နမော တဿ ဘဂဝတော အရဟတော သမ္မာသမ္ဗုဒ္ဓဿ

သုတ္တဝန္ဒနာ

၁.

ဓမ္မတ္ထ [Pg.13] ဒေသနာ ဝေဓ,စတုဂမ္ဘီရ ဒုဒ္ဒသံ;

ဓမ္မံ လောကဿ ဒေသေန္တံ,ဓမ္မရာဇံ နမာမဟံ;

၂.

ဗုဒ္ဓေါ [Pg.14] ပစ္စေကဗုဒ္ဓေါ စ,အရဟာ စက္ကဝတ္တီတိ;

ထူပါထူပါရဟံ ဝန္ဒေ,စတုထူပါရဟေသု တံ;

၃.

ပေတသေယျော [Pg.15] ကာမဘောဂီ,သီဟသေယျော တထာဂတော;

သယန္တံ စတုသေယျေသု,စတုတ္ထေန နမေ ဇိနံ;

၄.

အဏ္ဍဇာ ဇလာဗုဇာ စ;

သံသေဒဇော ပပါတိကာ;

စတုယောနိ ပရိစ္ဆေဒ,ဉာဏဝန္တံ နမေ ဇိနံ;

၅.

သုတဗုဒ္ဓေါနုဗုဒ္ဓေါ [Pg.16] စ,ပစ္စေကော ဇိနဗုဒ္ဓေါတိ;

စတုတ္ထံ စတုဗုဒ္ဓေသု,ဝန္ဒာမိ လောကနာယကံ;

၆.

ရာဟုဂ္ဂံ [Pg.17] အတ္တဘာဂီနံ,မန္ဓာတာ ကာမဘောဂီနံ;

မာရော အဓိပတေယျာနံ,ဗုဒ္ဓေါ လောကေ သဒေဝကေ;

စတုအဂ္ဂ ပညတ္တီနံ,အဂ္ဂပတ္တံ နမေ ဇိနံ.

၇.

ဒါနံ [Pg.18] ပိယကထာ အတ္ထ,စရိယာ သဒိသတ္တတာ;

စတုသင်္ဂဟ ဝတ္ထူဟိ,အသင်္ခိယေသု ဇာတိသု;

လောကဿ သင်္ဂဟေတာရံ,ဝန္ဒာမိ လောကနာယကံ;

၈.

လောဘော ဒေါသော စ မောဟောတိ,အန္တော ပစ္စတ္ထိကေ တယော;

ဒုဇ္ဇယေ [Pg.19] သဗ္ဗဝေရီဟိ,သဉ္ဇိတံပိ သုဓိံ နမေ;

၉.

ဇာတိ ပုည မဟတ္တာနိ,ဂုဏမဟတ္တမုတ္တမံ;

တိမဟတ္ထေဟိ သမ္ပန္နံ,ဝန္ဒာမိ လောကနာယကံ;

၁၀.

ဟေတု [Pg.20] ဖလ သမ္ပဒါယော,သတ္တုပကာရသမ္ပဒါ;

တိသမ္ပဒါဟိ သမ္ပန္နံ,ဝန္ဒာမိ လောကနာယကံ.

၁၁.

ဉာဏပ္ပဟာနာနုဘာဝ,သုရူပကာရသမ္ပဒါ;

စတုဖလ သမ္ပဒါဟိ,တံ သမ္ပန္နံ နမေ ဇိနံ.

၁၂.

အာသယော [Pg.21] စ ပယောဂေါတိ,သတ္တုပကာရ သမ္ပဒါ;

ဒုဝိဓာ ယဿ သမ္ပန္နာ,သမ္မာ မံ ပါတု သော ဇိနော.

၁၃.

မဟောသဓေ ဝေဿန္တရေ,ပစ္ဆိမဘဝိကေ တထာ;

တိဇာတီသု နမေ ဝါစံ,ဘာသေန္တံ ဇာယနက္ခဏေ.

၁၄.

နေမိမှိ [Pg.22] သာဓိနေ စေဝ,မန္ဓာတရိ စ ဂုတ္တိလေ;

စတူသု မနုဇတ္တေန,ဒေဝလောကံ ဂတံ နမေ.

၁၅.

