නමො තස්ස භගවතො අරහතො සම්මාසම්බුද්ධස්ස

සුත්තවන්දනා

1.

ධම්මත්ථ [Pg.13] දෙසනා වෙධ,චතුගම්භීර දුද්දසං;

ධම්මං ලොකස්ස දෙසෙන්තං,ධම්මරාජං නමාමහං;

2.

බුද්ධො [Pg.14] පච්චෙකබුද්ධො ච,අරහා චක්කවත්තීති;

ථූපාථූපාරහං වන්දෙ,චතුථූපාරහෙසු තං;

3.

පෙතසෙය්‍යො [Pg.15] කාමභොගී,සීහසෙය්‍යො තථාගතො;

සයන්තං චතුසෙය්‍යෙසු,චතුත්ථෙන නමෙ ජිනං;

4.

අණ්ඩජා ජලාබුජා ච;

සංසෙදජො පපාතිකා;

චතුයොනි පරිච්ඡෙද,ඤාණවන්තං නමෙ ජිනං;

5.

සුතබුද්ධොනුබුද්ධො [Pg.16] ච,පච්චෙකො ජිනබුද්ධොති;

චතුත්ථං චතුබුද්ධෙසු,වන්දාමි ලොකනායකං;

6.

රාහුග්ගං [Pg.17] අත්තභාගීනං,මන්ධාතා කාමභොගීනං;

මාරො අධිපතෙය්‍යානං,බුද්ධො ලොකෙ සදෙවකෙ;

චතුඅග්ග පඤ්ඤත්තීනං,අග්ගපත්තං නමෙ ජිනං.

7.

දානං [Pg.18] පියකථා අත්ථ,චරියා සදිසත්තතා;

චතුසඞ්ගහ වත්ථූහි,අසඞ්ඛියෙසු ජාතිසු;

ලොකස්ස සඞ්ගහෙතාරං,වන්දාමි ලොකනායකං;

8.

ලොභො දොසො ච මොහොති,අන්තො පච්චත්ථිකෙ තයො;

දුජ්ජයෙ [Pg.19] සබ්බවෙරීහි,සඤ්ජිතංපි සුධිං නමෙ;

9.

ජාති පුඤ්ඤ මහත්තානි,ගුණමහත්තමුත්තමං;

තිමහත්ථෙහි සම්පන්නං,වන්දාමි ලොකනායකං;

10.

හෙතු [Pg.20] ඵල සම්පදායො,සත්තුපකාරසම්පදා;

තිසම්පදාහි සම්පන්නං,වන්දාමි ලොකනායකං.

11.

ඤාණප්පහානානුභාව,සුරූපකාරසම්පදා;

චතුඵල සම්පදාහි,තං සම්පන්නං නමෙ ජිනං.

12.

ආසයො [Pg.21] ච පයොගොති,සත්තුපකාර සම්පදා;

දුවිධා යස්ස සම්පන්නා,සම්මා මං පාතු සො ජිනො.

13.

මහොසධෙ වෙස්සන්තරෙ,පච්ඡිමභවිකෙ තථා;

තිජාතීසු නමෙ වාචං,භාසෙන්තං ජායනක්ඛණෙ.

14.

නෙමිම්හි [Pg.22] සාධිනෙ චෙව,මන්ධාතරි ච ගුත්තිලෙ;

චතූසු මනුජත්තෙන,දෙවලොකං ගතං නමෙ.

15.

සඞ්ඛාරො රූපවිකාරො,ලක්ඛණං වානනිස්සටං;

නිබ්බානං [Pg.23] පඤ්ඤත්තිචෙති,පඤ්ච ඤෙය්‍යන්තගුං නමෙ.

16.

පුත්ත දාර පරිච්චාගා,රජ්ජඞ්ගං ජීව චාගීති;

පඤ්ච මහාපරිච්චාගෙ,කරං සුදුක්කරෙ නමෙ.

17.

