නමො තස්ස භගවතො අරහතො සම්මාසම්බුද්ධස්ස

අභිධම්මපිටකෙ

යමකපාළි (පඨමො භාගො)

1. මූලයමකං

(ක) උද්දෙසො

1. මූලවාරො

1. කුසලා ධම්මා

(1) මූලනයො

1. (ක) යෙ [Pg.1] කෙචි කුසලා ධම්මා, සබ්බෙ තෙ කුසලමූලා?

(ඛ) යෙ වා පන කුසලමූලා, සබ්බෙ තෙ ධම්මා කුසලා?

2. (ක) යෙ කෙචි කුසලා ධම්මා, සබ්බෙ තෙ කුසලමූලෙන එකමූලා?

(ඛ) යෙ වා පන කුසලමූලෙන එකමූලා, සබ්බෙ තෙ ධම්මා කුසලා?

3. (ක) යෙ කෙචි කුසලමූලෙන එකමූලා ධම්මා, සබ්බෙ තෙ කුසලමූලෙන අඤ්ඤමඤ්ඤමූලා?

(ඛ) යෙ වා පන කුසලමූලෙන අඤ්ඤමඤ්ඤමූලා, සබ්බෙ තෙ ධම්මා කුසලා?

(2) මූලමූලනයො

4. (ක) යෙ කෙචි කුසලා ධම්මා, සබ්බෙ තෙ කුසලමූලමූලා?

(ඛ) යෙ වා පන කුසලමූලමූලා, සබ්බෙ තෙ ධම්මා කුසලා?

5. (ක) යෙ කෙචි කුසලා ධම්මා, සබ්බෙ තෙ කුසලමූලෙන එකමූලමූලා?

(ඛ) යෙ වා පන කුසලමූලෙන එකමූලමූලා, සබ්බෙ තෙ ධම්මා කුසලා?

6. (ක) යෙ කෙචි කුසලමූලෙන එකමූලමූලා ධම්මා, සබ්බෙ තෙ කුසලමූලෙන අඤ්ඤමඤ්ඤමූලමූලා?

(ඛ) යෙ වා පන කුසලමූලෙන අඤ්ඤමඤ්ඤමූලමූලා, සබ්බෙ තෙ ධම්මා කුසලා?

(3) මූලකනයො

7. (ක) යෙ [Pg.2] කෙචි කුසලා ධම්මා, සබ්බෙ තෙ කුසලමූලකා?

(ඛ) යෙ වා පන කුසලමූලකා, සබ්බෙ තෙ ධම්මා කුසලා?

8. (ක) යෙ කෙචි කුසලා ධම්මා, සබ්බෙ තෙ කුසලමූලෙන එකමූලකා?

(ඛ) යෙ වා පන කුසලමූලෙන එකමූලකා, සබ්බෙ තෙ ධම්මා කුසලා?

9. (ක) යෙ කෙචි කුසලමූලෙන එකමූලකා ධම්මා, සබ්බෙ තෙ කුසලමූලෙන අඤ්ඤමඤ්ඤමූලකා?

(ඛ) යෙ වා පන කුසලමූලෙන අඤ්ඤමඤ්ඤමූලකා, සබ්බෙ තෙ ධම්මා කුසලා?

(4) මූලමූලකනයො

10. (ක) යෙ කෙචි කුසලා ධම්මා, සබ්බෙ තෙ කුසලමූලමූලකා?

(ඛ) යෙ වා පන කුසලමූලමූලකා, සබ්බෙ තෙ ධම්මා කුසලා?

11. (ක) යෙ කෙචි කුසලා ධම්මා, සබ්බෙ තෙ කුසලමූලෙන එකමූලමූලකා?

(ඛ) යෙ වා පන කුසලමූලෙන එකමූලමූලකා, සබ්බෙ තෙ ධම්මා කුසලා?

12. (ක) යෙ කෙචි කුසලමූලෙන එකමූලමූලකා ධම්මා, සබ්බෙ තෙ කුසලමූලෙන අඤ්ඤමඤ්ඤමූලමූලකා?

(ඛ) යෙ වා පන කුසලමූලෙන අඤ්ඤමඤ්ඤමූලමූලකා, සබ්බෙ තෙ ධම්මා කුසලා?

2. අකුසලා ධම්මා (1) මූලනයො

13. (ක) යෙ කෙචි අකුසලා ධම්මා, සබ්බෙ තෙ අකුසලමූලා?

(ඛ) යෙ වා පන අකුසලමූලා, සබ්බෙ තෙ ධම්මා අකුසලා?

14. (ක) යෙ කෙචි අකුසලා ධම්මා, සබ්බෙ තෙ අකුසලමූලෙන එකමූලා?

(ඛ) යෙ වා පන අකුසලමූලෙන එකමූලා, සබ්බෙ තෙ ධම්මා අකුසලා?

15. (ක) යෙ කෙචි අකුසලමූලෙන එකමූලා ධම්මා, සබ්බෙ තෙ අකුසලමූලෙන අඤ්ඤමඤ්ඤමූලා?

(ඛ) යෙ වා පන අකුසලමූලෙන අඤ්ඤමඤ්ඤමූලා, සබ්බෙ තෙ ධම්මා අකුසලා?

(2) මූලමූලනයො

16. (ක) යෙ කෙචි අකුසලා ධම්මා, සබ්බෙ තෙ අකුසලමූලමූලා?

(ඛ) යෙ වා පන අකුසලමූලමූලා, සබ්බෙ තෙ ධම්මා අකුසලා?

17. (ක) යෙ [Pg.3] කෙචි අකුසලා ධම්මා, සබ්බෙ තෙ අකුසලමූලෙන එකමූලමූලා?

(ඛ) යෙ වා පන අකුසලමූලෙන එකමූලමූලා, සබ්බෙ තෙ ධම්මා අකුසලා?

18. (ක) යෙ කෙචි අකුසලමූලෙන එකමූලමූලා ධම්මා, සබ්බෙ තෙ අකුසලමූලෙන අඤ්ඤමඤ්ඤමූලමූලා?

(ඛ) යෙ වා පන අකුසලමූලෙන අඤ්ඤමඤ්ඤමූලමූලා, සබ්බෙ තෙ ධම්මා අකුසලා?

(3) මූලකනයො

19. (ක) යෙ කෙචි අකුසලා ධම්මා, සබ්බෙ තෙ අකුසලමූලකා?

(ඛ) යෙ වා පන අකුසලමූලකා, සබ්බෙ තෙ ධම්මා අකුසලා?

20. (ක) යෙ කෙචි අකුසලා ධම්මා, සබ්බෙ තෙ අකුසලමූලෙන එකමූලකා?

(ඛ) යෙ වා පන අකුසලමූලෙන එකමූලකා, සබ්බෙ තෙ ධම්මා අකුසලා?

21. (ක) යෙ කෙචි අකුසලමූලෙන එකමූලකා ධම්මා, සබ්බෙ තෙ අකුසලමූලෙන අඤ්ඤමඤ්ඤමූලකා?

(ඛ) යෙ වා පන අකුසලමූලෙන අඤ්ඤමඤ්ඤමූලකා, සබ්බෙ තෙ ධම්මා අකුසලා?

(4) මූලමූලකනයො

22. (ක) යෙ කෙචි අකුසලා ධම්මා, සබ්බෙ තෙ අකුසලමූලමූලකා?

(ඛ) යෙ වා පන අකුසලමූලමූලකා, සබ්බෙ තෙ ධම්මා අකුසලා?

23. (ක) යෙ කෙචි අකුසලා ධම්මා, සබ්බෙ තෙ අකුසලමූලෙන එකමූලමූලකා?

(ඛ) යෙ වා පන අකුසලමූලෙන එකමූලමූලකා, සබ්බෙ තෙ ධම්මා අකුසලා?

24. (ක) යෙ කෙචි අකුසලමූලෙන එකමූලමූලකා ධම්මා, සබ්බෙ තෙ අකුසලමූලෙන අඤ්ඤමඤ්ඤමූලමූලකා?

(ඛ) යෙ වා පන අකුසලමූලෙන අඤ්ඤමඤ්ඤමූලමූලකා, සබ්බෙ තෙ ධම්මා අකුසලා?

3. අබ්‍යාකතා ධම්මා (1) මූලනයො

25. (ක) යෙ කෙචි අබ්‍යාකතා ධම්මා, සබ්බෙ තෙ අබ්‍යාකතමූලා?

(ඛ) යෙ වා පන අබ්‍යාකතමූලා, සබ්බෙ තෙ ධම්මා අබ්‍යාකතා?

26. (ක) යෙ [Pg.4] කෙචි අබ්‍යාකතා ධම්මා, සබ්බෙ තෙ අබ්‍යාකතමූලෙන එකමූලා?

(ඛ) යෙ වා පන අබ්‍යාකතමූලෙන එකමූලා, සබ්බෙ තෙ ධම්මා අබ්‍යාකතා?

27. (ක) යෙ කෙචි අබ්‍යාකතමූලෙන එකමූලා ධම්මා, සබ්බෙ තෙ අබ්‍යාකතමූලෙන අඤ්ඤමඤ්ඤමූලා?

(ඛ) යෙ වා පන අබ්‍යාකතමූලෙන අඤ්ඤමඤ්ඤමූලා, සබ්බෙ තෙ ධම්මා අබ්‍යාකතා?

(2) මූලමූලනයො

28. (ක) යෙ කෙචි අබ්‍යාකතා ධම්මා, සබ්බෙ තෙ අබ්‍යාකතමූලමූලා?

(ඛ) යෙ වා පන අබ්‍යාකතමූලමූලා, සබ්බෙ තෙ ධම්මා අබ්‍යාකතා?

29. (ක) යෙ කෙචි අබ්‍යාකතා ධම්මා, සබ්බෙ තෙ අබ්‍යාකතමූලෙන එකමූලමූලා?

(ඛ) යෙ වා පන අබ්‍යාකතමූලෙන එකමූලමූලා, සබ්බෙ තෙ ධම්මා අබ්‍යාකතා?

30. (ක) යෙ කෙචි අබ්‍යාකතමූලෙන එකමූලමූලා ධම්මා, සබ්බෙ තෙ අබ්‍යාකතමූලෙන අඤ්ඤමඤ්ඤමූලමූලා?

(ඛ) යෙ වා පන අබ්‍යාකතමූලෙන අඤ්ඤමඤ්ඤමූලමූලා, සබ්බෙ තෙ ධම්මා අබ්‍යාකතා?

(3) මූලකනයො

31. (ක) යෙ කෙචි අබ්‍යාකතා ධම්මා, සබ්බෙ තෙ අබ්‍යාකතමූලකා?

(ඛ) යෙ වා පන අබ්‍යාකතමූලකා, සබ්බෙ තෙ ධම්මා අබ්‍යාකතා?

32. (ක) යෙ කෙචි අබ්‍යාකතා ධම්මා, සබ්බෙ තෙ අබ්‍යාකතමූලෙන එකමූලකා?

(ඛ) යෙ වා පන අබ්‍යාකතමූලෙන එකමූලකා, සබ්බෙ තෙ ධම්මා අබ්‍යාකතා?

33. (ක) යෙ කෙචි අබ්‍යාකතමූලෙන එකමූලකා ධම්මා, සබ්බෙ තෙ අබ්‍යාකතමූලෙන අඤ්ඤමඤ්ඤමූලකා?

(ඛ) යෙ වා පන අබ්‍යාකතමූලෙන අඤ්ඤමඤ්ඤමූලකා, සබ්බෙ තෙ ධම්මා අබ්‍යාකතා?

(4) මූලමූලකනයො

34. (ක) යෙ කෙචි අබ්‍යාකතා ධම්මා, සබ්බෙ තෙ අබ්‍යාකතමූලමූලකා?

(ඛ) යෙ වා පන අබ්‍යාකතමූලමූලකා, සබ්බෙ තෙ ධම්මා අබ්‍යාකතා?

35. (ක) යෙ කෙචි අබ්‍යාකතා ධම්මා, සබ්බෙ තෙ අබ්‍යාකතමූලෙන එකමූලමූලකා?

(ඛ) යෙ වා පන අබ්‍යාකතමූලෙන එකමූලමූලකා, සබ්බෙ තෙ ධම්මා අබ්‍යාකතා?

36. (ක) යෙ [Pg.5] කෙචි අබ්‍යාකතමූලෙන එකමූලමූලකා ධම්මා, සබ්බෙ තෙ අබ්‍යාකතමූලෙන අඤ්ඤමඤ්ඤමූලමූලකා?

(ඛ) යෙ වා පන අබ්‍යාකතමූලෙන අඤ්ඤමඤ්ඤමූලමූලකා, සබ්බෙ තෙ ධම්මා අබ්‍යාකතා?

4. නාමා ධම්මා (1) මූලනයො

37. (ක) යෙ කෙචි නාමා ධම්මා, සබ්බෙ තෙ නාමමූලා?

(ඛ) යෙ වා පන නාමමූලා, සබ්බෙ තෙ ධම්මා නාමා?

38. (ක) යෙ කෙචි නාමා ධම්මා, සබ්බෙ තෙ නාමමූලෙන එකමූලා?

(ඛ) යෙ වා පන නාමමූලෙන එකමූලා, සබ්බෙ තෙ ධම්මා නාමා?

39. (ක) යෙ කෙචි නාමමූලෙන එකමූලා ධම්මා, සබ්බෙ තෙ නාමමූලෙන අඤ්ඤමඤ්ඤමූලා?

(ඛ) යෙ වා පන නාමමූලෙන අඤ්ඤමඤ්ඤමූලා, සබ්බෙ තෙ ධම්මා නාමා?

(2) මූලමූලනයො

40. (ක) යෙ කෙචි නාමා ධම්මා, සබ්බෙ තෙ නාමමූලමූලා?

(ඛ) යෙ වා පන නාමමූලමූලා, සබ්බෙ තෙ ධම්මා නාමා?

41. (ක) යෙ කෙචි නාමා ධම්මා, සබ්බෙ තෙ නාමමූලෙන එකමූලමූලා?

(ඛ) යෙ වා පන නාමමූලෙන එකමූලමූලා, සබ්බෙ තෙ ධම්මා නාමා?

42. (ක) යෙ කෙචි නාමමූලෙන එකමූලමූලා ධම්මා, සබ්බෙ තෙ නාමමූලෙන අඤ්ඤමඤ්ඤමූලමූලා?

(ඛ) යෙ වා පන නාමමූලෙන අඤ්ඤමඤ්ඤමූලමූලා, සබ්බෙ තෙ ධම්මා නාමා?

(3) මූලකනයො

43. (ක) යෙ කෙචි නාමා ධම්මා, සබ්බෙ තෙ නාමමූලකා?

(ඛ) යෙ වා පන නාමමූලකා, සබ්බෙ තෙ ධම්මා නාමා?

44. (ක) යෙ කෙචි නාමා ධම්මා, සබ්බෙ තෙ නාමමූලෙන එකමූලකා?

(ඛ) යෙ වා පන නාමමූලෙන එකමූලකා, සබ්බෙ තෙ ධම්මා නාමා?

45. (ක) යෙ කෙචි නාමමූලෙන එකමූලකා ධම්මා, සබ්බෙ තෙ නාමමූලෙන අඤ්ඤමඤ්ඤමූලකා?

(ඛ) යෙ වා පන නාමමූලෙන අඤ්ඤමඤ්ඤමූලකා, සබ්බෙ තෙ ධම්මා නාමා?

(4) මූලමූලකනයො

46. (ක) යෙ [Pg.6] කෙචි නාමා ධම්මා, සබ්බෙ තෙ නාමමූලමූලකා?

(ඛ) යෙ වා පන නාමමූලමූලකා, සබ්බෙ තෙ ධම්මා නාමා?

47. (ක) යෙ කෙචි නාමා ධම්මා, සබ්බෙ තෙ නාමමූලෙන එකමූලමූලකා?

(ඛ) යෙ වා පන නාමමූලෙන එකමූලමූලකා, සබ්බෙ තෙ ධම්මා නාමා?

48. (ක) යෙ කෙචි නාමමූලෙන එකමූලමූලකා ධම්මා, සබ්බෙ තෙ නාමමූලෙන අඤ්ඤමඤ්ඤමූලමූලකා?

(ඛ) යෙ වා පන නාමමූලෙන අඤ්ඤමඤ්ඤමූලමූලකා, සබ්බෙ තෙ ධම්මා නාමා?

මූලවාරඋද්දෙසො.

2-10. හෙතුවාරාදි

49. යෙ කෙචි කුසලා ධම්මා, සබ්බෙ තෙ කුසලහෙතූ…පෙ… කුසලනිදානා…පෙ… කුසලසම්භවා…පෙ… කුසලප්පභවා…පෙ… කුසලසමුට්ඨානා…පෙ… කුසලාහාරා…පෙ… කුසලාරම්මණා…පෙ… කුසලපච්චයා…පෙ… කුසලසමුදයා…පෙ….

මූලං හෙතු නිදානඤ්ච, සම්භවො පභවෙන ච;

සමුට්ඨානාහාරාරම්මණා, පච්චයො සමුදයෙන චාති.

උද්දෙසවාරො නිට්ඨිතො.

(ඛ) නිද්දෙසො

1. මූලවාරො

1. කුසලා ධම්මා (1) මූලනයො

50. (ක) යෙ කෙචි කුසලා ධම්මා, සබ්බෙ තෙ කුසලමූලාති? තීණෙව කුසලමූලානි. අවසෙසා කුසලා ධම්මා න කුසලමූලා.

(ඛ) යෙ වා පන කුසලමූලා, සබ්බෙ තෙ ධම්මා කුසලාති? ආමන්තා.

51. (ක) යෙ කෙචි කුසලා ධම්මා, සබ්බෙ තෙ කුසලමූලෙන එකමූලාති? ආමන්තා.

(ඛ) යෙ වා පන කුසලමූලෙන එකමූලා, සබ්බෙ තෙ ධම්මා කුසලාති[Pg.7]?

කුසලසමුට්ඨානං රූපං කුසලමූලෙන එකමූලං, න කුසලං. කුසලං කුසලමූලෙන එකමූලඤ්චෙව කුසලඤ්ච.

52. (ක) යෙ කෙචි කුසලමූලෙන එකමූලා ධම්මා, සබ්බෙ තෙ කුසලමූලෙන අඤ්ඤමඤ්ඤමූලාති?

මූලානි යානි එකතො උප්පජ්ජන්ති කුසලමූලානි එකමූලානි චෙව අඤ්ඤමඤ්ඤමූලානි ච. අවසෙසා කුසලමූලසහජාතා ධම්මා කුසලමූලෙන එකමූලා, න ච අඤ්ඤමඤ්ඤමූලා.

(ඛ) යෙ වා පන කුසලමූලෙන අඤ්ඤමඤ්ඤමූලා, සබ්බෙ තෙ ධම්මා කුසලාති? ආමන්තා.

(2) මූලමූලනයො

53. (ක) යෙ කෙචි කුසලා ධම්මා, සබ්බෙ තෙ කුසලමූලමූලාති? තීණෙව කුසලමූලමූලානි. අවසෙසා කුසලා ධම්මා න කුසලමූලමූලා.

(ඛ) යෙ වා පන කුසලමූලමූලා, සබ්බෙ තෙ ධම්මා කුසලාති? ආමන්තා.

54. (ක) යෙ කෙචි කුසලා ධම්මා, සබ්බෙ තෙ කුසලමූලෙන එකමූලමූලාති? ආමන්තා.

(ඛ) යෙ වා පන කුසලමූලෙන එකමූලමූලා, සබ්බෙ තෙ ධම්මා කුසලාති?

කුසලසමුට්ඨානං රූපං කුසලමූලෙන එකමූලමූලං, න කුසලං. කුසලං කුසලමූලෙන එකමූලමූලඤ්චෙව කුසලඤ්ච.

55. (ක) යෙ කෙචි කුසලමූලෙන එකමූලමූලා ධම්මා, සබ්බෙ තෙ කුසලමූලෙන අඤ්ඤමඤ්ඤමූලමූලාති?

මූලානි යානි එකතො උප්පජ්ජන්ති කුසලමූලානි එකමූලමූලානි චෙව අඤ්ඤමඤ්ඤමූලමූලානි ච. අවසෙසා කුසලමූලසහජාතා ධම්මා කුසලමූලෙන එකමූලමූලා, න ච අඤ්ඤමඤ්ඤමූලමූලා.

(ඛ) යෙ වා පන කුසලමූලෙන අඤ්ඤමඤ්ඤමූලමූලා, සබ්බෙ තෙ ධම්මා කුසලාති? ආමන්තා.

(3) මූලකනයො

56. (ක) යෙ කෙචි කුසලා ධම්මා, සබ්බෙ තෙ කුසලමූලකාති? ආමන්තා.

(ඛ) යෙ වා පන කුසලමූලකා, සබ්බෙ තෙ ධම්මා කුසලාති?

කුසලසමුට්ඨානං රූපං කුසලමූලකං න කුසලං. කුසලං කුසලමූලකඤ්චෙව කුසලඤ්ච.

57. (ක) යෙ කෙචි කුසලා ධම්මා, සබ්බෙ තෙ කුසලමූලෙන එකමූලකාති? ආමන්තා.

(ඛ) යෙ වා පන කුසලමූලෙන එකමූලකා, සබ්බෙ තෙ ධම්මා කුසලාති?

කුසලසමුට්ඨානං රූපං කුසලමූලෙන එකමූලකං, න කුසලං. කුසලං කුසලමූලෙන එකමූලකඤ්චෙව කුසලඤ්ච.

58. (ක) යෙ [Pg.8] කෙචි කුසලමූලෙන එකමූලකා ධම්මා, සබ්බෙ තෙ කුසලමූලෙන අඤ්ඤමඤ්ඤමූලකාති?

මූලානි යානි එකතො උප්පජ්ජන්ති කුසලමූලානි එකමූලකානි චෙව අඤ්ඤමඤ්ඤමූලකානි ච. අවසෙසා කුසලමූලසහජාතා ධම්මා කුසලමූලෙන එකමූලකා, න ච අඤ්ඤමඤ්ඤමූලකා.

(ඛ) යෙ වා පන කුසලමූලෙන අඤ්ඤමඤ්ඤමූලකා, සබ්බෙ තෙ ධම්මා කුසලාති? ආමන්තා.

(4) මූලමූලකනයො

59. (ක) යෙ කෙචි කුසලා ධම්මා, සබ්බෙ තෙ කුසලමූලමූලකාති? ආමන්තා.

(ඛ) යෙ වා පන කුසලමූලමූලකා, සබ්බෙ තෙ ධම්මා කුසලාති?

කුසලසමුට්ඨානං රූපං කුසලමූලමූලකං න කුසලං. කුසලං කුසලමූලමූලකඤ්චෙව කුසලඤ්ච.

60. (ක) යෙ කෙචි කුසලා ධම්මා, සබ්බෙ තෙ කුසලමූලෙන එකමූලමූලකාති? ආමන්තා.

(ඛ) යෙ වා පන කුසලමූලෙන එකමූලමූලකා, සබ්බෙ තෙ ධම්මා කුසලාති?

කුසලසමුට්ඨානං රූපං කුසලමූලෙන එකමූලමූලකං, න කුසලං. කුසලං කුසලමූලෙන එකමූලමූලකඤ්චෙව කුසලඤ්ච.

61. (ක) යෙ කෙචි කුසලමූලෙන එකමූලමූලකා ධම්මා, සබ්බෙ තෙ කුසලමූලෙන අඤ්ඤමඤ්ඤමූලමූලකාති?

මූලානි යානි එකතො උප්පජ්ජන්ති කුසලමූලානි එකමූලමූලකානි චෙව අඤ්ඤමඤ්ඤමූලමූලකානි ච. අවසෙසා කුසලමූලසහජාතා ධම්මා කුසලමූලෙන එකමූලමූලකා, න ච අඤ්ඤමඤ්ඤමූලමූලකා.

(ඛ) යෙ වා පන කුසලමූලෙන අඤ්ඤමඤ්ඤමූලමූලකා, සබ්බෙ තෙ ධම්මා කුසලාති? ආමන්තා.

2. අකුසලා ධම්මා (1) මූලනයො

62. (ක) යෙ කෙචි අකුසලා ධම්මා, සබ්බෙ තෙ අකුසලමූලාති?

තීණෙව අකුසලමූලානි. අවසෙසා අකුසලා ධම්මා න අකුසලමූලා.

(ඛ) යෙ වා පන අකුසලමූලා, සබ්බෙ තෙ ධම්මා අකුසලාති? ආමන්තා.

63. (ක) යෙ කෙචි අකුසලා ධම්මා, සබ්බෙ තෙ අකුසලමූලෙන එකමූලාති?

අහෙතුකං අකුසලං අකුසලමූලෙන න එකමූලං. සහෙතුකං අකුසලං අකුසලමූලෙන එකමූලං.

(ඛ) යෙ වා පන අකුසලමූලෙන එකමූලා, සබ්බෙ තෙ ධම්මා අකුසලාති?

අකුසලසමුට්ඨානං රූපං අකුසලමූලෙන [Pg.9] එකමූලං, න අකුසලං. අකුසලං අකුසලමූලෙන එකමූලඤ්චෙව අකුසලඤ්ච.

64. (ක) යෙ කෙචි අකුසලමූලෙන එකමූලා ධම්මා, සබ්බෙ තෙ අකුසලමූලෙන අඤ්ඤමඤ්ඤමූලාති?

මූලානි යානි එකතො උප්පජ්ජන්ති අකුසලමූලානි එකමූලානි චෙව අඤ්ඤමඤ්ඤමූලානි ච. අවසෙසා අකුසලමූලසහජාතා ධම්මා අකුසලමූලෙන එකමූලා, න ච අඤ්ඤමඤ්ඤමූලා.

(ඛ) යෙ වා පන අකුසලමූලෙන අඤ්ඤමඤ්ඤමූලා, සබ්බෙ තෙ ධම්මා අකුසලාති? ආමන්තා.

(2) මූලමූලනයො

65. (ක) යෙ කෙචි අකුසලා ධම්මා, සබ්බෙ තෙ අකුසලමූලමූලාති?

තීණෙව අකුසලමූලමූලානි. අවසෙසා අකුසලා ධම්මා න අකුසලමූලමූලා.

(ඛ) යෙ වා පන අකුසලමූලමූලා, සබ්බෙ තෙ ධම්මා අකුසලාති? ආමන්තා.

66. (ක) යෙ කෙචි අකුසලා ධම්මා, සබ්බෙ තෙ අකුසලමූලෙන එකමූලමූලාති?

අහෙතුකං අකුසලං අකුසලමූලෙන න එකමූලමූලං. සහෙතුකං අකුසලං අකුසලමූලෙන එකමූලමූලං.

(ඛ) යෙ වා පන අකුසලමූලෙන එකමූලමූලා, සබ්බෙ තෙ ධම්මා අකුසලාති?

අකුසලසමුට්ඨානං රූපං අකුසලමූලෙන එකමූලමූලං, න අකුසලං. අකුසලං අකුසලමූලෙන එකමූලමූලඤ්චෙව අකුසලඤ්ච.

67. (ක) යෙ කෙචි අකුසලමූලෙන එකමූලමූලා ධම්මා, සබ්බෙ තෙ අකුසලමූලෙන අඤ්ඤමඤ්ඤමූලමූලාති?

මූලානි යානි එකතො උප්පජ්ජන්ති අකුසලමූලානි එකමූලමූලානි චෙව අඤ්ඤමඤ්ඤමූලමූලානි ච. අවසෙසා අකුසලමූලසහජාතා ධම්මා අකුසලමූලෙන එකමූලමූලා, න ච අඤ්ඤමඤ්ඤමූලමූලා.

(ඛ) යෙ වා පන අකුසලමූලෙන අඤ්ඤමඤ්ඤමූලමූලා, සබ්බෙ තෙ ධම්මා අකුසලාති? ආමන්තා.

(3) මූලකනයො

68. (ක) යෙ කෙචි අකුසලා ධම්මා, සබ්බෙ තෙ අකුසලමූලකාති?

අහෙතුකං අකුසලං න අකුසලමූලකං. සහෙතුකං අකුසලං අකුසලමූලකං.

(ඛ) යෙ වා පන අකුසලමූලකා, සබ්බෙ තෙ ධම්මා අකුසලාති?

අකුසලසමුට්ඨානං රූපං අකුසලමූලකං න අකුසලං. අකුසලං අකුසලමූලකඤ්චෙව අකුසලඤ්ච.

69. (ක) යෙ [Pg.10] කෙචි අකුසලා ධම්මා, සබ්බෙ තෙ අකුසලමූලෙන එකමූලකාති?

අහෙතුකං අකුසලං අකුසලමූලෙන න එකමූලකං. සහෙතුකං අකුසලං අකුසලමූලෙන එකමූලකං.

(ඛ) යෙ වා පන අකුසලමූලෙන එකමූලකා, සබ්බෙ තෙ ධම්මා අකුසලාති?

අකුසලසමුට්ඨානං රූපං අකුසලමූලෙන එකමූලකං, න අකුසලං. අකුසලං අකුසලමූලෙන එකමූලකඤ්චෙව අකුසලඤ්ච.

70. (ක) යෙ කෙචි අකුසලමූලෙන එකමූලකා ධම්මා, සබ්බෙ තෙ අකුසලමූලෙන අඤ්ඤමඤ්ඤමූලකාති?

මූලානි යානි එකතො උප්පජ්ජන්ති අකුසලමූලානි එකමූලකානි චෙව අඤ්ඤමඤ්ඤමූලකානි ච. අවසෙසා අකුසලමූලසහජාතා ධම්මා අකුසලමූලෙන එකමූලකා න ච අඤ්ඤමඤ්ඤමූලකා.

(ඛ) යෙ වා පන අකුසලමූලෙන අඤ්ඤමඤ්ඤමූලකා, සබ්බෙ තෙ ධම්මා අකුසලාති? ආමන්තා.

(4) මූලමූලකනයො

71. (ක) යෙ කෙචි අකුසලා ධම්මා, සබ්බෙ තෙ අකුසලමූලමූලකාති?

අහෙතුකං අකුසලං න අකුසලමූලමූලකං. සහෙතුකං අකුසලං අකුසලමූලමූලකං.

(ඛ) යෙ වා පන අකුසලමූලමූලකා, සබ්බෙ තෙ ධම්මා අකුසලාති?

අකුසලසමුට්ඨානං රූපං අකුසලමූලමූලකං න අකුසලං. අකුසලං අකුසලමූලමූලකඤ්චෙව අකුසලඤ්ච.

72. (ක) යෙ කෙචි අකුසලා ධම්මා, සබ්බෙ තෙ අකුසලමූලෙන එකමූලමූලකාති?

අහෙතුකං අකුසලං අකුසලමූලෙන න එකමූලමූලකං. සහෙතුකං අකුසලං අකුසලමූලෙන එකමූලමූලකං.

(ඛ) යෙ වා පන අකුසලමූලෙන එකමූලමූලකා, සබ්බෙ තෙ ධම්මා අකුසලාති?

අකුසලසමුට්ඨානං රූපං අකුසලමූලෙන එකමූලමූලකං, න අකුසලං. අකුසලං අකුසලමූලෙන එකමූලමූලකඤ්චෙව අකුසලඤ්ච.

73. (ක) යෙ කෙචි අකුසලමූලෙන එකමූලමූලකා ධම්මා, සබ්බෙ තෙ අකුසලමූලෙන අඤ්ඤමඤ්ඤමූලමූලකාති?

මූලානි යානි එකතො උප්පජ්ජන්ති අකුසලමූලානි එකමූලමූලකානි චෙව අඤ්ඤමඤ්ඤමූලමූලකානි ච. අවසෙසා අකුසලමූලසහජාතා ධම්මා අකුසලමූලෙන එකමූලමූලකා, න ච අඤ්ඤමඤ්ඤමූලමූලකා.

(ඛ) යෙ වා පන අකුසලමූලෙන අඤ්ඤමඤ්ඤමූලමූලකා, සබ්බෙ තෙ ධම්මා අකුසලාති? ආමන්තා.

3. අබ්‍යාකතා ධම්මා (1) මූලනයො

74. (ක) යෙ [Pg.11] කෙචි අබ්‍යාකතා ධම්මා, සබ්බෙ තෙ අබ්‍යාකතමූලාති?

තීණෙව අබ්‍යාකතමූලානි. අවසෙසා අබ්‍යාකතා ධම්මා න අබ්‍යාකතමූලා.

(ඛ) යෙ වා පන අබ්‍යාකතමූලා, සබ්බෙ තෙ ධම්මා අබ්‍යාකතාති? ආමන්තා.

75. (ක) යෙ කෙචි අබ්‍යාකතා ධම්මා, සබ්බෙ තෙ අබ්‍යාකතමූලෙන එකමූලාති?

අහෙතුකං අබ්‍යාකතං අබ්‍යාකතමූලෙන න එකමූලං. සහෙතුකං අබ්‍යාකතං අබ්‍යාකතමූලෙන එකමූලං.

(ඛ) යෙ වා පන අබ්‍යාකතමූලෙන එකමූලා, සබ්බෙ තෙ ධම්මා අබ්‍යාකතාති? ආමන්තා.

76. (ක) යෙ කෙචි අබ්‍යාකතමූලෙන එකමූලා ධම්මා, සබ්බෙ තෙ අබ්‍යාකතමූලෙන අඤ්ඤමඤ්ඤමූලාති?

මූලානි යානි එකතො උප්පජ්ජන්ති අබ්‍යාකතමූලානි එකමූලානි චෙව අඤ්ඤමඤ්ඤමූලානි ච. අවසෙසා අබ්‍යාකතමූලසහජාතා ධම්මා අබ්‍යාකතමූලෙන එකමූලා, න ච අඤ්ඤමඤ්ඤමූලා.

(ඛ) යෙ වා පන අබ්‍යාකතමූලෙන අඤ්ඤමඤ්ඤමූලා, සබ්බෙ තෙ ධම්මා අබ්‍යාකතාති? ආමන්තා.

(2) මූලමූලනයො

77. (ක) යෙ කෙචි අබ්‍යාකතා ධම්මා, සබ්බෙ තෙ අබ්‍යාකතමූලමූලාති?

තීණෙව අබ්‍යාකතමූලමූලානි. අවසෙසා අබ්‍යාකතා ධම්මා න අබ්‍යාකතමූලමූලා.

(ඛ) යෙ වා පන අබ්‍යාකතමූලමූලා, සබ්බෙ තෙ ධම්මා අබ්‍යාකතාති? ආමන්තා.

78. (ක) යෙ කෙචි අබ්‍යාකතා ධම්මා, සබ්බෙ තෙ අබ්‍යාකතමූලෙන එකමූලමූලාති?

අහෙතුකං අබ්‍යාකතං අබ්‍යාකතමූලෙන න එකමූලමූලං. සහෙතුකං අබ්‍යාකතං අබ්‍යාකතමූලෙන එකමූලමූලං.

(ඛ) යෙ වා පන අබ්‍යාකතමූලෙන එකමූලමූලා, සබ්බෙ තෙ ධම්මා අබ්‍යාකතාති? ආමන්තා.

79. (ක) යෙ කෙචි අබ්‍යාකතමූලෙන එකමූලමූලා ධම්මා, සබ්බෙ තෙ අබ්‍යාකතමූලෙන අඤ්ඤමඤ්ඤමූලමූලාති?

මූලානි යානි එකතො උප්පජ්ජන්ති අබ්‍යාකතමූලානි එකමූලමූලානි චෙව අඤ්ඤමඤ්ඤමූලමූලානි ච. අවසෙසා අබ්‍යාකතමූලසහජාතා ධම්මා අබ්‍යාකතමූලෙන එකමූලමූලා, න ච අඤ්ඤමඤ්ඤමූලමූලා[Pg.12].

(ඛ) යෙ වා පන අබ්‍යාකතමූලෙන අඤ්ඤමඤ්ඤමූලමූලා, සබ්බෙ තෙ ධම්මා අබ්‍යාකතාති? ආමන්තා.

(3) මූලකනයො

80. (ක) යෙ කෙචි අබ්‍යාකතා ධම්මා, සබ්බෙ තෙ අබ්‍යාකතමූලකාති?

අහෙතුකං අබ්‍යාකතං න අබ්‍යාකතමූලකං. සහෙතුකං අබ්‍යාකතං අබ්‍යාකතමූලකං.

(ඛ) යෙ වා පන අබ්‍යාකතමූලකා, සබ්බෙ තෙ ධම්මා අබ්‍යාකතාති? ආමන්තා.

81. (ක) යෙ කෙචි අබ්‍යාකතා ධම්මා, සබ්බෙ තෙ අබ්‍යාකතමූලෙන එකමූලකාති?

අහෙතුකං අබ්‍යාකතං අබ්‍යාකතමූලෙන න එකමූලකං. සහෙතුකං අබ්‍යාකතං අබ්‍යාකතමූලෙන එකමූලකං.

(ඛ) යෙ වා පන අබ්‍යාකතමූලෙන එකමූලකා, සබ්බෙ තෙ ධම්මා අබ්‍යාකතාති? ආමන්තා.

82. (ක) යෙ කෙචි අබ්‍යාකතමූලෙන එකමූලකා ධම්මා, සබ්බෙ තෙ අබ්‍යාකතමූලෙන අඤ්ඤමඤ්ඤමූලකාති?

මූලානි යානි එකතො උප්පජ්ජන්ති අබ්‍යාකතමූලානි එකමූලකානි චෙව අඤ්ඤමඤ්ඤමූලකානි ච. අවසෙසා අබ්‍යාකතමූලසහජාතා ධම්මා අබ්‍යාකතමූලෙන එකමූලකා, න ච අඤ්ඤමඤ්ඤමූලකා.

(ඛ) යෙ වා පන අබ්‍යාකතමූලෙන අඤ්ඤමඤ්ඤමූලකා, සබ්බෙ තෙ ධම්මා අබ්‍යාකතාති? ආමන්තා.

(4) මූලමූලකනයො

83. (ක) යෙ කෙචි අබ්‍යාකතා ධම්මා, සබ්බෙ තෙ අබ්‍යාකතමූලමූලකාති?

අහෙතුකං අබ්‍යාකතං න අබ්‍යාකතමූලමූලකං. සහෙතුකං අබ්‍යාකතං අබ්‍යාකතමූලමූලකං.

(ඛ) යෙ වා පන අබ්‍යාකතමූලමූලකා, සබ්බෙ තෙ ධම්මා අබ්‍යාකතාති? ආමන්තා.

84. (ක) යෙ කෙචි අබ්‍යාකතා ධම්මා, සබ්බෙ තෙ අබ්‍යාකතමූලෙන එකමූලමූලකාති?

අහෙතුකං අබ්‍යාකතං අබ්‍යාකතමූලෙන න එකමූලමූලකං. සහෙතුකං අබ්‍යාකතං අබ්‍යාකතමූලෙන එකමූලමූලකං.

(ඛ) යෙ වා පන අබ්‍යාකතමූලෙන එකමූලමූලකා, සබ්බෙ තෙ ධම්මා අබ්‍යාකතාති? ආමන්තා.

85. (ක) යෙ කෙචි අබ්‍යාකතමූලෙන එකමූලමූලකා ධම්මා, සබ්බෙ තෙ අබ්‍යාකතමූලෙන අඤ්ඤමඤ්ඤමූලමූලකාති?

මූලානි යානි එකතො උප්පජ්ජන්ති අබ්‍යාකතමූලානි එකමූලමූලකානි චෙව අඤ්ඤමඤ්ඤමූලමූලකානි ච. අවසෙසා [Pg.13] අබ්‍යාකතමූලසහජාතා ධම්මා අබ්‍යාකතමූලෙන එකමූලමූලකා, න ච අඤ්ඤමඤ්ඤමූලමූලකා.

(ඛ) යෙ වා පන අබ්‍යාකතමූලෙන අඤ්ඤමඤ්ඤමූලමූලකා, සබ්බෙ තෙ ධම්මා අබ්‍යාකතාති? ආමන්තා.

4. නාමා ධම්මා (1) මූලනයො

86. (ක) යෙ කෙචි නාමා ධම්මා, සබ්බෙ තෙ නාමමූලාති?

නවෙව නාමමූලානි. අවසෙසා නාමා ධම්මා න නාමමූලා.

(ඛ) යෙ වා පන නාමමූලා, සබ්බෙ තෙ ධම්මා නාමාති? ආමන්තා.

87. (ක) යෙ කෙචි නාමා ධම්මා, සබ්බෙ තෙ නාමමූලෙන එකමූලාති?

අහෙතුකං නාමං නාමමූලෙන න එකමූලං. සහෙතුකං නාමං නාමමූලෙන එකමූලං.

(ඛ) යෙ වා පන නාමමූලෙන එකමූලා, සබ්බෙ තෙ ධම්මා නාමාති?

නාමසමුට්ඨානං රූපං නාමමූලෙන එකමූලං, න නාමං. නාමං නාමමූලෙන එකමූලඤ්චෙව නාමඤ්ච.

88. (ක) යෙ කෙචි නාමමූලෙන එකමූලා ධම්මා, සබ්බෙ තෙ නාමමූලෙන අඤ්ඤමඤ්ඤමූලාති?

මූලානි යානි එකතො උප්පජ්ජන්ති නාමමූලානි එකමූලානි චෙව අඤ්ඤමඤ්ඤමූලානි ච. අවසෙසා නාමමූලසහජාතා ධම්මා නාමමූලෙන එකමූලා, න ච අඤ්ඤමඤ්ඤමූලා.

(ඛ) යෙ වා පන නාමමූලෙන අඤ්ඤමඤ්ඤමූලා, සබ්බෙ තෙ ධම්මා නාමාති? ආමන්තා.

(2) මූලමූලනයො

89. (ක) යෙ කෙචි නාමා ධම්මා, සබ්බෙ තෙ නාමමූලමූලාති?

නවෙව නාමමූලමූලානි. අවසෙසා නාමා ධම්මා න නාමමූලමූලා.

(ඛ) යෙ වා පන නාමමූලමූලා, සබ්බෙ තෙ ධම්මා නාමාති? ආමන්තා.

90. (ක) යෙ කෙචි නාමා ධම්මා, සබ්බෙ තෙ නාමමූලෙන එකමූලමූලාති?

අහෙතුකං නාමං නාමමූලෙන න එකමූලමූලං. සහෙතුකං නාමං නාමමූලෙන එකමූලමූලං.

(ඛ) යෙ වා පන නාමමූලෙන එකමූලමූලා, සබ්බෙ තෙ ධම්මා නාමාති?

නාමසමුට්ඨානං රූපං නාමමූලෙන එකමූලමූලං, න නාමං. නාමං නාමමූලෙන එකමූලමූලඤ්චෙව නාමඤ්ච.

91. (ක) යෙ කෙචි නාමමූලෙන එකමූලමූලා ධම්මා, සබ්බෙ තෙ නාමමූලෙන අඤ්ඤමඤ්ඤමූලමූලාති?

මූලානි යානි එකතො උප්පජ්ජන්ති නාමමූලානි එකමූලමූලානි [Pg.14] චෙව අඤ්ඤමඤ්ඤමූලමූලානි ච. අවසෙසා නාමමූලසහජාතා ධම්මා නාමමූලෙන එකමූලමූලා, න ච අඤ්ඤමඤ්ඤමූලමූලා.

(ඛ) යෙ වා පන නාමමූලෙන අඤ්ඤමඤ්ඤමූලමූලා, සබ්බෙ තෙ ධම්මා නාමාති? ආමන්තා.

(3) මූලකනයො

92. (ක) යෙ කෙචි නාමා ධම්මා, සබ්බෙ තෙ නාමමූලකාති?

අහෙතුකං නාමං න නාමමූලකං. සහෙතුකං නාමං නාමමූලකං.

(ඛ) යෙ වා පන නාමමූලකා, සබ්බෙ තෙ ධම්මා නාමාති?

නාමසමුට්ඨානං රූපං නාමමූලකං, න නාමං. නාමං නාමමූලකඤ්චෙව නාමඤ්ච.

93. (ක) යෙ කෙචි නාමා ධම්මා, සබ්බෙ තෙ නාමමූලෙන එකමූලකාති?

අහෙතුකං නාමං නාමමූලෙන න එකමූලකං. සහෙතුකං නාමං නාමමූලෙන එකමූලකං.

(ඛ) යෙ වා පන නාමමූලෙන එකමූලකා, සබ්බෙ තෙ ධම්මා නාමාති?

නාමසමුට්ඨානං රූපං නාමමූලෙන එකමූලකං, න නාමං. නාමං නාමමූලෙන එකමූලකඤ්චෙව නාමඤ්ච.

94. (ක) යෙ කෙචි නාමමූලෙන එකමූලකා ධම්මා, සබ්බෙ තෙ නාමමූලෙන අඤ්ඤමඤ්ඤමූලකාති?

මූලානි යානි එකතො උප්පජ්ජන්ති නාමමූලානි එකමූලකානි චෙව අඤ්ඤමඤ්ඤමූලකානි ච. අවසෙසා නාමමූලසහජාතා ධම්මා නාමමූලෙන එකමූලකා, න ච අඤ්ඤමඤ්ඤමූලකා.

(ඛ) යෙ වා පන නාමමූලෙන අඤ්ඤමඤ්ඤමූලකා, සබ්බෙ තෙ ධම්මා නාමාති? ආමන්තා.

(4) මූලමූලකනයො

95. (ක) යෙ කෙචි නාමා ධම්මා, සබ්බෙ තෙ නාමමූලමූලකාති?

අහෙතුකං නාමං න නාමමූලමූලකං. සහෙතුකං නාමං නාමමූලමූලකං.

(ඛ) යෙ වා පන නාමමූලමූලකා, සබ්බෙ තෙ ධම්මා නාමාති?

නාමසමුට්ඨානං රූපං නාමමූලමූලකං, න නාමං. නාමං නාමමූලමූලකඤ්චෙව නාමඤ්ච.

96. (ක) යෙ කෙචි නාමා ධම්මා, සබ්බෙ තෙ නාමමූලෙන එකමූලමූලකාති?

අහෙතුකං නාමං නාමමූලෙන න එකමූලමූලකං. සහෙතුකං නාමං නාමමූලෙන එකමූලමූලකං.

(ඛ) යෙ වා පන නාමමූලෙන එකමූලමූලකා, සබ්බෙ තෙ ධම්මා නාමාති?

නාමසමුට්ඨානං රූපං නාමමූලෙන එකමූලමූලකං, න නාමං. නාමං නාමමූලෙන එකමූලමූලකඤ්චෙව නාමඤ්ච.

97. (ක) යෙ කෙචි නාමමූලෙන එකමූලමූලකා ධම්මා, සබ්බෙ තෙ නාමමූලෙන අඤ්ඤමඤ්ඤමූලමූලකාති?

මූලානි යානි එකතො උප්පජ්ජන්ති නාමමූලානි [Pg.15] එකමූලමූලකානි චෙව අඤ්ඤමඤ්ඤමූලමූලකානි ච. අවසෙසා නාමමූලසහජාතා ධම්මා නාමමූලෙන එකමූලමූලකා, න ච අඤ්ඤමඤ්ඤමූලමූලකා.

(ඛ) යෙ වා පන නාමමූලෙන අඤ්ඤමඤ්ඤමූලමූලකා, සබ්බෙ තෙ ධම්මා නාමාති?

ආමන්තා.

මූලවාරනිද්දෙසො.

2-10. හෙතුවාරාදි

98. යෙ කෙචි කුසලා ධම්මා, සබ්බෙ තෙ කුසලහෙතූති…?

තයො එව කුසලහෙතූ, අවසෙසා කුසලා ධම්මා න කුසලහෙතූ…පෙ… කුසලනිදානා… කුසලසම්භවා… කුසලප්පභවා… කුසලසමුට්ඨානා… කුසලාහාරා… කුසලාරම්මණා… කුසලපච්චයා… කුසලසමුදයා….

99. යෙ කෙචි අකුසලා ධම්මා… යෙ කෙචි අබ්‍යාකතා ධම්මා… යෙ කෙචි නාමා ධම්මා, සබ්බෙ තෙ නාමහෙතූ ති… නාමනිදානා… නාමසම්භවා… නාමප්පභවා… නාමසමුට්ඨානා… නාමාහාරා… නාමාරම්මණා… නාමපච්චයා… නාමසමුදයා….

මූලං හෙතු නිදානඤ්ච, සම්භවො පභවෙන ච;

සමුට්ඨානාහාරාරම්මණා, පච්චයො සමුදයෙන චාති.

නිද්දෙසවාරො නිට්ඨිතො.

මූලයමකපාළි නිට්ඨිතා.

නමො තස්ස භගවතො අරහතො සම්මාසම්බුද්ධස්ස

2. ඛන්ධයමකං

1. පණ්ණත්තිවාරො

(ක) උද්දෙසො

1. පඤ්චක්ඛන්ධා [Pg.17] – රූපක්ඛන්ධො, වෙදනාක්ඛන්ධො, සඤ්ඤාක්ඛන්ධො, සඞ්ඛාරක්ඛන්ධො, විඤ්ඤාණක්ඛන්ධො.

1. පදසොධනවාරො

(ක) අනුලොමං

2. (ක) රූපං රූපක්ඛන්ධො?

(ඛ) රූපක්ඛන්ධො රූපං?

(ක) වෙදනා වෙදනාක්ඛන්ධො?

(ඛ) වෙදනාක්ඛන්ධො වෙදනා?

(ක) සඤ්ඤා සඤ්ඤාක්ඛන්ධො?

(ඛ) සඤ්ඤාක්ඛන්ධො සඤ්ඤා?

(ක) සඞ්ඛාරා සඞ්ඛාරක්ඛන්ධො?

(ඛ) සඞ්ඛාරක්ඛන්ධො සඞ්ඛාරා?

(ක) විඤ්ඤාණං විඤ්ඤාණක්ඛන්ධො?

(ඛ) විඤ්ඤාණක්ඛන්ධො විඤ්ඤාණං?

(ඛ) පච්චනීකං

3. (ක) න රූපං න රූපක්ඛන්ධො?

(ඛ) න රූපක්ඛන්ධො න රූපං?

(ක) න වෙදනා න වෙදනාක්ඛන්ධො?

(ඛ) න වෙදනාක්ඛන්ධො න වෙදනා?

(ක) න සඤ්ඤා න සඤ්ඤාක්ඛන්ධො?

(ඛ) න සඤ්ඤාක්ඛන්ධො න සඤ්ඤා?

(ක) න සඞ්ඛාරා න සඞ්ඛාරක්ඛන්ධො?

(ඛ) න සඞ්ඛාරක්ඛන්ධො න සඞ්ඛාරා?

(ක) න විඤ්ඤාණං න විඤ්ඤාණක්ඛන්ධො?

(ඛ) න විඤ්ඤාණක්ඛන්ධො න විඤ්ඤාණං?

2. පදසොධනමූලචක්කවාරො

(ක) අනුලොමං

4. (ක) රූපං [Pg.18] රූපක්ඛන්ධො?

(ඛ) ඛන්ධා වෙදනාක්ඛන්ධො?

(ක) රූපං රූපක්ඛන්ධො?

(ඛ) ඛන්ධා සඤ්ඤාක්ඛන්ධො?

(ක) රූපං රූපක්ඛන්ධො?

(ඛ) ඛන්ධා සඞ්ඛාරක්ඛන්ධො?

(ක) රූපං රූපක්ඛන්ධො?

(ඛ) ඛන්ධා විඤ්ඤාණක්ඛන්ධො?

5. (ක) වෙදනා වෙදනාක්ඛන්ධො?

(ඛ) ඛන්ධා රූපක්ඛන්ධො?

(ක) වෙදනා වෙදනාක්ඛන්ධො?

(ඛ) ඛන්ධා සඤ්ඤාක්ඛන්ධො?

(ක) වෙදනා වෙදනාක්ඛන්ධො?

(ඛ) ඛන්ධා සඞ්ඛාරක්ඛන්ධො?

(ක) වෙදනා වෙදනාක්ඛන්ධො?

(ඛ) ඛන්ධා විඤ්ඤාණක්ඛන්ධො?

6. (ක) සඤ්ඤා සඤ්ඤාක්ඛන්ධො?

(ඛ) ඛන්ධා රූපක්ඛන්ධො?

(ක) සඤ්ඤා සඤ්ඤාක්ඛන්ධො?

(ඛ) ඛන්ධා වෙදනාක්ඛන්ධො?

(ක) සඤ්ඤා සඤ්ඤාක්ඛන්ධො?

(ඛ) ඛන්ධා සඞ්ඛාරක්ඛන්ධො?

(ක) සඤ්ඤා සඤ්ඤාක්ඛන්ධො?

(ඛ) ඛන්ධා විඤ්ඤාණක්ඛන්ධො?

7. (ක) සඞ්ඛාරා සඞ්ඛාරක්ඛන්ධො?

(ඛ) ඛන්ධා රූපක්ඛන්ධො?

(ක) සඞ්ඛාරා සඞ්ඛාරක්ඛන්ධො?

(ඛ) ඛන්ධා වෙදනාක්ඛන්ධො?

(ක) සඞ්ඛාරා සඞ්ඛාරක්ඛන්ධො?

(ඛ) ඛන්ධා සඤ්ඤාක්ඛන්ධො?

(ක) සඞ්ඛාරා සඞ්ඛාරක්ඛන්ධො?

(ඛ) ඛන්ධා විඤ්ඤාණක්ඛන්ධො?

8. (ක) විඤ්ඤාණං විඤ්ඤාණක්ඛන්ධො?

(ඛ) ඛන්ධා රූපක්ඛන්ධො?

(ක) විඤ්ඤාණං විඤ්ඤාණක්ඛන්ධො?

(ඛ) ඛන්ධා වෙදනාක්ඛන්ධො?

(ක) විඤ්ඤාණං විඤ්ඤාණක්ඛන්ධො?

(ඛ) ඛන්ධා සඤ්ඤාක්ඛන්ධො?

(ක) විඤ්ඤාණං විඤ්ඤාණක්ඛන්ධො?

(ඛ) ඛන්ධා සඞ්ඛාරක්ඛන්ධො?

(ඛ) පච්චනීකං

9. (ක) න රූපං න රූපක්ඛන්ධො?

(ඛ) න ඛන්ධා න වෙදනාක්ඛන්ධො?

(ක) න රූපං න රූපක්ඛන්ධො?

(ඛ) න ඛන්ධා න සඤ්ඤාක්ඛන්ධො?

(ක) න රූපං න රූපක්ඛන්ධො?

(ඛ) න ඛන්ධා න සඞ්ඛාරක්ඛන්ධො?

(ක) න රූපං න රූපක්ඛන්ධො?

(ඛ) න ඛන්ධා න විඤ්ඤාණක්ඛන්ධො?

10. (ක) න [Pg.19] වෙදනා න වෙදනාක්ඛන්ධො?

(ඛ) න ඛන්ධා න රූපක්ඛන්ධො?

(ක) න වෙදනා න වෙදනාක්ඛන්ධො?

(ඛ) න ඛන්ධා න සඤ්ඤාක්ඛන්ධො?

(ක) න වෙදනා න වෙදනාක්ඛන්ධො?

(ඛ) න ඛන්ධා න සඞ්ඛාරක්ඛන්ධො?

(ක) න වෙදනා න වෙදනාක්ඛන්ධො?

(ඛ) න ඛන්ධා න විඤ්ඤාණක්ඛන්ධො?

11. (ක) න සඤ්ඤා න සඤ්ඤාක්ඛන්ධො?

(ඛ) න ඛන්ධා න රූපක්ඛන්ධො?

(ක) න සඤ්ඤා න සඤ්ඤාක්ඛන්ධො?

(ඛ) න ඛන්ධා න වෙදනාක්ඛන්ධො?

(ක) න සඤ්ඤා න සඤ්ඤාක්ඛන්ධො?

(ඛ) න ඛන්ධා න සඞ්ඛාරක්ඛන්ධො?

(ක) න සඤ්ඤා න සඤ්ඤාක්ඛන්ධො?

(ඛ) න ඛන්ධා න විඤ්ඤාණක්ඛන්ධො?

12. (ක) න සඞ්ඛාරා න සඞ්ඛාරක්ඛන්ධො?

(ඛ) න ඛන්ධා න රූපක්ඛන්ධො?

(ක) න සඞ්ඛාරා න සඞ්ඛාරක්ඛන්ධො?

(ඛ) න ඛන්ධා න වෙදනාක්ඛන්ධො?

(ක) න සඞ්ඛාරා න සඞ්ඛාරක්ඛන්ධො?

(ඛ) න ඛන්ධා න සඤ්ඤාක්ඛන්ධො?

(ක) න සඞ්ඛාරා න සඞ්ඛාරක්ඛන්ධො?

(ඛ) න ඛන්ධා න විඤ්ඤාණක්ඛන්ධො?

13. (ක) න විඤ්ඤාණං න විඤ්ඤාණක්ඛන්ධො?

(ඛ) න ඛන්ධා න රූපක්ඛන්ධො?

(ක) න විඤ්ඤාණං න විඤ්ඤාණක්ඛන්ධො?

(ඛ) න ඛන්ධා න වෙදනාක්ඛන්ධො?

(ක) න විඤ්ඤාණං න විඤ්ඤාණක්ඛන්ධො?

(ඛ) න ඛන්ධා න සඤ්ඤාක්ඛන්ධො?

(ක) න විඤ්ඤාණං න විඤ්ඤාණක්ඛන්ධො?

(ඛ) න ඛන්ධා න සඞ්ඛාරක්ඛන්ධො?

3. සුද්ධඛන්ධවාරො

(ක) අනුලොමං

14. (ක) රූපං ඛන්ධො?

(ඛ) ඛන්ධා රූපං?

(ක) වෙදනා ඛන්ධො?

(ඛ) ඛන්ධා වෙදනා?

(ක) සඤ්ඤා ඛන්ධො?

(ඛ) ඛන්ධා සඤ්ඤා?

(ක) සඞ්ඛාරා ඛන්ධො?

(ඛ) ඛන්ධා සඞ්ඛාරා?

(ක) විඤ්ඤාණං ඛන්ධො?

(ඛ) ඛන්ධා විඤ්ඤාණං?

(ඛ) පච්චනීකං

15. (ක) න රූපං න ඛන්ධො?

(ඛ) න ඛන්ධා න රූපං?

(ක) න වෙදනා න ඛන්ධො?

(ඛ) න ඛන්ධා න වෙදනා?

(ක) න සඤ්ඤා න ඛන්ධො?

(ඛ) න ඛන්ධා න සඤ්ඤා?

(ක) න සඞ්ඛාරා න ඛන්ධො?

(ඛ) න ඛන්ධා න සඞ්ඛාරා?

(ක) න විඤ්ඤාණං න ඛන්ධො?

(ඛ) න ඛන්ධා න විඤ්ඤාණං?

4. සුද්ධඛන්ධමූලචක්කවාරො

(ක) අනුලොමං

16. (ක) රූපං [Pg.20] ඛන්ධො?

(ඛ) ඛන්ධා වෙදනා?

(ක) රූපං ඛන්ධො?

(ඛ) ඛන්ධා සඤ්ඤා?

(ක) රූපං ඛන්ධො?

(ඛ) ඛන්ධා සඞ්ඛාරා?

(ක) රූපං ඛන්ධො?

(ඛ) ඛන්ධා විඤ්ඤාණං?

17. (ක) වෙදනා ඛන්ධො?

(ඛ) ඛන්ධා රූපං?

(ක) වෙදනා ඛන්ධො?

(ඛ) ඛන්ධා සඤ්ඤා?

(ක) වෙදනා ඛන්ධො?

(ඛ) ඛන්ධා සඞ්ඛාරා?

(ක) වෙදනා ඛන්ධො?

(ඛ) ඛන්ධා විඤ්ඤාණං?

18. (ක) සඤ්ඤා ඛන්ධො?

(ඛ) ඛන්ධා රූපං?

(ක) සඤ්ඤා ඛන්ධො?

(ඛ) ඛන්ධා වෙදනා?

(ක) සඤ්ඤා ඛන්ධො?

(ඛ) ඛන්ධා සඞ්ඛාරා?

(ක) සඤ්ඤා ඛන්ධො?

(ඛ) ඛන්ධා විඤ්ඤාණං?

19. (ක) සඞ්ඛාරා ඛන්ධො?

(ඛ) ඛන්ධා රූපං?

(ක) සඞ්ඛාරා ඛන්ධො?

(ඛ) ඛන්ධා වෙදනා?

(ක) සඞ්ඛාරා ඛන්ධො?

(ඛ) ඛන්ධා සඤ්ඤා?

(ක) සඞ්ඛාරා ඛන්ධො?

(ඛ) ඛන්ධා විඤ්ඤාණං?

20. (ක) විඤ්ඤාණං ඛන්ධො?

(ඛ) ඛන්ධා රූපං?

(ක) විඤ්ඤාණං ඛන්ධො?

(ඛ) ඛන්ධා වෙදනා?

(ක) විඤ්ඤාණං ඛන්ධො?

(ඛ) ඛන්ධා සඤ්ඤා?

(ක) විඤ්ඤාණං ඛන්ධො?

(ඛ) ඛන්ධා සඞ්ඛාරා?

(ඛ) පච්චනීකං

21. (ක) න රූපං න ඛන්ධො?

(ඛ) න ඛන්ධා න වෙදනා?

(ක) න රූපං න ඛන්ධො?

(ඛ) න ඛන්ධා න සඤ්ඤා?

(ක) න රූපං න ඛන්ධො?

(ඛ) න ඛන්ධා න සඞ්ඛාරා?

(ක) න රූපං න ඛන්ධො?

(ඛ) න ඛන්ධා න විඤ්ඤාණං?

22. (ක) න [Pg.21] වෙදනා න ඛන්ධො?

(ඛ) න ඛන්ධා න රූපං?

(ක) න වෙදනා න ඛන්ධො?

(ඛ) න ඛන්ධා න සඤ්ඤා?

(ක) න වෙදනා න ඛන්ධො?

(ඛ) න ඛන්ධා න සඞ්ඛාරා?

(ක) න වෙදනා න ඛන්ධො?

(ඛ) න ඛන්ධා න විඤ්ඤාණං?

23. (ක) න සඤ්ඤා න ඛන්ධො?

(ඛ) න ඛන්ධා න රූපං?

(ක) න සඤ්ඤා න ඛන්ධො?

(ඛ) න ඛන්ධා න වෙදනා?

(ක) න සඤ්ඤා න ඛන්ධො?

(ඛ) න ඛන්ධා න සඞ්ඛාරා?

(ක) න සඤ්ඤා න ඛන්ධො?

(ඛ) න ඛන්ධා න විඤ්ඤාණං?

24. (ක) න සඞ්ඛාරා න ඛන්ධො?

(ඛ) න ඛන්ධා න රූපං?

(ක) න සඞ්ඛාරා න ඛන්ධො?

(ඛ) න ඛන්ධා න වෙදනා?

(ක) න සඞ්ඛාරා න ඛන්ධො?

(ඛ) න ඛන්ධා න සඤ්ඤා?

(ක) න සඞ්ඛාරා න ඛන්ධො?

(ඛ) න ඛන්ධා න විඤ්ඤාණං?

25. (ක) න විඤ්ඤාණං න ඛන්ධො?

(ඛ) න ඛන්ධා න රූපං?

(ක) න විඤ්ඤාණං න ඛන්ධො?

(ඛ) න ඛන්ධා න වෙදනා?

(ක) න විඤ්ඤාණං න ඛන්ධො?

(ඛ) න ඛන්ධා න සඤ්ඤා?

(ක) න විඤ්ඤාණං න ඛන්ධො?

(ඛ) න ඛන්ධා න සඞ්ඛාරා?

පණ්ණත්තිඋද්දෙසවාරො.

(ඛ) නිද්දෙසො

1. පණ්ණත්තිවාරනිද්දෙස

1. පදසොධනවාරො

(ක) අනුලොමං

26. (ක) රූපං රූපක්ඛන්ධොති?

පියරූපං සාතරූපං රූපං, න රූපක්ඛන්ධො. රූපක්ඛන්ධො රූපඤ්චෙව රූපක්ඛන්ධො ච.

(ඛ) රූපක්ඛන්ධො රූපන්ති? ආමන්තා.

(ක) වෙදනා වෙදනාක්ඛන්ධොති? ආමන්තා.

(ඛ) වෙදනාක්ඛන්ධො වෙදනාති? ආමන්තා.

(ක) සඤ්ඤා [Pg.22] සඤ්ඤාක්ඛන්ධොති?

දිට්ඨිසඤ්ඤා සඤ්ඤා, න සඤ්ඤාක්ඛන්ධො. සඤ්ඤාක්ඛන්ධො සඤ්ඤා චෙව සඤ්ඤාක්ඛන්ධො ච.

(ඛ) සඤ්ඤාක්ඛන්ධො සඤ්ඤාති? ආමන්තා.

(ක) සඞ්ඛාරා සඞ්ඛාරක්ඛන්ධොති?

සඞ්ඛාරක්ඛන්ධං ඨපෙත්වා අවසෙසා සඞ්ඛාරා, න සඞ්ඛාරක්ඛන්ධො. සඞ්ඛාරක්ඛන්ධො සඞ්ඛාරා චෙව සඞ්ඛාරක්ඛන්ධො ච.

(ඛ) සඞ්ඛාරක්ඛන්ධො සඞ්ඛාරාති? ආමන්තා.

(ක) විඤ්ඤාණං විඤ්ඤාණක්ඛන්ධොති? ආමන්තා.

(ඛ) විඤ්ඤාණක්ඛන්ධො විඤ්ඤාණන්ති? ආමන්තා.

(ඛ) පච්චනීකං

27. (ක) න රූපං න රූපක්ඛන්ධොති? ආමන්තා.

(ඛ) න රූපක්ඛන්ධො න රූපන්ති?

පියරූපං සාතරූපං න රූපක්ඛන්ධො, රූපං. රූපඤ්ච රූපක්ඛන්ධඤ්ච ඨපෙත්වා අවසෙසා න චෙව රූපං න ච රූපක්ඛන්ධො.

(ක) න වෙදනා න වෙදනාක්ඛන්ධොති? ආමන්තා.

(ඛ) න වෙදනාක්ඛන්ධො න වෙදනාති? ආමන්තා.

(ක) න සඤ්ඤා න සඤ්ඤාක්ඛන්ධොති? ආමන්තා.

(ඛ) න සඤ්ඤාක්ඛන්ධො න සඤ්ඤාති?

දිට්ඨිසඤ්ඤා න සඤ්ඤාක්ඛන්ධො, සඤ්ඤා. සඤ්ඤඤ්ච සඤ්ඤාක්ඛන්ධඤ්ච ඨපෙත්වා අවසෙසා න චෙව සඤ්ඤා න ච සඤ්ඤාක්ඛන්ධො.

(ක) න සඞ්ඛාරා න සඞ්ඛාරක්ඛන්ධොති? ආමන්තා.

(ඛ) න සඞ්ඛාරක්ඛන්ධො න සඞ්ඛාරාති?

සඞ්ඛාරක්ඛන්ධං ඨපෙත්වා අවසෙසා න සඞ්ඛාරක්ඛන්ධො, සඞ්ඛාරා. සඞ්ඛාරෙ ච සඞ්ඛාරක්ඛන්ධඤ්ච ඨපෙත්වා අවසෙසා න චෙව සඞ්ඛාරා න ච සඞ්ඛාරක්ඛන්ධො.

(ක) න විඤ්ඤාණං න විඤ්ඤාණක්ඛන්ධොති? ආමන්තා.

(ඛ) න විඤ්ඤාණක්ඛන්ධො න විඤ්ඤාණන්ති? ආමන්තා.

2. පදසොධනමූලචක්කවාරො

(ක) අනුලොමං

28. (ක) රූපං රූපක්ඛන්ධොති?

පියරූපං සාතරූපං රූපං, න රූපක්ඛන්ධො. රූපක්ඛන්ධො රූපඤ්චෙව රූපක්ඛන්ධො ච.

(ඛ) ඛන්ධා වෙදනාක්ඛන්ධොති?

වෙදනාක්ඛන්ධො ඛන්ධො චෙව වෙදනාක්ඛන්ධො ච.

අවසෙසා ඛන්ධා න වෙදනාක්ඛන්ධො.

(ක) රූපං [Pg.23] රූපක්ඛන්ධොති?

පියරූපං සාතරූපං රූපං, න රූපක්ඛන්ධො. රූපක්ඛන්ධො රූපඤ්චෙව රූපක්ඛන්ධො ච.

(ඛ) ඛන්ධා සඤ්ඤාක්ඛන්ධොති?

සඤ්ඤාක්ඛන්ධො ඛන්ධො චෙව සඤ්ඤාක්ඛන්ධො ච. අවසෙසා ඛන්ධා න සඤ්ඤාක්ඛන්ධො.

(ක) රූපං රූපක්ඛන්ධොති?

පියරූපං සාතරූපං රූපං, න රූපක්ඛන්ධො. රූපක්ඛන්ධො රූපඤ්චෙව රූපක්ඛන්ධො ච.

(ඛ) ඛන්ධා සඞ්ඛාරක්ඛන්ධොති?

සඞ්ඛාරක්ඛන්ධො ඛන්ධො චෙව සඞ්ඛාරක්ඛන්ධො ච. අවසෙසා ඛන්ධා න සඞ්ඛාරක්ඛන්ධො.

(ක) රූපං රූපක්ඛන්ධොති?

පියරූපං සාතරූපං රූපං, න රූපක්ඛන්ධො. රූපක්ඛන්ධො රූපඤ්චෙව රූපක්ඛන්ධො ච.

(ඛ) ඛන්ධා විඤ්ඤාණක්ඛන්ධොති?

විඤ්ඤාණක්ඛන්ධො ඛන්ධො චෙව විඤ්ඤාණක්ඛන්ධො ච. අවසෙසා ඛන්ධා න විඤ්ඤාණක්ඛන්ධො.

29. (ක) වෙදනා වෙදනාක්ඛන්ධොති? ආමන්තා.

(ඛ) ඛන්ධා රූපක්ඛන්ධොති?

රූපක්ඛන්ධො ඛන්ධො චෙව රූපක්ඛන්ධො ච. අවසෙසා ඛන්ධා න රූපක්ඛන්ධො.

(ක) වෙදනා වෙදනාක්ඛන්ධොති? ආමන්තා.

(ඛ) ඛන්ධා සඤ්ඤාක්ඛන්ධොති?

සඤ්ඤාක්ඛන්ධො ඛන්ධො චෙව සඤ්ඤාක්ඛන්ධො ච. අවසෙසා ඛන්ධා න සඤ්ඤාක්ඛන්ධො.

(ක) වෙදනා වෙදනාක්ඛන්ධොති? ආමන්තා.

(ඛ) ඛන්ධා සඞ්ඛාරක්ඛන්ධොති?

සඞ්ඛාරක්ඛන්ධො ඛන්ධො චෙව සඞ්ඛාරක්ඛන්ධො ච. අවසෙසා ඛන්ධා න සඞ්ඛාරක්ඛන්ධො.

(ක) වෙදනා වෙදනාක්ඛන්ධොති? ආමන්තා.

(ඛ) ඛන්ධා විඤ්ඤාණක්ඛන්ධොති?

විඤ්ඤාණක්ඛන්ධො ඛන්ධො චෙව විඤ්ඤාණක්ඛන්ධො ච. අවසෙසා ඛන්ධා න විඤ්ඤාණක්ඛන්ධො.

30. (ක) සඤ්ඤා සඤ්ඤාක්ඛන්ධොති?

දිට්ඨිසඤ්ඤා සඤ්ඤා, න සඤ්ඤාක්ඛන්ධො. සඤ්ඤාක්ඛන්ධො සඤ්ඤා චෙව සඤ්ඤාක්ඛන්ධො ච.

(ඛ) ඛන්ධා රූපක්ඛන්ධොති?

රූපක්ඛන්ධො ඛන්ධො චෙව රූපක්ඛන්ධො ච. අවසෙසා ඛන්ධා න රූපක්ඛන්ධො.

(ක) සඤ්ඤා සඤ්ඤාක්ඛන්ධොති?

දිට්ඨිසඤ්ඤා සඤ්ඤා, න සඤ්ඤාක්ඛන්ධො. සඤ්ඤාක්ඛන්ධො සඤ්ඤා චෙව සඤ්ඤාක්ඛන්ධො ච.

(ඛ) ඛන්ධා වෙදනාක්ඛන්ධොති?

වෙදනාක්ඛන්ධො ඛන්ධො චෙව වෙදනාක්ඛන්ධො ච. අවසෙසා ඛන්ධා න වෙදනාක්ඛන්ධො.

(ක) සඤ්ඤා සඤ්ඤාක්ඛන්ධොති?

දිට්ඨිසඤ්ඤා සඤ්ඤා, න සඤ්ඤාක්ඛන්ධො. සඤ්ඤාක්ඛන්ධො සඤ්ඤා චෙව සඤ්ඤාක්ඛන්ධො ච.

(ඛ) ඛන්ධා සඞ්ඛාරක්ඛන්ධොති?

සඞ්ඛාරක්ඛන්ධො [Pg.24] ඛන්ධො චෙව සඞ්ඛාරක්ඛන්ධො ච. අවසෙසා ඛන්ධා න සඞ්ඛාරක්ඛන්ධො.

(ක) සඤ්ඤා සඤ්ඤාක්ඛන්ධොති?

දිට්ඨිසඤ්ඤා සඤ්ඤා, න සඤ්ඤාක්ඛන්ධො. සඤ්ඤාක්ඛන්ධො සඤ්ඤා චෙව සඤ්ඤාක්ඛන්ධො ච.

(ඛ) ඛන්ධා විඤ්ඤාණක්ඛන්ධොති?

විඤ්ඤාණක්ඛන්ධො ඛන්ධො චෙව විඤ්ඤාණක්ඛන්ධො ච. අවසෙසා ඛන්ධා න විඤ්ඤාණක්ඛන්ධො.

31. (ක) සඞ්ඛාරා සඞ්ඛාරක්ඛන්ධොති?

සඞ්ඛාරක්ඛන්ධං ඨපෙත්වා අවසෙසා සඞ්ඛාරා, න සඞ්ඛාරක්ඛන්ධො. සඞ්ඛාරක්ඛන්ධො සඞ්ඛාරා චෙව සඞ්ඛාරක්ඛන්ධො ච.

(ඛ) ඛන්ධා රූපක්ඛන්ධොති?

රූපක්ඛන්ධො ඛන්ධො චෙව රූපක්ඛන්ධො ච. අවසෙසා ඛන්ධා න රූපක්ඛන්ධො.

(ක) සඞ්ඛාරා සඞ්ඛාරක්ඛන්ධොති?

සඞ්ඛාරක්ඛන්ධං ඨපෙත්වා අවසෙසා සඞ්ඛාරා, න සඞ්ඛාරක්ඛන්ධො. සඞ්ඛාරක්ඛන්ධො සඞ්ඛාරා චෙව සඞ්ඛාරක්ඛන්ධො ච.

(ඛ) ඛන්ධා වෙදනාක්ඛන්ධොති?

වෙදනාක්ඛන්ධො ඛන්ධො චෙව වෙදනාක්ඛන්ධො ච. අවසෙසා ඛන්ධා න වෙදනාක්ඛන්ධො.

(ක) සඞ්ඛාරා සඞ්ඛාරක්ඛන්ධොති?

සඞ්ඛාරක්ඛන්ධං ඨපෙත්වා අවසෙසා සඞ්ඛාරා, න සඞ්ඛාරක්ඛන්ධො. සඞ්ඛාරක්ඛන්ධො සඞ්ඛාරා චෙව සඞ්ඛාරක්ඛන්ධො ච.

(ඛ) ඛන්ධා සඤ්ඤාක්ඛන්ධොති?

සඤ්ඤාක්ඛන්ධො ඛන්ධො චෙව සඤ්ඤාක්ඛන්ධො ච. අවසෙසා ඛන්ධා න සඤ්ඤාක්ඛන්ධො.

(ක) සඞ්ඛාරා සඞ්ඛාරක්ඛන්ධොති?

සඞ්ඛාරක්ඛන්ධං ඨපෙත්වා අවසෙසා සඞ්ඛාරා, න සඞ්ඛාරක්ඛන්ධො. සඞ්ඛාරක්ඛන්ධො සඞ්ඛාරා චෙව සඞ්ඛාරක්ඛන්ධො ච.

(ඛ) ඛන්ධා විඤ්ඤාණක්ඛන්ධොති?

විඤ්ඤාණක්ඛන්ධො ඛන්ධො චෙව විඤ්ඤාණක්ඛන්ධො ච. අවසෙසා ඛන්ධා න විඤ්ඤාණක්ඛන්ධො.

32. (ක) විඤ්ඤාණං විඤ්ඤාණක්ඛන්ධොති? ආමන්තා.

(ඛ) ඛන්ධා රූපක්ඛන්ධොති?

රූපක්ඛන්ධො ඛන්ධො චෙව රූපක්ඛන්ධො ච. අවසෙසා ඛන්ධා න රූපක්ඛන්ධො.

(ක) විඤ්ඤාණං [Pg.25] විඤ්ඤාණක්ඛන්ධොති? ආමන්තා.

(ඛ) ඛන්ධා වෙදනාක්ඛන්ධොති?

වෙදනාක්ඛන්ධො ඛන්ධො චෙව වෙදනාක්ඛන්ධො ච. අවසෙසා ඛන්ධා න වෙදනාක්ඛන්ධො.

(ක) විඤ්ඤාණං විඤ්ඤාණක්ඛන්ධොති? ආමන්තා.

(ඛ) ඛන්ධා සඤ්ඤාක්ඛන්ධොති?

සඤ්ඤාක්ඛන්ධො ඛන්ධො චෙව සඤ්ඤාක්ඛන්ධො ච. අවසෙසා ඛන්ධා න සඤ්ඤාක්ඛන්ධො.

(ක) විඤ්ඤාණං විඤ්ඤාණක්ඛන්ධොති? ආමන්තා.

(ඛ) ඛන්ධා සඞ්ඛාරක්ඛන්ධොති?

සඞ්ඛාරක්ඛන්ධො ඛන්ධො චෙව සඞ්ඛාරක්ඛන්ධො ච. අවසෙසා ඛන්ධා න සඞ්ඛාරක්ඛන්ධො.

(ඛ) පච්චනීකං

33. (ක) න රූපං න රූපක්ඛන්ධොති? ආමන්තා.

(ඛ) න ඛන්ධා න වෙදනාක්ඛන්ධොති? ආමන්තා.

(ක) න රූපං න රූපක්ඛන්ධොති? ආමන්තා.

(ඛ) න ඛන්ධා න සඤ්ඤාක්ඛන්ධොති? ආමන්තා.

(ක) න රූපං න රූපක්ඛන්ධොති? ආමන්තා.

(ඛ) න ඛන්ධා න සඞ්ඛාරක්ඛන්ධොති? ආමන්තා.

(ක) න රූපං න රූපක්ඛන්ධොති? ආමන්තා.

(ඛ) න ඛන්ධා න විඤ්ඤාණක්ඛන්ධොති? ආමන්තා.

34. (ක) න වෙදනා න වෙදනාක්ඛන්ධොති? ආමන්තා.

(ඛ) න ඛන්ධා න රූපක්ඛන්ධොති? ආමන්තා.

(ක) න වෙදනා න වෙදනාක්ඛන්ධොති? ආමන්තා.

(ඛ) න ඛන්ධා න සඤ්ඤාක්ඛන්ධොති? ආමන්තා.

(ක) න වෙදනා න වෙදනාක්ඛන්ධොති? ආමන්තා.

(ඛ) න ඛන්ධා න සඞ්ඛාරක්ඛන්ධොති? ආමන්තා.

(ක) න වෙදනා න වෙදනාක්ඛන්ධොති? ආමන්තා.

(ඛ) න ඛන්ධා න විඤ්ඤාණක්ඛන්ධොති? ආමන්තා.

35. (ක) න සඤ්ඤා න සඤ්ඤාක්ඛන්ධොති? ආමන්තා.

(ඛ) න ඛන්ධා න රූපක්ඛන්ධොති? ආමන්තා.

(ක) න සඤ්ඤා න සඤ්ඤාක්ඛන්ධොති? ආමන්තා.

(ඛ) න ඛන්ධා න වෙදනාක්ඛන්ධොති? ආමන්තා.

(ක) න [Pg.26] සඤ්ඤා න සඤ්ඤාක්ඛන්ධොති? ආමන්තා.

(ඛ) න ඛන්ධා න සඞ්ඛාරක්ඛන්ධොති? ආමන්තා.

(ක) න සඤ්ඤා න සඤ්ඤාක්ඛන්ධොති? ආමන්තා.

(ඛ) න ඛන්ධා න විඤ්ඤාණක්ඛන්ධොති? ආමන්තා.

36. (ක) න සඞ්ඛාරා න සඞ්ඛාරක්ඛන්ධොති. ආමන්තා.

(ඛ) න ඛන්ධා න රූපක්ඛන්ධොති? ආමන්තා.

(ක) න සඞ්ඛාරා න සඞ්ඛාරක්ඛන්ධොති? ආමන්තා.

(ඛ) න ඛන්ධා න වෙදනාක්ඛන්ධොති? ආමන්තා.

(ක) න සඞ්ඛාරා න සඞ්ඛාරක්ඛන්ධොති? ආමන්තා.

(ඛ) න ඛන්ධා න සඤ්ඤාක්ඛන්ධොති? ආමන්තා.

(ක) න සඞ්ඛාරා න සඞ්ඛාරක්ඛන්ධොති? ආමන්තා.

(ඛ) න ඛන්ධා න විඤ්ඤාණක්ඛන්ධොති? ආමන්තා.

37. (ක) න විඤ්ඤාණං න විඤ්ඤාණක්ඛන්ධොති? ආමන්තා.

(ඛ) න ඛන්ධා න රූපක්ඛන්ධොති? ආමන්තා.

(ක) න විඤ්ඤාණං න විඤ්ඤාණක්ඛන්ධොති? ආමන්තා.

(ඛ) න ඛන්ධා න වෙදනාක්ඛන්ධොති? ආමන්තා.

(ක) න විඤ්ඤාණං න විඤ්ඤාණක්ඛන්ධොති? ආමන්තා.

(ඛ) න ඛන්ධා න සඤ්ඤාක්ඛන්ධොති? ආමන්තා.

(ක) න විඤ්ඤාණං න විඤ්ඤාණක්ඛන්ධොති? ආමන්තා.

(ඛ) න ඛන්ධා න සඞ්ඛාරක්ඛන්ධොති? ආමන්තා.

3. සුද්ධඛන්ධවාරො

(ක) අනුලොමං

38. (ක) රූපං ඛන්ධොති? ආමන්තා.

(ඛ) ඛන්ධා රූපක්ඛන්ධොති?

රූපක්ඛන්ධො ඛන්ධො චෙව රූපක්ඛන්ධො ච. අවසෙසා ඛන්ධා න රූපක්ඛන්ධො.

(ක) වෙදනා ඛන්ධොති? ආමන්තා.

(ඛ) ඛන්ධා වෙදනාක්ඛන්ධොති?

වෙදනාක්ඛන්ධො ඛන්ධො චෙව වෙදනාක්ඛන්ධො ච. අවසෙසා ඛන්ධා න වෙදනාක්ඛන්ධො.

(ක) සඤ්ඤා [Pg.27] ඛන්ධොති? ආමන්තා.

(ඛ) ඛන්ධා සඤ්ඤාක්ඛන්ධොති?

සඤ්ඤාක්ඛන්ධො ඛන්ධො චෙව සඤ්ඤාක්ඛන්ධො ච. අවසෙසා ඛන්ධා න සඤ්ඤාක්ඛන්ධො.

(ක) සඞ්ඛාරා ඛන්ධොති? ආමන්තා.

(ඛ) ඛන්ධා සඞ්ඛාරක්ඛන්ධොති?

සඞ්ඛාරක්ඛන්ධො ඛන්ධො චෙව සඞ්ඛාරක්ඛන්ධො ච. අවසෙසා ඛන්ධා න සඞ්ඛාරක්ඛන්ධො.

(ක) විඤ්ඤාණං ඛන්ධොති? ආමන්තා.

(ඛ) ඛන්ධා විඤ්ඤාණක්ඛන්ධොති?

විඤ්ඤාණක්ඛන්ධො ඛන්ධො චෙව විඤ්ඤාණක්ඛන්ධො ච. අවසෙසා ඛන්ධා න විඤ්ඤාණක්ඛන්ධො.

(ඛ) පච්චනීකං

39. (ක) න රූපං න ඛන්ධොති?

රූපං ඨපෙත්වා අවසෙසා ඛන්ධා න රූපං, ඛන්ධා. රූපඤ්ච ඛන්ධෙ ච ඨපෙත්වා අවසෙසා න චෙව රූපං න ච ඛන්ධා.

(ඛ) න ඛන්ධා න රූපක්ඛන්ධොති? ආමන්තා.

(ක) න වෙදනා න ඛන්ධොති?