သင်္ခါရော ရူပဝိကာရော,လက္ခဏံ ဝါနနိဿဋံ;

နိဗ္ဗာနံ [Pg.23] ပညတ္တိစေတိ,ပဉ္စ ဉေယျန္တဂုံ နမေ.

၁၆.

ပုတ္တ ဒါရ ပရိစ္စာဂါ,ရဇ္ဇင်္ဂံ ဇီဝ စာဂီတိ;

ပဉ္စ မဟာပရိစ္စာဂေ,ကရံ သုဒုက္ကရေ နမေ.

၁၇.

ရူပဉ္စ [Pg.24] ဝေဒနာ သညာ,သင်္ခါရာ ဝိညာဏန္တိမေ;

ပဉ္စက္ခန္ဓေ ပရိဇာနံ,တိပရိညာဟိ တံ နမေ.

၁၈.

မနုဿ ဒေဝ ဂတိယော,ပေတော စ နိရယော တထာ;

တိရစ္ဆာနောတိ ပဉ္စေတာ,ဆိန္ဒန္တံ ဂတိယော နမေ;

၁၉.

ဒေဝပုတ္တော [Pg.25] ကိလေသော စ,အဘိသင်္ခါရ မာရကော;

ခန္ဓော မစ္စူတိ ပဉ္စေတေ,မာရေ ဝိဇိတဝံ နမေ.

၂၀.

ပုရေဘတ္တံ ပစ္ဆာဘတ္တံ,ပုရိမဉ္စေဝ မဇ္ဈိမံ;

ပစ္ဆိမန္တိ သဒါ ပဉ္စ,ဗုဒ္ဓကိစ္စံ ကရံ နမေ.

၂၁.

ရူပါ [Pg.26] သဒ္ဒါ ဂန္ဓာ ရသာ,ဖောဋ္ဌဗ္ဗာ စ မနောရမာ;

ပဉ္စ ကာမဂုဏေ ဟိတွာ,ခေဠံဝ နိဂ္ဂတံ နမေ.

၂၂.

ရာဂသလ္လံ [Pg.27] ဒေါသသလ္လံ,မောဟာ မာနော စ ဒိဋ္ဌီတိ;

ဝန္ဒေ ဝဇ္ဇာတိဝဇ္ဇန္တံ,ပဉ္စသလ္လပနူဒနံ.

၂၃.

ဒီဃော မဇ္ဈိမ သံယုတ္တာ,အင်္ဂုတ္တရော စ ခုဒ္ဒကော;

ဣတိ ပဉ္စ နိကာယေဟိ,သုဝိနေန္တံ ပဇံ နမေ.

၂၄.

ဣဿရိယံ [Pg.28] ယသော ဓမ္မော,ကာမော သိရီ ပယတ္တီတိ;

ဘဂျေဟိ ဆဟိ သမ္ပန္နံ,ဝန္ဒာမိ လောကနာယကံ.

၂၅.

ပိယာပိယံ [Pg.29] ဘူတာဘူတံ,အတ္ထာနတ္ထံ ယထာရဟံ;

မိဿာ ဆသု သုဝါစံဝ,ဘာသန္တံ အတ္ထကံ နမေ.

၂၆.

အလသော စ ပမာဒေါ စ,အနုဋ္ဌာနံ အသံယမော;

နိဒ္ဒါ တန္တီတိ ဆိဒ္ဒေဟိ,ဆဟိ မုတ္တံ သဒါ နမေ.

၂၇.

မဟာကရုဏာသမာပတ္တိ[Pg.30],ယမကပ္ပာဋိဟာရိယံ;

အာသယာနုသယေ ဉာဏံ,ဣန္ဒြိယာန ပရောပရေ;

သဗ္ဗညုတာ နာဝရဏံ,ဆာ သာဓာရဏိကံ နမေ.

၂၈.

ကာမစ္ဆန္ဒော [Pg.31] စ ဗျာပါဒေါ,ထိနမိဒ္ဓဉ္စ သံသယော;

အဝိဇ္ဇုဒ္ဓစ္စ ကုက္ကုစ္စံ,ဆဝိနီဝရဏံ နမေ.

၂၉.