රූපඤ්ච [Pg.24] වෙදනා සඤ්ඤා,සඞ්ඛාරා විඤ්ඤාණන්තිමෙ;

පඤ්චක්ඛන්ධෙ පරිජානං,තිපරිඤ්ඤාහි තං නමෙ.

18.

මනුස්ස දෙව ගතියො,පෙතො ච නිරයො තථා;

තිරච්ඡානොති පඤ්චෙතා,ඡින්දන්තං ගතියො නමෙ;

19.

දෙවපුත්තො [Pg.25] කිලෙසො ච,අභිසඞ්ඛාර මාරකො;

ඛන්ධො මච්චූති පඤ්චෙතෙ,මාරෙ විජිතවං නමෙ.

20.

පුරෙභත්තං පච්ඡාභත්තං,පුරිමඤ්චෙව මජ්ඣිමං;

පච්ඡිමන්ති සදා පඤ්ච,බුද්ධකිච්චං කරං නමෙ.

21.

රූපා [Pg.26] සද්දා ගන්ධා රසා,ඵොට්ඨබ්බා ච මනොරමා;

පඤ්ච කාමගුණෙ හිත්වා,ඛෙළංව නිග්ගතං නමෙ.

22.

රාගසල්ලං [Pg.27] දොසසල්ලං,මොහා මානො ච දිට්ඨීති;

වන්දෙ වජ්ජාතිවජ්ජන්තං,පඤ්චසල්ලපනූදනං.

23.

දීඝො මජ්ඣිම සංයුත්තා,අඞ්ගුත්තරො ච ඛුද්දකො;

ඉති පඤ්ච නිකායෙහි,සුවිනෙන්තං පජං නමෙ.

24.

ඉස්සරියං [Pg.28] යසො ධම්මො,කාමො සිරී පයත්තීති;

භග්‍යෙහි ඡහි සම්පන්නං,වන්දාමි ලොකනායකං.

25.

පියාපියං [Pg.29] භූතාභූතං,අත්ථානත්ථං යථාරහං;

මිස්සා ඡසු සුවාචංව,භාසන්තං අත්ථකං නමෙ.

26.

අලසො ච පමාදො ච,අනුට්ඨානං අසංයමො;

නිද්දා තන්තීති ඡිද්දෙහි,ඡහි මුත්තං සදා නමෙ.

27.

මහාකරුණාසමාපත්ති[Pg.30],යමකප්පාටිහාරියං;

ආසයානුසයෙ ඤාණං,ඉන්ද්‍රියාන පරොපරෙ;

සබ්බඤ්ඤුතා නාවරණං,ඡා සාධාරණිකං නමෙ.

28.

කාමච්ඡන්දො [Pg.31] ච බ්‍යාපාදො,ථිනමිද්ධඤ්ච සංසයො;

අවිජ්ජුද්ධච්ච කුක්කුච්චං,ඡවිනීවරණං නමෙ.

29.

ඉද්ධිවිධං දිබ්බසොතං,පරචිත්ත විජානනා;

පුබ්බෙනිවාසානුස්සති[Pg.32],දිබ්බචක්ඛාසවක්ඛයො;

ඡළභිඤ්ඤාහි සම්පන්නං,වන්දාමි පුරිසුත්තමං.

30.

නීල පීතා ච ඔදාතා,මඤ්ජිට්ඨා ච පභස්සරා;

ලොහිතාති ඡ රංසීහී,විජ්ජොතන්තං සදා නමෙ.

31.

අස්සාදාදීනවො [Pg.33] චෙව,නිස්සරණඵලං තථා;

උපායාණත්තීති ඡධා,සද්ධම්මදෙසකං නමෙ.

32.

රාගො [Pg.34] දොසො ච මොහො ච,විතක්කචරියා තථා;

සද්ධා බුද්ධීති භාජෙන්තං,තා ඡළෙචරියා නමෙ.

33.

