นโม ตสฺส ภควโต อรหโต สมฺมาสมฺพุทฺธสฺส

สุตฺตวนฺทนา

๑.

ธมฺมตฺถ [Pg.13] เทสนา เวธ,จตุคมฺภีร ทุทฺทสํ;

ธมฺมํ โลกสฺส เทเสนฺตํ,ธมฺมราชํ นมามหํ;

๒.

พุทฺโธ [Pg.14] ปจฺเจกพุทฺโธ จ,อรหา จกฺกวตฺตีติ;

ถูปาถูปารหํ วนฺเท,จตุถูปารเหสุ ตํ;

๓.

เปตเสยฺโย [Pg.15] กามโภคี,สีหเสยฺโย ตถาคโต;

สยนฺตํ จตุเสยฺเยสุ,จตุตฺเถน นเม ชินํ;

๔.

อณฺฑชา ชลาพุชา จ;

สํเสทโช ปปาติกา;

จตุโยนิ ปริจฺเฉท,ญาณวนฺตํ นเม ชินํ;

๕.

สุตพุทฺโธนุพุทฺโธ [Pg.16] จ,ปจฺเจโก ชินพุทฺโธติ;

จตุตฺถํ จตุพุทฺเธสุ,วนฺทามิ โลกนายกํ;

๖.

ราหุคฺคํ [Pg.17] อตฺตภาคีนํ,มนฺธาตา กามโภคีนํ;

มาโร อธิปเตยฺยานํ,พุทฺโธ โลเก สเทวเก;

จตุอคฺค ปญฺญตฺตีนํ,อคฺคปตฺตํ นเม ชินํ.

๗.

ทานํ [Pg.18] ปิยกถา อตฺถ,จริยา สทิสตฺตตา;

จตุสงฺคห วตฺถูหิ,อสงฺขิเยสุ ชาติสุ;

โลกสฺส สงฺคเหตารํ,วนฺทามิ โลกนายกํ;

๘.

โลโภ โทโส จ โมโหติ,อนฺโต ปจฺจตฺถิเก ตโย;

ทุชฺชเย [Pg.19] สพฺพเวรีหิ,สญฺชิตํปิ สุธึ นเม;

๙.

ชาติ ปุญฺญ มหตฺตานิ,คุณมหตฺตมุตฺตมํ;

ติมหตฺเถหิ สมฺปนฺนํ,วนฺทามิ โลกนายกํ;

๑๐.

เหตุ [Pg.20] ผล สมฺปทาโย,สตฺตุปการสมฺปทา;

ติสมฺปทาหิ สมฺปนฺนํ,วนฺทามิ โลกนายกํ.

๑๑.

ญาณปฺปหานานุภาว,สุรูปการสมฺปทา;

จตุผล สมฺปทาหิ,ตํ สมฺปนฺนํ นเม ชินํ.

๑๒.

อาสโย [Pg.21] จ ปโยโคติ,สตฺตุปการ สมฺปทา;

ทุวิธา ยสฺส สมฺปนฺนา,สมฺมา มํ ปาตุ โส ชิโน.

๑๓.

มโหสเธ เวสฺสนฺตเร,ปจฺฉิมภวิเก ตถา;

ติชาตีสุ นเม วาจํ,ภาเสนฺตํ ชายนกฺขเณ.

๑๔.

เนมิมฺหิ [Pg.22] สาธิเน เจว,มนฺธาตริ จ คุตฺติเล;

จตูสุ มนุชตฺเตน,เทวโลกํ คตํ นเม.

๑๕.

สงฺขาโร รูปวิกาโร,ลกฺขณํ วานนิสฺสฏํ;

นิพฺพานํ [Pg.23] ปญฺญตฺติเจติ,ปญฺจ เญยฺยนฺตคุํ นเม.

๑๖.

ปุตฺต ทาร ปริจฺจาคา,รชฺชงฺคํ ชีว จาคีติ;

ปญฺจ มหาปริจฺจาเค,กรํ สุทุกฺกเร นเม.

๑๗.