වෙදනං ඨපෙත්වා අවසෙසා ඛන්ධා න වෙදනා, ඛන්ධා. වෙදනඤ්ච ඛන්ධෙ ච ඨපෙත්වා අවසෙසා න චෙව වෙදනා න ච ඛන්ධා.

(ඛ) න ඛන්ධා න වෙදනාක්ඛන්ධොති? ආමන්තා.

(ක) න සඤ්ඤා න ඛන්ධොති?

සඤ්ඤං ඨපෙත්වා අවසෙසා ඛන්ධා න සඤ්ඤා, ඛන්ධා. සඤ්ඤඤ්ච ඛන්ධෙ ච ඨපෙත්වා අවසෙසා න චෙව සඤ්ඤා න ච ඛන්ධා.

(ඛ) න ඛන්ධා න සඤ්ඤාක්ඛන්ධොති? ආමන්තා.

(ක) න සඞ්ඛාරා න ඛන්ධොති? ආමන්තා.

(ඛ) න ඛන්ධා න සඞ්ඛාරක්ඛන්ධොති? ආමන්තා.

(ක) න විඤ්ඤාණං න ඛන්ධොති?

විඤ්ඤාණං ඨපෙත්වා අවසෙසා ඛන්ධා න විඤ්ඤාණං, ඛන්ධා. විඤ්ඤාණඤ්ච ඛන්ධෙ ච ඨපෙත්වා අවසෙසා න චෙව විඤ්ඤාණං න ච ඛන්ධා.

(ඛ) න ඛන්ධා න විඤ්ඤාණක්ඛන්ධොති? ආමන්තා.

4. සුද්ධඛන්ධමූලචක්කවාරො

(ක) අනුලොමං

40. (ක) රූපං ඛන්ධොති? ආමන්තා.

(ඛ) ඛන්ධා වෙදනාක්ඛන්ධොති?

වෙදනාක්ඛන්ධො ඛන්ධො චෙව වෙදනාක්ඛන්ධො ච. අවසෙසා ඛන්ධා න වෙදනාක්ඛන්ධො.

(ක) රූපං ඛන්ධොති? ආමන්තා.

(ඛ) ඛන්ධා සඤ්ඤාක්ඛන්ධොති?

සඤ්ඤාක්ඛන්ධො ඛන්ධො චෙව සඤ්ඤාක්ඛන්ධො ච. අවසෙසා ඛන්ධා න සඤ්ඤාක්ඛන්ධො.

(ක) රූපං [Pg.28] ඛන්ධොති? ආමන්තා.

(ඛ) ඛන්ධා සඞ්ඛාරක්ඛන්ධොති?

සඞ්ඛාරක්ඛන්ධො ඛන්ධො චෙව සඞ්ඛාරක්ඛන්ධො ච. අවසෙසා ඛන්ධා න සඞ්ඛාරක්ඛන්ධො.

(ක) රූපං ඛන්ධොති? ආමන්තා.

(ඛ) ඛන්ධා විඤ්ඤාණක්ඛන්ධොති?

විඤ්ඤාණක්ඛන්ධො ඛන්ධො චෙව විඤ්ඤාණක්ඛන්ධො ච. අවසෙසා ඛන්ධා න විඤ්ඤාණක්ඛන්ධො.

41. (ක) වෙදනා ඛන්ධොති? ආමන්තා.

(ඛ) ඛන්ධා රූපක්ඛන්ධොති?

රූපක්ඛන්ධො ඛන්ධො චෙව රූපක්ඛන්ධො ච. අවසෙසා ඛන්ධා න රූපක්ඛන්ධො.

(ක) වෙදනා ඛන්ධොති? ආමන්තා.

(ඛ) ඛන්ධා සඤ්ඤාක්ඛන්ධොති?

සඤ්ඤාක්ඛන්ධො ඛන්ධො චෙව සඤ්ඤාක්ඛන්ධො ච. අවසෙසා ඛන්ධා න සඤ්ඤාක්ඛන්ධො.

(ක) වෙදනා ඛන්ධොති? ආමන්තා.

(ඛ) ඛන්ධා සඞ්ඛාරක්ඛන්ධොති?

සඞ්ඛාරක්ඛන්ධො ඛන්ධො චෙව සඞ්ඛාරක්ඛන්ධො ච. අවසෙසා ඛන්ධා න සඞ්ඛාරක්ඛන්ධො.

(ක) වෙදනා ඛන්ධොති? ආමන්තා.

(ඛ) ඛන්ධා විඤ්ඤාණක්ඛන්ධොති?

විඤ්ඤාණක්ඛන්ධො ඛන්ධො චෙව විඤ්ඤාණක්ඛන්ධො ච. අවසෙසා ඛන්ධා න විඤ්ඤාණක්ඛන්ධො.

42. (ක) සඤ්ඤා ඛන්ධොති? ආමන්තා.

(ඛ) ඛන්ධා රූපක්ඛන්ධොති?

රූපක්ඛන්ධො ඛන්ධො චෙව රූපක්ඛන්ධො ච. අවසෙසා ඛන්ධා න රූපක්ඛන්ධො.

(ක) සඤ්ඤා ඛන්ධොති? ආමන්තා.

(ඛ) ඛන්ධා වෙදනාක්ඛන්ධොති?

වෙදනාක්ඛන්ධො ඛන්ධො චෙව වෙදනාක්ඛන්ධො ච. අවසෙසා ඛන්ධා න වෙදනාක්ඛන්ධො.

(ක) සඤ්ඤා ඛන්ධොති? ආමන්තා.

(ඛ) ඛන්ධා සඞ්ඛාරක්ඛන්ධොති?

සඞ්ඛාරක්ඛන්ධො ඛන්ධො චෙව සඞ්ඛාරක්ඛන්ධො ච. අවසෙසා ඛන්ධා න සඞ්ඛාරක්ඛන්ධො.

(ක) සඤ්ඤා ඛන්ධොති? ආමන්තා.

(ඛ) ඛන්ධා විඤ්ඤාණක්ඛන්ධොති?

විඤ්ඤාණක්ඛන්ධො ඛන්ධො චෙව විඤ්ඤාණක්ඛන්ධො ච. අවසෙසා ඛන්ධා න විඤ්ඤාණක්ඛන්ධො.

43. (ක) සඞ්ඛාරා ඛන්ධොති? ආමන්තා.

(ඛ) ඛන්ධා රූපක්ඛන්ධොති?

රූපක්ඛන්ධො ඛන්ධො චෙව රූපක්ඛන්ධො ච. අවසෙසා ඛන්ධා න රූපක්ඛන්ධො.

(ක) සඞ්ඛාරා ඛන්ධොති? ආමන්තා.

(ඛ) ඛන්ධා වෙදනාක්ඛන්ධොති?

වෙදනාක්ඛන්ධො ඛන්ධො චෙව වෙදනාක්ඛන්ධො ච. අවසෙසා ඛන්ධා න වෙදනාක්ඛන්ධො.

(ක) සඞ්ඛාරා ඛන්ධොති? ආමන්තා.

(ඛ) ඛන්ධා සඤ්ඤාක්ඛන්ධොති?

සඤ්ඤාක්ඛන්ධො ඛන්ධො චෙව සඤ්ඤාක්ඛන්ධො ච. අවසෙසා ඛන්ධා න සඤ්ඤාක්ඛන්ධො.

(ක) සඞ්ඛාරා [Pg.29] ඛන්ධොති? ආමන්තා.

(ඛ) ඛන්ධා විඤ්ඤාණක්ඛන්ධොති?

විඤ්ඤාණක්ඛන්ධො ඛන්ධො චෙව විඤ්ඤාණක්ඛන්ධො ච. අවසෙසා ඛන්ධා න විඤ්ඤාණක්ඛන්ධො.

44. (ක) විඤ්ඤාණං ඛන්ධොති? ආමන්තා.

(ඛ) ඛන්ධා රූපක්ඛන්ධොති?

රූපක්ඛන්ධො ඛන්ධො චෙව රූපක්ඛන්ධො ච. අවසෙසා ඛන්ධා න රූපක්ඛන්ධො.

(ක) විඤ්ඤාණං ඛන්ධොති? ආමන්තා.

(ඛ) ඛන්ධා වෙදනාක්ඛන්ධොති?

වෙදනාක්ඛන්ධො ඛන්ධො චෙව වෙදනාක්ඛන්ධො ච. අවසෙසා ඛන්ධා න වෙදනාක්ඛන්ධො.

(ක) විඤ්ඤාණං ඛන්ධොති?

ආමන්තා.

(ඛ) ඛන්ධා සඤ්ඤාක්ඛන්ධොති?

සඤ්ඤාක්ඛන්ධො ඛන්ධො චෙව සඤ්ඤාක්ඛන්ධො ච. අවසෙසා ඛන්ධා න සඤ්ඤාක්ඛන්ධො.

(ක) විඤ්ඤාණං ඛන්ධොති? ආමන්තා.

(ඛ) ඛන්ධා සඞ්ඛාරක්ඛන්ධොති?

සඞ්ඛාරක්ඛන්ධො ඛන්ධො චෙව සඞ්ඛාරක්ඛන්ධො ච. අවසෙසා ඛන්ධා න සඞ්ඛාරක්ඛන්ධො.

(ඛ) පච්චනීකං

45. (ක) න රූපං න ඛන්ධොති?

රූපං ඨපෙත්වා අවසෙසා ඛන්ධා න රූපං, ඛන්ධා. රූපඤ්ච ඛන්ධෙ ච ඨපෙත්වා අවසෙසා න චෙව රූපං න ච ඛන්ධා.

(ඛ) න ඛන්ධා න වෙදනාක්ඛන්ධොති? ආමන්තා.

(ක) න රූපං න ඛන්ධොති?

රූපං ඨපෙත්වා අවසෙසා ඛන්ධා න රූපං, ඛන්ධා. රූපඤ්ච ඛන්ධෙ ච ඨපෙත්වා අවසෙසා න චෙව රූපං න ච ඛන්ධා.

(ඛ) න ඛන්ධා න සඤ්ඤාක්ඛන්ධොති? ආමන්තා.

(ක) න රූපං න ඛන්ධොති?

රූපං ඨපෙත්වා අවසෙසා ඛන්ධා න රූපං, ඛන්ධා. රූපඤ්ච ඛන්ධෙ ච ඨපෙත්වා අවසෙසා න චෙව රූපං න ච ඛන්ධා.

(ඛ) න ඛන්ධා න සඞ්ඛාරක්ඛන්ධොති? ආමන්තා.

(ක) න රූපං න ඛන්ධොති?

රූපං ඨපෙත්වා අවසෙසා ඛන්ධා න රූපං, ඛන්ධා. රූපඤ්ච ඛන්ධෙ ච ඨපෙත්වා අවසෙසා න චෙව රූපං න ච ඛන්ධා.

(ඛ) න ඛන්ධා න විඤ්ඤාණක්ඛන්ධොති? ආමන්තා.

46. (ක) න වෙදනා න ඛන්ධොති?

වෙදනං ඨපෙත්වා අවසෙසා ඛන්ධා න වෙදනා, ඛන්ධා. වෙදනඤ්ච ඛන්ධෙ ච ඨපෙත්වා අවසෙසා න චෙව වෙදනා න ච ඛන්ධා.

(ඛ) න ඛන්ධා න රූපක්ඛන්ධොති? ආමන්තා.

(ක) න [Pg.30] වෙදනා න ඛන්ධොති?

වෙදනං ඨපෙත්වා අවසෙසා ඛන්ධා න වෙදනා, ඛන්ධා. වෙදනඤ්ච ඛන්ධෙ ච ඨපෙත්වා අවසෙසා න චෙව වෙදනා න ච ඛන්ධා.

(ඛ) න ඛන්ධා න සඤ්ඤාක්ඛන්ධොති? ආමන්තා.

(ක) න වෙදනා න ඛන්ධොති?

වෙදනං ඨපෙත්වා අවසෙසා ඛන්ධා න වෙදනා, ඛන්ධා. වෙදනඤ්ච ඛන්ධෙ ච ඨපෙත්වා අවසෙසා න චෙව වෙදනා න ච ඛන්ධා.

(ඛ) න ඛන්ධා න සඞ්ඛාරක්ඛන්ධොති? ආමන්තා.

(ක) න වෙදනා න ඛන්ධොති?

වෙදනං ඨපෙත්වා අවසෙසා ඛන්ධා න වෙදනා, ඛන්ධා. වෙදනඤ්ච ඛන්ධෙ ච ඨපෙත්වා අවසෙසා න චෙව වෙදනා න ච ඛන්ධා.

(ඛ) න ඛන්ධා න විඤ්ඤාණක්ඛන්ධොති? ආමන්තා.

47. (ක) න සඤ්ඤා න ඛන්ධොති?

සඤ්ඤං ඨපෙත්වා අවසෙසා ඛන්ධා න සඤ්ඤා, ඛන්ධා. සඤ්ඤඤ්ච ඛන්ධෙ ච ඨපෙත්වා අවසෙසා න චෙව සඤ්ඤා න ච ඛන්ධා.

(ඛ) න ඛන්ධා න රූපක්ඛන්ධොති? ආමන්තා.

(ක) න සඤ්ඤා න ඛන්ධොති?

සඤ්ඤං ඨපෙත්වා අවසෙසා ඛන්ධා න සඤ්ඤා, ඛන්ධා. සඤ්ඤඤ්ච ඛන්ධෙ ච ඨපෙත්වා අවසෙසා න චෙව සඤ්ඤා න ච ඛන්ධා.

(ඛ) න ඛන්ධා න වෙදනාක්ඛන්ධොති? ආමන්තා.

(ක) න සඤ්ඤා න ඛන්ධොති?

සඤ්ඤං ඨපෙත්වා අවසෙසා ඛන්ධා න සඤ්ඤා, ඛන්ධා. සඤ්ඤඤ්ච ඛන්ධෙ ච ඨපෙත්වා අවසෙසා න චෙව සඤ්ඤා න ච ඛන්ධා.

(ඛ) න ඛන්ධා න සඞ්ඛාරක්ඛන්ධොති? ආමන්තා.

(ක) න සඤ්ඤා න ඛන්ධොති?

සඤ්ඤං ඨපෙත්වා අවසෙසා ඛන්ධා න සඤ්ඤා, ඛන්ධා. සඤ්ඤඤ්ච ඛන්ධෙ ච ඨපෙත්වා අවසෙසා න චෙව සඤ්ඤා න ච ඛන්ධා.

(ඛ) න ඛන්ධා න විඤ්ඤාණක්ඛන්ධොති? ආමන්තා.

48. (ක) න සඞ්ඛාරා න ඛන්ධොති? ආමන්තා.

(ඛ) න ඛන්ධා න රූපක්ඛන්ධොති? ආමන්තා.

(ක) න සඞ්ඛාරා න ඛන්ධොති? ආමන්තා.

(ඛ) න ඛන්ධා න වෙදනාක්ඛන්ධොති? ආමන්තා.

(ක) න සඞ්ඛාරා න ඛන්ධොති? ආමන්තා.

(ඛ) න ඛන්ධා න සඤ්ඤාක්ඛන්ධොති? ආමන්තා.

(ක) න සඞ්ඛාරා න ඛන්ධොති? ආමන්තා.

(ඛ) න ඛන්ධා න විඤ්ඤාණක්ඛන්ධොති? ආමන්තා.

49. (ක) න [Pg.31] විඤ්ඤාණං න ඛන්ධොති?

විඤ්ඤාණං ඨපෙත්වා අවසෙසා ඛන්ධා න විඤ්ඤාණං, ඛන්ධා. විඤ්ඤාණඤ්ච ඛන්ධෙ ච ඨපෙත්වා අවසෙසා න චෙව විඤ්ඤාණං න ච ඛන්ධා.

(ඛ) න ඛන්ධා න රූපක්ඛන්ධොති? ආමන්තා.

(ක) න විඤ්ඤාණං න ඛන්ධොති?

විඤ්ඤාණං ඨපෙත්වා අවසෙසා ඛන්ධා න විඤ්ඤාණං, ඛන්ධා. විඤ්ඤාණඤ්ච ඛන්ධෙ ච ඨපෙත්වා අවසෙසා න චෙව විඤ්ඤාණං න ච ඛන්ධා.

(ඛ) න ඛන්ධා න වෙදනාක්ඛන්ධොති? ආමන්තා.

(ක) න විඤ්ඤාණං න ඛන්ධොති?

විඤ්ඤාණං ඨපෙත්වා අවසෙසා ඛන්ධා න විඤ්ඤාණං, ඛන්ධා. විඤ්ඤාණඤ්ච ඛන්ධෙ ච ඨපෙත්වා අවසෙසා න චෙව විඤ්ඤාණං න ච ඛන්ධා.

(ඛ) න ඛන්ධා න සඤ්ඤාක්ඛන්ධොති? ආමන්තා.

(ක) න විඤ්ඤාණං න ඛන්ධොති?

විඤ්ඤාණං ඨපෙත්වා අවසෙසා ඛන්ධා න විඤ්ඤාණං, ඛන්ධා. විඤ්ඤාණඤ්ච ඛන්ධෙ ච ඨපෙත්වා අවසෙසා න චෙව විඤ්ඤාණං න ච ඛන්ධා.

(ඛ) න ඛන්ධා න සඞ්ඛාරක්ඛන්ධොති? ආමන්තා.

පණ්ණත්තිනිද්දෙසවාරො.

2. පවත්තිවාරො 1. උප්පාදවාරො

(1) පච්චුප්පන්නවාරො

(ක) අනුලොමපුග්ගලො

50. (ක) යස්ස රූපක්ඛන්ධො උප්පජ්ජති තස්ස වෙදනාක්ඛන්ධො උප්පජ්ජතීති?

අසඤ්ඤසත්තං උපපජ්ජන්තානං තෙසං රූපක්ඛන්ධො උප්පජ්ජති, නො ච තෙසං වෙදනාක්ඛන්ධො උප්පජ්ජති. පඤ්චවොකාරං උපපජ්ජන්තානං තෙසං රූපක්ඛන්ධො ච උප්පජ්ජති වෙදනාක්ඛන්ධො ච උප්පජ්ජති.

(ඛ) යස්ස වා පන වෙදනාක්ඛන්ධො උප්පජ්ජති තස්ස රූපක්ඛන්ධො උප්පජ්ජතීති?

අරූපං උපපජ්ජන්තානං තෙසං වෙදනාක්ඛන්ධො උප්පජ්ජති, නො ච තෙසං රූපක්ඛන්ධො උප්පජ්ජති. පඤ්චවොකාරං උපපජ්ජන්තානං තෙසං වෙදනාක්ඛන්ධො ච උප්පජ්ජති රූපක්ඛන්ධො ච උප්පජ්ජති.

(ඛ) අනුලොමඔකාසො

51. (ක) යත්ථ රූපක්ඛන්ධො උප්පජ්ජති තත්ථ වෙදනාක්ඛන්ධො උප්පජ්ජතීති?

අසඤ්ඤසත්තෙ තත්ථ රූපක්ඛන්ධො උප්පජ්ජති, නො ච තත්ථ වෙදනාක්ඛන්ධො උප්පජ්ජති. පඤ්චවොකාරෙ [Pg.32] තත්ථ රූපක්ඛන්ධො ච උප්පජ්ජති වෙදනාක්ඛන්ධො ච උප්පජ්ජති.

(ඛ) යත්ථ වා පන වෙදනාක්ඛන්ධො උප්පජ්ජති තත්ථ රූපක්ඛන්ධො උප්පජ්ජතීති?

අරූපෙ තත්ථ වෙදනාක්ඛන්ධො උප්පජ්ජති, නො ච තත්ථ රූපක්ඛන්ධො උප්පජ්ජති. පඤ්චවොකාරෙ තත්ථ වෙදනාක්ඛන්ධො ච උප්පජ්ජති රූපක්ඛන්ධො ච උප්පජ්ජති.

(ග) අනුලොමපුග්ගලොකාසා

52. (ක) යස්ස යත්ථ රූපක්ඛන්ධො උප්පජ්ජති තස්ස තත්ථ වෙදනාක්ඛන්ධො උප්පජ්ජතීති?

අසඤ්ඤසත්තං උපපජ්ජන්තානං තෙසං තත්ථ රූපක්ඛන්ධො උප්පජ්ජති, නො ච තෙසං තත්ථ වෙදනාක්ඛන්ධො උප්පජ්ජති. පඤ්චවොකාරං උපපජ්ජන්තානං තෙසං තත්ථ රූපක්ඛන්ධො ච උප්පජ්ජති වෙදනාක්ඛන්ධො ච උප්පජ්ජති.

(ඛ) යස්ස වා පන යත්ථ වෙදනාක්ඛන්ධො උප්පජ්ජති තස්ස තත්ථ රූපක්ඛන්ධො උප්පජ්ජතීති?

අරූපං උපපජ්ජන්තානං තෙසං තත්ථ වෙදනාක්ඛන්ධො උප්පජ්ජති, නො ච තෙසං තත්ථ රූපක්ඛන්ධො උප්පජ්ජති. පඤ්චවොකාරං උපපජ්ජන්තානං තෙසං තත්ථ වෙදනාක්ඛන්ධො ච උප්පජ්ජති රූපක්ඛන්ධො ච උප්පජ්ජති.

(ඝ) පච්චනීකපුග්ගලො

53. (ක) යස්ස රූපක්ඛන්ධො නුප්පජ්ජති තස්ස වෙදනාක්ඛන්ධො නුප්පජ්ජතීති?

අරූපං උපපජ්ජන්තානං තෙසං රූපක්ඛන්ධො නුප්පජ්ජති, නො ච තෙසං වෙදනාක්ඛන්ධො නුප්පජ්ජති. සබ්බෙසං චවන්තානං තෙසං රූපක්ඛන්ධො ච නුප්පජ්ජති වෙදනාක්ඛන්ධො ච නුප්පජ්ජති.

(ඛ) යස්ස වා පන වෙදනාක්ඛන්ධො නුප්පජ්ජති තස්ස රූපක්ඛන්ධො නුප්පජ්ජතීති?

අසඤ්ඤසත්තං උපපජ්ජන්තානං තෙසං වෙදනාක්ඛන්ධො නුප්පජ්ජති, නො ච තෙසං රූපක්ඛන්ධො නුප්පජ්ජති. සබ්බෙසං චවන්තානං තෙසං වෙදනාක්ඛන්ධො ච නුප්පජ්ජති රූපක්ඛන්ධො ච නුප්පජ්ජති.

(ඞ) පච්චනීකඔකාසො

54. (ක) යත්ථ රූපක්ඛන්ධො නුප්පජ්ජති තත්ථ වෙදනාක්ඛන්ධො නුප්පජ්ජතීති? උප්පජ්ජති.

(ඛ) යත්ථ වා පන වෙදනාක්ඛන්ධො නුප්පජ්ජති තත්ථ රූපක්ඛන්ධො නුප්පජ්ජතීති? උප්පජ්ජති.

(ච) පච්චනීකපුග්ගලොකාසා

55. (ක) යස්ස යත්ථ රූපක්ඛන්ධො නුප්පජ්ජති තස්ස තත්ථ වෙදනාක්ඛන්ධො නුප්පජ්ජතීති?

අරූපං උපපජ්ජන්තානං තෙසං තත්ථ රූපක්ඛන්ධො නුප්පජ්ජති, නො [Pg.33] ච තෙසං තත්ථ වෙදනාක්ඛන්ධො නුප්පජ්ජති. සබ්බෙසං චවන්තානං තෙසං තත්ථ රූපක්ඛන්ධො ච නුප්පජ්ජති වෙදනාක්ඛන්ධො ච නුප්පජ්ජති.

(ඛ) යස්ස වා පන යත්ථ වෙදනාක්ඛන්ධො නුප්පජ්ජති තස්ස තත්ථ රූපක්ඛන්ධො නුප්පජ්ජතීති?

අසඤ්ඤසත්තං උපපජ්ජන්තානං තෙසං තත්ථ වෙදනාක්ඛන්ධො නුප්පජ්ජති, නො ච තෙසං තත්ථ රූපක්ඛන්ධො නුප්පජ්ජති. සබ්බෙසං චවන්තානං තෙසං තත්ථ වෙදනාක්ඛන්ධො ච නුප්පජ්ජති රූපක්ඛන්ධො ච නුප්පජ්ජති.

(2) අතීතවාරො

(ක) අනුලොමපුග්ගලො

56. (ක) යස්ස රූපක්ඛන්ධො උප්පජ්ජිත්ථ තස්ස වෙදනාක්ඛන්ධො උප්පජ්ජිත්ථාති? ආමන්තා.

(ඛ) යස්ස වා පන වෙදනාක්ඛන්ධො උප්පජ්ජිත්ථ තස්ස රූපක්ඛන්ධො උප්පජ්ජිත්ථාති? ආමන්තා.

(ඛ) අනුලොමඔකාසො

57. (ක) යත්ථ රූපක්ඛන්ධො උප්පජ්ජිත්ථ තත්ථ වෙදනාක්ඛන්ධො උප්පජ්ජිත්ථාති?

අසඤ්ඤසත්තෙ තත්ථ රූපක්ඛන්ධො උප්පජ්ජිත්ථ, නො ච තත්ථ වෙදනාක්ඛන්ධො උප්පජ්ජිත්ථ. පඤ්චවොකාරෙ තත්ථ රූපක්ඛන්ධො ච උප්පජ්ජිත්ථ වෙදනාක්ඛන්ධො ච උප්පජ්ජිත්ථ.

(ඛ) යත්ථ වා පන වෙදනාක්ඛන්ධො උප්පජ්ජිත්ථ තත්ථ රූපක්ඛන්ධො උප්පජ්ජිත්ථාති?

අරූපෙ තත්ථ වෙදනාක්ඛන්ධො උප්පජ්ජිත්ථ, නො ච තත්ථ රූපක්ඛන්ධො උප්පජ්ජිත්ථ. පඤ්චවොකාරෙ තත්ථ වෙදනාක්ඛන්ධො ච උප්පජ්ජිත්ථ රූපක්ඛන්ධො ච උප්පජ්ජිත්ථ.

(ග) අනුලොමපුග්ගලොකාසා

58. (ක) යස්ස යත්ථ රූපක්ඛන්ධො උප්පජ්ජිත්ථ තස්ස තත්ථ වෙදනාක්ඛන්ධො උප්පජ්ජිත්ථාති?

අසඤ්ඤසත්තානං තෙසං තත්ථ රූපක්ඛන්ධො උප්පජ්ජිත්ථ, නො ච තෙසං තත්ථ වෙදනාක්ඛන්ධො උප්පජ්ජිත්ථ. පඤ්චවොකාරානං තෙසං තත්ථ රූපක්ඛන්ධො ච උප්පජ්ජිත්ථ වෙදනාක්ඛන්ධො ච උප්පජ්ජිත්ථ.

(ඛ) යස්ස වා පන යත්ථ වෙදනාක්ඛන්ධො උප්පජ්ජිත්ථ තස්ස තත්ථ රූපක්ඛන්ධො උප්පජ්ජිත්ථාති?

අරූපානං තෙසං තත්ථ වෙදනාක්ඛන්ධො උප්පජ්ජිත්ථ, නො ච තෙසං තත්ථ රූපක්ඛන්ධො උප්පජ්ජිත්ථ. පඤ්චවොකාරානං තෙසං තත්ථ වෙදනාක්ඛන්ධො ච උප්පජ්ජිත්ථ රූපක්ඛන්ධො ච උප්පජ්ජිත්ථ.

(ඝ) පච්චනීකපුග්ගලො

59. (ක) යස්ස [Pg.34] රූපක්ඛන්ධො නුප්පජ්ජිත්ථ තස්ස වෙදනාක්ඛන්ධො නුප්පජ්ජිත්ථාති? නත්ථි.

(ඛ) යස්ස වා පන වෙදනාක්ඛන්ධො නුප්පජ්ජිත්ථ තස්ස රූපක්ඛන්ධො නුප්පජ්ජිත්ථාති? නත්ථි.

(ඞ) පච්චනීකඔකාසො

60. (ක) යත්ථ රූපක්ඛන්ධො නුප්පජ්ජිත්ථ තත්ථ වෙදනාක්ඛන්ධො නුප්පජ්ජිත්ථාති? උප්පජ්ජිත්ථ.

(ඛ) යත්ථ වා පන වෙදනාක්ඛන්ධො නුප්පජ්ජිත්ථ තත්ථ රූපක්ඛන්ධො නුප්පජ්ජිත්ථාති? උප්පජ්ජිත්ථ.

(ච) පච්චනීකපුග්ගලොකාසා

61. (ක) යස්ස යත්ථ රූපක්ඛන්ධො නුප්පජ්ජිත්ථ තස්ස තත්ථ වෙදනාක්ඛන්ධො නුප්පජ්ජිත්ථාති?

අරූපානං තෙසං තත්ථ රූපක්ඛන්ධො නුප්පජ්ජිත්ථ, නො ච තෙසං තත්ථ වෙදනාක්ඛන්ධො නුප්පජ්ජිත්ථ. සුද්ධාවාසානං තෙසං තත්ථ රූපක්ඛන්ධො ච නුප්පජ්ජිත්ථ වෙදනාක්ඛන්ධො ච නුප්පජ්ජිත්ථ.

(ක) යස්ස වා පන යත්ථ වෙදනාක්ඛන්ධො නුප්පජ්ජිත්ථ තස්ස තත්ථ රූපක්ඛන්ධො නුප්පජ්ජිත්ථාති?

අසඤ්ඤසත්තානං තෙසං තත්ථ වෙදනාක්ඛන්ධො නුප්පජ්ජිත්ථ, නො ච තෙසං තත්ථ රූපක්ඛන්ධො නුප්පජ්ජිත්ථ. සුද්ධාවාසානං තෙසං තත්ථ වෙදනාක්ඛන්ධො ච නුප්පජ්ජිත්ථ රූපක්ඛන්ධො ච නුප්පජ්ජිත්ථ.

(3) අනාගතවාරො

(ක) අනුලොමපුග්ගලො

62. (ක) යස්ස රූපක්ඛන්ධො උප්පජ්ජිස්සති තස්ස වෙදනාක්ඛන්ධො උප්පජ්ජිස්සතීති? ආමන්තා.

(ඛ) යස්ස වා පන වෙදනාක්ඛන්ධො උප්පජ්ජිස්සති තස්ස රූපක්ඛන්ධො උප්පජ්ජිස්සතීති?

යෙ අරූපං උපපජ්ජිත්වා පරිනිබ්බායිස්සන්ති තෙසං වෙදනාක්ඛන්ධො උප්පජ්ජිස්සති, නො ච තෙසං රූපක්ඛන්ධො උප්පජ්ජිස්සති. ඉතරෙසං තෙසං වෙදනාක්ඛන්ධො ච උප්පජ්ජිස්සති රූපක්ඛන්ධො ච උප්පජ්ජිස්සති.

(ඛ) අනුලොමඔකාසො

63. (ක) යත්ථ රූපක්ඛන්ධො උප්පජ්ජිස්සති තත්ථ වෙදනාක්ඛන්ධො උප්පජ්ජිස්සතීති?

අසඤ්ඤසත්තෙ තත්ථ රූපක්ඛන්ධො උප්පජ්ජිස්සති, නො ච තත්ථ වෙදනාක්ඛන්ධො උප්පජ්ජිස්සති. පඤ්චවොකාරෙ තත්ථ රූපක්ඛන්ධො ච උප්පජ්ජිස්සති වෙදනාක්ඛන්ධො ච [Pg.35] උප්පජ්ජිස්සති.

(ඛ) යත්ථ වා පන වෙදනාක්ඛන්ධො උප්පජ්ජිස්සති තත්ථ රූපක්ඛන්ධො උප්පජ්ජිස්සතීති?

අරූපෙ තත්ථ වෙදනාක්ඛන්ධො උප්පජ්ජිස්සති, නො ච තත්ථ රූපක්ඛන්ධො උප්පජ්ජිස්සති. පඤ්චවොකාරෙ තත්ථ වෙදනාක්ඛන්ධො ච උප්පජ්ජිස්සති රූපක්ඛන්ධො ච උප්පජ්ජිස්සති.

(ග) අනුලොමපුග්ගලොකාසා

64. (ක) යස්ස යත්ථ රූපක්ඛන්ධො උප්පජ්ජිස්සති තස්ස තත්ථ වෙදනාක්ඛන්ධො උප්පජ්ජිස්සතීති?

අසඤ්ඤසත්තානං තෙසං තත්ථ රූපක්ඛන්ධො උප්පජ්ජිස්සති, නො ච තෙසං තත්ථ වෙදනාක්ඛන්ධො උප්පජ්ජිස්සති. පඤ්චවොකාරානං තෙසං තත්ථ රූපක්ඛන්ධො ච උප්පජ්ජිස්සති වෙදනාක්ඛන්ධො ච උප්පජ්ජිස්සති.

(ඛ) යස්ස වා පන යත්ථ වෙදනාක්ඛන්ධො උප්පජ්ජිස්සති තස්ස තත්ථ රූපක්ඛන්ධො උප්පජ්ජිස්සතීති?

අරූපානං තෙසං තත්ථ වෙදනාක්ඛන්ධො උප්පජ්ජිස්සති, නො ච තෙසං තත්ථ රූපක්ඛන්ධො උප්පජ්ජිස්සති. පඤ්චවොකාරානං තෙසං තත්ථ වෙදනාක්ඛන්ධො ච උප්පජ්ජිස්සති රූපක්ඛන්ධො ච උප්පජ්ජිස්සති.

(ඝ) පච්චනීකපුග්ගලො

65. (ක) යස්ස රූපක්ඛන්ධො නුප්පජ්ජිස්සති තස්ස වෙදනාක්ඛන්ධො නුප්පජ්ජිස්සතීති?

යෙ අරූපං උපපජ්ජිත්වා පරිනිබ්බායිස්සන්ති තෙසං රූපක්ඛන්ධො නුප්පජ්ජිස්සති, නො ච තෙසං වෙදනාක්ඛන්ධො නුප්පජ්ජිස්සති. පච්ඡිමභවිකානං තෙසං රූපක්ඛන්ධො ච නුප්පජ්ජිස්සති වෙදනාක්ඛන්ධො ච නුප්පජ්ජිස්සති.

(ඛ) යස්ස වා පන වෙදනාක්ඛන්ධො නුප්පජ්ජිස්සති තස්ස රූපක්ඛන්ධො නුප්පජ්ජිස්සතීති? ආමන්තා.

(ඞ) පච්චනීකඔකාසො

66. (ක) යත්ථ රූපක්ඛන්ධො නුප්පජ්ජිස්සති තත්ථ වෙදනාක්ඛන්ධො නුප්පජ්ජිස්සතීති? උප්පජ්ජිස්සති.

(ඛ) යත්ථ වා පන වෙදනාක්ඛන්ධො නුප්පජ්ජිස්සති තත්ථ රූපක්ඛන්ධො නුප්පජ්ජිස්සතීති? උප්පජ්ජිස්සති.

(ච) පච්චනීකපුග්ගලොකාසා

67. (ක) යස්ස යත්ථ රූපක්ඛන්ධො නුප්පජ්ජිස්සති තස්ස තත්ථ වෙදනාක්ඛන්ධො නුප්පජ්ජිස්සතීති?

අරූපානං තෙසං තත්ථ රූපක්ඛන්ධො නුප්පජ්ජිස්සති, නො ච තෙසං තත්ථ වෙදනාක්ඛන්ධො නුප්පජ්ජිස්සති. පච්ඡිමභවිකානං තෙසං තත්ථ රූපක්ඛන්ධො ච නුප්පජ්ජිස්සති වෙදනාක්ඛන්ධො ච නුප්පජ්ජිස්සති.

(ඛ) යස්ස වා පන යත්ථ වෙදනාක්ඛන්ධො [Pg.36] නුප්පජ්ජිස්සති තස්ස තත්ථ රූපක්ඛන්ධො නුප්පජ්ජිස්සතීති?

අසඤ්ඤසත්තානං තෙසං තත්ථ වෙදනාක්ඛන්ධො නුප්පජ්ජිස්සති, නො ච තෙසං තත්ථ රූපක්ඛන්ධො නුප්පජ්ජිස්සති. පච්ඡිමභවිකානං තෙසං තත්ථ වෙදනාක්ඛන්ධො ච නුප්පජ්ජිස්සති රූපක්ඛන්ධො ච නුප්පජ්ජිස්සති.

(4) පච්චුප්පන්නාතීතවාරො

(ක) අනුලොමපුග්ගලො

68. (ක) යස්ස රූපක්ඛන්ධො උප්පජ්ජති තස්ස වෙදනාක්ඛන්ධො උප්පජ්ජිත්ථාති? ආමන්තා.

(ඛ) යස්ස වා පන වෙදනාක්ඛන්ධො උප්පජ්ජිත්ථ තස්ස රූපක්ඛන්ධො උප්පජ්ජතීති?

සබ්බෙසං චවන්තානං අරූපං උපපජ්ජන්තානං තෙසං වෙදනාක්ඛන්ධො උප්පජ්ජිත්ථ, නො ච තෙසං රූපක්ඛන්ධො උප්පජ්ජති. පඤ්චවොකාරං උපපජ්ජන්තානං අසඤ්ඤසත්තං උපපජ්ජන්තානං තෙසං වෙදනාක්ඛන්ධො ච උප්පජ්ජිත්ථ රූපක්ඛන්ධො ච උප්පජ්ජති.

69. (ක) යස්ස වෙදනාක්ඛන්ධො උප්පජ්ජති තස්ස සඤ්ඤාක්ඛන්ධො උප්පජ්ජිත්ථාති? ආමන්තා.

(ඛ) යස්ස වා පන සඤ්ඤාක්ඛන්ධො උප්පජ්ජිත්ථ තස්ස වෙදනාක්ඛන්ධො උප්පජ්ජතීති?

සබ්බෙසං චවන්තානං අසඤ්ඤසත්තං උපපජ්ජන්තානං තෙසං සඤ්ඤාක්ඛන්ධො උප්පජ්ජිත්ථ, නො ච තෙසං වෙදනාක්ඛන්ධො උප්පජ්ජති. චතුවොකාරං පඤ්චවොකාරං උපපජ්ජන්තානං තෙසං සඤ්ඤාක්ඛන්ධො ච උප්පජ්ජිත්ථ වෙදනාක්ඛන්ධො ච උප්පජ්ජති.

(ඛ) අනුලොමඔකාසො

70. (ක) යත්ථ රූපක්ඛන්ධො උප්පජ්ජති තත්ථ වෙදනාක්ඛන්ධො උප්පජ්ජිත්ථාති?

අසඤ්ඤසත්තෙ තත්ථ රූපක්ඛන්ධො උප්පජ්ජති, නො ච තත්ථ වෙදනාක්ඛන්ධො උප්පජ්ජිත්ථ. පඤ්චවොකාරෙ තත්ථ රූපක්ඛන්ධො ච උප්පජ්ජති වෙදනාක්ඛන්ධො ච උප්පජ්ජිත්ථ.

(ඛ) යත්ථ වා පන වෙදනාක්ඛන්ධො උප්පජ්ජිත්ථ තත්ථ රූපක්ඛන්ධො උප්පජ්ජතීති?

අරූපෙ තත්ථ වෙදනාක්ඛන්ධො උප්පජ්ජිත්ථ, නො ච තත්ථ රූපක්ඛන්ධො උප්පජ්ජති. පඤ්චවොකාරෙ තත්ථ වෙදනාක්ඛන්ධො ච උප්පජ්ජිත්ථ රූපක්ඛන්ධො ච උප්පජ්ජති.

71. (ක) යත්ථ වෙදනාක්ඛන්ධො උප්පජ්ජති තත්ථ සඤ්ඤාක්ඛන්ධො උප්පජ්ජිත්ථාති? ආමන්තා.

(ඛ) යත්ථ වා පන සඤ්ඤාක්ඛන්ධො උප්පජ්ජිත්ථ තත්ථ වෙදනාක්ඛන්ධො උප්පජ්ජතීති? ආමන්තා.

(ග) අනුලොමපුග්ගලොකාසා

72. (ක) යස්ස [Pg.37] යත්ථ රූපක්ඛන්ධො උප්පජ්ජති තස්ස තත්ථ වෙදනාක්ඛන්ධො උප්පජ්ජිත්ථාති?

සුද්ධාවාසං උපපජ්ජන්තානං අසඤ්ඤසත්තං උපපජ්ජන්තානං තෙසං තත්ථ රූපක්ඛන්ධො උප්පජ්ජති, නො ච තෙසං තත්ථ වෙදනාක්ඛන්ධො උප්පජ්ජිත්ථ. ඉතරෙසං පඤ්චවොකාරං උපපජ්ජන්තානං තෙසං තත්ථ රූපක්ඛන්ධො ච උප්පජ්ජති වෙදනාක්ඛන්ධො ච උප්පජ්ජිත්ථ.

(ඛ) යස්ස වා පන යත්ථ වෙදනාක්ඛන්ධො උප්පජ්ජිත්ථ තස්ස තත්ථ රූපක්ඛන්ධො උප්පජ්ජතීති?

පඤ්චවොකාරා චවන්තානං අරූපානං තෙසං තත්ථ වෙදනාක්ඛන්ධො උප්පජ්ජිත්ථ, නො ච තෙසං තත්ථ රූපක්ඛන්ධො උප්පජ්ජති. පඤ්චවොකාරං උපපජ්ජන්තානං තෙසං තත්ථ වෙදනාක්ඛන්ධො ච උප්පජ්ජිත්ථ රූපක්ඛන්ධො ච උප්පජ්ජති.

73. (ක) යස්ස යත්ථ වෙදනාක්ඛන්ධො උප්පජ්ජති තස්ස තත්ථ සඤ්ඤාක්ඛන්ධො උප්පජ්ජිත්ථාති?

සුද්ධාවාසං උපපජ්ජන්තානං තෙසං තත්ථ වෙදනාක්ඛන්ධො උප්පජ්ජති, නො ච තෙසං තත්ථ සඤ්ඤාක්ඛන්ධො උප්පජ්ජිත්ථ. ඉතරෙසං චතුවොකාරං පඤ්චවොකාරං උපපජ්ජන්තානං තෙසං තත්ථ වෙදනාක්ඛන්ධො ච උප්පජ්ජති සඤ්ඤාක්ඛන්ධො ච උප්පජ්ජිත්ථ.

(ඛ) යස්ස වා පන යත්ථ සඤ්ඤාක්ඛන්ධො උප්පජ්ජිත්ථ තස්ස තත්ථ වෙදනාක්ඛන්ධො උප්පජ්ජතීති?

චතුවොකාරා පඤ්චවොකාරා චවන්තානං තෙසං තත්ථ සඤ්ඤාක්ඛන්ධො උප්පජ්ජිත්ථ, නො ච තෙසං තත්ථ වෙදනාක්ඛන්ධො උප්පජ්ජති. චතුවොකාරං පඤ්චවොකාරං උපපජ්ජන්තානං තෙසං තත්ථ සඤ්ඤාක්ඛන්ධො ච උප්පජ්ජිත්ථ වෙදනාක්ඛන්ධො ච උප්පජ්ජති.

(ඝ) පච්චනීකපුග්ගලො

74. (ක) යස්ස රූපක්ඛන්ධො නුප්පජ්ජති තස්ස වෙදනාක්ඛන්ධො නුප්පජ්ජිත්ථාති? උප්පජ්ජිත්ථ.

(ඛ) යස්ස වා පන වෙදනාක්ඛන්ධො නුප්පජ්ජිත්ථ තස්ස රූපක්ඛන්ධො නුප්පජ්ජතීති? නත්ථි.

75. (ක) යස්ස වෙදනාක්ඛන්ධො නුප්පජ්ජති තස්ස සඤ්ඤාක්ඛන්ධො නුප්පජ්ජිත්ථාති? උප්පජ්ජිත්ථ.

(ඛ) යස්ස වා පන සඤ්ඤාක්ඛන්ධො නුප්පජ්ජිත්ථ තස්ස වෙදනාක්ඛන්ධො නුප්පජ්ජතීති? නත්ථි.

(ඞ) පච්චනීකඔකාසො

76. (ක) යත්ථ රූපක්ඛන්ධො නුප්පජ්ජති තත්ථ වෙදනාක්ඛන්ධො නුප්පජ්ජිත්ථාති? උප්පජ්ජිත්ථ.

(ඛ) යත්ථ වා පන වෙදනාක්ඛන්ධො නුප්පජ්ජිත්ථ තත්ථ රූපක්ඛන්ධො නුප්පජ්ජතීති? උප්පජ්ජති.

77. (ක) යත්ථ [Pg.38] වෙදනාක්ඛන්ධො නුප්පජ්ජති තත්ථ සඤ්ඤාක්ඛන්ධො නුප්පජ්ජිත්ථාති? ආමන්තා.

(ඛ) යත්ථ වා පන සඤ්ඤාක්ඛන්ධො නුප්පජ්ජිත්ථ තත්ථ වෙදනාක්ඛන්ධො නුප්පජ්ජතීති? ආමන්තා.

(ච) පච්චනීකපුග්ගලොකාසා

78. (ක) යස්ස යත්ථ රූපක්ඛන්ධො නුප්පජ්ජති තස්ස තත්ථ වෙදනාක්ඛන්ධො නුප්පජ්ජිත්ථාති?

පඤ්චවොකාරා චවන්තානං අරූපානං තෙසං තත්ථ රූපක්ඛන්ධො නුප්පජ්ජති, නො ච තෙසං තත්ථ වෙදනාක්ඛන්ධො නුප්පජ්ජිත්ථ. සුද්ධාවාසෙ පරිනිබ්බන්තානං අසඤ්ඤසත්තා චවන්තානං තෙසං තත්ථ රූපක්ඛන්ධො ච නුප්පජ්ජති වෙදනාක්ඛන්ධො ච නුප්පජ්ජිත්ථ.

(ඛ) යස්ස වා පන යත්ථ වෙදනාක්ඛන්ධො නුප්පජ්ජිත්ථ තස්ස තත්ථ රූපක්ඛන්ධො නුප්පජ්ජතීති?

සුද්ධාවාසං උපපජ්ජන්තානං අසඤ්ඤසත්තං උපපජ්ජන්තානං තෙසං තත්ථ වෙදනාක්ඛන්ධො නුප්පජ්ජිත්ථ, නො ච තෙසං තත්ථ රූපක්ඛන්ධො නුප්පජ්ජති. සුද්ධාවාසෙ පරිනිබ්බන්තානං අසඤ්ඤසත්තා චවන්තානං තෙසං තත්ථ වෙදනාක්ඛන්ධො ච නුප්පජ්ජිත්ථ රූපක්ඛන්ධො ච නුප්පජ්ජති.

79. (ක) යස්ස යත්ථ වෙදනාක්ඛන්ධො නුප්පජ්ජති තස්ස තත්ථ සඤ්ඤාක්ඛන්ධො නුප්පජ්ජිත්ථාති?

චතුවොකාරා පඤ්චවොකාරා චවන්තානං තෙසං තත්ථ වෙදනාක්ඛන්ධො නුප්පජ්ජති, නො ච තෙසං තත්ථ සඤ්ඤාක්ඛන්ධො නුප්පජ්ජිත්ථ. සුද්ධාවාසෙ පරිනිබ්බන්තානං අසඤ්ඤසත්තානං තෙසං තත්ථ වෙදනාක්ඛන්ධො ච නුප්පජ්ජති සඤ්ඤාක්ඛන්ධො ච නුප්පජ්ජිත්ථ.

(ඛ) යස්ස වා පන යත්ථ සඤ්ඤාක්ඛන්ධො නුප්පජ්ජිත්ථ තස්ස තත්ථ වෙදනාක්ඛන්ධො නුප්පජ්ජතීති?

සුද්ධාවාසං උපපජ්ජන්තානං තෙසං තත්ථ සඤ්ඤාක්ඛන්ධො නුප්පජ්ජිත්ථ, නො ච තෙසං තත්ථ වෙදනාක්ඛන්ධො නුප්පජ්ජති. සුද්ධාවාසෙ පරිනිබ්බන්තානං අසඤ්ඤසත්තානං තෙසං තත්ථ සඤ්ඤාක්ඛන්ධො ච නුප්පජ්ජිත්ථ වෙදනාක්ඛන්ධො ච නුප්පජ්ජති.

(5) පච්චුප්පන්නානාගතවාරො

(ක) අනුලොමපුග්ගලො

80. (ක) යස්ස රූපක්ඛන්ධො උප්පජ්ජති තස්ස වෙදනාක්ඛන්ධො උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං තෙසං රූපක්ඛන්ධො උප්පජ්ජති, නො ච තෙසං වෙදනාක්ඛන්ධො උප්පජ්ජිස්සති. ඉතරෙසං පඤ්චවොකාරං උපපජ්ජන්තානං අසඤ්ඤසත්තං උපපජ්ජන්තානං තෙසං රූපක්ඛන්ධො ච උප්පජ්ජති වෙදනාක්ඛන්ධො ච උප්පජ්ජිස්සති[Pg.39].

(ඛ) යස්ස වා පන වෙදනාක්ඛන්ධො උප්පජ්ජිස්සති තස්ස රූපක්ඛන්ධො උප්පජ්ජතීති?

සබ්බෙසං චවන්තානං අරූපං උපපජ්ජන්තානං තෙසං වෙදනාක්ඛන්ධො උප්පජ්ජිස්සති, නො ච තෙසං රූපක්ඛන්ධො උප්පජ්ජති. පඤ්චවොකාරං උපපජ්ජන්තානං අසඤ්ඤසත්තං උපපජ්ජන්තානං තෙසං වෙදනාක්ඛන්ධො ච උප්පජ්ජිස්සති රූපක්ඛන්ධො ච උප්පජ්ජති.

81. (ක) යස්ස වෙදනාක්ඛන්ධො උප්පජ්ජති තස්ස සඤ්ඤාක්ඛන්ධො උප්පජ්ජිස්සතීති?

පච්ඡිමභවිකානං උපපජ්ජන්තානං තෙසං වෙදනාක්ඛන්ධො උප්පජ්ජති, නො ච තෙසං සඤ්ඤාක්ඛන්ධො උප්පජ්ජිස්සති. ඉතරෙසං චතුවොකාරං පඤ්චවොකාරං උපපජ්ජන්තානං තෙසං වෙදනාක්ඛන්ධො ච උප්පජ්ජති සඤ්ඤාක්ඛන්ධො ච උප්පජ්ජිස්සති.

(ඛ) යස්ස වා පන සඤ්ඤාක්ඛන්ධො උප්පජ්ජිස්සති තස්ස වෙදනාක්ඛන්ධො උප්පජ්ජතීති?

සබ්බෙසං චවන්තානං අසඤ්ඤසත්තං උපපජ්ජන්තානං තෙසං සඤ්ඤාක්ඛන්ධො උප්පජ්ජිස්සති, නො ච තෙසං වෙදනාක්ඛන්ධො උප්පජ්ජති. චතුවොකාරං පඤ්චවොකාරං උපපජ්ජන්තානං තෙසං සඤ්ඤාක්ඛන්ධො ච උප්පජ්ජිස්සති වෙදනාක්ඛන්ධො ච උප්පජ්ජති.

(ඛ) අනුලොමඔකාසො

82. (ක) යත්ථ රූපක්ඛන්ධො උප්පජ්ජති තත්ථ වෙදනාක්ඛන්ධො උප්පජ්ජිස්සතීති?

අසඤ්ඤසත්තෙ තත්ථ රූපක්ඛන්ධො උප්පජ්ජති, නො ච තත්ථ වෙදනාක්ඛන්ධො උප්පජ්ජිස්සති. පඤ්චවොකාරෙ තත්ථ රූපක්ඛන්ධො ච උප්පජ්ජති වෙදනාක්ඛන්ධො ච උප්පජ්ජිස්සති.

(ඛ) යත්ථ වා පන වෙදනාක්ඛන්ධො උප්පජ්ජිස්සති තත්ථ රූපක්ඛන්ධො උප්පජ්ජතීති?

අරූපෙ තත්ථ වෙදනාක්ඛන්ධො උප්පජ්ජිස්සති, නො ච තත්ථ රූපක්ඛන්ධො උප්පජ්ජති. පඤ්චවොකාරෙ තත්ථ වෙදනාක්ඛන්ධො ච උප්පජ්ජිස්සති රූපක්ඛන්ධො ච උප්පජ්ජති.

83. (ක) යත්ථ වෙදනාක්ඛන්ධො උප්පජ්ජති තත්ථ සඤ්ඤාක්ඛන්ධො උප්පජ්ජිස්සතීති? ආමන්තා.

(ඛ) යත්ථ වා පන සඤ්ඤාක්ඛන්ධො උප්පජ්ජිස්සති තත්ථ වෙදනාක්ඛන්ධො උප්පජ්ජතීති? ආමන්තා.

(ග) අනුලොමපුග්ගලොකාසා

84. (ක) යස්ස යත්ථ රූපක්ඛන්ධො උප්පජ්ජති තස්ස තත්ථ වෙදනාක්ඛන්ධො උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං අසඤ්ඤසත්තං උපපජ්ජන්තානං තෙසං තත්ථ රූපක්ඛන්ධො උප්පජ්ජති, නො ච තෙසං තත්ථ වෙදනාක්ඛන්ධො උප්පජ්ජිස්සති. ඉතරෙසං පඤ්චවොකාරං උපපජ්ජන්තානං තෙසං තත්ථ [Pg.40] රූපක්ඛන්ධො ච උප්පජ්ජති වෙදනාක්ඛන්ධො ච උප්පජ්ජිස්සති.

(ඛ) යස්ස වා පන යත්ථ වෙදනාක්ඛන්ධො උප්පජ්ජිස්සති තස්ස තත්ථ රූපක්ඛන්ධො උප්පජ්ජතීති?

පඤ්චවොකාරා චවන්තානං අරූපානං තෙසං තත්ථ වෙදනාක්ඛන්ධො උප්පජ්ජිස්සති, නො ච තෙසං තත්ථ රූපක්ඛන්ධො උප්පජ්ජති. පඤ්චවොකාරං උපපජ්ජන්තානං තෙසං තත්ථ වෙදනාක්ඛන්ධො ච උප්පජ්ජිස්සති රූපක්ඛන්ධො ච උප්පජ්ජති.

85. (ක) යස්ස යත්ථ වෙදනාක්ඛන්ධො උප්පජ්ජති තස්ස තත්ථ සඤ්ඤාක්ඛන්ධො උප්පජ්ජිස්සතීති?

පච්ඡිමභවිකානං උපපජ්ජන්තානං තෙසං තත්ථ වෙදනාක්ඛන්ධො උප්පජ්ජති, නො ච තෙසං තත්ථ සඤ්ඤාක්ඛන්ධො උප්පජ්ජිස්සති. ඉතරෙසං චතුවොකාරං පඤ්චවොකාරං උපපජ්ජන්තානං තෙසං තත්ථ වෙදනාක්ඛන්ධො ච උප්පජ්ජති සඤ්ඤාක්ඛන්ධො ච උප්පජ්ජිස්සති.

(ඛ) යස්ස වා පන යත්ථ සඤ්ඤාක්ඛන්ධො උප්පජ්ජිස්සති තස්ස තත්ථ වෙදනාක්ඛන්ධො උප්පජ්ජතීති?

චතුවොකාරා පඤ්චවොකාරා චවන්තානං තෙසං තත්ථ සඤ්ඤාක්ඛන්ධො උප්පජ්ජිස්සති, නො ච තෙසං තත්ථ වෙදනාක්ඛන්ධො උප්පජ්ජති. චතුවොකාරං පඤ්චවොකාරං උපපජ්ජන්තානං තෙසං තත්ථ සඤ්ඤාක්ඛන්ධො ච උප්පජ්ජිස්සති වෙදනාක්ඛන්ධො ච උප්පජ්ජති.

(ඝ) පච්චනීකපුග්ගලො

86. (ක) යස්ස රූපක්ඛන්ධො නුප්පජ්ජති තස්ස වෙදනාක්ඛන්ධො නුප්පජ්ජිස්සතීති?

සබ්බෙසං චවන්තානං අරූපං උපපජ්ජන්තානං තෙසං රූපක්ඛන්ධො නුප්පජ්ජති, නො ච තෙසං වෙදනාක්ඛන්ධො නුප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං රූපක්ඛන්ධො ච නුප්පජ්ජති වෙදනාක්ඛන්ධො ච නුප්පජ්ජිස්සති.

(ඛ) යස්ස වා පන වෙදනාක්ඛන්ධො නුප්පජ්ජිස්සති තස්ස රූපක්ඛන්ධො නුප්පජ්ජතීති?

පච්ඡිමභවිකානං පඤ්චවොකාරං උපපජ්ජන්තානං තෙසං වෙදනාක්ඛන්ධො නුප්පජ්ජිස්සති, නො ච තෙසං රූපක්ඛන්ධො නුප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං වෙදනාක්ඛන්ධො ච නුප්පජ්ජිස්සති රූපක්ඛන්ධො ච නුප්පජ්ජති.

87. (ක) යස්ස වෙදනාක්ඛන්ධො නුප්පජ්ජති තස්ස සඤ්ඤාක්ඛන්ධො නුප්පජ්ජිස්සතීති?

සබ්බෙසං චවන්තානං අසඤ්ඤසත්තං උපපජ්ජන්තානං තෙසං වෙදනාක්ඛන්ධො නුප්පජ්ජති, නො ච තෙසං සඤ්ඤාක්ඛන්ධො නුප්පජ්ජිස්සති. පරිනිබ්බන්තානං තෙසං වෙදනාක්ඛන්ධො ච නුප්පජ්ජති සඤ්ඤාක්ඛන්ධො ච නුප්පජ්ජිස්සති.

(ඛ) යස්ස වා පන සඤ්ඤාක්ඛන්ධො නුප්පජ්ජිස්සති තස්ස වෙදනාක්ඛන්ධො නුප්පජ්ජතීති?

පච්ඡිමභවිකානං උපපජ්ජන්තානං [Pg.41] තෙසං සඤ්ඤාක්ඛන්ධො නුප්පජ්ජිස්සති, නො ච තෙසං වෙදනාක්ඛන්ධො නුප්පජ්ජති. පරිනිබ්බන්තානං තෙසං සඤ්ඤාක්ඛන්ධො ච නුප්පජ්ජිස්සති වෙදනාක්ඛන්ධො ච නුප්පජ්ජති.

(ඞ) පච්චනීකඔකාසො

88. (ක) යත්ථ රූපක්ඛන්ධො නුප්පජ්ජති තත්ථ වෙදනාක්ඛන්ධො නුප්පජ්ජිස්සතීති? උප්පජ්ජිස්සති.

(ඛ) යත්ථ වා පන වෙදනාක්ඛන්ධො නුප්පජ්ජිස්සති තත්ථ රූපක්ඛන්ධො නුප්පජ්ජතීති? උප්පජ්ජති.

89. (ක) යත්ථ වෙදනාක්ඛන්ධො නුප්පජ්ජති තත්ථ සඤ්ඤාක්ඛන්ධො නුප්පජ්ජිස්සතීති? ආමන්තා.

(ඛ) යත්ථ වා පන සඤ්ඤාක්ඛන්ධො නුප්පජ්ජිස්සති තත්ථ වෙදනාක්ඛන්ධො නුප්පජ්ජතීති? ආමන්තා.

(ච) පච්චනීකපුග්ගලොකාසා

90. (ක) යස්ස යත්ථ රූපක්ඛන්ධො නුප්පජ්ජති තස්ස තත්ථ වෙදනාක්ඛන්ධො නුප්පජ්ජිස්සතීති?

පඤ්චවොකාරා චවන්තානං අරූපානං තෙසං තත්ථ රූපක්ඛන්ධො නුප්පජ්ජති, නො ච තෙසං තත්ථ වෙදනාක්ඛන්ධො නුප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං අසඤ්ඤසත්තා චවන්තානං තෙසං තත්ථ රූපක්ඛන්ධො ච නුප්පජ්ජති වෙදනාක්ඛන්ධො ච නුප්පජ්ජිස්සති.

(ඛ) යස්ස වා පන යත්ථ වෙදනාක්ඛන්ධො නුප්පජ්ජිස්සති තස්ස තත්ථ රූපක්ඛන්ධො නුප්පජ්ජතීති?

පච්ඡිමභවිකානං පඤ්චවොකාරං උපපජ්ජන්තානං අසඤ්ඤසත්තං උපපජ්ජන්තානං තෙසං තත්ථ වෙදනාක්ඛන්ධො නුප්පජ්ජිස්සති, නො ච තෙසං තත්ථ රූපක්ඛන්ධො නුප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං අසඤ්ඤසත්තා චවන්තානං තෙසං තත්ථ වෙදනාක්ඛන්ධො ච නුප්පජ්ජිස්සති රූපක්ඛන්ධො ච නුප්පජ්ජති.

91. (ක) යස්ස යත්ථ වෙදනාක්ඛන්ධො නුප්පජ්ජති තස්ස තත්ථ සඤ්ඤාක්ඛන්ධො නුප්පජ්ජිස්සතීති?

චතුවොකාරා පඤ්චවොකාරා චවන්තානං තෙසං තත්ථ වෙදනාක්ඛන්ධො නුප්පජ්ජති, නො ච තෙසං තත්ථ සඤ්ඤාක්ඛන්ධො නුප්පජ්ජිස්සති. පරිනිබ්බන්තානං අසඤ්ඤසත්තානං තෙසං තත්ථ වෙදනාක්ඛන්ධො ච නුප්පජ්ජති සඤ්ඤාක්ඛන්ධො ච නුප්පජ්ජිස්සති.

(ඛ) යස්ස වා පන යත්ථ සඤ්ඤාක්ඛන්ධො නුප්පජ්ජිස්සති තස්ස තත්ථ වෙදනාක්ඛන්ධො නුප්පජ්ජතීති?

පච්ඡිමභවිකානං උපපජ්ජන්තානං තෙසං [Pg.42] තත්ථ සඤ්ඤාක්ඛන්ධො නුප්පජ්ජිස්සති, නො ච තෙසං තත්ථ වෙදනාක්ඛන්ධො නුප්පජ්ජති. පරිනිබ්බන්තානං අසඤ්ඤසත්තානං තෙසං තත්ථ සඤ්ඤාක්ඛන්ධො ච නුප්පජ්ජිස්සති වෙදනාක්ඛන්ධො ච නුප්පජ්ජති.

(6) අතීතානාගතවාරො

(ක) අනුලොමපුග්ගලො

92. (ක) යස්ස රූපක්ඛන්ධො උප්පජ්ජිත්ථ තස්ස වෙදනාක්ඛන්ධො උප්පජ්ජිස්සතීති?

පච්ඡිමභවිකානං තෙසං රූපක්ඛන්ධො උප්පජ්ජිත්ථ, නො ච තෙසං වෙදනාක්ඛන්ධො උප්පජ්ජිස්සති. ඉතරෙසං තෙසං රූපක්ඛන්ධො ච උප්පජ්ජිත්ථ වෙදනාක්ඛන්ධො ච උප්පජ්ජිස්සති.

(ඛ) යස්ස වා පන වෙදනාක්ඛන්ධො උප්පජ්ජිස්සති තස්ස රූපක්ඛන්ධො උප්පජ්ජිත්ථාති? ආමන්තා.

93. (ක) යස්ස වෙදනාක්ඛන්ධො උප්පජ්ජිත්ථ තස්ස සඤ්ඤාක්ඛන්ධො උප්පජ්ජිස්සතීති?

පච්ඡිමභවිකානං තෙසං වෙදනාක්ඛන්ධො උප්පජ්ජිත්ථ, නො ච තෙසං සඤ්ඤාක්ඛන්ධො උප්පජ්ජිස්සති. ඉතරෙසං තෙසං වෙදනාක්ඛන්ධො ච උප්පජ්ජිත්ථ සඤ්ඤාක්ඛන්ධො ච උප්පජ්ජිස්සති.

(ඛ) යස්ස වා පන සඤ්ඤාක්ඛන්ධො උප්පජ්ජිස්සති තස්ස වෙදනාක්ඛන්ධො උප්පජ්ජිත්ථාති? ආමන්තා.

(ඛ) අනුලොමඔකාසො

94. (ක) යත්ථ රූපක්ඛන්ධො උප්පජ්ජිත්ථ තත්ථ වෙදනාක්ඛන්ධො උප්පජ්ජිස්සතීති?

අසඤ්ඤසත්තෙ තත්ථ රූපක්ඛන්ධො උප්පජ්ජිත්ථ, නො ච තත්ථ වෙදනාක්ඛන්ධො උප්පජ්ජිස්සති. පඤ්චවොකාරෙ තත්ථ රූපක්ඛන්ධො ච උප්පජ්ජිත්ථ වෙදනාක්ඛන්ධො ච උප්පජ්ජිස්සති.

(ඛ) යත්ථ වා පන වෙදනාක්ඛන්ධො උප්පජ්ජිස්සති තත්ථ රූපක්ඛන්ධො උප්පජ්ජිත්ථාති?

අරූපෙ තත්ථ වෙදනාක්ඛන්ධො උප්පජ්ජිස්සති, නො ච තත්ථ රූපක්ඛන්ධො උප්පජ්ජිත්ථ. පඤ්චවොකාරෙ තත්ථ වෙදනාක්ඛන්ධො ච උප්පජ්ජිස්සති රූපක්ඛන්ධො ච උප්පජ්ජිත්ථ.

95. (ක) යත්ථ වෙදනාක්ඛන්ධො උප්පජ්ජිත්ථ තත්ථ සඤ්ඤාක්ඛන්ධො උප්පජ්ජිස්සතීති? ආමන්තා.

(ඛ) යත්ථ වා පන සඤ්ඤාක්ඛන්ධො උප්පජ්ජිස්සති තත්ථ වෙදනාක්ඛන්ධො උප්පජ්ජිත්ථාති? ආමන්තා.

(ග) අනුලොමපුග්ගලොකාසා

96. (ක) යස්ස [Pg.43] යත්ථ රූපක්ඛන්ධො උප්පජ්ජිත්ථ තස්ස තත්ථ වෙදනාක්ඛන්ධො උප්පජ්ජිස්සතීති?

පඤ්චවොකාරෙ පච්ඡිමභවිකානං අසඤ්ඤසත්තානං තෙසං තත්ථ රූපක්ඛන්ධො උප්පජ්ජිත්ථ, නො ච තෙසං තත්ථ වෙදනාක්ඛන්ධො උප්පජ්ජිස්සති. ඉතරෙසං පඤ්චවොකාරානං තෙසං තත්ථ රූපක්ඛන්ධො ච උප්පජ්ජිත්ථ වෙදනාක්ඛන්ධො ච උප්පජ්ජිස්සති.

(ඛ) යස්ස වා පන යත්ථ වෙදනාක්ඛන්ධො උප්පජ්ජිස්සති තස්ස තත්ථ රූපක්ඛන්ධො උප්පජ්ජිත්ථාති?

අරූපානං තෙසං තත්ථ වෙදනාක්ඛන්ධො උප්පජ්ජිස්සති, නො ච තෙසං තත්ථ රූපක්ඛන්ධො උප්පජ්ජිත්ථ. පඤ්චවොකාරානං තෙසං තත්ථ වෙදනාක්ඛන්ධො ච උප්පජ්ජිස්සති රූපක්ඛන්ධො ච උප්පජ්ජිත්ථ.

97. (ක) යස්ස යත්ථ වෙදනාක්ඛන්ධො උප්පජ්ජිත්ථ තස්ස තත්ථ සඤ්ඤාක්ඛන්ධො උප්පජ්ජිස්සතීති?

පච්ඡිමභවිකානං තෙසං තත්ථ වෙදනාක්ඛන්ධො උප්පජ්ජිත්ථ, නො ච තෙසං තත්ථ සඤ්ඤාක්ඛන්ධො උප්පජ්ජිස්සති. ඉතරෙසං චතුවොකාරානං පඤ්චවොකාරානං තෙසං තත්ථ වෙදනාක්ඛන්ධො ච උප්පජ්ජිත්ථ සඤ්ඤාක්ඛන්ධො ච උප්පජ්ජිස්සති.

(ඛ) යස්ස වා පන යත්ථ සඤ්ඤාක්ඛන්ධො උප්පජ්ජිස්සති තස්ස තත්ථ වෙදනාක්ඛන්ධො උප්පජ්ජිත්ථාති? ආමන්තා.

(ඝ) පච්චනීකපුග්ගලො

98. (ක) යස්ස රූපක්ඛන්ධො නුප්පජ්ජිත්ථ තස්ස වෙදනාක්ඛන්ධො නුප්පජ්ජිස්සතීති? නත්ථි.

(ඛ) යස්ස වා පන වෙදනාක්ඛන්ධො නුප්පජ්ජිස්සති තස්ස රූපක්ඛන්ධො නුප්පජ්ජිත්ථාති? උප්පජ්ජිත්ථ.

99. (ක) යස්ස වෙදනාක්ඛන්ධො නුප්පජ්ජිත්ථ තස්ස සඤ්ඤාක්ඛන්ධො නුප්පජ්ජිස්සතීති? නත්ථි.

(ඛ) යස්ස වා පන සඤ්ඤාක්ඛන්ධො නුප්පජ්ජිස්සති තස්ස වෙදනාක්ඛන්ධො නුප්පජ්ජිත්ථාති? උප්පජ්ජිත්ථ.

(ඞ) පච්චනීකඔකාසො

100. (ක) යත්ථ රූපක්ඛන්ධො නුප්පජ්ජිත්ථ තත්ථ වෙදනාක්ඛන්ධො නුප්පජ්ජිස්සතීති? උප්පජ්ජිස්සති.

(ඛ) යත්ථ වා පන වෙදනාක්ඛන්ධො නුප්පජ්ජිස්සති තත්ථ රූපක්ඛන්ධො නුප්පජ්ජිත්ථාති? උප්පජ්ජිත්ථ.

101. (ක) යත්ථ වෙදනාක්ඛන්ධො නුප්පජ්ජිත්ථ තත්ථ සඤ්ඤාක්ඛන්ධො නුප්පජ්ජිස්සතීති? ආමන්තා.

(ඛ) යත්ථ වා පන සඤ්ඤාක්ඛන්ධො නුප්පජ්ජිස්සති තත්ථ වෙදනාක්ඛන්ධො නුප්පජ්ජිත්ථාති? ආමන්තා.

(ච) පච්චනීකපුග්ගලොකාසා

102. (ක) යස්ස [Pg.44] යත්ථ රූපක්ඛන්ධො නුප්පජ්ජිත්ථ තස්ස තත්ථ වෙදනාක්ඛන්ධො නුප්පජ්ජිස්සතීති?

අරූපානං තෙසං තත්ථ රූපක්ඛන්ධො නුප්පජ්ජිත්ථ, නො ච තෙසං තත්ථ වෙදනාක්ඛන්ධො නුප්පජ්ජිස්සති. සුද්ධාවාසානං අරූපෙ පච්ඡිමභවිකානං තෙසං තත්ථ රූපක්ඛන්ධො ච නුප්පජ්ජිත්ථ වෙදනාක්ඛන්ධො ච නුප්පජ්ජිස්සති.

(ඛ) යස්ස වා පන යත්ථ වෙදනාක්ඛන්ධො නුප්පජ්ජිස්සති තස්ස තත්ථ රූපක්ඛන්ධො නුප්පජ්ජිත්ථාති?

පඤ්චවොකාරෙ පච්ඡිමභවිකානං අසඤ්ඤසත්තානං තෙසං තත්ථ වෙදනාක්ඛන්ධො නුප්පජ්ජිස්සති, නො ච තෙසං තත්ථ රූපක්ඛන්ධො නුප්පජ්ජිත්ථ. සුද්ධාවාසානං අරූපෙ පච්ඡිමභවිකානං තෙසං තත්ථ වෙදනාක්ඛන්ධො ච නුප්පජ්ජිස්සති රූපක්ඛන්ධො ච නුප්පජ්ජිත්ථ.

103. (ක) යස්ස යත්ථ වෙදනාක්ඛන්ධො නුප්පජ්ජිත්ථ තස්ස තත්ථ සඤ්ඤාක්ඛන්ධො නුප්පජ්ජිස්සතීති? ආමන්තා.

(ඛ) යස්ස වා පන යත්ථ සඤ්ඤාක්ඛන්ධො නුප්පජ්ජිස්සති තස්ස තත්ථ වෙදනාක්ඛන්ධො නුප්පජ්ජිත්ථාති?

පච්ඡිමභවිකානං තෙසං තත්ථ සඤ්ඤාක්ඛන්ධො නුප්පජ්ජිස්සති, නො ච තෙසං තත්ථ වෙදනාක්ඛන්ධො නුප්පජ්ජිත්ථ. සුද්ධාවාසානං අසඤ්ඤසත්තානං තෙසං තත්ථ සඤ්ඤාක්ඛන්ධො ච නුප්පජ්ජිස්සති වෙදනාක්ඛන්ධො ච නුප්පජ්ජිත්ථ.

උප්පාදවාරො නිට්ඨිතො.

2. පවත්ති 2. නිරොධවාරො

(1) පච්චුප්පන්නවාරො

(ක) අනුලොමපුග්ගලො

104. (ක) යස්ස රූපක්ඛන්ධො නිරුජ්ඣති තස්ස වෙදනාක්ඛන්ධො නිරුජ්ඣතීති?

අසඤ්ඤසත්තා චවන්තානං තෙසං රූපක්ඛන්ධො නිරුජ්ඣති, නො ච තෙසං වෙදනාක්ඛන්ධො නිරුජ්ඣති. පඤ්චවොකාරා චවන්තානං තෙසං රූපක්ඛන්ධො ච නිරුජ්ඣති වෙදනාක්ඛන්ධො ච නිරුජ්ඣති.

(ඛ) යස්ස වා පන වෙදනාක්ඛන්ධො නිරුජ්ඣති තස්ස රූපක්ඛන්ධො නිරුජ්ඣතීති?

අරූපා චවන්තානං තෙසං වෙදනාක්ඛන්ධො නිරුජ්ඣති, නො ච තෙසං රූපක්ඛන්ධො නිරුජ්ඣති. පඤ්චවොකාරා චවන්තානං තෙසං වෙදනාක්ඛන්ධො ච නිරුජ්ඣති රූපක්ඛන්ධො ච නිරුජ්ඣති.

(ඛ) අනුලොමඔකාසො

105. (ක) යත්ථ [Pg.45] රූපක්ඛන්ධො නිරුජ්ඣති තත්ථ වෙදනාක්ඛන්ධො නිරුජ්ඣතීති?

අසඤ්ඤසත්තෙ තත්ථ රූපක්ඛන්ධො නිරුජ්ඣති, නො ච තත්ථ වෙදනාක්ඛන්ධො නිරුජ්ඣති. පඤ්චවොකාරෙ තත්ථ රූපක්ඛන්ධො ච නිරුජ්ඣති වෙදනාක්ඛන්ධො ච නිරුජ්ඣති.

(ඛ) යත්ථ වා පන වෙදනාක්ඛන්ධො නිරුජ්ඣති තත්ථ රූපක්ඛන්ධො නිරුජ්ඣතීති?

අරූපෙ තත්ථ වෙදනාක්ඛන්ධො නිරුජ්ඣති, නො ච තත්ථ රූපක්ඛන්ධො නිරුජ්ඣති. පඤ්චවොකාරෙ තත්ථ වෙදනාක්ඛන්ධො ච නිරුජ්ඣති රූපක්ඛන්ධො ච නිරුජ්ඣති.

(ග) අනුලොමපුග්ගලොකාසා

106. (ක) යස්ස යත්ථ රූපක්ඛන්ධො නිරුජ්ඣති තස්ස තත්ථ වෙදනාක්ඛන්ධො නිරුජ්ඣතීති?

අසඤ්ඤසත්තා චවන්තානං තෙසං තත්ථ රූපක්ඛන්ධො නිරුජ්ඣති, නො ච තෙසං තත්ථ වෙදනාක්ඛන්ධො නිරුජ්ඣති. පඤ්චවොකාරා චවන්තානං තෙසං තත්ථ රූපක්ඛන්ධො ච නිරුජ්ඣති වෙදනාක්ඛන්ධො ච නිරුජ්ඣති.

(ඛ) යස්ස වා පන යත්ථ වෙදනාක්ඛන්ධො නිරුජ්ඣති තස්ස තත්ථ රූපක්ඛන්ධො නිරුජ්ඣතීති?

අරූපා චවන්තානං තෙසං තත්ථ වෙදනාක්ඛන්ධො නිරුජ්ඣති, නො ච තෙසං තත්ථ රූපක්ඛන්ධො නිරුජ්ඣති. පඤ්චවොකාරා චවන්තානං තෙසං තත්ථ වෙදනාක්ඛන්ධො ච නිරුජ්ඣති රූපක්ඛන්ධො ච නිරුජ්ඣති.

(ඝ) පච්චනීකපුග්ගලො

107. (ක) යස්ස රූපක්ඛන්ධො න නිරුජ්ඣති තස්ස වෙදනාක්ඛන්ධො න නිරුජ්ඣතීති?

අරූපා චවන්තානං තෙසං රූපක්ඛන්ධො න නිරුජ්ඣති, නො ච තෙසං වෙදනාක්ඛන්ධො න නිරුජ්ඣති. සබ්බෙසං උපපජ්ජන්තානං තෙසං රූපක්ඛන්ධො ච න නිරුජ්ඣති වෙදනාක්ඛන්ධො ච න නිරුජ්ඣති.

(ඛ) යස්ස වා පන වෙදනාක්ඛන්ධො න නිරුජ්ඣති තස්ස රූපක්ඛන්ධො න නිරුජ්ඣතීති?

අසඤ්ඤසත්තා චවන්තානං තෙසං වෙදනාක්ඛන්ධො න නිරුජ්ඣති, නො ච තෙසං රූපක්ඛන්ධො න නිරුජ්ඣති. සබ්බෙසං උපපජ්ජන්තානං තෙසං වෙදනාක්ඛන්ධො ච න නිරුජ්ඣති රූපක්ඛන්ධො ච න නිරුජ්ඣති.

(ඞ) පච්චනීකඔකාසො

108. (ක) යත්ථ රූපක්ඛන්ධො න නිරුජ්ඣති තත්ථ වෙදනාක්ඛන්ධො න නිරුජ්ඣතීති? නිරුජ්ඣති.

(ඛ) යත්ථ වා පන වෙදනාක්ඛන්ධො න නිරුජ්ඣති තත්ථ රූපක්ඛන්ධො න නිරුජ්ඣතීති? නිරුජ්ඣති.

(ච) පච්චනීකපුග්ගලොකාසා

109. (ක) යස්ස [Pg.46] යත්ථ රූපක්ඛන්ධො න නිරුජ්ඣති තස්ස තත්ථ වෙදනාක්ඛන්ධො න නිරුජ්ඣතීති?

අරූපා චවන්තානං තෙසං තත්ථ රූපක්ඛන්ධො න නිරුජ්ඣති, නො ච තෙසං තත්ථ වෙදනාක්ඛන්ධො න නිරුජ්ඣති. සබ්බෙසං උපපජ්ජන්තානං තෙසං තත්ථ රූපක්ඛන්ධො ච න නිරුජ්ඣති වෙදනාක්ඛන්ධො ච න නිරුජ්ඣති.

(ඛ) යස්ස වා පන යත්ථ වෙදනාක්ඛන්ධො න නිරුජ්ඣති තස්ස තත්ථ රූපක්ඛන්ධො න නිරුජ්ඣතීති?

අසඤ්ඤසත්තා චවන්තානං තෙසං තත්ථ වෙදනාක්ඛන්ධො න නිරුජ්ඣති, නො ච තෙසං තත්ථ රූපක්ඛන්ධො න නිරුජ්ඣති. සබ්බෙසං උපපජ්ජන්තානං තෙසං තත්ථ වෙදනාක්ඛන්ධො ච න නිරුජ්ඣති රූපක්ඛන්ධො ච න නිරුජ්ඣති.

(2) අතීතවාරො

(ක) අනුලොමපුග්ගලො

110. (ක) යස්ස රූපක්ඛන්ධො නිරුජ්ඣිත්ථ තස්ස වෙදනාක්ඛන්ධො නිරුජ්ඣිත්ථාති? ආමන්තා.

(ඛ) යස්ස වා පන වෙදනාක්ඛන්ධො නිරුජ්ඣිත්ථ තස්ස රූපක්ඛන්ධො නිරුජ්ඣිත්ථාති? ආමන්තා.

(ඛ) අනුලොමඔකාසො

111. (ක) යත්ථ රූපක්ඛන්ධො නිරුජ්ඣිත්ථ තත්ථ වෙදනාක්ඛන්ධො නිරුජ්ඣිත්ථාති?

අසඤ්ඤසත්තෙ තත්ථ රූපක්ඛන්ධො නිරුජ්ඣත්ථ, නො ච තත්ථ වෙදනාක්ඛන්ධො නිරුජ්ඣිත්ථ. පඤ්චවොකාරෙ තත්ථ රූපක්ඛන්ධො ච නිරුජ්ඣිත්ථ වෙදනාක්ඛන්ධො ච නිරුජ්ඣිත්ථ.

(ඛ) යත්ථ වා පන වෙදනාක්ඛන්ධො නිරුජ්ඣිත්ථ තත්ථ රූපක්ඛන්ධො නිරුජ්ඣිත්ථාති?

අරූපෙ තත්ථ වෙදනාක්ඛන්ධො නිරුජ්ඣිත්ථ, නො ච තත්ථ රූපක්ඛන්ධො නිරුජ්ඣිත්ථ. පඤ්චවොකාරෙ තත්ථ වෙදනාක්ඛන්ධො ච නිරුජ්ඣිත්ථ රූපක්ඛන්ධො ච නිරුජ්ඣිත්ථ.

(ග) අනුලොමපුග්ගලොකාසා

112. (ක) යස්ස යත්ථ රූපක්ඛන්ධො නිරුජ්ඣිත්ථ තස්ස තත්ථ වෙදනාක්ඛන්ධො නිරුජ්ඣිත්ථාති?

අසඤ්ඤසත්තානං තෙසං තත්ථ රූපක්ඛන්ධො නිරුජ්ඣිත්ථ, නො ච තෙසං තත්ථ වෙදනාක්ඛන්ධො නිරුජ්ඣිත්ථ. පඤ්චවොකාරානං තෙසං තත්ථ රූපක්ඛන්ධො ච නිරුජ්ඣිත්ථ වෙදනාක්ඛන්ධො ච නිරුජ්ඣිත්ථ.

(ඛ) යස්ස වා පන යත්ථ වෙදනාක්ඛන්ධො නිරුජ්ඣිත්ථ තස්ස තත්ථ රූපක්ඛන්ධො නිරුජ්ඣිත්ථාති?

අරූපානං තෙසං [Pg.47] තත්ථ වෙදනාක්ඛන්ධො නිරුජ්ඣිත්ථ, නො ච තෙසං තත්ථ රූපක්ඛන්ධො නිරුජ්ඣිත්ථ. පඤ්චවොකාරානං තෙසං තත්ථ වෙදනාක්ඛන්ධො ච නිරුජ්ඣිත්ථ රූපක්ඛන්ධො ච නිරුජ්ඣිත්ථ.

(ඝ) පච්චනීකපුග්ගලො

113. (ක) යස්ස රූපක්ඛන්ධො න නිරුජ්ඣිත්ථ තස්ස වෙදනාක්ඛන්ධො න නිරුජ්ඣිත්ථාති? නත්ථි.

(ඛ) යස්ස වා පන වෙදනාක්ඛන්ධො න නිරුජ්ඣිත්ථ තස්ස රූපක්ඛන්ධො න නිරුජ්ඣිත්ථාති? නත්ථි.

(ඞ) පච්චනීකඔකාසො

114. (ක) යත්ථ රූපක්ඛන්ධො න නිරුජ්ඣිත්ථ තත්ථ වෙදනාක්ඛන්ධො න නිරුජ්ඣිත්ථාති? නිරුජ්ඣිත්ථ.

(ඛ) යත්ථ වා පන වෙදනාක්ඛන්ධො න නිරුජ්ඣිත්ථ තත්ථ රූපක්ඛන්ධො න නිරුජ්ඣිත්ථාති? නිරුජ්ඣිත්ථ.

(ච) පච්චනීකපුග්ගලොකාසා

115. (ක) යස්ස යත්ථ රූපක්ඛන්ධො න නිරුජ්ඣිත්ථ තස්ස තත්ථ වෙදනාක්ඛන්ධො න නිරුජ්ඣිත්ථාති?

අරූපානං තෙසං තත්ථ රූපක්ඛන්ධො න නිරුජ්ඣිත්ථ, නො ච තෙසං තත්ථ වෙදනාක්ඛන්ධො න නිරුජ්ඣිත්ථ. සුද්ධාවාසානං තෙසං තත්ථ රූපක්ඛන්ධො ච න නිරුජ්ඣිත්ථ වෙදනාක්ඛන්ධො ච න නිරුජ්ඣිත්ථ.