ဣဒ္ဓိဝိဓံ ဒိဗ္ဗသောတံ,ပရစိတ္တ ဝိဇာနနာ;

ပုဗ္ဗေနိဝါသာနုဿတိ[Pg.32],ဒိဗ္ဗစက္ခာသဝက္ခယော;

ဆဠဘိညာဟိ သမ္ပန္နံ,ဝန္ဒာမိ ပုရိသုတ္တမံ.

၃၀.

နီလ ပီတာ စ ဩဒါတာ,မဉ္ဇိဋ္ဌာ စ ပဘဿရာ;

လောဟိတာတိ ဆ ရံသီဟီ,ဝိဇ္ဇောတန္တံ သဒါ နမေ.

၃၁.

အဿာဒါဒီနဝေါ [Pg.33] စေဝ,နိဿရဏဖလံ တထာ;

ဥပါယာဏတ္တီတိ ဆဓာ,သဒ္ဓမ္မဒေသကံ နမေ.

၃၂.

ရာဂေါ [Pg.34] ဒေါသော စ မောဟော စ,ဝိတက္ကစရိယာ တထာ;

သဒ္ဓါ ဗုဒ္ဓီတိ ဘာဇေန္တံ,တာ ဆဠေစရိယာ နမေ.

၃၃.

ရဇတံ ကနကံ မုတ္တာ,မဏိ ဝေဠုရိယာနိ စ;

ဝဇိရဉ္စ ပဝါဠန္တိ,သေဋ္ဌိ သတ္တဓနော ဝိယ.

၃၄.

သဒ္ဓါသီလံ သုတံစာဂေါ,ဟိရီ ဩတ္တပ္ပိယံ ဓနံ,ပညာဓနန္တိ သမ္ဗုဒ္ဓံ,ဝန္ဒေ သတ္တမဟာဓနံ.

၃၅.

စက္ကံ [Pg.35] ဟတ္ထိ အဿော မဏိ,ဂဟပတိတ္ထိယော တထာ;

သုပရိဏာယကောစာတိ,သတ္တရတနော စက္ကဝတ္တီဝ.

၃၆.

သတိ ဓမ္မဝိစယော စ,တထေဝ ဝီရိယံ ပီတိ;

ပဿဒ္ဓိ [Pg.36] သမာဓုပေက္ခာ,သဒ္ဓမ္မ စက္ကဝတ္တိကံ;

သတ္တ ဗောဇ္ဈင်္ဂရတနံ,နမာမိ ပုရိသုတ္တမံ.

၃၇.

ယုဂန္ဓရော [Pg.37] ဤသဓရော,ကရဝီကော သုဒဿနော;

နေမိန္ဓရော ဝိနတကော,အဿကဏ္ဏော မဟာနဂေ;

သတ္တေတေ ဟတ္ထရူပံဝ,သမ္ပဿန္တံ ဇိနံ နမေ.

၃၈.

ကဏ္ဏမုဏ္ဍော အနောတတ္တော,ကုဏာလော ရထကာရကော;

သီဟပ္ပပါတ ဆဒ္ဒန္တာ,မန္ဒာကိနီ မဟာသရေ;

သတ္တေတေ [Pg.38] သဗ္ဗထာ ပဿံ,ဒိဋ္ဌေဝ ပါတိကံ နမေ.

၃၉.

မနုဿတ္တံ လိင်္ဂသမ္ပတ္တိ,ဟေတု သတ္ထာရဒဿနံ;

ပဗ္ဗဇ္ဇာ ဂုဏသမ္ပတ္တိ,အဓိကာရော စ ဆန္ဒတာ;

အဋ္ဌဓမ္မ သမောဓာနာ,ဘိနီဟာရန္တဂုံ နမေ.

၄၀.

ဝိသဋ္ဌံ [Pg.39] မဉ္ဇု ဝိညေယျံ,သဝနီယာဝိသာရိဏာ;

ဂမ္ဘီရော ဗိန္ဒုနိန္နာဒေါ,အဋ္ဌင်္ဂိကသရံ နမေ.

၄၁.

စတ္တာရိ [Pg.40] ရူပဈာနာနိ,တထေဝါရူပဈာနာနိ;

တာ သမာပတ္တိယော အဋ္ဌ,သေဝန္တံ ရုစိယာ နမေ.

၄၂.

