං ජන විලොචන චඤ්චරීකෙ;
සොරබ්භ ධම්ම මකරන්ද නිසන්දමානං,පිණෙතු තෙන සරසෙන සභා ජනෙ තෙ.
ශ්‍රී කාන්තාවගේ වාසභවනය වූ, ජනයාගේ ඇස් නමැති බඹරුන් තමා වෙත ඇදගන්නා වූ, දහම් නමැති මිහිරි සුවඳැති මල් පැණි වස්වන ඔබ වහන්සේගේ ශ්‍රී මුඛ පද්මය, ඒ මිහිරි රසයෙන් සභාගත පිරිස පිනවත්වා!
53.
53.
ලඛී සමාරුහිත වත්තරථෙ රථඞ්ග,ද්වන්දානු කාරි මිග රාජ කපොල ලීලං;
තාදඞ්ක මණ්ඩලයුගං විය කණ්ණභාජං,ගණ්ඩත්ථලද්ව්‍යමලංකුරුතං ජනත්තෙ.
ශ්‍රී කාන්තාව නැගී සිටි රවුම් රථයේ රෝද යුගල බඳු වූ, සිංහ රාජයෙකුගේ කම්මුල්වල ලීලාව දරන්නා වූ, කන්වල පැළඳි තෝඩු මණ්ඩල යුගලක් බඳු වූ ඔබ වහන්සේගේ කම්මුල් තල යුග්මය, ලෝකයාගේ නෙත් සිත් අලංකාර කෙරේවා!
54.
54.
ලාවණ්ණ මණ්ණව පවාළ ලතා ද්වයාභං,තන්දෙහ දෙව තරු පල්ලව කන්තෙ මන්තං;
වත්තාරවින්ද මකරන්ද පරාජිසොභං,රත්තාධරද්වයමධො කුරුතං ජනාඝං.
රූප සෝභාව නමැති සාගරයෙහි හටගත් පබළු වැල් දෙකක් බඳු වූ, දෙව්ලොව කල්ප වෘක්ෂයේ දලු මෙන් කාන්තිමත් වූ, මුඛ පද්මයේ මල් පැණි පරදන සෝභාවක් ඇති ඔබ වහන්සේගේ රතු තොල් යුගල, ජනයාගේ පාපයන් දුරු කෙරේවා!
55.
55.
උණ්ණා සකුන්තිගත මත්ථක නත්ථු කූප,සුබ්භූ ලකාර සහිතොට්ඨ පවාළ නාවා;
ගත්තුත්තරරණ්ණව ගතා තව ජන්තුකානං,හොතං භවණ්ණව සමුත්තරනය නාථ.
උර්ණ රෝමයෙන් යුත් නළල ද, නාස් පුඩු ද, ශෝභන බැම සඟල ද ඇති, පබළු බඳු තොල් ඇති ඔබ වහන්සේගේ ශ්‍රී මුඛය නමැති නැව, ස්වාමීනි, සත්ත්වයන්ට සංසාර සාගරයෙන් එතෙර වීම පිණිස උපකාරී වේවා!
56.
56.
ඉසං විකාස පදුමොදර කෙසරාලි,ලීලා විනද්ධ රුචිරා තව දන්ත පන්ති;
වානී වධූ ධරිත මාලති මාල්‍ය තුල්‍යා,තස්සං ජානස්ස මනරඤ්ජන මාචරෙය්‍ය.
මඳක් පිපුණු නෙළුම් මලක කෙඳි පෙළක් මෙන් මනහර වූ, වාග් දේවතාවිය පැළඳ සිටින පිච්ච මල් මාලාවක් බඳු වූ ඔබ වහන්සේගේ දන්ත මාලාව, ජනයාගේ සිත් සතුටු කරත්වා!
57.
57.
සද්ධම්ම නිජ්ඣර සුරත්ත සිලාතලාභා,ජිව්හා වචී නට වධූ කල රඞ්ග භූතා;
සද්ධම්ම සෙට්ඨ තරණී නිහිතප්පියා තෙ,සංසාර සාගර සමුත්තරණාය හොතු.
සද්ධර්ම නමැති දියඇල්ල ගලා බස්නා ඉතා රතු ගල් තලාවක් බඳු වූ, වචන නමැති නර්තන ශිල්පිනියගේ රංග භූමිය බඳු වූ, උතුම් සද්ධර්ම දේශනාව නමැති ඔරුව රඳවා ඇති ඔබ වහන්සේගේ ශ්‍රී ජිහ්වාව, සත්ත්වයන්ට සංසාර සාගරයෙන් එතෙර වීම පිණිස හේතු වේවා!
58.
58.
දන්තංසු කඤ්චුකීත රත්තධරො පධානෙ,ජිව්හා සුරත්ත සයනෙ මුඛ මන්දිරට්ඨෙ;
ආමොක්ඛ මුත්ති වධුයා සයිතාය තුය්හං,කුබ්බන්තු සංගම මලං ජන සොතු කාමි.
ඔබ වහන්සේගේ ශ්‍රීමත් මුඛ නමැති මන්දිරයෙහි, මනහර රතු පැහැති යහනක සැතපෙන්නා වූ, දන්ත කාන්තිය නමැති සුදු සළු පොරවා ගත්, විමුක්තිය නමැති මනාලිය හා එක්වන්නට කැමති ජනයාගේ (ශ්‍රවණය කරන්නන්ගේ) කෙලෙස් මල දුරු කෙරේවා.