รูปญฺจ [Pg.24] เวทนา สญฺญา,สงฺขารา วิญฺญาณนฺติเม;

ปญฺจกฺขนฺเธ ปริชานํ,ติปริญฺญาหิ ตํ นเม.

๑๘.

มนุสฺส เทว คติโย,เปโต จ นิรโย ตถา;

ติรจฺฉาโนติ ปญฺเจตา,ฉินฺทนฺตํ คติโย นเม;

๑๙.

เทวปุตฺโต [Pg.25] กิเลโส จ,อภิสงฺขาร มารโก;

ขนฺโธ มจฺจูติ ปญฺเจเต,มาเร วิชิตวํ นเม.

๒๐.

ปุเรภตฺตํ ปจฺฉาภตฺตํ,ปุริมญฺเจว มชฺฌิมํ;

ปจฺฉิมนฺติ สทา ปญฺจ,พุทฺธกิจฺจํ กรํ นเม.

๒๑.

รูปา [Pg.26] สทฺทา คนฺธา รสา,โผฏฺฐพฺพา จ มโนรมา;

ปญฺจ กามคุเณ หิตฺวา,เขฬํว นิคฺคตํ นเม.

๒๒.

ราคสลฺลํ [Pg.27] โทสสลฺลํ,โมหา มาโน จ ทิฏฺฐีติ;

วนฺเท วชฺชาติวชฺชนฺตํ,ปญฺจสลฺลปนูทนํ.

๒๓.

ทีโฆ มชฺฌิม สํยุตฺตา,องฺคุตฺตโร จ ขุทฺทโก;

อิติ ปญฺจ นิกาเยหิ,สุวิเนนฺตํ ปชํ นเม.

๒๔.

อิสฺสริยํ [Pg.28] ยโส ธมฺโม,กาโม สิรี ปยตฺตีติ;

ภคฺเยหิ ฉหิ สมฺปนฺนํ,วนฺทามิ โลกนายกํ.

๒๕.

ปิยาปิยํ [Pg.29] ภูตาภูตํ,อตฺถานตฺถํ ยถารหํ;

มิสฺสา ฉสุ สุวาจํว,ภาสนฺตํ อตฺถกํ นเม.

๒๖.

อลโส จ ปมาโท จ,อนุฏฺฐานํ อสํยโม;

นิทฺทา ตนฺตีติ ฉิทฺเทหิ,ฉหิ มุตฺตํ สทา นเม.

๒๗.

มหากรุณาสมาปตฺติ[Pg.30],ยมกปฺปาฏิหาริยํ;

อาสยานุสเย ญาณํ,อินฺทฺริยาน ปโรปเร;

สพฺพญฺญุตา นาวรณํ,ฉา สาธารณิกํ นเม.

๒๘.

กามจฺฉนฺโท [Pg.31] จ พฺยาปาโท,ถินมิทฺธญฺจ สํสโย;

อวิชฺชุทฺธจฺจ กุกฺกุจฺจํ,ฉวินีวรณํ นเม.

๒๙.

อิทฺธิวิธํ ทิพฺพโสตํ,ปรจิตฺต วิชานนา;

ปุพฺเพนิวาสานุสฺสติ[Pg.32],ทิพฺพจกฺขาสวกฺขโย;

ฉฬภิญฺญาหิ สมฺปนฺนํ,วนฺทามิ ปุริสุตฺตมํ.

๓๐.

นีล ปีตา จ โอทาตา,มญฺชิฏฺฐา จ ปภสฺสรา;

โลหิตาติ ฉ รํสีหี,วิชฺโชตนฺตํ สทา นเม.

๓๑.

อสฺสาทาทีนโว [Pg.33] เจว,นิสฺสรณผลํ ตถา;

อุปายาณตฺตีติ ฉธา,สทฺธมฺมเทสกํ นเม.

๓๒.

ราโค [Pg.34] โทโส จ โมโห จ,วิตกฺกจริยา ตถา;

สทฺธา พุทฺธีติ ภาเชนฺตํ,ตา ฉเฬจริยา นเม.

๓๓.