အဏိမာ လင်္ဃိမာ ကမ္မံ,မဟိမာ ပတ္တိမာ တထာ;

ဤသိတာ [Pg.41] ဝသိတာ စေဝ,ယတ္ထကာမာဝသာယိတာ;

အဋ္ဌိဿရိယ ပုဏ္ဏတ္တာ,ဣဿရာတိဿရံ နမေ.

၄၃.

မနောမယိဒ္ဓိဉာဏဉ္စ[Pg.42],ဆဠဘိညာ ဝိပဿနာ;

အဋ္ဌဝိဇ္ဇာဟိ သမ္ပန္နံ,ဝန္ဒေ တိလောကကေတုကံ.

၄၄.

ဇာတိ ဇရာ ရုဇာ ကာလော,စတုရာပါယဒုက္ခာတိ;

အဋ္ဌ သံဝေဂဝတ္ထူနိ,ဘာသန္တံ ဝိဝိဓံ နမေ.

၄၅.

သုတ္တင်္ဂံ [Pg.43] ဝေယျာကရဏံ,ဂေယျံ ဂါထာ စ ဇာတကံ;

အဗ္ဘူတဓမ္မ ဝေဒလ္လာ,ဥဒါနမိတိ ဝုတ္တကံ;

နဝင်္ဂံ သဗ္ဗလောကဿ,ဒဒန္တံ သာသနံ နမေ.

၄၆.

ယာ [Pg.44] သမာပတ္တိယော အဋ္ဌ,နိရောဓော စာတိ တေ နဝ,အနုပုဗ္ဗဝိဟာရေ တံ,သေဝန္တံ ရုစိယာ နမေ.

၄၇.

ဧကတ္တဉ္စေဝ နာနတ္တံ,ကာယသညီဟိ ယောဂတော,စတ္တာရော တထာရုပ္ပာ စ,အသညီစာတိ တေ နဝ,သတ္တဝါသေ ဝိဘဇိတွာ,ပကာသေန္တံ နမေ ဇိနံ.

၄၈.

သေယျဿ [Pg.45] သဒိသော သေယျော,ဟီနောတိ တိဝိဓော ဝိဓော,တထာ သဒိသဟီနာနံ,နဝဝိဓေ နုဒံ နမေ.

၄၉.

အနတ္ထံ [Pg.46] မေ စရတိ စ,တထာ စရိ စရိဿတိ,မိတ္တဿ အရိနောတွတ္ထံ,နဝါဃာတေ ဇဟံ နမေ.

၅၀.

ဒါနံ သီလဉ္စ နိက္ခမံ,ပညာ ဝီရိယပဉ္စမံ,ခန္တီ [Pg.47] သစ္စမဓိဋ္ဌာနံ,မေတ္တုပေက္ခာတိ တာဒသ,ပူရေတွာ ပါရမီ ဝန္ဒေ,သမ္မာသမ္ဗောဓိမဇ္ဈဝံ;

၅၁.

ကာဠာဝကဉ္စ ဂင်္ဂေယျံ,ပဏ္ဍရံ တမ္ဗ ပိင်္ဂလံ,ဂန္ဓ မင်္ဂလ ဟေမဉ္စ,ဥပေါသထ ဆဒ္ဒန္တိမေ.

၅၂.

ဓာရေတိ ဒသပေါသာနံ,နာဂေါ ကာဠာဝကော ဗလံ;

သဟဿကောဋိပေါသာနံ[Pg.48];

ဆဒ္ဒန္တောဝါရနုတ္တမော.

၅၃.

ဒသ သဟဿကောဋီနံ,ပေါသာနံ ဗလဓာရဏံ;

ဆဒ္ဒန္တာနံ ဒသန္နဉ္စ,ဒသကာယဗလံ နမေ.

၅၄.

ဌာနာဌာနေ [Pg.49] ဝိပါကေ စ,မဂ္ဂေ သဗ္ဗတ္ထဂါမိနံ;

နာနာဓာတူသု လောကေသု,အဓိမုတ္တိမှိ ပါဏိနံ;

၅၅.

ပရောပရိယတ္တေ ဉာဏံ,ဣန္ဒြိယာနဉ္စ ပါဏိနံ;

ဈာနာဒီသု ဉာဏံ ပုဗ္ဗေ,နိဝါသေ ဒိဗ္ဗစက္ခု စ;

အာသဝက္ခယဉာဏန္တိ,ဒသဗလဉာဏံ နမေ.