59.
59.
උණ්ණා තථාභිනව පත්ත වරාභි රාමා,ලීලොල්ලසන්ත භමුකද්වය නීල පත්තා;
ඝානොරු චාරු කදලී වදනා ලවාලා,තුය්හං පවත්තතු චිරං ජන මඞ්ගලාය.
ඔබ වහන්සේගේ නළල් තලයේ බබළන ඌර්ණ රෝම ධාතුව ද, අලංකාර ලෙස සැලෙන නිල්වන් බැම යුවළ ද, රඹ කඳක් බඳු වූ මනහර නාසය ද ජනයාගේ යහපත පිණිස බොහෝ කල් පවතීවා!
60.
60.
බාලත්ථලී හරි සිලාතල පිට්ඨිකට්ඨ,භූවල්ලරිද්වය මයූර යුගස්ස තුය්හං;
පඤ්චප්පභා රුචිර පිච්ඡ යුගස්සිරීකං,නෙත්තද්වයං මනසි පුඤ්ඡතු පාපධූලිං.
රන්වන් ගල්තලාවක් බඳු වූ නළල් තලයේ පිහිටි බැම නමැති රන් මයුර යුග්මයට ඉහළින් පිහිටි, පස්වණක් පැහැති රශ්මියෙන් බබළන පියුම් පෙති බඳු වූ ඔබ වහන්සේගේ නෙත් යුග්මය සත්ත්වයන්ගේ සිත්හි ඇති පාප ධූලි (කෙලෙස්) පිසදමා හරිත්වා!
61.
61.
ඉන්දීවරාන්තගත භිඞ්ගික පන්ති භඞ්ගි,පඤම්බුජස්සරතතෙ විය ගච්ඡපන්තී;
නෙත්තම්බුජස්සිරි තිරොකරණීව තුය්හං,පම්හාවලී සිරිගතෙහ තිරො කරොන්තු.
නිල් මහනෙල් මලට ඉහළින් පියාසර කරන බඹර පෙළක් බඳු වූ ද, නෙත් නමැති පියුම් විලෙහි රැඳී තිබෙන වැටකඩක් බඳු වූ ද ඔබ වහන්සේගේ පියුම් පෙති බඳු ඇසිපිය රෝම සමූහය සත්ත්වයන්ගේ පාපයන් වළක්වත්වා!
62.
62.
වත්තුල්ලසම්බුජ විලොචන හංස තුණ්ඩ,කඤ්ජංසු පිඤ්ජර මුලාල ලතා ද්ව්‍යාභං;
දොලාද්වයංව සවණද්ව්‍යමත්ත ලක්ඛ්‍යා,හොතං තවජ්ජ ජනතා මතිචාරහෙතු.
වටකුරු වූ නෙත් නමැති පියුම් ද, හංස හොටක් බඳු නාසය ද, රන්වන් පියුම් කෙඳි වැනි වූ දෝලනය වන කන් යුවළක් බඳු වූ ද ඔබ වහන්සේගේ කන් යුගල අද ජනයාගේ යහපත් හැසිරීමට හේතු වේවා!
63.
63.
වම්මීක මත්ථක සයානක භූරිදත්ත,භොගින්ද භොගවලි විබ්භමමා වහන්ති;
ඝානොපරිට්ඨිතමුනෙ තව තුණ්ණමුණ්ණා,තග්ගාහිනො විය ජනස්ස දදාතු විත්තං.
හුඹස් මුදුනක සැතපී සිටින භූරිදත්ත නා රජුගේ දරණ වැලක ශෝභාව උසුලන්නා වූ, ඔබ වහන්සේගේ නාසයට ඉහළින් පිහිටි ඌර්ණ රෝම ධාතුව, එය දකින්නන් හට උතුම් ධර්ම නිධානයන් ලබා දෙත්වා!
64.
64.
රූපින්දිරාය විජයෙ ඛිල ලොක රූපං,ඝාණොරු චාරු පරිඝොපරි බද්ධ සිද්ධා;
නීලාභ වාත විලුථන්ත වයද්ධජාභා,තිට්ඨන්තු සජ්ජ දුරිතාරි ජයාය තෙ භූ.
මුළු ලෝකයේම රූපශ්‍රීය ජය ගැනීම සඳහා මනහර නාසය නමැති දොර අගුලට ඉහළින් බැඳ තිබෙන, සුළඟේ ලෙලදෙන නිල් පැහැති ජය කොඩි බඳු වූ ඔබ වහන්සේගේ බැම යුවළ අද සත්ත්වයන්ගේ පාප නමැති සතුරා පරාජය කිරීම පිණිස පවතීවා!
65.
65.
උණ්ණස්සිතොපල නිවෙසිත බුන්ද සන්ධි,ඝාණොරු පිණ්ඩකමඝා තප රුන්ධිතුන්තෙ;
හොතම්මුඛම්බුජ සිරී සිරසුස්සිතාභං,භූ නීල පට්ටික ලලාත සුවණ්ණ ඡත්තං.
සුදු ඌර්ණ රෝමයෙන් යුත් නළල ද, පාප නමැති අව් රශ්මිය වළක්වන නාසය ද, මුඛ පියුමේ ශ්‍රීයෙන් බබළන නිල්වන් බැම නමැති පටියෙන් යුත් ඔබ වහන්සේගේ නළල් තලය රන් කුඩයක් බඳු වී සත්ත්වයන් ආරක්ෂා කෙරේවා!