รชตํ กนกํ มุตฺตา,มณิ เวฬุริยานิ จ;

วชิรญฺจ ปวาฬนฺติ,เสฏฺฐิ สตฺตธโน วิย.

๓๔.

สทฺธาสีลํ สุตํจาโค,หิรี โอตฺตปฺปิยํ ธนํ,ปญฺญาธนนฺติ สมฺพุทฺธํ,วนฺเท สตฺตมหาธนํ.

๓๕.

จกฺกํ [Pg.35] หตฺถิ อสฺโส มณิ,คหปติตฺถิโย ตถา;

สุปริณายโกจาติ,สตฺตรตโน จกฺกวตฺตีว.

๓๖.

สติ ธมฺมวิจโย จ,ตเถว วีริยํ ปีติ;

ปสฺสทฺธิ [Pg.36] สมาธุเปกฺขา,สทฺธมฺม จกฺกวตฺติกํ;

สตฺต โพชฺฌงฺครตนํ,นมามิ ปุริสุตฺตมํ.

๓๗.

ยุคนฺธโร [Pg.37] อีสธโร,กรวีโก สุทสฺสโน;

เนมินฺธโร วินตโก,อสฺสกณฺโณ มหานเค;

สตฺเตเต หตฺถรูปํว,สมฺปสฺสนฺตํ ชินํ นเม.

๓๘.

กณฺณมุณฺโฑ อโนตตฺโต,กุณาโล รถการโก;

สีหปฺปปาต ฉทฺทนฺตา,มนฺทากินี มหาสเร;

สตฺเตเต [Pg.38] สพฺพถา ปสฺสํ,ทิฏฺเฐว ปาติกํ นเม.

๓๙.

มนุสฺสตฺตํ ลิงฺคสมฺปตฺติ,เหตุ สตฺถารทสฺสนํ;

ปพฺพชฺชา คุณสมฺปตฺติ,อธิกาโร จ ฉนฺทตา;

อฏฺฐธมฺม สโมธานา,ภินีหารนฺตคุํ นเม.

๔๐.

วิสฏฺฐํ [Pg.39] มญฺชุ วิญฺเญยฺยํ,สวนียาวิสาริณา;

คมฺภีโร พินฺทุนินฺนาโท,อฏฺฐงฺคิกสรํ นเม.

๔๑.

จตฺตาริ [Pg.40] รูปฌานานิ,ตเถวารูปฌานานิ;

ตา สมาปตฺติโย อฏฺฐ,เสวนฺตํ รุจิยา นเม.

๔๒.

อณิมา ลงฺฆิมา กมฺมํ,มหิมา ปตฺติมา ตถา;

อีสิตา [Pg.41] วสิตา เจว,ยตฺถกามาวสายิตา;

อฏฺฐิสฺสริย ปุณฺณตฺตา,อิสฺสราติสฺสรํ นเม.

๔๓.

มโนมยิทฺธิญาณญฺจ[Pg.42],ฉฬภิญฺญา วิปสฺสนา;

อฏฺฐวิชฺชาหิ สมฺปนฺนํ,วนฺเท ติโลกเกตุกํ.

๔๔.

ชาติ ชรา รุชา กาโล,จตุราปายทุกฺขาติ;

อฏฺฐ สํเวควตฺถูนิ,ภาสนฺตํ วิวิธํ นเม.

๔๕.

สุตฺตงฺคํ [Pg.43] เวยฺยากรณํ,เคยฺยํ คาถา จ ชาตกํ;

อพฺภูตธมฺม เวทลฺลา,อุทานมิติ วุตฺตกํ;

นวงฺคํ สพฺพโลกสฺส,ททนฺตํ สาสนํ นเม.

๔๖.

ยา [Pg.44] สมาปตฺติโย อฏฺฐ,นิโรโธ จาติ เต นว,อนุปุพฺพวิหาเร ตํ,เสวนฺตํ รุจิยา นเม.

๔๗.

เอกตฺตญฺเจว นานตฺตํ,กายสญฺญีหิ โยคโต,จตฺตาโร ตถารุปฺปา จ,อสญฺญีจาติ เต นว,สตฺตวาเส วิภชิตฺวา,ปกาเสนฺตํ นเม ชินํ.