၅၆.

မူလဂန္ဓော [Pg.50] သာရော ဖေဂ္ဂု,တစော ပပဋိကော ရသော;

ပတ္တံ ပုပ္ဖံ ဖလဉ္စေဝ,ဂန္ဓဂန္ဓောတိ သံဝရံ;

သုဂန္ဓံ ဒသဂန္ဓေဟိ,ဝိလိမ္ပန္တံ သဒါ နမေ.

၅၇.

သမာဓိ [Pg.51] ဉာဏဝိပ္ဖာရာ,အဓိဋ္ဌာနံ ဝိကုဗ္ဗနာ;

မနောမယာရိယာ ဣဒ္ဓိ,တထာ ကမ္မဝိပါကဇာ.

၅၈.

ဝိဇ္ဇာမယာ ပုညဝတော;

ပယောဂ ပစ္စယိဒ္ဓိတိ;

အဂ္ဂပတ္တ ဒသိဒ္ဓီနံ,ပါဋိဟေရံ ကရံ နမေ.

၅၉.

မုတ္တာ [Pg.52] မဏိ ဝေဠုရိယံ,သင်္ခေါ သလ္လော ပဝါဠကံ;

သုဝဏ္ဏံ ရဇတံ လောဟိ,တင်္ကော မသာရဂလ္လန္တိ;

ဒသဓာ [Pg.53] ရတနေဟိဂ္ဂံ,ဘောဂိံ ပညာမဏိံ နမေ.

၆၀.

သိထိလံ ဓနိတံ ဒီဃံ,ရဿဉ္စ ဂရုကံ လဟု;

နိဂ္ဂဟိတံ ဝိမုတ္တဉ္စ,သမ္ဗန္ဓဉ္စ ဝဝတ္ထိတံ;

ဝိဝရန္တံ နမေ ဓမ္မံ,ဒသဗျဉ္ဇနဘေဒိတံ.

၆၁.

ပသာဒေါဇော [Pg.54] မဓုရတာ,သမတာ သုခုမာလတာ;

သိလေသောဒါရတာ ကန္တိ,အတ္ထဗျတ္တိ သမာဓယော;

ဒသ သဒ္ဒဂုဏောပေတံ,ဓမ္မံ ပါတု ကရံ နမေ.

၆၂.

လောဘော [Pg.55] ဒေါသော မောဟော မာနော,ဥဒ္ဓစ္စံ ဒိဋ္ဌိ သံသယော;

အဟိရိကမနောတ္တပ္ပံ,ထိနန္တိ သဗ္ဗ ဒါဟကေ;

ကိလေသေ ဒသ တေ သဒ္ဓိံ,ဝါသနာယ ဇဟံ နမေ.

၆၃.

သတေရာ [Pg.56] ဒဏ္ဍမဏိကာ,မစ္ဆဝိလောလဂဂ္ဂရာ;

သုက္ခာသနိ ကပိသိသာ,ဝိစက္ကာ သည ကုက္ကုဋာ;

နဝါသနီဟိ ဖာလေန္တံ,တိဗ္ဗံ ပညာသနိံ နမေ.

၆၄.

ရောဒနာ [Pg.57] ကောဓာဝုဓော စ,ဥဇ္ဈန္တိဿရိယံ တထာ;

ပဋိသင်္ခါနံ,ခန္တိ အဋ္ဌဗလေသု တံ;

ပထဝီသဒိသံ ဝန္ဒေ,အဋ္ဌမေန ဝိနာယကံ.

၆၅.

ကာမရောဂေါ [Pg.58] စ ပဋိဃော,မာနော ဒိဋ္ဌိ စ သံသယော;

ဘဝရာဂေါ အဝိဇ္ဇာတိ,သတ္တာနုသယိနံ နမေ.

၆၆.

တိတ္ထိယာပကတိမဟာသာဝကာ,အဂ္ဂသာဝကာ ပစ္စေကဗုဒ္ဓသမ္ဗုဒ္ဓါ;

ဝိသိဋ္ဌံ [Pg.59] သဗ္ဗထာ ဆသု,ပုဗ္ဗေ နိဝါသ ဝိညူသု;

တိလောကမကုဋံ နမေ.