66.
66.
රුපඞ්ක වෙදන විලොචන බාන දිට්ඨී,ධාරා නිසාන මණිවට්ට සිරී සිරො තෙ;
සිද්ධා මතොසධ කතඤ්ජන පුඤ්ජ ලක්ඛී,හොතං ජනස්ස නයනාමය නාසනාය.
රූපය නමැති ඊතලය තෙත් කරන, මනාව සකස් කළ මාණික්‍යයක් බඳු වූ, දිව්‍ය ඖෂධ අඳුන් පිඬක් වැනි වූ ඔබ වහන්සේගේ ශීර්ෂය ලෝකයාගේ නෙත් රෝග දුරු කිරීම පිණිස හේතු වේවා!
67.
67.
සක්ඛන්ධ බාහුයුග තොරන මජ්ඣ ගීවා,ධරප්පිතස්සිරිඝතො පරි මුස්සවාය;
නීලුප්පලාව ඨපිතා සවිභත්ති කන්තෙ,කෙසා භවන්තු භුවනත්තය මඞ්ගලාය.
උරහිස් සහ බාහු නමැති තොරණ මැද පිහිටි ගෙල නමැති ශ්‍රී කලස මත තැන්පත් කරන ලද නිල් මහනෙල් මල් කළඹක් බඳු වූ, මනාව බෙදී පිහිටි ඔබ වහන්සේගේ කේශ කලාපය තුන් ලෝකයටම මංගල්‍යයක් වේවා!
68.
68.
හෙමග්ඝියෙ ඨපිත නීල සිලා කපාලෙ,පජ්ජොත ජාල ලලිතං මුනි සාරයන්තී;
රූපස්සිරී සිරසි භූසිත හෙම මාලා,කාරා කරොතු සුභගං තව කෙතු මාලා.
රන් පහන් වැටක තබන ලද නිල් මැණික් කැබැල්ලක ආලෝකය පරදවන්නා වූ, රූප ශ්‍රීයෙන් බබළන, ශීර්ෂය මත රන් මාලාවක් මෙන් සැරසුණු ඔබ වහන්සේගේ කේතුමාලාව ලෝකයාට භාග්‍යය උදා කෙරේවා!
69.
69.
භ්‍යාමප්පභාලි තව කඤ්චන මොර කාලෙ,සුරොදයෙ විතත චන්දක චක්කලක්ඛී;
මෙඝාවනද්ධ සිඛරුන්නත හෙම සෙලා,යන්තින්දචාප විකතීව දදාතු සොභං.
හිරු උදාවේදී රන් මොනරෙකුගේ පිල් කළඹක් මෙන් විහිදෙන, වලාකුළෙන් ගැවසුණු රන් පර්වත මුදුනක පායන දේදුන්නක් බඳු වූ ඔබ වහන්සේගේ ව්‍යාමප්‍රභා රශ්මි මාලාව ලෝකයාට අතිශය ශෝභාවක් ලබා දෙත්වා!
70.
70.
පට්ඨාය තෙ පණිධිතො සුචි දාන සීල,නෙක්ඛම්ම පඤ්ඤ විරියක්ඛම සච්චධිට්ඨා;
මෙත්තා උපෙක්ඛිති ඉමෙ දස පූරතොව,පූරෙන්තු පාරමි ගුණා ජනතානමත්තෙ.
නියත විවරණ ලැබූ තැන් පටන් ඔබ වහන්සේ පුරන ලද පාරිශුද්ධ වූ දාන, ශීල, නෛෂ්ක්‍රම්‍ය, ප්‍රඥා, වීර්ය, ක්‍ෂාන්ති, සත්‍ය, අධිෂ්ඨාන, මෛත්‍රී, උපේක්‍ෂා යන දස පාරමිතා ගුණයෝ සත්ත්වයන්ගේ සිත් පිරවීමට සමත් වෙත්වා!
71.
71.
පත්තුත්තරුත්තරදසා පණිධාන බීජා,චෙතොරධරාය කරුණා ජල සෙඛ වුද්ධා;
සබ්බඤ්ඤු ඤාණ ඵලදා සති වාට ගුත්තා,තං සම්ඵලන්දිසතු පාරමිතා ලතා තෙ.
අධිෂ්ඨානය නමැති බීජයෙන් හටගෙන, සිත නමැති කුඹුරෙහි කරුණාව නමැති දියෙන් වැඩී, සති නමැති වැටෙන් ආරක්ෂා වී, සර්වඥතා ඥානය නමැති ඵලය ලබා දෙන්නා වූ ඔබ වහන්සේගේ පාරමිතා වැල සත්ත්වයන්ට යහපත් ප්‍රතිඵල උදා කරත්වා!
72.
72.
ආබොධි පුණ්ණමි පදිට්ඨ දිනාදිතො තෙ,සම්භාර කාල සිත පක්ඛ කමාභි වුද්ධො;
සම්පුණ්ණ පාරමි ගුණාමතරංසි තංව,සබ්බඞ්ගි කුන්ද කුමුදානි පබොධයෙය්‍ය.