රජතං කනකං මුත්තා,මණි වෙළුරියානි ච;

වජිරඤ්ච පවාළන්ති,සෙට්ඨි සත්තධනො විය.

34.

සද්ධාසීලං සුතංචාගො,හිරී ඔත්තප්පියං ධනං,පඤ්ඤාධනන්ති සම්බුද්ධං,වන්දෙ සත්තමහාධනං.

35.

චක්කං [Pg.35] හත්ථි අස්සො මණි,ගහපතිත්ථියො තථා;

සුපරිණායකොචාති,සත්තරතනො චක්කවත්තීව.

36.

සති ධම්මවිචයො ච,තථෙව වීරියං පීති;

පස්සද්ධි [Pg.36] සමාධුපෙක්ඛා,සද්ධම්ම චක්කවත්තිකං;

සත්ත බොජ්ඣඞ්ගරතනං,නමාමි පුරිසුත්තමං.

37.

යුගන්ධරො [Pg.37] ඊසධරො,කරවීකො සුදස්සනො;

නෙමින්ධරො විනතකො,අස්සකණ්ණො මහානගෙ;

සත්තෙතෙ හත්ථරූපංව,සම්පස්සන්තං ජිනං නමෙ.

38.

කණ්ණමුණ්ඩො අනොතත්තො,කුණාලො රථකාරකො;

සීහප්පපාත ඡද්දන්තා,මන්දාකිනී මහාසරෙ;

සත්තෙතෙ [Pg.38] සබ්බථා පස්සං,දිට්ඨෙව පාතිකං නමෙ.

39.

මනුස්සත්තං ලිඞ්ගසම්පත්ති,හෙතු සත්ථාරදස්සනං;

පබ්බජ්ජා ගුණසම්පත්ති,අධිකාරො ච ඡන්දතා;

අට්ඨධම්ම සමොධානා,භිනීහාරන්තගුං නමෙ.

40.

විසට්ඨං [Pg.39] මඤ්ජු විඤ්ඤෙය්‍යං,සවනීයාවිසාරිණා;

ගම්භීරො බින්දුනින්නාදො,අට්ඨඞ්ගිකසරං නමෙ.

41.

චත්තාරි [Pg.40] රූපඣානානි,තථෙවාරූපඣානානි;

තා සමාපත්තියො අට්ඨ,සෙවන්තං රුචියා නමෙ.

42.

අණිමා ලඞ්ඝිමා කම්මං,මහිමා පත්තිමා තථා;

ඊසිතා [Pg.41] වසිතා චෙව,යත්ථකාමාවසායිතා;

අට්ඨිස්සරිය පුණ්ණත්තා,ඉස්සරාතිස්සරං නමෙ.

43.

මනොමයිද්ධිඤාණඤ්ච[Pg.42],ඡළභිඤ්ඤා විපස්සනා;

අට්ඨවිජ්ජාහි සම්පන්නං,වන්දෙ තිලොකකෙතුකං.

44.

ජාති ජරා රුජා කාලො,චතුරාපායදුක්ඛාති;

අට්ඨ සංවෙගවත්ථූනි,භාසන්තං විවිධං නමෙ.

45.

සුත්තඞ්ගං [Pg.43] වෙය්‍යාකරණං,ගෙය්‍යං ගාථා ච ජාතකං;

අබ්භූතධම්ම වෙදල්ලා,උදානමිති වුත්තකං;

නවඞ්ගං සබ්බලොකස්ස,දදන්තං සාසනං නමෙ.

46.

යා [Pg.44] සමාපත්තියො අට්ඨ,නිරොධො චාති තෙ නව,අනුපුබ්බවිහාරෙ තං,සෙවන්තං රුචියා නමෙ.

47.

එකත්තඤ්චෙව නානත්තං,කායසඤ්ඤීහි යොගතො,චත්තාරො තථාරුප්පා ච,අසඤ්ඤීචාති තෙ නව,සත්තවාසෙ විභජිත්වා,පකාසෙන්තං නමෙ ජිනං.