၆၇.

ဗုဒ္ဓစက္ခု သမန္တာ စ,ဉာဏံ ယံ ဒိဗ္ဗစက္ခု စ;

ဓမ္မောတိ ပဉ္စ စက္ခူဟိ,ဒဿာဝိံ မာရဇိံ နမေ.

၆၈.

ခုဒ္ဒကာ [Pg.60] ခဏိကာ ဩက္ကန္တိကာ စ,ဖရဏာ တထာ ဥဗ္ဗေဂါ;

ပဉ္စ ပီတီဟိ ပိနေန္တံ,ရုစိယာ စ နမာမဟံ.

၆၉.

ဒုက္ခံ သမုဒယသစ္စံ,နိရောဓော မဂ္ဂသစ္စကံ;

စတုသစ္စမဘိဇာနံ[Pg.61],စတုကိစ္စေဟိ တံ နမေ.

၇၀.

ပီဠနာ သင်္ခတတ္ထော စ,တပေါ ဝိပရိဏာမနာ;

ဒုက္ခသစ္စံ စတုက္ကေဟိ,ဝိဘတ္တာဝိံ မုနိံ နမေ.

၇၁.

အာယူဟနံ [Pg.62] နိဒါနဉ္စ,သံယောဂေါ ပလိဗောဓနံ;

စတုက္ကေဟိ သမုဒယံ,ဝိဘတ္တာဝိံ မုနိံ နမေ.

၇၂.

နိဿရဏဉ္စ ဝိဝေကော,အသင်္ခတာမတံ တထာ;

နိရောဓဉ္စ စတုက္ကေဟိ,ဝိဘတ္တာဝိံ မုနိံ နမေ.

၇၃.

နိယျာနိကော [Pg.63] စ ဟေတွတ္ထော,ဒဿနာဓိပတေယျကံ;

မဂ္ဂသစ္စံ စတုက္ကေဟိ,ဝိဘတ္တာဝိံ မုနိံ နမေ.

၇၄.

သတ္ထကော [Pg.64] စ အသမ္မောဟော,သပ္ပာယော စေဝ ဂေါစရော;

စတုသမ္ပဇညာ ဝိနာ,ဘာဝိံ နမေ တထာဂတံ.

၇၅.

ပဟိနာခိလ ဒုက္ခာဟံ,ဘဝသာဂရ ပါရဂုံ;

ဝန္ဒေ သာရဂုဏောပေတံ,တေနမှိ ဘဝပါရဂေါ.

၇၆.

ရူပါရူပဝိလာသဂ္ဂ[Pg.65],ရူပါစိန္တေယျ သံယုတ္တံ;

ဝန္ဒေ သာရဂုဏောပေတံ,တေနမှာတုလရူပဝါ.

၇၇.

ဣဒ္ဓိ [Pg.66] ဣဒ္ဓိ ဝိလာသဂ္ဂ,ဣဒ္ဓိ စိန္တေယျ သံယုတ္တံ;

ဝန္ဒေ သာရဂုဏေပေတံ,တေနမှာ တုလဣဒ္ဓိမာ.

၇၈.

ဝါစာ ဝါစာ ဝိလာသဂ္ဂ,ဝါစာ စိန္တေယျ သံယုတ္တံ;

ဝန္ဒေ သာရဂုဏောပေတံ,တေနမှာ တုလဝါစကော.

၇၉.

ဉာဏ [Pg.67] ဉာဏ ဝိလာသဂ္ဂ,ဉာဏာစိန္တေယျ သံယုတ္တံ;

ဝန္ဒေ သာရဂုဏောပေတံ,တေနမှာ တုလဉာဏဝါ.

၈၀.

သဇ္ဈံ ဟေမဉ္စ ရတနံ,ဂေဟံ ဝတ္ထဉ္စ ဘောဇနံ;

တဒညေပိ [Pg.68] ယထာစိတ္တံ,မာပေယျာဟံ နမေ ဇိနံ.

၈၁.

သဇ္ဈံ ဟေမဉ္စ ရတနံ,ဂေဟံ ဝတ္ထဉ္စ ဘောဇနံ;

တဒညေပိ ယထာစိတ္တံ,မာပေယျံ ကမ္မဇိဒ္ဓိယာ.

၈၂.