๔๘.

เสยฺยสฺส [Pg.45] สทิโส เสยฺโย,หีโนติ ติวิโธ วิโธ,ตถา สทิสหีนานํ,นววิเธ นุทํ นเม.

๔๙.

อนตฺถํ [Pg.46] เม จรติ จ,ตถา จริ จริสฺสติ,มิตฺตสฺส อริโนตฺวตฺถํ,นวาฆาเต ชหํ นเม.

๕๐.

ทานํ สีลญฺจ นิกฺขมํ,ปญฺญา วีริยปญฺจมํ,ขนฺตี [Pg.47] สจฺจมธิฏฺฐานํ,เมตฺตุเปกฺขาติ ตาทส,ปูเรตฺวา ปารมี วนฺเท,สมฺมาสมฺโพธิมชฺฌวํ;

๕๑.

กาฬาวกญฺจ คงฺเคยฺยํ,ปณฺฑรํ ตมฺพ ปิงฺคลํ,คนฺธ มงฺคล เหมญฺจ,อุโปสถ ฉทฺทนฺติเม.

๕๒.

ธาเรติ ทสโปสานํ,นาโค กาฬาวโก พลํ;

สหสฺสโกฏิโปสานํ[Pg.48];

ฉทฺทนฺโตวารนุตฺตโม.

๕๓.

ทส สหสฺสโกฏีนํ,โปสานํ พลธารณํ;

ฉทฺทนฺตานํ ทสนฺนญฺจ,ทสกายพลํ นเม.

๕๔.

ฐานาฐาเน [Pg.49] วิปาเก จ,มคฺเค สพฺพตฺถคามินํ;

นานาธาตูสุ โลเกสุ,อธิมุตฺติมฺหิ ปาณินํ;

๕๕.

ปโรปริยตฺเต ญาณํ,อินฺทฺริยานญฺจ ปาณินํ;

ฌานาทีสุ ญาณํ ปุพฺเพ,นิวาเส ทิพฺพจกฺขุ จ;

อาสวกฺขยญาณนฺติ,ทสพลญาณํ นเม.

๕๖.

มูลคนฺโธ [Pg.50] สาโร เผคฺคุ,ตโจ ปปฏิโก รโส;

ปตฺตํ ปุปฺผํ ผลญฺเจว,คนฺธคนฺโธติ สํวรํ;

สุคนฺธํ ทสคนฺเธหิ,วิลิมฺปนฺตํ สทา นเม.

๕๗.

สมาธิ [Pg.51] ญาณวิปฺผารา,อธิฏฺฐานํ วิกุพฺพนา;

มโนมยาริยา อิทฺธิ,ตถา กมฺมวิปากชา.

๕๘.

วิชฺชามยา ปุญฺญวโต;

ปโยค ปจฺจยิทฺธิติ;

อคฺคปตฺต ทสิทฺธีนํ,ปาฏิเหรํ กรํ นเม.

๕๙.

มุตฺตา [Pg.52] มณิ เวฬุริยํ,สงฺโข สลฺโล ปวาฬกํ;

สุวณฺณํ รชตํ โลหิ,ตงฺโก มสารคลฺลนฺติ;

ทสธา [Pg.53] รตเนหิคฺคํ,โภคึ ปญฺญามณึ นเม.

๖๐.

สิถิลํ ธนิตํ ทีฆํ,รสฺสญฺจ ครุกํ ลหุ;

นิคฺคหิตํ วิมุตฺตญฺจ,สมฺพนฺธญฺจ ววตฺถิตํ;

วิวรนฺตํ นเม ธมฺมํ,ทสพฺยญฺชนเภทิตํ.

๖๑.

ปสาโทโช [Pg.54] มธุรตา,สมตา สุขุมาลตา;

สิเลโสทารตา กนฺติ,อตฺถพฺยตฺติ สมาธโย;

ทส สทฺทคุโณเปตํ,ธมฺมํ ปาตุ กรํ นเม.

๖๒.