බෝධිය සඳහා අදිටන් කරගත් දින පටන්, පුර පක්ෂයේ සඳ මෙන් වැඩී ගිය, පරිපූර්ණ වූ පාරමිතා ගුණ නමැති චන්ද්‍රයා සත්ත්වයන්ගේ සිත් නමැති කුමුදු මල් පුබුදුවත්වා!
73.
73.
ආපච්ඡිමබ්භව සිවප්ඵල ලාභ දානා,දානප්පබන්ධමපිදාන ඵලප්පභන්දං;
සංවඩ්ඪයි ත්වං අභිපත්ථනතො යථෙවං,ජන්තුත්තරුත්තර ඵලං ඛලු සම්භුනන්තු.
ඔබ වහන්සේ අවසාන ආත්මය දක්වාම දාන පරම්පරාවන් පුරමින් දාන ඵලයන් දියුණු කළාක් මෙන්, සත්ත්වයෝ ද උතුම් වූ ලෝකෝත්තර ඵලයන් ලබත්වා!
74.
74.
ආරම්භතොප්පභුති යාව තවග්ගමග්ගා,වික්ඛාලිත ඝකලුසං සුචි සීල තොයං;
මෙත්තා දයා මධුර සීතලතායුපෙතං,සොධෙතු ත්වංව භව නිස්සිත ජන්තු මෙතං.
ආරම්භයේ පටන් අග්‍ර මාර්ගය දක්වාම කෙලෙස් මල සෝදා හැරියා වූ, මෛත්‍රිය හා කරුණාවෙන් මධුර වූ ද සිසිල් වූ ද ඔබ වහන්සේගේ පිරිසිදු ශීල තෝයය සත්ත්වයන්ගේ සසර දුක් කෙලෙස් සෝදා හරීවා!
75.
75.
ආපච්චිමත්තමභිනික්ඛමනාභියොගා,පට්ඨාය තම්පභවතො පරිපුණ්ණ ගෙහා;
ත්වං සබ්බ ජාති ගහතො අපි නික්ඛමිත්ථො,එවං ජනා භව දුඛා ඛලු නික්ඛමන්තු.
ඔබ වහන්සේ අවසන් භවයේදී ගිහිගෙයින් නික්මී යන්නාක් මෙන්, සෑම භවයකදීම සසර නමැති ගෘහයෙන් නික්මුණා සේ, සත්ත්වයෝ ද සසර දුකෙන් නික්මෙත්වා!
76.
76.
එකග්ගතො පල තලෙ නිසිතා චිරන්ධි,ධාරා සුචිත්තු සුතලෙ සති දණ්ඩ බද්ධෙ;
නිබ්බිජ්ඣි ලක්ඛණ ධනුට්ඨිති සන්ති ලක්ඛං,ඛිත්තා තයොනමනු විජ්ඣතු ජන්තු ඛිත්තා.
ඒකාග්‍රතාව නමැති ගල්තලාවෙහි මුවහත් කරන ලද, සුචිත්ත නමැති දුන්නෙහි, සති නමැති මිටෙන් විදින ලද ප්‍රඥා නමැති ඊතලයෙන් සත්ත්වයෝ ද නිවන් නමැති ඉලක්කය විනිවිද දකිත්වා!
77.
77.
ත්වං පාරමී ජල නිධිං චතුරිහ බාහු,සත්තීහි සුත්තරි චිරං ජනකොව සින්ධුං;
සම්පන්න වික්කම ඵලොසි යථා චසොව,එවං ජනා විරියතප්ඵලමෙ ධයන්තු.
ජනක රජු තමන්ගේ බාහුවල වීර්යයෙන් සාගරය තරණය කළාක් මෙන්, ඔබ වහන්සේ ද වීර්යය නමැති බලයෙන් පාරමිතා සාගරය තරණය කළ සේක. එමෙන්ම ලෝකයා ද වීර්යයෙහි යහපත් ප්‍රතිඵල ලබත්වා!
78.
78.
සත්ත පරධ දහනෙසු චිරං සුධන්තං,ඛන්තී සුවණ්ණ කත රූප සමන්තිමත්තා;
සබ්බා පරාධමසහි ත්වංඅසය්හමෙවං,සබ්බෙ ජනාපි ඛමනෙන භජන්තු සන්තිං.
සතුරන්ගේ අපරාධ නමැති ගින්නෙන් බොහෝ කල් මනාව තැවුණු, ක්‍ෂාන්තිය නමැති රන් පිළිමයක් බඳු වූ ඔබ වහන්සේ සියලු දරාගත නොහැකි අපරාධයන් ඉවසූ සේක. එලෙසම සියලු සත්ත්වයෝ ද ඉවසීමෙන් යුතුව ශාන්තිය ලබත්වා!
79.
79.
ලක්ඛාධිකං චතුර සංඛිය කප්ප කාලං,සච්චෙන සුට්ඨු පරිභාවිත වාචිනො තෙ;
වාචාය සච්ච ඵුසිතාය සමෙන්ති ජන්තු,එවං විසුද්ධ වචනා ජනතා භවන්තු.
සතර අසංඛ්‍ය කල්ප ලක්ෂයක් මුළුල්ලෙහි සත්‍යයෙන් මනාව පෝෂණය කරන ලද ඔබ වහන්සේගේ වචනයෙන් සත්ත්වයෝ සැනසෙත්වා! එලෙසම ලෝකයා ද පිවිතුරු වචන ඇත්තෝ වෙත්වා!