သတ္တဗောဇ္ဈင်္ဂ [Pg.69] ရတနော,သဒ္ဓါဒိရတနော မုနိ;

သတိပ္ပဘုတိရတနော,ဝန္ဒေ တံ ပုရိသုတ္တမံ.

၈၃.

စက္ကာဒိသတ္တရတနံ,မုတ္တာဒိရတနံ သုဘံ;

ဝတ္ထပ္ပဘုတိရတနံ,ဆန္ဒက္ခဏေ လဘာမဟံ.

၈၄.

သမ္ပုဏ္ဏစိတ္တသင်္ကပ္ပော[Pg.70],ယထာကင်္ခိတမာပကော,ကေနစိနဘိဘူတော ယော,သဗ္ဗာဘိဘူ နမေ ဇိနံ.

၈၅.

သမ္ပုဏ္ဏစိတ္တသင်္ကပ္ပော[Pg.71],ယထာကင်္ခိတမာပကော,ကေနစိနဘိဘူတမှိ,သဗ္ဗာဘိဘူ ဘဝေ ဘဝေ.

၈၆.

ဒသ ဆဒ္ဒန္တရာဇာဝ,ဒသ ကာယဗလော မုနိ;

ဒသ ဉာဏဗ္ဗလောတုလျော,ဝန္ဒေ တံ သမဏုတ္တမံ.

၈၇.

အတိကာယဇဝေါ [Pg.72] ဗုဒ္ဓေါ,ရညာဇဝနဟံသတော;

ကာ ကထာ ဉာဏဝေဂဿ,ဝန္ဒေ တံ သမဏုတ္တမံ.

၈၈.

ဆဒ္ဒန္တနာဂရာဇာဝ,ဘဝေ ဘဝေ မဟဗ္ဗလော;

ရာဇာဇဝနဟံသောဝ,ပရမဂ္ဂဇဝေါ ဘဝေ.

၈၉.

ဥဒကာ [Pg.73] ကာသစာရီ စ,မဟိနိမုဇ္ဇကော ဇိနော;

မာပကော စ ယထာ စိတ္တံ,ဝန္ဒေ တံ ဉေယျပါရဂုံ.

၉၀.

ဥဒကာ ကာသစာရီ စ,မဟိနိမုဇ္ဇကော ဘဝေ;

မာပကော စ ယထာစိတ္တံ,ဘဝသော ကမ္မဇိဒ္ဓိယာ.

၉၁.

ဂါမေ [Pg.74] ဝနေ စ သဗ္ဗတ္ထ,ဒေဝေဟိ မနုဿေဟိ စ;

အာဘတာနန္တလာဘဿ,သဒါ ယဿ မဟေသိနော;

ပတ္တလာဘဂ္ဂတံ လောကံ,တံ ဝန္ဒေ မုနိပုင်္ဂဝံ.

၉၂.

ဂါမေ [Pg.75] ဝနေ စ သဗ္ဗတ္ထ,ဒေဝေဟိ မနုဿေဟိ စ;

အာဘတာ နန္တလာဘော မေ,သဒါ ဟောတု ဘဝါဘဝေ.

၉၃.

ပုညဿိမဿ တေဇေန,ယထာ စိတ္တံ သမိဇ္ဈတု;

သဗ္ဗိစ္ဆာ [Pg.76] သဗ္ဗစိန္တာ စ,ခိပ္ပံ မေ ဇာတိဇာတိယံ.

၉၄.

နတ္ထီတိ ဝစနံ ဒုက္ခံ,ဒေဟီတိ ဝစနံ တထာ;

တသ္မာ နတ္ထီတိ ဒေဟီတိ,မာ မေ ဟောတု ဘဝါဘဝေ.

၉၅.

သဗ္ဗံ [Pg.77] ပရဝသံ ဒုက္ခံ,သဗ္ဗမိဿရိယံ သုခံ;

သဗ္ဗံ ပရဝသမတ္ထု,သဗ္ဗမိဿရိယံ ဘဝေ.

၉၆.

ဝိတက္ကေန္တော ဘဇ္ဇကာယော,သဗ္ဗာဝုဓ ဝါရဏော စ;

ဆဒ္ဒန္တ ဝါရဏဗလော,ဘဝေယျံ ဇာတိဇာ တိယံ.