48.

සෙය්‍යස්ස [Pg.45] සදිසො සෙය්‍යො,හීනොති තිවිධො විධො,තථා සදිසහීනානං,නවවිධෙ නුදං නමෙ.

49.

අනත්ථං [Pg.46] මෙ චරති ච,තථා චරි චරිස්සති,මිත්තස්ස අරිනොත්වත්ථං,නවාඝාතෙ ජහං නමෙ.

50.

දානං සීලඤ්ච නික්ඛමං,පඤ්ඤා වීරියපඤ්චමං,ඛන්තී [Pg.47] සච්චමධිට්ඨානං,මෙත්තුපෙක්ඛාති තාදස,පූරෙත්වා පාරමී වන්දෙ,සම්මාසම්බොධිමජ්ඣවං;

51.

කාළාවකඤ්ච ගඞ්ගෙය්‍යං,පණ්ඩරං තම්බ පිඞ්ගලං,ගන්ධ මඞ්ගල හෙමඤ්ච,උපොසථ ඡද්දන්තිමෙ.

52.

ධාරෙති දසපොසානං,නාගො කාළාවකො බලං;

සහස්සකොටිපොසානං[Pg.48];

ඡද්දන්තොවාරනුත්තමො.

53.

දස සහස්සකොටීනං,පොසානං බලධාරණං;

ඡද්දන්තානං දසන්නඤ්ච,දසකායබලං නමෙ.

54.

ඨානාඨානෙ [Pg.49] විපාකෙ ච,මග්ගෙ සබ්බත්ථගාමිනං;

නානාධාතූසු ලොකෙසු,අධිමුත්තිම්හි පාණිනං;

55.

පරොපරියත්තෙ ඤාණං,ඉන්ද්‍රියානඤ්ච පාණිනං;

ඣානාදීසු ඤාණං පුබ්බෙ,නිවාසෙ දිබ්බචක්ඛු ච;

ආසවක්ඛයඤාණන්ති,දසබලඤාණං නමෙ.

56.

මූලගන්ධො [Pg.50] සාරො ඵෙග්ගු,තචො පපටිකො රසො;

පත්තං පුප්ඵං ඵලඤ්චෙව,ගන්ධගන්ධොති සංවරං;

සුගන්ධං දසගන්ධෙහි,විලිම්පන්තං සදා නමෙ.

57.

සමාධි [Pg.51] ඤාණවිප්ඵාරා,අධිට්ඨානං විකුබ්බනා;

මනොමයාරියා ඉද්ධි,තථා කම්මවිපාකජා.

58.

විජ්ජාමයා පුඤ්ඤවතො;

පයොග පච්චයිද්ධිති;

අග්ගපත්ත දසිද්ධීනං,පාටිහෙරං කරං නමෙ.

59.

මුත්තා [Pg.52] මණි වෙළුරියං,සඞ්ඛො සල්ලො පවාළකං;

සුවණ්ණං රජතං ලොහි,තඞ්කො මසාරගල්ලන්ති;

දසධා [Pg.53] රතනෙහිග්ගං,භොගිං පඤ්ඤාමණිං නමෙ.

60.

සිථිලං ධනිතං දීඝං,රස්සඤ්ච ගරුකං ලහු;

නිග්ගහිතං විමුත්තඤ්ච,සම්බන්ධඤ්ච වවත්ථිතං;

විවරන්තං නමෙ ධම්මං,දසබ්‍යඤ්ජනභෙදිතං.

61.

පසාදොජො [Pg.54] මධුරතා,සමතා සුඛුමාලතා;

සිලෙසොදාරතා කන්ති,අත්ථබ්‍යත්ති සමාධයො;

දස සද්දගුණොපෙතං,ධම්මං පාතු කරං නමෙ.

62.