(ඛ) යස්ස වා පන යත්ථ වෙදනාක්ඛන්ධො න නිරුජ්ඣිත්ථ තස්ස තත්ථ රූපක්ඛන්ධො න නිරුජ්ඣිත්ථාති?

අසඤ්ඤසත්තානං තෙසං තත්ථ වෙදනාක්ඛන්ධො න නිරුජ්ඣිත්ථ, නො ච තෙසං තත්ථ රූපක්ඛන්ධො න නිරුජ්ඣිත්ථ. සුද්ධාවාසානං තෙසං තත්ථ වෙදනාක්ඛන්ධො ච න නිරුජ්ඣිත්ථ රූපක්ඛන්ධො ච න නිරුජ්ඣිත්ථ.

(3) අනාගතවාරො

(ක) අනුලොමපුග්ගලො

116. (ක) යස්ස රූපක්ඛන්ධො නිරුජ්ඣිස්සති තස්ස වෙදනාක්ඛන්ධො නිරුජ්ඣිස්සතීති? ආමන්තා.

(ඛ) යස්ස වා පන වෙදනාක්ඛන්ධො නිරුජ්ඣිස්සති තස්ස රූපක්ඛන්ධො නිරුජ්ඣිස්සතීති?

පච්ඡිමභවිකානං අරූපං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං වෙදනාක්ඛන්ධො නිරුජ්ඣිස්සති, නො ච තෙසං රූපක්ඛන්ධො නිරුජ්ඣිස්සති. ඉතරෙසං තෙසං වෙදනාක්ඛන්ධො ච නිරුජ්ඣිස්සති රූපක්ඛන්ධො ච නිරුජ්ඣිස්සති.

(ඛ) අනුලොමඔකාසො

117. (ක) යත්ථ [Pg.48] රූපක්ඛන්ධො නිරුජ්ඣිස්සති තත්ථ වෙදනාක්ඛන්ධො නිරුජ්ඣිස්සතීති?

අසඤ්ඤසත්තෙ තත්ථ රූපක්ඛන්ධො නිරුජ්ඣිස්සති, නො ච තත්ථ වෙදනාක්ඛන්ධො නිරුජ්ඣිස්සති. පඤ්චවොකාරෙ තත්ථ රූපක්ඛන්ධො ච නිරුජ්ඣිස්සති වෙදනාක්ඛන්ධො ච නිරුජ්ඣිස්සති.

(ඛ) යත්ථ වා පන වෙදනාක්ඛන්ධො නිරුජ්ඣිස්සති තත්ථ රූපක්ඛන්ධො නිරුජ්ඣිස්සතීති?

අරූපෙ තත්ථ වෙදනාක්ඛන්ධො නිරුජ්ඣිස්සති, නො ච තත්ථ රූපක්ඛන්ධො නිරුජ්ඣිස්සති. පඤ්චවොකාරෙ තත්ථ වෙදනාක්ඛන්ධො ච නිරුජ්ඣිස්සති රූපක්ඛන්ධො ච නිරුජ්ඣිස්සති.

(ග) අනුලොමපුග්ගලොකාසා

118. (ක) යස්ස යත්ථ රූපක්ඛන්ධො නිරුජ්ඣිස්සති තස්ස තත්ථ වෙදනාක්ඛන්ධො නිරුජ්ඣිස්සතීති?

අසඤ්ඤසත්තානං තෙසං තත්ථ රූපක්ඛන්ධො නිරුජ්ඣිස්සති, නො ච තෙසං තත්ථ වෙදනාක්ඛන්ධො නිරුජ්ඣිස්සති. පඤ්චවොකාරානං තෙසං තත්ථ රූපක්ඛන්ධො ච නිරුජ්ඣිස්සති වෙදනාක්ඛන්ධො ච නිරුජ්ඣිස්සති.

(ඛ) යස්ස වා පන යත්ථ වෙදනාක්ඛන්ධො නිරුජ්ඣිස්සති තස්ස තත්ථ රූපක්ඛන්ධො නිරුජ්ඣිස්සතීති?

අරූපානං තෙසං තත්ථ වෙදනාක්ඛන්ධො නිරුජ්ඣිස්සති, නො ච තෙසං තත්ථ රූපක්ඛන්ධො නිරුජ්ඣිස්සති. පඤ්චවොකාරානං තෙසං තත්ථ වෙදනාක්ඛන්ධො ච නිරුජ්ඣිස්සති රූපක්ඛන්ධො ච නිරුජ්ඣිස්සති.

(ඝ) පච්චනීකපුග්ගලො

119. (ක) යස්ස රූපක්ඛන්ධො න නිරුජ්ඣිස්සති තස්ස වෙදනාක්ඛන්ධො න නිරුජ්ඣිස්සතීති?

පච්ඡිමභවිකානං අරූපං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං රූපක්ඛන්ධො න නිරුජ්ඣිස්සති, නො ච තෙසං වෙදනාක්ඛන්ධො න නිරුජ්ඣිස්සති. පරිනිබ්බන්තානං තෙසං රූපක්ඛන්ධො ච න නිරුජ්ඣිස්සති වෙදනාක්ඛන්ධො ච න නිරුජ්ඣිස්සති.

(ඛ) යස්ස වා පන වෙදනාක්ඛන්ධො න නිරුජ්ඣිස්සති තස්ස රූපක්ඛන්ධො න නිරුජ්ඣිස්සතීති? ආමන්තා.

(ඞ) පච්චනීකඔකාසො

120. (ක) යත්ථ රූපක්ඛන්ධො න නිරුජ්ඣිස්සති තත්ථ වෙදනාක්ඛන්ධො න නිරුජ්ඣිස්සතීති? නිරුජ්ඣිස්සති.

(ඛ) යත්ථ වා පන වෙදනාක්ඛන්ධො න නිරුජ්ඣිස්සති තත්ථ රූපක්ඛන්ධො න නිරුජ්ඣිස්සතීති? නිරුජ්ඣිස්සති.

(ච) පච්චනීකපුග්ගලොකාසා

121. (ක) යස්ස [Pg.49] යත්ථ රූපක්ඛන්ධො න නිරුජ්ඣිස්සති තස්ස තත්ථ වෙදනාක්ඛන්ධො න නිරුජ්ඣිස්සතීති?

අරූපානං තෙසං තත්ථ රූපක්ඛන්ධො න නිරුජ්ඣිස්සති, නො ච තෙසං තත්ථ වෙදනාක්ඛන්ධො න නිරුජ්ඣිස්සති. පරිනිබ්බන්තානං තෙසං තත්ථ රූපක්ඛන්ධො ච න නිරුජ්ඣිස්සති වෙදනාක්ඛන්ධො ච න නිරුජ්ඣිස්සති.

(ඛ) යස්ස වා පන යත්ථ වෙදනාක්ඛන්ධො න නිරුජ්ඣිස්සති තස්ස තත්ථ රූපක්ඛන්ධො න නිරුජ්ඣිස්සතීති?

අසඤ්ඤසත්තානං තෙසං තත්ථ වෙදනාක්ඛන්ධො න නිරුජ්ඣිස්සති, නො ච තෙසං තත්ථ රූපක්ඛන්ධො න නිරුජ්ඣිස්සති. පරිනිබ්බන්තානං තෙසං තත්ථ වෙදනාක්ඛන්ධො ච න නිරුජ්ඣිස්සති රූපක්ඛන්ධො ච න නිරුජ්ඣිස්සති.

(4) පච්චුප්පන්නාතීතවාරො

(ක) අනුලොමපුග්ගලො

122. (ක) යස්ස රූපක්ඛන්ධො නිරුජ්ඣති තස්ස වෙදනාක්ඛන්ධො නිරුජ්ඣිත්ථාති? ආමන්තා.

(ඛ) යස්ස වා පන වෙදනාක්ඛන්ධො නිරුජ්ඣිත්ථ තස්ස රූපක්ඛන්ධො නිරුජ්ඣතීති?

සබ්බෙසං උපපජ්ජන්තානං අරූපා චවන්තානං තෙසං වෙදනාක්ඛන්ධො නිරුජ්ඣිත්ථ, නො ච තෙසං රූපක්ඛන්ධො නිරුජ්ඣති. පඤ්චවොකාරා චවන්තානං අසඤ්ඤසත්තා චවන්තානං තෙසං වෙදනාක්ඛන්ධො ච නිරුජ්ඣිත්ථ රූපක්ඛන්ධො ච නිරුජ්ඣති.

123. (ක) යස්ස වෙදනාක්ඛන්ධො නිරුජ්ඣති තස්ස සඤ්ඤාක්ඛන්ධො නිරුජ්ඣිත්ථාති? ආමන්තා.

(ඛ) යස්ස වා පන සඤ්ඤාක්ඛන්ධො නිරුජ්ඣිත්ථ තස්ස වෙදනාක්ඛන්ධො නිරුජ්ඣතීති?

සබ්බෙසං උපපජ්ජන්තානං අසඤ්ඤසත්තා චවන්තානං තෙසං සඤ්ඤාක්ඛන්ධො නිරුජ්ඣිත්ථ, නො ච තෙසං වෙදනාක්ඛන්ධො නිරුජ්ඣති. චතුවොකාරා පඤ්චවොකාරා චවන්තානං තෙසං සඤ්ඤාක්ඛන්ධො ච නිරුජ්ඣිත්ථ වෙදනාක්ඛන්ධො ච නිරුජ්ඣති.

(ඛ) අනුලොමඔකාසො

124. (ක) යත්ථ රූපක්ඛන්ධො නිරුජ්ඣති තත්ථ වෙදනාක්ඛන්ධො නිරුජ්ඣිත්ථාති?

අසඤ්ඤසත්තෙ තත්ථ රූපක්ඛන්ධො නිරුජ්ඣති, නො ච තත්ථ වෙදනාක්ඛන්ධො නිරුජ්ඣිත්ථ. පඤ්චවොකාරෙ තත්ථ රූපක්ඛන්ධො ච නිරුජ්ඣති වෙදනාක්ඛන්ධො ච නිරුජ්ඣිත්ථ.

(ඛ) යත්ථ වා පන වෙදනාක්ඛන්ධො නිරුජ්ඣිත්ථ තත්ථ රූපක්ඛන්ධො නිරුජ්ඣතීති[Pg.50]?

අරූපෙ තත්ථ වෙදනාක්ඛන්ධො නිරුජ්ඣිත්ථ, නො ච තත්ථ රූපක්ඛන්ධො නිරුජ්ඣති. පඤ්චවොකාරෙ තත්ථ වෙදනාක්ඛන්ධො ච නිරුජ්ඣිත්ථ රූපක්ඛන්ධො ච නිරුජ්ඣති.

125. (ක) යත්ථ වෙදනාක්ඛන්ධො නිරුජ්ඣති තත්ථ සඤ්ඤාක්ඛන්ධො නිරුජ්ඣිත්ථාති? ආමන්තා.

(ඛ) යත්ථ වා පන සඤ්ඤාක්ඛන්ධො නිරුජ්ඣිත්ථ තත්ථ වෙදනාක්ඛන්ධො නිරුජ්ඣතීති? ආමන්තා.

(ග) අනුලොමපුග්ගලොකාසා

126. (ක) යස්ස යත්ථ රූපක්ඛන්ධො නිරුජ්ඣති තස්ස තත්ථ වෙදනාක්ඛන්ධො නිරුජ්ඣිත්ථාති?

සුද්ධාවාසෙ පරිනිබ්බන්තානං අසඤ්ඤසත්තා චවන්තානං තෙසං තත්ථ රූපක්ඛන්ධො නිරුජ්ඣති, නො ච තෙසං තත්ථ වෙදනාක්ඛන්ධො නිරුජ්ඣිත්ථ. ඉතරෙසං පඤ්චවොකාරා චවන්තානං තෙසං තත්ථ රූපක්ඛන්ධො ච නිරුජ්ඣති වෙදනාක්ඛන්ධො ච නිරුජ්ඣිත්ථ.

(ඛ) යස්ස වා පන යත්ථ වෙදනාක්ඛන්ධො නිරුජ්ඣිත්ථ තස්ස තත්ථ රූපක්ඛන්ධො නිරුජ්ඣතීති?

පඤ්චවොකාරං උපපජ්ජන්තානං අරූපානං තෙසං තත්ථ වෙදනාක්ඛන්ධො නිරුජ්ඣිත්ථ, නො ච තෙසං තත්ථ රූපක්ඛන්ධො නිරුජ්ඣති. පඤ්චවොකාරා චවන්තානං තෙසං තත්ථ වෙදනාක්ඛන්ධො ච නිරුජ්ඣිත්ථ රූපක්ඛන්ධො ච නිරුජ්ඣති.

127. (ක) යස්ස යත්ථ වෙදනාක්ඛන්ධො නිරුජ්ඣති තස්ස තත්ථ සඤ්ඤාක්ඛන්ධො නිරුජ්ඣිත්ථාති?

සුද්ධාවාසෙ පරිනිබ්බන්තානං තෙසං තත්ථ වෙදනාක්ඛන්ධො නිරුජ්ඣති, නො ච තෙසං තත්ථ සඤ්ඤාක්ඛන්ධො නිරුජ්ඣිත්ථ. ඉතරෙසං චතුවොකාරා පඤ්චවොකාරා චවන්තානං තෙසං තත්ථ වෙදනාක්ඛන්ධො ච නිරුජ්ඣති සඤ්ඤාක්ඛන්ධො ච නිරුජ්ඣිත්ථ.

(ඛ) යස්ස වා පන යත්ථ සඤ්ඤාක්ඛන්ධො නිරුජ්ඣිත්ථ තස්ස තත්ථ වෙදනාක්ඛන්ධො නිරුජ්ඣතීති?

චතුවොකාරං පඤ්චවොකාරං උපපජ්ජන්තානං තෙසං තත්ථ සඤ්ඤාක්ඛන්ධො නිරුජ්ඣිත්ථ, නො ච තෙසං තත්ථ වෙදනාක්ඛන්ධො නිරුජ්ඣති. චතුවොකාරා පඤ්චවොකාරා චවන්තානං තෙසං තත්ථ සඤ්ඤාක්ඛන්ධො ච නිරුජ්ඣිත්ථ වෙදනාක්ඛන්ධො ච නිරුජ්ඣති.

(ඝ) පච්චනීකපුග්ගලො

128. (ක) යස්ස රූපක්ඛන්ධො න නිරුජ්ඣති තස්ස වෙදනාක්ඛන්ධො න නිරුජ්ඣිත්ථාති? නිරුජ්ඣිත්ථ.

(ඛ) යස්ස වා පන වෙදනාක්ඛන්ධො න නිරුජ්ඣිත්ථ තස්ස රූපක්ඛන්ධො න නිරුජ්ඣතීති? නත්ථි.

129. (ක) යස්ස [Pg.51] වෙදනාක්ඛන්ධො න නිරුජ්ඣති තස්ස සඤ්ඤාක්ඛන්ධො න නිරුජ්ඣිත්ථාති? නිරුජ්ඣිත්ථ.

(ඛ) යස්ස වා පන සඤ්ඤාක්ඛන්ධො න නිරුජ්ඣිත්ථ තස්ස වෙදනාක්ඛන්ධො න නිරුජ්ඣතීති? නත්ථි.

(ඞ) පච්චනීකඔකාසො

130. යත්ථ රූපක්ඛන්ධො න නිරුජ්ඣති (යත්ථකං පරිපුණ්ණං කාතබ්බං).

(ච) පච්චනීකපුග්ගලොකාසා

131. (ක) යස්ස යත්ථ රූපක්ඛන්ධො න නිරුජ්ඣති තස්ස තත්ථ වෙදනාක්ඛන්ධො න නිරුජ්ඣිත්ථාති?

පඤ්චවොකාරං උපපජ්ජන්තානං අරූපානං තෙසං තත්ථ රූපක්ඛන්ධො න නිරුජ්ඣති, නො ච තෙසං තත්ථ වෙදනාක්ඛන්ධො න නිරුජ්ඣිත්ථ. සුද්ධාවාසං උපපජ්ජන්තානං අසඤ්ඤසත්තං උපපජ්ජන්තානං තෙසං තත්ථ රූපක්ඛන්ධො ච න නිරුජ්ඣති වෙදනාක්ඛන්ධො ච න නිරුජ්ඣිත්ථ.

(ඛ) යස්ස වා පන යත්ථ වෙදනාක්ඛන්ධො න නිරුජ්ඣිත්ථ තස්ස තත්ථ රූපක්ඛන්ධො න නිරුජ්ඣතීති?

සුද්ධාවාසෙ පරිනිබ්බන්තානං අසඤ්ඤසත්තා චවන්තානං තෙසං තත්ථ වෙදනාක්ඛන්ධො න නිරුජ්ඣිත්ථ, නො ච තෙසං තත්ථ රූපක්ඛන්ධො න නිරුජ්ඣති. සුද්ධාවාසං උපපජ්ජන්තානං අසඤ්ඤසත්තං උපපජ්ජන්තානං තෙසං තත්ථ වෙදනාක්ඛන්ධො ච න නිරුජ්ඣිත්ථ රූපක්ඛන්ධො ච න නිරුජ්ඣති.

132. (ක) යස්ස යත්ථ වෙදනාක්ඛන්ධො න නිරුජ්ඣති තස්ස තත්ථ සඤ්ඤාක්ඛන්ධො න නිරුජ්ඣිත්ථාති?

චතුවොකාරං පඤ්චවොකාරං උපපජ්ජන්තානං තෙසං තත්ථ වෙදනාක්ඛන්ධො න නිරුජ්ඣති, නො ච තෙසං තත්ථ සඤ්ඤාක්ඛන්ධො න නිරුජ්ඣිත්ථ. සුද්ධාවාසං උපපජ්ජන්තානං අසඤ්ඤසත්තානං තෙසං තත්ථ වෙදනාක්ඛන්ධො ච න නිරුජ්ඣති සඤ්ඤාක්ඛන්ධො ච න නිරුජ්ඣිත්ථ.

(ඛ) යස්ස වා පන යත්ථ සඤ්ඤාක්ඛන්ධො න නිරුජ්ඣිත්ථ තස්ස තත්ථ වෙදනාක්ඛන්ධො න නිරුජ්ඣතීති?

සුද්ධාවාසෙ පරිනිබ්බන්තානං තෙසං තත්ථ සඤ්ඤාක්ඛන්ධො න නිරුජ්ඣිත්ථ, නො ච තෙසං තත්ථ වෙදනාක්ඛන්ධො න නිරුජ්ඣති. සුද්ධාවාසං උපපජ්ජන්තානං අසඤ්ඤසත්තානං තෙසං තත්ථ සඤ්ඤාක්ඛන්ධො ච න නිරුජ්ඣිත්ථ වෙදනාක්ඛන්ධො ච න නිරුජ්ඣති.

(5) පච්චුප්පන්නානාගතවාරො

(ක) අනුලොමපුග්ගලො

133. (ක) යස්ස රූපක්ඛන්ධො නිරුජ්ඣති තස්ස වෙදනාක්ඛන්ධො නිරුජ්ඣිස්සතීති?

පඤ්චවොකාරෙ පරිනිබ්බන්තානං තෙසං රූපක්ඛන්ධො නිරුජ්ඣති, නො ච තෙසං වෙදනාක්ඛන්ධො [Pg.52] නිරුජ්ඣිස්සති. ඉතරෙසං පඤ්චවොකාරා චවන්තානං අසඤ්ඤසත්තා චවන්තානං තෙසං රූපක්ඛන්ධො ච නිරුජ්ඣති වෙදනාක්ඛන්ධො ච නිරුජ්ඣිස්සති.

(ඛ) යස්ස වා පන වෙදනාක්ඛන්ධො නිරුජ්ඣිස්සති තස්ස රූපක්ඛන්ධො නිරුජ්ඣතීති?

සබ්බෙසං උපපජ්ජන්තානං අරූපා චවන්තානං තෙසං වෙදනාක්ඛන්ධො නිරුජ්ඣිස්සති, නො ච තෙසං රූපක්ඛන්ධො නිරුජ්ඣති. පඤ්චවොකාරා චවන්තානං අසඤ්ඤසත්තා චවන්තානං තෙසං වෙදනාක්ඛන්ධො ච නිරුජ්ඣිස්සති රූපක්ඛන්ධො ච නිරුජ්ඣති.

134. (ක) යස්ස වෙදනාක්ඛන්ධො නිරුජ්ඣති තස්ස සඤ්ඤාක්ඛන්ධො නිරුජ්ඣිස්සතීති?

පරිනිබ්බන්තානං තෙසං වෙදනාක්ඛන්ධො නිරුජ්ඣති, නො ච තෙසං සඤ්ඤාක්ඛන්ධො නිරුජ්ඣිස්සති. ඉතරෙසං චතුවොකාරා පඤ්චවොකාරා චවන්තානං තෙසං වෙදනාක්ඛන්ධො ච නිරුජ්ඣති සඤ්ඤාක්ඛන්ධො ච නිරුජ්ඣිස්සති.

(ඛ) යස්ස වා පන සඤ්ඤාක්ඛන්ධො නිරුජ්ඣිස්සති තස්ස වෙදනාක්ඛන්ධො නිරුජ්ඣතීති?

සබ්බෙසං උපපජ්ජන්තානං අසඤ්ඤසත්තා චවන්තානං තෙසං සඤ්ඤාක්ඛන්ධො නිරුජ්ඣිස්සති, නො ච තෙසං වෙදනාක්ඛන්ධො නිරුජ්ඣති. චතුවොකාරා පඤ්චවොකාරා චවන්තානං තෙසං සඤ්ඤාක්ඛන්ධො ච නිරුජ්ඣිස්සති වෙදනාක්ඛන්ධො නිරුජ්ඣති.

(ඛ) අනුලොමඔකාසො

135. යත්ථ රූපක්ඛන්ධො නිරුජ්ඣති…පෙ….

(ග) අනුලොමපුග්ගලොකාසා

136. (ක) යස්ස යත්ථ රූපක්ඛන්ධො නිරුජ්ඣති තස්ස තත්ථ වෙදනාක්ඛන්ධො නිරුජ්ඣිස්සතීති?

පඤ්චවොකාරෙ පරිනිබ්බන්තානං අසඤ්ඤසත්තා චවන්තානං තෙසං තත්ථ රූපක්ඛන්ධො නිරුජ්ඣති, නො ච තෙසං තත්ථ වෙදනාක්ඛන්ධො නිරුජ්ඣිස්සති. ඉතරෙසං පඤ්චවොකාරා චවන්තානං තෙසං තත්ථ රූපක්ඛන්ධො ච නිරුජ්ඣති වෙදනාක්ඛන්ධො ච නිරුජ්ඣිස්සති.

(ඛ) යස්ස වා පන යත්ථ වෙදනාක්ඛන්ධො නිරුජ්ඣිස්සති තස්ස තත්ථ රූපක්ඛන්ධො නිරුජ්ඣතීති?

පඤ්චවොකාරං උපපජ්ජන්තානං අරූපානං තෙසං තත්ථ වෙදනාක්ඛන්ධො නිරුජ්ඣිස්සති, නො ච තෙසං තත්ථ රූපක්ඛන්ධො නිරුජ්ඣති. පඤ්චවොකාරා චවන්තානං තෙසං තත්ථ වෙදනාක්ඛන්ධො ච නිරුජ්ඣිස්සති රූපක්ඛන්ධො ච නිරුජ්ඣති.

137. (ක) යස්ස යත්ථ වෙදනාක්ඛන්ධො නිරුජ්ඣති තස්ස තත්ථ සඤ්ඤාක්ඛන්ධො නිරුජ්ඣිස්සතීති?

පරිනිබ්බන්තානං තෙසං තත්ථ වෙදනාක්ඛන්ධො නිරුජ්ඣති, නො ච තෙසං [Pg.53] තත්ථ සඤ්ඤාක්ඛන්ධො නිරුජ්ඣිස්සති. ඉතරෙසං චතුවොකාරා පඤ්චවොකාරා චවන්තානං තෙසං තත්ථ වෙදනාක්ඛන්ධො ච නිරුජ්ඣති සඤ්ඤාක්ඛන්ධො ච නිරුජ්ඣිස්සති.

(ඛ) යස්ස වා පන යත්ථ සඤ්ඤාක්ඛන්ධො නිරුජ්ඣිස්සති තස්ස තත්ථ වෙදනාක්ඛන්ධො නිරුජ්ඣතීති?

චතුවොකාරං පඤ්චවොකාරං උපපජ්ජන්තානං තෙසං තත්ථ සඤ්ඤාක්ඛන්ධො නිරුජ්ඣිස්සති, නො ච තෙසං තත්ථ වෙදනාක්ඛන්ධො නිරුජ්ඣති. චතුවොකාරා පඤ්චවොකාරා චවන්තානං තෙසං තත්ථ සඤ්ඤාක්ඛන්ධො ච නිරුජ්ඣිස්සති වෙදනාක්ඛන්ධො ච නිරුජ්ඣති.

(ඝ) පච්චනීකපුග්ගලො

138. (ක) යස්ස රූපක්ඛන්ධො න නිරුජ්ඣති තස්ස වෙදනාක්ඛන්ධො න නිරුජ්ඣිස්සතීති?

සබ්බෙසං උපපජ්ජන්තානං අරූපා චවන්තානං තෙසං රූපක්ඛන්ධො න නිරුජ්ඣති, නො ච තෙසං වෙදනාක්ඛන්ධො න නිරුජ්ඣිස්සති. අරූපෙ පරිනිබ්බන්තානං තෙසං රූපක්ඛන්ධො ච න නිරුජ්ඣති වෙදනාක්ඛන්ධො ච න නිරුජ්ඣිස්සති.

(ඛ) යස්ස වා පන වෙදනාක්ඛන්ධො න නිරුජ්ඣිස්සති තස්ස රූපක්ඛන්ධො න නිරුජ්ඣතීති?

පඤ්චවොකාරෙ පරිනිබ්බන්තානං තෙසං වෙදනාක්ඛන්ධො න නිරුජ්ඣිස්සති, නො ච තෙසං රූපක්ඛන්ධො න නිරුජ්ඣති. අරූපෙ පරිනිබ්බන්තානං තෙසං වෙදනාක්ඛන්ධො ච න නිරුජ්ඣිස්සති රූපක්ඛන්ධො ච න නිරුජ්ඣති.

139. (ක) යස්ස වෙදනාක්ඛන්ධො න නිරුජ්ඣති තස්ස සඤ්ඤාක්ඛන්ධො න නිරුජ්ඣිස්සතීති? නිරුජ්ඣිස්සති.

(ඛ) යස්ස වා පන සඤ්ඤාක්ඛන්ධො න නිරුජ්ඣිස්සති තස්ස වෙදනාක්ඛන්ධො න නිරුජ්ඣතීති? නිරුජ්ඣති.

(ඞ) පච්චනීකඔකාසො

140. යත්ථ රූපක්ඛන්ධො න නිරුජ්ඣති…පෙ….

(ච) පච්චනීකපුග්ගලොකාසා

141. (ක) යස්ස යත්ථ රූපක්ඛන්ධො න නිරුජ්ඣති තස්ස තත්ථ වෙදනාක්ඛන්ධො න නිරුජ්ඣිස්සතීති?

පඤ්චවොකාරං උපපජ්ජන්තානං අරූපානං තෙසං තත්ථ රූපක්ඛන්ධො න නිරුජ්ඣති, නො ච තෙසං තත්ථ වෙදනාක්ඛන්ධො න නිරුජ්ඣිස්සති. අරූපෙ පරිනිබ්බන්තානං අසඤ්ඤසත්තං උපපජ්ජන්තානං තෙසං තත්ථ රූපක්ඛන්ධො ච න නිරුජ්ඣති වෙදනාක්ඛන්ධො ච න නිරුජ්ඣිස්සති.

(ඛ) යස්ස වා පන යත්ථ වෙදනාක්ඛන්ධො න නිරුජ්ඣිස්සති තස්ස තත්ථ රූපක්ඛන්ධො න නිරුජ්ඣතීති?

පඤ්චවොකාරෙ පරිනිබ්බන්තානං [Pg.54] අසඤ්ඤසත්තා චවන්තානං තෙසං තත්ථ වෙදනාක්ඛන්ධො න නිරුජ්ඣිස්සති, නො ච තෙසං තත්ථ රූපක්ඛන්ධො න නිරුජ්ඣති. අරූපෙ පරිනිබ්බන්තානං අසඤ්ඤසත්තං උපපජ්ජන්තානං තෙසං තත්ථ වෙදනාක්ඛන්ධො ච න නිරුජ්ඣිස්සති රූපක්ඛන්ධො ච න නිරුජ්ඣති.

142. (ක) යස්ස යත්ථ වෙදනාක්ඛන්ධො න නිරුජ්ඣති තස්ස තත්ථ සඤ්ඤාක්ඛන්ධො න නිරුජ්ඣිස්සතීති?

චතුවොකාරං පඤ්චවොකාරං උපපජ්ජන්තානං තෙසං තත්ථ වෙදනාක්ඛන්ධො න නිරුජ්ඣති, නො ච තෙසං තත්ථ සඤ්ඤාක්ඛන්ධො න නිරුජ්ඣිස්සති. අසඤ්ඤසත්තානං තෙසං තත්ථ වෙදනාක්ඛන්ධො ච න නිරුජ්ඣති සඤ්ඤාක්ඛන්ධො ච න නිරුජ්ඣිස්සති.

(ඛ) යස්ස වා පන යත්ථ සඤ්ඤාක්ඛන්ධො න නිරුජ්ඣිස්සති තස්ස තත්ථ වෙදනාක්ඛන්ධො න නිරුජ්ඣතීති?

පරිනිබ්බන්තානං තෙසං තත්ථ සඤ්ඤාක්ඛන්ධො න නිරුජ්ඣිස්සති, නො ච තෙසං තත්ථ වෙදනාක්ඛන්ධො න නිරුජ්ඣති. අසඤ්ඤසත්තානං තෙසං තත්ථ සඤ්ඤාක්ඛන්ධො ච න නිරුජ්ඣිස්සති වෙදනාක්ඛන්ධො ච න නිරුජ්ඣති.

(6) අතීතානාගතවාරො

(ක) අනුලොමපුග්ගලො

143. (ක) යස්ස රූපක්ඛන්ධො නිරුජ්ඣිත්ථ තස්ස වෙදනාක්ඛන්ධො නිරුජ්ඣිස්සතීති?

පරිනිබ්බන්තානං තෙසං රූපක්ඛන්ධො නිරුජ්ඣිත්ථ, නො ච තෙසං වෙදනාක්ඛන්ධො නිරුජ්ඣිස්සති. ඉතරෙසං තෙසං රූපක්ඛන්ධො ච නිරුජ්ඣිත්ථ වෙදනාක්ඛන්ධො ච නිරුජ්ඣිස්සති.

(ඛ) යස්ස වා පන වෙදනාක්ඛන්ධො නිරුජ්ඣිස්සති තස්ස රූපක්ඛන්ධො නිරුජ්ඣිත්ථාති? ආමන්තා.

144. (ක) යස්ස වෙදනාක්ඛන්ධො නිරුජ්ඣිත්ථ තස්ස සඤ්ඤාක්ඛන්ධො නිරුජ්ඣිස්සතීති?

පරිනිබ්බන්තානං තෙසං වෙදනාක්ඛන්ධො නිරුජ්ඣිත්ථ, නො ච තෙසං සඤ්ඤාක්ඛන්ධො නිරුජ්ඣිස්සති. ඉතරෙසං තෙසං වෙදනාක්ඛන්ධො ච නිරුජ්ඣිත්ථ සඤ්ඤාක්ඛන්ධො ච නිරුජ්ඣිස්සති.

(ඛ) යස්ස වා පන සඤ්ඤාක්ඛන්ධො නිරුජ්ඣිස්සති තස්ස වෙදනාක්ඛන්ධො නිරුජ්ඣිත්ථාති? ආමන්තා.

(ඛ) අනුලොමඔකාසො

145. යත්ථ රූපක්ඛන්ධො නිරුජ්ඣිත්ථ…පෙ….

(ග) අනුලොමපුග්ගලොකාසා

146. (ක) යස්ස [Pg.55] යත්ථ රූපක්ඛන්ධො නිරුජ්ඣිත්ථ තස්ස තත්ථ වෙදනාක්ඛන්ධො නිරුජ්ඣිස්සතීති?

පඤ්චවොකාරෙ පරිනිබ්බන්තානං අසඤ්ඤසත්තානං තෙසං තත්ථ රූපක්ඛන්ධො නිරුජ්ඣිත්ථ, නො ච තෙසං තත්ථ වෙදනාක්ඛන්ධො නිරුජ්ඣිස්සති. ඉතරෙසං පඤ්චවොකාරානං තෙසං තත්ථ රූපක්ඛන්ධො ච නිරුජ්ඣිත්ථ වෙදනාක්ඛන්ධො ච නිරුජ්ඣිස්සති.

(ඛ) යස්ස වා පන යත්ථ වෙදනාක්ඛන්ධො නිරුජ්ඣිස්සති තස්ස තත්ථ රූපක්ඛන්ධො නිරුජ්ඣිත්ථාති?

සුද්ධාවාසං උපපජ්ජන්තානං අරූපානං තෙසං තත්ථ වෙදනාක්ඛන්ධො නිරුජ්ඣිස්සති, නො ච තෙසං තත්ථ රූපක්ඛන්ධො නිරුජ්ඣිත්ථ. ඉතරෙසං පඤ්චවොකාරානං තෙසං තත්ථ වෙදනාක්ඛන්ධො ච නිරුජ්ඣිස්සති රූපක්ඛන්ධො ච නිරුජ්ඣිත්ථ.

147. (ක) යස්ස යත්ථ වෙදනාක්ඛන්ධො නිරුජ්ඣිත්ථ තස්ස තත්ථ සඤ්ඤාක්ඛන්ධො නිරුජ්ඣිස්සතීති?

පරිනිබ්බන්තානං තෙසං තත්ථ වෙදනාක්ඛන්ධො නිරුජ්ඣිත්ථ, නො ච තෙසං තත්ථ සඤ්ඤාක්ඛන්ධො නිරුජ්ඣිස්සති. ඉතරෙසං චතුවොකාරානං පඤ්චවොකාරානං තෙසං තත්ථ වෙදනාක්ඛන්ධො ච නිරුජ්ඣිත්ථ සඤ්ඤාක්ඛන්ධො ච නිරුජ්ඣිස්සති.

(ඛ) යස්ස වා පන යත්ථ සඤ්ඤාක්ඛන්ධො නිරුජ්ඣිස්සති තස්ස තත්ථ වෙදනාක්ඛන්ධො නිරුජ්ඣිත්ථාති?

සුද්ධාවාසං උපපජ්ජන්තානං තෙසං තත්ථ සඤ්ඤාක්ඛන්ධො නිරුජ්ඣිස්සති, නො ච තෙසං තත්ථ වෙදනාක්ඛන්ධො නිරුජ්ඣිත්ථ. ඉතරෙසං චතුවොකාරානං පඤ්චවොකාරානං තෙසං තත්ථ සඤ්ඤාක්ඛන්ධො ච නිරුජ්ඣිස්සති වෙදනාක්ඛන්ධො ච නිරුජ්ඣිත්ථ.

(ඝ) පච්චනීකපුග්ගලො

148. (ක) යස්ස රූපක්ඛන්ධො න නිරුජ්ඣිත්ථ තස්ස වෙදනාක්ඛන්ධො න නිරුජ්ඣිස්සතීති? නත්ථි.

(ඛ) යස්ස වා පන වෙදනාක්ඛන්ධො න නිරුජ්ඣිස්සති තස්ස රූපක්ඛන්ධො න නිරුජ්ඣිත්ථාති? නිරුජ්ඣිත්ථ.

149. (ක) යස්ස වෙදනාක්ඛන්ධො න නිරුජ්ඣිත්ථ තස්ස සඤ්ඤාක්ඛන්ධො න නිරුජ්ඣිස්සතීති? නත්ථි.

(ඛ) යස්ස වා පන සඤ්ඤාක්ඛන්ධො න නිරුජ්ඣිස්සති තස්ස වෙදනාක්ඛන්ධො න නිරුජ්ඣිත්ථාති? නිරුජ්ඣිත්ථ.

(ඞ) පච්චනීකඔකාසො

150. යත්ථ රූපක්ඛන්ධො න නිරුජ්ඣිත්ථ…පෙ….

(ච) පච්චනීකපුග්ගලොකාසා

151. (ක) යස්ස [Pg.56] යත්ථ රූපක්ඛන්ධො න නිරුජ්ඣිත්ථ තස්ස තත්ථ වෙදනාක්ඛන්ධො න නිරුජ්ඣිස්සතීති?

සුද්ධාවාසං උපපජ්ජන්තානං අරූපානං තෙසං තත්ථ රූපක්ඛන්ධො න නිරුජ්ඣිත්ථ, නො ච තෙසං තත්ථ වෙදනාක්ඛන්ධො න නිරුජ්ඣිස්සති. සුද්ධාවාසෙ පරිනිබ්බන්තානං අරූපෙ පරිනිබ්බන්තානං තෙසං තත්ථ රූපක්ඛන්ධො ච න නිරුජ්ඣිත්ථ, වෙදනාක්ඛන්ධො ච න නිරුජ්ඣිස්සති.

(ඛ) යස්ස වා පන යත්ථ වෙදනාක්ඛන්ධො න නිරුජ්ඣිස්සති තස්ස තත්ථ රූපක්ඛන්ධො න නිරුජ්ඣිත්ථාති?

පඤ්චවොකාරෙ පරිනිබ්බන්තානං අසඤ්ඤසත්තානං තෙසං තත්ථ වෙදනාක්ඛන්ධො න නිරුජ්ඣිස්සති, නො ච තෙසං තත්ථ රූපක්ඛන්ධො න නිරුජ්ඣිත්ථ. සුද්ධාවාසෙ පරිනිබ්බන්තානං අරූපෙ පරිනිබ්බන්තානං තෙසං තත්ථ වෙදනාක්ඛන්ධො ච න නිරුජ්ඣිස්සති රූපක්ඛන්ධො ච න නිරුජ්ඣිත්ථ.

152. (ක) යස්ස යත්ථ වෙදනාක්ඛන්ධො න නිරුජ්ඣිත්ථ තස්ස තත්ථ සඤ්ඤාක්ඛන්ධො න නිරුජ්ඣිස්සතීති?

සුද්ධාවාසං උපපජ්ජන්තානං තෙසං තත්ථ වෙදනාක්ඛන්ධො න නිරුජ්ඣිත්ථ, නො ච තෙසං තත්ථ සඤ්ඤාක්ඛන්ධො න නිරුජ්ඣිස්සති. සුද්ධාවාසෙ පරිනිබ්බන්තානං අසඤ්ඤසත්තානං තෙසං තත්ථ වෙදනාක්ඛන්ධො ච න නිරුජ්ඣිත්ථ සඤ්ඤාක්ඛන්ධො ච න නිරුජ්ඣිස්සති.

(ඛ) යස්ස වා පන යත්ථ සඤ්ඤාක්ඛන්ධො න නිරුජ්ඣිස්සති තස්ස තත්ථ වෙදනාක්ඛන්ධො න නිරුජ්ඣිත්ථාති?

පරිනිබ්බන්තානං තෙසං තත්ථ සඤ්ඤාක්ඛන්ධො න නිරුජ්ඣිස්සති, නො ච තෙසං තත්ථ වෙදනාක්ඛන්ධො න නිරුජ්ඣිත්ථ. සුද්ධාවාසෙ පරිනිබ්බන්තානං අසඤ්ඤසත්තානං තෙසං තත්ථ සඤ්ඤාක්ඛන්ධො ච න නිරුජ්ඣිස්සති වෙදනාක්ඛන්ධො ච න නිරුජ්ඣිත්ථ.

නිරොධවාරො.

3. උප්පාදනිරොධවාරො

(1) පච්චුප්පන්නවාරො

(ක) අනුලොමපුග්ගලො

153. (ක) යස්ස රූපක්ඛන්ධො උප්පජ්ජති තස්ස වෙදනාක්ඛන්ධො නිරුජ්ඣතීති? නො.

(ඛ) යස්ස වා පන වෙදනාක්ඛන්ධො නිරුජ්ඣති තස්ස රූපක්ඛන්ධො උප්පජ්ජතීති? නො.

154. (ක) යස්ස [Pg.57] වෙදනාක්ඛන්ධො උප්පජ්ජති තස්ස සඤ්ඤාක්ඛන්ධො නිරුජ්ඣතීති? නො.

(ඛ) යස්ස වා පන සඤ්ඤාක්ඛන්ධො නිරුජ්ඣති තස්ස වෙදනාක්ඛන්ධො උප්පජ්ජතීති? නො.

(ඛ) අනුලොමඔකාසො

155. (ක) යත්ථ රූපක්ඛන්ධො උප්පජ්ජති තත්ථ වෙදනාක්ඛන්ධො නිරුජ්ඣතීති?

අසඤ්ඤසත්තෙ තත්ථ රූපක්ඛන්ධො උප්පජ්ජති, නො ච තත්ථ වෙදනාක්ඛන්ධො නිරුජ්ඣති. පඤ්චවොකාරෙ තත්ථ රූපක්ඛන්ධො ච උප්පජ්ජති වෙදනාක්ඛන්ධො ච නිරුජ්ඣති.

(ඛ) යත්ථ වා පන වෙදනාක්ඛන්ධො නිරුජ්ඣති තත්ථ රූපක්ඛන්ධො උප්පජ්ජතීති?

අරූපෙ තත්ථ වෙදනාක්ඛන්ධො නිරුජ්ඣති, නො ච තත්ථ රූපක්ඛන්ධො උප්පජ්ජති. පඤ්චවොකාරෙ තත්ථ වෙදනාක්ඛන්ධො ච නිරුජ්ඣති රූපක්ඛන්ධො ච උප්පජ්ජති.

156. (ක) යත්ථ වෙදනාක්ඛන්ධො උප්පජ්ජති තත්ථ සඤ්ඤාක්ඛන්ධො නිරුජ්ඣතීති? ආමන්තා.

(ඛ) යත්ථ වා පන සඤ්ඤාක්ඛන්ධො නිරුජ්ඣති තත්ථ වෙදනාක්ඛන්ධො උප්පජ්ජතීති? ආමන්තා.

(ග) අනුලොමපුග්ගලොකාසා

157. (ක) යස්ස යත්ථ රූපක්ඛන්ධො උප්පජ්ජති තස්ස තත්ථ වෙදනාක්ඛන්ධො නිරුජ්ඣතීති? නො.

(ඛ) යස්ස වා පන යත්ථ වෙදනාක්ඛන්ධො නිරුජ්ඣති තස්ස තත්ථ රූපක්ඛන්ධො උප්පජ්ජතීති? නො.

158. (ක) යස්ස යත්ථ වෙදනාක්ඛන්ධො උප්පජ්ජති තස්ස තත්ථ සඤ්ඤාක්ඛන්ධො නිරුජ්ඣතීති? නො.

(ඛ) යස්ස වා පන යත්ථ සඤ්ඤාක්ඛන්ධො නිරුජ්ඣති තස්ස තත්ථ වෙදනාක්ඛන්ධො උප්පජ්ජතීති? නො.

(ඝ) පච්චනීකපුග්ගලො

159. (ක) යස්ස රූපක්ඛන්ධො නුප්පජ්ජති තස්ස වෙදනාක්ඛන්ධො න නිරුජ්ඣතීති?

චතුවොකාරා පඤ්චවොකාරා චවන්තානං තෙසං රූපක්ඛන්ධො නුප්පජ්ජති, නො ච තෙසං වෙදනාක්ඛන්ධො න නිරුජ්ඣති. අරූපං උපපජ්ජන්තානං අසඤ්ඤසත්තා චවන්තානං තෙසං රූපක්ඛන්ධො ච නුප්පජ්ජති වෙදනාක්ඛන්ධො ච න නිරුජ්ඣති.

(ඛ) යස්ස වා පන වෙදනාක්ඛන්ධො න නිරුජ්ඣති තස්ස රූපක්ඛන්ධො නුප්පජ්ජතීති?

පඤ්චවොකාරං උපපජ්ජන්තානං අසඤ්ඤසත්තං උපපජ්ජන්තානං තෙසං වෙදනාක්ඛන්ධො න නිරුජ්ඣති, නො [Pg.58] ච තෙසං රූපක්ඛන්ධො නුප්පජ්ජති. අරූපං උපපජ්ජන්තානං අසඤ්ඤසත්තා චවන්තානං තෙසං වෙදනාක්ඛන්ධො ච න නිරුජ්ඣති රූපක්ඛන්ධො ච නුප්පජ්ජති.

160. (ක) යස්ස වෙදනාක්ඛන්ධො නුප්පජ්ජති තස්ස සඤ්ඤාක්ඛන්ධො න නිරුජ්ඣතීති?

චතුවොකාරා පඤ්චවොකාරා චවන්තානං තෙසං වෙදනාක්ඛන්ධො නුප්පජ්ජති, නො ච තෙසං සඤ්ඤාක්ඛන්ධො න නිරුජ්ඣති. අසඤ්ඤසත්තානං තෙසං වෙදනාක්ඛන්ධො ච නුප්පජ්ජති සඤ්ඤාක්ඛන්ධො ච න නිරුජ්ඣති.

(ඛ) යස්ස වා පන සඤ්ඤාක්ඛන්ධො න නිරුජ්ඣති තස්ස වෙදනාක්ඛන්ධො නුප්පජ්ජතීති?

චතුවොකාරං පඤ්චවොකාරං උපපජ්ජන්තානං තෙසං සඤ්ඤාක්ඛන්ධො න නිරුජ්ඣති, නො ච තෙසං වෙදනාක්ඛන්ධො නුප්පජ්ජති. අසඤ්ඤසත්තානං තෙසං සඤ්ඤාක්ඛන්ධො ච න නිරුජ්ඣති වෙදනාක්ඛන්ධො ච නුප්පජ්ජති.

(ඞ) පච්චනීකඔකාසො

161. (ක) යත්ථ රූපක්ඛන්ධො නුප්පජ්ජති තත්ථ වෙදනාක්ඛන්ධො න නිරුජ්ඣතීති? නිරුජ්ඣති.

(ඛ) යත්ථ වා පන වෙදනාක්ඛන්ධො න නිරුජ්ඣති තත්ථ රූපක්ඛන්ධො නුප්පජ්ජතීති? උප්පජ්ජති.

162. (ක) යත්ථ වෙදනාක්ඛන්ධො නුප්පජ්ජති තත්ථ සඤ්ඤාක්ඛන්ධො න නිරුජ්ඣතීති? ආමන්තා.

(ඛ) යත්ථ වා පන සඤ්ඤාක්ඛන්ධො න නිරුජ්ඣති තත්ථ වෙදනාක්ඛන්ධො නුප්පජ්ජතීති? ආමන්තා.

(ච) පච්චනීකපුග්ගලොකාසා

163. (ක) යස්ස යත්ථ රූපක්ඛන්ධො නුප්පජ්ජති තස්ස තත්ථ වෙදනාක්ඛන්ධො න නිරුජ්ඣතීති?

චතුවොකාරා පඤ්චවොකාරා චවන්තානං තෙසං තත්ථ රූපක්ඛන්ධො නුප්පජ්ජති, නො ච තෙසං තත්ථ වෙදනාක්ඛන්ධො න නිරුජ්ඣති. අරූපං උපපජ්ජන්තානං අසඤ්ඤසත්තා චවන්තානං තෙසං තත්ථ රූපක්ඛන්ධො නුප්පජ්ජති වෙදනාක්ඛන්ධො ච න නිරුජ්ඣති.

(ඛ) යස්ස වා පන යත්ථ වෙදනාක්ඛන්ධො න නිරුජ්ඣති තස්ස තත්ථ රූපක්ඛන්ධො නුප්පජ්ජතීති?

පඤ්චවොකාරං උපපජ්ජන්තානං අසඤ්ඤසත්තං උපපජ්ජන්තානං තෙසං තත්ථ වෙදනාක්ඛන්ධො න නිරුජ්ඣති, නො ච තෙසං තත්ථ රූපක්ඛන්ධො නුප්පජ්ජති. අරූපං උපපජ්ජන්තානං අසඤ්ඤසත්තා චවන්තානං තෙසං තත්ථ වෙදනාක්ඛන්ධො ච න නිරුජ්ඣති රූපක්ඛන්ධො ච නුප්පජ්ජති.

164. (ක) යස්ස [Pg.59] යත්ථ වෙදනාක්ඛන්ධො නුප්පජ්ජති තස්ස තත්ථ සඤ්ඤාක්ඛන්ධො න නිරුජ්ඣතීති?

චතුවොකාරා පඤ්චවොකාරා චවන්තානං තෙසං තත්ථ වෙදනාක්ඛන්ධො නුප්පජ්ජති, නො ච තෙසං තත්ථ සඤ්ඤාක්ඛන්ධො න නිරුජ්ඣති. අසඤ්ඤසත්තානං තෙසං තත්ථ වෙදනාක්ඛන්ධො ච නුප්පජ්ජති සඤ්ඤාක්ඛන්ධො ච න නිරුජ්ඣති.

(ඛ) යස්ස වා පන යත්ථ සඤ්ඤාක්ඛන්ධො න නිරුජ්ඣති තස්ස තත්ථ වෙදනාක්ඛන්ධො නුප්පජ්ජතීති?

චතුවොකාරං පඤ්චවොකාරං උපපජ්ජන්තානං තෙසං තත්ථ සඤ්ඤාක්ඛන්ධො න නිරුජ්ඣති, නො ච තෙසං තත්ථ වෙදනාක්ඛන්ධො නුප්පජ්ජති. අසඤ්ඤසත්තානං තෙසං තත්ථ සඤ්ඤාක්ඛන්ධො ච න නිරුජ්ඣති වෙදනාක්ඛන්ධො ච නුප්පජ්ජති.

(2) අතීතවාරො

(ක) අනුලොමපුග්ගලො

165. (ක) යස්ස රූපක්ඛන්ධො උප්පජ්ජිත්ථ තස්ස වෙදනාක්ඛන්ධො නිරුජ්ඣිත්ථාති? ආමන්තා.

(ඛ) යස්ස වා පන වෙදනාක්ඛන්ධො නිරුජ්ඣිත්ථ තස්ස රූපක්ඛන්ධො උප්පජ්ජිත්ථාති? ආමන්තා.

166. (ක) යස්ස වෙදනාක්ඛන්ධො උප්පජ්ජිත්ථ තස්ස සඤ්ඤාක්ඛන්ධො නිරුජ්ඣිත්ථාති? ආමන්තා.

(ඛ) යස්ස වා පන සඤ්ඤාක්ඛන්ධො නිරුජ්ඣිත්ථ තස්ස වෙදනාක්ඛන්ධො උප්පජ්ජිත්ථාති? ආමන්තා.

(ඛ) අනුලොමඔකාසො

167. යත්ථ රූපක්ඛන්ධො උප්පජ්ජිත්ථ…පෙ….

(ග) අනුලොමපුග්ගලොකාසා

168. (ක) යස්ස යත්ථ රූපක්ඛන්ධො උප්පජ්ජිත්ථ තස්ස තත්ථ වෙදනාක්ඛන්ධො නිරුජ්ඣිත්ථාති?

අසඤ්ඤසත්තානං තෙසං තත්ථ රූපක්ඛන්ධො උප්පජ්ජිත්ථ, නො ච තෙසං තත්ථ වෙදනාක්ඛන්ධො නිරුජ්ඣිත්ථ. පඤ්චවොකාරානං තෙසං තත්ථ රූපක්ඛන්ධො ච උප්පජ්ජිත්ථ වෙදනාක්ඛන්ධො ච නිරුජ්ඣිත්ථ.

(ඛ) යස්ස වා පන යත්ථ වෙදනාක්ඛන්ධො නිරුජ්ඣිත්ථ තස්ස තත්ථ රූපක්ඛන්ධො උප්පජ්ජිත්ථාති?

අරූපානං තෙසං තත්ථ වෙදනාක්ඛන්ධො නිරුජ්ඣිත්ථ, නො ච තෙසං තත්ථ රූපක්ඛන්ධො උප්පජ්ජිත්ථ. පඤ්චවොකාරානං තෙසං තත්ථ වෙදනාක්ඛන්ධො ච නිරුජ්ඣිත්ථ රූපක්ඛන්ධො ච උප්පජ්ජිත්ථ.

169. (ක) යස්ස [Pg.60] යත්ථ වෙදනාක්ඛන්ධො උප්පජ්ජිත්ථ තස්ස තත්ථ සඤ්ඤාක්ඛන්ධො නිරුජ්ඣිත්ථාති? ආමන්තා.

(ඛ) යස්ස වා පන යත්ථ සඤ්ඤාක්ඛන්ධො නිරුජ්ඣිත්ථ තස්ස තත්ථ වෙදනාක්ඛන්ධො උප්පජ්ජිත්ථාති? ආමන්තා.

(ඝ) පච්චනීකපුග්ගලො

170. (ක) යස්ස රූපක්ඛන්ධො නුප්පජ්ජිත්ථ තස්ස වෙදනාක්ඛන්ධො න නිරුජ්ඣිත්ථාති? නත්ථි.

(ඛ) යස්ස වා පන වෙදනාක්ඛන්ධො න නිරුජ්ඣිත්ථ තස්ස රූපක්ඛන්ධො නුප්පජ්ජිත්ථාති? නත්ථි.

171. (ක) යස්ස වෙදනාක්ඛන්ධො නුප්පජ්ජිත්ථ තස්ස සඤ්ඤාක්ඛන්ධො න නිරුජ්ඣිත්ථාති? නත්ථි.

(ඛ) යස්ස වා පන සඤ්ඤාක්ඛන්ධො න නිරුජ්ඣිත්ථ තස්ස වෙදනාක්ඛන්ධො නුප්පජ්ජිත්ථාති? නත්ථි.

(ඞ) පච්චනීකඔකාසො

172. යත්ථ රූපක්ඛන්ධො නුප්පජ්ජිත්ථ…පෙ….

(ච) පච්චනීකපුග්ගලොකාසා

173. (ක) යස්ස යත්ථ රූපක්ඛන්ධො නුප්පජ්ජිත්ථ තස්ස තත්ථ වෙදනාක්ඛන්ධො න නිරුජ්ඣිත්ථාති?

අරූපානං තෙසං තත්ථ රූපක්ඛන්ධො නුප්පජ්ජිත්ථ, නො ච තෙසං තත්ථ වෙදනාක්ඛන්ධො න නිරුජ්ඣිත්ථ. සුද්ධාවාසානං තෙසං තත්ථ රූපක්ඛන්ධො ච නුප්පජ්ජිත්ථ වෙදනාක්ඛන්ධො ච න නිරුජ්ඣිත්ථ.

(ඛ) යස්ස වා පන යත්ථ වෙදනාක්ඛන්ධො න නිරුජ්ඣිත්ථ තස්ස තත්ථ රූපක්ඛන්ධො නුප්පජ්ජිත්ථාති?

අසඤ්ඤසත්තානං තෙසං තත්ථ වෙදනාක්ඛන්ධො න නිරුජ්ඣිත්ථ, නො ච තෙසං තත්ථ රූපක්ඛන්ධො නුප්පජ්ජිත්ථ. සුද්ධාවාසානං තෙසං තත්ථ වෙදනාක්ඛන්ධො ච න නිරුජ්ඣිත්ථ රූපක්ඛන්ධො ච නුප්පජ්ජිත්ථ.

174. (ක) යස්ස යත්ථ වෙදනාක්ඛන්ධො නුප්පජ්ජිත්ථ තස්ස තත්ථ සඤ්ඤාක්ඛන්ධො න නිරුජ්ඣිත්ථාති? ආමන්තා.

(ඛ) යස්ස වා පන යත්ථ සඤ්ඤාක්ඛන්ධො න නිරුජ්ඣිත්ථ තස්ස තත්ථ වෙදනාක්ඛන්ධො නුප්පජ්ජිත්ථාති? ආමන්තා.

(3) අනාගතවාරො

(ක) අනුලොමපුග්ගලො

175. (ක) යස්ස [Pg.61] රූපක්ඛන්ධො උප්පජ්ජිස්සති තස්ස වෙදනාක්ඛන්ධො නිරුජ්ඣිස්සතීති? ආමන්තා.

(ඛ) යස්ස වා පන වෙදනාක්ඛන්ධො නිරුජ්ඣිස්සති තස්ස රූපක්ඛන්ධො උප්පජ්ජිස්සතීති?

පච්ඡිමභවිකානං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං වෙදනාක්ඛන්ධො නිරුජ්ඣිස්සති, නො ච තෙසං රූපක්ඛන්ධො උප්පජ්ජිස්සති. ඉතරෙසං තෙසං වෙදනාක්ඛන්ධො ච නිරුජ්ඣිස්සති රූපක්ඛන්ධො ච උප්පජ්ජිස්සති.

176. (ක) යස්ස වෙදනාක්ඛන්ධො උප්පජ්ජිස්සති තස්ස සඤ්ඤාක්ඛන්ධො නිරුජ්ඣිස්සතීති? ආමන්තා.

(ඛ) යස්ස වා පන සඤ්ඤාක්ඛන්ධො නිරුජ්ඣිස්සති තස්ස වෙදනාක්ඛන්ධො උප්පජ්ජිස්සතීති?

පච්ඡිමභවිකානං උපපජ්ජන්තානං තෙසං සඤ්ඤාක්ඛන්ධො නිරුජ්ඣිස්සති, නො ච තෙසං වෙදනාක්ඛන්ධො උප්පජ්ජිස්සති. ඉතරෙසං තෙසං සඤ්ඤාක්ඛන්ධො ච නිරුජ්ඣිස්සති වෙදනාක්ඛන්ධො ච උප්පජ්ජිස්සති.

(ඛ) අනුලොමඔකාසො

177. යත්ථ රූපක්ඛන්ධො උප්පජ්ජිස්සති…පෙ….

(ග) අනුලොමපුග්ගලොකාසා

178. (ක) යස්ස යත්ථ රූපක්ඛන්ධො උප්පජ්ජිස්සති තස්ස තත්ථ වෙදනාක්ඛන්ධො නිරුජ්ඣිස්සතීති?

අසඤ්ඤසත්තානං තෙසං තත්ථ රූපක්ඛන්ධො උප්පජ්ජිස්සති, නො ච තෙසං තත්ථ වෙදනාක්ඛන්ධො නිරුජ්ඣිස්සති. පඤ්චවොකාරානං තෙසං තත්ථ රූපක්ඛන්ධො ච උප්පජ්ජිස්සති වෙදනාක්ඛන්ධො ච නිරුජ්ඣිස්සති.

(ඛ) යස්ස වා පන යත්ථ වෙදනාක්ඛන්ධො නිරුජ්ඣිස්සති තස්ස තත්ථ රූපක්ඛන්ධො උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං අරූපානං තෙසං තත්ථ වෙදනාක්ඛන්ධො නිරුජ්ඣිස්සති, නො ච තෙසං තත්ථ රූපක්ඛන්ධො උප්පජ්ජිස්සති. ඉතරෙසං පඤ්චවොකාරානං තෙසං තත්ථ වෙදනාක්ඛන්ධො ච නිරුජ්ඣිස්සති රූපක්ඛන්ධො ච උප්පජ්ජිස්සති.

179. (ක) යස්ස යත්ථ වෙදනාක්ඛන්ධො උප්පජ්ජිස්සති තස්ස තත්ථ සඤ්ඤාක්ඛන්ධො නිරුජ්ඣිස්සතීති? ආමන්තා.

(ඛ) යස්ස වා පන යත්ථ සඤ්ඤාක්ඛන්ධො නිරුජ්ඣිස්සති [Pg.62] තස්ස තත්ථ වෙදනාක්ඛන්ධො උප්පජ්ජිස්සතීති?

පච්ඡිමභවිකානං උපපජ්ජන්තානං තෙසං තත්ථ සඤ්ඤාක්ඛන්ධො නිරුජ්ඣිස්සති, නො ච තෙසං තත්ථ වෙදනාක්ඛන්ධො උප්පජ්ජිස්සති. ඉතරෙසං චතුවොකාරානං පඤ්චවොකාරානං තෙසං තත්ථ සඤ්ඤාක්ඛන්ධො ච නිරුජ්ඣිස්සති වෙදනාක්ඛන්ධො ච උප්පජ්ජිස්සති.

(ඝ) පච්චනීකපුග්ගලො

180. (ක) යස්ස රූපක්ඛන්ධො නුප්පජ්ජිස්සති තස්ස වෙදනාක්ඛන්ධො න නිරුජ්ඣිස්සතීති?

පච්ඡිමභවිකානං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං රූපක්ඛන්ධො නුප්පජ්ජිස්සති, නො ච තෙසං වෙදනාක්ඛන්ධො න නිරුජ්ඣිස්සති. පරිනිබ්බන්තානං තෙසං රූපක්ඛන්ධො ච නුප්පජ්ජිස්සති වෙදනාක්ඛන්ධො ච න නිරුජ්ඣිස්සති.

(ඛ) යස්ස වා පන වෙදනාක්ඛන්ධො න නිරුජ්ඣිස්සති තස්ස රූපක්ඛන්ධො නුප්පජ්ජිස්සතීති? ආමන්තා.

181. (ක) යස්ස වෙදනාක්ඛන්ධො නුප්පජ්ජිස්සති තස්ස සඤ්ඤාක්ඛන්ධො න නිරුජ්ඣිස්සතීති?

පච්ඡිමභවිකානං උපපජ්ජන්තානං තෙසං වෙදනාක්ඛන්ධො නුප්පජ්ජිස්සති, නො ච තෙසං සඤ්ඤාක්ඛන්ධො න නිරුජ්ඣිස්සති. පරිනිබ්බන්තානං තෙසං වෙදනාක්ඛන්ධො ච නුප්පජ්ජිස්සති සඤ්ඤාක්ඛන්ධො ච න නිරුජ්ඣිස්සති.

(ඛ) යස්ස වා පන සඤ්ඤාක්ඛන්ධො න නිරුජ්ඣිස්සති තස්ස වෙදනාක්ඛන්ධො නුප්පජ්ජිස්සතීති? ආමන්තා.

(ඞ) පච්චනීකඔකාසො

182. යත්ථ රූපක්ඛන්ධො නුප්පජ්ජිස්සති…පෙ….

(ච) පච්චනීකපුග්ගලොකාසා

183. (ක) යස්ස යත්ථ රූපක්ඛන්ධො නුප්පජ්ජිස්සති තස්ස තත්ථ වෙදනාක්ඛන්ධො න නිරුජ්ඣිස්සතීති?

පච්ඡිමභවිකානං පඤ්චවොකාරං උපපජ්ජන්තානං අරූපානං තෙසං තත්ථ රූපක්ඛන්ධො නුප්පජ්ජිස්සති, නො ච තෙසං තත්ථ වෙදනාක්ඛන්ධො න නිරුජ්ඣිස්සති. පරිනිබ්බන්තානං තෙසං තත්ථ රූපක්ඛන්ධො ච නුප්පජ්ජිස්සති වෙදනාක්ඛන්ධො ච න නිරුජ්ඣිස්සති.

(ඛ) යස්ස වා පන යත්ථ වෙදනාක්ඛන්ධො න නිරුජ්ඣිස්සති තස්ස තත්ථ රූපක්ඛන්ධො නුප්පජ්ජිස්සතීති?

අසඤ්ඤසත්තානං තෙසං තත්ථ වෙදනාක්ඛන්ධො න නිරුජ්ඣිස්සති, නො ච තෙසං තත්ථ රූපක්ඛන්ධො නුප්පජ්ජිස්සති. පරිනිබ්බන්තානං තෙසං තත්ථ වෙදනාක්ඛන්ධො ච න නිරුජ්ඣිස්සති රූපක්ඛන්ධො ච නුප්පජ්ජිස්සති.

184. (ක) යස්ස [Pg.63] යත්ථ වෙදනාක්ඛන්ධො නුප්පජ්ජිස්සති තස්ස තත්ථ සඤ්ඤාක්ඛන්ධො න නිරුජ්ඣිස්සතීති?

පච්ඡිමභවිකානං උපපජ්ජන්තානං තෙසං තත්ථ වෙදනාක්ඛන්ධො නුප්පජ්ජිස්සති, නො ච තෙසං තත්ථ සඤ්ඤාක්ඛන්ධො න නිරුජ්ඣිස්සති. පරිනිබ්බන්තානං අසඤ්ඤසත්තානං තෙසං තත්ථ වෙදනාක්ඛන්ධො ච නුප්පජ්ජිස්සති සඤ්ඤාක්ඛන්ධො ච න නිරුජ්ඣිස්සති.

(ඛ) යස්ස වා පන යත්ථ සඤ්ඤාක්ඛන්ධො න නිරුජ්ඣිස්සති තස්ස තත්ථ වෙදනාක්ඛන්ධො නුප්පජ්ජිස්සතීති? ආමන්තා.

(4) පච්චුප්පන්නාතීතවාරො

(ක) අනුලොමපුග්ගලො

185. (ක) යස්ස රූපක්ඛන්ධො උප්පජ්ජති තස්ස වදනාක්ඛන්ධො නිරුජ්ඣිත්ථාති? ආමන්තා.

(ඛ) යස්ස වා පන වෙදනාක්ඛන්ධො නිරුජ්ඣිත්ථ තස්ස රූපක්ඛන්ධො උප්පජ්ජතීති?

සබ්බෙසං චවන්තානං අරූපං උපපජ්ජන්තානං තෙසං වෙදනාක්ඛන්ධො නිරුජ්ඣිත්ථ, නො ච තෙසං රූපක්ඛන්ධො උප්පජ්ජති. පඤ්චවොකාරං උපපජ්ජන්තානං අසඤ්ඤසත්තං උපපජ්ජන්තානං තෙසං වෙදනාක්ඛන්ධො ච නිරුජ්ඣිත්ථ රූපක්ඛන්ධො ච උප්පජ්ජති…පෙ….

(යථා උප්පාදවාරෙ පච්චුප්පන්නාතීතං විභත්තං තථා ඉධ විභජිතබ්බං).

(5) පච්චුප්පන්නානාගතවාරො

(ක) අනුලොමපුග්ගලො

186. (ක) යස්ස රූපක්ඛන්ධො උප්පජ්ජති තස්ස වෙදනාක්ඛන්ධො නිරුජ්ඣිස්සතීති? ආමන්තා.

(ඛ) යස්ස වා පන වෙදනාක්ඛන්ධො නිරුජ්ඣිස්සති තස්ස රූපක්ඛන්ධො උප්පජ්ජතීති?

සබ්බෙසං චවන්තානං අරූපං උපපජ්ජන්තානං තෙසං වෙදනාක්ඛන්ධො නිරුජ්ඣිස්සති, නො ච තෙසං රූපක්ඛන්ධො උප්පජ්ජති. පඤ්චවොකාරං උපපජ්ජන්තානං අසඤ්ඤසත්තං උපපජ්ජන්තානං තෙසං වෙදනාක්ඛන්ධො ච නිරුජ්ඣිස්සති රූපක්ඛන්ධො ච උප්පජ්ජති.

187. (ක) යස්ස වෙදනාක්ඛන්ධො උප්පජ්ජති තස්ස සඤ්ඤාක්ඛන්ධො නිරුජ්ඣිස්සතීති? ආමන්තා.

(ඛ) යස්ස වා පන සඤ්ඤාක්ඛන්ධො නිරුජ්ඣිස්සති තස්ස වෙදනාක්ඛන්ධො උප්පජ්ජතීති?

සබ්බෙසං චවන්තානං අසඤ්ඤසත්තං උපපජ්ජන්තානං තෙසං සඤ්ඤාක්ඛන්ධො නිරුජ්ඣිස්සති, නො ච තෙසං වෙදනාක්ඛන්ධො උප්පජ්ජති. චතුවොකාරං පඤ්චවොකාරං [Pg.64] උපපජ්ජන්තානං තෙසං සඤ්ඤාක්ඛන්ධො ච නිරුජ්ඣිස්සති වෙදනාක්ඛන්ධො ච උප්පජ්ජති.

(ඛ) අනුලොමඔකාසො

188. යත්ථ රූපක්ඛන්ධො උප්පජ්ජති…පෙ….

(ග) අනුලොමපුග්ගලොකාසා

189. (ක) යස්ස යත්ථ රූපක්ඛන්ධො උප්පජ්ජති තස්ස තත්ථ වෙදනාක්ඛන්ධො නිරුජ්ඣිස්සතීති?

අසඤ්ඤසත්තං උපපජ්ජන්තානං තෙසං තත්ථ රූපක්ඛන්ධො උප්පජ්ජති, නො ච තෙසං තත්ථ වෙදනාක්ඛන්ධො නිරුජ්ඣිස්සති. පඤ්චවොකාරං උපපජ්ජන්තානං තෙසං තත්ථ රූපක්ඛන්ධො ච උප්පජ්ජති වෙදනාක්ඛන්ධො ච නිරුජ්ඣිස්සති.

(ඛ) යස්ස වා පන යත්ථ වෙදනාක්ඛන්ධො නිරුජ්ඣිස්සති තස්ස තත්ථ රූපක්ඛන්ධො උප්පජ්ජතීති?

පඤ්චවොකාරා චවන්තානං අරූපානං තෙසං තත්ථ වෙදනාක්ඛන්ධො නිරුජ්ඣිස්සති, නො ච තෙසං තත්ථ රූපක්ඛන්ධො උප්පජ්ජති. පඤ්චවොකාරං උපපජ්ජන්තානං තෙසං තත්ථ වෙදනාක්ඛන්ධො ච නිරුජ්ඣිස්සති රූපක්ඛන්ධො ච උප්පජ්ජති.

190. (ක) යස්ස යත්ථ වෙදනාක්ඛන්ධො උප්පජ්ජති තස්ස තත්ථ සඤ්ඤාක්ඛන්ධො නිරුජ්ඣිස්සතීති? ආමන්තා.

(ඛ) යස්ස වා පන යත්ථ සඤ්ඤාක්ඛන්ධො නිරුජ්ඣිස්සති තස්ස තත්ථ වෙදනාක්ඛන්ධො උප්පජ්ජතීති?

චතුවොකාරා පඤ්චවොකාරා චවන්තානං තෙසං තත්ථ සඤ්ඤාක්ඛන්ධො නිරුජ්ඣිස්සති, නො ච තෙසං තත්ථ වෙදනාක්ඛන්ධො උප්පජ්ජති. චතුවොකාරං පඤ්චවොකාරං උපපජ්ජන්තානං තෙසං තත්ථ සඤ්ඤාක්ඛන්ධො ච නිරුජ්ඣිස්සති වෙදනාක්ඛන්ධො ච උප්පජ්ජති.

(ඝ) පච්චනීකපුග්ගලො

191. (ක) යස්ස රූපක්ඛන්ධො නුප්පජ්ජති තස්ස වෙදනාක්ඛන්ධො න නිරුජ්ඣිස්සතීති?

සබ්බෙසං චවන්තානං අරූපං උපපජ්ජන්තානං තෙසං රූපක්ඛන්ධො නුප්පජ්ජති, නො ච තෙසං වෙදනාක්ඛන්ධො න නිරුජ්ඣිස්සති. පරිනිබ්බන්තානං තෙසං රූපක්ඛන්ධො ච නුප්පජ්ජති වෙදනාක්ඛන්ධො ච න නිරුජ්ඣිස්සති.

(ඛ) යස්ස වා පන වෙදනාක්ඛන්ධො න නිරුජ්ඣිස්සති තස්ස රූපක්ඛන්ධො නුප්පජ්ජතීති? ආමන්තා.

192. (ක) යස්ස වෙදනාක්ඛන්ධො නුප්පජ්ජති තස්ස සඤ්ඤාක්ඛන්ධො න නිරුජ්ඣිස්සතීති?

සබ්බෙසං චවන්තානං අසඤ්ඤසත්තං උපපජ්ජන්තානං තෙසං වෙදනාක්ඛන්ධො නුප්පජ්ජති, නො ච තෙසං සඤ්ඤාක්ඛන්ධො න නිරුජ්ඣිස්සති. පරිනිබ්බන්තානං [Pg.65] තෙසං වෙදනාක්ඛන්ධො ච නුප්පජ්ජති සඤ්ඤාක්ඛන්ධො ච න නිරුජ්ඣිස්සති.

(ඛ) යස්ස වා පන සඤ්ඤාක්ඛන්ධො න නිරුජ්ඣිස්සති තස්ස වෙදනාක්ඛන්ධො නුප්පජ්ජතීති? ආමන්තා.

(ඞ) පච්චනීකඔකාසො

193. යත්ථ රූපක්ඛන්ධො නුප්පජ්ජති…පෙ….

(ච) පච්චනීකපුග්ගලොකාසා

194. (ක) යස්ස යත්ථ රූපක්ඛන්ධො නුප්පජ්ජති තස්ස තත්ථ වෙදනාක්ඛන්ධො න නිරුජ්ඣිස්සතීති?

පඤ්චවොකාරා චවන්තානං අරූපානං තෙසං තත්ථ රූපක්ඛන්ධො නුප්පජ්ජති, නො ච තෙසං තත්ථ වෙදනාක්ඛන්ධො න නිරුජ්ඣිස්සති. පරිනිබ්බන්තානං අසඤ්ඤසත්තා චවන්තානං තෙසං තත්ථ රූපක්ඛන්ධො ච නුප්පජ්ජති වෙදනාක්ඛන්ධො ච න නිරුජ්ඣිස්සති.

(ඛ) යස්ස වා පන යත්ථ වෙදනාක්ඛන්ධො න නිරුජ්ඣිස්සති තස්ස තත්ථ රූපක්ඛන්ධො නුප්පජ්ජතීති?

අසඤ්ඤසත්තං උපපජ්ජන්තානං තෙසං තත්ථ වෙදනාක්ඛන්ධො න නිරුජ්ඣිස්සති, නො ච තෙසං තත්ථ රූපක්ඛන්ධො නුප්පජ්ජති. පරිනිබ්බන්තානං අසඤ්ඤසත්තා චවන්තානං තෙසං තත්ථ වෙදනාක්ඛන්ධො ච න නිරුජ්ඣිස්සති රූපක්ඛන්ධො ච නුප්පජ්ජති.

195. (ක) යස්ස යත්ථ වෙදනාක්ඛන්ධො නුප්පජ්ජති තස්ස තත්ථ සඤ්ඤාක්ඛන්ධො න නිරුජ්ඣිස්සතීති?

චතුවොකාරා පඤ්චවොකාරා චවන්තානං තෙසං තත්ථ වෙදනාක්ඛන්ධො නුප්පජ්ජති, නො ච තෙසං තත්ථ සඤ්ඤාක්ඛන්ධො න නිරුජ්ඣිස්සති. පරිනිබ්බන්තානං අසඤ්ඤසත්තානං තෙසං තත්ථ වෙදනාක්ඛන්ධො ච නුප්පජ්ජති සඤ්ඤාක්ඛන්ධො ච න නිරුජ්ඣිස්සති.

(ඛ) යස්ස වා පන යත්ථ සඤ්ඤාක්ඛන්ධො න නිරුජ්ඣිස්සති තස්ස තත්ථ වෙදනාක්ඛන්ධො නුප්පජ්ජතීති? ආමන්තා.

(6) අතීතානාගතවාරො

(ක) අනුලොමපුග්ගලො

196. (ක) යස්ස රූපක්ඛන්ධො උප්පජ්ජිත්ථ තස්ස වෙදනාක්ඛන්ධො නිරුජ්ඣිස්සතීති?

පරිනිබ්බන්තානං තෙසං රූපක්ඛන්ධො උප්පජ්ජිත්ථ, නො ච තෙසං වෙදනාක්ඛන්ධො නිරුජ්ඣිස්සති. ඉතරෙසං තෙසං රූපක්ඛන්ධො ච උප්පජ්ජිත්ථ වෙදනාක්ඛන්ධො ච නිරුජ්ඣිස්සති[Pg.66].

(ඛ) යස්ස වා පන වෙදනාක්ඛන්ධො නිරුජ්ඣිස්සති තස්ස රූපක්ඛන්ධො උප්පජ්ජිත්ථාති? ආමන්තා.

197. (ක) යස්ස වෙදනාක්ඛන්ධො උප්පජ්ජිත්ථ තස්ස සඤ්ඤාක්ඛන්ධො නිරුජ්ඣිස්සතීති?

පරිනිබ්බන්තානං තෙසං වෙදනාක්ඛන්ධො උප්පජ්ජිත්ථ, නො ච තෙසං සඤ්ඤාක්ඛන්ධො නිරුජ්ඣිස්සති. ඉතරෙසං තෙසං වෙදනාක්ඛන්ධො ච උප්පජ්ජිත්ථ සඤ්ඤාක්ඛන්ධො ච නිරුජ්ඣිස්සති.

(ඛ) යස්ස වා පන සඤ්ඤාක්ඛන්ධො නිරුජ්ඣිස්සති තස්ස වෙදනාක්ඛන්ධො උප්පජ්ජිත්ථාති? ආමන්තා.

(ඛ) අනුලොමඔකාසො

198. යත්ථ රූපක්ඛන්ධො උප්පජ්ජිත්ථ…පෙ….

(ග) අනුලොමපුග්ගලොකාසා

199. (ක) යස්ස යත්ථ රූපක්ඛන්ධො උප්පජ්ජිත්ථ තස්ස තත්ථ වෙදනාක්ඛන්ධො නිරුජ්ඣිස්සතීති?

පඤ්චවොකාරෙ පරිනිබ්බන්තානං අසඤ්ඤසත්තානං තෙසං තත්ථ රූපක්ඛන්ධො උප්පජ්ජිත්ථ, නො ච තෙසං තත්ථ වෙදනාක්ඛන්ධො නිරුජ්ඣිස්සති. ඉතරෙසං පඤ්චවොකාරානං තෙසං තත්ථ රූපක්ඛන්ධො ච උප්පජ්ජිත්ථ වෙදනාක්ඛන්ධො ච නිරුජ්ඣිස්සති.

(ඛ) යස්ස වා පන යත්ථ වෙදනාක්ඛන්ධො නිරුජ්ඣිස්සති තස්ස තත්ථ රූපක්ඛන්ධො උප්පජ්ජිත්ථාති?

සුද්ධාවාසං උපපජ්ජන්තානං අරූපානං තෙසං තත්ථ වෙදනාක්ඛන්ධො නිරුජ්ඣිස්සති, නො ච තෙසං තත්ථ රූපක්ඛන්ධො උප්පජ්ජිත්ථ. ඉතරෙසං පඤ්චවොකාරානං තෙසං තත්ථ වෙදනාක්ඛන්ධො ච නිරුජ්ඣිස්සති රූපක්ඛන්ධො ච උප්පජ්ජිත්ථ.

200. (ක) යස්ස යත්ථ වෙදනාක්ඛන්ධො උප්පජ්ජිත්ථ තස්ස තත්ථ සඤ්ඤාක්ඛන්ධො නිරුජ්ඣිස්සතීති?

පරිනිබ්බන්තානං තෙසං තත්ථ වෙදනාක්ඛන්ධො උප්පජ්ජිත්ථ, නො ච තෙසං තත්ථ සඤ්ඤාක්ඛන්ධො නිරුජ්ඣිස්සති. ඉතරෙසං චතුවොකාරානං පඤ්චවොකාරානං තෙසං තත්ථ වෙදනාක්ඛන්ධො ච උප්පජ්ජිත්ථ සඤ්ඤාක්ඛන්ධො ච නිරුජ්ඣිස්සති.

(ඛ) යස්ස වා පන යත්ථ සඤ්ඤාක්ඛන්ධො නිරුජ්ඣිස්සති තස්ස තත්ථ වෙදනාක්ඛන්ධො උප්පජ්ජිත්ථාති?

සුද්ධාවාසං උපපජ්ජන්තානං තෙසං තත්ථ සඤ්ඤාක්ඛන්ධො නිරුජ්ඣිස්සති, නො ච තෙසං තත්ථ වෙදනාක්ඛන්ධො උප්පජ්ජිත්ථ. ඉතරෙසං චතුවොකාරානං පඤ්චවොකාරානං තෙසං තත්ථ සඤ්ඤාක්ඛන්ධො ච නිරුජ්ඣිස්සති වෙදනාක්ඛන්ධො ච උප්පජ්ජිත්ථ.

(ඝ) පච්චනීකපුග්ගලො

201. (ක) යස්ස [Pg.67] රූපක්ඛන්ධො නුප්පජ්ජිත්ථ තස්ස වෙදනාක්ඛන්ධො න නිරුජ්ඣිස්සතීති? නත්ථි.

(ඛ) යස්ස වා පන වෙදනාක්ඛන්ධො න නිරුජ්ඣිස්සති තස්ස රූපක්ඛන්ධො නුප්පජ්ජිත්ථාති? උප්පජ්ජිත්ථ.

202. (ක) යස්ස වෙදනාක්ඛන්ධො නුප්පජ්ජිත්ථ තස්ස සඤ්ඤාක්ඛන්ධො න නිරුජ්ඣිස්සතීති? නත්ථි.

(ඛ) යස්ස වා පන සඤ්ඤාක්ඛන්ධො න නිරුජ්ඣිස්සති තස්ස වෙදනාක්ඛන්ධො නුප්පජ්ජිත්ථාති? උප්පජ්ජිත්ථ.

(ඞ) පච්චනීකඔකාසො

203. යත්ථ රූපක්ඛන්ධො නුප්පජ්ජිත්ථ…පෙ….

(ච) පච්චනීකපුග්ගලොකාසා

204. (ක) යස්ස යත්ථ රූපක්ඛන්ධො නුප්පජ්ජිත්ථ තස්ස තත්ථ වෙදනාක්ඛන්ධො න නිරුජ්ඣිස්සතීති?

සුද්ධාවාසං උපපජ්ජන්තානං අරූපානං තෙසං තත්ථ රූපක්ඛන්ධො නුප්පජ්ජිත්ථ, නො ච තෙසං තත්ථ වෙදනාක්ඛන්ධො න නිරුජ්ඣිස්සති. සුද්ධාවාසෙ පරිනිබ්බන්තානං අරූපෙ පරිනිබ්බන්තානං තෙසං තත්ථ රූපක්ඛන්ධො ච නුප්පජ්ජිත්ථ වෙදනාක්ඛන්ධො ච න නිරුජ්ඣිස්සති.

(ඛ) යස්ස වා පන යත්ථ වෙදනාක්ඛන්ධො න නිරුජ්ඣිස්සති තස්ස තත්ථ රූපක්ඛන්ධො නුප්පජ්ජිත්ථාති?

පඤ්චවොකාරෙ පරිනිබ්බන්තානං අසඤ්ඤසත්තානං තෙසං තත්ථ වෙදනාක්ඛන්ධො න නිරුජ්ඣිස්සති, නො ච තෙසං තත්ථ රූපක්ඛන්ධො නුප්පජ්ජිත්ථ. සුද්ධාවාසෙ පරිනිබ්බන්තානං අරූපෙ පරිනිබ්බන්තානං තෙසං තත්ථ වෙදනාක්ඛන්ධො ච න නිරුජ්ඣිස්සති රූපක්ඛන්ධො ච නුප්පජ්ජිත්ථ.

205. (ක) යස්ස යත්ථ වෙදනාක්ඛන්ධො නුප්පජ්ජිත්ථ තස්ස තත්ථ සඤ්ඤාක්ඛන්ධො න නිරුජ්ඣිස්සතීති?

සුද්ධාවාසං උපපජ්ජන්තානං තෙසං තත්ථ වෙදනාක්ඛන්ධො නුප්පජ්ජිත්ථ, නො ච තෙසං තත්ථ සඤ්ඤාක්ඛන්ධො න නිරුජ්ඣිස්සති. සුද්ධාවාසෙ පරිනිබ්බන්තානං අසඤ්ඤසත්තානං තෙසං තත්ථ වෙදනාක්ඛන්ධො ච නුප්පජ්ජිත්ථ සඤ්ඤාක්ඛන්ධො ච න නිරුජ්ඣිස්සති.

(ඛ) යස්ස වා පන යත්ථ සඤ්ඤාක්ඛන්ධො න නිරුජ්ඣිස්සති තස්ස තත්ථ වෙදනාක්ඛන්ධො නුප්පජ්ජිත්ථාති?

පරිනිබ්බන්තානං තෙසං තත්ථ සඤ්ඤාක්ඛන්ධො න නිරුජ්ඣිස්සති, නො ච තෙසං තත්ථ වෙදනාක්ඛන්ධො නුප්පජ්ජිත්ථ[Pg.68]. සුද්ධාවාසෙ පරිනිබ්බන්තානං අසඤ්ඤසත්තානං තෙසං තත්ථ සඤ්ඤාක්ඛන්ධො ච න නිරුජ්ඣිස්සති වෙදනාක්ඛන්ධො ච නුප්පජ්ජිත්ථ.

උප්පාදනිරොධවාරො.

පවත්තිවාරො නිට්ඨිතො.

3. පරිඤ්ඤාවාරො

1. පච්චුප්පන්නවාරො

206. (ක) යො රූපක්ඛන්ධං පරිජානාති සො වෙදනාක්ඛන්ධං පරිජානාතීති? ආමන්තා.