၉၇.

သုဘလက္ခဏသမ္ပန္နော[Pg.78],သုဝဏ္ဏဝဏ္ဏဝါ ဘဝေ;

ဗြဟ္မဿရော ကရဝိက,ဘာဏီ စ ဇာတိဇာတိယံ.

၉၈.

ဘူရိမပညော သိပ္ပာနံ,သဗ္ဗေသံ ကုသလော ဘဝေ;

ဝိသဇ္ဇေတုံ သမတ္ထောဝ,သဗ္ဗပုစ္ဆာနံ ဌာနသော.

၉၉.

ဝေရာဓံသီယ [Pg.79] ဘောဂါ စ,အနန္တာခီဏ ဘောဂဝါ;

အနန္တာဘဇ္ဇ ပရိသော,ဘဝသော ပါပုဏေ သိဝံ.

၁၀၀.

မာ [Pg.80] နဿေယျံ ပသယှေယျံ,ဥဿုက္ကေဟိ ပျဟံ သဟ;

ပဉ္စဝေရေဟိ ကောဋီဟိ,ဘဏ္ဍံ ဝါ အကာတုကာမိတံ.

၁၀၁.

မေဃံ ဝါတဉ္စ ရတနံ,ဓညံ ဝတ္ထဉ္စ ဘောဇနံ;

သဗ္ဗိစ္ဆိတံ တဒညမ္ပိ,မာပေယျံ ကမ္မဇိဒ္ဓိယာ.

၁၀၂.

ပုညေနေတေန [Pg.81] နိဗ္ဗာနံ,သန္တံ ပပ္ပောမိ တာဝတာ;

ဘဝေယျံ သဗ္ဗဇာတီသု,စတုသမ္ပတ္တိယာ သဒါ;

စတုစက္ကေန သမ္ပန္နော,သဒ္ဓမ္မေဟိ စ သတ္တဟိ.

၁၀၃.

သမ္မာဒိဋ္ဌိ [Pg.82] ဝသုပေတေ,ကုလမှိ သေဋ္ဌသမ္မတေ,သဗ္ဗသက္ကတ သံသုဒ္ဓေ;

ဘဝေ တိဟေတုသန္ဓိကော.

၁၀၄.

ဃာသစ္ဆာဒနံ ဘောဂဉ္စ,နေဝ ဟတ္ထေန ကာတုန,ဘုဉ္ဇေယျမိဒ္ဓိယာတွေဝ,မာပေတွာ ယာဝဒတ္ထကံ.

၁၀၅.

မနုဿာနံ [Pg.83] အတိက္ကမ္မ,ဒေဝါနံ ဝိယ ဘောဇနံ,ဝတ္ထံ ဘောဂေါ စ မေ ဟောန္တု,ပရိဝါရာတိသုန္ဒရာ.

၁၀၆.

ဒသာသုတ္တံပိ မေ ဘောဂံ,ပဉ္စဝေရာ ဘဝေ ဘဝေ;

မာဂဏှေယျုဉ္စ နဿေယျုံ,အသောကော ဘောဂဟေတုမေ.

၁၀၇.

သဗ္ဗင်္ဂသုဘ [Pg.84] သမ္ပန္နော,သိင်္ဂီနိက္ခ သဝဏ္ဏ ဝါ;

ဗာတ္တိံသ လက္ခဏူပေတော,အတပ္ပန ရူပ ဝါ ဘဝေ.

၁၀၈.

ကာယော စန္ဒနဂန္ဓော စ,မုခံ ဥပ္ပလဂန္ဓိကံ;

အဋ္ဌင်္ဂိကော [Pg.85] ကရဝိက,မဉ္ဇူဃောသော စ မေ ဟောတု.

၁၀၉.

တိက္ခ ဂမ္ဘီရ ပညော စ,ဟာသာတိဇဝပညဝါ,ဘူရိ နိဗ္ဗေဓ ပညော စ;

သဗ္ဗပဉှဝိသဇ္ဇနော.

၁၁၁.

အန္တော [Pg.86] သောဠသဝဿဿ,တိပေဋကဓရော ဘဝေ;

သဗ္ဗကမ္မေသု သိပ္ပေသု,ဝိဇ္ဇာဌာနေသု ပါရဂူ.