ලොභො [Pg.55] දොසො මොහො මානො,උද්ධච්චං දිට්ඨි සංසයො;

අහිරිකමනොත්තප්පං,ථිනන්ති සබ්බ දාහකෙ;

කිලෙසෙ දස තෙ සද්ධිං,වාසනාය ජහං නමෙ.

63.

සතෙරා [Pg.56] දණ්ඩමණිකා,මච්ඡවිලොලගග්ගරා;

සුක්ඛාසනි කපිසිසා,විචක්කා සඤ්ඤ කුක්කුටා;

නවාසනීහි ඵාලෙන්තං,තිබ්බං පඤ්ඤාසනිං නමෙ.

64.

රොදනා [Pg.57] කොධාවුධො ච,උජ්ඣන්තිස්සරියං තථා;

පටිසඞ්ඛානං,ඛන්ති අට්ඨබලෙසු තං;

පථවීසදිසං වන්දෙ,අට්ඨමෙන විනායකං.

65.

කාමරොගො [Pg.58] ච පටිඝො,මානො දිට්ඨි ච සංසයො;

භවරාගො අවිජ්ජාති,සත්තානුසයිනං නමෙ.

66.

තිත්ථියාපකතිමහාසාවකා,අග්ගසාවකා පච්චෙකබුද්ධසම්බුද්ධා;

විසිට්ඨං [Pg.59] සබ්බථා ඡසු,පුබ්බෙ නිවාස විඤ්ඤූසු;

තිලොකමකුටං නමෙ.

67.

බුද්ධචක්ඛු සමන්තා ච,ඤාණං යං දිබ්බචක්ඛු ච;

ධම්මොති පඤ්ච චක්ඛූහි,දස්සාවිං මාරජිං නමෙ.

68.

ඛුද්දකා [Pg.60] ඛණිකා ඔක්කන්තිකා ච,ඵරණා තථා උබ්බෙගා;

පඤ්ච පීතීහි පිනෙන්තං,රුචියා ච නමාමහං.

69.

දුක්ඛං සමුදයසච්චං,නිරොධො මග්ගසච්චකං;

චතුසච්චමභිජානං[Pg.61],චතුකිච්චෙහි තං නමෙ.

70.

පීළනා සඞ්ඛතත්ථො ච,තපො විපරිණාමනා;

දුක්ඛසච්චං චතුක්කෙහි,විභත්තාවිං මුනිං නමෙ.

71.

ආයූහනං [Pg.62] නිදානඤ්ච,සංයොගො පලිබොධනං;

චතුක්කෙහි සමුදයං,විභත්තාවිං මුනිං නමෙ.

72.

නිස්සරණඤ්ච විවෙකො,අසඞ්ඛතාමතං තථා;

නිරොධඤ්ච චතුක්කෙහි,විභත්තාවිං මුනිං නමෙ.

73.

නිය්‍යානිකො [Pg.63] ච හෙත්වත්ථො,දස්සනාධිපතෙය්‍යකං;

මග්ගසච්චං චතුක්කෙහි,විභත්තාවිං මුනිං නමෙ.

74.

සත්ථකො [Pg.64] ච අසම්මොහො,සප්පායො චෙව ගොචරො;

චතුසම්පජඤ්ඤා විනා,භාවිං නමෙ තථාගතං.

75.

පහිනාඛිල දුක්ඛාහං,භවසාගර පාරගුං;

වන්දෙ සාරගුණොපෙතං,තෙනම්හි භවපාරගො.

76.

රූපාරූපවිලාසග්ග[Pg.65],රූපාචින්තෙය්‍ය සංයුත්තං;

වන්දෙ සාරගුණොපෙතං,තෙනම්හාතුලරූපවා.

77.

ඉද්ධි [Pg.66] ඉද්ධි විලාසග්ග,ඉද්ධි චින්තෙය්‍ය සංයුත්තං;

වන්දෙ සාරගුණෙපෙතං,තෙනම්හා තුලඉද්ධිමා.