โลโภ [Pg.55] โทโส โมโห มาโน,อุทฺธจฺจํ ทิฏฺฐิ สํสโย;

อหิริกมโนตฺตปฺปํ,ถินนฺติ สพฺพ ทาหเก;

กิเลเส ทส เต สทฺธึ,วาสนาย ชหํ นเม.

๖๓.

สเตรา [Pg.56] ทณฺฑมณิกา,มจฺฉวิโลลคคฺครา;

สุกฺขาสนิ กปิสิสา,วิจกฺกา สญฺญ กุกฺกุฏา;

นวาสนีหิ ผาเลนฺตํ,ติพฺพํ ปญฺญาสนึ นเม.

๖๔.

โรทนา [Pg.57] โกธาวุโธ จ,อุชฺฌนฺติสฺสริยํ ตถา;

ปฏิสงฺขานํ,ขนฺติ อฏฺฐพเลสุ ตํ;

ปถวีสทิสํ วนฺเท,อฏฺฐเมน วินายกํ.

๖๕.

กามโรโค [Pg.58] จ ปฏิโฆ,มาโน ทิฏฺฐิ จ สํสโย;

ภวราโค อวิชฺชาติ,สตฺตานุสยินํ นเม.

๖๖.

ติตฺถิยาปกติมหาสาวกา,อคฺคสาวกา ปจฺเจกพุทฺธสมฺพุทฺธา;

วิสิฏฺฐํ [Pg.59] สพฺพถา ฉสุ,ปุพฺเพ นิวาส วิญฺญูสุ;

ติโลกมกุฏํ นเม.

๖๗.

พุทฺธจกฺขุ สมนฺตา จ,ญาณํ ยํ ทิพฺพจกฺขุ จ;

ธมฺโมติ ปญฺจ จกฺขูหิ,ทสฺสาวึ มารชึ นเม.

๖๘.

ขุทฺทกา [Pg.60] ขณิกา โอกฺกนฺติกา จ,ผรณา ตถา อุพฺเพคา;

ปญฺจ ปีตีหิ ปิเนนฺตํ,รุจิยา จ นมามหํ.

๖๙.

ทุกฺขํ สมุทยสจฺจํ,นิโรโธ มคฺคสจฺจกํ;

จตุสจฺจมภิชานํ[Pg.61],จตุกิจฺเจหิ ตํ นเม.

๗๐.

ปีฬนา สงฺขตตฺโถ จ,ตโป วิปริณามนา;

ทุกฺขสจฺจํ จตุกฺเกหิ,วิภตฺตาวึ มุนึ นเม.

๗๑.

อายูหนํ [Pg.62] นิทานญฺจ,สํโยโค ปลิโพธนํ;

จตุกฺเกหิ สมุทยํ,วิภตฺตาวึ มุนึ นเม.

๗๒.

นิสฺสรณญฺจ วิเวโก,อสงฺขตามตํ ตถา;

นิโรธญฺจ จตุกฺเกหิ,วิภตฺตาวึ มุนึ นเม.

๗๓.

นิยฺยานิโก [Pg.63] จ เหตฺวตฺโถ,ทสฺสนาธิปเตยฺยกํ;

มคฺคสจฺจํ จตุกฺเกหิ,วิภตฺตาวึ มุนึ นเม.

๗๔.

สตฺถโก [Pg.64] จ อสมฺโมโห,สปฺปาโย เจว โคจโร;

จตุสมฺปชญฺญา วินา,ภาวึ นเม ตถาคตํ.

๗๕.

ปหินาขิล ทุกฺขาหํ,ภวสาคร ปารคุํ;

วนฺเท สารคุโณเปตํ,เตนมฺหิ ภวปารโค.

๗๖.

รูปารูปวิลาสคฺค[Pg.65],รูปาจินฺเตยฺย สํยุตฺตํ;

วนฺเท สารคุโณเปตํ,เตนมฺหาตุลรูปวา.

๗๗.

อิทฺธิ [Pg.66] อิทฺธิ วิลาสคฺค,อิทฺธิ จินฺเตยฺย สํยุตฺตํ;

วนฺเท สารคุเณเปตํ,เตนมฺหา ตุลอิทฺธิมา.