80.
80.
ආදින්න ධම්ම මහියත්ථිර සුප්පතිට්ඨා,ධිට්ඨාන පාරමි මහා වජිරද්දි තුය්හං;
සත්තෙන කෙන පි යථාහි අභෙජ්ජ නෙජ්ජො,එවං ජනාපි කුසලෙසු අධිට්ඨ හන්තු.
ධර්මය නමැති මහ පොළොවෙහි ස්ථිරව පිහිටි, කිසිවෙකුටත් සෙලවිය නොහැකි, ඔබ වහන්සේගේ අධිෂ්ඨාන පාරමිතාව නමැති මහා වජ්‍ර පර්වතය මෙන්, ලෝකයා ද කුසල් දහම්හි ස්ථිරව අධිෂ්ඨාන කරත්වා!
81.
81.
ත්වං සබ්බ සත්ත චිරභාවිත මෙත්ත චිත්ත,තොයෙහි සංසමිත කොධ මහා හුතාසො;
ලොකුත්තරං තදිතරං හිතමාවහිත්ථො,එවං ජනෙසු ජනතා හිතමාවහන්තූ.
දිගු කලක් තිස්සේ වඩන ලද මෛත්‍රී සිත් නමැති සිසිල් දියෙන් ක්‍රෝධය නමැති මහා ගින්න නිවා දැමූ ඔබ වහන්සේ, ලෝකයාට ලෞකික ලෝකෝත්තර යහපත උදා කළ සේක. එසේම සත්ත්වයෝ ද එකිනෙකාට යහපත උදා කරත්වා!
82.
82.
මිත්තොපකාර පටිපක්ඛ ජනාපකාරෙ,ත්වං නිබ්බිකාර මනසො චිරභාවනාය;
පත්තොසිලාභ පභුතට්ටුසු නිබ්බිකාරං,එවං ජනානුනය කොප නුදා භවන්තු.
උපකාර කරන කල්‍යාණ මිතුරන් කෙරෙහිත්, අපරාධ කරන සතුරන් කෙරෙහිත් එක හා සමානව, කිසිදු වෙනසක් නැති මනසකින් යුතුව ලාභ අලාභාදී අටලෝ දහමෙහි කම්පා නොවූ ඔබ වහන්සේ මෙන්, සත්ත්වයෝ ද ඇලීම් හා ගැටීම් දුරු කරත්වා!
83.
83.
සම්පන්න හෙතු විභවො තුසිතෙ විමානං,යුත්තං ගුණෙහි නවභිප්පදවී විමානං;
ත්වං වාධිපරමිධිරොහිනියා තිලොකො,ආරොහතු භය සුඛං පදවී විමානං.
තුසිත භවනෙහි වෙසෙමින් පාරමිතාවන් සම්පූර්ණ කර, නව අරහාදී බුදුගුණයන්ගෙන් යුක්ත වූ උතුම් නිවන් මන්දිරයට පැමිණි ඔබ වහන්සේ මෙන්, තුන් ලෝ වැසි සත්ත්වයෝ ද බිය රහිත වූ උතුම් නිවන් මඟට පැමිණෙත්වා!
84.
84.
ත්වංවෙරහංසි සමබුජ්ඣි යථාච සම්මා,සම්පන්න විජ්ජ චරණො සුගතොසි හොන්තු;
ලොකං විදො පුරිසදම්මසුසාරථී සි,සත්ථාසි බුජ්ඣි භගවා සි තථෙව ජන්තු.
ඔබ වහන්සේ අරහත් වන සේක, සම්මා සම්බුද්ධ වන සේක, විද්‍යාචරණ සම්පන්න වන සේක, සුගත වන සේක, ලෝකවිදූ වන සේක, අනුත්තර පුරිසදම්මසාරථී වන සේක, ශාස්තෘ වන සේක, බුද්ධ වන සේක, භගවා වන සේක. එමෙන්ම සත්ත්වයෝ ද සත්‍යය අවබෝධ කරගනිත්වා!
85.
85.
සච්චිත්ත භූ නිදහිතං ජනතාය තුය්හං,කල්‍යාණවණ්ණරතනණ්ණවජාතිභින්නං;
දුක්ඛග්ගි චොර ජලුපද්දුතජාති ගෙහෙ,තස්සා සුඛං භවතු ජීවිතුමාපදාය.
සත්ත්වයන්ගේ සිත් නමැති භූමියෙහි තැන්පත් කරන ලද, ඔබ වහන්සේගේ උතුම් වූ ධර්ම රත්නය, ජාති-ජරා-මරණ නමැති දුක් ගින්නෙන් ද, කෙලෙස් නමැති සොර සතුරන්ගෙන් ද පීඩිත වූ සසර ගෘහයෙහි වෙසෙන සත්ත්වයන්ට විපත්තිවලින් මිදී ජීවත් වීමට සුවයක් සැලසෙත්වා!
86.
86.
වාචා විචිත්ත වර තන්තු ගතඞ්ගි කණ්ඨෙ,ස්වා මුත්ත සග්ගුණ මහා රතනා වලී තෙ;
වෙවණ්ණි යත්තනි භවං සකලම්පහාය,හොතඤ්ජනස්ස සිරි සඞ්ගම මඞ්ගලාය.