(ඛ) යො වා පන වෙදනාක්ඛන්ධං පරිජානාති සො රූපක්ඛන්ධං පරිජානාතීති? ආමන්තා.

(ක) යො රූපක්ඛන්ධං න පරිජානාති සො වෙදනාක්ඛන්ධං න පරිජානාතීති? ආමන්තා.

(ඛ) යො වා පන වෙදනාක්ඛන්ධං න පරිජානාති සො රූපක්ඛන්ධං න පරිජානාතීති? ආමන්තා.

2. අතීතවාරො

207. (ක) යො රූපක්ඛන්ධං පරිජානිත්ථ සො වෙදනාක්ඛන්ධං පරිජානිත්ථාති? ආමන්තා.

(ඛ) යො වා පන වෙදනාක්ඛන්ධං පරිජානිත්ථ සො රූපක්ඛන්ධං පරිජානිත්ථාති? ආමන්තා.

(ක) යො රූපක්ඛන්ධං න පරිජානිත්ථ සො වෙදනාක්ඛන්ධං න පරිජානිත්ථාති? ආමන්තා.

(ඛ) යො වා පන වෙදනාක්ඛන්ධං න පරිජානිත්ථ සො රූපක්ඛන්ධං න පරිජානිත්ථාති? ආමන්තා.

3. අනාගතවාරො

208. (ක) යො රූපක්ඛන්ධං පරිජානිස්සති සො වෙදනාක්ඛන්ධං පරිජානිස්සතීති? ආමන්තා.

(ඛ) යො වා පන වෙදනාක්ඛන්ධං පරිජානිස්සති සො රූපක්ඛන්ධං පරිජානිස්සතීති? ආමන්තා.

(ක) යො [Pg.69] රූපක්ඛන්ධං න පරිජානිස්සති සො වෙදනාක්ඛන්ධං න පරිජානිස්සතීති? ආමන්තා.

(ඛ) යො වා පන වෙදනාක්ඛන්ධං න පරිජානිස්සති සො රූපක්ඛන්ධං න පරිජානිස්සතීති? ආමන්තා.

4. පච්චුප්පන්නාතීතවාරො

209. (ක) යො රූපක්ඛන්ධං පරිජානාති සො වෙදනාක්ඛන්ධං පරිජානිත්ථාති? නො.

(ඛ) යො වා පන වෙදනාක්ඛන්ධං පරිජානිත්ථ සො රූපක්ඛන්ධං පරිජානාතීති? නො.

(ක) යො රූපක්ඛන්ධං න පරිජානාති සො වෙදනාක්ඛන්ධං න පරිජානිත්ථාති?

අරහා රූපක්ඛන්ධං න පරිජානාති, නො ච වෙදනාක්ඛන්ධං න පරිජානිත්ථ. අග්ගමග්ගසමඞ්ගිඤ්ච අරහන්තඤ්ච ඨපෙත්වා අවසෙසා පුග්ගලා රූපක්ඛන්ධඤ්ච න පරිජානන්ති වෙදනාක්ඛන්ධඤ්ච න පරිජානිත්ථ.

(ඛ) යො වා පන වෙදනාක්ඛන්ධං න පරිජානිත්ථ සො රූපක්ඛන්ධං න පරිජානාතීති?

අග්ගමග්ගසමඞ්ගී වෙදනාක්ඛන්ධං න පරිජානිත්ථ, නො ච රූපක්ඛන්ධං න පරිජානාති. අග්ගමග්ගසමඞ්ගිඤ්ච අරහන්තඤ්ච ඨපෙත්වා අවසෙසා පුග්ගලා වෙදනාක්ඛන්ධඤ්ච න පරිජානිත්ථ රූපක්ඛන්ධඤ්ච න පරිජානන්ති.

5. පච්චුප්පන්නානාගතවාරො

210. (ක) යො රූපක්ඛන්ධං පරිජානාති සො වෙදනාක්ඛන්ධං පරිජානිස්සතීති? නො.

(ඛ) යො වා පන වෙදනාක්ඛන්ධං පරිජානිස්සති සො රූපක්ඛන්ධං පරිජානාතීති? නො.

(ක) යො රූපක්ඛන්ධං න පරිජානාති සො වෙදනාක්ඛන්ධං න පරිජානිස්සතීති?

යෙ මග්ගං පටිලභිස්සන්ති තෙ රූපක්ඛන්ධං න පරිජානන්ති, නො ච වෙදනාක්ඛන්ධං න පරිජානිස්සන්ති. අරහා යෙ ච පුථුජ්ජනා මග්ගං න පටිලභිස්සන්ති තෙ රූපක්ඛන්ධඤ්ච න පරිජානන්ති වෙදනාක්ඛන්ධඤ්ච න පරිජානිස්සන්ති.

(ඛ) යො වා පන වෙදනාක්ඛන්ධං න පරිජානිස්සති සො රූපක්ඛන්ධං න පරිජානාතීති?

අග්ගමග්ගසමඞ්ගී වෙදනාක්ඛන්ධං න පරිජානිස්සති, නො ච රූපක්ඛන්ධං න පරිජානාති. අරහා යෙ ච පුථුජ්ජනා මග්ගං න පටිලභිස්සන්ති තෙ වෙදනාක්ඛන්ධඤ්ච න පරිජානිස්සන්ති රූපක්ඛන්ධඤ්ච න පරිජානන්ති.

6. අතීතානාගතවාරො

211. (ක) යො [Pg.70] රූපක්ඛන්ධං පරිජානිත්ථ සො වෙදනාක්ඛන්ධං පරිජානිස්සතීති? නො.

(ඛ) යො වා පන වෙදනාක්ඛන්ධං පරිජානිස්සති සො රූපක්ඛන්ධං පරිජානිත්ථාති? නො.

(ක) යො රූපක්ඛන්ධං න පරිජානිත්ථ සො වෙදනාක්ඛන්ධං න පරිජානිස්සතීති?

යෙ මග්ගං පටිලභිස්සන්ති තෙ රූපක්ඛන්ධං න පරිජානිත්ථ, නො ච වෙදනාක්ඛන්ධං න පරිජානිස්සන්ති. අග්ගමග්ගසමඞ්ගී යෙ ච පුථුජ්ජනා මග්ගං න පටිලභිස්සන්ති තෙ රූපක්ඛන්ධඤ්ච න පරිජානිත්ථ වෙදනාක්ඛන්ධඤ්ච න පරිජානිස්සන්ති.

(ඛ) යො වා පන වෙදනාක්ඛන්ධං න පරිජානිස්සති සො රූපක්ඛන්ධං න පරිජානිත්ථාති?

අරහා වෙදනාක්ඛන්ධං න පරිජානිස්සති, නො ච රූපක්ඛන්ධං න පරිජානිත්ථ. අග්ගමග්ගසමඞ්ගී යෙ ච පුථුජ්ජනා මග්ගං න පටිලභිස්සන්ති තෙ වෙදනාක්ඛන්ධඤ්ච න පරිජානිස්සන්ති රූපක්ඛන්ධඤ්ච න පරිජානිත්ථ.

පරිඤ්ඤාවාරො.

ඛන්ධයමකපාළි නිට්ඨිතා.

නමො තස්ස භගවතො අරහතො සම්මාසම්බුද්ධස්ස

3. ආයතනයමකං

1. පණ්ණත්තිවාරො

(ක) උද්දෙසො

1. ද්වාදසායතනානි [Pg.71] – චක්ඛායතනං, සොතායතනං ඝානායතනං, ජිව්හායතනං, කායායතනං, රූපායතනං, සද්දායතනං, ගන්ධායතනං, රසායතනං, ඵොට්ඨබ්බායතනං, මනායතනං, ධම්මායතනං.

1. පදසොධනවාරො

(ක) අනුලොමං

2. (ක) චක්ඛු චක්ඛායතනං?

(ඛ) චක්ඛායතනං චක්ඛු?

(ක) සොතං සොතායතනං?

(ඛ) සොතායතනං සොතං?

(ක) ඝානං ඝානායතනං?

(ඛ) ඝානායතනං ඝානං?

(ක) ජිව්හා ජිව්හායතනං?

(ඛ) ජිව්හායතනං ජිව්හා?

(ක) කායො කායායතනං?

(ඛ) කායායතනං කායො?

(ක) රූපං රූපායතනං?

(ඛ) රූපායතනං රූපං?

(ක) සද්දො සද්දායතනං?

(ඛ) සද්දායතනං සද්දො?

(ක) ගන්ධො ගන්ධායතනං?

(ඛ) ගන්ධායතනං ගන්ධො?

(ක) රසො රසායතනං?

(ඛ) රසායතනං රසො?

(ක) ඵොට්ඨබ්බො ඵොට්ඨබ්බායතනං?

(ඛ) ඵොට්ඨබ්බායතනං ඵොට්ඨබ්බො?

(ක) මනො මනායතනං?

(ඛ) මනායතනං මනො?

(ක) ධම්මො ධම්මායතනං?

(ඛ) ධම්මායතනං ධම්මො?

(ඛ) පච්චනීකං

3. (ක) න [Pg.72] චක්ඛු න චක්ඛායතනං?

(ඛ) න චක්ඛායතනං න චක්ඛු?

(ක) න සොතං න සොතායතනං?

(ඛ) න සොතායතනං න සොතං?

(ක) න ඝානං න ඝානායතනං?

(ඛ) න ඝානායතනං න ඝානං?

(ක) න ජිව්හා න ජිව්හායතනං?

(ඛ) න ජිව්හායතනං න ජිව්හා?

(ක) න කායො න කායායතනං?

(ඛ) න කායායතනං න කායො?

(ක) න රූපං න රූපායතනං?

(ඛ) න රූපායතනං න රූපං?

(ක) න සද්දො න සද්දායතනං?

(ඛ) න සද්දායතනං න සද්දො?

(ක) න ගන්ධො න ගන්ධායතනං?

(ඛ) න ගන්ධායතනං න ගන්ධො?

(ක) න රසො න රසායතනං?

(ඛ) න රසායතනං න රසො?

(ක) න ඵොට්ඨබ්බො න ඵොට්ඨබ්බායතනං?

(ඛ) න ඵොට්ඨබ්බායතනං න ඵොට්ඨබ්බො?

(ක) න මනො න මනායතනං?

(ඛ) න මනායතනං න මනො?

(ක) න ධම්මො න ධම්මායතනං?

(ඛ) න ධම්මායතනං න ධම්මො?

2. පදසොධනමූලචක්කවාරො

(ක) අනුලොමං

4. (ක) චක්ඛු චක්ඛායතනං?

(ඛ) ආයතනා සොතායතනං?

(ක) චක්ඛු චක්ඛායතනං?

(ඛ) ආයතනා ඝානායතනං?

(ක) චක්ඛු චක්ඛායතනං?

(ඛ) ආයතනා ජිව්හායතනං?…පෙ…

(ක) චක්ඛු චක්ඛායතනං?

(ඛ) ආයතනා ධම්මායතනං?

(ක) සොතං සොතායතනං?

(ඛ) ආයතනා චක්ඛායතනං?

(ක) සොතං සොතායතනං?

(ඛ) ආයතනා ඝානායතනං?…පෙ…

(ක) සොතං සොතායතනං?

(ඛ) ආයතනා ධම්මායතනං?

(ක) ඝානං ඝානායතනං?

(ඛ) ආයතනා චක්ඛායතනං?…පෙ…

(ක) ඝානං ඝානායතනං?

(ඛ) ආයතනා ධම්මායතනං?…පෙ…

(ක) ධම්මො ධම්මායතනං?

(ඛ) ආයතනා චක්ඛායතනං?

(ක) ධම්මො ධම්මායතනං?

(ඛ) ආයතනා සොතායතනං?…පෙ…

(ක) ධම්මො ධම්මායතනං?

(ඛ) ආයතනා මනායතනං?

(චක්කං බන්ධිතබ්බං)

(ඛ) පච්චනීකං

5. (ක) න [Pg.73] චක්ඛු න චක්ඛායතනං?

(ඛ) නායතනා න සොතායතනං?

(ක) න චක්ඛු න චක්ඛායතනං?

(ඛ) නායතනා න ඝානායතනං?…පෙ…

(ක) න චක්ඛු න චක්ඛායතනං?

(ඛ) නායතනා න ධම්මායතනං?

(ක) න සොතං න සොතායතනං?

(ඛ) නායතනා න චක්ඛායතනං?…පෙ…

(ක) න සොතං න සොතායතනං?

(ඛ) නායතනා න ධම්මායතනං?

(ක) න ඝානං න ඝානායතනං?

(ඛ) නායතනා න චක්ඛායතනං?…පෙ…

(ක) න ඝානං න ඝානායතනං?

(ඛ) නායතනා න ධම්මායතනං?…පෙ…

(ක) න ධම්මො න ධම්මායතනං?

(ඛ) නායතනා න චක්ඛායතනං?

(ක) න ධම්මො න ධම්මායතනං?

(ඛ) නායතනා න සොතායතනං?…පෙ…

(ක) න ධම්මො න ධම්මායතනං?

(ඛ) නායතනා න මනායතනං?

(චක්කං බන්ධිතබ්බං)

3. සුද්ධායතනවාරො

(ක) අනුලොමං

6. (ක) චක්ඛු ආයතනං?

(ඛ) ආයතනා චක්ඛු?

(ක) සොතං ආයතනං?

(ඛ) ආයතනා සොතං?

(ක) ඝානං ආයතනං?

(ඛ) ආයතනා ඝානං?

(ක) ජිව්හා ආයතනං?

(ඛ) ආයතනා ජිව්හා?

(ක) කායො ආයතනං?

(ඛ) ආයතනා කායො?

(ක) රූපං ආයතනං?

(ඛ) ආයතනා රූපං?

(ක) සද්දො ආයතනං?

(ඛ) ආයතනා සද්දො?

(ක) ගන්ධො ආයතනං?

(ඛ) ආයතනා ගන්ධො?

(ක) රසො ආයතනං?

(ඛ) ආයතනා රසො?

(ක) ඵොට්ඨබ්බො ආයතනං?

(ඛ) ආයතනා ඵොට්ඨබ්බො?

(ක) මනො ආයතනං?

(ඛ) ආයතනා මනො?

(ක) ධම්මො ආයතනං?

(ඛ) ආයතනා ධම්මො?

(ඛ) පච්චනීකං

7. (ක) න [Pg.74] චක්ඛු නායතනං?

(ඛ) නායතනා න චක්ඛු?

(ක) න සොතං නායතනං?

(ඛ) නායතනා න සොතං?

(ක) න ඝානං නායතනං?

(ඛ) නායතනා න ඝානං?

(ක) න ජිව්හා නායතනං?

(ඛ) නායතනා න ජිව්හා?

(ක) න කායො නායතනං?

(ඛ) නායතනා න කායො?

(ක) න රූපං නායතනං?

(ඛ) නායතනා න රූපං?

(ක) න සද්දො නායතනං?

(ඛ) නායතනා න සද්දො?

(ක) න ගන්ධො නායතනං?

(ඛ) නායතනා න ගන්ධො?

(ක) න රසො නායතනං?

(ඛ) නායතනා න රසො?

(ක) න ඵොට්ඨබ්බො නායතනං?

(ඛ) නායතනා න ඵොට්ඨබ්බො?

(ක) න මනො නායතනං?

(ඛ) නායතනා න මනො?

(ක) න ධම්මො නායතනං?

(ඛ) නායතනා න ධම්මො?

4. සුද්ධායතනමූලචක්කවාරො

(ක) අනුලොමං

8. (ක) චක්ඛු ආයතනං?

(ඛ) ආයතනා සොතං?…පෙ…

(ක) චක්ඛු ආයතනං?

(ඛ) ආයතනා ධම්මො?

(ක) සොතං ආයතනං?

(ඛ) ආයතනා චක්ඛු?…පෙ…

(ක) සොතං ආයතනං?

(ඛ) ආයතනා ධම්මො?

(ක) ඝානං ආයතනං?

(ඛ) ආයතනා චක්ඛු?…පෙ…

(ක) ඝානං ආයතනං?

(ඛ) ආයතනා ධම්මො?…පෙ…

(ක) ධම්මො ආයතනං?

(ඛ) ආයතනා චක්ඛු?

(ක) ධම්මො ආයතනං?

(ඛ) ආයතනා සොතං?…පෙ…

(ක) ධම්මො ආයතනං?

(ඛ) ආයතනා මනො?

(චක්කං බන්ධිතබ්බං)

(ඛ) පච්චනීකං

9. (ක) න [Pg.75] චක්ඛු නායතනං?

(ඛ) නායතනා න සොතං?

(ක) න චක්ඛු නායතනං?

(ඛ) නායතනා න ඝානං?…පෙ…

(ක) න චක්ඛු නායතනං?

(ඛ) නායතනා න ධම්මො?

(ක) න සොතං නායතනං?

(ඛ) නායතනා න චක්ඛු?…පෙ…

(ක) න සොතං නායතනං?

(ඛ) නායතනා න ධම්මො?

(ක) න ඝානං නායතනං?

(ඛ) නායතනා න චක්ඛු?…පෙ…

(ක) න ඝානං නායතනං?

(ඛ) නායතනා න ධම්මො?…පෙ…

(ක) න ධම්මො නායතනං?

(ඛ) නායතනා න චක්ඛු?

(ක) න ධම්මො නායතනං?

(ඛ) නායතනා න සොතං?…පෙ…

(ක) න ධම්මො නායතනං?

(ඛ) නායතනා න මනො?

(චක්කං බන්ධිතබ්බං)

පණ්ණත්තිඋද්දෙසවාරො.

(ඛ) නිද්දෙසො

1. පණ්ණත්තිවාරනිද්දෙස

1. පදසොධනවාරො

(ක) අනුලොමං

10. (ක) චක්ඛු චක්ඛායතනන්ති?

දිබ්බචක්ඛු පඤ්ඤාචක්ඛු චක්ඛු, න චක්ඛායතනං. චක්ඛායතනං චක්ඛු චෙව චක්ඛායතනඤ්ච.

(ඛ) චක්ඛායතනං චක්ඛූති? ආමන්තා.

(ක) සොතං සොතායතනන්ති?

දිබ්බසොතං තණ්හාසොතං සොතං, න සොතායතනං. සොතායතනං සොතඤ්චෙව සොතායතනඤ්ච.

(ඛ) සොතායතනං සොතන්ති? ආමන්තා.

(ක) ඝානං ඝානායතනන්ති? ආමන්තා.

(ඛ) ඝානායතනං ඝානන්ති? ආමන්තා.

(ක) ජිව්හා ජිව්හායතනන්ති? ආමන්තා.

(ඛ) ජිව්හායතනං ජිව්හාති? ආමන්තා.

(ක) කායො [Pg.76] කායායතනන්ති?

කායායතනං ඨපෙත්වා අවසෙසො කායො, න කායායතනං. කායායතනං කායො චෙව කායායතනඤ්ච.

(ඛ) කායායතනං කායොති? ආමන්තා.

(ක) රූපං රූපායතනන්ති?

රූපායතනං ඨපෙත්වා අවසෙසං රූපං, න රූපායතනං. රූපායතනං රූපඤ්චෙව රූපායතනඤ්ච.

(ඛ) රූපායතනං රූපන්ති? ආමන්තා.

(ක) සද්දො සද්දායතනන්ති? ආමන්තා.

(ඛ) සද්දායතනං සද්දොති? ආමන්තා.

(ක) ගන්ධො ගන්ධායතනන්ති?

සීලගන්ධො සමාධිගන්ධො පඤ්ඤාගන්ධො ගන්ධො, න ගන්ධායතනං. ගන්ධායතනං ගන්ධො චෙව ගන්ධායතනඤ්ච.

(ඛ) ගන්ධායතනං ගන්ධොති? ආමන්තා.

(ක) රසො රසායතනන්ති?

අත්ථරසො ධම්මරසො විමුත්තිරසො රසො, න රසායතනං. රසායතනං රසො චෙව රසායතනඤ්ච.

(ඛ) රසායතනං රසොති? ආමන්තා.

(ක) ඵොට්ඨබ්බො ඵොට්ඨබ්බායතනන්ති? ආමන්තා.

(ඛ) ඵොට්ඨබ්බායතනං ඵොට්ඨබ්බොති? ආමන්තා.

(ක) මනො මනායතනන්ති? ආමන්තා.

(ඛ) මනායතනං මනොති? ආමන්තා.

(ක) ධම්මො ධම්මායතනන්ති?

ධම්මායතනං ඨපෙත්වා අවසෙසො ධම්මො, න ධම්මායතනං. ධම්මායතනං ධම්මො චෙව ධම්මායතනඤ්ච.

(ඛ) ධම්මායතනං ධම්මොති? ආමන්තා.

(ඛ) පච්චනීකං

11. (ක) න චක්ඛු න චක්ඛායතනන්ති? ආමන්තා.

(ඛ) න චක්ඛායතනං න චක්ඛූති?

දිබ්බචක්ඛු පඤ්ඤාචක්ඛු න චක්ඛායතනං, චක්ඛු. චක්ඛුඤ්ච චක්ඛායතනඤ්ච ඨපෙත්වා අවසෙසං න චෙව චක්ඛු න ච චක්ඛායතනං.

(ක) න සොතං න සොතායතනන්ති? ආමන්තා.

(ඛ) න සොතායතනං න සොතන්ති?

දිබ්බසොතං තණ්හාසොතං න සොතායතනං, සොතං. සොතඤ්ච සොතායතනඤ්ච ඨපෙත්වා අවසෙසං න චෙව සොතං න ච සොතායතනං.

(ක) න [Pg.77] ඝානං න ඝානායතනන්ති? ආමන්තා.

(ඛ) න ඝානායතනං න ඝානන්ති? ආමන්තා.

(ක) න ජිව්හා න ජිව්හායතනන්ති? ආමන්තා.

(ඛ) න ජිව්හායතනං න ජිව්හාති? ආමන්තා.

(ක) න කායො න කායායතනන්ති? ආමන්තා.

(ඛ) න කායායතනං න කායොති?

කායායතනං ඨපෙත්වා අවසෙසො න කායායතනං, කායො. කායඤ්ච කායායතනඤ්ච ඨපෙත්වා අවසෙසං න චෙව කායො න ච කායායතනං.

(ක) න රූපං න රූපායතනන්ති? ආමන්තා.

(ඛ) න රූපායතනං න රූපන්ති?

රූපායතනං ඨපෙත්වා අවසෙසං න රූපායතනං, රූපං. රූපඤ්ච රූපායතනඤ්ච ඨපෙත්වා අවසෙසං න චෙව රූපං න ච රූපායතනං.

(ක) න සද්දො න සද්දායතනන්ති? ආමන්තා.

(ඛ) න සද්දායතනං න සද්දොති? ආමන්තා.

(ක) න ගන්ධො න ගන්ධායතනන්ති? ආමන්තා.

(ඛ) න ගන්ධායතනං න ගන්ධොති?

සීලගන්ධො සමාධිගන්ධො පඤ්ඤාගන්ධො න ගන්ධායතනං, ගන්ධො. ගන්ධඤ්ච ගන්ධායතනඤ්ච ඨපෙත්වා අවසෙසං න චෙව ගන්ධො න ච ගන්ධායතනං.

(ක) න රසො න රසායතනන්ති? ආමන්තා.

(ඛ) න රසායතනං න රසොති?

අත්ථරසො ධම්මරසො විමුත්තිරසො න රසායතනං, රසො. රසඤ්ච රසායතනඤ්ච ඨපෙත්වා අවසෙසං න චෙව රසො න ච රසායතනං.

(ක) න ඵොට්ඨබ්බො න ඵොට්ඨබ්බායතනන්ති? ආමන්තා.

(ඛ) න ඵොට්ඨබ්බායතනං න ඵොට්ඨබ්බොති? ආමන්තා.

(ක) න මනො න මනායතනන්ති? ආමන්තා.

(ඛ) න මනායතනං න මනොති? ආමන්තා.

(ක) න ධම්මො න ධම්මායතනන්ති? ආමන්තා.

(ඛ) න ධම්මායතනං න ධම්මොති?

ධම්මායතනං ඨපෙත්වා අවසෙසො න ධම්මායතනං, ධම්මො. ධම්මඤ්ච ධම්මායතනඤ්ච ඨපෙත්වා අවසෙසං න චෙව ධම්මො න ච ධම්මායතනං.

2. පදසොධනමූලචක්කවාරො

(ක) අනුලොමං

12. (ක) චක්ඛු [Pg.78] චක්ඛායතනන්ති?

දිබ්බචක්ඛු පඤ්ඤාචක්ඛු චක්ඛු, න චක්ඛායතනං. චක්ඛායතනං චක්ඛු චෙව චක්ඛායතනඤ්ච…පෙ….

(ඛ) ආයතනා සොතායතනන්ති?

සොතායතනං ආයතනඤ්චෙව සොතායතනඤ්ච. අවසෙසා ආයතනා න සොතායතනං.

චක්ඛු චක්ඛායතනන්ති?

දිබ්බචක්ඛු පඤ්ඤාචක්ඛු චක්ඛු, න චක්ඛායතනං. චක්ඛායතනං චක්ඛු චෙව චක්ඛායතනඤ්ච…පෙ….

ආයතනා ඝානායතනන්ති…පෙ… ආයතනා ධම්මායතනන්ති?

ධම්මායතනං ආයතනඤ්චෙව ධම්මායතනඤ්ච. අවසෙසා ආයතනා න ධම්මායතනං.

සොතං සොතායතනන්ති?…පෙ… අවසෙසා ආයතනා න ධම්මායතනං…පෙ….

ධම්මො ධම්මායතනන්ති?

ධම්මායතනං ඨපෙත්වා අවසෙසො ධම්මො, න ධම්මායතනං. ධම්මායතනං ධම්මො චෙව ධම්මායතනඤ්ච…පෙ….

ආයතනා චක්ඛායතනන්ති?

චක්ඛායතනං ආයතනඤ්චෙව චක්ඛායතනඤ්ච. අවසෙසා ආයතනා න චක්ඛායතනං.

ධම්මො ධම්මායතනන්ති?

ධම්මායතනං ඨපෙත්වා අවසෙසො ධම්මො, න ධම්මායතනං. ධම්මායතනං ධම්මො චෙව ධම්මායතනඤ්ච.

ආයතනා සොතායතනන්ති…පෙ… ආයතනා මනායතනන්ති?

මනායතනං ආයතනඤ්චෙව මනායතනඤ්ච. අවසෙසා ආයතනා න මනායතනං.

(එකෙකපදමූලකං චක්කං බන්ධිතබ්බං අසම්මොහන්තෙන).

(ඛ) පච්චනීකං

13. (ක) න චක්ඛු න චක්ඛායතනන්ති? ආමන්තා.

(ඛ) නායතනා න සොතායනන්ති? ආමන්තා.

(ක) න චක්ඛු න චක්ඛායතනන්ති? ආමන්තා.

(ඛ) නායතනා න ඝානායතනන්ති? ආමන්තා.…පෙ….

නායතනා න ධම්මායතනන්ති? ආමන්තා.

න [Pg.79] සොතං න සොතායතනන්ති? ආමන්තා.

නායතනා න චක්ඛායතනං…පෙ… නායතනා න ධම්මායතනන්ති? ආමන්තා.

න ඝානං න ඝානායතනං…පෙ… නායතනා න ධම්මායතනන්ති?

ආමන්තා.…පෙ….

(ක) න ධම්මො න ධම්මායතනන්ති? ආමන්තා.

(ඛ) නායතනා න චක්ඛායතනන්ති? ආමන්තා.

න ධම්මො න ධම්මායතනන්ති? ආමන්තා.

නායතනා න සොතායතනං…පෙ… නායතනා න මනායතනන්ති? ආමන්තා.

(චක්කං බන්ධන්තෙන සබ්බත්ථ ආමන්තාති කාතබ්බං).

3. සුද්ධායතනවාරො

(ක) අනුලොමං

14. (ක) චක්ඛු ආයතනන්ති? ආමන්තා.

(ඛ) ආයතනා චක්ඛායතනන්ති?

චක්ඛායතනං ආයතනඤ්චෙව චක්ඛායතනඤ්ච. අවසෙසා ආයතනා න චක්ඛායතනං.

සොතං ආයතනන්ති?

ආමන්තා.…පෙ… ඝානං… ජිව්හා… කායො… රූපං… සද්දො… ගන්ධො… රසො… ඵොට්ඨබ්බො… මනො… ධම්මො ආයතනන්ති?

ආමන්තා.

ආයතනා ධම්මායතනන්ති?

ධම්මායතනං ආයතනඤ්චෙව ධම්මායතනඤ්ච. අවසෙසා ආයතනා න ධම්මායතනං.

(ඛ) පච්චනීකං

15. (ක) න චක්ඛු නායතනන්ති?

චක්ඛුං ඨපෙත්වා අවසෙසා ආයතනා න චක්ඛු, ආයතනා. චක්ඛුඤ්ච ආයතනඤ්ච ඨපෙත්වා අවසෙසා න චෙව චක්ඛු න ච ආයතනා.

(ඛ) නායතනා න චක්ඛායතනන්ති? ආමන්තා.

න සොතං නායතනන්ති?

සොතං ඨපෙත්වා…පෙ… ඝානං ඨපෙත්වා…පෙ… ජිව්හං ඨපෙත්වා…පෙ… න ච ආයතනා.

නායතනා න ජිව්හායතනන්ති? ආමන්තා.

(ක) න [Pg.80] කායො නායතනන්ති? ආමන්තා.

(ඛ) නායතනා න කායායතනන්ති? ආමන්තා.

න රූපං නායතනන්ති?

රූපං ඨපෙත්වා…පෙ… සද්දං ඨපෙත්වා…පෙ… ගන්ධං ඨපෙත්වා…පෙ… රසං ඨපෙත්වා…පෙ… ඵොට්ඨබ්බං ඨපෙත්වා…පෙ… න ච ආයතනා. නායතනා න ඵොට්ඨබ්බායතනන්ති? ආමන්තා.

(ක) න මනො නායතනන්ති?

මනං ඨපෙත්වා අවසෙසා ආයතනා න මනො, ආයතනා. මනඤ්ච ආයතනඤ්ච ඨපෙත්වා අවසෙසා න චෙව මනො න ච ආයතනා.

(ඛ) නායතනා න මනායතනන්ති? ආමන්තා.

(ක) න ධම්මො නායතනන්ති? ආමන්තා.

(ඛ) නායතනා න ධම්මායතනන්ති? ආමන්තා.

4. සුද්ධායතනමූලචක්කවාරො

(ක) අනුලොමං

16. (ක) චක්ඛු ආයතනන්ති? ආමන්තා.

(ඛ) ආයතනා සොතායතනන්ති?

සොතායතනං ආයතනඤ්චෙව සොතායතනඤ්ච. අවසෙසා ආයතනා න සොතායතනං.

චක්ඛු ආයතනන්ති? ආමන්තා.

ආයතනා ඝානායතනං…පෙ… ආයතනා ධම්මායතනන්ති?

ධම්මායතනං ආයතනඤ්චෙව ධම්මායතනඤ්ච. අවසෙසා ආයතනා න ධම්මායතනං.

සොතං ආයතනන්ති? ආමන්තා.

ආයතනා චක්ඛායතනන්ති?…පෙ… න චක්ඛායතනං…පෙ…. ආයතනා ධම්මායතනන්ති?…පෙ… න ධම්මායතනං.

ඝානං ආයතනන්ති? ආමන්තා.

ආයතනා චක්ඛායතනන්ති?…පෙ… ආයතනා ධම්මායතනන්ති? …පෙ… න ධම්මායතනං…පෙ….

ධම්මො ආයතනන්ති? ආමන්තා.

ආයතනා චක්ඛායතනං…පෙ… ආයතනා මනායතනන්ති?

මනායතනං ආයතනඤ්චෙව මනායතනඤ්ච. අවසෙසා ආයතනා න මනායතනං.

(චක්කං බන්ධිතබ්බං)

(ඛ) පච්චනීකං

17. (ක) න [Pg.81] චක්ඛු නායතනන්ති?

චක්ඛුං ඨපෙත්වා අවසෙසා ආයතනා න චක්ඛු, ආයතනා. චක්ඛුඤ්ච ආයතනඤ්ච ඨපෙත්වා අවසෙසා න චෙව චක්ඛු න ච ආයතනා.

(ඛ) නායතනා න සොතායතනන්ති? ආමන්තා.

න චක්ඛු නායතනන්ති?

චක්ඛුං ඨපෙත්වා අවසෙසා ආයතනා න චක්ඛු, ආයතනා. චක්ඛුඤ්ච ආයතනඤ්ච ඨපෙත්වා අවසෙසා න චෙව චක්ඛු න ච ආයතනා….

නායතනා න ඝානායතනං…පෙ… නායතනා න ධම්මායතනන්ති?

ආමන්තා.

න සොතං නායතනන්ති?

සොතං ඨපෙත්වා…පෙ… ඝානං ඨපෙත්වා…පෙ… ජිව්හං ඨපෙත්වා…පෙ… න ච ආයතනා. නායතනා න ධම්මායතනන්ති? ආමන්තා.

න කායො නායතනන්ති? ආමන්තා.

නායතනා න චක්ඛායතනන්ති? ආමන්තා.…පෙ…. නායතනා න ධම්මායතනන්ති? ආමන්තා.…පෙ….

(ක) න ධම්මො නායතනන්ති? ආමන්තා.

(ඛ) නායතනා න චක්ඛායතනන්ති? ආමන්තා.

(ක) න ධම්මො නායතනන්ති? ආමන්තා.

(ඛ) නායතනා න සොතායතනන්ති? ආමන්තා.…පෙ….

නායතනා න මනායතනන්ති? ආමන්තා.

(චක්කං බන්ධිතබ්බං)

පණ්ණත්තිනිද්දෙසවාරො.

2. පවත්තිවාරො 1. උප්පාදවාරො

(1) පච්චුප්පන්නවාරො

(ක) අනුලොමපුග්ගලො

18. (ක) යස්ස චක්ඛායතනං උප්පජ්ජති තස්ස සොතායතනං උප්පජ්ජතීති?

සචක්ඛුකානං අසොතකානං උපපජ්ජන්තානං තෙසං චක්ඛායතනං උප්පජ්ජති, නො ච තෙසං සොතායතනං උප්පජ්ජති. සචක්ඛුකානං සසොතකානං උපපජ්ජන්තානං [Pg.82] තෙසං චක්ඛායතනඤ්ච උප්පජ්ජති සොතායතනඤ්ච උප්පජ්ජති.

(ඛ) යස්ස වා පන සොතායතනං උප්පජ්ජති තස්ස චක්ඛායතනං උප්පජ්ජතීති?

සසොතකානං අචක්ඛුකානං උපපජ්ජන්තානං තෙසං සොතායතනං උප්පජ්ජති, නො ච තෙසං චක්ඛායතනං උප්පජ්ජති. සසොතකානං සචක්ඛුකානං උපපජ්ජන්තානං තෙසං සොතායතනඤ්ච උප්පජ්ජති චක්ඛායතනඤ්ච උප්පජ්ජති.

(ක) යස්ස චක්ඛායතනං උප්පජ්ජති තස්ස ඝානායතනං උප්පජ්ජතීති?

සචක්ඛුකානං අඝානකානං උපපජ්ජන්තානං තෙසං චක්ඛායතනං උප්පජ්ජති, නො ච තෙසං ඝානායතනං උප්පජ්ජති. සචක්ඛුකානං සඝානකානං උපපජ්ජන්තානං තෙසං චක්ඛායතනඤ්ච උප්පජ්ජති ඝානායතනඤ්ච උප්පජ්ජති.

(ඛ) යස්ස වා පන ඝානායතනං උප්පජ්ජති තස්ස චක්ඛායතනං උප්පජ්ජතීති?

සඝානකානං අචක්ඛුකානං උපපජ්ජන්තානං තෙසං ඝානායතනං උප්පජ්ජති, නො ච තෙසං චක්ඛායතනං උප්පජ්ජති. සඝානකානං සචක්ඛුකානං උපපජ්ජන්තානං තෙසං ඝානායතනඤ්ච උප්පජ්ජති චක්ඛායතනඤ්ච උප්පජ්ජති.

(ක) යස්ස චක්ඛායතනං උප්පජ්ජති තස්ස රූපායතනං උප්පජ්ජතීති? ආමන්තා.

(ඛ) යස්ස වා පන රූපායතනං උප්පජ්ජති තස්ස චක්ඛායතනං උප්පජ්ජතීති?

සරූපකානං අචක්ඛුකානං උපපජ්ජන්තානං තෙසං රූපායතනං උප්පජ්ජති, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං රූපායතනඤ්ච උප්පජ්ජති චක්ඛායතනඤ්ච උප්පජ්ජති.

(ක) යස්ස චක්ඛායතනං උප්පජ්ජති තස්ස මනායතනං උප්පජ්ජතීති? ආමන්තා.

(ඛ) යස්ස වා පන මනායතනං උප්පජ්ජති තස්ස චක්ඛායතනං උප්පජ්ජතීති?

සචිත්තකානං අචක්ඛුකානං උපපජ්ජන්තානං තෙසං මනායතනං උප්පජ්ජති, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං මනායතනඤ්ච උප්පජ්ජති චක්ඛායතනඤ්ච උප්පජ්ජති.

(ක) යස්ස චක්ඛායතනං උප්පජ්ජති තස්ස ධම්මායතනං උප්පජ්ජතීති? ආමන්තා.

(ඛ) යස්ස වා පන ධම්මායතනං උප්පජ්ජති තස්ස චක්ඛායතනං උප්පජ්ජතීති?

අචක්ඛුකානං උපපජ්ජන්තානං තෙසං ධම්මායතනං උප්පජ්ජති, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං ධම්මායතනඤ්ච උප්පජ්ජති චක්ඛායතනඤ්ච උප්පජ්ජති. (චක්ඛායතනමූලකං)

19. (ක) යස්ස ඝානායතනං උප්පජ්ජති තස්ස රූපායතනං උප්පජ්ජතීති? ආමන්තා.

(ඛ) යස්ස වා පන රූපායතනං උප්පජ්ජති තස්ස ඝානායතනං උප්පජ්ජතීති[Pg.83]?

සරූපකානං අඝානකානං උපපජ්ජන්තානං තෙසං රූපායතනං උප්පජ්ජති, නො ච තෙසං ඝානායතනං උප්පජ්ජති. සඝානකානං උපපජ්ජන්තානං තෙසං රූපායතනඤ්ච උප්පජ්ජති ඝානායතනඤ්ච උප්පජ්ජති.

(ක) යස්ස ඝානායතනං උප්පජ්ජති තස්ස මනායතනං උප්පජ්ජතීති? ආමන්තා.

(ඛ) යස්ස වා පන මනායතනං උප්පජ්ජති තස්ස ඝානායතනං උප්පජ්ජතීති?

සචිත්තකානං අඝානකානං උපපජ්ජන්තානං තෙසං මනායතනං උප්පජ්ජති, නො ච තෙසං ඝානායතනං උප්පජ්ජති. සඝානකානං උපපජ්ජන්තානං තෙසං මනායතනඤ්ච උප්පජ්ජති ඝානායතනඤ්ච උප්පජ්ජති.

(ක) යස්ස ඝානායතනං උප්පජ්ජති තස්ස ධම්මායතනං උප්පජ්ජතීති? ආමන්තා.

(ඛ) යස්ස වා පන ධම්මායතනං උප්පජ්ජති තස්ස ඝානායතනං උප්පජ්ජතීති?

අඝානකානං උපපජ්ජන්තානං තෙසං ධම්මායතනං උප්පජ්ජති, නො ච තෙසං ඝානායතනං උප්පජ්ජති. සඝානකානං උපපජ්ජන්තානං තෙසං ධම්මායතනඤ්ච උප්පජ්ජති ඝානායතනඤ්ච උප්පජ්ජති. (ඝානායතනමූලකං)

20. (ක) යස්ස රූපායතනං උප්පජ්ජති තස්ස මනායතනං උප්පජ්ජතීති?

අචිත්තකානං උපපජ්ජන්තානං තෙසං රූපායතනං උප්පජ්ජති, නො ච තෙසං මනායතනං උප්පජ්ජති. සරූපකානං සචිත්තකානං උපපජ්ජන්තානං තෙසං රූපායතනඤ්ච උප්පජ්ජති මනායතනඤ්ච උප්පජ්ජති.

(ඛ) යස්ස වා පන මනායතනං උප්පජ්ජති තස්ස රූපායතනං උප්පජ්ජතීති?

අරූපකානං උපපජ්ජන්තානං තෙසං මනායතනං උප්පජ්ජති, නො ච තෙසං රූපායතනං උප්පජ්ජති. සචිත්තකානං සරූපකානං උපපජ්ජන්තානං තෙසං මනායතනඤ්ච උප්පජ්ජති රූපායතනඤ්ච උප්පජ්ජති.

(ක) යස්ස රූපායතනං උප්පජ්ජති තස්ස ධම්මායතනං උප්පජ්ජතීති? ආමන්තා.

(ඛ) යස්ස වා පන ධම්මායතනං උප්පජ්ජති තස්ස රූපායතනං උප්පජ්ජතීති?

අරූපකානං උපපජ්ජන්තානං තෙසං ධම්මායතනං උප්පජ්ජති, නො ච තෙසං රූපායතනං උප්පජ්ජති. සරූපකානං උපපජ්ජන්තානං තෙසං ධම්මායතනඤ්ච උප්පජ්ජති රූපායතනඤ්ච උප්පජ්ජති. (රූපායතනමූලකං)

21. (ක) යස්ස මනායතනං උප්පජ්ජති තස්ස ධම්මායතනං උප්පජ්ජතීති? ආමන්තා.

(ඛ) යස්ස වා පන ධම්මායතනං උප්පජ්ජති තස්ස මනායතනං උප්පජ්ජතීති?

අචිත්තකානං උපපජ්ජන්තානං තෙසං ධම්මායතනං උප්පජ්ජති, නො ච [Pg.84] තෙසං මනායතනං උප්පජ්ජති. සචිත්තකානං උපපජ්ජන්තානං තෙසං ධම්මායතනඤ්ච උප්පජ්ජති මනායතනඤ්ච උප්පජ්ජති. (මනායතනමූලකං)

(ඛ) අනුලොමඔකාසො

22. (ක) යත්ථ චක්ඛායතනං උප්පජ්ජති තත්ථ සොතායතනං උප්පජ්ජතීති? ආමන්තා.

(ඛ) යත්ථ වා පන සොතායතනං උප්පජ්ජති තත්ථ චක්ඛායතනං උප්පජ්ජතීති? ආමන්තා.

(ක) යත්ථ චක්ඛායතනං උප්පජ්ජති තත්ථ ඝානායතනං උප්පජ්ජතීති?

රූපාවචරෙ තත්ථ චක්ඛායතනං උප්පජ්ජති, නො ච තත්ථ ඝානායතනං උප්පජ්ජති. කාමාවචරෙ තත්ථ චක්ඛායතනඤ්ච උප්පජ්ජති ඝානායතනඤ්ච උප්පජ්ජති.

(ඛ) යත්ථ වා පන ඝානායතනං උප්පජ්ජති තත්ථ චක්ඛායතනං උප්පජ්ජතීති? ආමන්තා.

(ක) යත්ථ චක්ඛායතනං උප්පජ්ජති තත්ථ රූපායතනං උප්පජ්ජතීති? ආමන්තා.

(ඛ) යත්ථ වා පන රූපායතනං උප්පජ්ජති තත්ථ චක්ඛායතනං උප්පජ්ජතීති?

අසඤ්ඤසත්තෙ තත්ථ රූපායතනං උප්පජ්ජති, නො ච තත්ථ චක්ඛායතනං උප්පජ්ජති. පඤ්චවොකාරෙ තත්ථ රූපායතනඤ්ච උප්පජ්ජති චක්ඛායතනඤ්ච උප්පජ්ජති.

(ක) යත්ථ චක්ඛායතනං උප්පජ්ජති තත්ථ මනායතනං උප්පජ්ජතීති? ආමන්තා.

(ඛ) යත්ථ වා පන මනායතනං උප්පජ්ජති තත්ථ චක්ඛායතනං උප්පජ්ජතීති?

අරූපෙ තත්ථ මනායතනං උප්පජ්ජති, නො ච තත්ථ චක්ඛායතනං උප්පජ්ජති. පඤ්චවොකාරෙ තත්ථ මනායතනඤ්ච උප්පජ්ජති චක්ඛායතනඤ්ච උප්පජ්ජති.

(ක) යත්ථ චක්ඛායතනං උප්පජ්ජති තත්ථ ධම්මායතනං උප්පජ්ජතීති? ආමන්තා.

(ඛ) යත්ථ වා පන ධම්මායතනං උප්පජ්ජති තත්ථ චක්ඛායතනං උප්පජ්ජතීති?

අසඤ්ඤසත්තෙ අරූපෙ තත්ථ ධම්මායතනං උප්පජ්ජති, නො ච තත්ථ චක්ඛායතනං උප්පජ්ජති. පඤ්චවොකාරෙ තත්ථ ධම්මායතනඤ්ච උප්පජ්ජති චක්ඛායතනඤ්ච උප්පජ්ජති. (චක්ඛායතනමූලකං)

23. (ක) යත්ථ ඝානායතනං උප්පජ්ජති තත්ථ රූපායතනං උප්පජ්ජතීති? ආමන්තා.

(ඛ) යත්ථ වා පන රූපායතනං උප්පජ්ජති තත්ථ ඝානායතනං උප්පජ්ජතීති?

රූපාවචරෙ තත්ථ රූපායතනං උප්පජ්ජති, නො ච තත්ථ ඝානායතනං උප්පජ්ජති. කාමාවචරෙ තත්ථ රූපායතනඤ්ච උප්පජ්ජති ඝානායතනඤ්ච උප්පජ්ජති.

(යත්ථ [Pg.85] ඝානායතනං උප්පජ්ජති තත්ථ මනායතනං ධම්මායතනඤ්ච එකසදිසං, නානං නත්ථි, උපරි පන වාරසඞ්ඛෙපො තීති ජානිතබ්බං.)

(ක) යත්ථ ඝානායතනං උප්පජ්ජති තත්ථ ධම්මායතනං උප්පජ්ජතීති? ආමන්තා.

(ඛ) යත්ථ වා පන ධම්මායතනං උප්පජ්ජති තත්ථ ඝානායතනං උප්පජ්ජතීති?

රූපාවචරෙ අරූපාවචරෙ තත්ථ ධම්මායතනං උප්පජ්ජති, නො ච තත්ථ ඝානායතනං උප්පජ්ජති. කාමාවචරෙ තත්ථ ධම්මායතනඤ්ච උප්පජ්ජති ඝානායතනඤ්ච උප්පජ්ජති. (ඝානායතනමූලකං)

24. (ක) යත්ථ රූපායතනං උප්පජ්ජති තත්ථ මනායතනං උප්පජ්ජතීති?

අසඤ්ඤසත්තෙ තත්ථ රූපායතනං උප්පජ්ජති, නො ච තත්ථ මනායතනං උප්පජ්ජති. පඤ්චවොකාරෙ තත්ථ රූපායතනඤ්ච උප්පජ්ජති මනායතනඤ්ච උප්පජ්ජති.

(ඛ) යත්ථ වා පන මනායතනං උප්පජ්ජති තත්ථ රූපායතනං උප්පජ්ජතීති?

අරූපෙ තත්ථ මනායතනං උප්පජ්ජති, නො ච තත්ථ රූපායතනං උප්පජ්ජති. පඤ්චවොකාරෙ තත්ථ මනායතනඤ්ච උප්පජ්ජති රූපායතනඤ්ච උප්පජ්ජති.

(ක) යත්ථ රූපායතනං උප්පජ්ජති තත්ථ ධම්මායතනං උප්පජ්ජතීති? ආමන්තා.

(ඛ) යත්ථ වා පන ධම්මායතනං උප්පජ්ජති තත්ථ රූපායතනං උප්පජ්ජතීති?

අරූපෙ තත්ථ ධම්මායතනං උප්පජ්ජති, නො ච තත්ථ රූපායතනං උප්පජ්ජති. පඤ්චවොකාරෙ අසඤ්ඤසත්තෙ තත්ථ ධම්මායතනඤ්ච උප්පජ්ජති රූපායතනඤ්ච උප්පජ්ජති. (රූපායතනමූලකං)

25. (ක) යත්ථ මනායතනං උප්පජ්ජති තත්ථ ධම්මායතනං උප්පජ්ජතීති? ආමන්තා.

(ඛ) යත්ථ වා පන ධම්මායතනං උප්පජ්ජති තත්ථ මනායතනං උප්පජ්ජතීති?

අසඤ්ඤසත්තෙ තත්ථ ධම්මායතනං උප්පජ්ජති, නො ච තත්ථ මනායතනං උප්පජ්ජති. චතුවොකාරෙ පඤ්චවොකාරෙ තත්ථ ධම්මායතනඤ්ච උප්පජ්ජති මනායතනඤ්ච උප්පජ්ජති. (මනායතනමූලකං)

(ග) අනුලොමපුග්ගලොකාසා

26. (ක) යස්ස යත්ථ චක්ඛායතනං උප්පජ්ජති තස්ස තත්ථ සොතායතනං උප්පජ්ජතීති?

සචක්ඛුකානං අසොතකානං උපපජ්ජන්තානං තෙසං තත්ථ චක්ඛායතනං උප්පජ්ජති, නො ච තෙසං තත්ථ සොතායතනං උප්පජ්ජති. සචක්ඛුකානං [Pg.86] සසොතකානං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති සොතායතනඤ්ච උප්පජ්ජති.

(ඛ) යස්ස වා පන යත්ථ සොතායතනං උප්පජ්ජති තස්ස තත්ථ චක්ඛායතනං උප්පජ්ජතීති?

සසොතකානං අචක්ඛුකානං උපපජ්ජන්තානං තෙසං තත්ථ සොතායතනං උප්පජ්ජති, නො ච තෙසං තත්ථ චක්ඛායතනං උප්පජ්ජති. සසොතකානං සචක්ඛුකානං උපපජ්ජන්තානං තෙසං තත්ථ සොතායතනඤ්ච උප්පජ්ජති චක්ඛායතනඤ්ච උප්පජ්ජති (සංඛිත්තං යස්සකසදිසං ).

27. (ක) යස්ස යත්ථ මනායතනං උප්පජ්ජති තස්ස තත්ථ ධම්මායතනං උප්පජ්ජතීති? ආමන්තා.

(ඛ) යස්ස වා පන යත්ථ ධම්මායතනං උප්පජ්ජති තස්ස තත්ථ මනායතනං උප්පජ්ජතීති?

අචිත්තකානං උපපජ්ජන්තානං තෙසං තත්ථ ධම්මායතනං උප්පජ්ජති, නො ච තෙසං තත්ථ මනායතනං උප්පජ්ජති. සචිත්තකානං උපපජ්ජන්තානං තෙසං තත්ථ ධම්මායතනඤ්ච උප්පජ්ජති මනායතනඤ්ච උප්පජ්ජති.

(ඝ) පච්චනීකපුග්ගලො

28. (ක) යස්ස චක්ඛායතනං නුප්පජ්ජති තස්ස සොතායතනං නුප්පජ්ජතීති?

අචක්ඛුකානං සසොතකානං උපපජ්ජන්තානං තෙසං චක්ඛායතනං නුප්පජ්ජති, නො ච තෙසං සොතායතනං නුප්පජ්ජති. සබ්බෙසං චවන්තානං අචක්ඛුකානං අසොතකානං උපපජ්ජන්තානං තෙසං චක්ඛායතනඤ්ච නුප්පජ්ජති සොතායතනඤ්ච නුප්පජ්ජති.

(ඛ) යස්ස වා පන සොතායතනං නුප්පජ්ජති තස්ස චක්ඛායතනං නුප්පජ්ජතීති?

අසොතකානං සචක්ඛුකානං උපපජ්ජන්තානං තෙසං සොතායතනං නුප්පජ්ජති, නො ච තෙසං චක්ඛායතනං නුප්පජ්ජති. සබ්බෙසං චවන්තානං අසොතකානං අචක්ඛුකානං උපපජ්ජන්තානං තෙසං සොතායතනඤ්ච නුප්පජ්ජති චක්ඛායතනඤ්ච නුප්පජ්ජති.

(ක) යස්ස චක්ඛායතනං නුප්පජ්ජති තස්ස ඝානායතනං නුප්පජ්ජතීති?

අචක්ඛුකානං සඝානකානං උපපජ්ජන්තානං තෙසං චක්ඛායතනං නුප්පජ්ජති, නො ච තෙසං ඝානායතනං නුප්පජ්ජති. සබ්බෙසං චවන්තානං අචක්ඛුකානං අඝානකානං උපපජ්ජන්තානං තෙසං චක්ඛායතනඤ්ච නුප්පජ්ජති ඝානායතනඤ්ච නුප්පජ්ජති.

(ඛ) යස්ස වා පන ඝානායතනං නුප්පජ්ජති තස්ස චක්ඛායතනං නුප්පජ්ජතීති?

අඝානකානං සචක්ඛුකානං උපපජ්ජන්තානං තෙසං ඝානායතනං නුප්පජ්ජති, නො ච [Pg.87] තෙසං චක්ඛායතනං නුප්පජ්ජති. සබ්බෙසං චවන්තානං අඝානකානං අචක්ඛුකානං උපපජ්ජන්තානං තෙසං ඝානායතනඤ්ච නුප්පජ්ජති චක්ඛායතනඤ්ච නුප්පජ්ජති.

(ක) යස්ස චක්ඛායතනං නුප්පජ්ජති තස්ස රූපායතනං නුප්පජ්ජතීති?

අචක්ඛුකානං සරූපකානං උපපජ්ජන්තානං තෙසං චක්ඛායතනං නුප්පජ්ජති, නො ච තෙසං රූපායතනං නුප්පජ්ජති. සබ්බෙසං චවන්තානං අරූපකානං උපපජ්ජන්තානං තෙසං චක්ඛායතනඤ්ච නුප්පජ්ජති රූපායතනඤ්ච නුප්පජ්ජති.

(ඛ) යස්ස වා පන රූපායතනං නුප්පජ්ජති තස්ස චක්ඛායතනං නුප්පජ්ජතීති? ආමන්තා.

(ක) යස්ස චක්ඛායතනං නුප්පජ්ජති තස්ස මනායතනං නුප්පජ්ජතීති?

අචක්ඛුකානං සචිත්තකානං උපපජ්ජන්තානං තෙසං චක්ඛායතනං නුප්පජ්ජති, නො ච තෙසං මනායතනං නුප්පජ්ජති. සබ්බෙසං චවන්තානං අචිත්තකානං උපපජ්ජන්තානං තෙසං චක්ඛායතනඤ්ච නුප්පජ්ජති මනායතනඤ්ච නුප්පජ්ජති.

(ඛ) යස්ස වා පන මනායතනං නුප්පජ්ජති තස්ස චක්ඛායතනං නුප්පජ්ජතීති? ආමන්තා.

(ක) යස්ස චක්ඛායතනං නුප්පජ්ජති තස්ස ධම්මායතනං නුප්පජ්ජතීති?

අචක්ඛුකානං උපපජ්ජන්තානං තෙසං චක්ඛායතනං නුප්පජ්ජති, නො ච තෙසං ධම්මායතනං නුප්පජ්ජති. සබ්බෙසං චවන්තානං තෙසං චක්ඛායතනඤ්ච නුප්පජ්ජති ධම්මායතනඤ්ච නුප්පජ්ජති.

(ඛ) යස්ස වා පන ධම්මායතනං නුප්පජ්ජති තස්ස චක්ඛායතනං නුප්පජ්ජතීති? ආමන්තා. (චක්ඛායතනමූලකං)

29. (ක) යස්ස ඝානායතනං නුප්පජ්ජති තස්ස රූපායතනං නුප්පජ්ජතීති?

අඝානකානං සරූපකානං උපපජ්ජන්තානං තෙසං ඝානායතනං නුප්පජ්ජති, නො ච තෙසං රූපායතනං නුප්පජ්ජති. සබ්බෙසං චවන්තානං අරූපකානං උපපජ්ජන්තානං තෙසං ඝානායතනඤ්ච නුප්පජ්ජති රූපායතනඤ්ච නුප්පජ්ජති.

(ඛ) යස්ස වා පන රූපායතනං නුප්පජ්ජති තස්ස ඝානායතනං නුප්පජ්ජතීති? ආමන්තා.

(ක) යස්ස ඝානායතනං නුප්පජ්ජති තස්ස මනායතනං නුප්පජ්ජතීති?

අඝානකානං සචිත්තකානං උපපජ්ජන්තානං තෙසං ඝානායතනං නුප්පජ්ජති, නො ච තෙසං මනායතනං නුප්පජ්ජති. සබ්බෙසං චවන්තානං අචිත්තකානං උපපජ්ජන්තානං තෙසං ඝානායතනඤ්ච නුප්පජ්ජති මනායතනඤ්ච නුප්පජ්ජති.

(ඛ) යස්ස වා පන මනායතනං නුප්පජ්ජති තස්ස ඝානායතනං නුප්පජ්ජතීති? ආමන්තා.

(ක) යස්ස ඝානායතනං නුප්පජ්ජති තස්ස ධම්මායතනං නුප්පජ්ජතීති?

අඝානකානං උපපජ්ජන්තානං තෙසං ඝානායතනං නුප්පජ්ජති, නො ච තෙසං ධම්මායතනං නුප්පජ්ජති[Pg.88]. සබ්බෙසං චවන්තානං තෙසං ඝානායතනඤ්ච නුප්පජ්ජති ධම්මායතනඤ්ච නුප්පජ්ජති.

(ඛ) යස්ස වා පන ධම්මායතනං නුප්පජ්ජති තස්ස ඝානායතනං නුප්පජ්ජතීති? ආමන්තා. (ඝානායතනමූලකං)

30. (ක) යස්ස රූපායතනං නුප්පජ්ජති තස්ස මනායතනං නුප්පජ්ජතීති?

අරූපකානං උපපජ්ජන්තානං තෙසං රූපායතනං නුප්පජ්ජති, නො ච තෙසං මනායතනං නුප්පජ්ජති. සබ්බෙසං චවන්තානං තෙසං රූපායතනඤ්ච නුප්පජ්ජති මනායතනඤ්ච නුප්පජ්ජති.

(ඛ) යස්ස වා පන මනායතනං නුප්පජ්ජති තස්ස රූපායතනං නුප්පජ්ජතීති?

අචිත්තකානං උපපජ්ජන්තානං තෙසං මනායතනං නුප්පජ්ජති, නො ච තෙසං රූපායතනං නුප්පජ්ජති. සබ්බෙසං චවන්තානං තෙසං මනායතනඤ්ච නුප්පජ්ජති රූපායතනඤ්ච නුප්පජ්ජති.

(ක) යස්ස රූපායතනං නුප්පජ්ජති තස්ස ධම්මායතනං නුප්පජ්ජතීති?

අරූපකානං උපපජ්ජන්තානං තෙසං රූපායතනං නුප්පජ්ජති, නො ච තෙසං ධම්මායතනං නුප්පජ්ජති. සබ්බෙසං චවන්තානං තෙසං රූපායතනඤ්ච නුප්පජ්ජති ධම්මායතනඤ්ච නුප්පජ්ජති.

(ඛ) යස්ස වා පන ධම්මායතනං නුප්පජ්ජති තස්ස රූපායතනං නුප්පජ්ජතීති? ආමන්තා. (රූපායතනමූලකං)

31. (ක) යස්ස මනායතනං නුප්පජ්ජති තස්ස ධම්මායතනං නුප්පජ්ජතීති?

අචිත්තකානං උපපජ්ජන්තානං තෙසං මනායතනං නුප්පජ්ජති, නො ච තෙසං ධම්මායතනං නුප්පජ්ජති. සබ්බෙසං චවන්තානං තෙසං මනායතනඤ්ච නුප්පජ්ජති ධම්මායතනඤ්ච නුප්පජ්ජති.

(ඛ) යස්ස වා පන ධම්මායතනං නුප්පජ්ජති තස්ස මනායතනං නුප්පජ්ජතීති? ආමන්තා. (මනායතනමූලකං)

(ඞ) පච්චනීකඔකාසො

32. (ක) යත්ථ චක්ඛායතනං නුප්පජ්ජති තත්ථ සොතායතනං නුප්පජ්ජතීති? ආමන්තා.

(ඛ) යත්ථ වා පන සොතායතනං නුප්පජ්ජති තත්ථ චක්ඛායතනං නුප්පජ්ජතීති? ආමන්තා.

(ක) යත්ථ චක්ඛායතනං නුප්පජ්ජති තත්ථ ඝානායතනං නුප්පජ්ජතීති? ආමන්තා.

(ඛ) යත්ථ වා පන ඝානායතනං නුප්පජ්ජති තත්ථ චක්ඛායතනං නුප්පජ්ජතීති?

රූපාවචරෙ තත්ථ ඝානායතනං නුප්පජ්ජති, නො ච තත්ථ චක්ඛායතනං නුප්පජ්ජති. අසඤ්ඤසත්තෙ අරූපෙ තත්ථ ඝානායතනඤ්ච නුප්පජ්ජති චක්ඛායතනඤ්ච නුප්පජ්ජති.

(ක) යත්ථ [Pg.89] චක්ඛායතනං නුප්පජ්ජති තත්ථ රූපායතනං නුප්පජ්ජතීති?

අසඤ්ඤසත්තෙ තත්ථ චක්ඛායතනං නුප්පජ්ජති, නො ච තත්ථ රූපායතනං නුප්පජ්ජති. අරූපෙ තත්ථ චක්ඛායතනඤ්ච නුප්පජ්ජති රූපායතනඤ්ච නුප්පජ්ජති.

(ඛ) යත්ථ වා පන රූපායතනං නුප්පජ්ජති තත්ථ චක්ඛායතනං නුප්පජ්ජතීති? ආමන්තා.

(ක) යත්ථ චක්ඛායතනං නුප්පජ්ජති තත්ථ මනායතනං නුප්පජ්ජතීති?

අරූපෙ තත්ථ චක්ඛායතනං නුප්පජ්ජති, නො ච තත්ථ මනායතනං නුප්පජ්ජති. අසඤ්ඤසත්තෙ තත්ථ චක්ඛායතනඤ්ච නුප්පජ්ජති මනායතනඤ්ච නුප්පජ්ජති.

(ඛ) යත්ථ වා පන මනායතනං නුප්පජ්ජති තත්ථ චක්ඛායතනං නුප්පජ්ජතීති? ආමන්තා.

(ක) යත්ථ චක්ඛායතනං නුප්පජ්ජති තත්ථ ධම්මායතනං නුප්පජ්ජතීති? උප්පජ්ජති.

(ඛ) යත්ථ වා පන ධම්මායතනං නුප්පජ්ජති තත්ථ චක්ඛායතනං නුප්පජ්ජතීති? නත්ථි. (චක්ඛායතනමූලකං)

33. (ක) යත්ථ ඝානායතනං නුප්පජ්ජති තත්ථ රූපායතනං නුප්පජ්ජතීති?

රූපාවචරෙ තත්ථ ඝානායතනං නුප්පජ්ජති, නො ච තත්ථ රූපායතනං නුප්පජ්ජති. අරූපෙ තත්ථ ඝානායතනඤ්ච නුප්පජ්ජති රූපායතනඤ්ච නුප්පජ්ජති.

(ඛ) යත්ථ වා පන රූපායතනං නුප්පජ්ජති තත්ථ ඝානායතනං නුප්පජ්ජතීති? ආමන්තා.

(ක) යත්ථ ඝානායතනං නුප්පජ්ජති තත්ථ මනායතනං නුප්පජ්ජතීති?

රූපාවචරෙ අරූපාවචරෙ තත්ථ ඝානායතනං නුප්පජ්ජති, නො ච තත්ථ මනායතනං නුප්පජ්ජති. අසඤ්ඤසත්තෙ තත්ථ ඝානායතනඤ්ච නුප්පජ්ජති මනායතනඤ්ච නුප්පජ්ජති.

(ඛ) යත්ථ වා පන මනායතනං නුප්පජ්ජති තත්ථ ඝානායතනං නුප්පජ්ජතීති? ආමන්තා.

(ක) යත්ථ ඝානායතනං නුප්පජ්ජති තත්ථ ධම්මායතනං නුප්පජ්ජතීති? උප්පජ්ජති.

(ඛ) යත්ථ වා පන ධම්මායතනං නුප්පජ්ජති තත්ථ ඝානායතනං නුප්පජ්ජතීති? නත්ථි. (ඝානායතනමූලකං)

34. (ක) යත්ථ රූපායතනං නුප්පජ්ජති තත්ථ මනායතනං නුප්පජ්ජතීති? උප්පජ්ජති.

(ඛ) යත්ථ වා පන මනායතනං නුප්පජ්ජති තත්ථ රූපායතනං නුප්පජ්ජතීති? උප්පජ්ජති.

(ක) යත්ථ රූපායතනං නුප්පජ්ජති තත්ථ ධම්මායතනං නුප්පජ්ජතීති? උප්පජ්ජති.

(ඛ) යත්ථ වා පන ධම්මායතනං නුප්පජ්ජති තත්ථ රූපායතනං නුප්පජ්ජතීති? නත්ථි. (රූපායතනමූලකං)

35. (ක) යත්ථ [Pg.90] මනායතනං නුප්පජ්ජති තත්ථ ධම්මායතනං නුප්පජ්ජතීති? උප්පජ්ජති.

(ඛ) යත්ථ වා පන ධම්මායතනං නුප්පජ්ජති තත්ථ මනායතනං නුප්පජ්ජතීති? නත්ථි. (මනායතනමූලකං)

(ච) පච්චනීකපුග්ගලොකාසා

36. (ක) යස්ස යත්ථ චක්ඛායතනං නුප්පජ්ජති තස්ස තත්ථ සොතායතනං නුප්පජ්ජතීති?

අචක්ඛුකානං සසොතකානං උපපජ්ජන්තානං තෙසං තත්ථ චක්ඛායතනං නුප්පජ්ජති, නො ච තෙසං තත්ථ සොතායතනං නුප්පජ්ජති. සබ්බෙසං චවන්තානං අචක්ඛුකානං අසොතකානං උපපජ්ජන්තානං තෙසං තත්ථ චක්ඛායතනඤ්ච නුප්පජ්ජති සොතායතනඤ්ච නුප්පජ්ජති.

(ඛ) යස්ස වා පන යත්ථ සොතායතනං නුප්පජ්ජති තස්ස තත්ථ චක්ඛායතනං නුප්පජ්ජතීති?

අසොතකානං සචක්ඛුකානං උපපජ්ජන්තානං තෙසං තත්ථ සොතායතනං නුප්පජ්ජති, නො ච තෙසං තත්ථ චක්ඛායතනං නුප්පජ්ජති. සබ්බෙසං චවන්තානං අසොතකානං අචක්ඛුකානං උපපජ්ජන්තානං තෙසං තත්ථ සොතායතනඤ්ච නුප්පජ්ජති චක්ඛායතනඤ්ච නුප්පජ්ජති…පෙ….

37. (ක) යස්ස යත්ථ මනායතනං නුප්පජ්ජති තස්ස තත්ථ ධම්මායතනං නුප්පජ්ජතීති?

අචිත්තකානං උපපජ්ජන්තානං තෙසං තත්ථ මනායතනං නුප්පජ්ජති, නො ච තෙසං තත්ථ ධම්මායතනං නුප්පජ්ජති. සබ්බෙසං චවන්තානං තෙසං තත්ථ මනායතනඤ්ච නුප්පජ්ජති ධම්මායතනඤ්ච නුප්පජ්ජති.

(ඛ) යස්ස වා පන යත්ථ ධම්මායතනං නුප්පජ්ජති තස්ස තත්ථ මනායතනං නුප්පජ්ජතීති? ආමන්තා.

(2) අතීතවාරො

(ක) අනුලොමපුග්ගලො

38. (ක) යස්ස චක්ඛායතනං උප්පජ්ජිත්ථ තස්ස සොතායතනං උප්පජ්ජිත්ථාති? ආමන්තා.

(ඛ) යස්ස වා පන සොතායතනං උප්පජ්ජිත්ථ තස්ස චක්ඛායතනං උප්පජ්ජිත්ථාති? ආමන්තා.

යස්ස චක්ඛායතනං උප්පජ්ජිත්ථ තස්ස ඝානායතනං…පෙ… රූපායතනං… මනායතනං… ධම්මායතනං උප්පජ්ජිත්ථාති? ආමන්තා.

යස්ස වා පන ධම්මායතනං උප්පජ්ජිත්ථ තස්ස චක්ඛායතනං උප්පජ්ජිත්ථාති? ආමන්තා.

39. යස්ස [Pg.91] ඝානායතනං…පෙ… රූපායතනං… මනායතනං උප්පජ්ජිත්ථ තස්ස ධම්මායතනං උප්පජ්ජිත්ථාති? ආමන්තා.

යස්ස වා පන ධම්මායතනං උප්පජ්ජිත්ථ තස්ස මනායතනං උප්පජ්ජිත්ථාති? ආමන්තා.

(ඛ) අනුලොමඔකාසො

40. (ක) යත්ථ චක්ඛායතනං උප්පජ්ජිත්ථ…පෙ… (යත්ථකං පච්චුප්පන්නෙපි අතීතෙපි අනාගතෙපි පච්චුප්පන්නාතීතෙපි පච්චුප්පන්නානාගතෙපි අතීතානාගතෙපි සබ්බත්ථ සදිසං, උප්පජ්ජති උප්පජ්ජිත්ථාති නාමං අතිරෙකං කාතබ්බං).

(ග) අනුලොමපුග්ගලොකාසා

41. (ක) යස්ස යත්ථ චක්ඛායතනං උප්පජ්ජිත්ථ තස්ස තත්ථ සොතායතනං උප්පජ්ජිත්ථාති? ආමන්තා.

(ඛ) යස්ස වා පන යත්ථ සොතායතනං උප්පජ්ජිත්ථ තස්ස තත්ථ චක්ඛායතනං උප්පජ්ජිත්ථාති? ආමන්තා.

(ක) යස්ස යත්ථ චක්ඛායතනං උප්පජ්ජිත්ථ තස්ස තත්ථ ඝානායතනං උප්පජ්ජිත්ථාති?

රූපාවචරානං තෙසං තත්ථ චක්ඛායතනං උප්පජ්ජිත්ථ, නො ච තෙසං තත්ථ ඝානායතනං උප්පජ්ජිත්ථ. කාමාවචරානං තෙසං තත්ථ චක්ඛායතනඤ්ච උප්පජ්ජිත්ථ ඝානායතනඤ්ච උප්පජ්ජිත්ථ.

(ඛ) යස්ස වා පන යත්ථ ඝානායතනං උප්පජ්ජිත්ථ තස්ස තත්ථ චක්ඛායතනං උප්පජ්ජිත්ථාති? ආමන්තා.

(ක) යස්ස යත්ථ චක්ඛායතනං උප්පජ්ජිත්ථ තස්ස තත්ථ රූපායතනං උප්පජ්ජිත්ථාති? ආමන්තා.

(ඛ) යස්ස වා පන යත්ථ රූපායතනං උප්පජ්ජිත්ථ තස්ස තත්ථ චක්ඛායතනං උප්පජ්ජිත්ථාති?

අසඤ්ඤසත්තානං තෙසං තත්ථ රූපායතනං උප්පජ්ජිත්ථ, නො ච තෙසං තත්ථ චක්ඛායතනං උප්පජ්ජිත්ථ. පඤ්චවොකාරානං තෙසං තත්ථ රූපායතනඤ්ච උප්පජ්ජිත්ථ චක්ඛායතනඤ්ච උප්පජ්ජිත්ථ.

(ක) යස්ස යත්ථ චක්ඛායතනං උප්පජ්ජිත්ථ තස්ස තත්ථ මනායතනං උප්පජ්ජිත්ථාති? ආමන්තා.

(ඛ) යස්ස වා පන යත්ථ මනායතනං උප්පජ්ජිත්ථ තස්ස තත්ථ චක්ඛායතනං උප්පජ්ජිත්ථාති?

අරූපානං තෙසං තත්ථ මනායතනං උප්පජ්ජිත්ථ, නො ච තෙසං තත්ථ චක්ඛායතනං උප්පජ්ජිත්ථ. පඤ්චවොකාරානං තෙසං තත්ථ මනායතනඤ්ච උප්පජ්ජිත්ථ චක්ඛායතනඤ්ච උප්පජ්ජිත්ථ.

(ක) යස්ස [Pg.92] යත්ථ චක්ඛායතනං උප්පජ්ජිත්ථ තස්ස තත්ථ ධම්මායතනං උප්පජ්ජිත්ථාති? ආමන්තා.

(ඛ) යස්ස වා පන යත්ථ ධම්මායතනං උප්පජ්ජිත්ථ තස්ස තත්ථ චක්ඛායතනං උප්පජ්ජිත්ථාති?

අසඤ්ඤසත්තානං අරූපානං තෙසං තත්ථ ධම්මායතනං උප්පජ්ජිත්ථ, නො ච තෙසං තත්ථ චක්ඛායතනං උප්පජ්ජිත්ථ. පඤ්චවොකාරානං තෙසං තත්ථ ධම්මායතනඤ්ච උප්පජ්ජිත්ථ චක්ඛායතනඤ්ච උප්පජ්ජිත්ථ. (චක්ඛායතනමූලකං)

42. (ක) යස්ස යත්ථ ඝානායතනං උප්පජ්ජිත්ථ තස්ස තත්ථ රූපායතනං උප්පජ්ජිත්ථාති? ආමන්තා.

(ඛ) යස්ස වා පන යත්ථ රූපායතනං උප්පජ්ජිත්ථ තස්ස තත්ථ ඝානායතනං උප්පජ්ජිත්ථාති?

රූපාවචරානං තෙසං තත්ථ රූපායතනං උප්පජ්ජිත්ථ, නො ච තෙසං තත්ථ ඝානායතනං උප්පජ්ජිත්ථ. කාමාවචරානං තෙසං තත්ථ රූපායතනඤ්ච උප්පජ්ජිත්ථ ඝානායතනඤ්ච උප්පජ්ජිත්ථ.

(ක) යස්ස යත්ථ ඝානායතනං උප්පජ්ජිත්ථ තස්ස තත්ථ මනායතනං උප්පජ්ජිත්ථාති? ආමන්තා.

(ඛ) යස්ස වා පන යත්ථ මනායතනං උප්පජ්ජිත්ථ තස්ස තත්ථ ඝානායතනං උප්පජ්ජිත්ථාති?

රූපාවචරානං අරූපාවචරානං තෙසං තත්ථ මනායතනං උප්පජ්ජිත්ථ, නො ච තෙසං තත්ථ ඝානායතනං උප්පජ්ජිත්ථ. කාමාවචරානං තෙසං තත්ථ මනායතනඤ්ච උප්පජ්ජිත්ථ ඝානායතනඤ්ච උප්පජ්ජිත්ථ.

(ක) යස්ස යත්ථ ඝානායතනං උප්පජ්ජිත්ථ තස්ස තත්ථ ධම්මායතනං උප්පජ්ජිත්ථාති? ආමන්තා.

(ඛ) යස්ස වා පන යත්ථ ධම්මායතනං උප්පජ්ජිත්ථ තස්ස තත්ථ ඝානායතනං උප්පජ්ජිත්ථාති?

රූපාවචරානං අරූපාවචරානං තෙසං තත්ථ ධම්මායතනං උප්පජ්ජිත්ථ, නො ච තෙසං තත්ථ ඝානායතනං උප්පජ්ජිත්ථ. කාමාවචරානං තෙසං තත්ථ ධම්මායතනඤ්ච උප්පජ්ජිත්ථ ඝානායතනඤ්ච උප්පජ්ජිත්ථ. (ඝානායතනමූලකං)

43. (ක) යස්ස යත්ථ රූපායතනං උප්පජ්ජිත්ථ තස්ස තත්ථ මනායතනං උප්පජ්ජිත්ථාති?

අසඤ්ඤසත්තානං තෙසං තත්ථ රූපායතනං උප්පජ්ජිත්ථ, නො ච තෙසං තත්ථ මනායතනං උප්පජ්ජිත්ථ. පඤ්චවොකාරානං තෙසං තත්ථ රූපායතනඤ්ච උප්පජ්ජිත්ථ මනායතනඤ්ච උප්පජ්ජිත්ථ.

(ඛ) යස්ස වා පන යත්ථ මනායතනං උප්පජ්ජිත්ථ තස්ස තත්ථ රූපායතනං උප්පජ්ජිත්ථාති?

අරූපානං තෙසං තත්ථ මනායතනං උප්පජ්ජිත්ථ, නො ච තෙසං තත්ථ රූපායතනං උප්පජ්ජිත්ථ. පඤ්චවොකාරානං තෙසං තත්ථ මනායතනඤ්ච උප්පජ්ජිත්ථ රූපායතනඤ්ච උප්පජ්ජිත්ථ.

(ක) යස්ස යත්ථ රූපායතනං උප්පජ්ජිත්ථ තස්ස තත්ථ ධම්මායතනං උප්පජ්ජිත්ථාති? ආමන්තා.

(ඛ) යස්ස වා පන යත්ථ ධම්මායතනං උප්පජ්ජිත්ථ තස්ස තත්ථ රූපායතනං උප්පජ්ජිත්ථාති[Pg.93]?

අරූපානං තෙසං තත්ථ ධම්මායතනං උප්පජ්ජිත්ථ, නො ච තෙසං තත්ථ රූපායතනං උප්පජ්ජිත්ථ. පඤ්චවොකාරානං අසඤ්ඤසත්තානං තෙසං තත්ථ ධම්මායතනඤ්ච උප්පජ්ජිත්ථරූපායතනඤ්ච උප්පජ්ජිත්ථ. (රූපායතනමූලකං).

44. (ක) යස්ස යත්ථ මනායතනං උප්පජ්ජිත්ථ තස්ස තත්ථ ධම්මායතනං උප්පජ්ජිත්ථාති? ආමන්තා.

(ඛ) යස්ස වා පන යත්ථ ධම්මායතනං උප්පජ්ජිත්ථ තස්ස තත්ථ මනායතනං උප්පජ්ජිත්ථාති?

අසඤ්ඤසත්තානං තෙසං තත්ථ ධම්මායතනං උප්පජ්ජිත්ථ, නො ච තෙසං තත්ථ මනායතනං උප්පජ්ජිත්ථ. චතුවොකාරානං පඤ්චවොකාරානං තෙසං තත්ථ ධම්මායතනඤ්ච උප්පජ්ජිත්ථ මනායතනඤ්ච උප්පජ්ජිත්ථ. (මනායතනමූලකං)

(ඝ) පච්චනීකපුග්ගලො

45. (ක) යස්ස චක්ඛායතනං නුප්පජ්ජිත්ථ තස්ස සොතායතනං නුප්පජ්ජිත්ථාති? නත්ථි.

(ඛ) යස්ස වා පන සොතායතනං නුප්පජ්ජිත්ථ තස්ස චක්ඛායතනං නුප්පජ්ජිත්ථාති? නත්ථි. (සංඛිත්තං).

46. (ක) යස්ස මනායතනං නුප්පජ්ජිත්ථ තස්ස ධම්මායතනං නුප්පජ්ජිත්ථාති? නත්ථි.

(ඛ) යස්ස වා පන ධම්මායතනං නුප්පජ්ජිත්ථ තස්ස මනායතනං නුප්පජ්ජිත්ථාති? නත්ථි.…පෙ….

(ඞ) පච්චනීකඔකාසො

47. යත්ථ චක්ඛායතනං නුප්පජ්ජිත්ථ…පෙ….

(ච) පච්චනීකපුග්ගලොකාසා

48. (ක) යස්ස යත්ථ චක්ඛායතනං නුප්පජ්ජිත්ථ තස්ස තත්ථ සොතායතනං නුප්පජ්ජිත්ථාති? ආමන්තා.

(ඛ) යස්ස වා පන යත්ථ සොතායතනං නුප්පජ්ජිත්ථ තස්ස තත්ථ චක්ඛායතනං නුප්පජ්ජිත්ථාති? ආමන්තා.

(ක) යස්ස යත්ථ චක්ඛායතනං නුප්පජ්ජිත්ථ තස්ස තත්ථ ඝානායතනං නුප්පජ්ජිත්ථාති? ආමන්තා.

(ඛ) යස්ස වා පන යත්ථ ඝානායතනං නුප්පජ්ජිත්ථ තස්ස තත්ථ චක්ඛායතනං නුප්පජ්ජිත්ථාති?

රූපාවචරානං තෙසං තත්ථ ඝානායතනං නුප්පජ්ජිත්ථ, නො ච තෙසං තත්ථ චක්ඛායතනං නුප්පජ්ජිත්ථ. සුද්ධාවාසානං අසඤ්ඤසත්තානං අරූපානං තෙසං තත්ථ ඝානායතනඤ්ච නුප්පජ්ජිත්ථ චක්ඛායතනඤ්ච නුප්පජ්ජිත්ථ.

(ක) යස්ස [Pg.94] යත්ථ චක්ඛායතනං නුප්පජ්ජිත්ථ තස්ස තත්ථ රූපායතනං නුප්පජ්ජිත්ථාති?

අසඤ්ඤසත්තානං තෙසං තත්ථ චක්ඛායතනං නුප්පජ්ජිත්ථ, නො ච තෙසං තත්ථ රූපායතනං නුප්පජ්ජිත්ථ. සුද්ධාවාසානං අරූපානං තෙසං තත්ථ චක්ඛායතනඤ්ච නුප්පජ්ජිත්ථ රූපායතනඤ්ච නුප්පජ්ජිත්ථ.

(ඛ) යස්ස වා පන යත්ථ රූපායතනං නුප්පජ්ජිත්ථ තස්ස තත්ථ චක්ඛායතනං නුප්පජ්ජිත්ථාති? ආමන්තා.

(ක) යස්ස යත්ථ චක්ඛායතනං නුප්පජ්ජිත්ථ තස්ස තත්ථ මනායතනං නුප්පජ්ජිත්ථාති?

අරූපානං තෙසං තත්ථ චක්ඛායතනං නුප්පජ්ජිත්ථ, නො ච තෙසං තත්ථ මනායතනං නුප්පජ්ජිත්ථ. සුද්ධාවාසානං අසඤ්ඤසත්තානං තෙසං තත්ථ චක්ඛායතනඤ්ච නුප්පජ්ජිත්ථ මනායතනඤ්ච නුප්පජ්ජිත්ථ.

(ඛ) යස්ස වා පන යත්ථ මනායතනං නුප්පජ්ජිත්ථ තස්ස තත්ථ චක්ඛායතනං නුප්පජ්ජිත්ථාති? ආමන්තා.

(ක) යස්ස යත්ථ චක්ඛායතනං නුප්පජ්ජිත්ථ තස්ස තත්ථ ධම්මායතනං නුප්පජ්ජිත්ථාති?

අසඤ්ඤසත්තානං අරූපානං තෙසං තත්ථ චක්ඛායතනං නුප්පජ්ජිත්ථ, නො ච තෙසං තත්ථ ධම්මායතනං නුප්පජ්ජිත්ථ. සුද්ධාවාසානං තෙසං තත්ථ චක්ඛායතනඤ්ච නුප්පජ්ජිත්ථ ධම්මායතනඤ්ච නුප්පජ්ජිත්ථ.

(ඛ) යස්ස වා පන යත්ථ ධම්මායතනං නුප්පජ්ජිත්ථ තස්ස තත්ථ චක්ඛායතනං නුප්පජ්ජිත්ථාති? ආමන්තා. (චක්ඛායතනමූලකං)

49. (ක) යස්ස යත්ථ ඝානායතනං නුප්පජ්ජිත්ථ තස්ස තත්ථ රූපායතනං නුප්පජ්ජිත්ථාති?

රූපාවචරානං තෙසං තත්ථ ඝානායතනං නුප්පජ්ජිත්ථ, නො ච තෙසං තත්ථ රූපායතනං නුප්පජ්ජිත්ථ. සුද්ධාවාසානං අරූපානං තෙසං තත්ථ ඝානායතනඤ්ච නුප්පජ්ජිත්ථ රූපායතනඤ්ච නුප්පජ්ජිත්ථ.

(ඛ) යස්ස වා පන යත්ථ රූපායතනං නුප්පජ්ජිත්ථ තස්ස තත්ථ ඝානායතනං නුප්පජ්ජිත්ථාති? ආමන්තා.

(ක) යස්ස යත්ථ ඝානායතනං නුප්පජ්ජිත්ථ තස්ස තත්ථ මනායතනං නුප්පජ්ජිත්ථාති?

රූපාවචරානං අරූපාවචරානං තෙසං තත්ථ ඝානායතනං නුප්පජ්ජිත්ථ, නො ච තෙසං තත්ථ මනායතනං නුප්පජ්ජිත්ථ. සුද්ධාවාසානං අසඤ්ඤසත්තානං තෙසං තත්ථ ඝානායතනඤ්ච නුප්පජ්ජිත්ථ මනායතනඤ්ච නුප්පජ්ජිත්ථ.