๗๘.

วาจา วาจา วิลาสคฺค,วาจา จินฺเตยฺย สํยุตฺตํ;

วนฺเท สารคุโณเปตํ,เตนมฺหา ตุลวาจโก.

๗๙.

ญาณ [Pg.67] ญาณ วิลาสคฺค,ญาณาจินฺเตยฺย สํยุตฺตํ;

วนฺเท สารคุโณเปตํ,เตนมฺหา ตุลญาณวา.

๘๐.

สชฺฌํ เหมญฺจ รตนํ,เคหํ วตฺถญฺจ โภชนํ;

ตทญฺเญปิ [Pg.68] ยถาจิตฺตํ,มาเปยฺยาหํ นเม ชินํ.

๘๑.

สชฺฌํ เหมญฺจ รตนํ,เคหํ วตฺถญฺจ โภชนํ;

ตทญฺเญปิ ยถาจิตฺตํ,มาเปยฺยํ กมฺมชิทฺธิยา.

๘๒.

สตฺตโพชฺฌงฺค [Pg.69] รตโน,สทฺธาทิรตโน มุนิ;

สติปฺปภุติรตโน,วนฺเท ตํ ปุริสุตฺตมํ.

๘๓.

จกฺกาทิสตฺตรตนํ,มุตฺตาทิรตนํ สุภํ;

วตฺถปฺปภุติรตนํ,ฉนฺทกฺขเณ ลภามหํ.

๘๔.

สมฺปุณฺณจิตฺตสงฺกปฺโป[Pg.70],ยถากงฺขิตมาปโก,เกนจินภิภูโต โย,สพฺพาภิภู นเม ชินํ.

๘๕.

สมฺปุณฺณจิตฺตสงฺกปฺโป[Pg.71],ยถากงฺขิตมาปโก,เกนจินภิภูตมฺหิ,สพฺพาภิภู ภเว ภเว.

๘๖.

ทส ฉทฺทนฺตราชาว,ทส กายพโล มุนิ;

ทส ญาณพฺพโลตุลฺโย,วนฺเท ตํ สมณุตฺตมํ.

๘๗.

อติกายชโว [Pg.72] พุทฺโธ,รญฺญาชวนหํสโต;

กา กถา ญาณเวคสฺส,วนฺเท ตํ สมณุตฺตมํ.

๘๘.

ฉทฺทนฺตนาคราชาว,ภเว ภเว มหพฺพโล;

ราชาชวนหํโสว,ปรมคฺคชโว ภเว.

๘๙.

อุทกา [Pg.73] กาสจารี จ,มหินิมุชฺชโก ชิโน;

มาปโก จ ยถา จิตฺตํ,วนฺเท ตํ เญยฺยปารคุํ.

๙๐.

อุทกา กาสจารี จ,มหินิมุชฺชโก ภเว;

มาปโก จ ยถาจิตฺตํ,ภวโส กมฺมชิทฺธิยา.

๙๑.

คาเม [Pg.74] วเน จ สพฺพตฺถ,เทเวหิ มนุสฺเสหิ จ;

อาภตานนฺตลาภสฺส,สทา ยสฺส มเหสิโน;

ปตฺตลาภคฺคตํ โลกํ,ตํ วนฺเท มุนิปุงฺควํ.

๙๒.

คาเม [Pg.75] วเน จ สพฺพตฺถ,เทเวหิ มนุสฺเสหิ จ;

อาภตา นนฺตลาโภ เม,สทา โหตุ ภวาภเว.

๙๓.

ปุญฺญสฺสิมสฺส เตเชน,ยถา จิตฺตํ สมิชฺฌตุ;

สพฺพิจฺฉา [Pg.76] สพฺพจินฺตา จ,ขิปฺปํ เม ชาติชาติยํ.

๙๔.

นตฺถีติ วจนํ ทุกฺขํ,เทหีติ วจนํ ตถา;

ตสฺมา นตฺถีติ เทหีติ,มา เม โหตุ ภวาภเว.

๙๕.