ඔබ වහන්සේගේ ගෙලෙහි රැඳී තිබෙන, සුමිහිරි වචන නමැති නූලෙන් අමුණන ලද උතුම් ගුණාංග නමැති මුතු මාලාව, ලෝකයාගේ සියලු අසමගිකම් දුරු කර ශ්‍රී සෞභාග්‍යය හා සාමය උදා කිරීමට හේතු වේවා!
87.
87.
තං සග්ගුණත්ථව දහට්ඨ සුතිප්පනාලි,නිස්සන්දමාන ගුණනීර නිපාන තින්තෙ;
ඛෙත්තෙත්ත සඤ්ඤිනි ජනා කත ලොම හංස,බීජඞ්කුරී කුසල සස්ස ඵලං ලභන්තු.
ඔබ වහන්සේගේ ගුණ නමැති සිසිල් ජලයෙන් තෙත් වූ හෘදය නමැති කුඹුරෙහි, සතුටින් ලොමුදහගන්නා වූ සත්ත්වයෝ, කුසල් නමැති බීජ රෝපණය කර උතුම් වූ කුසල් අස්වනු ලබත්වා!
88.
88.
ආපායිකප්පභුති දුක්ඛ නිදාඝ කාල,සන්තාපිතා නිඛිල ලොක මනො කදම්බා;
තං වඞ්ණ මෙඝ ඵුසනා හසනඞ්කුරෙහි,ඉද්ධා භවන්තු මති වල්ලරි වෙල්ලීතා තෙ.
අපාය ආදී දුක් නමැති ග්‍රීෂ්ම කාලයෙන් තැවුණු, සකල ලෝකවාසීන්ගේ සිත් නමැති කදම්බයෝ, ඔබ වහන්සේගේ රශ්මි නමැති මේඝයේ ස්පර්ශය හා සිනහව නමැති අංකුරයන්ගෙන් යුක්තව, වැඩුනු ඥාන නමැති වැල් ඇතිව බැබළෙත්වා!
89.
89.
හෙතුද්දසා ඵලදසා සමවට්ඨිතං තං,සබ්බත්ථ සත්ත හිතමාවහණෙන සිද්ධං;
චින්තාපථාතිගනුභාව විභාවනන්තෙ,භූතානමත්ථු චරිතබ්භුතමත්ථ සිධ්‍යා.
හේතූන් දක්වන්නා වූ ද, ඵලයන් ලබා දෙන්නා වූ ද, සෑම තැනකදීම සත්ත්වයන්ට යහපත සැලසීමෙන් මනා කොට පිහිටියා වූ ද, සිතීමේ සීමාව ඉක්මවා ගිය ආනුභාවයක් ප්‍රකාශ කරන්නා වූ ද ඔබ වහන්සේගේ ඒ අද්භූත චරිතය සත්ත්වයන්ගේ යහපත සිද්ධ වීම පිණිස හේතු වේවා!
90.
90.
අඞ්ගාරකාසුමභිලඞ්ඝිය දාන කාලෙ,භත්තත්තනො පද පටිච්ඡක පඞ්කජා ච;
යාතක්ඛණෙ තව පදෙ ධටමුට්ඨහිත්වා,පඞ්කෙරුහාං සිව මධුං සරතං දදන්තු.
දාන පාරමිතාව පුරන සමයෙහි අඟුරු වළ ඉක්මවා වැඩම කළ කල්හි, ඔබ වහන්සේගේ ශ්‍රී පාදයන් පිළිගැනීම පිණිස මතු වූ, ඔබ වහන්සේ වැඩම කළ සැණින් පා යට මතු වූ ඒ නෙළුම් පියුම්, ඒවා සිහිපත් කරන්නවුන්ට මොක්ෂ නමැති මධු රසය ලබා දෙත්වා!
91.
91.
සච්චෙන මච්ඡ පති වස්සිත වස්සධාරා,සත්තෙ දයාය තව වස්සිත වස්සධාරා;
ගිම්හෙ ජනස්ස සමයිංසු යථා තථාතා,ධමම්බුවුට්ඨිව සමෙන්තු කිලෙස දාහෙ.
මත්ස්‍ය රාජ්‍යයෙහි සත්‍ය ක්‍රියාවෙන් ඇද හැළුණු වැසි දහරා මෙන් ද, සත්ත්වයන් කෙරෙහි කරුණාවෙන් වස්වන ලද වැසි දහරා මෙන් ද, ග්‍රීෂ්ම කාලයෙහි ජනයාගේ දාහය සංසිඳුවූවා සේ, ඔබ වහන්සේගේ ධර්ම නමැති පැන් වැස්ස සත්ත්වයන්ගේ කෙලෙස් දාහය සංසිඳුවත්වා!
92.
92.
ඡද්දන්ත නාග පතිනා ඛමතා පරාධං,ඡෙත්වා කරෙ ඨපිත දන්තවරාව ලුද්දං;
ලොකෙ හිතාය ඨපිතා තව දන්ත ධාතු,සෙට්ඨා ජනං සිව පුරං ලහු පාපයන්තු.
වැරදි ඉවසන්නා වූ ඡද්දන්ත හස්ති රාජයාව සිටිමින්, ස්වකීය දළ යුගල කපා වැද්දාගේ අතෙහි තැබුවා වූ, ලෝකයාගේ යහපත පිණිස පිහිටුවන ලද ඔබ වහන්සේගේ උත්තම වූ දන්ත ධාතූන් වහන්සේ ජනයාව වහාම මොක්ෂ පුරයට පමුණුවත්වා!