78.

වාචා වාචා විලාසග්ග,වාචා චින්තෙය්‍ය සංයුත්තං;

වන්දෙ සාරගුණොපෙතං,තෙනම්හා තුලවාචකො.

79.

ඤාණ [Pg.67] ඤාණ විලාසග්ග,ඤාණාචින්තෙය්‍ය සංයුත්තං;

වන්දෙ සාරගුණොපෙතං,තෙනම්හා තුලඤාණවා.

80.

සජ්ඣං හෙමඤ්ච රතනං,ගෙහං වත්ථඤ්ච භොජනං;

තදඤ්ඤෙපි [Pg.68] යථාචිත්තං,මාපෙය්‍යාහං නමෙ ජිනං.

81.

සජ්ඣං හෙමඤ්ච රතනං,ගෙහං වත්ථඤ්ච භොජනං;

තදඤ්ඤෙපි යථාචිත්තං,මාපෙය්‍යං කම්මජිද්ධියා.

82.

සත්තබොජ්ඣඞ්ග [Pg.69] රතනො,සද්ධාදිරතනො මුනි;

සතිප්පභුතිරතනො,වන්දෙ තං පුරිසුත්තමං.

83.

චක්කාදිසත්තරතනං,මුත්තාදිරතනං සුභං;

වත්ථප්පභුතිරතනං,ඡන්දක්ඛණෙ ලභාමහං.

84.

සම්පුණ්ණචිත්තසඞ්කප්පො[Pg.70],යථාකඞ්ඛිතමාපකො,කෙනචිනභිභූතො යො,සබ්බාභිභූ නමෙ ජිනං.

85.

සම්පුණ්ණචිත්තසඞ්කප්පො[Pg.71],යථාකඞ්ඛිතමාපකො,කෙනචිනභිභූතම්හි,සබ්බාභිභූ භවෙ භවෙ.

86.

දස ඡද්දන්තරාජාව,දස කායබලො මුනි;

දස ඤාණබ්බලොතුල්‍යො,වන්දෙ තං සමණුත්තමං.

87.

අතිකායජවො [Pg.72] බුද්ධො,රඤ්ඤාජවනහංසතො;

කා කථා ඤාණවෙගස්ස,වන්දෙ තං සමණුත්තමං.

88.

ඡද්දන්තනාගරාජාව,භවෙ භවෙ මහබ්බලො;

රාජාජවනහංසොව,පරමග්ගජවො භවෙ.

89.

උදකා [Pg.73] කාසචාරී ච,මහිනිමුජ්ජකො ජිනො;

මාපකො ච යථා චිත්තං,වන්දෙ තං ඤෙය්‍යපාරගුං.

90.

උදකා කාසචාරී ච,මහිනිමුජ්ජකො භවෙ;

මාපකො ච යථාචිත්තං,භවසො කම්මජිද්ධියා.

91.

ගාමෙ [Pg.74] වනෙ ච සබ්බත්ථ,දෙවෙහි මනුස්සෙහි ච;

ආභතානන්තලාභස්ස,සදා යස්ස මහෙසිනො;

පත්තලාභග්ගතං ලොකං,තං වන්දෙ මුනිපුඞ්ගවං.

92.

ගාමෙ [Pg.75] වනෙ ච සබ්බත්ථ,දෙවෙහි මනුස්සෙහි ච;

ආභතා නන්තලාභො මෙ,සදා හොතු භවාභවෙ.

93.

පුඤ්ඤස්සිමස්ස තෙජෙන,යථා චිත්තං සමිජ්ඣතු;

සබ්බිච්ඡා [Pg.76] සබ්බචින්තා ච,ඛිප්පං මෙ ජාතිජාතියං.

94.

නත්ථීති වචනං දුක්ඛං,දෙහීති වචනං තථා;

තස්මා නත්ථීති දෙහීති,මා මෙ හොතු භවාභවෙ.