(ඛ) යස්ස වා පන යත්ථ මනායතනං නුප්පජ්ජිත්ථ තස්ස තත්ථ ඝානායතනං නුප්පජ්ජිත්ථාති? ආමන්තා.

(ක) යස්ස යත්ථ ඝානායතනං නුප්පජ්ජිත්ථ තස්ස තත්ථ ධම්මායතනං නුප්පජ්ජිත්ථාති?

රූපාවචරානං අරූපාවචරානං තෙසං තත්ථ ඝානායතනං නුප්පජ්ජිත්ථ, නො ච තෙසං තත්ථ ධම්මායතනං නුප්පජ්ජිත්ථ. සුද්ධාවාසානං තෙසං තත්ථ ඝානායතනඤ්ච නුප්පජ්ජිත්ථ ධම්මායතනඤ්ච නුප්පජ්ජිත්ථ.

(ඛ) යස්ස වා පන යත්ථ ධම්මායතනං [Pg.95] නුප්පජ්ජිත්ථ තස්ස තත්ථ ඝානායතනං නුප්පජ්ජිත්ථාති? ආමන්තා. (ඝානායතනමූලකං)

50. (ක) යස්ස යත්ථ රූපායතනං නුප්පජ්ජිත්ථ තස්ස තත්ථ මනායතනං නුප්පජ්ජිත්ථාති?

අරූපානං තෙසං තත්ථ රූපායතනං නුප්පජ්ජිත්ථ, නො ච තෙසං තත්ථ මනායතනං නුප්පජ්ජිත්ථ. සුද්ධාවාසානං තෙසං තත්ථ රූපායතනඤ්ච නුප්පජ්ජිත්ථ මනායතනඤ්ච නුප්පජ්ජිත්ථ.

(ඛ) යස්ස වා පන යත්ථ මනායතනං නුප්පජ්ජිත්ථ තස්ස තත්ථ රූපායතනං නුප්පජ්ජිත්ථාති?

අසඤ්ඤසත්තානං තෙසං තත්ථ මනායතනං නුප්පජ්ජිත්ථ, නො ච තෙසං තත්ථ රූපායතනං නුප්පජ්ජිත්ථ. සුද්ධාවාසානං තෙසං තත්ථ මනායතනඤ්ච නුප්පජ්ජිත්ථ රූපායතනඤ්ච නුප්පජ්ජිත්ථ.

(ක) යස්ස යත්ථ රූපායතනං නුප්පජ්ජිත්ථ තස්ස තත්ථ ධම්මායතනං නුප්පජ්ජිත්ථාති?

අරූපානං තෙසං තත්ථ රූපායතනං නුප්පජ්ජිත්ථ, නො ච තෙසං තත්ථ ධම්මායතනං නුප්පජ්ජිත්ථ. සුද්ධාවාසානං තෙසං තත්ථ රූපායතනඤ්ච නුප්පජ්ජිත්ථ ධම්මායතනඤ්ච නුප්පජ්ජිත්ථ.

(ක) යස්ස වා පන යත්ථ ධම්මායතනං නුප්පජ්ජිත්ථ තස්ස තත්ථ රූපායතනං නුප්පජ්ජිත්ථාති? ආමන්තා. (රූපායතනමූලකං)

51. (ක) යස්ස යත්ථ මනායතනං නුප්පජ්ජිත්ථ තස්ස තත්ථ ධම්මායතනං නුප්පජ්ජිත්ථාති?

අසඤ්ඤසත්තානං තෙසං තත්ථ මනායතනං නුප්පජ්ජිත්ථ, නො ච තෙසං තත්ථ ධම්මායතනං නුප්පජ්ජිත්ථ. සුද්ධාවාසානං තෙසං තත්ථ මනායතනඤ්ච නුප්පජ්ජිත්ථ ධම්මායතනඤ්ච නුප්පජ්ජිත්ථ.

(ඛ) යස්ස වා පන යත්ථ ධම්මායතනං නුප්පජ්ජිත්ථ තස්ස තත්ථ මනායතනං නුප්පජ්ජිත්ථාති? ආමන්තා. (මනායතනමූලකං)

(3) අනාගතවාරො

(ක) අනුලොමපුග්ගලො

52. (ක) යස්ස චක්ඛායතනං උප්පජ්ජිස්සති තස්ස සොතායතනං උප්පජ්ජිස්සතීති? ආමන්තා.

(ඛ) යස්ස වා පන සොතායතනං උප්පජ්ජිස්සති තස්ස චක්ඛායතනං උප්පජ්ජිස්සතීති? ආමන්තා.

(ක) යස්ස චක්ඛායතනං උප්පජ්ජිස්සති තස්ස ඝානායතනං උප්පජ්ජිස්සතීති?

යෙ රූපාවචරං උපපජ්ජිත්වා පරිනිබ්බායිස්සන්ති තෙසං චක්ඛායතනං උප්පජ්ජිස්සති, නො ච තෙසං ඝානායතනං උප්පජ්ජිස්සති. ඉතරෙසං තෙසං චක්ඛායතනඤ්ච උප්පජ්ජිස්සති [Pg.96] ඝානායතනඤ්ච උප්පජ්ජිස්සති.

(ඛ) යස්ස වා පන ඝානායතනං උප්පජ්ජිස්සති තස්ස චක්ඛායතනං උප්පජ්ජිස්සතීති? ආමන්තා.

(ක) යස්ස චක්ඛායතනං උප්පජ්ජිස්සති තස්ස රූපායතනං උප්පජ්ජිස්සතීති? ආමන්තා.

(ඛ) යස්ස වා පන රූපායතනං උප්පජ්ජිස්සති තස්ස චක්ඛායතනං උප්පජ්ජිස්සතීති? ආමන්තා.

යස්ස චක්ඛායතනං උප්පජ්ජිස්සති (තස්ස මනායතනඤ්ච ධම්මායතනඤ්ච සදිසං, ඉමෙ ද්වෙ සදිසායෙව හොන්ති).

(ක) යස්ස චක්ඛායතනං උප්පජ්ජිස්සති තස්ස ධම්මායතනං උප්පජ්ජිස්සතීති? ආමන්තා.

(ඛ) යස්ස වා පන ධම්මායතනං උප්පජ්ජිස්සති තස්ස චක්ඛායතනං උප්පජ්ජිස්සතීති?

යෙ අරූපං උපපජ්ජිත්වා පරිනිබ්බායිස්සන්ති තෙසං ධම්මායතනං උප්පජ්ජිස්සති, නො ච තෙසං චක්ඛායතනං උප්පජ්ජිස්සති. ඉතරෙසං තෙසං ධම්මායතනඤ්ච උප්පජ්ජිස්සති චක්ඛායතනඤ්ච උප්පජ්ජිස්සති. (චක්ඛායතනමූලකං)

53. (ක) යස්ස ඝානායතනං උප්පජ්ජිස්සති තස්ස රූපායතනං උප්පජ්ජිස්සතීති? ආමන්තා.

(ඛ) යස්ස වා පන රූපායතනං උප්පජ්ජිස්සති තස්ස ඝානායතනං උප්පජ්ජිස්සතීති?

යෙ රූපාවචරං උපපජ්ජිත්වා පරිනිබ්බායිස්සන්ති තෙසං රූපායතනං උප්පජ්ජිස්සති, නො ච තෙසං ඝානායතනං උප්පජ්ජිස්සති. ඉතරෙසං තෙසං රූපායතනඤ්ච උප්පජ්ජිස්සති ඝානායතනඤ්ච උප්පජ්ජිස්සති.

යස්ස ඝානායතනං උප්පජ්ජිස්සති තස්ස මනායතනං…පෙ… ධම්මායතනං උප්පජ්ජිස්සතීති? ආමන්තා.

යස්ස වා පන ධම්මායතනං උප්පජ්ජිස්සති තස්ස ඝානායතනං උප්පජ්ජිස්සතීති?

යෙ රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං ධම්මායතනං උප්පජ්ජිස්සති, නො ච තෙසං ඝානායතනං උප්පජ්ජිස්සති. ඉතරෙසං තෙසං ධම්මායතනඤ්ච උප්පජ්ජිස්සති ඝානායතනඤ්ච උප්පජ්ජිස්සති. (ඝානායතනමූලකං)

54. යස්ස රූපායතනං උප්පජ්ජිස්සති තස්ස මනායතනං…පෙ… ධම්මායතනං උප්පජ්ජිස්සතීති? ආමන්තා.

යස්ස වා පන ධම්මායතනං උප්පජ්ජිස්සති තස්ස රූපායතනං උප්පජ්ජිස්සතීති?

යෙ අරූපං උපපජ්ජිත්වා පරිනිබ්බායිස්සන්ති තෙසං ධම්මායතනං උප්පජ්ජිස්සති, නො ච තෙසං රූපායතනං උප්පජ්ජිස්සති. ඉතරෙසං තෙසං ධම්මායතනඤ්ච උප්පජ්ජිස්සති රූපායතනඤ්ච උප්පජ්ජිස්සති. (රූපායතනමූලකං).

55. (ක) යස්ස [Pg.97] මනායතනං උප්පජ්ජිස්සති තස්ස ධම්මායතනං උප්පජ්ජිස්සතීති? ආමන්තා.

(ඛ) යස්ස වා පන ධම්මායතනං උප්පජ්ජිස්සති තස්ස මනායතනං උප්පජ්ජිස්සතීති? ආමන්තා. (මනායතනමූලකං)

(ඛ) අනුලොමඔකාසො

56. යත්ථ චක්ඛායතනං උප්පජ්ජිස්සති…පෙ….

(ග) අනුලොමපුග්ගලොකාසා

57. (ක) යස්ස යත්ථ චක්ඛායතනං උප්පජ්ජිස්සති තස්ස තත්ථ සොතායතනං උප්පජ්ජිස්සතීති? ආමන්තා.

(ඛ) යස්ස වා පන යත්ථ සොතායතනං උප්පජ්ජිස්සති තස්ස තත්ථ චක්ඛායතනං උප්පජ්ජිස්සතීති? ආමන්තා.

(ක) යස්ස යත්ථ චක්ඛායතනං උප්පජ්ජිස්සති තස්ස තත්ථ ඝානායතනං උප්පජ්ජිස්සතීති?

රූපාවචරානං තෙසං තත්ථ චක්ඛායතනං උප්පජ්ජිස්සති, නො ච තෙසං තත්ථ ඝානායතනං උප්පජ්ජිස්සති. කාමාවචරානං තෙසං තත්ථ චක්ඛායතනඤ්ච උප්පජ්ජිස්සති ඝානායතනඤ්ච උප්පජ්ජිස්සති.

(ඛ) යස්ස වා පන යත්ථ ඝානායතනං උප්පජ්ජිස්සති තස්ස තත්ථ චක්ඛායතනං උප්පජ්ජිස්සතීති? ආමන්තා.

(ක) යස්ස යත්ථ චක්ඛායතනං උප්පජ්ජිස්සති තස්ස තත්ථ රූපායතනං උප්පජ්ජිස්සතීති? ආමන්තා.

(ඛ) යස්ස වා පන යත්ථ රූපායතනං උප්පජ්ජිස්සති තස්ස තත්ථ චක්ඛායතනං උප්පජ්ජිස්සතීති?

අසඤ්ඤසත්තානං තෙසං තත්ථ රූපායතනං උප්පජ්ජිස්සති, නො ච තෙසං තත්ථ චක්ඛායතනං උප්පජ්ජිස්සති. පඤ්චවොකාරානං තෙසං තත්ථ රූපායතනඤ්ච උප්පජ්ජිස්සති චක්ඛායතනඤ්ච උප්පජ්ජිස්සති.

(ක) යස්ස යත්ථ චක්ඛායතනං උප්පජ්ජිස්සති තස්ස තත්ථ මනායතනං උප්පජ්ජිස්සතීති? ආමන්තා.

(ඛ) යස්ස වා පන යත්ථ මනායතනං උප්පජ්ජිස්සති තස්ස තත්ථ චක්ඛායතනං උප්පජ්ජිස්සතීති?

අරූපානං තෙසං තත්ථ මනායතනං උප්පජ්ජිස්සති, නො ච තෙසං තත්ථ චක්ඛායතනං උප්පජ්ජිස්සති. පඤ්චවොකාරානං තෙසං තත්ථ මනායතනඤ්ච උප්පජ්ජිස්සති චක්ඛායතනඤ්ච උප්පජ්ජිස්සති.

(ක) යස්ස යත්ථ චක්ඛායතනං උප්පජ්ජිස්සති තස්ස තත්ථ ධම්මායතනං උප්පජ්ජිස්සතීති? ආමන්තා.

(ඛ) යස්ස වා පන යත්ථ ධම්මායතනං උප්පජ්ජිස්සති තස්ස [Pg.98] තත්ථ චක්ඛායතනං උප්පජ්ජිස්සතීති?

අසඤ්ඤසත්තානං අරූපානං තෙසං තත්ථ ධම්මායතනං උප්පජ්ජිස්සති, නො ච තෙසං තත්ථ චක්ඛායතනං උප්පජ්ජිස්සති. පඤ්චවොකාරානං තෙසං තත්ථ ධම්මායතනඤ්ච උප්පජ්ජිස්සති චක්ඛායතනඤ්ච උප්පජ්ජිස්සති. (චක්ඛායතනමූලකං)

58. (ක) යස්ස යත්ථ ඝානායතනං උප්පජ්ජිස්සති තස්ස තත්ථ රූපායතනං උප්පජ්ජිස්සතීති? ආමන්තා.

(ඛ) යස්ස වා පන යත්ථ රූපායතනං උප්පජ්ජිස්සති තස්ස තත්ථ ඝානායතනං උප්පජ්ජිස්සතීති?

රූපාවචරානං තෙසං තත්ථ රූපායතනං උප්පජ්ජිස්සති, නො ච තෙසං තත්ථ ඝානායතනං උප්පජ්ජිස්සති. කාමාවචරානං තෙසං තත්ථ රූපායතනඤ්ච උප්පජ්ජිස්සති ඝානායතනඤ්ච උප්පජ්ජිස්සති.

යස්ස යත්ථ ඝානායතනං උප්පජ්ජිස්සති තස්ස තත්ථ මනායතනං…පෙ… ධම්මායතනං උප්පජ්ජිස්සතීති? ආමන්තා.

යස්ස වා පන යත්ථ ධම්මායතනං උප්පජ්ජිස්සති තස්ස තත්ථ ඝානායතනං උප්පජ්ජිස්සතීති?

රූපාවචරානං අරූපාවචරානං තෙසං තත්ථ ධම්මායතනං උප්පජ්ජිස්සති, නො ච තෙසං තත්ථ ඝානායතනං උප්පජ්ජිස්සති. කාමාවචරානං තෙසං තත්ථ ධම්මායතනඤ්ච උප්පජ්ජිස්සති ඝානායතනඤ්ච උප්පජ්ජිස්සති. (ඝානායතනමූලකං)

59. (ක) යස්ස යත්ථ රූපායතනං උප්පජ්ජිස්සති තස්ස තත්ථ මනායතනං උප්පජ්ජිස්සතීති?

අසඤ්ඤසත්තානං තෙසං තත්ථ රූපායතනං උප්පජ්ජිස්සති, නො ච තෙසං තත්ථ මනායතනං උප්පජ්ජිස්සති. පඤ්චවොකාරානං තෙසං තත්ථ රූපායතනඤ්ච උප්පජ්ජිස්සති මනායතනඤ්ච උප්පජ්ජිස්සති.

(ඛ) යස්ස වා පන යත්ථ මනායතනං උප්පජ්ජිස්සති තස්ස තත්ථ රූපායතනං උප්පජ්ජිස්සතීති?

අරූපානං තෙසං තත්ථ මනායතනං උප්පජ්ජිස්සති, නො ච තෙසං තත්ථ රූපායතනං උප්පජ්ජිස්සති. පඤ්චවොකාරානං තෙසං තත්ථ මනායතනඤ්ච උප්පජ්ජිස්සති රූපායතනඤ්ච උප්පජ්ජිස්සති.

(ක) යස්ස යත්ථ රූපායතනං උප්පජ්ජිස්සති තස්ස තත්ථ ධම්මායතනං උප්පජ්ජිස්සතීති? ආමන්තා.

(ඛ) යස්ස වා පන යත්ථ ධම්මායතනං උප්පජ්ජිස්සති තස්ස තත්ථ රූපායතනං උප්පජ්ජිස්සතීති?

අරූපානං තෙසං තත්ථ ධම්මායතනං උප්පජ්ජිස්සති, නො ච තෙසං තත්ථ රූපායතනං උප්පජ්ජිස්සති. පඤ්චවොකාරානං අසඤ්ඤසත්තානං තෙසං තත්ථ ධම්මායතනඤ්ච උප්පජ්ජිස්සති රූපායතනඤ්ච උප්පජ්ජිස්සති. (රූපායතනමූලකං)

60. (ක) යස්ස [Pg.99] යත්ථ මනායතනං උප්පජ්ජිස්සති තස්ස තත්ථ ධම්මායතනං උප්පජ්ජිස්සතීති? ආමන්තා.

(ඛ) යස්ස වා පන යත්ථ ධම්මායතනං උප්පජ්ජිස්සති තස්ස තත්ථ මනායතනං උප්පජ්ජිස්සතීති?

අසඤ්ඤසත්තානං තෙසං තත්ථ ධම්මායතනං උප්පජ්ජිස්සති, නො ච තෙසං තත්ථ මනායතනං උප්පජ්ජිස්සති. චතුවොකාරානං පඤ්චවොකාරානං තෙසං තත්ථ ධම්මායතනඤ්ච උප්පජ්ජිස්සති මනායතනඤ්ච උප්පජ්ජිස්සති. (මනායතනමූලකං)

(ඝ) පච්චනීකපුග්ගලො

61. (ක) යස්ස චක්ඛායතනං නුප්පජ්ජිස්සති තස්ස සොතායතනං නුප්පජ්ජිස්සතීති? ආමන්තා.

(ඛ) යස්ස වා පන සොතායතනං නුප්පජ්ජිස්සති තස්ස චක්ඛායතනං නුප්පජ්ජිස්සතීති? ආමන්තා.

(ක) යස්ස චක්ඛායතනං නුප්පජ්ජිස්සති තස්ස ඝානායතනං නුප්පජ්ජිස්සතීති? ආමන්තා.

(ඛ) යස්ස වා පන ඝානායතනං නුප්පජ්ජිස්සති තස්ස චක්ඛායතනං නුප්පජ්ජිස්සතීති?

යෙ රූපාවචරං උපපජ්ජිත්වා පරිනිබ්බායිස්සන්ති තෙසං ඝානායතනං නුප්පජ්ජිස්සති, නො ච තෙසං චක්ඛායතනං නුප්පජ්ජිස්සති. පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං ඝානායතනඤ්ච නුප්පජ්ජිස්සති චක්ඛායතනඤ්ච නුප්පජ්ජිස්සති.

(ක) යස්ස චක්ඛායතනං නුප්පජ්ජිස්සති තස්ස රූපායතනං නුප්පජ්ජිස්සතීති? ආමන්තා.

(ඛ) යස්ස වා පන රූපායතනං නුප්පජ්ජිස්සති තස්ස චක්ඛායතනං නුප්පජ්ජිස්සතීති? ආමන්තා.

යස්ස චක්ඛායතනං නුප්පජ්ජිස්සති තස්ස මනායතනං…පෙ… ධම්මායතනං නුප්පජ්ජිස්සතීති?

යෙ අරූපං උපපජ්ජිත්වා පරිනිබ්බායිස්සන්ති තෙසං චක්ඛායතනං නුප්පජ්ජිස්සති, නො ච තෙසං ධම්මායතනං නුප්පජ්ජිස්සති. පච්ඡිමභවිකානං තෙසං චක්ඛායතනඤ්ච නුප්පජ්ජිස්සති ධම්මායතනඤ්ච නුප්පජ්ජිස්සති.

යස්ස වා පන ධම්මායතනං නුප්පජ්ජිස්සති තස්ස චක්ඛායතනං නුප්පජ්ජිස්සතීති? ආමන්තා. (චක්ඛායතනමූලකං)

62. (ක) යස්ස ඝානායතනං නුප්පජ්ජිස්සති තස්ස රූපායතනං නුප්පජ්ජිස්සතීති?

යෙ රූපාවචරං උපපජ්ජිත්වා පරිනිබ්බායිස්සන්ති තෙසං ඝානායතනං නුප්පජ්ජිස්සති, නො ච තෙසං රූපායතනං නුප්පජ්ජිස්සති. පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං ඝානායතනඤ්ච නුප්පජ්ජිස්සති රූපායතනඤ්ච නුප්පජ්ජිස්සති[Pg.100].

(ඛ) යස්ස වා පන රූපායතනං නුප්පජ්ජිස්සති තස්ස ඝානායතනං නුප්පජ්ජිස්සතීති? ආමන්තා.

යස්ස ඝානායතනං නුප්පජ්ජිස්සති තස්ස මනායතනං…පෙ… ධම්මායතනං නුප්පජ්ජිස්සතීති?

යෙ රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං ඝානායතනං නුප්පජ්ජිස්සති, නො ච තෙසං ධම්මායතනං නුප්පජ්ජිස්සති. පච්ඡිමභවිකානං තෙසං ඝානායතනඤ්ච නුප්පජ්ජිස්සති ධම්මායතනඤ්ච නුප්පජ්ජිස්සති.

යස්ස වා පන ධම්මායතනං නුප්පජ්ජිස්සති තස්ස ඝානායතනං නුප්පජ්ජිස්සතීති? ආමන්තා. (ඝානායතනමූලකං)

63. යස්ස රූපායතනං නුප්පජ්ජිස්සති තස්ස මනායතනං…පෙ… ධම්මායතනං නුප්පජ්ජිස්සතීති?

යෙ අරූපං උපපජ්ජිත්වා පරිනිබ්බායිස්සන්ති තෙසං රූපායතනං නුප්පජ්ජිස්සති, නො ච තෙසං ධම්මායතනං නුප්පජ්ජිස්සති. පච්ඡිමභවිකානං තෙසං රූපායතනඤ්ච නුප්පජ්ජිස්සති ධම්මායතනඤ්ච නුප්පජ්ජිස්සති.

යස්ස වා පන ධම්මායතනං නුප්පජ්ජිස්සති තස්ස රූපායතනං නුප්පජ්ජිස්සතීති? ආමන්තා. (රූපායතනමූලකං)

64. (ක) යස්ස මනායතනං නුප්පජ්ජිස්සති තස්ස ධම්මායතනං නුප්පජ්ජිස්සතීති? ආමන්තා.

(ඛ) යස්ස වා පන ධම්මායතනං නුප්පජ්ජිස්සති තස්ස මනායතනං නුප්පජ්ජිස්සතීති? ආමන්තා. (මනායතනමූලකං)

(ඞ) පච්චනීකඔකාසො

65. යත්ථ චක්ඛායතනං නුප්පජ්ජිස්සති…පෙ….

(ච) පච්චනීකපුග්ගලොකාසා

66. (ක) යස්ස යත්ථ චක්ඛායතනං නුප්පජ්ජිස්සති තස්ස තත්ථ සොතායතනං නුප්පජ්ජිස්සතීති? ආමන්තා.

(ඛ) යස්ස වා පන යත්ථ සොතායතනං නුප්පජ්ජිස්සති තස්ස තත්ථ චක්ඛායතනං නුප්පජ්ජිස්සතීති? ආමන්තා.

(ක) යස්ස යත්ථ චක්ඛායතනං නුප්පජ්ජිස්සති තස්ස තත්ථ ඝානායතනං නුප්පජ්ජිස්සතීති? ආමන්තා.

(ඛ) යස්ස වා පන යත්ථ ඝානායතනං නුප්පජ්ජිස්සති තස්ස තත්ථ චක්ඛායතනං නුප්පජ්ජිස්සතීති?

රූපාවචරානං තෙසං තත්ථ ඝානායතනං නුප්පජ්ජිස්සති, නො ච තෙසං තත්ථ චක්ඛායතනං නුප්පජ්ජිස්සති. පඤ්චවොකාරෙ පච්ඡිමභවිකානං අසඤ්ඤසත්තානං අරූපානං තෙසං තත්ථ ඝානායතනඤ්ච නුප්පජ්ජිස්සති චක්ඛායතනඤ්ච නුප්පජ්ජිස්සති.

(ක) යස්ස [Pg.101] යත්ථ චක්ඛායතනං නුප්පජ්ජිස්සති තස්ස තත්ථ රූපායතනං නුප්පජ්ජිස්සතීති?

අසඤ්ඤසත්තානං තෙසං තත්ථ චක්ඛායතනං නුප්පජ්ජිස්සති, නො ච තෙසං තත්ථ රූපායතනං නුප්පජ්ජිස්සති. පඤ්චවොකාරෙ පච්ඡිමභවිකානං අරූපානං තෙසං තත්ථ චක්ඛායතනඤ්ච නුප්පජ්ජිස්සති රූපායතනඤ්ච නුප්පජ්ජිස්සති.

(ඛ) යස්ස වා පන යත්ථ රූපායතනං නුප්පජ්ජිස්සති තස්ස තත්ථ චක්ඛායතනං නුප්පජ්ජිස්සතීති? ආමන්තා.

(ක) යස්ස යත්ථ චක්ඛායතනං නුප්පජ්ජිස්සති තස්ස තත්ථ මනායතනං නුප්පජ්ජිස්සතීති?

අරූපානං තෙසං තත්ථ චක්ඛායතනං නුප්පජ්ජිස්සති, නො ච තෙසං තත්ථ මනායතනං නුප්පජ්ජිස්සති. පච්ඡිමභවිකානං අසඤ්ඤසත්තානං තෙසං තත්ථ චක්ඛායතනඤ්ච නුප්පජ්ජිස්සති මනායතනඤ්ච නුප්පජ්ජිස්සති.

(ඛ) යස්ස වා පන යත්ථ මනායතනං නුප්පජ්ජිස්සති තස්ස තත්ථ චක්ඛායතනං නුප්පජ්ජිස්සතීති? ආමන්තා.

(ක) යස්ස යත්ථ චක්ඛායතනං නුප්පජ්ජිස්සති තස්ස තත්ථ ධම්මායතනං නුප්පජ්ජිස්සතීති?

අසඤ්ඤසත්තානං අරූපානං තෙසං තත්ථ චක්ඛායතනං නුප්පජ්ජිස්සති, නො ච තෙසං තත්ථ ධම්මායතනං නුප්පජ්ජිස්සති. පච්ඡිමභවිකානං තෙසං තත්ථ චක්ඛායතනඤ්ච නුප්පජ්ජිස්සති ධම්මායතනඤ්ච නුප්පජ්ජිස්සති.

(ඛ) යස්ස වා පන යත්ථ ධම්මායතනං නුප්පජ්ජිස්සති තස්ස තත්ථ චක්ඛායතනං නුප්පජ්ජිස්සතීති? ආමන්තා. (චක්ඛායතනමූලකං)

67. (ක) යස්ස යත්ථ ඝානායතනං නුප්පජ්ජිස්සති තස්ස තත්ථ රූපායතනං නුප්පජ්ජිස්සතීති?

රූපාවචරානං තෙසං තත්ථ ඝානායතනං නුප්පජ්ජිස්සති, නො ච තෙසං තත්ථ රූපායතනං නුප්පජ්ජිස්සති. පඤ්චවොකාරෙ පච්ඡිමභවිකානං අරූපානං තෙසං තත්ථ ඝානායතනඤ්ච නුප්පජ්ජිස්සති රූපායතනඤ්ච නුප්පජ්ජිස්සති.

(ඛ) යස්ස වා පන යත්ථ රූපායතනං නුප්පජ්ජිස්සති තස්ස තත්ථ ඝානායතනං නුප්පජ්ජිස්සතීති? ආමන්තා.

(ක) යස්ස යත්ථ ඝානායතනං නුප්පජ්ජිස්සති තස්ස තත්ථ මනායතනං නුප්පජ්ජිස්සතීති?

රූපාවචරානං අරූපාවචරානං තෙසං තත්ථ ඝානායතනං නුප්පජ්ජිස්සති, නො ච තෙසං තත්ථ මනායතනං නුප්පජ්ජිස්සති. පච්ඡිමභවිකානං අසඤ්ඤසත්තානං තෙසං තත්ථ ඝානායතනඤ්ච නුප්පජ්ජිස්සති මනායතනඤ්ච නුප්පජ්ජිස්සති.

(ඛ) යස්ස වා පන යත්ථ මනායතනං නුප්පජ්ජිස්සති තස්ස තත්ථ ඝානායතනං නුප්පජ්ජිස්සතීති? ආමන්තා.

(ක) යස්ස [Pg.102] යත්ථ ඝානායතනං නුප්පජ්ජිස්සති තස්ස තත්ථ ධම්මායතනං නුප්පජ්ජිස්සතීති?

රූපාවචරානං අරූපාවචරානං තෙසං තත්ථ ඝානායතනං නුප්පජ්ජිස්සති, නො ච තෙසං තත්ථ ධම්මායතනං නුප්පජ්ජිස්සති. පච්ඡිමභවිකානං තෙසං තත්ථ ඝානායතනඤ්ච නුප්පජ්ජිස්සති ධම්මායතනඤ්ච නුප්පජ්ජිස්සති.

(ඛ) යස්ස වා පන යත්ථ ධම්මායතනං නුප්පජ්ජිස්සති තස්ස තත්ථ ඝානායතනං නුප්පජ්ජිස්සතීති? ආමන්තා. (ඝානායතනමූලකං)

68. (ක) යස්ස යත්ථ රූපායතනං නුප්පජ්ජිස්සති තස්ස තත්ථ මනායතනං නුප්පජ්ජිස්සතීති?

අරූපානං තෙසං තත්ථ රූපායතනං නුප්පජ්ජිස්සති, නො ච තෙසං තත්ථ මනායතනං නුප්පජ්ජිස්සති. පච්ඡිමභවිකානං තෙසං තත්ථ රූපායතනඤ්ච නුප්පජ්ජිස්සති මනායතනඤ්ච නුප්පජ්ජිස්සති.

(ඛ) යස්ස වා පන යත්ථ මනායතනං නුප්පජ්ජිස්සති තස්ස තත්ථ රූපායතනං නුප්පජ්ජිස්සතීති?

අසඤ්ඤසත්තානං තෙසං තත්ථ මනායතනං නුප්පජ්ජිස්සති, නො ච තෙසං තත්ථ රූපායතනං නුප්පජ්ජිස්සති. පච්ඡිමභවිකානං තෙසං තත්ථ මනායතනඤ්ච නුප්පජ්ජිස්සති රූපායතනඤ්ච නුප්පජ්ජිස්සති.

(ක) යස්ස යත්ථ රූපායතනං නුප්පජ්ජිස්සති තස්ස තත්ථ ධම්මායතනං නුප්පජ්ජිස්සතීති?

අරූපානං තෙසං තත්ථ රූපායතනං නුප්පජ්ජිස්සති, නො ච තෙසං තත්ථ ධම්මායතනං නුප්පජ්ජිස්සති. පච්ඡිමභවිකානං තෙසං තත්ථ රූපායතනඤ්ච නුප්පජ්ජිස්සති ධම්මායතනඤ්ච නුප්පජ්ජිස්සති.

(ඛ) යස්ස වා පන යත්ථ ධම්මායතනං නුප්පජ්ජිස්සති තස්ස තත්ථ රූපායතනං නුප්පජ්ජිස්සතීති? ආමන්තා. (රූපායතනමූලකං)

69. (ක) යස්ස යත්ථ මනායතනං නුප්පජ්ජිස්සති තස්ස තත්ථ ධම්මායතනං නුප්පජ්ජිස්සතීති?

අසඤ්ඤසත්තානං තෙසං තත්ථ මනායතනං නුප්පජ්ජිස්සති, නො ච තෙසං තත්ථ ධම්මායතනං නුප්පජ්ජිස්සති. පච්ඡිමභවිකානං තෙසං තත්ථ මනායතනඤ්ච නුප්පජ්ජිස්සති ධම්මායතනඤ්ච නුප්පජ්ජිස්සති.

(ඛ) යස්ස වා පන යත්ථ ධම්මායතනං නුප්පජ්ජිස්සති තස්ස තත්ථ මනායතනං නුප්පජ්ජිස්සතීති? ආමන්තා. (මනායතනමූලකං)

(4) පච්චුප්පන්නාතීතවාරො

(ක) අනුලොමපුග්ගලො

70. (ක) යස්ස චක්ඛායතනං උප්පජ්ජති තස්ස සොතායතනං උප්පජ්ජිත්ථාති? ආමන්තා.

(ඛ) යස්ස වා පන සොතායතනං උප්පජ්ජිත්ථ තස්ස චක්ඛායතනං උප්පජ්ජතීති[Pg.103]?

සබ්බෙසං චවන්තානං අචක්ඛුකානං උපපජ්ජන්තානං තෙසං සොතායතනං උප්පජ්ජිත්ථ, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං සොතායතනඤ්ච උප්පජ්ජිත්ථ චක්ඛායතනඤ්ච උප්පජ්ජති.

යස්ස චක්ඛායතනං උප්පජ්ජති තස්ස ඝානායතනං…පෙ… රූපායතනං… මනායතනං… ධම්මායතනං උප්පජ්ජිත්ථාති? ආමන්තා.

යස්ස වා පන ධම්මායතනං උප්පජ්ජිත්ථ තස්ස චක්ඛායතනං උප්පජ්ජතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං ධම්මායතනං උප්පජ්ජිත්ථ, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං ධම්මායතනඤ්ච උප්පජ්ජිත්ථ චක්ඛායතනඤ්ච උප්පජ්ජති. (චක්ඛායතනමූලකං)

71. යස්ස ඝානායතනං උප්පජ්ජති තස්ස රූපායතනං…පෙ… මනායතනං… ධම්මායතනං උප්පජ්ජිත්ථාති? ආමන්තා.

යස්ස වා පන ධම්මායතනං උප්පජ්ජිත්ථ තස්ස ඝානායතනං උප්පජ්ජතීති?

සබ්බෙසං චවන්තානං අඝානකානං උපපජ්ජන්තානං තෙසං ධම්මායතනං උප්පජ්ජිත්ථ, නො ච තෙසං ඝානායතනං උප්පජ්ජති. සඝානකානං උපපජ්ජන්තානං තෙසං ධම්මායතනඤ්ච උප්පජ්ජිත්ථ ඝානායතනඤ්ච උප්පජ්ජති. (ඝානායතනමූලකං)

72. යස්ස රූපායතනං උප්පජ්ජති තස්ස මනායතනං…පෙ… ධම්මායතනං උප්පජ්ජිත්ථාති? ආමන්තා.

යස්ස වා පන ධම්මායතනං උප්පජ්ජිත්ථ තස්ස රූපායතනං උප්පජ්ජතීති?

සබ්බෙසං චවන්තානං අරූපකානං උපපජ්ජන්තානං තෙසං ධම්මායතනං උප්පජ්ජිත්ථ, නො ච තෙසං රූපායතනං උප්පජ්ජති. සරූපකානං උපපජ්ජන්තානං තෙසං ධම්මායතනඤ්ච උප්පජ්ජිත්ථ රූපායතනඤ්ච උප්පජ්ජති. (රූපායතනමූලකං)

73. (ක) යස්ස මනායතනං උප්පජ්ජති තස්ස ධම්මායතනං උප්පජ්ජිත්ථාති? ආමන්තා.

(ඛ) යස්ස වා පන ධම්මායතනං උප්පජ්ජිත්ථ තස්ස මනායතනං උප්පජ්ජතීති?

සබ්බෙසං චවන්තානං අචිත්තකානං උපපජ්ජන්තානං තෙසං ධම්මායතනං උප්පජ්ජිත්ථ, නො ච තෙසං මනායතනං උප්පජ්ජති. සචිත්තකානං උපපජ්ජන්තානං තෙසං ධම්මායතනඤ්ච උප්පජ්ජිත්ථ මනායතනඤ්ච උප්පජ්ජති. (මනායතනමූලකං)

(ඛ) අනුලොමඔකාසො

74. යත්ථ චක්ඛායතනං උප්පජ්ජති තත්ථ සොතායතනං උප්පජ්ජිත්ථාති? ආමන්තා.…පෙ….

(ග) අනුලොමපුග්ගලොකාසා

75. (ක) යස්ස [Pg.104] යත්ථ චක්ඛායතනං උප්පජ්ජති තස්ස තත්ථ සොතායතනං උප්පජ්ජිත්ථාති?

සුද්ධාවාසං උපපජ්ජන්තානං තෙසං තත්ථ චක්ඛායතනං උප්පජ්ජති, නො ච තෙසං තත්ථ සොතායතනං උප්පජ්ජිත්ථ. ඉතරෙසං සචක්ඛුකානං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති සොතායතනඤ්ච උප්පජ්ජිත්ථ.

(ඛ) යස්ස වා පන යත්ථ සොතායතනං උප්පජ්ජිත්ථ තස්ස තත්ථ චක්ඛායතනං උප්පජ්ජතීති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං තෙසං තත්ථ සොතායතනං උප්පජ්ජිත්ථ, නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ සොතායතනඤ්ච උප්පජ්ජිත්ථ චක්ඛායතනඤ්ච උප්පජ්ජති.

(ක) යස්ස යත්ථ චක්ඛායතනං උප්පජ්ජති තස්ස තත්ථ ඝානායතනං උප්පජ්ජිත්ථාති?

රූපාවචරං උපපජ්ජන්තානං තෙසං තත්ථ චක්ඛායතනං උප්පජ්ජති, නො ච තෙසං තත්ථ ඝානායතනං උප්පජ්ජිත්ථ. සචක්ඛුකානං කාමාවචරං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති ඝානායතනඤ්ච උප්පජ්ජිත්ථ.

(ඛ) යස්ස වා පන යත්ථ ඝානායතනං උප්පජ්ජිත්ථ තස්ස තත්ථ චක්ඛායතනං උප්පජ්ජතීති?

කාමාවචරා චවන්තානං අචක්ඛුකානං කාමාවචරං උපපජ්ජන්තානං තෙසං තත්ථ ඝානායතනං උප්පජ්ජිත්ථ, නො ච තෙසං තත්ථ චක්ඛායතනං උප්පජ්ජති. සචක්ඛුකානං කාමාවචරං උපපජ්ජන්තානං තෙසං තත්ථ ඝානායතනඤ්ච උප්පජ්ජිත්ථ චක්ඛායතනඤ්ච උප්පජ්ජති.

(ක) යස්ස යත්ථ චක්ඛායතනං උප්පජ්ජති තස්ස තත්ථ රූපායතනං උප්පජ්ජිත්ථාති?

සුද්ධාවාසං උපපජ්ජන්තානං තෙසං තත්ථ චක්ඛායතනං උප්පජ්ජති, නො [Pg.105] ච තෙසං තත්ථ රූපායතනං උප්පජ්ජිත්ථ. ඉතරෙසං සචක්ඛුකානං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති රූපායතනඤ්ච උප්පජ්ජිත්ථ.

(ඛ) යස්ස වා පන යත්ථ රූපායතනං උප්පජ්ජිත්ථ තස්ස තත්ථ චක්ඛායතනං උප්පජ්ජතීති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං අසඤ්ඤසත්තානං තෙසං තත්ථ රූපායතනං උප්පජ්ජිත්ථ, නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ රූපායතනඤ්ච ච උප්පජ්ජිත්ථ චක්ඛායතනඤ්ච උප්පජ්ජති.

(ක) යස්ස යත්ථ චක්ඛායතනං උප්පජ්ජති තස්ස තත්ථ මනායතනං උප්පජ්ජිත්ථාති?

සුද්ධාවාසං උපපජ්ජන්තානං තෙසං තත්ථ චක්ඛායතනං උප්පජ්ජති, නො ච තෙසං තත්ථ මනායතනං උප්පජ්ජිත්ථ. ඉතරෙසං සචක්ඛුකානං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති මනායතනඤ්ච උප්පජ්ජිත්ථ.

(ඛ) යස්ස වා පන යත්ථ මනායතනං උප්පජ්ජිත්ථ තස්ස තත්ථ චක්ඛායතනං උප්පජ්ජතීති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං අරූපානං තෙසං තත්ථ මනායතනං උප්පජ්ජිත්ථ, නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ මනායතනඤ්ච උප්පජ්ජිත්ථ චක්ඛායතනඤ්ච උප්පජ්ජති.

(ක) යස්ස යත්ථ චක්ඛායතනං උප්පජ්ජති තස්ස තත්ථ ධම්මායතනං උප්පජ්ජිත්ථාති?

සුද්ධාවාසං උපපජ්ජන්තානං තෙසං තත්ථ චක්ඛායතනං උප්පජ්ජති, නො ච තෙසං තත්ථ ධම්මායතනං උප්පජ්ජිත්ථ. ඉතරෙසං සචක්ඛුකානං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති ධම්මායතනඤ්ච උප්පජ්ජිත්ථ.

(ඛ) යස්ස වා පන යත්ථ ධම්මායතනං උප්පජ්ජිත්ථ තස්ස තත්ථ චක්ඛායතනං උප්පජ්ජතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං තත්ථ ධම්මායතනං උප්පජ්ජිත්ථ, නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ ධම්මායතනඤ්ච උප්පජ්ජිත්ථ චක්ඛායතනඤ්ච උප්පජ්ජති. (චක්ඛායතනමූලකං)

76. (ක) යස්ස යත්ථ ඝානායතනං උප්පජ්ජති තස්ස තත්ථ රූපායතනං උප්පජ්ජිත්ථාති? ආමන්තා.

(ඛ) යස්ස වා පන යත්ථ රූපායතනං උප්පජ්ජිත්ථ තස්ස තත්ථ ඝානායතනං උප්පජ්ජතීති?

කාමාවචරා චවන්තානං අඝානකානං කාමාවචරං උපපජ්ජන්තානං රූපාවචරානං තෙසං තත්ථ රූපායතනං උප්පජ්ජිත්ථ, නො ච තෙසං තත්ථ ඝානායතනං උප්පජ්ජති. සඝානකානං උපපජ්ජන්තානං තෙසං තත්ථ රූපායතනඤ්ච උප්පජ්ජිත්ථ ඝානායතනඤ්ච උප්පජ්ජති.

(ක) යස්ස යත්ථ ඝානායතනං උප්පජ්ජති තස්ස තත්ථ මනායතනං උප්පජ්ජිත්ථාති? ආමන්තා.

(ඛ) යස්ස වා පන යත්ථ මනායතනං උප්පජ්ජිත්ථ තස්ස තත්ථ ඝානායතනං උප්පජ්ජතීති?

කාමාවචරා චවන්තානං අඝානකානං කාමාවචරං උපපජ්ජන්තානං රූපාවචරානං අරූපාවචරානං තෙසං තත්ථ මනායතනං උප්පජ්ජිත්ථ, නො ච තෙසං තත්ථ ඝානායතනං උප්පජ්ජති. සඝානකානං උපපජ්ජන්තානං තෙසං තත්ථ මනායතනඤ්ච උප්පජ්ජිත්ථ ඝානායතනඤ්ච උප්පජ්ජති.

(ක) යස්ස යත්ථ ඝානායතනං උප්පජ්ජති තස්ස තත්ථ ධම්මායතනං උප්පජ්ජිත්ථාති? ආමන්තා.

(ඛ) යස්ස වා පන යත්ථ ධම්මායතනං උප්පජ්ජිත්ථ තස්ස තත්ථ ඝානායතනං [Pg.106] උප්පජ්ජතීති?

සබ්බෙසං චවන්තානං අඝානකානං උපපජ්ජන්තානං තෙසං තත්ථ ධම්මායතනං උප්පජ්ජිත්ථ, නො ච තෙසං තත්ථ ඝානායතනං උප්පජ්ජති. සඝානකානං උපපජ්ජන්තානං තෙසං තත්ථ ධම්මායතනඤ්ච උප්පජ්ජිත්ථ ඝානායතනඤ්ච උප්පජ්ජති. (ඝානායතනමූලකං)

77. (ක) යස්ස යත්ථ රූපායතනං උප්පජ්ජති තස්ස තත්ථ මනායතනං උප්පජ්ජිත්ථාති?

සුද්ධාවාසං උපපජ්ජන්තානං අසඤ්ඤසත්තං උපපජ්ජන්තානං තෙසං තත්ථ රූපායතනං උප්පජ්ජති, නො ච තෙසං තත්ථ මනායතනං උප්පජ්ජිත්ථ. ඉතරෙසං පඤ්චවොකාරං උපපජ්ජන්තානං තෙසං තත්ථ රූපායතනඤ්ච උප්පජ්ජති මනායතනඤ්ච උප්පජ්ජිත්ථ.

(ඛ) යස්ස වා පන යත්ථ මනායතනං උප්පජ්ජිත්ථ තස්ස තත්ථ රූපායතනං උප්පජ්ජතීති?

පඤ්චවොකාරා චවන්තානං අරූපානං තෙසං තත්ථ මනායතනං උප්පජ්ජිත්ථ, නො ච තෙසං තත්ථ රූපායතනං උප්පජ්ජති. පඤ්චවොකාරං උපපජ්ජන්තානං තෙසං තත්ථ මනායතනඤ්ච උප්පජ්ජිත්ථ රූපායතනඤ්ච උප්පජ්ජති.

(ක) යස්ස යත්ථ රූපායතනං උප්පජ්ජති තස්ස තත්ථ ධම්මායතනං උප්පජ්ජිත්ථාති?

සුද්ධාවාසං උපපජ්ජන්තානං තෙසං තත්ථ රූපායතනං උප්පජ්ජති, නො ච තෙසං තත්ථ ධම්මායතනං උප්පජ්ජිත්ථ. ඉතරෙසං සරූපකානං උපපජ්ජන්තානං තෙසං තත්ථ රූපායතනඤ්ච උප්පජ්ජති ධම්මායතනඤ්ච උප්පජ්ජිත්ථ.

(ඛ) යස්ස වා පන යත්ථ ධම්මායතනං උප්පජ්ජිත්ථ තස්ස තත්ථ රූපායතනං උප්පජ්ජතීති?

සබ්බෙසං චවන්තානං අරූපකානං උපපජ්ජන්තානං තෙසං තත්ථ ධම්මායතනං උප්පජ්ජිත්ථ, නො ච තෙසං තත්ථ රූපායතනං උප්පජ්ජති. සරූපකානං උපපජ්ජන්තානං තෙසං තත්ථ ධම්මායතනඤ්ච උප්පජ්ජිත්ථ රූපායතනඤ්ච උප්පජ්ජති. (රූපායතනමූලකං)

78. (ක) යස්ස යත්ථ මනායතනං උප්පජ්ජති තස්ස තත්ථ ධම්මායතනං උප්පජ්ජිත්ථාති?

සුද්ධාවාසං උපපජ්ජන්තානං තෙසං තත්ථ මනායතනං උප්පජ්ජති, නො ච තෙසං තත්ථ ධම්මායතනං උප්පජ්ජිත්ථ. ඉතරෙසං සචිත්තකානං උපපජ්ජන්තානං තෙසං තත්ථ මනායතනඤ්ච උප්පජ්ජති ධම්මායතනඤ්ච උප්පජ්ජිත්ථ.

(ඛ) යස්ස වා පන යත්ථ ධම්මායතනං උප්පජ්ජිත්ථ තස්ස තත්ථ මනායතනං උප්පජ්ජතීති?

සබ්බෙසං චවන්තානං අචිත්තකානං උපපජ්ජන්තානං තෙසං තත්ථ ධම්මායතනං උප්පජ්ජිත්ථ, නො ච තෙසං තත්ථ මනායතනං උප්පජ්ජති. සචිත්තකානං උපපජ්ජන්තානං තෙසං තත්ථ ධම්මායතනඤ්ච උප්පජ්ජිත්ථ මනායතනඤ්ච උප්පජ්ජති. (මනායතනමූලකං)

(ඝ) පච්චනීකපුග්ගලො

79. (ක) යස්ස [Pg.107] චක්ඛායතනං නුප්පජ්ජති තස්ස සොතායතනං නුප්පජ්ජිත්ථාති? උප්පජ්ජිත්ථ.

(ඛ) යස්ස වා පන සොතායතනං නුප්පජ්ජිත්ථ තස්ස චක්ඛායතනං නුප්පජ්ජතීති? නත්ථි.

යස්ස චක්ඛායතනං නුප්පජ්ජති තස්ස ඝානායතනං…පෙ… රූපායතනං… මනායතනං… ධම්මායතනං නුප්පජ්ජිත්ථාති? උප්පජ්ජිත්ථ.

යස්ස වා පන ධම්මායතනං නුප්පජ්ජිත්ථ තස්ස චක්ඛායතනං නුප්පජ්ජතීති? නත්ථි.

80. යස්ස ඝානායතනං…පෙ… රූපායතනං… මනායතනං නුප්පජ්ජති තස්ස ධම්මායතනං නුප්පජ්ජිත්ථාති? උප්පජ්ජිත්ථ.

යස්ස වා පන ධම්මායතනං නුප්පජ්ජිත්ථ තස්ස මනායතනං නුප්පජ්ජතීති? නත්ථි.

(ඞ) පච්චනීකඔකාසො

81. යත්ථ චක්ඛායතනං නුප්පජ්ජති…පෙ….

(ච) පච්චනීකපුග්ගලොකාසා

82. (ක) යස්ස යත්ථ චක්ඛායතනං නුප්පජ්ජති තස්ස තත්ථ සොතායතනං නුප්පජ්ජිත්ථාති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං තෙසං තත්ථ චක්ඛායතනං නුප්පජ්ජති, නො ච තෙසං තත්ථ සොතායතනං නුප්පජ්ජිත්ථ. සුද්ධාවාසෙ පරිනිබ්බන්තානං අසඤ්ඤසත්තානං අරූපානං තෙසං තත්ථ චක්ඛායතනඤ්ච නුප්පජ්ජති සොතායතනඤ්ච නුප්පජ්ජිත්ථ.

(ඛ) යස්ස වා පන යත්ථ සොතායතනං නුප්පජ්ජිත්ථ තස්ස තත්ථ චක්ඛායතනං නුප්පජ්ජතීති?

සුද්ධාවාසං උපපජ්ජන්තානං තෙසං තත්ථ සොතායතනං නුප්පජ්ජිත්ථ, නො ච තෙසං තත්ථ චක්ඛායතනං නුප්පජ්ජති. සුද්ධාවාසෙ පරිනිබ්බන්තානං අසඤ්ඤසත්තානං අරූපානං තෙසං තත්ථ සොතායතනඤ්ච නුප්පජ්ජිත්ථ චක්ඛායතනඤ්ච නුප්පජ්ජති.

(ක) යස්ස යත්ථ චක්ඛායතනං නුප්පජ්ජති තස්ස තත්ථ ඝානායතනං නුප්පජ්ජිත්ථාති?

කාමාවචරා චවන්තානං අචක්ඛුකානං කාමාවචරං උපපජ්ජන්තානං තෙසං තත්ථ චක්ඛායතනං නුප්පජ්ජති, නො ච තෙසං තත්ථ ඝානායතනං නුප්පජ්ජිත්ථ. රූපාවචරා චවන්තානං අසඤ්ඤසත්තානං අරූපානං තෙසං තත්ථ චක්ඛායතනඤ්ච නුප්පජ්ජති ඝානායතනඤ්ච නුප්පජ්ජිත්ථ.

(ඛ) යස්ස වා පන යත්ථ ඝානායතනං නුප්පජ්ජිත්ථ තස්ස තත්ථ චක්ඛායතනං නුප්පජ්ජතීති?

රූපාවචරං උපපජ්ජන්තානං [Pg.108] තෙසං තත්ථ ඝානායතනං නුප්පජ්ජිත්ථ, නො ච තෙසං තත්ථ චක්ඛායතනං නුප්පජ්ජති. රූපාවචරා චවන්තානං අසඤ්ඤසත්තානං අරූපානං තෙසං තත්ථ ඝානායතනඤ්ච නුප්පජ්ජිත්ථ චක්ඛායතනඤ්ච නුප්පජ්ජති.

(ක) යස්ස යත්ථ චක්ඛායතනං නුප්පජ්ජති තස්ස තත්ථ රූපායතනං නුප්පජ්ජිත්ථාති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං අසඤ්ඤසත්තානං තෙසං තත්ථ චක්ඛායතනං නුප්පජ්ජති, නො ච තෙසං තත්ථ රූපායතනං නුප්පජ්ජිත්ථ. සුද්ධාවාසෙ පරිනිබ්බන්තානං අරූපානං තෙසං තත්ථ චක්ඛායතනඤ්ච නුප්පජ්ජති රූපායතනඤ්ච නුප්පජ්ජිත්ථ.

(ඛ) යස්ස වා පන යත්ථ රූපායතනං නුප්පජ්ජිත්ථ තස්ස තත්ථ චක්ඛායතනං නුප්පජ්ජතීති?

සුද්ධාවාසං උපපජ්ජන්තානං තෙසං තත්ථ රූපායතනං නුප්පජ්ජිත්ථ, නො ච තෙසං තත්ථ චක්ඛායතනං නුප්පජ්ජති. සුද්ධාවාසෙ පරිනිබ්බන්තානං අරූපානං තෙසං තත්ථ රූපායතනඤ්ච නුප්පජ්ජිත්ථ චක්ඛායතනඤ්ච නුප්පජ්ජති.

(ක) යස්ස යත්ථ චක්ඛායතනං නුප්පජ්ජති තස්ස තත්ථ මනායතනං නුප්පජ්ජිත්ථාති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං අරූපානං තෙසං තත්ථ චක්ඛායතනං නුප්පජ්ජති, නො ච තෙසං තත්ථ මනායතනං නුප්පජ්ජිත්ථ. සුද්ධාවාසෙ පරිනිබ්බන්තානං අසඤ්ඤසත්තානං තෙසං තත්ථ චක්ඛායතනඤ්ච නුප්පජ්ජති මනායතනඤ්ච නුප්පජ්ජිත්ථ.

(ඛ) යස්ස වා පන යත්ථ මනායතනං නුප්පජ්ජිත්ථ තස්ස තත්ථ චක්ඛායතනං නුප්පජ්ජතීති?

සුද්ධාවාසං උපපජ්ජන්තානං තෙසං තත්ථ මනායතනං නුප්පජ්ජිත්ථ, නො ච තෙසං තත්ථ චක්ඛායතනං නුප්පජ්ජති. සුද්ධාවාසෙ පරිනිබ්බන්තානං අසඤ්ඤසත්තානං තෙසං තත්ථ මනායතනඤ්ච නුප්පජ්ජිත්ථ චක්ඛායතනඤ්ච නුප්පජ්ජති.

(ක) යස්ස යත්ථ චක්ඛායතනං නුප්පජ්ජති තස්ස තත්ථ ධම්මායතනං නුප්පජ්ජිත්ථාති?

සබ්බෙසං චවන්තානං අචක්ඛුකානං උපපජ්ජන්තානං තෙසං තත්ථ චක්ඛායතනං නුප්පජ්ජති, නො ච තෙසං තත්ථ ධම්මායතනං නුප්පජ්ජිත්ථ. සුද්ධාවාසෙ පරිනිබ්බන්තානං තෙසං තත්ථ චක්ඛායතනඤ්ච නුප්පජ්ජති ධම්මායතනඤ්ච නුප්පජ්ජිත්ථ.

(ඛ) යස්ස වා පන යත්ථ ධම්මායතනං නුප්පජ්ජිත්ථ තස්ස තත්ථ චක්ඛායතනං නුප්පජ්ජතීති?

සුද්ධාවාසං උපපජ්ජන්තානං තෙසං තත්ථ ධම්මායතනං නුප්පජ්ජිත්ථ, නො ච තෙසං තත්ථ චක්ඛායතනං නුප්පජ්ජති. සුද්ධාවාසෙ පරිනිබ්බන්තානං තෙසං තත්ථ ධම්මායතනඤ්ච නුප්පජ්ජිත්ථ චක්ඛායතනඤ්ච නුප්පජ්ජති. (චක්ඛායතනමූලකං)

83. (ක) යස්ස [Pg.109] යත්ථ ඝානායතනං නුප්පජ්ජති තස්ස තත්ථ රූපායතනං නුප්පජ්ජිත්ථාති?

කාමාවචරා චවන්තානං අඝානකානං කාමාවචරං උපපජ්ජන්තානං රූපාවචරානං තෙසං තත්ථ ඝානායතනං නුප්පජ්ජති, නො ච තෙසං තත්ථ රූපායතනං නුප්පජ්ජිත්ථ. සුද්ධාවාසානං අරූපානං තෙසං තත්ථ ඝානායතනඤ්ච නුප්පජ්ජති රූපායතනඤ්ච නුප්පජ්ජිත්ථ.

(ඛ) යස්ස වා පන යත්ථ රූපායතනං නුප්පජ්ජිත්ථ තස්ස තත්ථ ඝානායතනං නුප්පජ්ජතීති? ආමන්තා.

(ක) යස්ස යත්ථ ඝානායතනං නුප්පජ්ජති තස්ස තත්ථ මනායතනං නුප්පජ්ජිත්ථාති?

කාමාවචරා චවන්තානං අඝානකානං කාමාවචරං උපපජ්ජන්තානං රූපාවචරානං අරූපාවචරානං තෙසං තත්ථ ඝානායතනං නුප්පජ්ජති, නො ච තෙසං තත්ථ මනායතනං නුප්පජ්ජිත්ථ. සුද්ධාවාසානං අසඤ්ඤසත්තානං තෙසං තත්ථ ඝානායතනඤ්ච නුප්පජ්ජති මනායතනඤ්ච නුප්පජ්ජිත්ථ.

(ඛ) යස්ස වා පන යත්ථ මනායතනං නුප්පජ්ජිත්ථ තස්ස තත්ථ ඝානායතනං නුප්පජ්ජතීති? ආමන්තා.

(ක) යස්ස යත්ථ ඝානායතනං නුප්පජ්ජති තස්ස තත්ථ ධම්මායතනං නුප්පජ්ජිත්ථාති?

සබ්බෙසං චවන්තානං අඝානකානං උපපජ්ජන්තානං තෙසං තත්ථ ඝානායතනං නුප්පජ්ජති, නො ච තෙසං තත්ථ ධම්මායතනං නුප්පජ්ජිත්ථ. සුද්ධාවාසානං තෙසං තත්ථ ඝානායතනඤ්ච නුප්පජ්ජති ධම්මායතනඤ්ච නුප්පජ්ජිත්ථ.

(ඛ) යස්ස වා පන යත්ථ ධම්මායතනං නුප්පජ්ජිත්ථ තස්ස තත්ථ ඝානායතනං නුප්පජ්ජතීති? ආමන්තා. (ඝානායතනමූලකං)

84. (ක) යස්ස යත්ථ රූපායතනං නුප්පජ්ජති තස්ස තත්ථ මනායතනං නුප්පජ්ජිත්ථාති?

පඤ්චවොකාරා චවන්තානං අරූපානං තෙසං තත්ථ රූපායතනං නුප්පජ්ජති, නො ච තෙසං තත්ථ මනායතනං නුප්පජ්ජිත්ථ. සුද්ධාවාසෙ පරිනිබ්බන්තානං අසඤ්ඤසත්තා චවන්තානං තෙසං තත්ථ රූපායතනඤ්ච නුප්පජ්ජති මනායතනඤ්ච නුප්පජ්ජිත්ථ.

(ඛ) යස්ස වා පන යත්ථ මනායතනං නුප්පජ්ජිත්ථ තස්ස තත්ථ රූපායතනං නුප්පජ්ජතීති?

සුද්ධාවාසං උපපජ්ජන්තානං අසඤ්ඤසත්තං උපපජ්ජන්තානං තෙසං තත්ථ මනායතනං නුප්පජ්ජිත්ථ, නො ච තෙසං තත්ථ රූපායතනං නුප්පජ්ජති. සුද්ධාවාසෙ පරිනිබ්බන්තානං අසඤ්ඤසත්තා චවන්තානං තෙසං තත්ථ මනායතනඤ්ච නුප්පජ්ජිත්ථ රූපායතනඤ්ච නුප්පජ්ජති.

(ක) යස්ස යත්ථ රූපායතනං නුප්පජ්ජති තස්ස තත්ථ ධම්මායතනං නුප්පජ්ජිත්ථාති?

සබ්බෙසං චවන්තානං අරූපකානං උපපජ්ජන්තානං තෙසං තත්ථ රූපායතනං නුප්පජ්ජති, නො ච තෙසං තත්ථ ධම්මායතනං නුප්පජ්ජිත්ථ. සුද්ධාවාසෙ පරිනිබ්බන්තානං [Pg.110] තෙසං තත්ථ රූපායතනඤ්ච නුප්පජ්ජති ධම්මායතනඤ්ච නුප්පජ්ජිත්ථ.

(ඛ) යස්ස වා පන යත්ථ ධම්මායතනං නුප්පජ්ජිත්ථ තස්ස තත්ථ රූපායතනං නුප්පජ්ජතීති?

සුද්ධාවාසං උපපජ්ජන්තානං තෙසං තත්ථ ධම්මායතනං නුප්පජ්ජිත්ථ, නො ච තෙසං තත්ථ රූපායතනං නුප්පජ්ජති. සුද්ධාවාසෙ පරිනිබ්බන්තානං තෙසං තත්ථ ධම්මායතනඤ්ච නුප්පජ්ජිත්ථ රූපායතනඤ්ච නුප්පජ්ජති. (රූපායතනමූලකං)

85. (ක) යස්ස යත්ථ මනායතනං නුප්පජ්ජති තස්ස තත්ථ ධම්මායතනං නුප්පජ්ජිත්ථාති?

සබ්බෙසං චවන්තානං අචිත්තකානං උපපජ්ජන්තානං තෙසං තත්ථ මනායතනං නුප්පජ්ජති, නො ච තෙසං තත්ථ ධම්මායතනං නුප්පජ්ජිත්ථ. සුද්ධාවාසෙ පරිනිබ්බන්තානං තෙසං තත්ථ මනායතනඤ්ච නුප්පජ්ජති ධම්මායතනඤ්ච නුප්පජ්ජිත්ථ.

(ඛ) යස්ස වා පන යත්ථ ධම්මායතනං නුප්පජ්ජිත්ථ තස්ස තත්ථ මනායතනං නුප්පජ්ජතීති?

සුද්ධාවාසං උපපජ්ජන්තානං තෙසං තත්ථ ධම්මායතනං නුප්පජ්ජිත්ථ, නො ච තෙසං තත්ථ මනායතනං නුප්පජ්ජති. සුද්ධාවාසෙ පරිනිබ්බන්තානං තෙසං තත්ථ ධම්මායතනඤ්ච නුප්පජ්ජිත්ථ මනායතනඤ්ච නුප්පජ්ජති. (මනායතනමූලකං)

(5) පච්චුප්පන්නානාගතවාරො

(ක) අනුලොමපුග්ගලො

86. (ක) යස්ස චක්ඛායතනං උප්පජ්ජති තස්ස සොතායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං චක්ඛායතනං උප්පජ්ජති, නො ච තෙසං සොතායතනං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං චක්ඛායතනඤ්ච උප්පජ්ජති සොතායතනඤ්ච උප්පජ්ජිස්සති.

(ඛ) යස්ස වා පන සොතායතනං උප්පජ්ජිස්සති තස්ස චක්ඛායතනං උප්පජ්ජතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං සොතායතනං උප්පජ්ජිස්සති, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං සොතායතනඤ්ච උප්පජ්ජිස්සති චක්ඛායතනඤ්ච උප්පජ්ජති.

(ක) යස්ස චක්ඛායතනං උප්පජ්ජති තස්ස ඝානායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං චක්ඛායතනං උප්පජ්ජති, නො ච තෙසං ඝානායතනං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං චක්ඛායතනඤ්ච උප්පජ්ජති ඝානායතනඤ්ච උප්පජ්ජිස්සති.

(ඛ) යස්ස වා පන ඝානායතනං උප්පජ්ජිස්සති තස්ස චක්ඛායතනං උප්පජ්ජතීති?

සබ්බෙසං [Pg.111] චවන්තානං අචක්ඛුකානං උපපජ්ජන්තානං තෙසං ඝානායතනං උප්පජ්ජිස්සති, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං ඝානායතනඤ්ච උප්පජ්ජිස්සති චක්ඛායතනඤ්ච උප්පජ්ජති.

(ක) යස්ස චක්ඛායතනං උප්පජ්ජති තස්ස රූපායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං චක්ඛායතනං උප්පජ්ජති, නො ච තෙසං රූපායතනං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං චක්ඛායතනඤ්ච උප්පජ්ජති රූපායතනඤ්ච උප්පජ්ජිස්සති.

(ඛ) යස්ස වා පන රූපායතනං උප්පජ්ජිස්සති තස්ස චක්ඛායතනං උප්පජ්ජතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං රූපායතනං උප්පජ්ජිස්සති, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං රූපායතනඤ්ච උප්පජ්ජිස්සති චක්ඛායතනඤ්ච උප්පජ්ජති.

(ක) යස්ස චක්ඛායතනං උප්පජ්ජති තස්ස මනායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං තෙසං චක්ඛායතනං උප්පජ්ජති, නො ච තෙසං මනායතනං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං චක්ඛායතනඤ්ච උප්පජ්ජති මනායතනඤ්ච උප්පජ්ජිස්සති.

(ඛ) යස්ස වා පන මනායතනං උප්පජ්ජිස්සති තස්ස චක්ඛායතනං උප්පජ්ජතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං මනායතනං උප්පජ්ජිස්සති, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං මනායතනඤ්ච උප්පජ්ජිස්සති චක්ඛායතනඤ්ච උප්පජ්ජති.

(ක) යස්ස චක්ඛායතනං උප්පජ්ජති තස්ස ධම්මායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං තෙසං චක්ඛායතනං උප්පජ්ජති, නො ච තෙසං ධම්මායතනං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං චක්ඛායතනඤ්ච උප්පජ්ජති ධම්මායතනඤ්ච උප්පජ්ජිස්සති.

(ඛ) යස්ස වා පන ධම්මායතනං උප්පජ්ජිස්සති තස්ස චක්ඛායතනං උප්පජ්ජතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං ධම්මායතනං උප්පජ්ජිස්සති, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං ධම්මායතනඤ්ච උප්පජ්ජිස්සති චක්ඛායතනඤ්ච උප්පජ්ජති. (චක්ඛායතනමූලකං)

87. (ක) යස්ස ඝානායතනං උප්පජ්ජති තස්ස රූපායතනං උප්පජ්ජිස්සතීති?

පච්ඡිමභවිකානං කාමාවචරං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති [Pg.112] තෙසං උපපජ්ජන්තානං තෙසං ඝානායතනං උප්පජ්ජති, නො ච තෙසං රූපායතනං උප්පජ්ජිස්සති. ඉතරෙසං සඝානකානං උපපජ්ජන්තානං තෙසං ඝානායතනඤ්ච උප්පජ්ජති රූපායතනඤ්ච උප්පජ්ජිස්සති.

(ඛ) යස්ස වා පන රූපායතනං උප්පජ්ජිස්සති තස්ස ඝානායතනං උප්පජ්ජතීති?

සබ්බෙසං චවන්තානං අඝානකානං උපපජ්ජන්තානං තෙසං රූපායතනං උප්පජ්ජිස්සති, නො ච තෙසං ඝානායතනං උප්පජ්ජති. සඝානකානං උපපජ්ජන්තානං තෙසං රූපායතනඤ්ච උප්පජ්ජිස්සති ඝානායතනඤ්ච උප්පජ්ජති.

(ක) යස්ස ඝානායතනං උප්පජ්ජති තස්ස මනායතනං උප්පජ්ජිස්සතීති?

පච්ඡිමභවිකානං කාමාවචරං උපපජ්ජන්තානං තෙසං ඝානායතනං උප්පජ්ජති, නො ච තෙසං මනායතනං උප්පජ්ජිස්සති. ඉතරෙසං සඝානකානං උපපජ්ජන්තානං තෙසං ඝානායතනඤ්ච උප්පජ්ජති මනායතනඤ්ච උප්පජ්ජිස්සති.

(ඛ) යස්ස වා පන මනායතනං උප්පජ්ජිස්සති තස්ස ඝානායතනං උප්පජ්ජතීති?

සබ්බෙසං චවන්තානං අඝානකානං උපපජ්ජන්තානං තෙසං මනායතනං උප්පජ්ජිස්සති, නො ච තෙසං ඝානායතනං උප්පජ්ජති. සඝානකානං උපපජ්ජන්තානං තෙසං මනායතනඤ්ච උප්පජ්ජිස්සති ඝානායතනඤ්ච උප්පජ්ජති.

(ක) යස්ස ඝානායතනං උප්පජ්ජති තස්ස ධම්මායතනං උප්පජ්ජිස්සතීති?

පච්ඡිමභවිකානං කාමාවචරං උපපජ්ජන්තානං තෙසං ඝානායතනං උප්පජ්ජති, නො ච තෙසං ධම්මායතනං උප්පජ්ජිස්සති. ඉතරෙසං සඝානකානං උපපජ්ජන්තානං තෙසං ඝානායතනඤ්ච උප්පජ්ජති ධම්මායතනඤ්ච උප්පජ්ජිස්සති.

(ඛ) යස්ස වා පන ධම්මායතනං උප්පජ්ජිස්සති තස්ස ඝානායතනං උප්පජ්ජතීති?

සබ්බෙසං චවන්තානං අඝානකානං උපපජ්ජන්තානං තෙසං ධම්මායතනං උප්පජ්ජිස්සති, නො ච තෙසං ඝානායතනං උප්පජ්ජති. සඝානකානං උපපජ්ජන්තානං තෙසං ධම්මායතනඤ්ච උප්පජ්ජිස්සති ඝානායතනඤ්ච උප්පජ්ජති. (ඝානායතනමූලකං)

88. (ක) යස්ස රූපායතනං උප්පජ්ජති තස්ස මනායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං තෙසං රූපායතනං උප්පජ්ජති, නො ච තෙසං මනායතනං උප්පජ්ජිස්සති. ඉතරෙසං සරූපකානං උපපජ්ජන්තානං තෙසං රූපායතනඤ්ච උප්පජ්ජති මනායතනඤ්ච උප්පජ්ජිස්සති.

(ඛ) යස්ස වා පන මනායතනං උප්පජ්ජිස්සති තස්ස රූපායතනං උප්පජ්ජතීති?

සබ්බෙසං චවන්තානං අරූපකානං උපපජ්ජන්තානං තෙසං මනායතනං උප්පජ්ජිස්සති, නො ච තෙසං රූපායතනං උප්පජ්ජති[Pg.113]. සරූපකානං උපපජ්ජන්තානං තෙසං මනායතනඤ්ච උප්පජ්ජිස්සති රූපායතනඤ්ච උප්පජ්ජති.

(ක) යස්ස රූපායතනං උප්පජ්ජති තස්ස ධම්මායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං තෙසං රූපායතනං උප්පජ්ජති, නො ච තෙසං ධම්මායතනං උප්පජ්ජිස්සති. ඉතරෙසං සරූපකානං උපපජ්ජන්තානං තෙසං රූපායතනඤ්ච උප්පජ්ජති ධම්මායතනඤ්ච උප්පජ්ජිස්සති.

(ඛ) යස්ස වා පන ධම්මායතනං උප්පජ්ජිස්සති තස්ස රූපායතනං උප්පජ්ජතීති?

සබ්බෙසං චවන්තානං අරූපකානං උපපජ්ජන්තානං තෙසං ධම්මායතනං උප්පජ්ජිස්සති, නො ච තෙසං රූපායතනං උප්පජ්ජති. සරූපකානං උපපජ්ජන්තානං තෙසං ධම්මායතනඤ්ච උප්පජ්ජිස්සති රූපායතනඤ්ච උප්පජ්ජති. (රූපායතනමූලකං)

89. (ක) යස්ස මනායතනං උප්පජ්ජති තස්ස ධම්මායතනං උප්පජ්ජිස්සතීති?

පච්ඡිමභවිකානං උපපජ්ජන්තානං තෙසං මනායතනං උප්පජ්ජති, නො ච තෙසං ධම්මායතනං උප්පජ්ජිස්සති. ඉතරෙසං සචිත්තකානං උපපජ්ජන්තානං තෙසං මනායතනඤ්ච උප්පජ්ජති, ධම්මායතනඤ්ච උප්පජ්ජිස්සති.

(ඛ) යස්ස වා පන ධම්මායතනං උප්පජ්ජිස්සති තස්ස මනායතනං උප්පජ්ජතීති?

සබ්බෙසං චවන්තානං අචිත්තකානං උපපජ්ජන්තානං තෙසං ධම්මායතනං උප්පජ්ජිස්සති, නො ච තෙසං මනායතනං උප්පජ්ජති. සචිත්තකානං උපපජ්ජන්තානං තෙසං ධම්මායතනඤ්ච උප්පජ්ජිස්සති මනායතනඤ්ච උප්පජ්ජති.

(ඛ) අනුලොමඔකාසො

90. යත්ථ චක්ඛායතනං උප්පජ්ජති…පෙ….

(ග) අනුලොමපුග්ගලොකාසා

91. (ක) යස්ස යත්ථ චක්ඛායතනං උප්පජ්ජති තස්ස තත්ථ සොතායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ චක්ඛායතනං උප්පජ්ජති, නො ච තෙසං තත්ථ සොතායතනං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති සොතායතනඤ්ච උප්පජ්ජිස්සති.

(ඛ) යස්ස වා පන යත්ථ සොතායතනං උප්පජ්ජිස්සති තස්ස තත්ථ චක්ඛායතනං උප්පජ්ජතීති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං තෙසං තත්ථ සොතායතනං උප්පජ්ජිස්සති, නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං [Pg.114] තෙසං තත්ථ සොතායතනඤ්ච උප්පජ්ජිස්සති චක්ඛායතනඤ්ච උප්පජ්ජති.

(ක) යස්ස යත්ථ චක්ඛායතනං උප්පජ්ජති තස්ස තත්ථ ඝානායතනං උප්පජ්ජිස්සතීති?

පච්ඡිමභවිකානං කාමාවචරං උපපජ්ජන්තානං රූපාවචරං උපපජ්ජන්තානං තෙසං තත්ථ චක්ඛායතනං උප්පජ්ජති, නො ච තෙසං තත්ථ ඝානායතනං උප්පජ්ජිස්සති. ඉතරෙසං සචක්ඛුකානං කාමාවචරං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති ඝානායතනඤ්ච උප්පජ්ජිස්සති.

(ඛ) යස්ස වා පන යත්ථ ඝානායතනං උප්පජ්ජිස්සති තස්ස තත්ථ චක්ඛායතනං උප්පජ්ජතීති?

කාමාවචරා චවන්තානං අචක්ඛුකානං කාමාවචරං උපපජ්ජන්තානං තෙසං තත්ථ ඝානායතනං උප්පජ්ජිස්සති, නො ච තෙසං තත්ථ චක්ඛායතනං උප්පජ්ජති. සචක්ඛුකානං කාමාවචරං උපපජ්ජන්තානං තෙසං තත්ථ ඝානායතනඤ්ච උප්පජ්ජිස්සති චක්ඛායතනඤ්ච උප්පජ්ජති.

(ක) යස්ස යත්ථ චක්ඛායතනං උප්පජ්ජති තස්ස තත්ථ රූපායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ චක්ඛායතනං උප්පජ්ජති, නො ච තෙසං තත්ථ රූපායතනං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති රූපායතනඤ්ච උප්පජ්ජිස්සති.

(ඛ) යස්ස වා පන යත්ථ රූපායතනං උප්පජ්ජිස්සති තස්ස තත්ථ චක්ඛායතනං උප්පජ්ජතීති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං අසඤ්ඤසත්තානං තෙසං තත්ථ රූපායතනං උප්පජ්ජිස්සති, නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ රූපායතනඤ්ච උප්පජ්ජිස්සති චක්ඛායතනඤ්ච උප්පජ්ජති.

(ක) යස්ස යත්ථ චක්ඛායතනං උප්පජ්ජති තස්ස තත්ථ මනායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ චක්ඛායතනං උප්පජ්ජති, නො ච තෙසං තත්ථ මනායතනං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති මනායතනඤ්ච උප්පජ්ජිස්සති.

(ඛ) යස්ස වා පන යත්ථ මනායතනං උප්පජ්ජිස්සති තස්ස තත්ථ චක්ඛායතනං උප්පජ්ජතීති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං අරූපානං තෙසං තත්ථ මනායතනං උප්පජ්ජිස්සති, නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ මනායතනඤ්ච උප්පජ්ජිස්සති චක්ඛායතනඤ්ච උප්පජ්ජති.

(ක) යස්ස [Pg.115] යත්ථ චක්ඛායතනං උප්පජ්ජති තස්ස තත්ථ ධම්මායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ චක්ඛායතනං උප්පජ්ජති, නො ච තෙසං තත්ථ ධම්මායතනං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති ධම්මායතනඤ්ච උප්පජ්ජිස්සති.

(ඛ) යස්ස වා පන යත්ථ ධම්මායතනං උප්පජ්ජිස්සති තස්ස තත්ථ චක්ඛායතනං උප්පජ්ජතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං තත්ථ ධම්මායතනං උප්පජ්ජිස්සති, නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ ධම්මායතනඤ්ච උප්පජ්ජිස්සති චක්ඛායතනඤ්ච උප්පජ්ජති. (චක්ඛායතනමූලකං)

92. (ක) යස්ස යත්ථ ඝානායතනං උප්පජ්ජති තස්ස තත්ථ රූපායතනං උප්පජ්ජිස්සතීති?

පච්ඡිමභවිකානං කාමාවචරං උපපජ්ජන්තානං තෙසං තත්ථ ඝානායතනං උප්පජ්ජති, නො ච තෙසං තත්ථ රූපායතනං උප්පජ්ජිස්සති. ඉතරෙසං සඝානකානං උපපජ්ජන්තානං තෙසං තත්ථ ඝානායතනඤ්ච උප්පජ්ජති රූපායතනඤ්ච උප්පජ්ජිස්සති.

(ඛ) යස්ස වා පන යත්ථ රූපායතනං උප්පජ්ජිස්සති තස්ස තත්ථ ඝානායතනං උප්පජ්ජතීති?

කාමාවචරා චවන්තානං අඝානකානං කාමාවචරං උපපජ්ජන්තානං රූපාවචරානං තෙසං තත්ථ රූපායතනං උප්පජ්ජිස්සති, නො ච තෙසං තත්ථ ඝානායතනං උප්පජ්ජති. සඝානකානං උපපජ්ජන්තානං තෙසං තත්ථ රූපායතනඤ්ච උප්පජ්ජිස්සති ඝානායතනඤ්ච උප්පජ්ජති.

(ක) යස්ස යත්ථ ඝානායතනං උප්පජ්ජති තස්ස තත්ථ මනායතනං උප්පජ්ජිස්සතීති?

පච්ඡිමභවිකානං කාමාවචරං උපපජ්ජන්තානං තෙසං තත්ථ ඝානායතනං උප්පජ්ජති, නො ච තෙසං තත්ථ මනායතනං උප්පජ්ජිස්සති. ඉතරෙසං සඝානකානං උපපජ්ජන්තානං තෙසං තත්ථ ඝානායතනඤ්ච උප්පජ්ජති මනායතනඤ්ච උප්පජ්ජිස්සති.

(ඛ) යස්ස වා පන යත්ථ මනායතනං උප්පජ්ජිස්සති තස්ස තත්ථ ඝානායතනං උප්පජ්ජතීති?

කාමාවචරා චවන්තානං අඝානකානං කාමාවචරං උපපජ්ජන්තානං රූපාවචරානං අරූපාවචරානං තෙසං තත්ථ මනායතනං උප්පජ්ජිස්සති, නො ච තෙසං තත්ථ ඝානායතනං උප්පජ්ජති. සඝානකානං උපපජ්ජන්තානං තෙසං තත්ථ මනායතනඤ්ච උප්පජ්ජිස්සති ඝානායතනඤ්ච උප්පජ්ජති.

(ක) යස්ස යත්ථ ඝානායතනං උප්පජ්ජති තස්ස තත්ථ ධම්මායතනං උප්පජ්ජිස්සතීති?

පච්ඡිමභවිකානං කාමාවචරං උපපජ්ජන්තානං තෙසං තත්ථ ඝානායතනං උප්පජ්ජති, නො ච තෙසං තත්ථ ධම්මායතනං උප්පජ්ජිස්සති. ඉතරෙසං [Pg.116] සඝානකානං උපපජ්ජන්තානං තෙසං තත්ථ ඝානායතනඤ්ච උප්පජ්ජති ධම්මායතනඤ්ච උප්පජ්ජිස්සති.

(ඛ) යස්ස වා පන යත්ථ ධම්මායතනං උප්පජ්ජිස්සති තස්ස තත්ථ ඝානායතනං උප්පජ්ජතීති?

සබ්බෙසං චවන්තානං අඝානකානං උපපජ්ජන්තානං තෙසං තත්ථ ධම්මායතනං උප්පජ්ජිස්සති, නො ච තෙසං තත්ථ ඝානායතනං උප්පජ්ජති. සඝානකානං උපපජ්ජන්තානං තෙසං තත්ථ ධම්මායතනඤ්ච උප්පජ්ජිස්සති ඝානායතනඤ්ච උප්පජ්ජති. (ඝානායතනමූලකං)

93. (ක) යස්ස යත්ථ රූපායතනං උප්පජ්ජති තස්ස තත්ථ මනායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං අසඤ්ඤසත්තං උපපජ්ජන්තානං තෙසං තත්ථ රූපායතනං උප්පජ්ජති, නො ච තෙසං තත්ථ මනායතනං උප්පජ්ජිස්සති. ඉතරෙසං පඤ්චවොකාරං උපපජ්ජන්තානං තෙසං තත්ථ රූපායතනඤ්ච උප්පජ්ජති මනායතනඤ්ච උප්පජ්ජිස්සති.

(ඛ) යස්ස වා පන යත්ථ මනායතනං උප්පජ්ජිස්සති තස්ස තත්ථ රූපායතනං උප්පජ්ජතීති?

පඤ්චවොකාරා චවන්තානං අරූපානං තෙසං තත්ථ මනායතනං උප්පජ්ජිස්සති, නො ච තෙසං තත්ථ රූපායතනං උප්පජ්ජති. පඤ්චවොකාරං උපපජ්ජන්තානං තෙසං තත්ථ මනායතනඤ්ච උප්පජ්ජිස්සති රූපායතනඤ්ච උප්පජ්ජති.

(ක) යස්ස යත්ථ රූපායතනං උප්පජ්ජති තස්ස තත්ථ ධම්මායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ රූපායතනං උප්පජ්ජති, නො ච තෙසං තත්ථ ධම්මායතනං උප්පජ්ජිස්සති. ඉතරෙසං සරූපකානං උපපජ්ජන්තානං තෙසං තත්ථ රූපායතනඤ්ච උප්පජ්ජති ධම්මායතනඤ්ච උප්පජ්ජිස්සති.

(ඛ) යස්ස වා පන යත්ථ ධම්මායතනං උප්පජ්ජිස්සති තස්ස තත්ථ රූපායතනං උප්පජ්ජතීති?

සබ්බෙසං චවන්තානං අරූපකානං උපපජ්ජන්තානං තෙසං තත්ථ ධම්මායතනං උප්පජ්ජිස්සති, නො ච තෙසං තත්ථ රූපායතනං උප්පජ්ජති. සරූපකානං උපපජ්ජන්තානං තෙසං තත්ථ ධම්මායතනඤ්ච උප්පජ්ජිස්සති රූපායතනඤ්ච උප්පජ්ජති. (රූපායතනමූලකං)

94. (ක) යස්ස යත්ථ මනායතනං උප්පජ්ජති තස්ස තත්ථ ධම්මායතනං උප්පජ්ජිස්සතීති?

පච්ඡිමභවිකානං උපපජ්ජන්තානං තෙසං තත්ථ මනායතනං උප්පජ්ජති, නො ච තෙසං තත්ථ ධම්මායතනං උප්පජ්ජිස්සති. ඉතරෙසං සචිත්තකානං උපපජ්ජන්තානං තෙසං තත්ථ මනායතනඤ්ච උප්පජ්ජති ධම්මායතනඤ්ච උප්පජ්ජිස්සති.

(ඛ) යස්ස වා පන යත්ථ ධම්මායතනං උප්පජ්ජිස්සති තස්ස තත්ථ මනායතනං උප්පජ්ජතීති?