93.
93.
තං තෙමියාඛ්‍ය යතිනොස්සම මාලකම්හි,ඔකිණ්ණ මුත්ත කනකා වුජ විප්පකිණ්ණා;
කාරුඤ්ඤ වාරිද චුතො දක බින්දු බන්ධූ,ධාතු සමෙන්තු තව ජන්තුසු දුක්ඛදාහෙ.
තේමිය නම් වූ තාපසයන් වහන්සේගේ අසිරිමත් මළුවෙහි විසිරුණු මුතු හා රන් මෙන් පතිත වූ, මහා කරුණා නමැති මේඝයෙන් වැගිරුණු දිය බිඳු වැනි වූ ඔබ වහන්සේගේ ධාතූන් වහන්සේලා සත්ත්වයන් කෙරෙහි පවත්නා දුක් දාහය සංසිඳුවත්වා!
94.
94.
රට්ඨස්ස අත්ථ චරණාය අසම්මුඛස්ස,රාමෙන දින්න තිණ සංඛත පාදුකාව;
භුත්තා තයා චිරමසම්මුඛ නාගතස්ස,ලොකස්ස අත්ථමනු තිට්ඨතු පත්ත ධාතු.
නොපැමිණි රාම කුමරු වෙනුවෙන් රටේ යහපත පිණිස දෙන ලද තණ පාවහන් යුගල මෙන්, ඔබ වහන්සේ පිරිනිවන් පෑමෙන් පසු අනාගත ලෝකයාගේ යහපත උදෙසා, ඔබ වහන්සේ බොහෝ කලක් පරිභෝග කළ පාත්‍ර ධාතූන් වහන්සේ ලෝකයාට යහපත සලසමින් වැඩසිටිත්වා!
95.
95.
වුත්තො ජනානමුපදිස්ස වරාහ රඤ්ඤා,සත්ථිං සහස්ස සරදං විය ඤාය ධම්මො;
ආදෙය්‍ය හෙය්‍යමුපදිස්ස තයා පවුත්තො,ධම්මො පවත්තතු චිරං ජනතා හිතාය.
උතුම් රජ කෙනෙකු විසින් හැට දහසක් වස් කාලයක් මුළුල්ලෙහි ජනයාට උපදෙස් දෙමින් දෙසූ ධර්මය මෙන්, පිළිගත යුතු දේ හා බැහැර කළ යුතු දේ දක්වමින් ඔබ වහන්සේ විසින් දේශනා කරන ලද ශ්‍රී සද්ධර්මය ජනයාගේ යහපත පිණිස බොහෝ කල් පවතිත්වා!
96.
96.
මාරාරි මද්දන හිතාධිගමං කරොතා,භත්තො තයා වර මහා ජය බොධි රාජා;
සග්ගා පවවග්ග හිතහෙතු ජනස්ස හන්ත්වා,සබ්බන්තරායමිහ තිට්ඨතු සුට්ඨු සජ්ජො.
මාර පරාජය කොට ලෝකයාට වැඩ සැලසූ ඔබ වහන්සේ විසින් සෙවන කොට ඇසුරු කරන ලද උත්තම මහා ජය ශ්‍රී බෝධි රාජයන් වහන්සේ, ජනයාගේ ස්වර්ග මොක්ෂ සැප පිණිස සකල විධ අන්තරායන් දුරු කරමින් මෙහි මනාව වැඩසිටිත්වා!
97.
97.
සාමොද වණ්ණ භජනී ගුණ මඤ්ජරීයං,චරියා ලතා විකසිතා තව සප්ඵලඞ්ගං;
ඔකිණ්ණ චිත්ත මධුපෙ රස පීණයන්ති,සම්භාවිතා භුවි පවත්තතු මත්ථකෙහි.
ප්‍රීති සහගත වර්ණයෙන් යුතු, ගුණ නමැති මල් පොකුරෙන් බැබළෙන, ඵල සහිත අතු පතරින් යුතු ඔබ වහන්සේගේ විකසිත චර්යා නමැති ලතාව, අවට රොද බඳින සිත් නමැති බඹරුන් රසයෙන් පිනවමින්, ලෝවැසියන්ගේ හිස් මුදුනෙහි පුදනු ලබමින් මෙලොව පවතිත්වා!
98.
98.
සම්බුද්ධ සෙලවලයන්තර ජානනව්හා,නොත්තත්තතො තිපථගා යති සාගරට්ඨා;
ධම්මා පගා සුති වසෙ තරිතෙ පුණන්ති,සම්භාර සස්සමිහ වත්තතු පචයන්ති.
සම්බුද්ධ නමැති පර්වත මධ්‍යයෙන් උපන්නා වූ, තිපිටකය නමැති මාර්ග තුනෙන් ගලා යන්නා වූ ද, සංඝ නමැති සාගරය කරා පැමිණෙන්නා වූ ද ධර්ම නමැති ගංගාව ශ්‍රවණය කරන්නවුන් පිරිසිදු කරමින්, බෝධි සම්භාර නමැති අස්වැන්න මේ ලෝකයෙහි පූදමින් ගලා බසීවා!
99.
99.