95.

සබ්බං [Pg.77] පරවසං දුක්ඛං,සබ්බමිස්සරියං සුඛං;

සබ්බං පරවසමත්ථු,සබ්බමිස්සරියං භවෙ.

96.

විතක්කෙන්තො භජ්ජකායො,සබ්බාවුධ වාරණො ච;

ඡද්දන්ත වාරණබලො,භවෙය්‍යං ජාතිජා තියං.

97.

සුභලක්ඛණසම්පන්නො[Pg.78],සුවණ්ණවණ්ණවා භවෙ;

බ්‍රහ්මස්සරො කරවික,භාණී ච ජාතිජාතියං.

98.

භූරිමපඤ්ඤො සිප්පානං,සබ්බෙසං කුසලො භවෙ;

විසජ්ජෙතුං සමත්ථොව,සබ්බපුච්ඡානං ඨානසො.

99.

වෙරාධංසීය [Pg.79] භොගා ච,අනන්තාඛීණ භොගවා;

අනන්තාභජ්ජ පරිසො,භවසො පාපුණෙ සිවං.

100.

මා [Pg.80] නස්සෙය්‍යං පසය්හෙය්‍යං,උස්සුක්කෙහි ප්‍යහං සහ;

පඤ්චවෙරෙහි කොටීහි,භණ්ඩං වා අකාතුකාමිතං.

101.

මෙඝං වාතඤ්ච රතනං,ධඤ්ඤං වත්ථඤ්ච භොජනං;

සබ්බිච්ඡිතං තදඤ්ඤම්පි,මාපෙය්‍යං කම්මජිද්ධියා.

102.

පුඤ්ඤෙනෙතෙන [Pg.81] නිබ්බානං,සන්තං පප්පොමි තාවතා;

භවෙය්‍යං සබ්බජාතීසු,චතුසම්පත්තියා සදා;

චතුචක්කෙන සම්පන්නො,සද්ධම්මෙහි ච සත්තහි.

103.

සම්මාදිට්ඨි [Pg.82] වසුපෙතෙ,කුලම්හි සෙට්ඨසම්මතෙ,සබ්බසක්කත සංසුද්ධෙ;

භවෙ තිහෙතුසන්ධිකො.

104.

ඝාසච්ඡාදනං භොගඤ්ච,නෙව හත්ථෙන කාතුන,භුඤ්ජෙය්‍යමිද්ධියාත්වෙව,මාපෙත්වා යාවදත්ථකං.

105.

මනුස්සානං [Pg.83] අතික්කම්ම,දෙවානං විය භොජනං,වත්ථං භොගො ච මෙ හොන්තු,පරිවාරාතිසුන්දරා.

106.

දසාසුත්තංපි මෙ භොගං,පඤ්චවෙරා භවෙ භවෙ;

මාගණ්හෙය්‍යුඤ්ච නස්සෙය්‍යුං,අසොකො භොගහෙතුමෙ.

107.

සබ්බඞ්ගසුභ [Pg.84] සම්පන්නො,සිඞ්ගීනික්ඛ සවණ්ණ වා;

බාත්තිංස ලක්ඛණූපෙතො,අතප්පන රූප වා භවෙ.

108.

කායො චන්දනගන්ධො ච,මුඛං උප්පලගන්ධිකං;

අට්ඨඞ්ගිකො [Pg.85] කරවික,මඤ්ජූඝොසො ච මෙ හොතු.

109.

තික්ඛ ගම්භීර පඤ්ඤො ච,හාසාතිජවපඤ්ඤවා,භූරි නිබ්බෙධ පඤ්ඤො ච;

සබ්බපඤ්හවිසජ්ජනො.

111.

අන්තො [Pg.86] සොළසවස්සස්ස,තිපෙටකධරො භවෙ;

සබ්බකම්මෙසු සිප්පෙසු,විජ්ජාඨානෙසු පාරගූ.