සබ්බෙසං චවන්තානං අචිත්තකානං උපපජ්ජන්තානං තෙසං තත්ථ [Pg.117] ධම්මායතනං උප්පජ්ජිස්සති, නො ච තෙසං තත්ථ මනායතනං උප්පජ්ජති. සචිත්තකානං උපපජ්ජන්තානං තෙසං තත්ථ ධම්මායතනඤ්ච උප්පජ්ජිස්සති මනායතනඤ්ච උප්පජ්ජති. (මනායතනමූලකං)

(ඝ) පච්චනීකපුග්ගලො

95. (ක) යස්ස චක්ඛායතනං නුප්පජ්ජති තස්ස සොතායතනං නුප්පජ්ජිස්සතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං චක්ඛායතනං නුප්පජ්ජති, නො ච තෙසං සොතායතනං නුප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනඤ්ච නුප්පජ්ජති සොතායතනඤ්ච නුප්පජ්ජිස්සති.

(ඛ) යස්ස වා පන සොතායතනං නුප්පජ්ජිස්සති තස්ස චක්ඛායතනං නුප්පජ්ජතීති?

පච්ඡිමභවිකානං පඤ්චවොකාරං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං සොතායතනං නුප්පජ්ජිස්සති, නො ච තෙසං චක්ඛායතනං නුප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං සොතායතනඤ්ච නුප්පජ්ජිස්සති චක්ඛායතනඤ්ච නුප්පජ්ජති.

(ක) යස්ස චක්ඛායතනං නුප්පජ්ජති තස්ස ඝානායතනං නුප්පජ්ජිස්සතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං චක්ඛායතනං නුප්පජ්ජති, නො ච තෙසං ඝානායතනං නුප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනඤ්ච නුප්පජ්ජති ඝානායතනඤ්ච නුප්පජ්ජිස්සති.

(ඛ) යස්ස වා පන ඝානායතනං නුප්පජ්ජිස්සති තස්ස චක්ඛායතනං නුප්පජ්ජතීති?

පච්ඡිමභවිකානං පඤ්චවොකාරං උපපජ්ජන්තානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං ඝානායතනං නුප්පජ්ජිස්සති, නො ච තෙසං චක්ඛායතනං නුප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ඝානායතනඤ්ච නුප්පජ්ජිස්සති චක්ඛායතනඤ්ච නුප්පජ්ජති.

(ක) යස්ස චක්ඛායතනං නුප්පජ්ජති තස්ස රූපායතනං නුප්පජ්ජිස්සතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං චක්ඛායතනං නුප්පජ්ජති, නො ච තෙසං රූපායතනං නුප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනඤ්ච නුප්පජ්ජති රූපායතනඤ්ච නුප්පජ්ජිස්සති.

(ඛ) යස්ස වා පන රූපායතනං නුප්පජ්ජිස්සති තස්ස චක්ඛායතනං නුප්පජ්ජතීති?

පච්ඡිමභවිකානං පඤ්චවොකාරං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං රූපායතනං නුප්පජ්ජිස්සති, නො ච තෙසං චක්ඛායතනං නුප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං රූපායතනඤ්ච නුප්පජ්ජිස්සති චක්ඛායතනඤ්ච නුප්පජ්ජති.

(ක) යස්ස චක්ඛායතනං නුප්පජ්ජති තස්ස මනායතනං නුප්පජ්ජිස්සතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං චක්ඛායතනං නුප්පජ්ජති, නො [Pg.118] ච තෙසං මනායතනං නුප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං චක්ඛායතනඤ්ච නුප්පජ්ජති මනායතනඤ්ච නුප්පජ්ජිස්සති.

(ඛ) යස්ස වා පන මනායතනං නුප්පජ්ජිස්සති තස්ස චක්ඛායතනං නුප්පජ්ජතීති?

පච්ඡිමභවිකානං පඤ්චවොකාරං උපපජ්ජන්තානං තෙසං මනායතනං නුප්පජ්ජිස්සති, නො ච තෙසං චක්ඛායතනං නුප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං මනායතනඤ්ච නුප්පජ්ජිස්සති චක්ඛායතනඤ්ච නුප්පජ්ජති.

(ක) යස්ස චක්ඛායතනං නුප්පජ්ජති තස්ස ධම්මායතනං නුප්පජ්ජිස්සතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං චක්ඛායතනං නුප්පජ්ජති, නො ච තෙසං ධම්මායතනං නුප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං චක්ඛායතනඤ්ච නුප්පජ්ජති ධම්මායතනඤ්ච නුප්පජ්ජිස්සති.

(ඛ) යස්ස වා පන ධම්මායතනං නුප්පජ්ජිස්සති තස්ස චක්ඛායතනං නුප්පජ්ජතීති?

පච්ඡිමභවිකානං පඤ්චවොකාරං උපපජ්ජන්තානං තෙසං ධම්මායතනං නුප්පජ්ජිස්සති, නො ච තෙසං චක්ඛායතනං නුප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං ධම්මායතනඤ්ච නුප්පජ්ජිස්සති චක්ඛායතනඤ්ච නුප්පජ්ජති. (චක්ඛායතනමූලකං)

96. (ක) යස්ස ඝානායතනං නුප්පජ්ජති තස්ස රූපායතනං නුප්පජ්ජිස්සතීති?

සබ්බෙසං චවන්තානං අඝානකානං උපපජ්ජන්තානං තෙසං ඝානායතනං නුප්පජ්ජති, නො ච තෙසං රූපායතනං නුප්පජ්ජිස්සති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං [Pg.119] චවන්තානං තෙසං ඝානායතනඤ්ච නුප්පජ්ජති රූපායතනඤ්ච නුප්පජ්ජිස්සති.

(ඛ) යස්ස වා පන රූපායතනං නුප්පජ්ජිස්සති තස්ස ඝානායතනං නුප්පජ්ජතීති?

පච්ඡිමභවිකානං කාමාවචරං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං රූපායතනං නුප්පජ්ජිස්සති, නො ච තෙසං ඝානායතනං නුප්පජ්ජති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං රූපායතනඤ්ච නුප්පජ්ජිස්සති ඝානායතනඤ්ච නුප්පජ්ජති.

යස්ස ඝානායතනං නුප්පජ්ජති තස්ස මනායතනං…පෙ… ධම්මායතනං නුප්පජ්ජිස්සතීති?

සබ්බෙසං චවන්තානං අඝානකානං උපපජ්ජන්තානං තෙසං ඝානායතනං නුප්පජ්ජති, නො ච තෙසං ධම්මායතනං නුප්පජ්ජිස්සති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං තෙසං ඝානායතනඤ්ච නුප්පජ්ජති ධම්මායතනඤ්ච නුප්පජ්ජිස්සති.

යස්ස වා පන ධම්මායතනං නුප්පජ්ජිස්සති තස්ස ඝානායතනං නුප්පජ්ජතීති?

පච්ඡිමභවිකානං කාමාවචරං උපපජ්ජන්තානං තෙසං ධම්මායතනං නුප්පජ්ජිස්සති, නො ච තෙසං ඝානායතනං නුප්පජ්ජති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං තෙසං ධම්මායතනඤ්ච නුප්පජ්ජිස්සති ඝානායතනඤ්ච නුප්පජ්ජති. (ඝානායතනමූලකං)

97. යස්ස රූපායතනං නුප්පජ්ජති තස්ස මනායතනං…පෙ… ධම්මායතනං නුප්පජ්ජිස්සතීති?

සබ්බෙසං චවන්තානං අරූපකානං උපපජ්ජන්තානං තෙසං රූපායතනං නුප්පජ්ජති, නො ච තෙසං ධම්මායතනං නුප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං රූපායතනඤ්ච නුප්පජ්ජති ධම්මායතනඤ්ච නුප්පජ්ජිස්සති.

යස්ස වා පන ධම්මායතනං නුප්පජ්ජිස්සති තස්ස රූපායතනං නුප්පජ්ජතීති?

පච්ඡිමභවිකානං පඤ්චවොකාරං උපපජ්ජන්තානං තෙසං ධම්මායතනං නුප්පජ්ජිස්සති, නො ච තෙසං රූපායතනං නුප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං ධම්මායතනඤ්ච නුප්පජ්ජිස්සති රූපායතනඤ්ච නුප්පජ්ජති. (රූපායතනමූලකං)

98. (ක) යස්ස මනායතනං නුප්පජ්ජති තස්ස ධම්මායතනං නුප්පජ්ජිස්සතීති?

සබ්බෙසං චවන්තානං අචිත්තකානං උපපජ්ජන්තානං තෙසං මනායතනං නුප්පජ්ජති, නො ච තෙසං ධම්මායතනං නුප්පජ්ජිස්සති. පරිනිබ්බන්තානං තෙසං මනායතනඤ්ච නුප්පජ්ජති ධම්මායතනඤ්ච නුප්පජ්ජිස්සති.

(ඛ) යස්ස වා පන ධම්මායතනං නුප්පජ්ජිස්සති තස්ස මනායතනං නුප්පජ්ජතීති?

පච්ඡිමභවිකානං උපපජ්ජන්තානං තෙසං ධම්මායතනං [Pg.120] නුප්පජ්ජිස්සති, නො ච තෙසං මනායතනං නුප්පජ්ජති. පරිනිබ්බන්තානං තෙසං ධම්මායතනඤ්ච නුප්පජ්ජිස්සති මනායතනඤ්ච නුප්පජ්ජති. (මනායතනමූලකං)

(ඞ) පච්චනීකඔකාසො

99. යත්ථ චක්ඛායතනං නුප්පජ්ජති…පෙ….

(ච) පච්චනීකපුග්ගලොකාසා

100. (ක) යස්ස යත්ථ චක්ඛායතනං නුප්පජ්ජති තස්ස තත්ථ සොතායතනං නුප්පජ්ජිස්සතීති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං තෙසං තත්ථ චක්ඛායතනං නුප්පජ්ජති, නො ච තෙසං තත්ථ සොතායතනං නුප්පජ්ජිස්සති. පඤ්චවොකාරෙ පරිනිබ්බන්තානං අසඤ්ඤසත්තානං අරූපානං තෙසං තත්ථ චක්ඛායතනඤ්ච නුප්පජ්ජති සොතායතනඤ්ච නුප්පජ්ජිස්සති.

(ඛ) යස්ස වා පන යත්ථ සොතායතනං නුප්පජ්ජිස්සති තස්ස තත්ථ චක්ඛායතනං නුප්පජ්ජතීති?

පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ සොතායතනං නුප්පජ්ජිස්සති, නො ච තෙසං තත්ථ චක්ඛායතනං නුප්පජ්ජති. පඤ්චවොකාරෙ පරිනිබ්බන්තානං අසඤ්ඤසත්තානං අරූපානං තෙසං තත්ථ සොතායතනඤ්ච නුප්පජ්ජිස්සති චක්ඛායතනඤ්ච නුප්පජ්ජති.

(ක) යස්ස යත්ථ චක්ඛායතනං නුප්පජ්ජති තස්ස තත්ථ ඝානායතනං නුප්පජ්ජිස්සතීති?

කාමාවචරා චවන්තානං අචක්ඛුකානං කාමාවචරං උපපජ්ජන්තානං තෙසං තත්ථ චක්ඛායතනං නුප්පජ්ජති, නො ච තෙසං තත්ථ ඝානායතනං නුප්පජ්ජිස්සති. කාමාවචරෙ පරිනිබ්බන්තානං රූපාවචරා චවන්තානං අසඤ්ඤසත්තානං අරූපානං තෙසං තත්ථ චක්ඛායතනඤ්ච නුප්පජ්ජති ඝානායතනඤ්ච නුප්පජ්ජිස්සති.

(ඛ) යස්ස වා පන යත්ථ ඝානායතනං නුප්පජ්ජිස්සති තස්ස තත්ථ චක්ඛායතනං නුප්පජ්ජතීති?

පච්ඡිමභවිකානං කාමාවචරං උපපජ්ජන්තානං රූපාවචරං උපපජ්ජන්තානං තෙසං තත්ථ ඝානායතනං නුප්පජ්ජිස්සති, නො ච තෙසං තත්ථ චක්ඛායතනං නුප්පජ්ජති. කාමාවචරෙ පරිනිබ්බන්තානං රූපාවචරා චවන්තානං අසඤ්ඤසත්තානං අරූපානං තෙසං තත්ථ ඝානායතනඤ්ච නුප්පජ්ජිස්සති චක්ඛායතනඤ්ච නුප්පජ්ජති.

(ක) යස්ස යත්ථ චක්ඛායතනං නුප්පජ්ජති තස්ස තත්ථ රූපායතනං නුප්පජ්ජිස්සතීති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං අසඤ්ඤසත්තානං තෙසං තත්ථ චක්ඛායතනං නුප්පජ්ජති, නො ච තෙසං තත්ථ රූපායතනං නුප්පජ්ජිස්සති. පඤ්චවොකාරෙ පරිනිබ්බන්තානං අරූපානං තෙසං තත්ථ චක්ඛායතනඤ්ච [Pg.121] නුප්පජ්ජති රූපායතනඤ්ච නුප්පජ්ජිස්සති.

(ඛ) යස්ස වා පන යත්ථ රූපායතනං නුප්පජ්ජිස්සති තස්ස තත්ථ චක්ඛායතනං නුප්පජ්ජතීති?

පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ රූපායතනං නුප්පජ්ජිස්සති, නො ච තෙසං තත්ථ චක්ඛායතනං නුප්පජ්ජති. පඤ්චවොකාරෙ පරිනිබ්බන්තානං අරූපානං තෙසං තත්ථ රූපායතනඤ්ච නුප්පජ්ජිස්සති චක්ඛායතනඤ්ච නුප්පජ්ජති.

(ක) යස්ස යත්ථ චක්ඛායතනං නුප්පජ්ජති තස්ස තත්ථ මනායතනං නුප්පජ්ජිස්සතීති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං අරූපානං තෙසං තත්ථ චක්ඛායතනං නුප්පජ්ජති, නො ච තෙසං තත්ථ මනායතනං නුප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං අසඤ්ඤසත්තානං තෙසං තත්ථ චක්ඛායතනඤ්ච නුප්පජ්ජති මනායතනඤ්ච නුප්පජ්ජිස්සති.

(ඛ) යස්ස වා පන යත්ථ මනායතනං නුප්පජ්ජිස්සති තස්ස තත්ථ චක්ඛායතනං නුප්පජ්ජතීති?

පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ මනායතනං නුප්පජ්ජිස්සති, නො ච තෙසං තත්ථ චක්ඛායතනං නුප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං අසඤ්ඤසත්තානං තෙසං තත්ථ මනායතනං නුප්පජ්ජිස්සති චක්ඛායතනඤ්ච නුප්පජ්ජති.

(ක) යස්ස යත්ථ චක්ඛායතනං නුප්පජ්ජති තස්ස තත්ථ ධම්මායතනං නුප්පජ්ජිස්සතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං තත්ථ චක්ඛායතනං නුප්පජ්ජති, නො ච තෙසං තත්ථ ධම්මායතනං නුප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං තත්ථ චක්ඛායතනඤ්ච නුප්පජ්ජති ධම්මායතනඤ්ච නුප්පජ්ජිස්සති.

(ඛ) යස්ස වා පන යත්ථ ධම්මායතනං නුප්පජ්ජිස්සති තස්ස තත්ථ චක්ඛායතනං නුප්පජ්ජතීති?

පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ ධම්මායතනං නුප්පජ්ජිස්සති, නො ච තෙසං තත්ථ චක්ඛායතනං නුප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං තත්ථ ධම්මායතනඤ්ච නුප්පජ්ජිස්සති චක්ඛායතනඤ්ච නුප්පජ්ජති. (චක්ඛායතනමූලකං)

101. (ක) යස්ස යත්ථ ඝානායතනං නුප්පජ්ජති තස්ස තත්ථ රූපායතනං නුප්පජ්ජිස්සතීති?

කාමාවචරා චවන්තානං අඝානකානං කාමාවචරං උපපජ්ජන්තානං රූපාවචරානං තෙසං තත්ථ ඝානායතනං නුප්පජ්ජති, නො ච තෙසං තත්ථ රූපායතනං නුප්පජ්ජිස්සති. කාමාවචරෙ පරිනිබ්බන්තානං රූපාවචරෙ පච්ඡිමභවිකානං අරූපානං තෙසං තත්ථ ඝානායතනඤ්ච නුප්පජ්ජති රූපායතනඤ්ච නුප්පජ්ජිස්සති[Pg.122].

(ඛ) යස්ස වා පන යත්ථ රූපායතනං නුප්පජ්ජිස්සති තස්ස තත්ථ ඝානායතනං නුප්පජ්ජතීති?

පච්ඡිමභවිකානං කාමාවචරං උපපජ්ජන්තානං තෙසං තත්ථ රූපායතනං නුප්පජ්ජිස්සති, නො ච තෙසං තත්ථ ඝානායතනං නුප්පජ්ජති. කාමාවචරෙ පරිනිබ්බන්තානං රූපාවචරෙ පච්ඡිමභවිකානං අරූපානං තෙසං තත්ථ රූපායතනඤ්ච නුප්පජ්ජිස්සති ඝානායතනඤ්ච නුප්පජ්ජති.

(ක) යස්ස යත්ථ ඝානායතනං නුප්පජ්ජති තස්ස තත්ථ මනායතනං නුප්පජ්ජිස්සතීති?

කාමාවචරා චවන්තානං අඝානකානං කාමාවචරං උපපජ්ජන්තානං රූපාවචරානං අරූපාවචරානං තෙසං තත්ථ ඝානායතනං නුප්පජ්ජති, නො ච තෙසං තත්ථ මනායතනං නුප්පජ්ජිස්සති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං අසඤ්ඤසත්තානං තෙසං තත්ථ ඝානායතනඤ්ච නුප්පජ්ජති මනායතනඤ්ච නුප්පජ්ජිස්සති.

(ඛ) යස්ස වා පන යත්ථ මනායතනං නුප්පජ්ජිස්සති තස්ස තත්ථ ඝානායතනං නුප්පජ්ජතීති?

පච්ඡිමභවිකානං කාමාවචරං උපපජ්ජන්තානං තෙසං තත්ථ මනායතනං නුප්පජ්ජිස්සති, නො ච තෙසං තත්ථ ඝානායතනං නුප්පජ්ජති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං අසඤ්ඤසත්තානං තෙසං තත්ථ මනායතනඤ්ච නුප්පජ්ජිස්සති ඝානායතනඤ්ච නුප්පජ්ජති.

(ක) යස්ස යත්ථ ඝානායතනං නුප්පජ්ජති තස්ස තත්ථ ධම්මායතනං නුප්පජ්ජිස්සතීති?

සබ්බෙසං චවන්තානං අඝානකානං උපපජ්ජන්තානං තෙසං තත්ථ ඝානායතනං නුප්පජ්ජති, නො ච තෙසං තත්ථ ධම්මායතනං නුප්පජ්ජිස්සති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං තෙසං තත්ථ ඝානායතනඤ්ච නුප්පජ්ජති ධම්මායතනඤ්ච නුප්පජ්ජිස්සති.

(ඛ) යස්ස වා පන යත්ථ ධම්මායතනං නුප්පජ්ජිස්සති තස්ස තත්ථ ඝානායතනං නුප්පජ්ජතීති?

පච්ඡිමභවිකානං කාමාවචරං උපපජ්ජන්තානං තෙසං තත්ථ ධම්මායතනං නුප්පජ්ජිස්සති, නො ච තෙසං තත්ථ ඝානායතනං නුප්පජ්ජති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං තෙසං තත්ථ ධම්මායතනඤ්ච නුප්පජ්ජිස්සති ඝානායතනඤ්ච නුප්පජ්ජති. (ඝානායතනමූලකං)

102. (ක) යස්ස යත්ථ රූපායතනං නුප්පජ්ජති තස්ස තත්ථ මනායතනං නුප්පජ්ජිස්සතීති?

පඤ්චවොකාරා චවන්තානං අරූපානං තෙසං තත්ථ රූපායතනං නුප්පජ්ජති, නො ච තෙසං තත්ථ මනායතනං නුප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං අසඤ්ඤසත්තා චවන්තානං තෙසං තත්ථ රූපායතනඤ්ච [Pg.123] නුප්පජ්ජති මනායතනඤ්ච නුප්පජ්ජිස්සති.

(ඛ) යස්ස වා පන යත්ථ මනායතනං නුප්පජ්ජිස්සති තස්ස තත්ථ රූපායතනං නුප්පජ්ජතීති?

පච්ඡිමභවිකානං පඤ්චවොකාරං උපපජ්ජන්තානං අසඤ්ඤසත්තං උපපජ්ජන්තානං තෙසං තත්ථ මනායතනං නුප්පජ්ජිස්සති, නො ච තෙසං තත්ථ රූපායතනං නුප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං අසඤ්ඤසත්තා චවන්තානං තෙසං තත්ථ මනායතනඤ්ච නුප්පජ්ජිස්සති රූපායතනඤ්ච නුප්පජ්ජති.

(ක) යස්ස යත්ථ රූපායතනං නුප්පජ්ජති තස්ස තත්ථ ධම්මායතනං නුප්පජ්ජිස්සතීති?

සබ්බෙසං චවන්තානං අරූපකානං උපපජ්ජන්තානං තෙසං තත්ථ රූපායතනං නුප්පජ්ජති, නො ච තෙසං තත්ථ ධම්මායතනං නුප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං තත්ථ රූපායතනඤ්ච නුප්පජ්ජති ධම්මායතනඤ්ච නුප්පජ්ජිස්සති.

(ඛ) යස්ස වා පන යත්ථ ධම්මායතනං නුප්පජ්ජිස්සති තස්ස තත්ථ රූපායතනං නුප්පජ්ජතීති?

පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ ධම්මායතනං නුප්පජ්ජිස්සති, නො ච තෙසං තත්ථ රූපායතනං නුප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං තත්ථ ධම්මායතනඤ්ච නුප්පජ්ජිස්සති රූපායතනඤ්ච නුප්පජ්ජති. (රූපායතනමූලකං)

103. (ක) යස්ස යත්ථ මනායතනං නුප්පජ්ජති තස්ස තත්ථ ධම්මායතනං නුප්පජ්ජිස්සතීති?

සබ්බෙසං චවන්තානං අචිත්තකානං උපපජ්ජන්තානං තෙසං තත්ථ මනායතනං නුප්පජ්ජති, නො ච තෙසං තත්ථ ධම්මායතනං නුප්පජ්ජිස්සති. පරිනිබ්බන්තානං තෙසං තත්ථ මනායතනඤ්ච නුප්පජ්ජති ධම්මායතනඤ්ච නුප්පජ්ජිස්සති.

(ඛ) යස්ස වා පන යත්ථ ධම්මායතනං නුප්පජ්ජිස්සති තස්ස තත්ථ මනායතනං නුප්පජ්ජතීති?

පච්ඡිමභවිකානං උපපජ්ජන්තානං තෙසං තත්ථ ධම්මායතනං නුප්පජ්ජිස්සති, නො ච තෙසං තත්ථ මනායතනං නුප්පජ්ජති. පරිනිබ්බන්තානං තෙසං තත්ථ ධම්මායතනඤ්ච නුප්පජ්ජිස්සති මනායතනඤ්ච නුප්පජ්ජති. (මනායතනමූලකං)

(6) අතීතානාගතවාරො

(ක) අනුලොමපුග්ගලො

104. (ක) යස්ස චක්ඛායතනං උප්පජ්ජිත්ථ තස්ස සොතායතනං උප්පජ්ජිස්සතීති?

පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චක්ඛායතනං උප්පජ්ජිත්ථ, නො ච තෙසං සොතායතනං උප්පජ්ජිස්සති. ඉතරෙසං [Pg.124] තෙසං චක්ඛායතනඤ්ච උප්පජ්ජිත්ථ සොතායතනඤ්ච උප්පජ්ජිස්සති.

(ඛ) යස්ස වා පන සොතායතනං උප්පජ්ජිස්සති තස්ස චක්ඛායතනං උප්පජ්ජිත්ථාති? ආමන්තා.

(ක) යස්ස චක්ඛායතනං උප්පජ්ජිත්ථ තස්ස ඝානායතනං උප්පජ්ජිස්සතීති?

පච්ඡිමභවිකානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චක්ඛායතනං උප්පජ්ජිත්ථ, නො ච තෙසං ඝානායතනං උප්පජ්ජිස්සති. ඉතරෙසං තෙසං චක්ඛායතනඤ්ච උප්පජ්ජිත්ථ ඝානායතනඤ්ච උප්පජ්ජිස්සති.

(ඛ) යස්ස වා පන…පෙ… උප්පජ්ජිත්ථාති? ආමන්තා.

(ක) යස්ස චක්ඛායතනං උප්පජ්ජිත්ථ තස්ස රූපායතනං උප්පජ්ජිස්සතීති?

පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චක්ඛායතනං උප්පජ්ජිත්ථ, නො ච තෙසං රූපායතනං උප්පජ්ජිස්සති. ඉතරෙසං තෙසං චක්ඛායතනඤ්ච උප්පජ්ජිත්ථ රූපායතනඤ්ච උප්පජ්ජිස්සති.

(ඛ) යස්ස වා පන…පෙ… උප්පජ්ජිත්ථාති? ආමන්තා.

යස්ස චක්ඛායතනං උප්පජ්ජිත්ථ තස්ස මනායතනං…පෙ… ධම්මායතනං උප්පජ්ජිස්සතීති?

පච්ඡිමභවිකානං තෙසං චක්ඛායතනං උප්පජ්ජිත්ථ, නො ච තෙසං ධම්මායතනං උප්පජ්ජිස්සති. ඉතරෙසං තෙසං චක්ඛායතනඤ්ච උප්පජ්ජිත්ථ ධම්මායතනඤ්ච උප්පජ්ජිස්සති. යස්ස වා පන…පෙ… උප්පජ්ජිත්ථාති? ආමන්තා. (චක්ඛායතනමූලකං)

105. (ක) යස්ස ඝානායතනං උප්පජ්ජිත්ථ තස්ස රූපායතනං උප්පජ්ජිස්සතීති?

පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං ඝානායතනං උප්පජ්ජිත්ථ, නො ච තෙසං රූපායතනං උප්පජ්ජිස්සති. ඉතරෙසං තෙසං ඝානායතනඤ්ච උප්පජ්ජිත්ථ රූපායතනඤ්ච උප්පජ්ජිස්සති.

(ඛ) යස්ස වා පන…පෙ… උප්පජ්ජිත්ථාති? ආමන්තා.

යස්ස ඝානායතනං උප්පජ්ජිත්ථ තස්ස මනායතනං…පෙ… ධම්මායතනං උප්පජ්ජිස්සතීති?

පච්ඡිමභවිකානං තෙසං ඝානායතනං උප්පජ්ජිත්ථ, නො ච තෙසං ධම්මායතනං උප්පජ්ජිස්සති. ඉතරෙසං තෙසං ඝානායතනඤ්ච උප්පජ්ජිත්ථ ධම්මායතනඤ්ච උප්පජ්ජිස්සති.

යස්ස වා පන ධම්මායතනං…පෙ… උප්පජ්ජිත්ථාති? ආමන්තා.

106. යස්ස [Pg.125] රූපායතනං උප්පජ්ජිත්ථ තස්ස මනායතනං…පෙ… ධම්මායතනං උප්පජ්ජිස්සතීති?

පච්ඡිමභවිකානං තෙසං රූපායතනං උප්පජ්ජිත්ථ, නො ච තෙසං ධම්මායතනං උප්පජ්ජිස්සති. ඉතරෙසං තෙසං රූපායතනඤ්ච උප්පජ්ජිත්ථ ධම්මායතනඤ්ච උප්පජ්ජිස්සති.

යස්ස වා පන…පෙ… උප්පජ්ජිත්ථාති? ආමන්තා.

107. (ක) යස්ස මනායතනං උප්පජ්ජිත්ථ තස්ස ධම්මායතනං උප්පජ්ජිස්සතීති?

පච්ඡිමභවිකානං තෙසං මනායතනං උප්පජ්ජිත්ථ, නො ච තෙසං ධම්මායතනං උප්පජ්ජිස්සති. ඉතරෙසං තෙසං මනායතනඤ්ච උප්පජ්ජිත්ථ ධම්මායතනඤ්ච උප්පජ්ජිස්සති.

(ඛ) යස්ස වා පන ධම්මායතනං උප්පජ්ජිස්සති තස්ස මනායතනං උප්පජ්ජිත්ථාති? ආමන්තා.

(ඛ) අනුලොමඔකාසො

108. යත්ථ චක්ඛායතනං උප්පජ්ජිත්ථ…පෙ….

(ග) අනුලොමපුග්ගලොකාසා

109. (ක) යස්ස යත්ථ චක්ඛායතනං උප්පජ්ජිත්ථ තස්ස තත්ථ සොතායතනං උප්පජ්ජිස්සතීති?

පඤ්චවොකාරෙ පච්ඡිමභවිකානං තෙසං තත්ථ චක්ඛායතනං උප්පජ්ජිත්ථ, නො ච තෙසං තත්ථ සොතායතනං උප්පජ්ජිස්සති. ඉතරෙසං පඤ්චවොකාරානං තෙසං තත්ථ චක්ඛායතනඤ්ච උප්පජ්ජිත්ථ සොතායතනඤ්ච උප්පජ්ජිස්සති.

(ඛ) යස්ස වා පන යත්ථ සොතායතනං උප්පජ්ජිස්සති තස්ස තත්ථ චක්ඛායතනං උප්පජ්ජිත්ථාති? ආමන්තා.

(ක) යස්ස යත්ථ චක්ඛායතනං උප්පජ්ජිත්ථ තස්ස තත්ථ ඝානායතනං උප්පජ්ජිස්සතීති?

කාමාවචරෙ පච්ඡිමභවිකානං රූපාවචරානං තෙසං තත්ථ චක්ඛායතනං උප්පජ්ජිත්ථ, නො ච තෙසං තත්ථ ඝානායතනං උප්පජ්ජිස්සති. ඉතරෙසං කාමාවචරානං තෙසං තත්ථ චක්ඛායතනඤ්ච උප්පජ්ජිත්ථ ඝානායතනඤ්ච උප්පජ්ජිස්සති.

(ඛ) යස්ස වා පන යත්ථ…පෙ… උප්පජ්ජිත්ථාති? ආමන්තා.

(ක) යස්ස යත්ථ චක්ඛායතනං උප්පජ්ජිත්ථ තස්ස තත්ථ රූපායතනං උප්පජ්ජිස්සතීති?

පඤ්චවොකාරෙ පච්ඡිමභවිකානං තෙසං තත්ථ චක්ඛායතනං උප්පජ්ජිත්ථ, නො ච තෙසං තත්ථ රූපායතනං උප්පජ්ජිස්සති. ඉතරෙසං පඤ්චවොකාරානං තෙසං තත්ථ චක්ඛායතනඤ්ච උප්පජ්ජිත්ථ රූපායතනඤ්ච උප්පජ්ජිස්සති.

(ඛ) යස්ස වා පන යත්ථ රූපායතනං උප්පජ්ජිස්සති තස්ස තත්ථ චක්ඛායතනං උප්පජ්ජිත්ථාති[Pg.126]?

අසඤ්ඤසත්තානං තෙසං තත්ථ රූපායතනං උප්පජ්ජිස්සති, නො ච තෙසං තත්ථ චක්ඛායතනං උප්පජ්ජිත්ථ. පඤ්චවොකාරානං තෙසං තත්ථ රූපායතනඤ්ච උප්පජ්ජිස්සති චක්ඛායතනඤ්ච උප්පජ්ජිත්ථ.

(ක) යස්ස යත්ථ චක්ඛායතනං උප්පජ්ජිත්ථ තස්ස තත්ථ මනායතනං උප්පජ්ජිස්සතීති?

පඤ්චවොකාරෙ පච්ඡිමභවිකානං තෙසං තත්ථ චක්ඛායතනං උප්පජ්ජිත්ථ, නො ච තෙසං තත්ථ මනායතනං උප්පජ්ජිස්සති. ඉතරෙසං පඤ්චවොකාරානං තෙසං තත්ථ චක්ඛායතනඤ්ච උප්පජ්ජිත්ථ මනායතනඤ්ච උප්පජ්ජිස්සති.

(ඛ) යස්ස වා පන යත්ථ මනායතනං උප්පජ්ජිස්සති තස්ස තත්ථ චක්ඛායතනං උප්පජ්ජිත්ථාති?

අරූපානං තෙසං තත්ථ මනායතනං උප්පජ්ජිස්සති, නො ච තෙසං තත්ථ චක්ඛායතනං උප්පජ්ජිත්ථ. පඤ්චවොකාරානං තෙසං තත්ථ මනායතනඤ්ච උප්පජ්ජිස්සති චක්ඛායතනඤ්ච උප්පජ්ජිත්ථ.

(ක) යස්ස යත්ථ චක්ඛායතනං උප්පජ්ජිත්ථ තස්ස තත්ථ ධම්මායතනං උප්පජ්ජිස්සතීති?

පඤ්චවොකාරෙ පච්ඡිමභවිකානං තෙසං තත්ථ චක්ඛායතනං උප්පජ්ජිත්ථ, නො ච තෙසං තත්ථ ධම්මායතනං උප්පජ්ජිස්සති. ඉතරෙසං පඤ්චවොකාරානං තෙසං තත්ථ චක්ඛායතනඤ්ච උප්පජ්ජිත්ථ ධම්මායතනඤ්ච උප්පජ්ජිස්සති.

(ඛ) යස්ස වා පන යත්ථ ධම්මායතනං උප්පජ්ජිස්සති තස්ස තත්ථ චක්ඛායතනං උප්පජ්ජිත්ථාති?

අසඤ්ඤසත්තානං අරූපානං තෙසං තත්ථ ධම්මායතනං උප්පජ්ජිස්සති, නො ච තෙසං තත්ථ චක්ඛායතනං උප්පජ්ජිත්ථ. පඤ්චවොකාරානං තෙසං තත්ථ ධම්මායතනඤ්ච උප්පජ්ජිස්සති චක්ඛායතනඤ්ච උප්පජ්ජිත්ථ. (චක්ඛායතනමූලකං)

110. (ක) යස්ස යත්ථ ඝානායතනං උප්පජ්ජිත්ථ තස්ස තත්ථ රූපායතනං උප්පජ්ජිස්සතීති?

කාමාවචරෙ පච්ඡිමභවිකානං තෙසං තත්ථ ඝානායතනං උප්පජ්ජිත්ථ, නො ච තෙසං තත්ථ රූපායතනං උප්පජ්ජිස්සති. ඉතරෙසං කාමාවචරානං තෙසං තත්ථ ඝානායතනඤ්ච උප්පජ්ජිත්ථ රූපායතනඤ්ච උප්පජ්ජිස්සති.

(ඛ) යස්ස වා පන යත්ථ රූපායතනං උප්පජ්ජිස්සති තස්ස තත්ථ ඝානායතනං උප්පජ්ජිත්ථාති?

රූපාවචරානං තෙසං තත්ථ රූපායතනං උප්පජ්ජිස්සති, නො ච තෙසං තත්ථ ඝානායතනං උප්පජ්ජිත්ථ. කාමාවචරානං තෙසං තත්ථ රූපායතනඤ්ච උප්පජ්ජිස්සති ඝානායතනඤ්ච උප්පජ්ජිත්ථ.

යස්ස යත්ථ ඝානායතනං උප්පජ්ජිත්ථ තස්ස තත්ථ මනායතනං…පෙ… ධම්මායතනං උප්පජ්ජිස්සතීති?

කාමාවචරෙ පච්ඡිමභවිකානං තෙසං තත්ථ ඝානායතනං [Pg.127] උප්පජ්ජිත්ථ, නො ච තෙසං තත්ථ ධම්මායතනං උප්පජ්ජිස්සති. ඉතරෙසං කාමාවචරානං තෙසං තත්ථ ඝානායතනඤ්ච උප්පජ්ජිත්ථ ධම්මායතනඤ්ච උප්පජ්ජිස්සති.

යස්ස වා පන යත්ථ ධම්මායතනං උප්පජ්ජිස්සති තස්ස තත්ථ ඝානායතනං උප්පජ්ජිත්ථාති?

රූපාවචරානං අරූපාවචරානං තෙසං තත්ථ ධම්මායතනං උප්පජ්ජිස්සති, නො ච තෙසං තත්ථ ඝානායතනං උප්පජ්ජිත්ථ. කාමාවචරානං තෙසං තත්ථ ධම්මායතනඤ්ච උප්පජ්ජිස්සති ඝානායතනඤ්ච උප්පජ්ජිත්ථ. (ඝානායතනමූලකං)

111. (ක) යස්ස යත්ථ රූපායතනං උප්පජ්ජිත්ථ තස්ස තත්ථ මනායතනං උප්පජ්ජිස්සතීති?

පඤ්චවොකාරෙ පච්ඡිමභවිකානං අසඤ්ඤසත්තානං තෙසං තත්ථ රූපායතනං උප්පජ්ජිත්ථ, නො ච තෙසං තත්ථ මනායතනං උප්පජ්ජිස්සති. ඉතරෙසං පඤ්චවොකාරානං තෙසං තත්ථ රූපායතනඤ්ච උප්පජ්ජිත්ථ මනායතනඤ්ච උප්පජ්ජිස්සති.

(ඛ) යස්ස වා පන යත්ථ මනායතනං උප්පජ්ජිස්සති තස්ස තත්ථ රූපායතනං උප්පජ්ජිත්ථාති?

අරූපානං තෙසං තත්ථ මනායතනං උප්පජ්ජිස්සති, නො ච තෙසං තත්ථ රූපායතනං උප්පජ්ජිත්ථ. පඤ්චවොකාරානං තෙසං තත්ථ මනායතනඤ්ච උප්පජ්ජිස්සති රූපායතනඤ්ච උප්පජ්ජිත්ථ.

(ක) යස්ස යත්ථ රූපායතනං උප්පජ්ජිත්ථ තස්ස තත්ථ ධම්මායතනං උප්පජ්ජිස්සතීති?

පඤ්චවොකාරෙ පච්ඡිමභවිකානං තෙසං තත්ථ රූපායතනං උප්පජ්ජිත්ථ, නො ච තෙසං තත්ථ ධම්මායතනං උප්පජ්ජිස්සති. ඉතරෙසං පඤ්චවොකාරානං අසඤ්ඤසත්තානං තෙසං තත්ථ රූපායතනඤ්ච උප්පජ්ජිත්ථ ධම්මායතනඤ්ච උප්පජ්ජිස්සති.

(ඛ) යස්ස වා පන යත්ථ ධම්මායතනං උප්පජ්ජිස්සති තස්ස තත්ථ රූපායතනං උප්පජ්ජිත්ථාති?

අරූපානං තෙසං තත්ථ ධම්මායතනං උප්පජ්ජිස්සති, නො ච තෙසං තත්ථ රූපායතනං උප්පජ්ජිත්ථ. පඤ්චවොකාරානං අසඤ්ඤසත්තානං තෙසං තත්ථ ධම්මායතනඤ්ච උප්පජ්ජිස්සති රූපායතනඤ්ච උප්පජ්ජිත්ථ. (රූපායතනමූලකං)

112. (ක) යස්ස යත්ථ මනායතනං උප්පජ්ජිත්ථ තස්ස තත්ථ ධම්මායතනං උප්පජ්ජිස්සතීති?

පච්ඡිමභවිකානං තෙසං තත්ථ මනායතනං උප්පජ්ජිත්ථ, නො ච තෙසං තත්ථ ධම්මායතනං උප්පජ්ජිස්සති. ඉතරෙසං චතුවොකාරානං පඤ්චවොකාරානං තෙසං තත්ථ මනායතනඤ්ච උප්පජ්ජිත්ථ ධම්මායතනඤ්ච උප්පජ්ජිස්සති.

(ඛ) යස්ස වා පන යත්ථ ධම්මායතනං උප්පජ්ජිස්සති තස්ස තත්ථ මනායතනං උප්පජ්ජිත්ථාති?

අසඤ්ඤසත්තානං තෙසං තත්ථ ධම්මායතනං උප්පජ්ජිස්සති, නො ච තෙසං [Pg.128] තත්ථ මනායතනං උප්පජ්ජිත්ථ. චතුවොකාරානං පඤ්චවොකාරානං තෙසං තත්ථ ධම්මායතනඤ්ච උප්පජ්ජිස්සති මනායතනඤ්ච උප්පජ්ජිත්ථ. (මනායතනමූලකං)

(ඝ) පච්චනීකපුග්ගලො

113. (ක) යස්ස චක්ඛායතනං නුප්පජ්ජිත්ථ තස්ස සොතායතනං නුප්පජ්ජිස්සතීති? නත්ථි.

(ඛ) යස්ස වා පන සොතායතනං නුප්පජ්ජිස්සති තස්ස චක්ඛායතනං නුප්පජ්ජිත්ථාති? උප්පජ්ජිත්ථ.

යස්ස චක්ඛායතනං නුප්පජ්ජිත්ථ තස්ස ඝානායතනං…පෙ… රූපායතනං… මනායතනං… ධම්මායතනං නුප්පජ්ජිස්සතීති? නත්ථි.

යස්ස වා පන ධම්මායතනං නුප්පජ්ජිස්සති තස්ස චක්ඛායතනං නුප්පජ්ජිත්ථාති? උප්පජ්ජිත්ථ.

114. යස්ස ඝානායතනං…පෙ… රූපායතනං… මනායතනං නුප්පජ්ජිත්ථ තස්ස ධම්මායතනං නුප්පජ්ජිස්සතීති? නත්ථි. යස්ස වා පන ධම්මායතනං නුප්පජ්ජිස්සති තස්ස මනායතනං නුප්පජ්ජිත්ථාති? උප්පජ්ජිත්ථ.

(ඞ) පච්චනීකඔකාසො

115. යත්ථ චක්ඛායතනං නුප්පජ්ජිත්ථ…පෙ….

(ච) පච්චනීකපුග්ගලොකාසා

116. (ක) යස්ස යත්ථ චක්ඛායතනං නුප්පජ්ජිත්ථ තස්ස තත්ථ සොතායතනං නුප්පජ්ජිස්සතීති? ආමන්තා.

(ඛ) යස්ස වා පන යත්ථ සොතායතනං නුප්පජ්ජිස්සති තස්ස තත්ථ චක්ඛායතනං නුප්පජ්ජිත්ථාති?

පඤ්චවොකාරෙ පච්ඡිමභවිකානං තෙසං තත්ථ සොතායතනං නුප්පජ්ජිස්සති, නො ච තෙසං තත්ථ චක්ඛායතනං නුප්පජ්ජිත්ථ. සුද්ධාවාසානං අසඤ්ඤසත්තානං අරූපානං තෙසං තත්ථ සොතායතනඤ්ච නුප්පජ්ජිස්සති චක්ඛායතනඤ්ච නුප්පජ්ජිත්ථ.

(ක) යස්ස යත්ථ චක්ඛායතනං නුප්පජ්ජිත්ථ තස්ස තත්ථ ඝානායතනං නුප්පජ්ජිස්සතීති? ආමන්තා.

(ඛ) යස්ස වා පන යත්ථ ඝානායතනං නුප්පජ්ජිස්සති තස්ස තත්ථ චක්ඛායතනං නුප්පජ්ජිත්ථාති?

කාමාවචරෙ පච්ඡිමභවිකානං රූපාවචරානං තෙසං තත්ථ ඝානායතනං නුප්පජ්ජිස්සති, නො ච තෙසං තත්ථ චක්ඛායතනං නුප්පජ්ජිත්ථ. සුද්ධාවාසානං අසඤ්ඤසත්තානං අරූපානං තෙසං තත්ථ ඝානායතනඤ්ච නුප්පජ්ජිස්සති චක්ඛායතනඤ්ච නුප්පජ්ජිත්ථ.

(ක) යස්ස [Pg.129] යත්ථ චක්ඛායතනං නුප්පජ්ජිත්ථ තස්ස තත්ථ රූපායතනං නුප්පජ්ජිස්සතීති?

අසඤ්ඤසත්තානං තෙසං තත්ථ චක්ඛායතනං නුප්පජ්ජිත්ථ, නො ච තෙසං තත්ථ රූපායතනං නුප්පජ්ජිස්සති. සුද්ධාවාසානං අරූපානං තෙසං තත්ථ චක්ඛායතනඤ්ච නුප්පජ්ජිත්ථ රූපායතනඤ්ච නුප්පජ්ජිස්සති.

(ඛ) යස්ස වා පන යත්ථ රූපායතනං නුප්පජ්ජිස්සති තස්ස තත්ථ චක්ඛායතනං නුප්පජ්ජිත්ථාති?

පඤ්චවොකාරෙ පච්ඡිමභවිකානං තෙසං තත්ථ රූපායතනං නුප්පජ්ජිස්සති, නො ච තෙසං තත්ථ චක්ඛායතනං නුප්පජ්ජිත්ථ. සුද්ධාවාසානං අරූපානං තෙසං තත්ථ රූපායතනඤ්ච නුප්පජ්ජිස්සති චක්ඛායතනඤ්ච නුප්පජ්ජිත්ථ.

(ක) යස්ස යත්ථ චක්ඛායතනං නුප්පජ්ජිත්ථ තස්ස තත්ථ මනායතනං නුප්පජ්ජිස්සතීති?

අරූපානං තෙසං තත්ථ චක්ඛායතනං නුප්පජ්ජිත්ථ, නො ච තෙසං තත්ථ මනායතනං නුප්පජ්ජිස්සති. සුද්ධාවාසානං අරූපෙ පච්ඡිමභවිකානං අසඤ්ඤසත්තානං තෙසං තත්ථ චක්ඛායතනඤ්ච නුප්පජ්ජිත්ථ මනායතනඤ්ච නුප්පජ්ජිස්සති.

(ඛ) යස්ස වා පන යත්ථ මනායතනං නුප්පජ්ජිස්සති තස්ස තත්ථ චක්ඛායතනං නුප්පජ්ජිත්ථාති?

පඤ්චවොකාරෙ පච්ඡිමභවිකානං තෙසං තත්ථ මනායතනං නුප්පජ්ජිස්සති, නො ච තෙසං තත්ථ චක්ඛායතනං නුප්පජ්ජිත්ථ. සුද්ධාවාසානං අරූපෙ පච්ඡිමභවිකානං අසඤ්ඤසත්තානං තෙසං තත්ථ මනායතනඤ්ච නුප්පජ්ජිස්සති චක්ඛායතනඤ්ච නුප්පජ්ජිත්ථ.

(ක) යස්ස යත්ථ චක්ඛායතනං නුප්පජ්ජිත්ථ තස්ස තත්ථ ධම්මායතනං නුප්පජ්ජිස්සතීති?

අසඤ්ඤසත්තානං අරූපානං තෙසං තත්ථ චක්ඛායතනං නුප්පජ්ජිත්ථ, නො ච තෙසං තත්ථ ධම්මායතනං නුප්පජ්ජිස්සති. සුද්ධාවාසානං අරූපෙ පච්ඡිමභවිකානං තෙසං තත්ථ චක්ඛායතනඤ්ච නුප්පජ්ජිත්ථ ධම්මායතනං නුප්පජ්ජිස්සති.

(ඛ) යස්ස වා පන යත්ථ ධම්මායතනං නුප්පජ්ජිස්සති තස්ස තත්ථ චක්ඛායතනං නුප්පජ්ජිත්ථාති?

පඤ්චවොකාරෙ පච්ඡිමභවිකානං තෙසං තත්ථ ධම්මායතනං නුප්පජ්ජිස්සති, නො ච තෙසං තත්ථ චක්ඛායතනං නුප්පජ්ජිත්ථ. සුද්ධාවාසානං අරූපෙ පච්ඡිමභවිකානං තෙසං තත්ථ ධම්මායතනඤ්ච නුප්පජ්ජිස්සති චක්ඛායතනඤ්ච නුප්පජ්ජිත්ථ. (චක්ඛායතනමූලකං)

117. (ක) යස්ස යත්ථ ඝානායතනං නුප්පජ්ජිත්ථ තස්ස තත්ථ රූපායතනං නුප්පජ්ජිස්සතීති?

රූපාවචරානං තෙසං තත්ථ ඝානායතනං නුප්පජ්ජිත්ථ, නො ච තෙසං තත්ථ රූපායතනං නුප්පජ්ජිස්සති. රූපාවචරෙ පච්ඡිමභවිකානං අරූපානං තෙසං තත්ථ ඝානායතනඤ්ච නුප්පජ්ජිත්ථ රූපායතනඤ්ච නුප්පජ්ජිස්සති.

(ඛ) යස්ස වා පන යත්ථ රූපායතනං නුප්පජ්ජිස්සති තස්ස තත්ථ ඝානායතනං නුප්පජ්ජිත්ථාති?

කාමාවචරෙ පච්ඡිමභවිකානං තෙසං තත්ථ රූපායතනං නුප්පජ්ජිස්සති, නො ච තෙසං [Pg.130] තත්ථ ඝානායතනං නුප්පජ්ජිත්ථ. රූපාවචරෙ පච්ඡිමභවිකානං අරූපානං තෙසං තත්ථ රූපායතනඤ්ච නුප්පජ්ජිස්සති ඝානායතනඤ්ච නුප්පජ්ජිත්ථ.

(ක) යස්ස යත්ථ ඝානායතනං නුප්පජ්ජිත්ථ තස්ස තත්ථ මනායතනං නුප්පජ්ජිස්සතීති?

රූපාවචරානං අරූපාවචරානං තෙසං තත්ථ ඝානායතනං නුප්පජ්ජිත්ථ, නො ච තෙසං තත්ථ මනායතනං නුප්පජ්ජිස්සති. රූපාවචරෙ අරූපාවචරෙ පච්ඡිමභවිකානං අසඤ්ඤසත්තානං තෙසං තත්ථ ඝානායතනඤ්ච නුප්පජ්ජිත්ථ මනායතනඤ්ච නුප්පජ්ජිස්සති.

(ඛ) යස්ස වා පන යත්ථ මනායතනං නුප්පජ්ජිස්සති තස්ස තත්ථ ඝානායතනං නුප්පජ්ජිත්ථාති?

කාමාවචරෙ පච්ඡිමභවිකානං තෙසං තත්ථ මනායතනං නුප්පජ්ජිස්සති, නො ච තෙසං තත්ථ ඝානායතනං නුප්පජ්ජිත්ථ. රූපාවචරෙ අරූපාවචරෙ පච්ඡිමභවිකානං අසඤ්ඤසත්තානං තෙසං තත්ථ මනායතනඤ්ච නුප්පජ්ජිස්සති ඝානායතනඤ්ච නුප්පජ්ජිත්ථ.

(ක) යස්ස යත්ථ ඝානායතනං නුප්පජ්ජිත්ථ තස්ස තත්ථ ධම්මායතනං නුප්පජ්ජිස්සතීති?

රූපාවචරානං අරූපාවචරානං තෙසං තත්ථ ඝානායතනං නුප්පජ්ජිත්ථ, නො ච තෙසං තත්ථ ධම්මායතනං නුප්පජ්ජිස්සති. රූපාවචරෙ අරූපාවචරෙ පච්ඡිමභවිකානං තෙසං තත්ථ ඝානායතනඤ්ච නුප්පජ්ජිත්ථ ධම්මායතනඤ්ච නුප්පජ්ජිස්සති.

(ඛ) යස්ස වා පන යත්ථ ධම්මායතනං නුප්පජ්ජිස්සති තස්ස තත්ථ ඝානායතනං නුප්පජ්ජිත්ථාති?

කාමාවචරෙ පච්ඡිමභවිකානං තෙසං තත්ථ ධම්මායතනං නුප්පජ්ජිස්සති, නො ච තෙසං තත්ථ ඝානායතනං නුප්පජ්ජිත්ථ. රූපාවචරෙ අරූපාවචරෙ පච්ඡිමභවිකානං තෙසං තත්ථ ධම්මායතනඤ්ච නුප්පජ්ජිස්සති ඝානායතනඤ්ච නුප්පජ්ජිත්ථ. (ඝානායතනමූලකං)

118. (ක) යස්ස යත්ථ රූපායතනං නුප්පජ්ජිත්ථ තස්ස තත්ථ මනායතනං නුප්පජ්ජිස්සතීති?

අරූපානං තෙසං තත්ථ රූපායතනං නුප්පජ්ජිත්ථ, නො ච තෙසං තත්ථ මනායතනං නුප්පජ්ජිස්සති. සුද්ධාවාසානං අරූපෙ පච්ඡිමභවිකානං තෙසං තත්ථ රූපායතනඤ්ච නුප්පජ්ජිත්ථ මනායතනඤ්ච නුප්පජ්ජිස්සති.

(ඛ) යස්ස වා පන යත්ථ මනායතනං නුප්පජ්ජිස්සති තස්ස තත්ථ රූපායතනං නුප්පජ්ජිත්ථාති?

පඤ්චවොකාරෙ පච්ඡිමභවිකානං අසඤ්ඤසත්තානං තෙසං තත්ථ මනායතනං නුප්පජ්ජිස්සති, නො ච තෙසං තත්ථ රූපායතනං නුප්පජ්ජිත්ථ. සුද්ධාවාසානං අරූපෙ පච්ඡිමභවිකානං තෙසං තත්ථ මනායතනඤ්ච නුප්පජ්ජිස්සති රූපායතනඤ්ච නුප්පජ්ජිත්ථ.

(ක) යස්ස =93 [Pg.131] යත්ථ රූපායතනං නුප්පජ්ජිත්ථ තස්ස තත්ථ ධම්මායතනං නුප්පජ්ජිස්සතීති?

අරූපානං තෙසං තත්ථ රූපායතනං නුප්පජ්ජිත්ථ, නො ච තෙසං තත්ථ ධම්මායතනං නුප්පජ්ජිස්සති. සුද්ධාවාසානං අරූපෙ පච්ඡිමභවිකානං තෙසං තත්ථ රූපායතනඤ්ච නුප්පජ්ජිත්ථ ධම්මායතනඤ්ච නුප්පජ්ජිස්සති.

(ඛ) යස්ස වා පන යත්ථ ධම්මායතනං නුප්පජ්ජිස්සති තස්ස තත්ථ රූපායතනං නුප්පජ්ජිත්ථාති?

පඤ්චවොකාරෙ පච්ඡිමභවිකානං තෙසං තත්ථ ධම්මායතනං නුප්පජ්ජිස්සති, නො ච තෙසං තත්ථ රූපායතනං නුප්පජ්ජිත්ථ. සුද්ධාවාසානං අරූපෙ පච්ඡිමභවිකානං තෙසං තත්ථ ධම්මායතනඤ්ච නුප්පජ්ජිස්සති රූපායතනඤ්ච නුප්පජ්ජිත්ථ. (රූපායතනමූලකං)

119. (ක) යස්ස යත්ථ මනායතනං නුප්පජ්ජිත්ථ තස්ස තත්ථ ධම්මායතනං නුප්පජ්ජිස්සතීති?

අසඤ්ඤසත්තානං තෙසං තත්ථ මනායතනං නුප්පජ්ජිත්ථ, නො ච තෙසං තත්ථ ධම්මායතනං නුප්පජ්ජිස්සති. සුද්ධාවාසානං තෙසං තත්ථ මනායතනඤ්ච නුප්පජ්ජිත්ථ ධම්මායතනඤ්ච නුප්පජ්ජිස්සති.

(ඛ) යස්ස වා පන යත්ථ ධම්මායතනං නුප්පජ්ජිස්සති තස්ස තත්ථ මනායතනං නුප්පජ්ජිත්ථාති?

පච්ඡිමභවිකානං තෙසං තත්ථ ධම්මායතනං නුප්පජ්ජිස්සති, නො ච තෙසං තත්ථ මනායතනං නුප්පජ්ජිත්ථ. සුද්ධාවාසානං තෙසං තත්ථ ධම්මායතනඤ්ච නුප්පජ්ජිස්සති මනායතනඤ්ච නුප්පජ්ජිත්ථ.

උප්පාදවාරො.

2. පවත්ති 2. නිරොධවාරො

(1) පච්චුප්පන්නවාරො

(ක) අනුලොමපුග්ගලො

120. (ක) යස්ස චක්ඛායතනං නිරුජ්ඣති තස්ස සොතායතනං නිරුජ්ඣතීති?

සචක්ඛුකානං අසොතකානං චවන්තානං තෙසං චක්ඛායතනං නිරුජ්ඣති, නො ච තෙසං සොතායතනං නිරුජ්ඣති. සචක්ඛුකානං සසොතකානං චවන්තානං තෙසං චක්ඛායතනඤ්ච නිරුජ්ඣති සොතායතනඤ්ච නිරුජ්ඣති.

(ඛ) යස්ස වා පන සොතායතනං නිරුජ්ඣති තස්ස චක්ඛායතනං නිරුජ්ඣතීති?

සසොතකානං අචක්ඛුකානං චවන්තානං තෙසං සොතායතනං නිරුජ්ඣති, නො ච තෙසං චක්ඛායතනං නිරුජ්ඣති. සසොතකානං සචක්ඛුකානං චවන්තානං තෙසං සොතායතනඤ්ච නිරුජ්ඣති චක්ඛායතනඤ්ච නිරුජ්ඣති.

(ක) යස්ස [Pg.132] චක්ඛායතනං නිරුජ්ඣති තස්ස ඝානායතනං නිරුජ්ඣතීති?

සචක්ඛුකානං අඝානකානං චවන්තානං තෙසං චක්ඛායතනං නිරුජ්ඣති, නො ච තෙසං ඝානායතනං නිරුජ්ඣති. සචක්ඛුකානං සඝානකානං චවන්තානං තෙසං චක්ඛායතනඤ්ච නිරුජ්ඣති ඝානායතනඤ්ච නිරුජ්ඣති.

(ඛ) යස්ස වා පන ඝානායතනං නිරුජ්ඣති තස්ස චක්ඛායතනං නිරුජ්ඣතීති?

සඝානකානං අචක්ඛුකානං චවන්තානං තෙසං ඝානායතනං නිරුජ්ඣති, නො ච තෙසං චක්ඛායතනං නිරුජ්ඣති. සඝානකානං සචක්ඛුකානං චවන්තානං තෙසං ඝානායතනඤ්ච නිරුජ්ඣති චක්ඛායතනඤ්ච නිරුජ්ඣති.

(ක) යස්ස චක්ඛායතනං නිරුජ්ඣති තස්ස රූපායතනං නිරුජ්ඣතීති? ආමන්තා.

(ඛ) යස්ස වා පන රූපායතනං නිරුජ්ඣති තස්ස චක්ඛායතනං නිරුජ්ඣතීති?

සරූපකානං අචක්ඛුකානං චවන්තානං තෙසං රූපායතනං නිරුජ්ඣති, නො ච තෙසං චක්ඛායතනං නිරුජ්ඣති. සචක්ඛුකානං චවන්තානං තෙසං රූපායතනඤ්ච නිරුජ්ඣති චක්ඛායතනඤ්ච නිරුජ්ඣති.

(ක) යස්ස චක්ඛායතනං නිරුජ්ඣති තස්ස මනායතනං නිරුජ්ඣතීති? ආමන්තා.

(ඛ) යස්ස වා පන මනායතනං නිරුජ්ඣති තස්ස චක්ඛායතනං නිරුජ්ඣතීති?

සචිත්තකානං අචක්ඛුකානං චවන්තානං තෙසං මනායතනං නිරුජ්ඣති, නො ච තෙසං චක්ඛායතනං නිරුජ්ඣති. සචක්ඛුකානං චවන්තානං තෙසං මනායතනඤ්ච නිරුජ්ඣති චක්ඛායතනඤ්ච නිරුජ්ඣති.

(ක) යස්ස චක්ඛායතනං නිරුජ්ඣති තස්ස ධම්මායතනං නිරුජ්ඣතීති? ආමන්තා.

(ඛ) යස්ස වා පන ධම්මායතනං නිරුජ්ඣති තස්ස චක්ඛායතනං නිරුජ්ඣතීති?

අචක්ඛුකානං චවන්තානං තෙසං ධම්මායතනං නිරුජ්ඣති, නො ච තෙසං චක්ඛායතනං නිරුජ්ඣති. සචක්ඛුකානං චවන්තානං තෙසං ධම්මායතනඤ්ච නිරුජ්ඣති චක්ඛායතනඤ්ච නිරුජ්ඣති. (චක්ඛායතනමූලකං)

121. (ක) යස්ස ඝානායතනං නිරුජ්ඣති තස්ස රූපායතනං නිරුජ්ඣතීති? ආමන්තා.

(ඛ) යස්ස වා පන රූපායතනං නිරුජ්ඣති තස්ස ඝානායතනං නිරුජ්ඣතීති?

සරූපකානං අඝානකානං චවන්තානං තෙසං රූපායතනං නිරුජ්ඣති, නො ච තෙසං ඝානායතනං නිරුජ්ඣති. සඝානකානං චවන්තානං තෙසං රූපායතනඤ්ච නිරුජ්ඣති ඝානායතනඤ්ච නිරුජ්ඣති.

(ක) යස්ස ඝානායතනං නිරුජ්ඣති තස්ස මනායතනං නිරුජ්ඣතීති? ආමන්තා.

(ඛ) යස්ස වා පන මනායතනං නිරුජ්ඣති තස්ස ඝානායතනං නිරුජ්ඣතීති?

සචිත්තකානං [Pg.133] අඝානකානං චවන්තානං තෙසං මනායතනං නිරුජ්ඣති, නො ච තෙසං ඝානායතනං නිරුජ්ඣති. සඝානකානං චවන්තානං තෙසං මනායතනඤ්ච නිරුජ්ඣති ඝානායතනඤ්ච නිරුජ්ඣති.

(ක) යස්ස ඝානායතනං නිරුජ්ඣති තස්ස ධම්මායතනං නිරුජ්ඣතීති? ආමන්තා.

(ඛ) යස්ස වා පන ධම්මායතනං නිරුජ්ඣති තස්ස ඝානායතනං නිරුජ්ඣතීති?

අඝානකානං චවන්තානං තෙසං ධම්මායතනං නිරුජ්ඣති, නො ච තෙසං ඝානායතනං නිරුජ්ඣති. සඝානකානං චවන්තානං තෙසං ධම්මායතනඤ්ච නිරුජ්ඣති ඝානායතනඤ්ච නිරුජ්ඣති. (ඝානායතනමූලකං)

122. (ක) යස්ස රූපායතනං නිරුජ්ඣති තස්ස මනායතනං නිරුජ්ඣතීති?

අචිත්තකානං චවන්තානං තෙසං රූපායතනං නිරුජ්ඣති, නො ච තෙසං මනායතනං නිරුජ්ඣති. සරූපකානං සචිත්තකානං චවන්තානං තෙසං රූපායතනඤ්ච නිරුජ්ඣති මනායතනඤ්ච නිරුජ්ඣති.

(ඛ) යස්ස වා පන මනායතනං නිරුජ්ඣති තස්ස රූපායතනං නිරුජ්ඣතීති?

අරූපකානං චවන්තානං තෙසං මනායතනං නිරුජ්ඣති, නො ච තෙසං රූපායතනං නිරුජ්ඣති. සරූපකානං සචිත්තකානං චවන්තානං තෙසං මනායතනඤ්ච නිරුජ්ඣති රූපායතනඤ්ච නිරුජ්ඣති.

(ක) යස්ස රූපායතනං නිරුජ්ඣති තස්ස ධම්මායතනං නිරුජ්ඣතීති? ආමන්තා.

(ඛ) යස්ස වා පන ධම්මායතනං නිරුජ්ඣති තස්ස රූපායතනං නිරුජ්ඣතීති?

අරූපකානං චවන්තානං තෙසං ධම්මායතනං නිරුජ්ඣති, නො ච තෙසං රූපායතනං නිරුජ්ඣති. සරූපකානං චවන්තානං තෙසං ධම්මායතනඤ්ච නිරුජ්ඣති රූපායතනඤ්ච නිරුජ්ඣති.

123. (ක) යස්ස මනායතනං නිරුජ්ඣති තස්ස ධම්මායතනං නිරුජ්ඣතීති? ආමන්තා.

(ඛ) යස්ස වා පන ධම්මායතනං නිරුජ්ඣති තස්ස මනායතනං නිරුජ්ඣතීති?

අචිත්තකානං චවන්තානං තෙසං ධම්මායතනං නිරුජ්ඣති, නො ච තෙසං මනායතනං නිරුජ්ඣති. සචිත්තකානං චවන්තානං තෙසං ධම්මායතනඤ්ච නිරුජ්ඣති මනායතනඤ්ච නිරුජ්ඣති.

(ඛ) අනුලොමඔකාසො

124. යත්ථ චක්ඛායතනං නිරුජ්ඣති…පෙ… (උප්පාදෙපි නිරොධෙපි උප්පාදනිරොධෙපි යත්ථකං සබ්බත්ථ සදිසං).

(ග) අනුලොමපුග්ගලොකාසා

125. යස්ස [Pg.134] යත්ථ චක්ඛායතනං නිරුජ්ඣති තස්ස තත්ථ සොතායතනං නිරුජ්ඣතීති…පෙ… ඝානායතනං… රූපායතනං… මනායතනං… ධම්මායතනං නිරුජ්ඣතීති? (යස්ස යත්ථකම්පි සදිසං විත්ථාරෙතබ්බං).

(ඝ) පච්චනීකපුග්ගලො

126. (ක) යස්ස චක්ඛායතනං න නිරුජ්ඣති තස්ස සොතායතනං න නිරුජ්ඣතීති?

අචක්ඛුකානං සසොතකානං චවන්තානං තෙසං චක්ඛායතනං න නිරුජ්ඣති, නො ච තෙසං සොතායතනං න නිරුජ්ඣති. සබ්බෙසං උපපජ්ජන්තානං අචක්ඛුකානං අසොතකානං චවන්තානං තෙසං චක්ඛායතනඤ්ච න නිරුජ්ඣති සොතායතනඤ්ච න නිරුජ්ඣති.

(ඛ) යස්ස වා පන සොතායතනං න නිරුජ්ඣති තස්ස චක්ඛායතනං න නිරුජ්ඣතීති?

අසොතකානං සචක්ඛුකානං චවන්තානං තෙසං සොතායතනං න නිරුජ්ඣති, නො ච තෙසං චක්ඛායතනං න නිරුජ්ඣති. සබ්බෙසං උපපජ්ජන්තානං අසොතකානං අචක්ඛුකානං චවන්තානං තෙසං සොතායතනඤ්ච න නිරුජ්ඣති චක්ඛායතනඤ්ච න නිරුජ්ඣති.

(ක) යස්ස චක්ඛායතනං න නිරුජ්ඣති තස්ස ඝානායතනං න නිරුජ්ඣතීති?

අචක්ඛුකානං සඝානකානං චවන්තානං තෙසං චක්ඛායතනං න නිරුජ්ඣති, නො ච තෙසං ඝානායතනං න නිරුජ්ඣති. සබ්බෙසං උපපජ්ජන්තානං අචක්ඛුකානං අඝානකානං චවන්තානං තෙසං චක්ඛායතනඤ්ච න නිරුජ්ඣති ඝානායතනඤ්ච න නිරුජ්ඣති.

(ඛ) යස්ස වා පන ඝානායතනං න නිරුජ්ඣති තස්ස චක්ඛායතනං න නිරුජ්ඣතීති?

අඝානකානං සචක්ඛුකානං චවන්තානං තෙසං ඝානායතනං න නිරුජ්ඣති, නො ච තෙසං චක්ඛායතනං න නිරුජ්ඣති. සබ්බෙසං උපපජ්ජන්තානං අඝානකානං අචක්ඛුකානං චවන්තානං තෙසං ඝානායතනඤ්ච න නිරුජ්ඣති චක්ඛායතනඤ්ච න නිරුජ්ඣති.

(ක) යස්ස චක්ඛායතනං න නිරුජ්ඣති තස්ස රූපායතනං න නිරුජ්ඣතීති?

අචක්ඛුකානං සරූපකානං චවන්තානං තෙසං චක්ඛායතනං න නිරුජ්ඣති, නො ච තෙසං රූපායතනං න නිරුජ්ඣති. සබ්බෙසං උපපජ්ජන්තානං අරූපකානං චවන්තානං තෙසං චක්ඛායතනඤ්ච න නිරුජ්ඣති රූපායතනඤ්ච න නිරුජ්ඣති.

(ඛ) යස්ස වා පන රූපායතනං න නිරුජ්ඣති තස්ස චක්ඛායතනං න නිරුජ්ඣතීති? ආමන්තා.

(ක) යස්ස [Pg.135] චක්ඛායතනං න නිරුජ්ඣති තස්ස මනායතනං න නිරුජ්ඣතීති?

අචක්ඛුකානං සචිත්තකානං චවන්තානං තෙසං චක්ඛායතනං න නිරුජ්ඣති, නො ච තෙසං මනායතනං න නිරුජ්ඣති. සබ්බෙසං උපපජ්ජන්තානං අචිත්තකානං චවන්තානං තෙසං චක්ඛායතනඤ්ච න නිරුජ්ඣති මනායතනඤ්ච න නිරුජ්ඣති.

(ඛ) යස්ස වා පන මනායතනං න නිරුජ්ඣති තස්ස චක්ඛායතනං න නිරුජ්ඣතීති? ආමන්තා.

(ක) යස්ස චක්ඛායතනං න නිරුජ්ඣති තස්ස ධම්මායතනං න නිරුජ්ඣතීති?

අචක්ඛුකානං චවන්තානං තෙසං චක්ඛායතනං න නිරුජ්ඣති, නො ච තෙසං ධම්මායතනං න නිරුජ්ඣති. සබ්බෙසං උපපජ්ජන්තානං තෙසං චක්ඛායතනඤ්ච න නිරුජ්ඣති ධම්මායතනඤ්ච න නිරුජ්ඣති.

(ඛ) යස්ස වා පන ධම්මායතනං න නිරුජ්ඣති තස්ස චක්ඛායතනං න නිරුජ්ඣතීති? ආමන්තා. (චක්ඛායතනමූලකං)

127. (ක) යස්ස ඝානායතනං න නිරුජ්ඣති තස්ස රූපායතනං න නිරුජ්ඣතීති?

අඝානකානං සරූපකානං චවන්තානං තෙසං ඝානායතනං න නිරුජ්ඣති, නො ච තෙසං රූපායතනං න නිරුජ්ඣති. සබ්බෙසං උපපජ්ජන්තානං අරූපකානං චවන්තානං තෙසං ඝානායතනඤ්ච න නිරුජ්ඣති රූපායතනඤ්ච න නිරුජ්ඣති.

(ඛ) යස්ස වා පන රූපායතනං න නිරුජ්ඣති තස්ස ඝානායතනං න නිරුජ්ඣතීති? ආමන්තා.

(ක) යස්ස ඝානායතනං න නිරුජ්ඣති තස්ස මනායතනං න නිරුජ්ඣතීති?

අඝානකානං සචිත්තකානං චවන්තානං තෙසං ඝානායතනං න නිරුජ්ඣති, නො ච තෙසං මනායතනං න නිරුජ්ඣති. සබ්බෙසං උපපජ්ජන්තානං අචිත්තකානං චවන්තානං තෙසං ඝානායතනඤ්ච න නිරුජ්ඣති මනායතනඤ්ච න නිරුජ්ඣති.

(ඛ) යස්ස වා පන මනායතනං න නිරුජ්ඣති තස්ස ඝානායතනං න නිරුජ්ඣතීති? ආමන්තා.

(ක) යස්ස ඝානායතනං න නිරුජ්ඣති තස්ස ධම්මායතනං න නිරුජ්ඣතීති?

අඝානකානං චවන්තානං තෙසං ඝානායතනං න නිරුජ්ඣති, නො ච තෙසං ධම්මායතනං න නිරුජ්ඣති. සබ්බෙසං උපපජ්ජන්තානං තෙසං ඝානායතනඤ්ච න නිරුජ්ඣති ධම්මායතනඤ්ච න නිරුජ්ඣති.

(ඛ) යස්ස වා පන ධම්මායතනං න නිරුජ්ඣති තස්ස ඝානායතනං න නිරුජ්ඣතීති? ආමන්තා. (ඝානායතනමූලකං)

128. (ක) යස්ස රූපායතනං න නිරුජ්ඣති තස්ස මනායතනං න නිරුජ්ඣතීති?

අරූපකානං චවන්තානං තෙසං රූපායතනං න නිරුජ්ඣති, නො ච තෙසං මනායතනං න නිරුජ්ඣති. සබ්බෙසං උපපජ්ජන්තානං තෙසං රූපායතනඤ්ච න නිරුජ්ඣති මනායතනඤ්ච න නිරුජ්ඣති.

(ඛ) යස්ස වා පන මනායතනං න නිරුජ්ඣති තස්ස රූපායතනං [Pg.136] න නිරුජ්ඣතීති?

අචිත්තකානං චවන්තානං තෙසං මනායතනං න නිරුජ්ඣති, නො ච තෙසං රූපායතනං න නිරුජ්ඣති. සබ්බෙසං උපපජ්ජන්තානං තෙසං මනායතනඤ්ච න නිරුජ්ඣති රූපායතනඤ්ච න නිරුජ්ඣති.

(ක) යස්ස රූපායතනං න නිරුජ්ඣති තස්ස ධම්මායතනං න නිරුජ්ඣතීති?

අරූපකානං චවන්තානං තෙසං රූපායතනං න නිරුජ්ඣති, නො ච තෙසං ධම්මායතනං න නිරුජ්ඣති. සබ්බෙසං උපපජ්ජන්තානං තෙසං රූපායතනඤ්ච න නිරුජ්ඣති ධම්මායතනඤ්ච න නිරුජ්ඣති.

(ඛ) යස්ස වා පන ධම්මායතනං න නිරුජ්ඣති තස්ස රූපායතනං න නිරුජ්ඣතීති? ආමන්තා. (රූපායතනමූලකං)

129. (ක) යස්ස මනායතනං න නිරුජ්ඣති තස්ස ධම්මායතනං න නිරුජ්ඣතීති?

අචිත්තකානං චවන්තානං තෙසං මනායතනං න නිරුජ්ඣති, නො ච තෙසං ධම්මායතනං න නිරුජ්ඣති. සබ්බෙසං උපපජ්ජන්තානං තෙසං මනායතනඤ්ච න නිරුජ්ඣති ධම්මායතනඤ්ච න නිරුජ්ඣති.

(ඛ) යස්ස වා පන ධම්මායතනං න නිරුජ්ඣති තස්ස මනායතනං න නිරුජ්ඣතීති? ආමන්තා.

(ඞ) පච්චනීකඔකාසො

130. යත්ථ චක්ඛායතනං න නිරුජ්ඣති…පෙ….

(ච) පච්චනීකපුග්ගලොකාසා

131. යස්ස යත්ථ චක්ඛායතනං න නිරුජ්ඣති තස්ස තත්ථ සොතායතනං න නිරුජ්ඣතී ති…පෙ… (යස්ස යත්ථකම්පි යස්සකසදිසං).

(2) අතීතවාරො

(ක) අනුලොමපුග්ගලො

132. යස්ස චක්ඛායතනං නිරුජ්ඣිත්ථ තස්ස සොතායතනං නිරුජ්ඣිත්ථාති?

ආමන්තා. (උප්පාදවාරෙපි නිරොධවාරෙපි උප්පාදනිරොධවාරෙපි අතීතා පුච්ඡා අනුලොමම්පි පච්චනීකම්පි සදිසං.)

(3) අනාගතවාරො

(ක) අනුලොමපුග්ගලො

133. (ක) යස්ස [Pg.137] චක්ඛායතනං නිරුජ්ඣිස්සති තස්ස සොතායතනං නිරුජ්ඣිස්සතීති? ආමන්තා.

(ඛ) යස්ස වා පන සොතායතනං නිරුජ්ඣිස්සති තස්ස චක්ඛායතනං නිරුජ්ඣිස්සතීති? ආමන්තා.

(ක) යස්ස චක්ඛායතනං නිරුජ්ඣිස්සති තස්ස ඝානායතනං නිරුජ්ඣිස්සතීති?

පච්ඡිමභවිකානං රූපාවචරං උපපජ්ජන්තානං යෙ ච රූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනං නිරුජ්ඣිස්සති, නො ච තෙසං ඝානායතනං නිරුජ්ඣිස්සති. ඉතරෙසං තෙසං චක්ඛායතනඤ්ච නිරුජ්ඣිස්සති ඝානායතනඤ්ච නිරුජ්ඣිස්සති.

(ඛ) යස්ස වා පන ඝානායතනං නිරුජ්ඣිස්සති තස්ස චක්ඛායතනං නිරුජ්ඣිස්සතීති? ආමන්තා.

(ක) යස්ස චක්ඛායතනං නිරුජ්ඣිස්සති තස්ස රූපායතනං නිරුජ්ඣිස්සතීති? ආමන්තා.

(ඛ) යස්ස වා පන රූපායතනං නිරුජ්ඣිස්සති තස්ස චක්ඛායතනං නිරුජ්ඣිස්සතීති? ආමන්තා.

යස්ස චක්ඛායතනං නිරුජ්ඣිස්සති තස්ස මනායතනං…පෙ… ධම්මායතනං නිරුජ්ඣිස්සතීති? ආමන්තා.

යස්ස වා පන ධම්මායතනං නිරුජ්ඣිස්සති තස්ස චක්ඛායතනං නිරුජ්ඣිස්සතීති?

පච්ඡිමභවිකානං අරූපං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ධම්මායතනං නිරුජ්ඣිස්සති, නො ච තෙසං චක්ඛායතනං නිරුජ්ඣිස්සති. ඉතරෙසං තෙසං ධම්මායතනඤ්ච නිරුජ්ඣිස්සති චක්ඛායතනඤ්ච නිරුජ්ඣිස්සති. (චක්ඛායතනමූලකං)

134. (ක) යස්ස ඝානායතනං නිරුජ්ඣිස්සති තස්ස රූපායතනං නිරුජ්ඣිස්සතීති? ආමන්තා.

(ඛ) යස්ස වා පන රූපායතනං නිරුජ්ඣිස්සති තස්ස ඝානායතනං නිරුජ්ඣිස්සතීති?

පච්ඡිමභවිකානං රූපාවචරං උපපජ්ජන්තානං යෙ ච රූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං රූපායතනං නිරුජ්ඣිස්සති, නො ච තෙසං ඝානායතනං නිරුජ්ඣිස්සති. ඉතරෙසං තෙසං රූපායතනඤ්ච නිරුජ්ඣිස්සති ඝානායතනඤ්ච නිරුජ්ඣිස්සති.

යස්ස ඝානායතනං නිරුජ්ඣිස්සති තස්ස මනායතනං…පෙ… ධම්මායතනං නිරුජ්ඣිස්සතීති? ආමන්තා.

යස්ස වා පන ධම්මායතනං නිරුජ්ඣිස්සති තස්ස ඝානායතනං නිරුජ්ඣිස්සතීති?

පච්ඡිමභවිකානං රූපාවචරං අරූපාවචරං උපපජ්ජන්තානං [Pg.138] යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ධම්මායතනං නිරුජ්ඣිස්සති, නො ච තෙසං ඝානායතනං නිරුජ්ඣිස්සති. ඉතරෙසං තෙසං ධම්මායතනඤ්ච නිරුජ්ඣිස්සති ඝානායතනඤ්ච නිරුජ්ඣිස්සති. (ඝානායතනමූලකං)

135. යස්ස රූපායතනං නිරුජ්ඣිස්සති තස්ස මනායතනං…පෙ… ධම්මායතනං නිරුජ්ඣිස්සතීති? ආමන්තා.

යස්ස වා පන ධම්මායතනං නිරුජ්ඣිස්සති තස්ස රූපායතනං නිරුජ්ඣිස්සතීති?

පච්ඡිමභවිකානං අරූපං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ධම්මායතනං නිරුජ්ඣිස්සති, නො ච තෙසං රූපායතනං නිරුජ්ඣිස්සති. ඉතරෙසං තෙසං ධම්මායතනඤ්ච නිරුජ්ඣිස්සති රූපායතනඤ්ච නිරුජ්ඣිස්සති.

136. (ක) යස්ස මනායතනං නිරුජ්ඣිස්සති තස්ස ධම්මායතනං නිරුජ්ඣිස්සතීති? ආමන්තා.

(ඛ) යස්ස වා පන ධම්මායතනං නිරුජ්ඣිස්සති තස්ස මනායතනං නිරුජ්ඣිස්සතීති? ආමන්තා.

(ඛ) අනුලොමඔකාසො

137. යත්ථ චක්ඛායතනං නිරුජ්ඣිස්සති…පෙ….

(ග) අනුලොමපුග්ගලොකාසා

138. (ක) යස්ස යත්ථ චක්ඛායතනං නිරුජ්ඣිස්සති තස්ස තත්ථ සොතායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ…පෙ…? ආමන්තා.

(ක) යස්ස යත්ථ චක්ඛායතනං නිරුජ්ඣිස්සති තස්ස තත්ථ ඝානායතනං නිරුජ්ඣිස්සතීති?

රූපාවචරානං…පෙ… කාමාවචරානං…පෙ….

(ඛ) යස්ස වා පන යත්ථ…පෙ…? ආමන්තා.

(ක) යස්ස යත්ථ චක්ඛායතනං නිරුජ්ඣිස්සති තස්ස තත්ථ රූපායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ රූපායතනං නිරුජ්ඣිස්සති තස්ස තත්ථ චක්ඛායතනං නිරුජ්ඣිස්සතීති?

අසඤ්ඤසත්තානං…පෙ… පඤ්චවොකාරානං…පෙ….

(ක) යස්ස යත්ථ චක්ඛායතනං නිරුජ්ඣිස්සති තස්ස තත්ථ මනායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ…පෙ…?

අරූපානං…පෙ… පඤ්චවොකාරානං…පෙ….

(ක) යස්ස [Pg.139] යත්ථ චක්ඛායතනං නිරුජ්ඣිස්සති තස්ස තත්ථ ධම්මායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ…පෙ…?

අසඤ්ඤසත්තානං අරූපානං…පෙ… පඤ්චවොකාරානං…පෙ…. (චක්ඛායතනමූලකං)

139. (ක) යස්ස යත්ථ ඝානායතනං නිරුජ්ඣිස්සති තස්ස තත්ථ රූපායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ…පෙ…?

රූපාවචරානං…පෙ… කාමාවචරානං…පෙ….

(ක) යස්ස යත්ථ ඝානායතනං නිරුජ්ඣිස්සති තස්ස තත්ථ මනායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ…පෙ…?

රූපාවචරානං අරූපාවචරානං…පෙ… කාමාවචරානං…පෙ….

(ක) යස්ස යත්ථ ඝානායතනං නිරුජ්ඣිස්සති තස්ස තත්ථ ධම්මායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ…පෙ…?

රූපාවචරානං අරූපාවචරානං…පෙ… කාමාවචරානං…පෙ…. (ඝානායතනමූලකං)

140. (ක) යස්ස යත්ථ රූපායතනං නිරුජ්ඣිස්සති තස්ස තත්ථ මනායතනං නිරුජ්ඣිස්සතීති?

අසඤ්ඤසත්තානං…පෙ… පඤ්චවොකාරානං…පෙ….

(ඛ) යස්ස වා පන යත්ථ…පෙ…?

අරූපානං…පෙ… පඤ්චවොකාරානං…පෙ….

(ක) යස්ස යත්ථ රූපායතනං නිරුජ්ඣිස්සති තස්ස තත්ථ ධම්මායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ…පෙ…?

අරූපානං…පෙ… පඤ්චවොකාරානං අසඤ්ඤසත්තානං…පෙ…. (රූපායතනමූලකං)

141. (ක) යස්ස යත්ථ මනායතනං…පෙ…? ආමන්තා.

(ඛ) යස්ස වා පන යත්ථ…පෙ…?

අසඤ්ඤසත්තානං…පෙ… චතුවොකාරානං පඤ්චවොකාරානං තෙසං තත්ථ ධම්මායතනඤ්ච නිරුජ්ඣිස්සති මනායතනඤ්ච නිරුජ්ඣිස්සති. (යථා උප්පාදවාරෙ යස්ස යත්ථකෙ අනාගතා පුච්ඡා විත්ථාරිතා, එවං නිරොධෙපි විත්ථාරෙතබ්බා).

(ඝ) පච්චනීකපුග්ගලො

142. (ක) යස්ස චක්ඛායතනං න නිරුජ්ඣිස්සති තස්ස සොතායතනං න නිරුජ්ඣිස්සතීති? ආමන්තා.

(ඛ) යස්ස වා පන සොතායතනං න නිරුජ්ඣිස්සති තස්ස චක්ඛායතනං න නිරුජ්ඣිස්සතීති? ආමන්තා.

(ක) යස්ස [Pg.140] චක්ඛායතනං න නිරුජ්ඣිස්සති තස්ස ඝානායතනං න නිරුජ්ඣිස්සතීති? ආමන්තා.

(ඛ) යස්ස වා පන ඝානායතනං න නිරුජ්ඣිස්සති තස්ස චක්ඛායතනං න නිරුජ්ඣිස්සතීති?