สพฺพํ [Pg.77] ปรวสํ ทุกฺขํ,สพฺพมิสฺสริยํ สุขํ;

สพฺพํ ปรวสมตฺถุ,สพฺพมิสฺสริยํ ภเว.

๙๖.

วิตกฺเกนฺโต ภชฺชกาโย,สพฺพาวุธ วารโณ จ;

ฉทฺทนฺต วารณพโล,ภเวยฺยํ ชาติชา ติยํ.

๙๗.

สุภลกฺขณสมฺปนฺโน[Pg.78],สุวณฺณวณฺณวา ภเว;

พฺรหฺมสฺสโร กรวิก,ภาณี จ ชาติชาติยํ.

๙๘.

ภูริมปญฺโญ สิปฺปานํ,สพฺเพสํ กุสโล ภเว;

วิสชฺเชตุํ สมตฺโถว,สพฺพปุจฺฉานํ ฐานโส.

๙๙.

เวราธํสีย [Pg.79] โภคา จ,อนนฺตาขีณ โภควา;

อนนฺตาภชฺช ปริโส,ภวโส ปาปุเณ สิวํ.

๑๐๐.

มา [Pg.80] นสฺเสยฺยํ ปสยฺเหยฺยํ,อุสฺสุกฺเกหิ ปฺยหํ สห;

ปญฺจเวเรหิ โกฏีหิ,ภณฺฑํ วา อกาตุกามิตํ.

๑๐๑.

เมฆํ วาตญฺจ รตนํ,ธญฺญํ วตฺถญฺจ โภชนํ;

สพฺพิจฺฉิตํ ตทญฺญมฺปิ,มาเปยฺยํ กมฺมชิทฺธิยา.

๑๐๒.

ปุญฺเญเนเตน [Pg.81] นิพฺพานํ,สนฺตํ ปปฺโปมิ ตาวตา;

ภเวยฺยํ สพฺพชาตีสุ,จตุสมฺปตฺติยา สทา;

จตุจกฺเกน สมฺปนฺโน,สทฺธมฺเมหิ จ สตฺตหิ.

๑๐๓.

สมฺมาทิฏฺฐิ [Pg.82] วสุเปเต,กุลมฺหิ เสฏฺฐสมฺมเต,สพฺพสกฺกต สํสุทฺเธ;

ภเว ติเหตุสนฺธิโก.

๑๐๔.

ฆาสจฺฉาทนํ โภคญฺจ,เนว หตฺเถน กาตุน,ภุญฺเชยฺยมิทฺธิยาตฺเวว,มาเปตฺวา ยาวทตฺถกํ.

๑๐๕.

มนุสฺสานํ [Pg.83] อติกฺกมฺม,เทวานํ วิย โภชนํ,วตฺถํ โภโค จ เม โหนฺตุ,ปริวาราติสุนฺทรา.

๑๐๖.

ทสาสุตฺตํปิ เม โภคํ,ปญฺจเวรา ภเว ภเว;

มาคณฺเหยฺยุญฺจ นสฺเสยฺยุํ,อโสโก โภคเหตุเม.

๑๐๗.

สพฺพงฺคสุภ [Pg.84] สมฺปนฺโน,สิงฺคีนิกฺข สวณฺณ วา;

พาตฺตึส ลกฺขณูเปโต,อตปฺปน รูป วา ภเว.

๑๐๘.

กาโย จนฺทนคนฺโธ จ,มุขํ อุปฺปลคนฺธิกํ;

อฏฺฐงฺคิโก [Pg.85] กรวิก,มญฺชูโฆโส จ เม โหตุ.

๑๐๙.

ติกฺข คมฺภีร ปญฺโญ จ,หาสาติชวปญฺญวา,ภูริ นิพฺเพธ ปญฺโญ จ;

สพฺพปญฺหวิสชฺชโน.

๑๑๑.

อนฺโต [Pg.86] โสฬสวสฺสสฺส,ติเปฏกธโร ภเว;

สพฺพกมฺเมสุ สิปฺเปสุ,วิชฺชาฐาเนสุ ปารคู.