පඤ්ඤාණ කූප සිත පග්ගහ වායු ගාහී,සද්ධා ලකාර සහිතා සති පොත වාහා;
සම්පාපයාතු භව සාගර පාර තීර,සප්පත්තනං වරධනෙ පති පත්ති නාවා.
ප්‍රඥාව නමැති කුඹගස ඇති, වීර්යය නමැති සුළඟ ලබා ගන්නා වූ, ශ්‍රද්ධාව නමැති රුක් සහිත වූ ද, සතිය නමැති නැව්කරුවා විසින් පදවනු ලබන්නා වූ ද ප්‍රතිපත්ති නමැති නෞකාව, සත්ත්වයන්ව සංසාර සාගරයේ එතෙර පිහිටි උතුම් නිවන් නමැති වරායට පමුණුවාවා!
100.
100.
බොජ්ඣඞ්ග සත්ත රතනාකර ධම්ම ඛන්ධ,ගම්භීර නීර චය සාසන සාගරො සං;
සො සීල්‍යනන්ත තනු වෙටිථ ඤාණ මන්ථ,සෙලෙන මන්ථිතවතං දිසතා මතං වෙ.
සප්ත බොජ්ඣංග නමැති රත්නයන්ගෙන් පිරුණු, ගැඹුරු දිය කඳ වැනි වූ ධර්මස්කන්ධයෙන් යුත් ශාසන නමැති සාගරය, ශීල නමැති අනන්ත ශරීරයෙන් වෙළන ලද, ඥානය නමැති මන්දර පර්වතයෙන් මතු කරන ලද අමෘතය ඒ ශාසනයෙහි නිරත වන්නන්ට ලබා දෙත්වා!
101.
101.
වුත්තෙන තෙන විධිනා විධිනා තතො තං,ලද්ධා නුභූතමමතං ඛිල දොස නාසං;
අච්චන්ත රොග ජරතා මරණා භි භූතං,භූතං කරොතු අමරං අජරං අරොගං.
ප්‍රකාශ කරන ලද ඒ ක්‍රමයෙන්, සකල ක්ලේශයන් නසන්නා වූ ද, අත්පත් කරගෙන අනුභව කරන ලද්දා වූ ද ඒ අමෘතය, රෝග, ජරා සහ මරණයන්ගෙන් අතිශයින් පීඩිත වූ සත්ත්ව සමූහයාව නොමැරෙන, දිරාපත් නොවන, නීරෝගී පිරිසක් බවට පත් කරාවා!
102.
102.
සද්ධම්ම රාජ රවිනිග්ගත ධම්මරංසි,ඵුල්ලො ධුතඞ්ගදල සංවර කෙසරාලි;
සඞ්ඝාරවින්ද නිකරො සමධුං සමාධි,සක්කිණ්ණිකො දිසතු සාසන වාපි ජතො.
සද්ධර්ම රාජයා නමැති සූර්යයාගෙන් නික්මුණු ධර්ම රශ්මියෙන් පිබිදුණු, ධුතාංග නමැති පෙතිවලින් හා සංවරය නමැති රේණුවලින් සුසැදි, සමාධි නමැති මධු රසයෙන් යුත්, ශාසන විලෙහි හටගත් සංඝයා නමැති නෙළුම් පියුම් සමූහය ලෝකයාට ශාන්තිය උදා කරත්වා!
103.
103.
ආනන්ද රඤ්ඤ රතනාදි මහා යතින්ද,නිච්චප්පබුද්ධ පදුමප්පිය සෙවිනඞ්ගී;
බුද්ධප්පියෙන ඝන බුද්ධ ගුණප්පියෙන,ථෙරාලිනා රචිත පජ්ජමධුං පිබන්තු.
ආනන්ද, රත්න ආදී වූ, නිතර පිබිදුණු පියුමක් වැනි බුදුරදුන් සේවනය කරන්නා වූ මහා යතීන්ද්‍රයන් වහන්සේලා කෙරෙහි ඇති ගෞරවයෙන්, ඝන බුද්ධ ගුණයන්ට ප්‍රිය කරන්නා වූ 'බුද්ධප්පිය' නම් තෙරණුවන් නමැති බඹරා විසින් රචිත මේ පද්‍ය නමැති මධු රසය සියල්ලෝ පානය කරත්වා!
104.
104.
ඉත්ථං රූප ගුණානුකිත්තනවසා තං තං හිතා සිං සතො,වත්ථානුස්සති වත්තිත ඉහ යථා සත්තෙසු මෙත්තා ච මෙ;
එවං තාභි භවන්ත රුත්තර තරා වත්තන්තු තා බොධි මෙ,සංයොගොච ධනෙහි සන්තිහි භවෙ කල්‍යාන මිත්තෙහි ච.
මෙලෙස බුදුරජාණන් වහන්සේගේ රූපය හා ගුණයන් වර්ණනා කිරීමෙන් ද, රත්නත්‍රය අනුස්මරණය කිරීමෙන් ද, සත්ත්වයන් කෙරෙහි මා පැවැත්වූ මෙත් සිතින් ද ජනිත වන්නා වූ ඒ කුසල් බලයෙන් මාගේ උත්තම බෝධිය සිද්ධ වේවා! එමෙන්ම සසර වසන තාක් කල් උතුම් වූ ශාන්තිය, ධනය හා කල්‍යාණ මිත්‍රයන්ගේ ඇසුර මට ලැබේවා!