පච්ඡිමභවිකානං රූපාවචරං උපපජ්ජන්තානං යෙ ච රූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ඝානායතනං න නිරුජ්ඣිස්සති, නො ච තෙසං චක්ඛායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ඝානායතනඤ්ච න නිරුජ්ඣිස්සති චක්ඛායතනඤ්ච න නිරුජ්ඣිස්සති.

(ක) යස්ස චක්ඛායතනං න නිරුජ්ඣිස්සති තස්ස රූපායතනං න නිරුජ්ඣිස්සතීති? ආමන්තා.

(ඛ) යස්ස වා පන රූපායතනං න නිරුජ්ඣිස්සති තස්ස චක්ඛායතනං න නිරුජ්ඣිස්සතීති? ආමන්තා.

යස්ස චක්ඛායතනං න නිරුජ්ඣිස්සති තස්ස මනායතනං…පෙ… ධම්මායතනං න නිරුජ්ඣිස්සතීති?

පච්ඡිමභවිකානං අරූපං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනං න නිරුජ්ඣිස්සති, නො ච තෙසං ධම්මායතනං න නිරුජ්ඣිස්සති. පරිනිබ්බන්තානං තෙසං චක්ඛායතනඤ්ච න නිරුජ්ඣිස්සති ධම්මායතනඤ්ච න නිරුජ්ඣිස්සති.

යස්ස වා පන ධම්මායතනං න නිරුජ්ඣිස්සති තස්ස චක්ඛායතනං න නිරුජ්ඣිස්සතීති? ආමන්තා. (චක්ඛායතනමූලකං)

143. (ක) යස්ස ඝානායතනං න නිරුජ්ඣිස්සති තස්ස රූපායතනං න නිරුජ්ඣිස්සතීති?

පච්ඡිමභවිකානං රූපාවචරං උපපජ්ජන්තානං යෙ ච රූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ඝානායතනං න නිරුජ්ඣිස්සති, නො ච තෙසං රූපායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ඝානායතනඤ්ච න නිරුජ්ඣිස්සති රූපායතනඤ්ච න නිරුජ්ඣිස්සති.

(ඛ) යස්ස වා පන රූපායතනං න නිරුජ්ඣිස්සති තස්ස ඝානායතනං න නිරුජ්ඣිස්සතීති? ආමන්තා.

යස්ස ඝානායතනං න නිරුජ්ඣිස්සති තස්ස මනායතනං…පෙ… ධම්මායතනං න නිරුජ්ඣිස්සතීති?

පච්ඡිමභවිකානං රූපාවචරං අරූපාවචරං උපපජ්ජන්තානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ඝානායතනං [Pg.141] න නිරුජ්ඣිස්සති, නො ච තෙසං ධම්මායතනං න නිරුජ්ඣිස්සති. පරිනිබ්බන්තානං තෙසං ඝානායතනඤ්ච න නිරුජ්ඣිස්සති ධම්මායතනඤ්ච න නිරුජ්ඣිස්සති.

යස්ස වා පන ධම්මායතනං න නිරුජ්ඣිස්සති තස්ස ඝානායතනං න නිරුජ්ඣිස්සතීති? ආමන්තා.

144. යස්ස රූපායතනං න නිරුජ්ඣිස්සති තස්ස මනායතනං…පෙ… ධම්මායතනං න නිරුජ්ඣිස්සතීති?

පච්ඡිමභවිකානං අරූපං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං රූපායතනං න නිරුජ්ඣිස්සති, නො ච තෙසං ධම්මායතනං න නිරුජ්ඣිස්සති. පරිනිබ්බන්තානං තෙසං රූපායතනඤ්ච න නිරුජ්ඣිස්සති ධම්මායතනඤ්ච න නිරුජ්ඣිස්සති.

යස්ස වා පන ධම්මායතනං න නිරුජ්ඣිස්සති තස්ස රූපායතනං න නිරුජ්ඣිස්සතීති? ආමන්තා.

145. (ක) යස්ස මනායතනං න නිරුජ්ඣිස්සති තස්ස ධම්මායතනං න නිරුජ්ඣිස්සතීති? ආමන්තා.

(ඛ) යස්ස වා පන ධම්මායතනං න නිරුජ්ඣිස්සති තස්ස මනායතනං න නිරුජ්ඣිස්සතීති? ආමන්තා.

(ඞ) පච්චනීකඔකාසො

146. යත්ථ චක්ඛායතනං න නිරුජ්ඣිස්සති…පෙ….

(ච) පච්චනීකපුග්ගලොකාසා

147. (ක) යස්ස යත්ථ චක්ඛායතනං න නිරුජ්ඣිස්සති තස්ස තත්ථ සොතායතනං න නිරුජ්ඣිස්සතීති? ආමන්තා.

(ඛ) යස්ස වා පන යත්ථ සොතායතනං න නිරුජ්ඣිස්සති තස්ස තත්ථ චක්ඛායතනං න නිරුජ්ඣිස්සතීති? ආමන්තා.

(ක) යස්ස යත්ථ චක්ඛායතනං න නිරුජ්ඣිස්සති තස්ස තත්ථ ඝානායතනං න නිරුජ්ඣිස්සතීති? ආමන්තා.

(ඛ) යස්ස වා පන යත්ථ ඝානායතනං න නිරුජ්ඣිස්සති තස්ස තත්ථ චක්ඛායතනං න නිරුජ්ඣිස්සතීති?

රූපාවචරානං තෙසං තත්ථ ඝානායතනං න නිරුජ්ඣිස්සති, නො ච තෙසං තත්ථ චක්ඛායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අසඤ්ඤසත්තානං අරූපානං තෙසං තත්ථ ඝානායතනඤ්ච න නිරුජ්ඣිස්සති චක්ඛායතනඤ්ච න නිරුජ්ඣිස්සති.

(ක) යස්ස [Pg.142] යත්ථ චක්ඛායතනං න නිරුජ්ඣිස්සති තස්ස තත්ථ රූපායතනං න නිරුජ්ඣිස්සතීති?

අසඤ්ඤසත්තානං තෙසං තත්ථ චක්ඛායතනං න නිරුජ්ඣිස්සති, නො ච තෙසං තත්ථ රූපායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපානං තෙසං තත්ථ චක්ඛායතනඤ්ච න නිරුජ්ඣිස්සති රූපායතනඤ්ච න නිරුජ්ඣිස්සති.

(ඛ) යස්ස වා පන යත්ථ රූපායතනං න නිරුජ්ඣිස්සති තස්ස තත්ථ චක්ඛායතනං න නිරුජ්ඣිස්සතීති? ආමන්තා.

(ක) යස්ස යත්ථ චක්ඛායතනං න නිරුජ්ඣිස්සති තස්ස තත්ථ මනායතනං න නිරුජ්ඣිස්සතීති?

අරූපානං තෙසං තත්ථ චක්ඛායතනං න නිරුජ්ඣිස්සති, නො ච තෙසං තත්ථ මනායතනං න නිරුජ්ඣිස්සති. පරිනිබ්බන්තානං අසඤ්ඤසත්තානං තෙසං තත්ථ චක්ඛායතනඤ්ච න නිරුජ්ඣිස්සති මනායතනඤ්ච න නිරුජ්ඣිස්සති.

(ඛ) යස්ස වා පන යත්ථ මනායතනං න නිරුජ්ඣිස්සති තස්ස තත්ථ චක්ඛායතනං න නිරුජ්ඣිස්සතීති? ආමන්තා.

(ක) යස්ස යත්ථ චක්ඛායතනං න නිරුජ්ඣිස්සති තස්ස තත්ථ ධම්මායතනං න නිරුජ්ඣිස්සතීති?

අසඤ්ඤසත්තානං අරූපානං තෙසං තත්ථ චක්ඛායතනං න නිරුජ්ඣිස්සති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ චක්ඛායතනඤ්ච න නිරුජ්ඣිස්සති ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ චක්ඛායතනං න නිරුජ්ඣිස්සතීති? ආමන්තා. (චක්ඛායතනමූලකං)

148. (ක) යස්ස යත්ථ ඝානායතනං න නිරුජ්ඣිස්සති තස්ස තත්ථ රූපායතනං න නිරුජ්ඣිස්සතීති?

රූපාවචරානං තෙසං තත්ථ ඝානායතනං න නිරුජ්ඣිස්සති, නො ච තෙසං තත්ථ රූපායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපානං තෙසං තත්ථ ඝානායතනඤ්ච න නිරුජ්ඣිස්සති රූපායතනඤ්ච න නිරුජ්ඣිස්සති.

(ඛ) යස්ස වා පන යත්ථ රූපායතනං න නිරුජ්ඣිස්සති තස්ස තත්ථ ඝානායතනං න නිරුජ්ඣිස්සතීති? ආමන්තා.

(ක) යස්ස යත්ථ ඝානායතනං න නිරුජ්ඣිස්සති තස්ස තත්ථ මනායතනං න නිරුජ්ඣිස්සතීති?

රූපාවචරානං අරූපාවචරානං තෙසං තත්ථ ඝානායතනං න නිරුජ්ඣිස්සති, නො ච තෙසං තත්ථ මනායතනං න නිරුජ්ඣිස්සති, පරිනිබ්බන්තානං අසඤ්ඤසත්තානං තෙසං තත්ථ ඝානායතනඤ්ච න නිරුජ්ඣිස්සති මනායතනඤ්ච න [Pg.143] නිරුජ්ඣිස්සති.

(ඛ) යස්ස වා පන යත්ථ මනායතනං න නිරුජ්ඣිස්සති තස්ස තත්ථ ඝානායතනං න නිරුජ්ඣිස්සතීති? ආමන්තා.

(ක) යස්ස යත්ථ ඝානායතනං න නිරුජ්ඣිස්සති තස්ස තත්ථ ධම්මායතනං න නිරුජ්ඣිස්සතීති?

රූපාවචරානං අරූපාවචරානං තෙසං තත්ථ ඝානායතනං න නිරුජ්ඣිස්සති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ ඝානායතනඤ්ච න නිරුජ්ඣිස්සති ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ ඝානායතනං න නිරුජ්ඣිස්සතීති?

ආමන්තා. (ඝානායතනමූලකං)

149. (ක) යස්ස යත්ථ රූපායතනං න නිරුජ්ඣිස්සති තස්ස තත්ථ මනායතනං න නිරුජ්ඣිස්සතීති?

අරූපානං තෙසං තත්ථ රූපායතනං න නිරුජ්ඣිස්සති, නො ච තෙසං තත්ථ මනායතනං න නිරුජ්ඣිස්සති. පරිනිබ්බන්තානං තෙසං තත්ථ රූපායතනඤ්ච න නිරුජ්ඣිස්සති මනායතනඤ්ච න නිරුජ්ඣිස්සති.

(ඛ) යස්ස වා පන යත්ථ මනායතනං න නිරුජ්ඣිස්සති තස්ස තත්ථ රූපායතනං න නිරුජ්ඣිස්සතීති?

අසඤ්ඤසත්තානං තෙසං තත්ථ මනායතනං න නිරුජ්ඣිස්සති, නො ච තෙසං තත්ථ රූපායතනං න නිරුජ්ඣිස්සති. පරිනිබ්බන්තානං තෙසං තත්ථ මනායතනඤ්ච න නිරුජ්ඣිස්සති රූපායතනඤ්ච න නිරුජ්ඣිස්සති.

(ක) යස්ස යත්ථ රූපායතනං න නිරුජ්ඣිස්සති තස්ස තත්ථ ධම්මායතනං න නිරුජ්ඣිස්සතීති?

අරූපානං තෙසං තත්ථ රූපායතනං න නිරුජ්ඣිස්සති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ රූපායතනඤ්ච න නිරුජ්ඣිස්සති ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ රූපායතනං න නිරුජ්ඣිස්සතීති? ආමන්තා. (රූපායතනමූලකං)

150. (ක) යස්ස යත්ථ මනායතනං න නිරුජ්ඣිස්සති තස්ස තත්ථ ධම්මායතනං න නිරුජ්ඣිස්සතීති?

අසඤ්ඤසත්තානං තෙසං තත්ථ මනායතනං න නිරුජ්ඣිස්සති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ මනායතනඤ්ච න නිරුජ්ඣිස්සති ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ මනායතනං න නිරුජ්ඣිස්සතීති? ආමන්තා.

(4) පච්චුප්පන්නාතීතවාරො

(ක) අනුලොමපුග්ගලො

151. (ක) යස්ස [Pg.144] චක්ඛායතනං නිරුජ්ඣති තස්ස සොතායතනං නිරුජ්ඣිත්ථාති? ආමන්තා.

(ඛ) යස්ස වා පන සොතායතනං නිරුජ්ඣිත්ථ තස්ස චක්ඛායතනං නිරුජ්ඣතීති?

සබ්බෙසං උපපජ්ජන්තානං අචක්ඛුකානං චවන්තානං තෙසං සොතායතනං නිරුජ්ඣිත්ථ, නො ච තෙසං චක්ඛායතනං නිරුජ්ඣති. සචක්ඛුකානං චවන්තානං තෙසං සොතායතනඤ්ච නිරුජ්ඣිත්ථ චක්ඛායතනඤ්ච නිරුජ්ඣති.

යස්ස චක්ඛායතනං නිරුජ්ඣති තස්ස ඝානායතනං…පෙ… රූපායතනං …පෙ… මනායතනං…පෙ… ධම්මායතනං නිරුජ්ඣිත්ථාති? ආමන්තා.

යස්ස වා පන ධම්මායතනං නිරුජ්ඣිත්ථ තස්ස චක්ඛායතනං නිරුජ්ඣතීති?

සබ්බෙසං උපපජ්ජන්තානං අචක්ඛුකානං චවන්තානං තෙසං ධම්මායතනං නිරුජ්ඣිත්ථ, නො ච තෙසං චක්ඛායතනං නිරුජ්ඣති. සචක්ඛුකානං චවන්තානං තෙසං ධම්මායතනඤ්ච නිරුජ්ඣිත්ථ චක්ඛායතනඤ්ච නිරුජ්ඣති.

152. යස්ස ඝානායතනං නිරුජ්ඣති තස්ස රූපායතනං…පෙ… මනායතනං…පෙ… ධම්මායතනං නිරුජ්ඣිත්ථාති? ආමන්තා.

යස්ස වා පන ධම්මායතනං නිරුජ්ඣිත්ථ තස්ස ඝානායතනං නිරුජ්ඣතීති?

සබ්බෙසං උපපජ්ජන්තානං අඝානකානං චවන්තානං තෙසං ධම්මායතනං නිරුජ්ඣිත්ථ, නො ච තෙසං ඝානායතනං නිරුජ්ඣති. සඝානකානං චවන්තානං තෙසං ධම්මායතනඤ්ච නිරුජ්ඣිත්ථ ඝානායතනඤ්ච නිරුජ්ඣති.

153. යස්ස රූපායතනං නිරුජ්ඣති තස්ස මනායතනං…පෙ… ධම්මායතනං නිරුජ්ඣිත්ථාති? ආමන්තා.

යස්ස වා පන ධම්මායතනං නිරුජ්ඣිත්ථ තස්ස රූපායතනං නිරුජ්ඣතීති?

සබ්බෙසං උපපජ්ජන්තානං අරූපකානං චවන්තානං තෙසං ධම්මායතනං නිරුජ්ඣිත්ථ, නො ච තෙසං රූපායතනං නිරුජ්ඣති. සරූපකානං චවන්තානං තෙසං ධම්මායතනඤ්ච නිරුජ්ඣිත්ථ රූපායතනඤ්ච නිරුජ්ඣති.

154. (ක) යස්ස මනායතනං නිරුජ්ඣති තස්ස ධම්මායතනං නිරුජ්ඣිත්ථාති? ආමන්තා.

(ඛ) යස්ස වා පන ධම්මායතනං නිරුජ්ඣිත්ථ තස්ස මනායතනං නිරුජ්ඣතීති?

සබ්බෙසං උපපජ්ජන්තානං අචිත්තකානං චවන්තානං තෙසං ධම්මායතනං නිරුජ්ඣිත්ථ, නො ච තෙසං මනායතනං නිරුජ්ඣති. සචිත්තකානං චවන්තානං තෙසං ධම්මායතනඤ්ච නිරුජ්ඣිත්ථ මනායතනඤ්ච නිරුජ්ඣති.

(ඛ) අනුලොමඔකාසො

155. යත්ථ [Pg.145] චක්ඛායතනං නිරුජ්ඣති…පෙ….

(ග) අනුලොමපුග්ගලොකාසා

156. (ක) යස්ස යත්ථ චක්ඛායතනං නිරුජ්ඣති තස්ස තත්ථ සොතායතනං නිරුජ්ඣිත්ථාති?

සුද්ධාවාසෙ පරිනිබ්බන්තානං තෙසං තත්ථ චක්ඛායතනං නිරුජ්ඣති, නො ච තෙසං තත්ථ සොතායතනං නිරුජ්ඣිත්ථ. ඉතරෙසං සචක්ඛුකානං චවන්තානං තෙසං තත්ථ චක්ඛායතනඤ්ච නිරුජ්ඣති සොතායතනඤ්ච නිරුජ්ඣිත්ථ.

(ඛ) යස්ස වා පන යත්ථ සොතායතනං නිරුජ්ඣිත්ථ තස්ස තත්ථ චක්ඛායතනං නිරුජ්ඣතීති?

පඤ්චවොකාරං උපපජ්ජන්තානං අචක්ඛුකානං කාමාවචරා චවන්තානං තෙසං තත්ථ සොතායතනං නිරුජ්ඣිත්ථ, නො ච තෙසං තත්ථ චක්ඛායතනං නිරුජ්ඣති. සචක්ඛුකානං චවන්තානං තෙසං තත්ථ සොතායතනඤ්ච නිරුජ්ඣිත්ථ චක්ඛායතනඤ්ච නිරුජ්ඣති.

(ක) යස්ස යත්ථ චක්ඛායතනං නිරුජ්ඣති තස්ස තත්ථ ඝානායතනං නිරුජ්ඣිත්ථාති?

රූපාවචරා චවන්තානං තෙසං තත්ථ චක්ඛායතනං නිරුජ්ඣති, නො ච තෙසං තත්ථ ඝානායතනං නිරුජ්ඣිත්ථ. සචක්ඛුකානං කාමාවචරා චවන්තානං තෙසං තත්ථ චක්ඛායතනඤ්ච නිරුජ්ඣති ඝානායතනඤ්ච නිරුජ්ඣිත්ථ.

(ඛ) යස්ස වා පන යත්ථ ඝානායතනං නිරුජ්ඣිත්ථ තස්ස තත්ථ චක්ඛායතනං නිරුජ්ඣතීති?

කාමාවචරං උපපජ්ජන්තානං අචක්ඛුකානං කාමාවචරා චවන්තානං තෙසං තත්ථ ඝානායතනං නිරුජ්ඣිත්ථ, නො ච තෙසං තත්ථ චක්ඛායතනං නිරුජ්ඣති. සචක්ඛුකානං කාමාවචරා චවන්තානං තෙසං තත්ථ ඝානායතනඤ්ච නිරුජ්ඣිත්ථ චක්ඛායතනඤ්ච නිරුජ්ඣති.

(ක) යස්ස යත්ථ චක්ඛායතනං නිරුජ්ඣති තස්ස තත්ථ රූපායතනං නිරුජ්ඣිත්ථාති?

සුද්ධාවාසෙ පරිනිබ්බන්තානං තෙසං තත්ථ චක්ඛායතනං නිරුජ්ඣති, නො ච තෙසං තත්ථ රූපායතනං නිරුජ්ඣිත්ථ. ඉතරෙසං සචක්ඛුකානං චවන්තානං තෙසං තත්ථ චක්ඛායතනඤ්ච නිරුජ්ඣති රූපායතනඤ්ච නිරුජ්ඣිත්ථ.

(ඛ) යස්ස වා පන යත්ථ රූපායතනං නිරුජ්ඣිත්ථ තස්ස තත්ථ චක්ඛායතනං නිරුජ්ඣතීති?

පඤ්චවොකාරං උපපජ්ජන්තානං අචක්ඛුකානං කාමාවචරා චවන්තානං අසඤ්ඤසත්තානං තෙසං තත්ථ රූපායතනං නිරුජ්ඣිත්ථ, නො ච තෙසං තත්ථ චක්ඛායතනං නිරුජ්ඣති. සචක්ඛුකානං චවන්තානං තෙසං තත්ථ රූපායතනඤ්ච නිරුජ්ඣිත්ථ චක්ඛායතනඤ්ච නිරුජ්ඣති.

(ක) යස්ස [Pg.146] යත්ථ චක්ඛායතනං නිරුජ්ඣති තස්ස තත්ථ මනායතනං නිරුජ්ඣිත්ථාති?

සුද්ධාවාසෙ පරිනිබ්බන්තානං තෙසං තත්ථ චක්ඛායතනං නිරුජ්ඣති, නො ච තෙසං තත්ථ මනායතනං නිරුජ්ඣිත්ථ. ඉතරෙසං සචක්ඛුකානං චවන්තානං තෙසං තත්ථ චක්ඛායතනඤ්ච නිරුජ්ඣති මනායතනඤ්ච නිරුජ්ඣිත්ථ.

(ඛ) යස්ස වා පන යත්ථ මනායතනං නිරුජ්ඣිත්ථ තස්ස තත්ථ චක්ඛායතනං නිරුජ්ඣතීති?

පඤ්චවොකාරං උපපජ්ජන්තානං අචක්ඛුකානං කාමාවචරා චවන්තානං අරූපානං තෙසං තත්ථ මනායතනං නිරුජ්ඣිත්ථ, නො ච තෙසං තත්ථ චක්ඛායතනං නිරුජ්ඣති. සචක්ඛුකානං චවන්තානං තෙසං තත්ථ මනායතනඤ්ච නිරුජ්ඣිත්ථ චක්ඛායතනඤ්ච නිරුජ්ඣති.

(ක) යස්ස යත්ථ චක්ඛායතනං නිරුජ්ඣති තස්ස තත්ථ ධම්මායතනං නිරුජ්ඣිත්ථාති?

සුද්ධාවාසෙ පරිනිබ්බන්තානං තෙසං තත්ථ චක්ඛායතනං නිරුජ්ඣති, නො ච තෙසං තත්ථ ධම්මායතනං නිරුජ්ඣිත්ථ. ඉතරෙසං සචක්ඛුකානං චවන්තානං තෙසං තත්ථ චක්ඛායතනඤ්ච නිරුජ්ඣති ධම්මායතනඤ්ච නිරුජ්ඣිත්ථ.

(ඛ) යස්ස වා පන යත්ථ ධම්මායතනං නිරුජ්ඣිත්ථ තස්ස තත්ථ චක්ඛායතනං නිරුජ්ඣතීති?

සබ්බෙසං උපපජ්ජන්තානං අචක්ඛුකානං චවන්තානං තෙසං තත්ථ ධම්මායතනං නිරුජ්ඣිත්ථ, නො ච තෙසං තත්ථ චක්ඛායතනං නිරුජ්ඣති. සචක්ඛුකානං චවන්තානං තෙසං තත්ථ ධම්මායතනඤ්ච නිරුජ්ඣිත්ථ චක්ඛායතනඤ්ච නිරුජ්ඣති. (චක්ඛායතනමූලකං)

157. (ක) යස්ස යත්ථ ඝානායතනං නිරුජ්ඣති තස්ස තත්ථ රූපායතනං නිරුජ්ඣිත්ථාති? ආමන්තා.

(ඛ) යස්ස වා පන යත්ථ රූපායතනං නිරුජ්ඣිත්ථ තස්ස තත්ථ ඝානායතනං නිරුජ්ඣතීති?

කාමාවචරං උපපජ්ජන්තානං අඝානකානං කාමාවචරා චවන්තානං රූපාවචරානං තෙසං තත්ථ රූපායතනං නිරුජ්ඣිත්ථ, නො ච තෙසං තත්ථ ඝානායතනං නිරුජ්ඣති. සඝානකානං චවන්තානං තෙසං තත්ථ රූපායතනඤ්ච නිරුජ්ඣිත්ථ ඝානායතනඤ්ච නිරුජ්ඣති.

(ක) යස්ස යත්ථ ඝානායතනං නිරුජ්ඣති තස්ස තත්ථ මනායතනං නිරුජ්ඣිත්ථාති? ආමන්තා.

(ඛ) යස්ස වා පන යත්ථ මනායතනං නිරුජ්ඣිත්ථ තස්ස තත්ථ ඝානායතනං නිරුජ්ඣතීති?

කාමාවචරං උපපජ්ජන්තානං අඝානකානං කාමාවචරා චවන්තානං රූපාවචරානං අරූපාවචරානං තෙසං තත්ථ මනායතනං නිරුජ්ඣිත්ථ, නො ච තෙසං තත්ථ ඝානායතනං නිරුජ්ඣති. සඝානකානං චවන්තානං තෙසං තත්ථ මනායතනඤ්ච නිරුජ්ඣිත්ථ ඝානායතනඤ්ච නිරුජ්ඣති.

(ක) යස්ස යත්ථ ඝානායතනං නිරුජ්ඣති තස්ස තත්ථ ධම්මායතනං නිරුජ්ඣිත්ථාති? ආමන්තා.

(ඛ) යස්ස වා පන යත්ථ ධම්මායතනං නිරුජ්ඣිත්ථ තස්ස තත්ථ ඝානායතනං [Pg.147] නිරුජ්ඣතීති?

සබ්බෙසං උපපජ්ජන්තානං අඝානකානං චවන්තානං තෙසං තත්ථ ධම්මායතනං නිරුජ්ඣිත්ථ, නො ච තෙසං තත්ථ ඝානායතනං නිරුජ්ඣති. සඝානකානං චවන්තානං තෙසං තත්ථ ධම්මායතනඤ්ච නිරුජ්ඣිත්ථ ඝානායතනඤ්ච නිරුජ්ඣති. (ඝානායතනමූලකං)

158. (ක) යස්ස යත්ථ රූපායතනං නිරුජ්ඣති තස්ස තත්ථ මනායතනං නිරුජ්ඣිත්ථාති?

සුද්ධාවාසෙ පරිනිබ්බන්තානං අසඤ්ඤසත්තා චවන්තානං තෙසං තත්ථ රූපායතනං නිරුජ්ඣති, නො ච තෙසං තත්ථ මනායතනං නිරුජ්ඣිත්ථ. ඉතරෙසං පඤ්චවොකාරා චවන්තානං තෙසං තත්ථ රූපායතනඤ්ච නිරුජ්ඣති මනායතනඤ්ච නිරුජ්ඣිත්ථ.

(ඛ) යස්ස වා පන යත්ථ මනායතනං නිරුජ්ඣිත්ථ තස්ස තත්ථ රූපායතනං නිරුජ්ඣතීති?

පඤ්චවොකාරං උපපජ්ජන්තානං අරූපානං තෙසං තත්ථ මනායතනං නිරුජ්ඣිත්ථ, නො ච තෙසං තත්ථ රූපායතනං නිරුජ්ඣති. පඤ්චවොකාරා චවන්තානං තෙසං තත්ථ මනායතනඤ්ච නිරුජ්ඣිත්ථ රූපායතනඤ්ච නිරුජ්ඣති.

(ක) යස්ස යත්ථ රූපායතනං නිරුජ්ඣති තස්ස තත්ථ ධම්මායතනං නිරුජ්ඣිත්ථාති?

සුද්ධාවාසෙ පරිනිබ්බන්තානං තෙසං තත්ථ රූපායතනං නිරුජ්ඣති, නො ච තෙසං තත්ථ ධම්මායතනං නිරුජ්ඣිත්ථ. ඉතරෙසං සරූපකානං චවන්තානං තෙසං තත්ථ රූපායතනඤ්ච නිරුජ්ඣති ධම්මායතනඤ්ච නිරුජ්ඣිත්ථ.

(ඛ) යස්ස වා පන යත්ථ ධම්මායතනං නිරුජ්ඣිත්ථ තස්ස තත්ථ රූපායතනං නිරුජ්ඣතීති?

සබ්බෙසං උපපජ්ජන්තානං අරූපකානං චවන්තානං තෙසං තත්ථ ධම්මායතනං නිරුජ්ඣිත්ථ, නො ච තෙසං තත්ථ රූපායතනං නිරුජ්ඣති. සරූපකානං චවන්තානං තෙසං තත්ථ ධම්මායතනඤ්ච නිරුජ්ඣිත්ථ රූපායතනඤ්ච නිරුජ්ඣති. (රූපායතනමූලකං)

159. (ක) යස්ස යත්ථ මනායතනං නිරුජ්ඣති තස්ස තත්ථ ධම්මායතනං නිරුජ්ඣිත්ථාති?

සුද්ධාවාසෙ පරිනිබ්බන්තානං තෙසං තත්ථ මනායතනං නිරුජ්ඣති, නො ච තෙසං තත්ථ ධම්මායතනං නිරුජ්ඣිත්ථ. ඉතරෙසං සචිත්තකානං චවන්තානං තෙසං තත්ථ මනායතනඤ්ච නිරුජ්ඣති ධම්මායතනඤ්ච නිරුජ්ඣිත්ථ.

(ඛ) යස්ස වා පන යත්ථ ධම්මායතනං නිරුජ්ඣිත්ථ තස්ස තත්ථ මනායතනං නිරුජ්ඣතීති?

සබ්බෙසං උපපජ්ජන්තානං අචිත්තකානං චවන්තානං තෙසං තත්ථ ධම්මායතනං නිරුජ්ඣිත්ථ, නො ච තෙසං තත්ථ මනායතනං නිරුජ්ඣති. සචිත්තකානං චවන්තානං තෙසං තත්ථ ධම්මායතනඤ්ච නිරුජ්ඣිත්ථ මනායතනඤ්ච නිරුජ්ඣති.

(ඝ) පච්චනීකපුග්ගලො

160. (ක) යස්ස [Pg.148] චක්ඛායතනං න නිරුජ්ඣති තස්ස සොතායතනං න නිරුජ්ඣිත්ථාති? නිරුජ්ඣිත්ථ.

(ඛ) යස්ස වා පන සොතායතනං න නිරුජ්ඣිත්ථ තස්ස චක්ඛායතනං න නිරුජ්ඣතීති? නත්ථි.

යස්ස චක්ඛායතනං…පෙ… ඝානායතනං…පෙ… රූපායතනං…පෙ… මනායතනං න නිරුජ්ඣති තස්ස ධම්මායතනං න නිරුජ්ඣිත්ථාති? නිරුජ්ඣිත්ථ.

යස්ස වා පන ධම්මායතනං න නිරුජ්ඣිත්ථ තස්ස මනායතනං න නිරුජ්ඣතීති? නත්ථි.

(ඞ) පච්චනීකඔකාසො

161. යත්ථ චක්ඛායතනං න නිරුජ්ඣති…පෙ….

(ච) පච්චනීකපුග්ගලොකාසා

162. (ක) යස්ස යත්ථ චක්ඛායතනං න නිරුජ්ඣති තස්ස තත්ථ සොතායතනං න නිරුජ්ඣිත්ථාති?

පඤ්චවොකාරං උපපජ්ජන්තානං අචක්ඛුකානං කාමාවචරා චවන්තානං තෙසං තත්ථ චක්ඛායතනං න නිරුජ්ඣති, නො ච තෙසං තත්ථ සොතායතනං න නිරුජ්ඣිත්ථ. සුද්ධාවාසං උපපජ්ජන්තානං අසඤ්ඤසත්තානං අරූපානං තෙසං තත්ථ චක්ඛායතනඤ්ච න නිරුජ්ඣති සොතායතනඤ්ච න නිරුජ්ඣිත්ථ.

(ඛ) යස්ස වා පන යත්ථ සොතායතනං න නිරුජ්ඣිත්ථ තස්ස තත්ථ චක්ඛායතනං න නිරුජ්ඣතීති?

සුද්ධාවාසෙ පරිනිබ්බන්තානං තෙසං තත්ථ සොතායතනං න නිරුජ්ඣිත්ථ, නො ච තෙසං තත්ථ චක්ඛායතනං න නිරුජ්ඣති. සුද්ධාවාසං උපපජ්ජන්තානං අසඤ්ඤසත්තානං අරූපානං තෙසං තත්ථ සොතායතනඤ්ච න නිරුජ්ඣිත්ථ චක්ඛායතනඤ්ච න නිරුජ්ඣති.

(ක) යස්ස යත්ථ චක්ඛායතනං න නිරුජ්ඣති තස්ස තත්ථ ඝානායතනං න නිරුජ්ඣිත්ථාති?

කාමාවචරං උපපජ්ජන්තානං අචක්ඛුකානං කාමාවචරා චවන්තානං තෙසං තත්ථ චක්ඛායතනං න නිරුජ්ඣති, නො ච තෙසං තත්ථ ඝානායතනං න නිරුජ්ඣිත්ථ. රූපාවචරං උපපජ්ජන්තානං අසඤ්ඤසත්තානං අරූපානං තෙසං තත්ථ චක්ඛායතනඤ්ච න නිරුජ්ඣති ඝානායතනඤ්ච න නිරුජ්ඣිත්ථ.

(ඛ) යස්ස වා පන යත්ථ ඝානායතනං න නිරුජ්ඣිත්ථ තස්ස තත්ථ චක්ඛායතනං න නිරුජ්ඣතීති?

රූපාවචරා චවන්තානං තෙසං තත්ථ ඝානායතනං න නිරුජ්ඣිත්ථ, නො ච තෙසං තත්ථ චක්ඛායතනං න නිරුජ්ඣති. රූපාවචරං උපපජ්ජන්තානං අසඤ්ඤසත්තානං [Pg.149] අරූපානං තෙසං තත්ථ ඝානායතනඤ්ච න නිරුජ්ඣිත්ථ චක්ඛායතනඤ්ච න නිරුජ්ඣති.

(ක) යස්ස යත්ථ චක්ඛායතනං න නිරුජ්ඣති තස්ස තත්ථ රූපායතනං න නිරුජ්ඣිත්ථාති?

පඤ්චවොකාරං උපපජ්ජන්තානං අචක්ඛුකානං කාමාවචරා චවන්තානං අසඤ්ඤසත්තානං තෙසං තත්ථ චක්ඛායතනං න නිරුජ්ඣති, නො ච තෙසං තත්ථ රූපායතනං න නිරුජ්ඣිත්ථ. සුද්ධාවාසං උපපජ්ජන්තානං අරූපානං තෙසං තත්ථ චක්ඛායතනඤ්ච න නිරුජ්ඣති රූපායතනඤ්ච න නිරුජ්ඣිත්ථ.

(ඛ) යස්ස වා පන යත්ථ රූපායතනං න නිරුජ්ඣිත්ථ තස්ස තත්ථ චක්ඛායතනං න නිරුජ්ඣතීති?

සුද්ධාවාසෙ පරිනිබ්බන්තානං තෙසං තත්ථ රූපායතනං න නිරුජ්ඣිත්ථ, නො ච තෙසං තත්ථ චක්ඛායතනං න නිරුජ්ඣති. සුද්ධාවාසං උපපජ්ජන්තානං අරූපානං තෙසං තත්ථ රූපායතනඤ්ච න නිරුජ්ඣිත්ථ චක්ඛායතනඤ්ච න නිරුජ්ඣති.

(ක) යස්ස යත්ථ චක්ඛායතනං න නිරුජ්ඣති තස්ස තත්ථ මනායතනං න නිරුජ්ඣිත්ථාති?

පඤ්චවොකාරං උපපජ්ජන්තානං අචක්ඛුකානං කාමාවචරා චවන්තානං අරූපානං තෙසං තත්ථ චක්ඛායතනං න නිරුජ්ඣති, නො ච තෙසං තත්ථ මනායතනං න නිරුජ්ඣිත්ථ. සුද්ධාවාසං උපපජ්ජන්තානං අසඤ්ඤසත්තානං තෙසං තත්ථ චක්ඛායතනඤ්ච න නිරුජ්ඣති මනායතනඤ්ච න නිරුජ්ඣිත්ථ.

(ඛ) යස්ස වා පන යත්ථ මනායතනං න නිරුජ්ඣිත්ථ තස්ස තත්ථ චක්ඛායතනං න නිරුජ්ඣතීති?

සුද්ධාවාසෙ පරිනිබ්බන්තානං තෙසං තත්ථ මනායතනං න නිරුජ්ඣිත්ථ, නො ච තෙසං තත්ථ චක්ඛායතනං න නිරුජ්ඣති. සුද්ධාවාසං උපපජ්ජන්තානං අසඤ්ඤසත්තානං තෙසං තත්ථ මනායතනඤ්ච න නිරුජ්ඣිත්ථ චක්ඛායතනඤ්ච න නිරුජ්ඣති.

(ක) යස්ස යත්ථ චක්ඛායතනං න නිරුජ්ඣති තස්ස තත්ථ ධම්මායතනං න නිරුජ්ඣිත්ථාති?

සබ්බෙසං උපපජ්ජන්තානං අචක්ඛුකානං චවන්තානං තෙසං තත්ථ චක්ඛායතනං න නිරුජ්ඣති, නො ච තෙසං තත්ථ ධම්මායතනං න නිරුජ්ඣිත්ථ. සුද්ධාවාසං උපපජ්ජන්තානං තෙසං තත්ථ චක්ඛායතනඤ්ච න නිරුජ්ඣති ධම්මායතනඤ්ච න නිරුජ්ඣිත්ථ.

(ඛ) යස්ස වා පන යත්ථ ධම්මායතනං න නිරුජ්ඣිත්ථ තස්ස තත්ථ චක්ඛායතනං න නිරුජ්ඣතීති?

සුද්ධාවාසෙ පරිනිබ්බන්තානං තෙසං තත්ථ ධම්මායතනං න නිරුජ්ඣිත්ථ, නො ච තෙසං තත්ථ චක්ඛායතනං න නිරුජ්ඣති. සුද්ධාවාසං උපපජ්ජන්තානං තෙසං තත්ථ ධම්මායතනඤ්ච න නිරුජ්ඣිත්ථ චක්ඛායතනඤ්ච න නිරුජ්ඣති. (චක්ඛායතනමූලකං)

163. (ක) යස්ස [Pg.150] යත්ථ ඝානායතනං න නිරුජ්ඣති තස්ස තත්ථ රූපායතනං න නිරුජ්ඣිත්ථාති?

කාමාවචරං උපපජ්ජන්තානං අඝානකානං කාමාවචරා චවන්තානං රූපාවචරානං තෙසං තත්ථ ඝානායතනං න නිරුජ්ඣති, නො ච තෙසං තත්ථ රූපායතනං න නිරුජ්ඣිත්ථ. සුද්ධාවාසානං අරූපානං තෙසං තත්ථ ඝානායතනඤ්ච න නිරුජ්ඣති රූපායතනඤ්ච න නිරුජ්ඣිත්ථ.

(ඛ) යස්ස වා පන යත්ථ රූපායතනං න නිරුජ්ඣිත්ථ තස්ස තත්ථ ඝානායතනං න නිරුජ්ඣතීති? ආමන්තා.

(ක) යස්ස යත්ථ ඝානායතනං න නිරුජ්ඣති තස්ස තත්ථ මනායතනං න නිරුජ්ඣිත්ථාති?

කාමාවචරං උපපජ්ජන්තානං අඝානකානං කාමාවචරා චවන්තානං රූපාවචරානං අරූපාවචරානං තෙසං තත්ථ ඝානායතනං න නිරුජ්ඣති, නො ච තෙසං තත්ථ මනායතනං න නිරුජ්ඣිත්ථ. සුද්ධාවාසානං අසඤ්ඤසත්තානං තෙසං තත්ථ ඝානායතනඤ්ච න නිරුජ්ඣති මනායතනඤ්ච න නිරුජ්ඣිත්ථ.

(ඛ) යස්ස වා පන යත්ථ මනායතනං න නිරුජ්ඣිත්ථ තස්ස තත්ථ ඝානායතනං න නිරුජ්ඣතීති? ආමන්තා.

(ක) යස්ස යත්ථ ඝානායතනං න නිරුජ්ඣති තස්ස තත්ථ ධම්මායතනං න නිරුජ්ඣිත්ථාති?

සබ්බෙසං උපපජ්ජන්තානං අඝානකානං චවන්තානං තෙසං තත්ථ ඝානායතනං න නිරුජ්ඣති, නො ච තෙසං තත්ථ ධම්මායතනං න නිරුජ්ඣිත්ථ. සුද්ධාවාසානං තෙසං තත්ථ ඝානායතනඤ්ච න නිරුජ්ඣති ධම්මායතනඤ්ච න නිරුජ්ඣිත්ථ.

(ඛ) යස්ස වා පන යත්ථ ධම්මායතනං න නිරුජ්ඣිත්ථ තස්ස තත්ථ ඝානායතනං න නිරුජ්ඣතීති? ආමන්තා. (ඝානායතනමූලකං)

164. (ක) යස්ස යත්ථ රූපායතනං න නිරුජ්ඣති තස්ස තත්ථ මනායතනං න නිරුජ්ඣිත්ථාති?

පඤ්චවොකාරං උපපජ්ජන්තානං අරූපානං තෙසං තත්ථ රූපායතනං න නිරුජ්ඣති, නො ච තෙසං තත්ථ මනායතනං න නිරුජ්ඣිත්ථ. සුද්ධාවාසං උපපජ්ජන්තානං අසඤ්ඤසත්තං උපපජ්ජන්තානං තෙසං තත්ථ රූපායතනඤ්ච න නිරුජ්ඣති මනායතනඤ්ච න නිරුජ්ඣිත්ථ.

(ඛ) යස්ස වා පන යත්ථ මනායතනං න නිරුජ්ඣිත්ථ තස්ස තත්ථ රූපායතනං න නිරුජ්ඣතීති?

සුද්ධාවාසෙ පරිනිබ්බන්තානං අසඤ්ඤසත්තා චවන්තානං තෙසං තත්ථ මනායතනං න නිරුජ්ඣිත්ථ, නො ච තෙසං තත්ථ රූපායතනං න නිරුජ්ඣති. සුද්ධාවාසං උපපජ්ජන්තානං අසඤ්ඤසත්තං උපපජ්ජන්තානං තෙසං තත්ථ මනායතනඤ්ච න නිරුජ්ඣිත්ථ රූපායතනඤ්ච න නිරුජ්ඣති.

(ක) යස්ස යත්ථ රූපායතනං න නිරුජ්ඣති තස්ස තත්ථ ධම්මායතනං න නිරුජ්ඣිත්ථාති?

සබ්බෙසං උපපජ්ජන්තානං අරූපකානං චවන්තානං තෙසං තත්ථ රූපායතනං [Pg.151] න නිරුජ්ඣති, නො ච තෙසං තත්ථ ධම්මායතනං න නිරුජ්ඣිත්ථ. සුද්ධාවාසං උපපජ්ජන්තානං තෙසං තත්ථ රූපායතනඤ්ච න නිරුජ්ඣති ධම්මායතනඤ්ච න නිරුජ්ඣිත්ථ.

(ඛ) යස්ස වා පන යත්ථ ධම්මායතනං න නිරුජ්ඣිත්ථ තස්ස තත්ථ රූපායතනං න නිරුජ්ඣතීති?

සුද්ධාවාසෙ පරිනිබ්බන්තානං තෙසං තත්ථ ධම්මායතනං න නිරුජ්ඣිත්ථ, නො ච තෙසං තත්ථ රූපායතනං න නිරුජ්ඣති. සුද්ධාවාසං උපපජ්ජන්තානං තෙසං තත්ථ ධම්මායතනඤ්ච න නිරුජ්ඣිත්ථ රූපායතනඤ්ච න නිරුජ්ඣති.

165. (ක) යස්ස යත්ථ මනායතනං න නිරුජ්ඣති තස්ස තත්ථ ධම්මායතනං න නිරුජ්ඣිත්ථාති?

සබ්බෙසං උපපජ්ජන්තානං අචිත්තකානං චවන්තානං තෙසං තත්ථ මනායතනං න නිරුජ්ඣති, නො ච තෙසං තත්ථ ධම්මායතනං න නිරුජ්ඣිත්ථ. සුද්ධාවාසං උපපජ්ජන්තානං තෙසං තත්ථ මනායතනඤ්ච න නිරුජ්ඣති ධම්මායතනඤ්ච න නිරුජ්ඣිත්ථ.

(ඛ) යස්ස වා පන යත්ථ ධම්මායතනං න නිරුජ්ඣිත්ථ තස්ස තත්ථ මනායතනං න නිරුජ්ඣතීති?

සුද්ධාවාසෙ පරිනිබ්බන්තානං තෙසං තත්ථ ධම්මායතනං න නිරුජ්ඣිත්ථ, නො ච තෙසං තත්ථ මනායතනං න නිරුජ්ඣති. සුද්ධාවාසං උපපජ්ජන්තානං තෙසං තත්ථ ධම්මායතනඤ්ච න නිරුජ්ඣිත්ථ මනායතනඤ්ච න නිරුජ්ඣති.

(5) පච්චුප්පන්නානාගතවාරො

(ක) අනුලොමපුග්ගලො

166. (ක) යස්ස චක්ඛායතනං නිරුජ්ඣති තස්ස සොතායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනං නිරුජ්ඣති, නො ච තෙසං සොතායතනං නිරුජ්ඣිස්සති. ඉතරෙසං සචක්ඛුකානං චවන්තානං තෙසං චක්ඛායතනඤ්ච නිරුජ්ඣති සොතායතනඤ්ච නිරුජ්ඣිස්සති.

(ඛ) යස්ස වා පන සොතායතනං නිරුජ්ඣිස්සති තස්ස චක්ඛායතනං නිරුජ්ඣතීති?

සබ්බෙසං උපපජ්ජන්තානං අචක්ඛුකානං චවන්තානං තෙසං සොතායතනං නිරුජ්ඣිස්සති, නො ච තෙසං චක්ඛායතනං නිරුජ්ඣති. සචක්ඛුකානං චවන්තානං තෙසං සොතායතනඤ්ච නිරුජ්ඣිස්සති චක්ඛායතනඤ්ච නිරුජ්ඣති.

(ක) යස්ස චක්ඛායතනං නිරුජ්ඣති තස්ස ඝානායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනං නිරුජ්ඣති, නො ච තෙසං [Pg.152] ඝානායතනං නිරුජ්ඣිස්සති. ඉතරෙසං සචක්ඛුකානං චවන්තානං තෙසං චක්ඛායතනඤ්ච නිරුජ්ඣති ඝානායතනඤ්ච නිරුජ්ඣිස්සති.

(ඛ) යස්ස වා පන ඝානායතනං…පෙ….

(ක) යස්ස චක්ඛායතනං නිරුජ්ඣති තස්ස රූපායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනං නිරුජ්ඣති, නො ච තෙසං රූපායතනං නිරුජ්ඣිස්සති. ඉතරෙසං සචක්ඛුකානං චවන්තානං තෙසං චක්ඛායතනඤ්ච නිරුජ්ඣති රූපායතනඤ්ච නිරුජ්ඣිස්සති.

(ඛ) යස්ස වා පන රූපායතනං…පෙ….

යස්ස චක්ඛායතනං නිරුජ්ඣති තස්ස මනායතනං…පෙ… ධම්මායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං තෙසං චක්ඛායතනං නිරුජ්ඣති, නො ච තෙසං ධම්මායතනං නිරුජ්ඣිස්සති. ඉතරෙසං සචක්ඛුකානං චවන්තානං තෙසං චක්ඛායතනඤ්ච නිරුජ්ඣති ධම්මායතනඤ්ච නිරුජ්ඣිස්සති.

යස්ස වා පන ධම්මායතනං නිරුජ්ඣිස්සති තස්ස චක්ඛායතනං නිරුජ්ඣතීති?

සබ්බෙසං උපපජ්ජන්තානං අචක්ඛුකානං චවන්තානං තෙසං…පෙ… සචක්ඛුකානං චවන්තානං තෙසං…පෙ….

167. (ක) යස්ස ඝානායතනං නිරුජ්ඣති තස්ස රූපායතනං නිරුජ්ඣිස්සතීති?

කාමාවචරෙ පරිනිබ්බන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ඝානායතනං නිරුජ්ඣති, නො ච තෙසං රූපායතනං නිරුජ්ඣිස්සති. ඉතරෙසං සඝානකානං චවන්තානං තෙසං ඝානායතනඤ්ච නිරුජ්ඣති රූපායතනඤ්ච නිරුජ්ඣිස්සති.

(ඛ) යස්ස වා පන රූපායතනං නිරුජ්ඣිස්සති තස්ස ඝානායතනං නිරුජ්ඣතීති?

සබ්බෙසං උපපජ්ජන්තානං අඝානකානං චවන්තානං තෙසං රූපායතනං නිරුජ්ඣිස්සති, නො ච තෙසං ඝානායතනං නිරුජ්ඣති. සඝානකානං චවන්තානං තෙසං රූපායතනඤ්ච නිරුජ්ඣිස්සති ඝානායතනඤ්ච නිරුජ්ඣති.

යස්ස ඝානායතනං නිරුජ්ඣති තස්ස මනායතනං…පෙ… ධම්මායතනං නිරුජ්ඣිස්සතීති?

කාමාවචරෙ පරිනිබ්බන්තානං තෙසං ඝානායතනං නිරුජ්ඣති, නො ච තෙසං ධම්මායතනං නිරුජ්ඣිස්සති. ඉතරෙසං සඝානකානං චවන්තානං තෙසං ඝානායතනඤ්ච නිරුජ්ඣති ධම්මායතනඤ්ච නිරුජ්ඣිස්සති.

යස්ස වා පන ධම්මායතනං…පෙ….

168. යස්ස [Pg.153] රූපායතනං නිරුජ්ඣති තස්ස මනායතනං…පෙ… ධම්මායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං තෙසං රූපායතනං නිරුජ්ඣති, නො ච තෙසං ධම්මායතනං නිරුජ්ඣිස්සති. ඉතරෙසං සරූපකානං චවන්තානං තෙසං රූපායතනඤ්ච නිරුජ්ඣති ධම්මායතනඤ්ච නිරුජ්ඣිස්සති.

යස්ස වා පන ධම්මායතනං නිරුජ්ඣිස්සති තස්ස රූපායතනං නිරුජ්ඣතීති?

සබ්බෙසං උපපජ්ජන්තානං අරූපකානං චවන්තානං තෙසං ධම්මායතනං නිරුජ්ඣිස්සති, නො ච තෙසං රූපායතනං නිරුජ්ඣති. සරූපකානං චවන්තානං තෙසං ධම්මායතනඤ්ච නිරුජ්ඣිස්සති රූපායතනඤ්ච නිරුජ්ඣති.

169. (ක) යස්ස මනායතනං නිරුජ්ඣති තස්ස ධම්මායතනං නිරුජ්ඣිස්සතීති?

පරිනිබ්බන්තානං තෙසං මනායතනං නිරුජ්ඣති, නො ච තෙසං ධම්මායතනං නිරුජ්ඣිස්සති. ඉතරෙසං සචිත්තකානං චවන්තානං තෙසං මනායතනඤ්ච නිරුජ්ඣති ධම්මායතනඤ්ච නිරුජ්ඣිස්සති.

(ඛ) යස්ස වා පන ධම්මායතනං නිරුජ්ඣිස්සති තස්ස මනායතනං නිරුජ්ඣතීති?

සබ්බෙසං උපපජ්ජන්තානං අචිත්තකානං චවන්තානං තෙසං ධම්මායතනං නිරුජ්ඣිස්සති, නො ච තෙසං මනායතනං නිරුජ්ඣති. සචිත්තකානං චවන්තානං තෙසං ධම්මායතනඤ්ච නිරුජ්ඣිස්සති මනායතනඤ්ච නිරුජ්ඣති.

(ඛ) අනුලොමඔකාසො

170. යත්ථ චක්ඛායතනං නිරුජ්ඣති…පෙ….

(ග) අනුලොමපුග්ගලොකාසා

171. (ක) යස්ස යත්ථ චක්ඛායතනං නිරුජ්ඣති තස්ස තත්ථ සොතායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං තෙසං තත්ථ චක්ඛායතනං නිරුජ්ඣති, නො ච තෙසං තත්ථ සොතායතනං නිරුජ්ඣිස්සති. ඉතරෙසං සචක්ඛුකානං චවන්තානං තෙසං තත්ථ චක්ඛායතනඤ්ච නිරුජ්ඣති සොතායතනඤ්ච නිරුජ්ඣිස්සති.

(ඛ) යස්ස වා පන යත්ථ සොතායතනං නිරුජ්ඣිස්සති තස්ස තත්ථ චක්ඛායතනං නිරුජ්ඣතීති?

පඤ්චවොකාරං උපපජ්ජන්තානං අචක්ඛුකානං කාමාවචරා චවන්තානං තෙසං තත්ථ සොතායතනං නිරුජ්ඣිස්සති, නො ච තෙසං තත්ථ චක්ඛායතනං නිරුජ්ඣති. සචක්ඛුකානං චවන්තානං තෙසං තත්ථ සොතායතනඤ්ච නිරුජ්ඣිස්සති චක්ඛායතනඤ්ච නිරුජ්ඣති.

(ක) යස්ස යත්ථ චක්ඛායතනං නිරුජ්ඣති තස්ස තත්ථ ඝානායතනං නිරුජ්ඣිස්සතීති?

කාමාවචරෙ පරිනිබ්බන්තානං රූපාවචරා චවන්තානං තෙසං තත්ථ චක්ඛායතනං [Pg.154] නිරුජ්ඣති, නො ච තෙසං තත්ථ ඝානායතනං නිරුජ්ඣිස්සති. ඉතරෙසං සචක්ඛුකානං කාමාවචරා චවන්තානං තෙසං තත්ථ චක්ඛායතනඤ්ච නිරුජ්ඣති ඝානායතනඤ්ච නිරුජ්ඣිස්සති.

(ඛ) යස්ස වා පන යත්ථ ඝානායතනං…පෙ… (යථා පච්චුප්පන්නාතීතෙපි තිවිධං විත්ථාරිතං එවං ඉදම්පි විත්ථාරෙතබ්බං).

(ක) යස්ස යත්ථ චක්ඛායතනං නිරුජ්ඣති තස්ස තත්ථ රූපායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං තෙසං තත්ථ චක්ඛායතනං නිරුජ්ඣති, නො ච තෙසං තත්ථ රූපායතනං නිරුජ්ඣිස්සති. ඉතරෙසං සචක්ඛුකානං චවන්තානං තෙසං තත්ථ චක්ඛායතනඤ්ච නිරුජ්ඣති රූපායතනඤ්ච නිරුජ්ඣිස්සති.

(ඛ) යස්ස වා පන යත්ථ රූපායතනං…පෙ….

(ක) යස්ස යත්ථ චක්ඛායතනං නිරුජ්ඣති තස්ස තත්ථ මනායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං තෙසං තත්ථ චක්ඛායතනං නිරුජ්ඣති, නො ච තෙසං තත්ථ මනායතනං නිරුජ්ඣිස්සති. ඉතරෙසං සචක්ඛුකානං චවන්තානං තෙසං තත්ථ චක්ඛායතනඤ්ච නිරුජ්ඣති මනායතනඤ්ච නිරුජ්ඣිස්සති.

(ඛ) යස්ස වා පන යත්ථ මනායතනං…පෙ….

(ක) යස්ස යත්ථ චක්ඛායතනං නිරුජ්ඣති තස්ස තත්ථ ධම්මායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං තෙසං තත්ථ චක්ඛායතනං නිරුජ්ඣති, නො ච තෙසං තත්ථ ධම්මායතනං නිරුජ්ඣිස්සති. ඉතරෙසං සචක්ඛුකානං චවන්තානං තෙසං තත්ථ චක්ඛායතනඤ්ච නිරුජ්ඣති ධම්මායතනඤ්ච නිරුජ්ඣිස්සති.

(ඛ) යස්ස වා පන යත්ථ ධම්මායතනං නිරුජ්ඣිස්සති තස්ස තත්ථ චක්ඛායතනං නිරුජ්ඣතීති?

සබ්බෙසං උපපජ්ජන්තානං අචක්ඛුකානං චවන්තානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ චක්ඛායතනං නිරුජ්ඣති. සචක්ඛුකානං චවන්තානං තෙසං තත්ථ ධම්මායතනඤ්ච නිරුජ්ඣිස්සති චක්ඛායතනඤ්ච නිරුජ්ඣති. (චක්ඛායතනමූලකං)

172. (ක) යස්ස යත්ථ ඝානායතනං නිරුජ්ඣති තස්ස තත්ථ රූපායතනං නිරුජ්ඣිස්සතීති?

කාමාවචරෙ පරිනිබ්බන්තානං තෙසං තත්ථ ඝානායතනං නිරුජ්ඣති, නො ච තෙසං තත්ථ රූපායතනං නිරුජ්ඣිස්සති. ඉතරෙසං සඝානකානං චවන්තානං තෙසං තත්ථ ඝානායතනඤ්ච නිරුජ්ඣති රූපායතනඤ්ච නිරුජ්ඣිස්සති.

(ඛ) යස්ස වා පන යත්ථ රූපායතනං නිරුජ්ඣිස්සති තස්ස තත්ථ ඝානායතනං නිරුජ්ඣතීති? කාමාවචරෙ පරිනිබ්බාන්තානං තෙසං තත්ථ…පෙ….

කාමාවචරං [Pg.155] උපපජ්ජන්තානං අඝානකානං කාමාවචරා චවන්තානං රූපාවචරානං තෙසං තත්ථ…පෙ….

යස්ස යත්ථ ඝානායතනං නිරුජ්ඣති තස්ස තත්ථ මනායතනං…පෙ… ධම්මායතනං නිරුජ්ඣිස්සතීති?

කාමාවචරෙ පරිනිබ්බන්තානං තෙසං තත්ථ ඝානායතනං නිරුජ්ඣති, නො ච තෙසං තත්ථ ධම්මායතනං නිරුජ්ඣිස්සති. ඉතරෙසං සඝානකානං චවන්තානං තෙසං තත්ථ ඝානායතනඤ්ච නිරුජ්ඣති ධම්මායතනඤ්ච නිරුජ්ඣිස්සති.

යස්ස වා පන යත්ථ ධම්මායතනං…පෙ….

173. (ක) යස්ස යත්ථ රූපායතනං නිරුජ්ඣති තස්ස තත්ථ මනායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං අසඤ්ඤසත්තා චවන්තානං තෙසං තත්ථ රූපායතනං නිරුජ්ඣති, නො ච තෙසං තත්ථ මනායතනං නිරුජ්ඣිස්සති. ඉතරෙසං පඤ්චවොකාරා චවන්තානං තෙසං තත්ථ රූපායතනඤ්ච නිරුජ්ඣති මනායතනඤ්ච නිරුජ්ඣිස්සති.

(ඛ) යස්ස වා පන යත්ථ මනායතනං…පෙ….

(ක) යස්ස යත්ථ රූපායතනං නිරුජ්ඣති තස්ස තත්ථ ධම්මායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං තෙසං තත්ථ රූපායතනං නිරුජ්ඣති, නො ච තෙසං තත්ථ ධම්මායතනං නිරුජ්ඣිස්සති. ඉතරෙසං සරූපකානං චවන්තානං තෙසං තත්ථ රූපායතනඤ්ච නිරුජ්ඣති ධම්මායතනඤ්ච නිරුජ්ඣිස්සති.

(ඛ) යස්ස වා පන යත්ථ ධම්මායතනං නිරුජ්ඣිස්සති තස්ස තත්ථ රූපායතනං නිරුජ්ඣතීති?

සබ්බෙසං උපපජ්ජන්තානං අරූපකානං චවන්තානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ රූපායතනං නිරුජ්ඣති. සරූපකානං චවන්තානං තෙසං තත්ථ ධම්මායතනඤ්ච නිරුජ්ඣිස්සති රූපායතනඤ්ච නිරුජ්ඣති.

174. (ක) යස්ස යත්ථ මනායතනං නිරුජ්ඣති තස්ස තත්ථ ධම්මායතනං නිරුජ්ඣිස්සතීති?

පරිනිබ්බන්තානං තෙසං තත්ථ මනායතනං නිරුජ්ඣති, නො ච තෙසං තත්ථ ධම්මායතනං නිරුජ්ඣිස්සති. ඉතරෙසං සචිත්තකානං චවන්තානං තෙසං තත්ථ මනායතනඤ්ච නිරුජ්ඣති ධම්මායතනඤ්ච නිරුජ්ඣිස්සති.

(ඛ) යස්ස වා පන යත්ථ ධම්මායතනං නිරුජ්ඣිස්සති තස්ස තත්ථ මනායතනං නිරුජ්ඣතීති?

සබ්බෙසං උපපජ්ජන්තානං අචිත්තකානං චවන්තානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ මනායතනං නිරුජ්ඣති. සචිත්තකානං චවන්තානං තෙසං තත්ථ ධම්මායතනඤ්ච නිරුජ්ඣිස්සති මනායතනඤ්ච නිරුජ්ඣති.

(ඝ) පච්චනීකපුග්ගලො

175. (ක) යස්ස [Pg.156] චක්ඛායතනං න නිරුජ්ඣති තස්ස සොතායතනං න නිරුජ්ඣිස්සතීති?

සබ්බෙසං උපපජ්ජන්තානං අචක්ඛුකානං චවන්තානං තෙසං චක්ඛායතනං න නිරුජ්ඣති, නො ච තෙසං සොතායතනං න නිරුජ්ඣිස්සති. අරූපෙ පච්ඡිමභවිකානං තෙසං චක්ඛායතනඤ්ච න නිරුජ්ඣති සොතායතනඤ්ච න නිරුජ්ඣිස්සති.

(ඛ) යස්ස වා පන සොතායතනං න නිරුජ්ඣිස්සති තස්ස චක්ඛායතනං න නිරුජ්ඣතීති?

පඤ්චවොකාරෙ පරිනිබ්බන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං සොතායතනං න නිරුජ්ඣිස්සති, නො ච තෙසං චක්ඛායතනං න නිරුජ්ඣති. අරූපෙ පච්ඡිමභවිකානං තෙසං සොතායතනඤ්ච න නිරුජ්ඣිස්සති චක්ඛායතනඤ්ච න නිරුජ්ඣති.

(ක) යස්ස චක්ඛායතනං න නිරුජ්ඣති තස්ස ඝානායතනං න නිරුජ්ඣිස්සතීති?

සබ්බෙසං උපපජ්ජන්තානං අචක්ඛුකානං චවන්තානං තෙසං චක්ඛායතනං න නිරුජ්ඣති, නො ච තෙසං ඝානායතනං න නිරුජ්ඣිස්සති. පච්ඡිමභවිකානං රූපාවචරං උපපජ්ජන්තානං අරූපෙ පච්ඡිමභවිකානං තෙසං චක්ඛායතනඤ්ච න නිරුජ්ඣති ඝානායතනඤ්ච න නිරුජ්ඣිස්සති.

(ඛ) යස්ස වා පන ඝානායතනං න නිරුජ්ඣිස්සති තස්ස චක්ඛායතනං න නිරුජ්ඣතීති?

පඤ්චවොකාරෙ පරිනිබ්බන්තානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ඝානායතනං න නිරුජ්ඣිස්සති, නො ච තෙසං චක්ඛායතනං න නිරුජ්ඣති. පච්ඡිමභවිකානං රූපාවචරං උපපජ්ජන්තානං අරූපෙ පච්ඡිමභවිකානං තෙසං ඝානායතනඤ්ච න නිරුජ්ඣිස්සති චක්ඛායතනඤ්ච න නිරුජ්ඣති.

(ක) යස්ස චක්ඛායතනං න නිරුජ්ඣති තස්ස රූපායතනං න නිරුජ්ඣිස්සතීති?

සබ්බෙසං උපපජ්ජන්තානං අචක්ඛුකානං චවන්තානං තෙසං චක්ඛායතනං න නිරුජ්ඣති, නො ච තෙසං රූපායතනං න නිරුජ්ඣිස්සති. අරූපෙ පච්ඡිමභවිකානං තෙසං චක්ඛායතනඤ්ච න නිරුජ්ඣති රූපායතනඤ්ච න නිරුජ්ඣිස්සති.

(ඛ) යස්ස වා පන රූපායතනං න නිරුජ්ඣිස්සති තස්ස චක්ඛායතනං න නිරුජ්ඣතීති?

පඤ්චවොකාරෙ පරිනිබ්බන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං රූපායතනං න නිරුජ්ඣිස්සති, නො ච තෙසං චක්ඛායතනං න නිරුජ්ඣති. අරූපෙ පච්ඡිමභවිකානං තෙසං රූපායතනඤ්ච න නිරුජ්ඣිස්සති චක්ඛායතනඤ්ච න නිරුජ්ඣති.

යස්ස චක්ඛායතනං න නිරුජ්ඣති තස්ස මනායතනං…පෙ… ධම්මායතනං න නිරුජ්ඣිස්සතීති?

සබ්බෙසං උපපජ්ජන්තානං අචක්ඛුකානං චවන්තානං තෙසං චක්ඛායතනං [Pg.157] න නිරුජ්ඣති, නො ච තෙසං ධම්මායතනං න නිරුජ්ඣිස්සති. අරූපෙ පරිනිබ්බන්තානං තෙසං චක්ඛායතනඤ්ච න නිරුජ්ඣති ධම්මායතනඤ්ච න නිරුජ්ඣිස්සති.

යස්ස වා පන ධම්මායතනං න නිරුජ්ඣිස්සති තස්ස චක්ඛායතනං න නිරුජ්ඣතීති?

පඤ්චවොකාරෙ පරිනිබ්බන්තානං තෙසං ධම්මායතනං න නිරුජ්ඣිස්සති, නො ච තෙසං චක්ඛායතනං න නිරුජ්ඣති. අරූපෙ පරිනිබ්බන්තානං තෙසං ධම්මායතනඤ්ච න නිරුජ්ඣිස්සති චක්ඛායතනඤ්ච න නිරුජ්ඣති.

176. (ක) යස්ස ඝානායතනං න නිරුජ්ඣති තස්ස රූපායතනං න නිරුජ්ඣිස්සතීති?

සබ්බෙසං උපපජ්ජන්තානං අඝානකානං චවන්තානං තෙසං ඝානායතනං න නිරුජ්ඣති, නො ච තෙසං රූපායතනං න නිරුජ්ඣිස්සති. රූපාවචරෙ පරිනිබ්බන්තානං අරූපෙ පච්ඡිමභවිකානං තෙසං ඝානායතනඤ්ච න නිරුජ්ඣති රූපායතනඤ්ච න නිරුජ්ඣිස්සති.

(ඛ) යස්ස වා පන රූපායතනං න නිරුජ්ඣිස්සති තස්ස ඝානායතනං න නිරුජ්ඣතීති?

කාමාවචරෙ පරිනිබ්බන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං රූපායතනං න නිරුජ්ඣිස්සති, නො ච තෙසං ඝානායතනං න නිරුජ්ඣති. රූපාවචරෙ පරිනිබ්බන්තානං අරූපෙ පච්ඡිමභවිකානං තෙසං රූපායතනඤ්ච න නිරුජ්ඣිස්සති ඝානායතනඤ්ච න නිරුජ්ඣති.

යස්ස ඝානායතනං න නිරුජ්ඣති තස්ස මනායතනං…පෙ… ධම්මායතනං න නිරුජ්ඣිස්සතීති?

සබ්බෙසං උපපජ්ජන්තානං අඝානකානං චවන්තානං තෙසං ඝානායතනං න නිරුජ්ඣති, නො ච තෙසං ධම්මායතනං න නිරුජ්ඣිස්සති. රූපාවචරෙ අරූපාවචරෙ පරිනිබ්බන්තානං තෙසං ඝානායතනඤ්ච න නිරුජ්ඣති ධම්මායතනඤ්ච න නිරුජ්ඣිස්සති.

යස්ස වා පන ධම්මායතනං න නිරුජ්ඣිස්සති තස්ස ඝානායතනං න නිරුජ්ඣතීති?

කාමාවචරෙ පරිනිබ්බන්තානං තෙසං ධම්මායතනං න නිරුජ්ඣිස්සති, නො ච තෙසං ඝානායතනං න නිරුජ්ඣති. රූපාවචරෙ අරූපාවචරෙ පරිනිබ්බන්තානං තෙසං ධම්මායතනඤ්ච න නිරුජ්ඣිස්සති ඝානායතනඤ්ච න නිරුජ්ඣති.

177. යස්ස රූපායතනං න නිරුජ්ඣති තස්ස මනායතනං…පෙ… ධම්මායතනං න නිරුජ්ඣිස්සතීති?

සබ්බෙසං උපපජ්ජන්තානං අරූපකානං චවන්තානං තෙසං රූපායතනං න නිරුජ්ඣති, නො ච තෙසං ධම්මායතනං න නිරුජ්ඣිස්සති. අරූපෙ පරිනිබ්බන්තානං තෙසං රූපායතනඤ්ච න නිරුජ්ඣති ධම්මායතනඤ්ච න නිරුජ්ඣිස්සති.

යස්ස වා පන ධම්මායතනං න නිරුජ්ඣිස්සති තස්ස රූපායතනං න නිරුජ්ඣතීති?

පඤ්චවොකාරෙ පරිනිබ්බන්තානං තෙසං ධම්මායතනං න නිරුජ්ඣිස්සති, නො ච තෙසං රූපායතනං [Pg.158] න නිරුජ්ඣති. අරූපෙ පරිනිබ්බන්තානං තෙසං ධම්මායතනඤ්ච න නිරුජ්ඣිස්සති රූපායතනඤ්ච න නිරුජ්ඣති.

178. (ක) යස්ස මනායතනං න නිරුජ්ඣති තස්ස ධම්මායතනං න නිරුජ්ඣිස්සතීති? නිරුජ්ඣිස්සති.

(ඛ) යස්ස වා පන ධම්මායතනං න නිරුජ්ඣිස්සති තස්ස මනායතනං න නිරුජ්ඣතීති? නිරුජ්ඣති.

(ඞ) පච්චනීකඔකාසො

179. යත්ථ චක්ඛායතනං න නිරුජ්ඣති…පෙ….

(ච) පච්චනීකපුග්ගලොකාසා

180. (ක) යස්ස යත්ථ චක්ඛායතනං න නිරුජ්ඣති තස්ස තත්ථ සොතායතනං න නිරුජ්ඣිස්සතීති?

පඤ්චවොකාරං උපපජ්ජන්තානං අචක්ඛුකානං කාමාවචරා චවන්තානං තෙසං තත්ථ චක්ඛායතනං න නිරුජ්ඣති, නො ච තෙසං තත්ථ සොතායතනං න නිරුජ්ඣිස්සති. අසඤ්ඤසත්තානං අරූපානං තෙසං තත්ථ චක්ඛායතනඤ්ච න නිරුජ්ඣති සොතායතනඤ්ච න නිරුජ්ඣිස්සති.

(ඛ) යස්ස වා පන යත්ථ සොතායතනං න නිරුජ්ඣිස්සති තස්ස තත්ථ චක්ඛායතනං න නිරුජ්ඣතීති?

පඤ්චවොකාරෙ පරිනිබ්බන්තානං තෙසං තත්ථ සොතායතනං න නිරුජ්ඣිස්සති, නො ච තෙසං තත්ථ චක්ඛායතනං න නිරුජ්ඣති. අසඤ්ඤසත්තානං අරූපානං තෙසං තත්ථ සොතායතනඤ්ච න නිරුජ්ඣිස්සති චක්ඛායතනඤ්ච න නිරුජ්ඣති.

(ක) යස්ස යත්ථ චක්ඛායතනං න නිරුජ්ඣති තස්ස තත්ථ ඝානායතනං න නිරුජ්ඣිස්සතීති?

කාමාවචරං උපපජ්ජන්තානං අචක්ඛුකානං කාමාවචරා චවන්තානං තෙසං තත්ථ චක්ඛායතනං න නිරුජ්ඣති, නො ච තෙසං තත්ථ ඝානායතනං න නිරුජ්ඣිස්සති. රූපාවචරං උපපජ්ජන්තානං අසඤ්ඤසත්තානං අරූපානං තෙසං තත්ථ චක්ඛායතනඤ්ච න නිරුජ්ඣති ඝානායතනඤ්ච න නිරුජ්ඣිස්සති.

(ඛ) යස්ස වා පන යත්ථ ඝානායතනං න නිරුජ්ඣිස්සති තස්ස තත්ථ චක්ඛායතනං න නිරුජ්ඣතීති?

කාමාවචරෙ පරිනිබ්බන්තානං රූපාවචරා චවන්තානං තෙසං තත්ථ ඝානායතනං න නිරුජ්ඣිස්සති, නො ච තෙසං තත්ථ චක්ඛායතනං න නිරුජ්ඣති. රූපාවචරං උපපජ්ජන්තානං අසඤ්ඤසත්තානං අරූපානං තෙසං තත්ථ ඝානායතනඤ්ච න නිරුජ්ඣිස්සති චක්ඛායතනඤ්ච න නිරුජ්ඣති.

(ක) යස්ස යත්ථ චක්ඛායතනං න නිරුජ්ඣති තස්ස තත්ථ රූපායතනං න නිරුජ්ඣිස්සතීති?

පඤ්චවොකාරං උපපජ්ජන්තානං අචක්ඛුකානං කාමාවචරා චවන්තානං [Pg.159] අසඤ්ඤසත්තානං තෙසං තත්ථ චක්ඛායතනං න නිරුජ්ඣති, නො ච තෙසං තත්ථ රූපායතනං න නිරුජ්ඣිස්සති. අරූපානං තෙසං තත්ථ චක්ඛායතනඤ්ච න නිරුජ්ඣති රූපායතනඤ්ච න නිරුජ්ඣිස්සති.

(ඛ) යස්ස වා පන යත්ථ රූපායතනං න නිරුජ්ඣිස්සති තස්ස තත්ථ චක්ඛායතනං න නිරුජ්ඣතීති?

පඤ්චවොකාරෙ පරිනිබ්බන්තානං තෙසං තත්ථ රූපායතනං න නිරුජ්ඣිස්සති, නො ච තෙසං තත්ථ චක්ඛායතනං න නිරුජ්ඣති. අරූපානං තෙසං තත්ථ රූපායතනඤ්ච න නිරුජ්ඣිස්සති චක්ඛායතනඤ්ච න නිරුජ්ඣති.

(ක) යස්ස යත්ථ චක්ඛායතනං න නිරුජ්ඣති තස්ස තත්ථ මනායතනං න නිරුජ්ඣිස්සතීති?

පඤ්චවොකාරං උපපජ්ජන්තානං අචක්ඛුකානං කාමාවචරා චවන්තානං අරූපානං තෙසං තත්ථ චක්ඛායතනං න නිරුජ්ඣති, නො ච තෙසං තත්ථ මනායතනං න නිරුජ්ඣිස්සති. අරූපෙ පරිනිබ්බන්තානං අසඤ්ඤසත්තානං තෙසං තත්ථ චක්ඛායතනඤ්ච න නිරුජ්ඣති මනායතනඤ්ච න නිරුජ්ඣිස්සති.

(ඛ) යස්ස වා පන යත්ථ මනායතනං න නිරුජ්ඣිස්සති තස්ස තත්ථ චක්ඛායතනං න නිරුජ්ඣතීති?

පඤ්චවොකාරෙ පරිනිබ්බන්තානං තෙසං තත්ථ මනායතනං න නිරුජ්ඣිස්සති, නො ච තෙසං තත්ථ චක්ඛායතනං න නිරුජ්ඣති. අරූපෙ පරිනිබ්බන්තානං අසඤ්ඤසත්තානං තෙසං තත්ථ මනායතනඤ්ච න නිරුජ්ඣිස්සති චක්ඛායතනඤ්ච න නිරුජ්ඣති.

(ක) යස්ස යත්ථ චක්ඛායතනං න නිරුජ්ඣති තස්ස තත්ථ ධම්මායතනං න නිරුජ්ඣිස්සතීති?

සබ්බෙසං උපපජ්ජන්තානං අචක්ඛුකානං චවන්තානං තෙසං තත්ථ චක්ඛායතනං න නිරුජ්ඣති, නො ච තෙසං තත්ථ ධම්මායතනං න නිරුජ්ඣිස්සති. අරූපෙ පරිනිබ්බන්තානං තෙසං තත්ථ චක්ඛායතනඤ්ච න නිරුජ්ඣති ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ චක්ඛායතනං න නිරුජ්ඣතීති?

පඤ්චවොකාරෙ පරිනිබ්බන්තානං තෙසං තත්ථ ධම්මායතනං න නිරුජ්ඣිස්සති, නො ච තෙසං තත්ථ චක්ඛායතනං න නිරුජ්ඣති. අරූපෙ පරිනිබ්බන්තානං තෙසං තත්ථ ධම්මායතනඤ්ච න නිරුජ්ඣිස්සති චක්ඛායතනඤ්ච න නිරුජ්ඣති. (චක්ඛායතනමූලකං)

181. (ක) යස්ස යත්ථ ඝානායතනං න නිරුජ්ඣති තස්ස තත්ථ රූපායතනං න නිරුජ්ඣිස්සතීති?

කාමාවචරං උපපජ්ජන්තානං අඝානකානං කාමාවචරා චවන්තානං රූපාවචරානං තෙසං තත්ථ ඝානායතනං න නිරුජ්ඣති, නො ච තෙසං තත්ථ රූපායතනං න නිරුජ්ඣිස්සති. රූපාවචරෙ පරිනිබ්බන්තානං අරූපානං තෙසං තත්ථ ඝානායතනඤ්ච න නිරුජ්ඣති රූපායතනඤ්ච න නිරුජ්ඣිස්සති.

(ඛ) යස්ස වා පන [Pg.160] යත්ථ රූපායතනං න නිරුජ්ඣිස්සති තස්ස තත්ථ ඝානායතනං න නිරුජ්ඣතීති?

කාමාවචරෙ පරිනිබ්බන්තානං තෙසං තත්ථ රූපායතනං න නිරුජ්ඣිස්සති, නො ච තෙසං තත්ථ ඝානායතනං න නිරුජ්ඣති. රූපාවචරෙ පරිනිබ්බන්තානං අරූපානං තෙසං තත්ථ රූපායතනඤ්ච න නිරුජ්ඣිස්සති ඝානායතනඤ්ච න නිරුජ්ඣති.

(ක) යස්ස යත්ථ ඝානායතනං න නිරුජ්ඣති තස්ස තත්ථ මනායතනං න නිරුජ්ඣිස්සතීති?

කාමාවචරං උපපජ්ජන්තානං අඝානකානං කාමාවචරා චවන්තානං රූපාවචරානං අරූපාවචරානං තෙසං තත්ථ ඝානායතනං න නිරුජ්ඣති, නො ච තෙසං තත්ථ මනායතනං න නිරුජ්ඣිස්සති. රූපාවචරෙ අරූපාවචරෙ පරිනිබ්බන්තානං අසඤ්ඤසත්තානං තෙසං තත්ථ ඝානායතනඤ්ච න නිරුජ්ඣති මනායතනඤ්ච න නිරුජ්ඣිස්සති.

(ඛ) යස්ස වා පන යත්ථ මනායතනං න නිරුජ්ඣිස්සති තස්ස තත්ථ ඝානායතනං න නිරුජ්ඣතීති?

කාමාවචරෙ පරිනිබ්බන්තානං තෙසං තත්ථ මනායතනං න නිරුජ්ඣිස්සති, නො ච තෙසං තත්ථ ඝානායතනං න නිරුජ්ඣති. රූපාවචරෙ අරූපාවචරෙ පරිනිබ්බන්තානං අසඤ්ඤසත්තානං තෙසං තත්ථ මනායතනඤ්ච න නිරුජ්ඣිස්සති ඝානායතනඤ්ච න නිරුජ්ඣති.

(ක) යස්ස යත්ථ ඝානායතනං න නිරුජ්ඣති තස්ස තත්ථ ධම්මායතනං න නිරුජ්ඣිස්සතීති?

සබ්බෙසං උපපජ්ජන්තානං අඝානකානං චවන්තානං තෙසං තත්ථ ඝානායතනං න නිරුජ්ඣති, නො ච තෙසං තත්ථ ධම්මායතනං න නිරුජ්ඣිස්සති. රූපාවචරෙ අරූපාවචරෙ පරිනිබ්බන්තානං තෙසං තත්ථ ඝානායතනඤ්ච න නිරුජ්ඣති ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ ඝානායතනං න නිරුජ්ඣතීති?

කාමාවචරෙ පරිනිබ්බන්තානං තෙසං තත්ථ ධම්මායතනං න නිරුජ්ඣිස්සති, නො ච තෙසං තත්ථ ඝානායතනං න නිරුජ්ඣති. රූපාවචරෙ අරූපාවචරෙ පරිනිබ්බන්තානං තෙසං තත්ථ ධම්මායතනඤ්ච න නිරුජ්ඣිස්සති ඝානායතනඤ්ච න නිරුජ්ඣති. (ඝානායතනමූලකං)

182. (ක) යස්ස යත්ථ රූපායතනං න නිරුජ්ඣති තස්ස තත්ථ මනායතනං න නිරුජ්ඣිස්සතීති?

පඤ්චවොකාරං උපපජ්ජන්තානං අරූපානං තෙසං තත්ථ රූපායතනං න නිරුජ්ඣති, නො ච තෙසං තත්ථ මනායතනං න නිරුජ්ඣිස්සති. අරූපෙ පරිනිබ්බන්තානං අසඤ්ඤසත්තං උපපජ්ජන්තානං තෙසං තත්ථ රූපායතනඤ්ච න නිරුජ්ඣති මනායතනඤ්ච න නිරුජ්ඣිස්සති.

(ඛ) යස්ස වා පන යත්ථ මනායතනං න නිරුජ්ඣිස්සති තස්ස තත්ථ රූපායතනං න නිරුජ්ඣතීති?

පඤ්චවොකාරෙ පරිනිබ්බන්තානං අසඤ්ඤසත්තා [Pg.161] චවන්තානං තෙසං තත්ථ මනායතනං න නිරුජ්ඣිස්සති, නො ච තෙසං තත්ථ රූපායතනං න නිරුජ්ඣති. අරූපෙ පරිනිබ්බන්තානං අසඤ්ඤසත්තං උපපජ්ජන්තානං තෙසං තත්ථ මනායතනඤ්ච න නිරුජ්ඣිස්සති රූපායතනඤ්ච න නිරුජ්ඣති.

(ක) යස්ස යත්ථ රූපායතනං න නිරුජ්ඣති තස්ස තත්ථ ධම්මායතනං න නිරුජ්ඣිස්සතීති?

සබ්බෙසං උපපජ්ජන්තානං අරූපකානං චවන්තානං තෙසං තත්ථ රූපායතනං න නිරුජ්ඣති, නො ච තෙසං තත්ථ ධම්මායතනං න නිරුජ්ඣිස්සති. අරූපෙ පරිනිබ්බන්තානං තෙසං තත්ථ රූපායතනඤ්ච න නිරුජ්ඣති ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ රූපායතනං න නිරුජ්ඣතීති?

පඤ්චවොකාරෙ පරිනිබ්බන්තානං තෙසං තත්ථ ධම්මායතනං න නිරුජ්ඣිස්සති, නො ච තෙසං තත්ථ රූපායතනං න නිරුජ්ඣති. අරූපෙ පරිනිබ්බන්තානං තෙසං තත්ථ ධම්මායතනඤ්ච න නිරුජ්ඣිස්සති රූපායතනඤ්ච න නිරුජ්ඣති. (රූපායතනමූලකං)

183. (ක) යස්ස යත්ථ මනායතනං න නිරුජ්ඣති තස්ස තත්ථ ධම්මායතනං න නිරුජ්ඣිස්සතීති? නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ මනායතනං න නිරුජ්ඣතීති? නිරුජ්ඣති.

(6) අතීතානාගතවාරො

(ක) අනුලොමපුග්ගලො

184. (ක) යස්ස චක්ඛායතනං නිරුජ්ඣිත්ථ තස්ස සොතායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනං නිරුජ්ඣිත්ථ, නො ච තෙසං සොතායතනං නිරුජ්ඣිස්සති. ඉතරෙසං තෙසං චක්ඛායතනඤ්ච නිරුජ්ඣිත්ථ සොතායතනඤ්ච නිරුජ්ඣිස්සති.

(ඛ) යස්ස වා පන සොතායතනං නිරුජ්ඣිස්සති තස්ස චක්ඛායතනං නිරුජ්ඣිත්ථාති? ආමන්තා.

(ක) යස්ස චක්ඛායතනං නිරුජ්ඣිත්ථ තස්ස ඝානායතනං නිරුජ්ඣිස්සතීති?

කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනං නිරුජ්ඣිත්ථ, නො ච තෙසං ඝානායතනං නිරුජ්ඣිස්සති. ඉතරෙසං [Pg.162] තෙසං චක්ඛායතනඤ්ච නිරුජ්ඣිත්ථ ඝානායතනඤ්ච නිරුජ්ඣිස්සති.

(ඛ) යස්ස වා පන…පෙ…? ආමන්තා.

(ක) යස්ස චක්ඛායතනං නිරුජ්ඣිත්ථ තස්ස රූපායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනං නිරුජ්ඣිත්ථ, නො ච තෙසං රූපායතනං නිරුජ්ඣිස්සති. ඉතරෙසං තෙසං චක්ඛායතනඤ්ච නිරුජ්ඣිත්ථ රූපායතනඤ්ච නිරුජ්ඣිස්සති.

(ඛ) යස්ස වා පන…පෙ…? ආමන්තා.

යස්ස චක්ඛායතනං නිරුජ්ඣිත්ථ තස්ස මනායතනං…පෙ… ධම්මායතනං නිරුජ්ඣිස්සතීති?

පරිනිබ්බන්තානං තෙසං චක්ඛායතනං නිරුජ්ඣිත්ථ, නො ච තෙසං ධම්මායතනං නිරුජ්ඣිස්සති. ඉතරෙසං තෙසං චක්ඛායතනඤ්ච නිරුජ්ඣිත්ථ ධම්මායතනඤ්ච නිරුජ්ඣිස්සති. යස්ස වා පන…පෙ…? ආමන්තා. (චක්ඛායතනමූලකං)

185. (ක) යස්ස ඝානායතනං නිරුජ්ඣිත්ථ තස්ස රූපායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ඝානායතනං නිරුජ්ඣිත්ථ, නො ච තෙසං රූපායතනං නිරුජ්ඣිස්සති. ඉතරෙසං තෙසං ඝානායතනඤ්ච නිරුජ්ඣිත්ථ රූපායතනඤ්ච නිරුජ්ඣිස්සති.

(ඛ) යස්ස වා පන…පෙ…? ආමන්තා.

යස්ස ඝානායතනං නිරුජ්ඣිත්ථ තස්ස මනායතනං…පෙ… ධම්මායතනං නිරුජ්ඣිස්සතීති?

පරිනිබ්බන්තානං තෙසං ඝානායතනං නිරුජ්ඣිත්ථ, නො ච තෙසං ධම්මායතනං නිරුජ්ඣිස්සති. ඉතරෙසං තෙසං ඝානායතනඤ්ච නිරුජ්ඣිත්ථ ධම්මායතනඤ්ච නිරුජ්ඣිස්සති.

යස්ස වා පන…පෙ…? ආමන්තා.

186. යස්ස රූපායතනං නිරුජ්ඣිත්ථ තස්ස මනායතන…පෙ… ධම්මායතනං නිරුජ්ඣිස්සතීති?

පරිනිබ්බන්තානං තෙසං රූපායතනං නිරුජ්ඣිත්ථ, නො ච තෙසං ධම්මායතනං නිරුජ්ඣිස්සති. ඉතරෙසං තෙසං රූපායතනඤ්ච නිරුජ්ඣිත්ථ ධම්මායතනඤ්ච නිරුජ්ඣිස්සති.

(ඛ) යස්ස වා පන…පෙ…? ආමන්තා.

187. (ක) යස්ස මනායතනං නිරුජ්ඣිත්ථ තස්ස ධම්මායතනං නිරුජ්ඣිස්සතීති?

පරිනිබ්බන්තානං තෙසං මනායතනං නිරුජ්ඣිත්ථ, නො ච තෙසං ධම්මායතනං නිරුජ්ඣිස්සති. ඉතරෙසං තෙසං මනායතනඤ්ච නිරුජ්ඣිත්ථ ධම්මායතනඤ්ච නිරුජ්ඣිස්සති.

(ඛ) යස්ස වා පන…පෙ…? ආමන්තා.

(ඛ) අනුලොමඔකාසො

188. යත්ථ [Pg.163] චක්ඛායතනං නිරුජ්ඣිත්ථ…පෙ….

(ග) අනුලොමපුග්ගලොකාසා

189. (ක) යස්ස යත්ථ චක්ඛායතනං නිරුජ්ඣිත්ථ තස්ස තත්ථ සොතායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං තෙසං තත්ථ චක්ඛායතනං නිරුජ්ඣිත්ථ, නො ච තෙසං තත්ථ සොතායතනං නිරුජ්ඣිස්සති. ඉතරෙසං පඤ්චවොකාරානං තෙසං තත්ථ චක්ඛායතනඤ්ච නිරුජ්ඣිත්ථ සොතායතනඤ්ච නිරුජ්ඣිස්සති.

(ඛ) යස්ස වා පන යත්ථ සොතායතනං නිරුජ්ඣිස්සති තස්ස තත්ථ චක්ඛායතනං නිරුජ්ඣිත්ථාති?

සුද්ධාවාසං උපපජ්ජන්තානං තෙසං තත්ථ සොතායතනං නිරුජ්ඣිස්සති, නො ච තෙසං තත්ථ චක්ඛායතනං නිරුජ්ඣිත්ථ. ඉතරෙසං පඤ්චවොකාරානං තෙසං තත්ථ සොතායතනඤ්ච නිරුජ්ඣිස්සති චක්ඛායතනඤ්ච නිරුජ්ඣිත්ථ.

(ක) යස්ස යත්ථ චක්ඛායතනං නිරුජ්ඣිත්ථ තස්ස තත්ථ ඝානායතනං නිරුජ්ඣිස්සතීති?

කාමාවචරෙ පරිනිබ්බන්තානං රූපාවචරානං තෙසං තත්ථ චක්ඛායතනං නිරුජ්ඣිත්ථ, නො ච තෙසං තත්ථ ඝානායතනං නිරුජ්ඣිස්සති. ඉතරෙසං කාමාවචරානං තෙසං තත්ථ චක්ඛායතනඤ්ච නිරුජ්ඣිත්ථ ඝානායතනඤ්ච නිරුජ්ඣිස්සති.

(ඛ) යස්ස වා පන යත්ථ ඝානායතනං නිරුජ්ඣිස්සති තස්ස තත්ථ චක්ඛායතනං නිරුජ්ඣිත්ථාති? ආමන්තා.

(ක) යස්ස යත්ථ චක්ඛායතනං නිරුජ්ඣිත්ථ තස්ස තත්ථ රූපායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං තෙසං තත්ථ චක්ඛායතනං නිරුජ්ඣිත්ථ, නො ච තෙසං තත්ථ රූපායතනං නිරුජ්ඣිස්සති. ඉතරෙසං පඤ්චවොකාරානං තෙසං තත්ථ චක්ඛායතනඤ්ච නිරුජ්ඣිත්ථ රූපායතනඤ්ච නිරුජ්ඣිස්සති.

(ඛ) යස්ස වා පන යත්ථ රූපායතනං නිරුජ්ඣිස්සති තස්ස තත්ථ චක්ඛායතනං නිරුජ්ඣිත්ථාති?

සුද්ධාවාසං උපපජ්ජන්තානං අසඤ්ඤසත්තානං තෙසං තත්ථ රූපායතනං නිරුජ්ඣිස්සති, නො ච තෙසං තත්ථ චක්ඛායතනං නිරුජ්ඣිත්ථ. ඉතරෙසං පඤ්චවොකාරානං තෙසං තත්ථ රූපායතනඤ්ච නිරුජ්ඣිස්සති චක්ඛායතනඤ්ච නිරුජ්ඣිත්ථ.

(ක) යස්ස යත්ථ චක්ඛායතනං නිරුජ්ඣිත්ථ තස්ස තත්ථ මනායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං තෙසං තත්ථ චක්ඛායතනං නිරුජ්ඣිත්ථ, නො ච තෙසං තත්ථ මනායතනං නිරුජ්ඣිස්සති. ඉතරෙසං පඤ්චවොකාරානං තෙසං තත්ථ [Pg.164] චක්ඛායතනඤ්ච නිරුජ්ඣිත්ථ මනායතනඤ්ච නිරුජ්ඣිස්සති.

(ඛ) යස්ස වා පන යත්ථ මනායතනං නිරුජ්ඣිස්සති තස්ස තත්ථ චක්ඛායතනං නිරුජ්ඣිත්ථාති?

සුද්ධාවාසං උපපජ්ජන්තානං අරූපානං තෙසං තත්ථ මනායතනං නිරුජ්ඣිස්සති, නො ච තෙසං තත්ථ චක්ඛායතනං නිරුජ්ඣිත්ථ. ඉතරෙසං පඤ්චවොකාරානං තෙසං තත්ථ මනායතනඤ්ච නිරුජ්ඣිස්සති චක්ඛායතනඤ්ච නිරුජ්ඣිත්ථ.

(ක) යස්ස යත්ථ චක්ඛායතනං නිරුජ්ඣිත්ථ තස්ස තත්ථ ධම්මායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං තෙසං තත්ථ චක්ඛායතනං නිරුජ්ඣිත්ථ, නො ච තෙසං තත්ථ ධම්මායතනං නිරුජ්ඣිස්සති. ඉතරෙසං පඤ්චවොකාරානං තෙසං තත්ථ චක්ඛායතනඤ්ච නිරුජ්ඣිත්ථ ධම්මායතනඤ්ච නිරුජ්ඣිස්සති.

(ඛ) යස්ස වා පන යත්ථ ධම්මායතනං නිරුජ්ඣිස්සති තස්ස තත්ථ චක්ඛායතනං නිරුජ්ඣිත්ථාති?

සුද්ධාවාසං උපපජ්ජන්තානං අසඤ්ඤසත්තානං අරූපානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ චක්ඛායතනං නිරුජ්ඣිත්ථ. ඉතරෙසං පඤ්චවොකාරානං තෙසං තත්ථ ධම්මායතනඤ්ච නිරුජ්ඣිස්සති චක්ඛායතනඤ්ච නිරුජ්ඣිත්ථ. (චක්ඛායතනමූලකං)

190. (ක) යස්ස යත්ථ ඝානායතනං නිරුජ්ඣිත්ථ තස්ස තත්ථ රූපායතනං නිරුජ්ඣිස්සතීති?

කාමාවචරෙ පරිනිබ්බන්තානං තෙසං තත්ථ ඝානායතනං නිරුජ්ඣිත්ථ, නො ච තෙසං තත්ථ රූපායතනං නිරුජ්ඣිස්සති. ඉතරෙසං කාමාවචරානං තෙසං තත්ථ ඝානායතනඤ්ච නිරුජ්ඣිත්ථ රූපායතනඤ්ච නිරුජ්ඣිස්සති.

(ඛ) යස්ස වා පන යත්ථ රූපායතනං නිරුජ්ඣිස්සති තස්ස තත්ථ ඝානායතනං නිරුජ්ඣිත්ථාති?

රූපාවචරානං තෙසං තත්ථ රූපායතනං නිරුජ්ඣිස්සති, නො ච තෙසං තත්ථ ඝානායතනං නිරුජ්ඣිත්ථ. කාමාවචරානං තෙසං තත්ථ රූපායතනඤ්ච නිරුජ්ඣිස්සති ඝානායතනඤ්ච නිරුජ්ඣිත්ථ.

යස්ස යත්ථ ඝානායතනං නිරුජ්ඣිත්ථ තස්ස තත්ථ මනායතනං…පෙ… ධම්මායතනං නිරුජ්ඣිස්සතීති?

කාමාවචරෙ පරිනිබ්බන්තානං තෙසං තත්ථ ඝානායතනං නිරුජ්ඣිත්ථ, නො ච තෙසං තත්ථ ධම්මායතනං නිරුජ්ඣිස්සති. ඉතරෙසං කාමාවචරානං තෙසං තත්ථ ඝානායතනඤ්ච නිරුජ්ඣිත්ථ ධම්මායතනඤ්ච නිරුජ්ඣිස්සති.

යස්ස වා පන යත්ථ ධම්මායතනං නිරුජ්ඣිස්සති තස්ස තත්ථ ඝානායතනං නිරුජ්ඣිත්ථාති?

රූපාවචරානං අරූපාවචරානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ ඝානායතනං නිරුජ්ඣිත්ථ. කාමාවචරානං [Pg.165] තෙසං තත්ථ ධම්මායතනඤ්ච නිරුජ්ඣිස්සති ඝානායතනඤ්ච නිරුජ්ඣිත්ථ. (ඝානායතනමූලකං)

191. (ක) යස්ස යත්ථ රූපායතනං නිරුජ්ඣිත්ථ තස්ස තත්ථ මනායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං අසඤ්ඤසත්තානං තෙසං තත්ථ රූපායතනං නිරුජ්ඣිත්ථ, නො ච තෙසං තත්ථ මනායතනං නිරුජ්ඣිස්සති. ඉතරෙසං පඤ්චවොකාරානං තෙසං තත්ථ රූපායතනඤ්ච නිරුජ්ඣිත්ථ මනායතනඤ්ච නිරුජ්ඣිස්සති.

(ඛ) යස්ස වා පන යත්ථ මනායතනං නිරුජ්ඣිස්සති තස්ස තත්ථ රූපායතනං නිරුජ්ඣිත්ථාති?

සුද්ධාවාසං උපපජ්ජන්තානං අරූපානං තෙසං තත්ථ මනායතනං නිරුජ්ඣිස්සති, නො ච තෙසං තත්ථ රූපායතනං නිරුජ්ඣිත්ථ. ඉතරෙසං පඤ්චවොකාරානං තෙසං තත්ථ මනායතනඤ්ච නිරුජ්ඣිස්සති රූපායතනඤ්ච නිරුජ්ඣිත්ථ.

(ක) යස්ස යත්ථ රූපායතනං නිරුජ්ඣිත්ථ තස්ස තත්ථ ධම්මායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං තෙසං තත්ථ රූපායතනං නිරුජ්ඣිත්ථ, නො ච තෙසං තත්ථ ධම්මායතනං නිරුජ්ඣිස්සති. ඉතරෙසං පඤ්චවොකාරානං අසඤ්ඤසත්තානං තෙසං තත්ථ රූපායතනඤ්ච නිරුජ්ඣිත්ථ ධම්මායතනඤ්ච නිරුජ්ඣිස්සති.

(ඛ) යස්ස වා පන යත්ථ ධම්මායතනං නිරුජ්ඣිස්සති තස්ස තත්ථ රූපායතනං නිරුජ්ඣිත්ථාති?

සුද්ධාවාසං උපපජ්ජන්තානං අරූපානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ රූපායතනං නිරුජ්ඣිත්ථ. ඉතරෙසං පඤ්චවොකාරානං අසඤ්ඤසත්තානං තෙසං තත්ථ ධම්මායතනඤ්ච නිරුජ්ඣිස්සති රූපායතනඤ්ච නිරුජ්ඣිත්ථ. (රූපායතනමූලකං)

192. (ක) යස්ස යත්ථ මනායතනං නිරුජ්ඣිත්ථ තස්ස තත්ථ ධම්මායතනං නිරුජ්ඣිස්සතීති?

පරිනිබ්බන්තානං තෙසං තත්ථ මනායතනං නිරුජ්ඣිත්ථ, නො ච තෙසං තත්ථ ධම්මායතනං නිරුජ්ඣිස්සති. ඉතරෙසං චතුවොකාරානං පඤ්චවොකාරානං තෙසං තත්ථ මනායතනඤ්ච නිරුජ්ඣිත්ථ ධම්මායතනඤ්ච නිරුජ්ඣිස්සති.

(ඛ) යස්ස වා පන යත්ථ ධම්මායතනං නිරුජ්ඣිස්සති තස්ස තත්ථ මනායතනං නිරුජ්ඣිත්ථාති?

සුද්ධාවාසං උපපජ්ජන්තානං අසඤ්ඤසත්තානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ මනායතනං නිරුජ්ඣිත්ථ. ඉතරෙසං චතුවොකාරානං පඤ්චවොකාරානං තෙසං තත්ථ ධම්මායතනඤ්ච නිරුජ්ඣිස්සති මනායතනඤ්ච නිරුජ්ඣිත්ථ.

(ඝ) පච්චනීකපුග්ගලො

193. (ක) යස්ස [Pg.166] චක්ඛායතනං න නිරුජ්ඣිත්ථ තස්ස සොතායතනං න නිරුජ්ඣිස්සතීති? නත්ථි.

(ඛ) යස්ස වා පන සොතායතනං න නිරුජ්ඣිස්සති තස්ස චක්ඛායතනං න නිරුජ්ඣිත්ථාති? නිරුජ්ඣිත්ථ.

යස්ස චක්ඛායතනං…පෙ… ඝානායතනං… රූපායතනං… මනායතනං න නිරුජ්ඣිත්ථ තස්ස ධම්මායතනං න නිරුජ්ඣිස්සතීති? නත්ථි.

යස්ස වා පන ධම්මායතනං න නිරුජ්ඣිස්සති තස්ස මනායතනං න නිරුජ්ඣිත්ථාති? නිරුජ්ඣිත්ථ.

(ඞ) පච්චනීකඔකාසො

194. යස්ස චක්ඛායතනං න නිරුජ්ඣිත්ථ…පෙ….

(ච) පච්චනීකපුග්ගලොකාසා

195. (ක) යස්ස යත්ථ චක්ඛායතනං න නිරුජ්ඣිත්ථ තස්ස තත්ථ සොතායතනං න නිරුජ්ඣිස්සතීති?

සුද්ධාවාසං උපපජ්ජන්තානං තෙසං තත්ථ චක්ඛායතනං න නිරුජ්ඣිත්ථ, නො ච තෙසං තත්ථ සොතායතනං න නිරුජ්ඣිස්සති. සුද්ධාවාසෙ පරිනිබ්බන්තානං අසඤ්ඤසත්තානං අරූපානං තෙසං තත්ථ චක්ඛායතනඤ්ච න නිරුජ්ඣිත්ථ සොතායතනඤ්ච න නිරුජ්ඣිස්සති.

(ඛ) යස්ස වා පන යත්ථ සොතායතනං න නිරුජ්ඣිස්සති තස්ස තත්ථ චක්ඛායතනං න නිරුජ්ඣිත්ථාති?

පඤ්චවොකාරෙ පරිනිබ්බන්තානං තෙසං තත්ථ සොතායතනං න නිරුජ්ඣිස්සති, නො ච තෙසං තත්ථ චක්ඛායතනං න නිරුජ්ඣිත්ථ. සුද්ධාවාසෙ පරිනිබ්බන්තානං අසඤ්ඤසත්තානං අරූපානං තෙසං තත්ථ සොතායතනඤ්ච න නිරුජ්ඣිස්සති චක්ඛායතනඤ්ච න නිරුජ්ඣිත්ථ.

(ක) යස්ස යත්ථ චක්ඛායතනං න නිරුජ්ඣිත්ථ තස්ස තත්ථ ඝානායතනං න නිරුජ්ඣිස්සතීති? ආමන්තා.

(ඛ) යස්ස වා පන යත්ථ ඝානායතනං න නිරුජ්ඣිස්සති තස්ස තත්ථ චක්ඛායතනං න නිරුජ්ඣිත්ථාති?

කාමාවචරෙ පරිනිබ්බන්තානං රූපාවචරානං තෙසං තත්ථ ඝානායතනං න නිරුජ්ඣිස්සති, නො ච තෙසං තත්ථ චක්ඛායතනං න නිරුජ්ඣිත්ථ. සුද්ධාවාසානං අසඤ්ඤසත්තානං අරූපානං තෙසං තත්ථ ඝානායතනඤ්ච න නිරුජ්ඣිස්සති චක්ඛායතනඤ්ච න නිරුජ්ඣිත්ථ.

(ක) යස්ස යත්ථ චක්ඛායතනං න නිරුජ්ඣිත්ථ තස්ස තත්ථ රූපායතනං න නිරුජ්ඣිස්සතීති?

සුද්ධාවාසං උපපජ්ජන්තානං අසඤ්ඤසත්තානං තෙසං තත්ථ චක්ඛායතනං [Pg.167] න නිරුජ්ඣිත්ථ, නො ච තෙසං තත්ථ රූපායතනං න නිරුජ්ඣිස්සති. සුද්ධාවාසෙ පරිනිබ්බන්තානං අරූපානං තෙසං තත්ථ චක්ඛායතනඤ්ච න නිරුජ්ඣිත්ථ රූපායතනඤ්ච න නිරුජ්ඣිස්සති.

(ඛ) යස්ස වා පන යත්ථ රූපායතනං න නිරුජ්ඣිස්සති තස්ස තත්ථ චක්ඛායතනං න නිරුජ්ඣිත්ථාති?

පඤ්චවොකාරෙ පරිනිබ්බන්තානං තෙසං තත්ථ රූපායතනං න නිරුජ්ඣිස්සති, නො ච තෙසං තත්ථ චක්ඛායතනං න නිරුජ්ඣිත්ථ. සුද්ධාවාසෙ පරිනිබ්බන්තානං අරූපානං තෙසං තත්ථ රූපායතනඤ්ච න නිරුජ්ඣිස්සති චක්ඛායතනඤ්ච න නිරුජ්ඣිත්ථ.

(ක) යස්ස යත්ථ චක්ඛායතනං න නිරුජ්ඣිත්ථ තස්ස තත්ථ මනායතනං න නිරුජ්ඣිස්සතීති?

සුද්ධාවාසං උපපජ්ජන්තානං අරූපානං තෙසං තත්ථ චක්ඛායතනං න නිරුජ්ඣිත්ථ, නො ච තෙසං තත්ථ මනායතනං න නිරුජ්ඣිස්සති. සුද්ධාවාසෙ පරිනිබ්බන්තානං අරූපෙ පරිනිබ්බන්තානං අසඤ්ඤසත්තානං තෙසං තත්ථ චක්ඛායතනඤ්ච න නිරුජ්ඣිත්ථ මනායතනඤ්ච න නිරුජ්ඣිස්සති.

(ඛ) යස්ස වා පන යත්ථ මනායතනං න නිරුජ්ඣිස්සති තස්ස තත්ථ චක්ඛායතනං න නිරුජ්ඣිත්ථාති?

පඤ්චවොකාරෙ පරිනිබ්බන්තානං තෙසං තත්ථ මනායතනං න නිරුජ්ඣිස්සති, නො ච තෙසං තත්ථ චක්ඛායතනං න නිරුජ්ඣිත්ථ. සුද්ධාවාසෙ පරිනිබ්බන්තානං අරූපෙ පරිනිබ්බන්තානං අසඤ්ඤසත්තානං තෙසං තත්ථ මනායතනඤ්ච න නිරුජ්ඣිස්සති, චක්ඛායතනඤ්ච න නිරුජ්ඣිත්ථ.

(ක) යස්ස යත්ථ චක්ඛායතනං න නිරුජ්ඣිත්ථ තස්ස තත්ථ ධම්මායතනං න නිරුජ්ඣිස්සතීති?

සුද්ධාවාසං උපපජ්ජන්තානං අසඤ්ඤසත්තානං අරූපානං තෙසං තත්ථ චක්ඛායතනං න නිරුජ්ඣිත්ථ, නො ච තෙසං තත්ථ ධම්මායතනං න නිරුජ්ඣිස්සති. සුද්ධාවාසෙ පරිනිබ්බන්තානං අරූපෙ පරිනිබ්බන්තානං තෙසං තත්ථ චක්ඛායතනඤ්ච න නිරුජ්ඣිත්ථ ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ චක්ඛායතනං න නිරුජ්ඣිත්ථාති?

පඤ්චවොකාරෙ පරිනිබ්බන්තානං තෙසං තත්ථ ධම්මායතනං න නිරුජ්ඣිස්සති, නො ච තෙසං තත්ථ චක්ඛායතනං න නිරුජ්ඣිත්ථ. සුද්ධාවාසෙ පරිනිබ්බන්තානං අරූපෙ පරිනිබ්බන්තානං තෙසං තත්ථ ධම්මායතනඤ්ච න නිරුජ්ඣිස්සති චක්ඛායතනඤ්ච න නිරුජ්ඣිත්ථ. (චක්ඛායතනමූලකං)

196. (ක) යස්ස යත්ථ ඝානායතනං න නිරුජ්ඣිත්ථ තස්ස තත්ථ රූපායතනං න නිරුජ්ඣිස්සතීති?

රූපාවචරානං තෙසං තත්ථ ඝානායතනං න නිරුජ්ඣිත්ථ, නො ච තෙසං තත්ථ රූපායතනං න නිරුජ්ඣිස්සති. රූපාවචරෙ පරිනිබ්බන්තානං අරූපානං තෙසං තත්ථ ඝානායතනඤ්ච න නිරුජ්ඣිත්ථ රූපායතනඤ්ච න නිරුජ්ඣිස්සති[Pg.168].

(ඛ) යස්ස වා පන යත්ථ රූපායතනං න නිරුජ්ඣිස්සති තස්ස තත්ථ ඝානායතනං න නිරුජ්ඣිත්ථාති?

කාමාවචරෙ පරිනිබ්බන්තානං තෙසං තත්ථ රූපායතනං න නිරුජ්ඣිස්සති, නො ච තෙසං තත්ථ ඝානායතනං න නිරුජ්ඣිත්ථ. රූපාවචරෙ පරිනිබ්බන්තානං අරූපානං තෙසං තත්ථ රූපායතනඤ්ච න නිරුජ්ඣිස්සති ඝානායතනඤ්ච න නිරුජ්ඣිත්ථ.

(ක) යස්ස යත්ථ ඝානායතනං න නිරුජ්ඣිත්ථ තස්ස තත්ථ මනායතනං න නිරුජ්ඣිස්සතීති?

රූපාවචරානං අරූපාවචරානං තෙසං තත්ථ ඝානායතනං න නිරුජ්ඣිත්ථ, නො ච තෙසං තත්ථ මනායතනං න නිරුජ්ඣිස්සති. රූපාවචරෙ අරූපාවචරෙ පරිනිබ්බන්තානං අසඤ්ඤසත්තානං තෙසං තත්ථ ඝානායතනඤ්ච න නිරුජ්ඣිත්ථ මනායතනඤ්ච න නිරුජ්ඣිස්සති.

(ඛ) යස්ස වා පන යත්ථ මනායතනං න නිරුජ්ඣිස්සති තස්ස තත්ථ ඝානායතනං න නිරුජ්ඣිත්ථාති?

කාමාවචරෙ පරිනිබ්බන්තානං තෙසං තත්ථ මනායතනං න නිරුජ්ඣිස්සති, නො ච තෙසං තත්ථ ඝානායතනං න නිරුජ්ඣිත්ථ. රූපාවචරෙ අරූපාවචරෙ පරිනිබ්බන්තානං අසඤ්ඤසත්තානං තෙසං තත්ථ මනායතනඤ්ච න නිරුජ්ඣිස්සති ඝානායතනඤ්ච න නිරුජ්ඣිත්ථ.

(ක) යස්ස යත්ථ ඝානායතනං න නිරුජ්ඣිත්ථ තස්ස තත්ථ ධම්මායතනං න නිරුජ්ඣිස්සතීති?

රූපාවචරානං අරූපාවචරානං තෙසං තත්ථ ඝානායතනං න නිරුජ්ඣිත්ථ, නො ච තෙසං තත්ථ ධම්මායතනං න නිරුජ්ඣිස්සති. රූපාවචරෙ අරූපාවචරෙ පරිනිබ්බන්තානං තෙසං තත්ථ ඝානායතනඤ්ච න නිරුජ්ඣිත්ථ ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ ඝානායතනං න නිරුජ්ඣිත්ථාති?

කාමාවචරෙ පරිනිබ්බන්තානං තෙසං තත්ථ ධම්මායතනං න නිරුජ්ඣිස්සති, නො ච තෙසං තත්ථ ඝානායතනං න නිරුජ්ඣිත්ථ. රූපාවචරෙ අරූපාවචරෙ පරිනිබ්බන්තානං තෙසං තත්ථ ධම්මායතනඤ්ච න නිරුජ්ඣිස්සති ඝානායතනඤ්ච න නිරුජ්ඣිත්ථ. (ඝානායතනමූලකං)

197. (ක) යස්ස යත්ථ රූපායතනං න නිරුජ්ඣිත්ථ තස්ස තත්ථ මනායතනං න නිරුජ්ඣිස්සතීති?

සුද්ධාවාසං උපපජ්ජන්තානං අරූපානං තෙසං තත්ථ රූපායතනං න නිරුජ්ඣිත්ථ, නො ච තෙසං තත්ථ මනායතනං න නිරුජ්ඣිස්සති. සුද්ධාවාසෙ පරිනිබ්බන්තානං අරූපෙ පරිනිබ්බන්තානං තෙසං තත්ථ රූපායතනඤ්ච න නිරුජ්ඣිත්ථ මනායතනඤ්ච න නිරුජ්ඣිස්සති.

(ඛ) යස්ස වා පන යත්ථ මනායතනං න නිරුජ්ඣිස්සති තස්ස තත්ථ රූපායතනං න නිරුජ්ඣිත්ථාති?

පඤ්චවොකාරෙ පරිනිබ්බන්තානං අසඤ්ඤසත්තානං [Pg.169] තෙසං තත්ථ මනායතනං න නිරුජ්ඣිස්සති, නො ච තෙසං තත්ථ රූපායතනං න නිරුජ්ඣිත්ථ. සුද්ධාවාසෙ පරිනිබ්බන්තානං අරූපෙ පරිනිබ්බන්තානං තෙසං තත්ථ මනායතනඤ්ච න නිරුජ්ඣිස්සති රූපායතනඤ්ච න නිරුජ්ඣිත්ථ.

(ක) යස්ස යත්ථ රූපායතනං න නිරුජ්ඣිත්ථ තස්ස තත්ථ ධම්මායතනං න නිරුජ්ඣිස්සතීති?

සුද්ධාවාසං උපපජ්ජන්තානං අරූපානං තෙසං තත්ථ රූපායතනං න නිරුජ්ඣිත්ථ, නො ච තෙසං තත්ථ ධම්මායතනං න නිරුජ්ඣිස්සති. සුද්ධාවාසෙ පරිනිබ්බන්තානං අරූපෙ පරිනිබ්බන්තානං තෙසං තත්ථ රූපායතනඤ්ච න නිරුජ්ඣිත්ථ ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ රූපායතනං න නිරුජ්ඣිත්ථාති?

පඤ්චවොකාරෙ පරිනිබ්බන්තානං තෙසං තත්ථ ධම්මායතනං න නිරුජ්ඣිස්සති, නො ච තෙසං තත්ථ රූපායතනං න නිරුජ්ඣිත්ථ. සුද්ධාවාසෙ පරිනිබ්බන්තානං අරූපෙ පරිනිබ්බන්තානං තෙසං තත්ථ ධම්මායතනඤ්ච න නිරුජ්ඣිස්සති රූපායතනඤ්ච න නිරුජ්ඣිත්ථ. (රූපායතනමූලකං)

198. (ක) යස්ස යත්ථ මනායතනං න නිරුජ්ඣිත්ථ තස්ස තත්ථ ධම්මායතනං න නිරුජ්ඣිස්සතීති?

සුද්ධාවාසං උපපජ්ජන්තානං අසඤ්ඤසත්තානං තෙසං තත්ථ මනායතනං න නිරුජ්ඣිත්ථ, නො ච තෙසං තත්ථ ධම්මායතනං න නිරුජ්ඣිස්සති. සුද්ධාවාසෙ පරිනිබ්බන්තානං තෙසං තත්ථ මනායතනඤ්ච න නිරුජ්ඣිත්ථ ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ මනායතනං න නිරුජ්ඣිත්ථාති?

පරිනිබ්බන්තානං තෙසං තත්ථ ධම්මායතනං න නිරුජ්ඣිස්සති, නො ච තෙසං තත්ථ මනායතනං න නිරුජ්ඣිත්ථ. සුද්ධාවාසෙ පරිනිබ්බන්තානං තෙසං තත්ථ ධම්මායතනඤ්ච න නිරුජ්ඣිස්සති මනායතනඤ්ච න නිරුජ්ඣිත්ථ.

නිරොධවාරො.

2. පවත්ති 3. උප්පාදනිරොධවාරො

(1) පච්චුප්පන්නවාරො

(ක) අනුලොමපුග්ගලො

199. (ක) යස්ස චක්ඛායතනං උප්පජ්ජති තස්ස සොතායතනං නිරුජ්ඣතීති? නො.

(ඛ) යස්ස වා පන සොතායතනං නිරුජ්ඣති තස්ස චක්ඛායතනං උප්පජ්ජතීති? නො.

යස්ස [Pg.170] චක්ඛායතනං උප්පජ්ජති තස්ස ඝානායතනං…පෙ… රූපායතනං… මනායතනං… ධම්මායතනං නිරුජ්ඣතීති? නො.

යස්ස වා පන ධම්මායතනං නිරුජ්ඣති තස්ස චක්ඛායතනං උප්පජ්ජතීති? නො …පෙ….

200. (ක) යස්ස මනායතනං උප්පජ්ජති තස්ස ධම්මායතනං නිරුජ්ඣතීති? නො.

(ඛ) යස්ස වා පන ධම්මායතනං නිරුජ්ඣති තස්ස මනායතනං උප්පජ්ජතීති? නො.

(ඛ) අනුලොමඔකාසො

201. යත්ථ චක්ඛායතනං උප්පජ්ජති…පෙ… (යත්ථකං නොති න කාතබ්බං, යත්ථකං ඉතරෙසං යත්ථකානං සදිසං කාතබ්බං, යත්ථකං තීසුපි වාරෙසු සදිසං).

(ග) අනුලොමපුග්ගලොකාසා

202. යස්ස යත්ථ චක්ඛායතනං උප්පජ්ජති තස්ස තත්ථ සොතායතනං නිරුජ්ඣතීති? නො.

යස්ස වා පන යත්ථ සොතායතනං නිරුජ්ඣති තස්ස තත්ථ චක්ඛායතනං උප්පජ්ජතීති? නො …පෙ….

203. (ක) යස්ස යත්ථ මනායතනං උප්පජ්ජති තස්ස තත්ථ ධම්මායතනං නිරුජ්ඣතීති? නො.

(ඛ) යස්ස වා පන යත්ථ ධම්මායතනං නිරුජ්ඣති තස්ස තත්ථ මනායතනං උප්පජ්ජතීති? නො.

(ඝ) පච්චනීකපුග්ගලො

204. (ක) යස්ස චක්ඛායතනං නුප්පජ්ජති තස්ස සොතායතනං න නිරුජ්ඣතීති?

සසොතකානං චවන්තානං තෙසං චක්ඛායතනං නුප්පජ්ජති, නො ච තෙසං සොතායතනං න නිරුජ්ඣති. අචක්ඛුකානං උපපජ්ජන්තානං අසොතකානං චවන්තානං තෙසං චක්ඛායතනඤ්ච නුප්පජ්ජති සොතායතනඤ්ච න නිරුජ්ඣති.

(ඛ) යස්ස වා පන සොතායතනං න නිරුජ්ඣති තස්ස චක්ඛායතනං නුප්පජ්ජතීති?

සචක්ඛුකානං උපපජ්ජන්තානං තෙසං සොතායතනං න නිරුජ්ඣති, නො ච තෙසං චක්ඛායතනං නුප්පජ්ජති. අසොතකානං චවන්තානං අචක්ඛුකානං උපපජ්ජන්තානං තෙසං සොතායතනඤ්ච න නිරුජ්ඣති චක්ඛායතනඤ්ච නුප්පජ්ජති.

(ක) යස්ස [Pg.171] චක්ඛායතනං නුප්පජ්ජති තස්ස ඝානායතනං න නිරුජ්ඣතීති?

සඝානකානං චවන්තානං තෙසං චක්ඛායතනං නුප්පජ්ජති, නො ච තෙසං ඝානායතනං න නිරුජ්ඣති. අචක්ඛුකානං උපපජ්ජන්තානං අඝානකානං චවන්තානං තෙසං චක්ඛායතනඤ්ච නුප්පජ්ජති ඝානායතනඤ්ච න නිරුජ්ඣති.

(ඛ) යස්ස වා පන ඝානායතනං න නිරුජ්ඣති තස්ස චක්ඛායතනං නුප්පජ්ජතීති?

සචක්ඛුකානං උපපජ්ජන්තානං තෙසං ඝානායතනං න නිරුජ්ඣති, නො ච තෙසං චක්ඛායතනං නුප්පජ්ජති. අඝානකානං චවන්තානං අචක්ඛුකානං උපපජ්ජන්තානං තෙසං ඝානායතනඤ්ච න නිරුජ්ඣති චක්ඛායතනඤ්ච නුප්පජ්ජති.

(ක) යස්ස චක්ඛායතනං නුප්පජ්ජති තස්ස රූපායතනං න නිරුජ්ඣතීති?

සරූපකානං චවන්තානං තෙසං චක්ඛායතනං නුප්පජ්ජති, නො ච තෙසං රූපායතනං න නිරුජ්ඣති. අචක්ඛුකානං උපපජ්ජන්තානං අරූපකානං චවන්තානං තෙසං චක්ඛායතනඤ්ච නුප්පජ්ජති රූපායතනඤ්ච න නිරුජ්ඣති.

(ඛ) යස්ස වා පන රූපායතනං න නිරුජ්ඣති තස්ස චක්ඛායතනං නුප්පජ්ජතීති?

සචක්ඛුකානං උපපජ්ජන්තානං තෙසං රූපායතනං න නිරුජ්ඣති, නො ච තෙසං චක්ඛායතනං නුප්පජ්ජති. අරූපකානං චවන්තානං අචක්ඛුකානං උපපජ්ජන්තානං තෙසං රූපායතනඤ්ච න නිරුජ්ඣති චක්ඛායතනඤ්ච නුප්පජ්ජති.

(ක) යස්ස චක්ඛායතනං නුප්පජ්ජති තස්ස මනායතනං න නිරුජ්ඣතීති?

සචිත්තකානං චවන්තානං තෙසං චක්ඛායතනං නුප්පජ්ජති, නො ච තෙසං මනායතනං න නිරුජ්ඣති. අචක්ඛුකානං උපපජ්ජන්තානං අචිත්තකානං චවන්තානං තෙසං චක්ඛායතනඤ්ච නුප්පජ්ජති මනායතනඤ්ච න නිරුජ්ඣති.

(ඛ) යස්ස වා පන මනායතනං න නිරුජ්ඣති තස්ස චක්ඛායතනං නුප්පජ්ජතීති?

සචක්ඛුකානං උපපජ්ජන්තානං තෙසං මනායතනං න නිරුජ්ඣති, නො ච තෙසං චක්ඛායතනං නුප්පජ්ජති. අචිත්තකානං චවන්තානං අචක්ඛුකානං උපපජ්ජන්තානං තෙසං මනායතනඤ්ච න නිරුජ්ඣති චක්ඛායතනඤ්ච නුප්පජ්ජති.

(ක) යස්ස චක්ඛායතනං නුප්පජ්ජති තස්ස ධම්මායතනං න නිරුජ්ඣතීති?

සබ්බෙසං චවන්තානං තෙසං චක්ඛායතනං නුප්පජ්ජති, නො ච තෙසං ධම්මායතනං න නිරුජ්ඣති. අචක්ඛුකානං උපපජ්ජන්තානං තෙසං චක්ඛායතනඤ්ච නුප්පජ්ජති ධම්මායතනඤ්ච න නිරුජ්ඣති.

(ඛ) යස්ස වා පන ධම්මායතනං න නිරුජ්ඣති තස්ස චක්ඛායතනං නුප්පජ්ජතීති?

සචක්ඛුකානං උපපජ්ජන්තානං තෙසං ධම්මායතනං න නිරුජ්ඣති, නො ච තෙසං චක්ඛායතනං නුප්පජ්ජති. අචක්ඛුකානං උපපජ්ජන්තානං තෙසං ධම්මායතනඤ්ච න නිරුජ්ඣති චක්ඛායතනඤ්ච නුප්පජ්ජති. (චක්ඛායතනමූලකං)

205. (ක) යස්ස [Pg.172] ඝානායතනං නුප්පජ්ජති තස්ස රූපායතනං න නිරුජ්ඣතීති?

සරූපකානං චවන්තානං තෙසං ඝානායතනං නුප්පජ්ජති, නො ච තෙසං රූපායතනං න නිරුජ්ඣති. අඝානකානං උපපජ්ජන්තානං අරූපකානං චවන්තානං තෙසං ඝානායතනඤ්ච නුප්පජ්ජති රූපායතනඤ්ච න නිරුජ්ඣති.

(ඛ) යස්ස වා පන රූපායතනං න නිරුජ්ඣති තස්ස ඝානායතනං නුප්පජ්ජතීති?

සඝානකානං උපපජ්ජන්තානං තෙසං රූපායතනං න නිරුජ්ඣති, නො ච තෙසං ඝානායතනං නුප්පජ්ජති. අරූපකානං චවන්තානං අඝානකානං උපපජ්ජන්තානං තෙසං රූපායතනඤ්ච න නිරුජ්ඣති ඝානායතනඤ්ච නුප්පජ්ජති.

(ක) යස්ස ඝානායතනං නුප්පජ්ජති තස්ස මනායතනං න නිරුජ්ඣතීති?

සචිත්තකානං චවන්තානං තෙසං ඝානායතනං නුප්පජ්ජති, නො ච තෙසං මනායතනං න නිරුජ්ඣති. අඝානකානං උපපජ්ජන්තානං අචිත්තකානං චවන්තානං තෙසං ඝානායතනඤ්ච නුප්පජ්ජති මනායතනඤ්ච න නිරුජ්ඣති.

(ඛ) යස්ස වා පන මනායතනං න නිරුජ්ඣති තස්ස ඝානායතනං නුප්පජ්ජතීති?

සඝානකානං උපපජ්ජන්තානං තෙසං මනායතනං න නිරුජ්ඣති, නො ච තෙසං ඝානායතනං නුප්පජ්ජති. අචිත්තකානං චවන්තානං අඝානකානං උපපජ්ජන්තානං තෙසං මනායතනඤ්ච න නිරුජ්ඣති ඝානායතනඤ්ච නුප්පජ්ජති.

(ක) යස්ස ඝානායතනං නුප්පජ්ජති තස්ස ධම්මායතනං න නිරුජ්ඣතීති?

සබ්බෙසං චවන්තානං තෙසං ඝානායතනං නුප්පජ්ජති, නො ච තෙසං ධම්මායතනං න නිරුජ්ඣති. අඝානකානං උපපජ්ජන්තානං තෙසං ඝානායතනඤ්ච නුප්පජ්ජති ධම්මායතනඤ්ච න නිරුජ්ඣති.

(ඛ) යස්ස වා පන ධම්මායතනං න නිරුජ්ඣති තස්ස ඝානායතනං නුප්පජ්ජතීති?

සඝානකානං උපපජ්ජන්තානං තෙසං ධම්මායතනං න නිරුජ්ඣති, නො ච තෙසං ඝානායතනං නුප්පජ්ජති. අඝානකානං උපපජ්ජන්තානං තෙසං ධම්මායතනඤ්ච න නිරුජ්ඣති ඝානායතනඤ්ච නුප්පජ්ජති. (ඝානායතනමූලකං)

206. (ක) යස්ස රූපායතනං නුප්පජ්ජති තස්ස මනායතනං න නිරුජ්ඣතීති?

සචිත්තකානං චවන්තානං තෙසං රූපායතනං නුප්පජ්ජති, නො ච තෙසං මනායතනං න නිරුජ්ඣති. අරූපකානං උපපජ්ජන්තානං අචිත්තකානං චවන්තානං තෙසං රූපායතනඤ්ච නුප්පජ්ජති මනායතනඤ්ච න නිරුජ්ඣති.

(ඛ) යස්ස වා පන මනායතනං න නිරුජ්ඣති තස්ස රූපායතනං නුප්පජ්ජතීති?

සරූපකානං උපපජ්ජන්තානං තෙසං මනායතනං න නිරුජ්ඣති, නො ච තෙසං රූපායතනං නුප්පජ්ජති. අචිත්තකානං [Pg.173] චවන්තානං අරූපකානං උපපජ්ජන්තානං තෙසං මනායතනඤ්ච න නිරුජ්ඣති රූපායතනඤ්ච නුප්පජ්ජති.

(ක) යස්ස රූපායතනං නුප්පජ්ජති තස්ස ධම්මායතනං න නිරුජ්ඣතීති?

සබ්බෙසං චවන්තානං තෙසං රූපායතනං නුප්පජ්ජති, නො ච තෙසං ධම්මායතනං න නිරුජ්ඣති. අරූපකානං උපපජ්ජන්තානං තෙසං රූපායතනඤ්ච නුප්පජ්ජති ධම්මායතනඤ්ච න නිරුජ්ඣති.

(ඛ) යස්ස වා පන ධම්මායතනං න නිරුජ්ඣති තස්ස රූපායතනං නුප්පජ්ජතීති?

සරූපකානං උපපජ්ජන්තානං තෙසං ධම්මායතනං න නිරුජ්ඣති, නො ච තෙසං රූපායතනං නුප්පජ්ජති. අරූපකානං උපපජ්ජන්තානං තෙසං ධම්මායතනඤ්ච න නිරුජ්ඣති රූපායතනඤ්ච නුප්පජ්ජති. (රූපායතනමූලකං)

207. (ක) යස්ස මනායතනං නුප්පජ්ජති තස්ස ධම්මායතනං න නිරුජ්ඣතීති?

සබ්බෙසං චවන්තානං තෙසං මනායතනං නුප්පජ්ජති, නො ච තෙසං ධම්මායතනං න නිරුජ්ඣති. අචිත්තකානං උපපජ්ජන්තානං තෙසං මනායතනඤ්ච නුප්පජ්ජති ධම්මායතනඤ්ච න නිරුජ්ඣති.

(ඛ) යස්ස වා පන ධම්මායතනං න නිරුජ්ඣති තස්ස මනායතනං නුප්පජ්ජතීති?

සචිත්තකානං උපපජ්ජන්තානං තෙසං ධම්මායතනං න නිරුජ්ඣති, නො ච තෙසං මනායතනං නුප්පජ්ජති. අචිත්තකානං උපපජ්ජන්තානං තෙසං ධම්මායතනඤ්ච න නිරුජ්ඣති මනායතනඤ්ච නුප්පජ්ජති.

(ඞ) පච්චනීකඔකාසො

208. යත්ථ චක්ඛායතනං නුප්පජ්ජති…පෙ….

(ච) පච්චනීකපුග්ගලොකාසා

209. යස්ස යත්ථ චක්ඛායතනං නුප්පජ්ජති…පෙ….

(යස්සකම්පි යස්සයත්ථකම්පි සදිසං).

(2) අතීතවාරො

(ක) අනුලොමපුග්ගලො

210. (ක) යස්ස චක්ඛායතනං උප්පජ්ජිත්ථ තස්ස සොතායතනං නිරුජ්ඣිත්ථාති? ආමන්තා.

(ඛ) යස්ස වා පන සොතායතනං නිරුජ්ඣිත්ථ තස්ස චක්ඛායතනං උප්පජ්ජිත්ථාති? ආමන්තා …පෙ….

(අතීතා [Pg.174] පුච්ඡා උප්පාදෙපි නිරොධෙපි උප්පාදනිරොධෙපි අනුලොමම්පි පච්චනීකම්පි සදිසං).

(3) අනාගතවාරො

(ක) අනුලොමපුග්ගලො

211. (ක) යස්ස චක්ඛායතනං උප්පජ්ජිස්සති තස්ස සොතායතනං නිරුජ්ඣිස්සතීති? ආමන්තා.

(ඛ) යස්ස වා පන සොතායතනං නිරුජ්ඣිස්සති තස්ස චක්ඛායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං සොතායතනං නිරුජ්ඣිස්සති, නො ච තෙසං චක්ඛායතනං උප්පජ්ජිස්සති. ඉතරෙසං තෙසං සොතායතනඤ්ච නිරුජ්ඣිස්සති චක්ඛායතනඤ්ච උප්පජ්ජිස්සති.

(ක) යස්ස චක්ඛායතනං උප්පජ්ජිස්සති තස්ස ඝානායතනං නිරුජ්ඣිස්සතීති?

යෙ රූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනං උප්පජ්ජිස්සති, නො ච තෙසං ඝානායතනං නිරුජ්ඣිස්සති. ඉතරෙසං තෙසං චක්ඛායතනඤ්ච උප්පජ්ජිස්සති ඝානායතනඤ්ච නිරුජ්ඣිස්සති.

(ඛ) යස්ස වා පන ඝානායතනං නිරුජ්ඣිස්සති තස්ස චක්ඛායතනං උප්පජ්ජිස්සතීති?

පච්ඡිමභවිකානං කාමාවචරං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං ඝානායතනං නිරුජ්ඣිස්සති, නො ච තෙසං චක්ඛායතනං උප්පජ්ජිස්සති. ඉතරෙසං තෙසං ඝානායතනඤ්ච නිරුජ්ඣිස්සති චක්ඛායතනඤ්ච උප්පජ්ජිස්සති.

(ක) යස්ස චක්ඛායතනං උප්පජ්ජිස්සති තස්ස රූපායතනං නිරුජ්ඣිස්සතීති? ආමන්තා.

(ඛ) යස්ස වා පන රූපායතනං නිරුජ්ඣිස්සති තස්ස චක්ඛායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං රූපායතනං නිරුජ්ඣිස්සති, නො ච තෙසං චක්ඛායතනං උප්පජ්ජිස්සති. ඉතරෙසං තෙසං රූපායතනඤ්ච නිරුජ්ඣිස්සති චක්ඛායතනඤ්ච උප්පජ්ජිස්සති.

යස්ස චක්ඛායතනං උප්පජ්ජිස්සති තස්ස මනායතනං…පෙ… ධම්මායතනං නිරුජ්ඣිස්සතීති? ආමන්තා.

යස්ස වා පන ධම්මායතනං නිරුජ්ඣිස්සති තස්ස චක්ඛායතනං උප්පජ්ජිස්සතීති?

පච්ඡිමභවිකානං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං ධම්මායතනං නිරුජ්ඣිස්සති, නො ච තෙසං චක්ඛායතනං [Pg.175] උප්පජ්ජිස්සති. ඉතරෙසං තෙසං ධම්මායතනඤ්ච නිරුජ්ඣිස්සති චක්ඛායතනඤ්ච උප්පජ්ජිස්සති. (චක්ඛායතනමූලකං)

212. (ක) යස්ස ඝානායතනං උප්පජ්ජිස්සති තස්ස රූපායතනං නිරුජ්ඣිස්සතීති? ආමන්තා.

(ඛ) යස්ස වා පන රූපායතනං නිරුජ්ඣිස්සති තස්ස ඝානායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං රූපායතනං නිරුජ්ඣිස්සති, නො ච තෙසං ඝානායතනං උපපජ්ජිස්සති. ඉතරෙසං තෙසං රූපායතනඤ්ච නිරුජ්ඣිස්සති ඝානායතනඤ්ච උප්පජ්ජිස්සති.

යස්ස ඝානායතනං උප්පජ්ජිස්සති තස්ස මනායතනං…පෙ… ධම්මායතනං නිරුජ්ඣිස්සතීති? ආමන්තා.

යස්ස වා පන ධම්මායතනං නිරුජ්ඣිස්සති තස්ස ඝානායතනං උප්පජ්ජිස්සතීති?

පච්ඡිමභවිකානං උපපජ්ජන්තානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං ධම්මායතනං නිරුජ්ඣිස්සති, නො ච තෙසං ඝානායතනං උප්පජ්ජිස්සති. ඉතරෙසං තෙසං ධම්මායතනඤ්ච නිරුජ්ඣිස්සති ඝානායතනඤ්ච උප්පජ්ජිස්සති.

213. යස්ස රූපායතනං උප්පජ්ජිස්සති තස්ස මනායතනං…පෙ… ධම්මායතනං නිරුජ්ඣිස්සතීති? ආමන්තා.

යස්ස වා පන ධම්මායතනං නිරුජ්ඣිස්සති තස්ස රූපායතනං උප්පජ්ජිස්සතීති?

පච්ඡිමභවිකානං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං ධම්මායතනං නිරුජ්ඣිස්සති, නො ච තෙසං රූපායතනං උප්පජ්ජිස්සති. ඉතරෙසං තෙසං ධම්මායතනඤ්ච නිරුජ්ඣිස්සති රූපායතනඤ්ච උප්පජ්ජිස්සති.

214. (ක) යස්ස මනායතනං උප්පජ්ජිස්සති තස්ස ධම්මායතනං නිරුජ්ඣිස්සතීති? ආමන්තා.

(ඛ) යස්ස වා පන ධම්මායතනං නිරුජ්ඣිස්සති තස්ස මනායතනං උප්පජ්ජිස්සතීති?

පච්ඡිමභවිකානං උපපජ්ජන්තානං තෙසං ධම්මායතනං නිරුජ්ඣිස්සති, නො ච තෙසං මනායතනං උප්පජ්ජිස්සති. ඉතරෙසං තෙසං ධම්මායතනඤ්ච නිරුජ්ඣිස්සති මනායතනඤ්ච උප්පජ්ජිස්සති.

(ඛ) අනුලොමඔකාසො

215. යත්ථ චක්ඛායතනං උප්පජ්ජිස්සති…පෙ….

(ග) අනුලොමපුග්ගලොකාසා

216. (ක) යස්ස [Pg.176] යත්ථ චක්ඛායතනං උප්පජ්ජිස්සති තස්ස තත්ථ සොතායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ සොතායතනං නිරුජ්ඣිස්සති තස්ස තත්ථ චක්ඛායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ සොතායතනං නිරුජ්ඣිස්සති, නො ච තෙසං තත්ථ චක්ඛායතනං උප්පජ්ජිස්සති. ඉතරෙසං පඤ්චවොකාරානං තෙසං තත්ථ සොතායතනඤ්ච නිරුජ්ඣිස්සති චක්ඛායතනඤ්ච උප්පජ්ජිස්සති.

(ක) යස්ස යත්ථ චක්ඛායතනං උප්පජ්ජිස්සති තස්ස තත්ථ ඝානායතනං නිරුජ්ඣිස්සතීති?

රූපාවචරානං තෙසං තත්ථ චක්ඛායතනං උප්පජ්ජිස්සති, නො ච තෙසං තත්ථ ඝානායතනං නිරුජ්ඣිස්සති. කාමාවචරානං තෙසං තත්ථ චක්ඛායතනඤ්ච උප්පජ්ජිස්සති ඝානායතනඤ්ච නිරුජ්ඣිස්සති.

(ඛ) යස්ස වා පන යත්ථ ඝානායතනං නිරුජ්ඣිස්සති තස්ස තත්ථ චක්ඛායතනං උප්පජ්ජිස්සතීති?

පච්ඡිමභවිකානං කාමාවචරං උපපජ්ජන්තානං තෙසං තත්ථ ඝානායතනං නිරුජ්ඣිස්සති, නො ච තෙසං තත්ථ චක්ඛායතනං උප්පජ්ජිස්සති. ඉතරෙසං කාමාවචරානං තෙසං තත්ථ ඝානායතනඤ්ච නිරුජ්ඣිස්සති චක්ඛායතනඤ්ච උප්පජ්ජිස්සති.

(ක) යස්ස යත්ථ චක්ඛායතනං උප්පජ්ජිස්සති තස්ස තත්ථ රූපායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ රූපායතනං නිරුජ්ඣිස්සති තස්ස තත්ථ චක්ඛායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං අසඤ්ඤසත්තානං තෙසං තත්ථ රූපායතනං නිරුජ්ඣිස්සති, නො ච තෙසං තත්ථ චක්ඛායතනං උප්පජ්ජිස්සති. ඉතරෙසං පඤ්චවොකාරානං තෙසං තත්ථ රූපායතනඤ්ච නිරුජ්ඣිස්සති චක්ඛායතනඤ්ච උප්පජ්ජිස්සති.

(ක) යස්ස යත්ථ චක්ඛායතනං උප්පජ්ජිස්සති තස්ස තත්ථ මනායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ මනායතනං නිරුජ්ඣිස්සති තස්ස තත්ථ චක්ඛායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං අරූපානං තෙසං තත්ථ මනායතනං නිරුජ්ඣිස්සති, නො ච තෙසං තත්ථ චක්ඛායතනං උප්පජ්ජිස්සති. ඉතරෙසං පඤ්චවොකාරානං තෙසං තත්ථ මනායතනඤ්ච නිරුජ්ඣිස්සති චක්ඛායතනඤ්ච උප්පජ්ජිස්සති.

(ක) යස්ස යත්ථ චක්ඛායතනං උප්පජ්ජිස්සති තස්ස තත්ථ ධම්මායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ ධම්මායතනං නිරුජ්ඣිස්සති තස්ස තත්ථ චක්ඛායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං [Pg.177] අසඤ්ඤසත්තානං අරූපානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ චක්ඛායතනං උප්පජ්ජිස්සති. ඉතරෙසං පඤ්චවොකාරානං තෙසං තත්ථ ධම්මායතනඤ්ච නිරුජ්ඣිස්සති චක්ඛායතනඤ්ච උප්පජ්ජිස්සති. (චක්ඛායතනමූලකං)

217. (ක) යස්ස යත්ථ ඝානායතනං උප්පජ්ජිස්සති තස්ස තත්ථ රූපායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ රූපායතනං නිරුජ්ඣිස්සති තස්ස තත්ථ ඝානායතනං උප්පජ්ජිස්සතීති?

පච්ඡිමභවිකානං කාමාවචරං උපපජ්ජන්තානං රූපාවචරානං තෙසං තත්ථ රූපායතනං නිරුජ්ඣිස්සති, නො ච තෙසං තත්ථ ඝානායතනං උප්පජ්ජිස්සති. ඉතරෙසං කාමාවචරානං තෙසං තත්ථ රූපායතනඤ්ච නිරුජ්ඣිස්සති ඝානායතනඤ්ච උප්පජ්ජිස්සති.

යස්ස යත්ථ ඝානායතනං උප්පජ්ජිස්සති තස්ස තත්ථ මනායතනං …පෙ… ධම්මායතනං නිරුජ්ඣිස්සතීති? ආමන්තා.

යස්ස වා පන යත්ථ ධම්මායතනං නිරුජ්ඣිස්සති තස්ස තත්ථ ඝානායතනං උප්පජ්ජිස්සතීති?

පච්ඡිමභවිකානං කාමාවචරං උපපජ්ජන්තානං රූපාවචරානං අරූපාවචරානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ ඝානායතනං උප්පජ්ජිස්සති. ඉතරෙසං කාමාවචරානං තෙසං තත්ථ ධම්මායතනඤ්ච නිරුජ්ඣිස්සති ඝානායතනඤ්ච උප්පජ්ජිස්සති. (ඝානායතනමූලකං)

218. (ක) යස්ස යත්ථ රූපායතනං උප්පජ්ජිස්සති තස්ස තත්ථ මනායතනං නිරුජ්ඣිස්සතීති?

අසඤ්ඤසත්තානං තෙසං තත්ථ රූපායතනං උප්පජ්ජිස්සති, නො ච තෙසං තත්ථ මනායතනං නිරුජ්ඣිස්සති. පඤ්චවොකාරානං තෙසං තත්ථ රූපායතනඤ්ච උප්පජ්ජිස්සති මනායතනඤ්ච නිරුජ්ඣිස්සති.

(ඛ) යස්ස වා පන යත්ථ මනායතනං නිරුජ්ඣිස්සති තස්ස තත්ථ රූපායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං අරූපානං තෙසං තත්ථ මනායතනං නිරුජ්ඣිස්සති, නො ච තෙසං තත්ථ රූපායතනං උප්පජ්ජිස්සති. ඉතරෙසං පඤ්චවොකාරානං තෙසං තත්ථ මනායතනඤ්ච නිරුජ්ඣිස්සති රූපායතනඤ්ච උප්පජ්ජිස්සති.

(ක) යස්ස යත්ථ රූපායතනං උප්පජ්ජිස්සති තස්ස තත්ථ ධම්මායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ ධම්මායතනං නිරුජ්ඣිස්සති තස්ස තත්ථ රූපායතනං උප්පජ්ජිස්සතීති?

පච්ඡිමභවිකානං පඤ්චවොකාරං උපපජ්ජන්තානං [Pg.178] අරූපානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ රූපායතනං උප්පජ්ජිස්සති. ඉතරෙසං පඤ්චවොකාරානං අසඤ්ඤසත්තානං තෙසං තත්ථ ධම්මායතනඤ්ච නිරුජ්ඣිස්සති රූපායතනඤ්ච උප්පජ්ජිස්සති. (රූපායතනමූලකං)

219. (ක) යස්ස යත්ථ මනායතනං උප්පජ්ජිස්සති තස්ස තත්ථ ධම්මායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ ධම්මායතනං නිරුජ්ඣිස්සති තස්ස තත්ථ මනායතනං උප්පජ්ජිස්සතීති?

පච්ඡිමභවිකානං උපපජ්ජන්තානං අසඤ්ඤසත්තානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ මනායතනං උප්පජ්ජිස්සති. ඉතරෙසං චතුවොකාරානං පඤ්චවොකාරානං තෙසං තත්ථ ධම්මායතනඤ්ච නිරුජ්ඣිස්සති මනායතනඤ්ච උප්පජ්ජිස්සති.

(ඝ) පච්චනීකපුග්ගලො

220. (ක) යස්ස චක්ඛායතනං නුප්පජ්ජිස්සති තස්ස සොතායතනං න නිරුජ්ඣිස්සතීති?

පච්ඡිමභවිකානං පඤ්චවොකාරං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං චක්ඛායතනං නුප්පජ්ජිස්සති, නො ච තෙසං සොතායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනඤ්ච නුප්පජ්ජිස්සති සොතායතනඤ්ච න නිරුජ්ඣිස්සති.

(ඛ) යස්ස වා පන සොතායතනං න නිරුජ්ඣිස්සති තස්ස චක්ඛායතනං නුප්පජ්ජිස්සතීති? ආමන්තා.

(ක) යස්ස චක්ඛායතනං නුප්පජ්ජිස්සති තස්ස ඝානායතනං න නිරුජ්ඣිස්සතීති?

පච්ඡිමභවිකානං කාමාවචරං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං චක්ඛායතනං නුප්පජ්ජිස්සති, නො ච තෙසං ඝානායතනං න නිරුජ්ඣිස්සති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනඤ්ච නුප්පජ්ජිස්සති ඝානායතනඤ්ච න නිරුජ්ඣිස්සති.

(ඛ) යස්ස වා පන ඝානායතනං න නිරුජ්ඣිස්සති තස්ස චක්ඛායතනං නුප්පජ්ජිස්සතීති?

යෙ රූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ඝානායතනං න නිරුජ්ඣිස්සති, නො ච තෙසං චක්ඛායතනං නුප්පජ්ජිස්සති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති [Pg.179] තෙසං චවන්තානං තෙසං ඝානායතනඤ්ච න නිරුජ්ඣිස්සති චක්ඛායතනඤ්ච නුප්පජ්ජිස්සති.

(ක) යස්ස චක්ඛායතනං නුප්පජ්ජිස්සති තස්ස රූපායතනං න නිරුජ්ඣිස්සතීති?

පච්ඡිමභවිකානං පඤ්චවොකාරං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං චක්ඛායතනං නුප්පජ්ජිස්සති, නො ච තෙසං රූපායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනඤ්ච නුප්පජ්ජිස්සති රූපායතනඤ්ච න නිරුජ්ඣිස්සති.

(ඛ) යස්ස වා පන රූපායතනං න නිරුජ්ඣිස්සති තස්ස චක්ඛායතනං නුප්පජ්ජිස්සතීති? ආමන්තා.

යස්ස චක්ඛායතනං නුප්පජ්ජිස්සති තස්ස මනායතනං…පෙ… ධම්මායතනං න නිරුජ්ඣිස්සතීති?

පච්ඡිමභවිකානං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චක්ඛායතනං නුප්පජ්ජිස්සති, නො ච තෙසං ධම්මායතනං න නිරුජ්ඣිස්සති. පරිනිබ්බන්තානං තෙසං චක්ඛායතනඤ්ච නුප්පජ්ජිස්සති ධම්මායතනඤ්ච න නිරුජ්ඣිස්සති.

යස්ස වා පන ධම්මායතනං…පෙ…? ආමන්තා. (චක්ඛායතනමූලකං)

221. (ක) යස්ස ඝානායතනං නුප්පජ්ජිස්සති තස්ස රූපායතනං න නිරුජ්ඣිස්සතීති?

පච්ඡිමභවිකානං පඤ්චවොකාරං උපපජ්ජන්තානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං ඝානායතනං නුප්පජ්ජිස්සති, නො ච තෙසං රූපායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ඝානායතනඤ්ච නුප්පජ්ජිස්සති රූපායතනඤ්ච න නිරුජ්ඣිස්සති.

(ඛ) යස්ස වා පන රූපායතනං…පෙ…? ආමන්තා.

යස්ස ඝානායතනං නුප්පජ්ජිස්සති තස්ස මනායතනං…පෙ… ධම්මායතනං න නිරුජ්ඣිස්සතීති?

පච්ඡිමභවිකානං උපපජ්ජන්තානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං ඝානායතනං නුප්පජ්ජිස්සති, නො ච තෙසං ධම්මායතනං න නිරුජ්ඣිස්සති. පරිනිබ්බන්තානං තෙසං ඝානායතනඤ්ච නුප්පජ්ජිස්සති ධම්මායතනඤ්ච න නිරුජ්ඣිස්සති.

යස්ස වා පන ධම්මායතනං…පෙ…? ආමන්තා.

222. යස්ස [Pg.180] රූපායතනං නුප්පජ්ජිස්සති තස්ස මනායතනං…පෙ… ධම්මායතනං න නිරුජ්ඣිස්සතීති?

පච්ඡිමභවිකානං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං රූපායතනං නුප්පජ්ජිස්සති, නො ච තෙසං ධම්මායතනං න නිරුජ්ඣිස්සති. පරිනිබ්බන්තානං තෙසං රූපායතනඤ්ච නුප්පජ්ජිස්සති ධම්මායතනඤ්ච න නිරුජ්ඣිස්සති.

යස්ස වා පන ධම්මායතනං…පෙ…? ආමන්තා.

223. (ක) යස්ස මනායතනං නුප්පජ්ජිස්සති තස්ස ධම්මායතනං න නිරුජ්ඣිස්සතීති?

පච්ඡිමභවිකානං උපපජ්ජන්තානං තෙසං මනායතනං නුප්පජ්ජිස්සති, නො ච තෙසං ධම්මායතනං න නිරුජ්ඣිස්සති. පරිනිබ්බන්තානං තෙසං මනායතනඤ්ච නුප්පජ්ජිස්සති ධම්මායතනඤ්ච න නිරුජ්ඣිස්සති.

(ඛ) යස්ස වා පන ධම්මායතනං න නිරුජ්ඣිස්සති තස්ස මනායතනං නුප්පජ්ජිස්සතීති? ආමන්තා.

(ඞ) පච්චනීකඔකාසො

224. යත්ථ චක්ඛායතනං නුප්පජ්ජිස්සති…පෙ….

(ච) පච්චනීකපුග්ගලොකාසා

225. (ක) යස්ස යත්ථ චක්ඛායතනං නුප්පජ්ජිස්සති තස්ස තත්ථ සොතායතනං න නිරුජ්ඣිස්සතීති?

පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ චක්ඛායතනං නුප්පජ්ජිස්සති, නො ච තෙසං තත්ථ සොතායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අසඤ්ඤසත්තානං අරූපානං තෙසං තත්ථ චක්ඛායතනඤ්ච නුප්පජ්ජිස්සති සොතායතනඤ්ච න නිරුජ්ඣිස්සති.

(ඛ) යස්ස වා පන යත්ථ…පෙ…? ආමන්තා.

(ක) යස්ස යත්ථ චක්ඛායතනං නුප්පජ්ජිස්සති තස්ස තත්ථ ඝානායතනං න නිරුජ්ඣිස්සතීති?

පච්ඡිමභවිකානං කාමාවචරං උපපජ්ජන්තානං තෙසං තත්ථ චක්ඛායතනං නුප්පජ්ජිස්සති, නො ච තෙසං තත්ථ ඝානායතනං න නිරුජ්ඣිස්සති. කාමාවචරෙ පරිනිබ්බන්තානං රූපාවචරෙ පච්ඡිමභවිකානං අසඤ්ඤසත්තානං අරූපානං තෙසං තත්ථ චක්ඛායතනඤ්ච නුප්පජ්ජිස්සති ඝානායතනඤ්ච න නිරුජ්ඣිස්සති.

(ඛ) යස්ස වා පන යත්ථ ඝානායතනං න නිරුජ්ඣිස්සති තස්ස තත්ථ චක්ඛායතනං නුප්පජ්ජිස්සතීති?

රූපාවචරානං තෙසං තත්ථ ඝානායතනං න නිරුජ්ඣිස්සති, නො ච තෙසං තත්ථ චක්ඛායතනං නුප්පජ්ජිස්සති. කාමාවචරෙ පරිනිබ්බන්තානං රූපාවචරෙ පච්ඡිමභවිකානං අසඤ්ඤසත්තානං අරූපානං තෙසං තත්ථ ඝානායතනඤ්ච න නිරුජ්ඣිස්සති චක්ඛායතනඤ්ච නුප්පජ්ජිස්සති.

(ක) යස්ස [Pg.181] යත්ථ චක්ඛායතනං නුප්පජ්ජිස්සති තස්ස තත්ථ රූපායතනං න නිරුජ්ඣිස්සතීති?

පච්ඡිමභවිකානං පඤ්චවොකාරං උපපජ්ජන්තානං අසඤ්ඤසත්තානං තෙසං තත්ථ චක්ඛායතනං නුප්පජ්ජිස්සති, නො ච තෙසං තත්ථ රූපායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපානං තෙසං තත්ථ චක්ඛායතනඤ්ච නුප්පජ්ජිස්සති රූපායතනඤ්ච න නිරුජ්ඣිස්සති.

(ඛ) යස්ස වා පන යත්ථ…පෙ…? ආමන්තා.

(ක) යස්ස යත්ථ චක්ඛායතනං නුප්පජ්ජිස්සති තස්ස තත්ථ මනායතනං න නිරුජ්ඣිස්සතීති?

පච්ඡිමභවිකානං පඤ්චවොකාරං උපපජ්ජන්තානං අරූපානං තෙසං තත්ථ චක්ඛායතනං නුප්පජ්ජිස්සති, නො ච තෙසං තත්ථ මනායතනං න නිරුජ්ඣිස්සති. පරිනිබ්බන්තානං අසඤ්ඤසත්තානං තෙසං තත්ථ චක්ඛායතනඤ්ච නුප්පජ්ජිස්සති මනායතනඤ්ච න නිරුජ්ඣිස්සති.

(ඛ) යස්ස වා පන යත්ථ…පෙ…? ආමන්තා.

(ක) යස්ස යත්ථ චක්ඛායතනං නුප්පජ්ජිස්සති තස්ස තත්ථ ධම්මායතනං න නිරුජ්ඣිස්සතීති?

පච්ඡිමභවිකානං පඤ්චවොකාරං උපපජ්ජන්තානං අසඤ්ඤසත්තානං අරූපානං තෙසං තත්ථ චක්ඛායතනං නුප්පජ්ජිස්සති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ චක්ඛායතනඤ්ච නුප්පජ්ජිස්සති ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ…පෙ…? ආමන්තා. (චක්ඛායතනමූලකං)

226. (ක) යස්ස යත්ථ ඝානායතනං නුප්පජ්ජිස්සති තස්ස තත්ථ රූපායතනං න නිරුජ්ඣිස්සතීති?

පච්ඡිමභවිකානං කාමාවචරං උපපජ්ජන්තානං රූපාවචරානං තෙසං තත්ථ ඝානායතනං නුප්පජ්ජිස්සති, නො ච තෙසං තත්ථ රූපායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපානං තෙසං තත්ථ ඝානායතනඤ්ච නුප්පජ්ජිස්සති රූපායතනඤ්ච න නිරුජ්ඣිස්සති.

(ඛ) යස්ස වා පන යත්ථ…පෙ…? ආමන්තා.

(ක) යස්ස යත්ථ ඝානායතනං නුප්පජ්ජිස්සති තස්ස තත්ථ මනායතනං න නිරුජ්ඣිස්සතීති?

පච්ඡිමභවිකානං කාමාවචරං උපපජ්ජන්තානං රූපාවචරානං අරූපාවචරානං තෙසං තත්ථ ඝානායතනං නුප්පජ්ජිස්සති, නො ච තෙසං තත්ථ මනායතනං න නිරුජ්ඣිස්සති. පරිනිබ්බන්තානං අසඤ්ඤසත්තානං තෙසං තත්ථ ඝානායතනඤ්ච නුප්පජ්ජිස්සති මනායතනඤ්ච න නිරුජ්ඣිස්සති.

(ඛ) යස්ස වා පන යත්ථ…පෙ…? ආමන්තා.

(ක) යස්ස [Pg.182] යත්ථ ඝානායතනං නුප්පජ්ජිස්සති තස්ස තත්ථ ධම්මායතනං න නිරුජ්ඣිස්සතීති?

පච්ඡිමභවිකානං කාමාවචරං උපපජ්ජන්තානං රූපාවචරානං අරූපාවචරානං තෙසං තත්ථ ඝානායතනං නුප්පජ්ජිස්සති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ ඝානායතනඤ්ච නුප්පජ්ජිස්සති ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ…පෙ…? ආමන්තා. (ඝානායතනමූලකං)

227. (ක) යස්ස යත්ථ රූපායතනං නුප්පජ්ජිස්සති තස්ස තත්ථ මනායතනං න නිරුජ්ඣිස්සතීති?

පච්ඡිමභවිකානං පඤ්චවොකාරං උපපජ්ජන්තානං අරූපානං තෙසං තත්ථ රූපායතනං නුප්පජ්ජිස්සති, නො ච තෙසං තත්ථ මනායතනං න නිරුජ්ඣිස්සති. පරිනිබ්බන්තානං තෙසං තත්ථ රූපායතනඤ්ච නුප්පජ්ජිස්සති මනායතනඤ්ච න නිරුජ්ඣිස්සති.

(ඛ) යස්ස වා පන යත්ථ මනායතනං න නිරුජ්ඣිස්සති තස්ස තත්ථ රූපායතනං නුප්පජ්ජිස්සතීති?

අසඤ්ඤසත්තානං තෙසං තත්ථ මනායතනං න නිරුජ්ඣිස්සති, නො ච තෙසං තත්ථ රූපායතනං නුප්පජ්ජිස්සති. පරිනිබ්බන්තානං තෙසං තත්ථ මනායතනඤ්ච න නිරුජ්ඣිස්සති රූපායතනඤ්ච නුප්පජ්ජිස්සති.

(ක) යස්ස යත්ථ රූපායතනං නුප්පජ්ජිස්සති තස්ස තත්ථ ධම්මායතනං න නිරුජ්ඣිස්සතීති?

පච්ඡිමභවිකානං පඤ්චවොකාරං උපපජ්ජන්තානං අරූපානං තෙසං තත්ථ රූපායතනං නුප්පජ්ජිස්සති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ රූපායතනඤ්ච නුප්පජ්ජිස්සති ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ…පෙ…? ආමන්තා. (රූපායතනමූලකං)

228. (ක) යස්ස යත්ථ මනායතනං නුප්පජ්ජිස්සති තස්ස තත්ථ ධම්මායතනං න නිරුජ්ඣිස්සතීති?

පච්ඡිමභවිකානං උපපජ්ජන්තානං අසඤ්ඤසත්තානං තෙසං තත්ථ මනායතනං නුප්පජ්ජිස්සති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ මනායතනඤ්ච නුප්පජ්ජිස්සති ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ මනායතනං නුප්පජ්ජිස්සතීති? ආමන්තා.

(4) පච්චුප්පන්නාතීතවාරො

(ක) අනුලොමපුග්ගලො

229. (ක) යස්ස චක්ඛායතනං උප්පජ්ජති තස්ස සොතායතනං නිරුජ්ඣිත්ථාති? ආමන්තා.

(ඛ) යස්ස වා පන සොතායතනං නිරුජ්ඣිත්ථ තස්ස චක්ඛායතනං උප්පජ්ජතීති[Pg.183]?

සබ්බෙසං චවන්තානං අචක්ඛුකානං උපපජ්ජන්තානං තෙසං සොතායතනං නිරුජ්ඣිත්ථ, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං සොතායතනඤ්ච නිරුජ්ඣිත්ථ චක්ඛායතනඤ්ච උප්පජ්ජති.

(යථා උප්පාදවාරෙ පච්චුප්පන්නාතීතා පුච්ඡා විභත්තා එවං උප්පාදනිරොධෙපි පච්චුප්පන්නාතීතා පුච්ඡා අනුලොමම්පි පච්චනීකම්පි විභජිතබ්බා ).

(5) පච්චුප්පන්නානාගතවාරො

(ක) අනුලොමපුග්ගලො

230. (ක) යස්ස චක්ඛායතනං උප්පජ්ජති තස්ස සොතායතනං නිරුජ්ඣිස්සතීති? ආමන්තා.

(ඛ) යස්ස වා පන සොතායතනං නිරුජ්ඣිස්සති තස්ස චක්ඛායතනං උප්පජ්ජතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං සොතායතනං නිරුජ්ඣිස්සති, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං සොතායතනඤ්ච නිරුජ්ඣිස්සති චක්ඛායතනඤ්ච උප්පජ්ජති.

(ක) යස්ස චක්ඛායතනං උප්පජ්ජති තස්ස ඝානායතනං නිරුජ්ඣිස්සතීති?

පච්ඡිමභවිකානං රූපාවචරං උපපජ්ජන්තානං තෙසං චක්ඛායතනං උප්පජ්ජති, නො ච තෙසං ඝානායතනං නිරුජ්ඣිස්සති. ඉතරෙසං සචක්ඛුකානං උපපජ්ජන්තානං තෙසං චක්ඛායතනඤ්ච උප්පජ්ජති ඝානායතනඤ්ච නිරුජ්ඣිස්සති.

(ඛ) යස්ස වා පන ඝානායතනං නිරුජ්ඣිස්සති තස්ස චක්ඛායතනං උප්පජ්ජතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං ඝානායතනං නිරුජ්ඣිස්සති, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං ඝානායතනඤ්ච නිරුජ්ඣිස්සති චක්ඛායතනඤ්ච උප්පජ්ජති.

(ක) යස්ස චක්ඛායතනං උප්පජ්ජති තස්ස රූපායතනං නිරුජ්ඣිස්සතීති? ආමන්තා.

(ඛ) යස්ස වා පන රූපායතනං නිරුජ්ඣිස්සති තස්ස චක්ඛායතනං උප්පජ්ජතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං…පෙ… සචක්ඛුකානං උපපජ්ජන්තානං තෙසං රූපායතනඤ්ච නිරුජ්ඣිස්සති චක්ඛායතනඤ්ච උප්පජ්ජති.

(ක) යස්ස චක්ඛායතනං උප්පජ්ජති තස්ස මනායතනං නිරුජ්ඣිස්සතීති? ආමන්තා.

(ඛ) යස්ස වා පන මනායතනං නිරුජ්ඣිස්සති තස්ස චක්ඛායතනං උප්පජ්ජතීති[Pg.184]?

සබ්බෙසං චවන්තානං අචක්ඛුකානං උපපජ්ජන්තානං තෙසං…පෙ… සචක්ඛුකානං උපපජ්ජන්තානං තෙසං මනායතනඤ්ච නිරුජ්ඣිස්සති චක්ඛායතනඤ්ච උප්පජ්ජති.

(ක) යස්ස චක්ඛායතනං උප්පජ්ජති තස්ස ධම්මායතනං නිරුජ්ඣිස්සතීති? ආමන්තා.

(ඛ) යස්ස වා පන ධම්මායතනං නිරුජ්ඣිස්සති තස්ස චක්ඛායතනං උප්පජ්ජතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං…පෙ… සචක්ඛුකානං උපපජ්ජන්තානං තෙසං ධම්මායතනඤ්ච නිරුජ්ඣිස්සති චක්ඛායතනඤ්ච උප්පජ්ජති.

231. යස්ස ඝානායතනං උප්පජ්ජති තස්ස රූපායතනං…පෙ… මනායතනං… ධම්මායතනං නිරුජ්ඣිස්සතීති? ආමන්තා.

යස්ස වා පන ධම්මායතනං නිරුජ්ඣිස්සති තස්ස ඝානායතනං උප්පජ්ජතීති?

සබ්බෙසං චවන්තානං අඝානකානං උපපජ්ජන්තානං තෙසං ධම්මායතනං නිරුජ්ඣිස්සති, නො ච තෙසං ඝානායතනං උප්පජ්ජති. සඝානකානං උපපජ්ජන්තානං තෙසං ධම්මායතනඤ්ච නිරුජ්ඣිස්සති ඝානායතනඤ්ච උප්පජ්ජති.

232. යස්ස රූපායතනං උප්පජ්ජති තස්ස මනායතනං…පෙ… ධම්මායතනං නිරුජ්ඣිස්සතීති? ආමන්තා.

යස්ස වා පන ධම්මායතනං නිරුජ්ඣිස්සති තස්ස රූපායතනං උප්පජ්ජතීති?

සබ්බෙසං චවන්තානං අරූපකානං උපපජ්ජන්තානං තෙසං ධම්මායතනං නිරුජ්ඣිස්සති, නො ච තෙසං රූපායතනං උප්පජ්ජති. සරූපකානං උපපජ්ජන්තානං තෙසං ධම්මායතනඤ්ච නිරුජ්ඣිස්සති රූපායතනඤ්ච උප්පජ්ජති.

233. (ක) යස්ස මනායතනං උප්පජ්ජති තස්ස ධම්මායතනං නිරුජ්ඣිස්සතීති? ආමන්තා.

(ඛ) යස්ස වා පන ධම්මායතනං…පෙ…?

සබ්බෙසං චවන්තානං අචිත්තකානං උපපජ්ජන්තානං තෙසං ධම්මායතනං නිරුජ්ඣිස්සති, නො ච තෙසං මනායතනං උප්පජ්ජති. සචිත්තකානං උපපජ්ජන්තානං තෙසං ධම්මායතනඤ්ච නිරුජ්ඣිස්සති මනායතනඤ්ච උප්පජ්ජති.

(ඛ) අනුලොමඔකාසො

234. යත්ථ චක්ඛායතනං උප්පජ්ජති…පෙ….

(ග) අනුලොමපුග්ගලොකාසා

235. (ක) යස්ස යත්ථ චක්ඛායතනං උප්පජ්ජති තස්ස තත්ථ සොතායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ සොතායතනං නිරුජ්ඣිස්සති තස්ස [Pg.185] තත්ථ චක්ඛායතනං උප්පජ්ජතීති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං තෙසං තත්ථ සොතායතනං නිරුජ්ඣිස්සති, නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ සොතායතනඤ්ච නිරුජ්ඣිස්සති චක්ඛායතනඤ්ච උප්පජ්ජති.

(ක) යස්ස යත්ථ චක්ඛායතනං උප්පජ්ජති තස්ස තත්ථ ඝානායතනං නිරුජ්ඣිස්සතීති?

රූපාවචරං උපපජ්ජන්තානං තෙසං තත්ථ චක්ඛායතනං උප්පජ්ජති, නො ච තෙසං තත්ථ ඝානායතනං නිරුජ්ඣිස්සති. සචක්ඛුකානං කාමාවචරං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති ඝානායතනඤ්ච නිරුජ්ඣිස්සති.

(ඛ) යස්ස වා පන යත්ථ ඝානායතනං නිරුජ්ඣිස්සති තස්ස තත්ථ චක්ඛායතනං උප්පජ්ජතීති?

කාමාවචරා චවන්තානං අචක්ඛුකානං කාමාවචරං උපපජ්ජන්තානං තෙසං තත්ථ ඝානායතනං නිරුජ්ඣිස්සති, නො ච තෙසං තත්ථ චක්ඛායතනං උප්පජ්ජති. සචක්ඛුකානං කාමාවචරං උපපජ්ජන්තානං තෙසං තත්ථ ඝානායතනඤ්ච නිරුජ්ඣිස්සති චක්ඛායතනඤ්ච උප්පජ්ජති.

(ක) යස්ස යත්ථ චක්ඛායතනං උප්පජ්ජති තස්ස තත්ථ රූපායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ රූපායතනං නිරුජ්ඣිස්සති තස්ස තත්ථ චක්ඛායතනං උප්පජ්ජතීති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං අසඤ්ඤසත්තානං තෙසං තත්ථ රූපායතනං නිරුජ්ඣිස්සති, නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ රූපායතනඤ්ච නිරුජ්ඣිස්සති චක්ඛායතනඤ්ච උප්පජ්ජති.

(ක) යස්ස යත්ථ චක්ඛායතනං උප්පජ්ජති තස්ස තත්ථ මනායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ මනායතනං නිරුජ්ඣිස්සති තස්ස තත්ථ චක්ඛායතනං උප්පජ්ජතීති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං අරූපානං තෙසං තත්ථ මනායතනං නිරුජ්ඣිස්සති, නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ මනායතනඤ්ච නිරුජ්ඣිස්සති චක්ඛායතනඤ්ච උප්පජ්ජති.

(ක) යස්ස යත්ථ චක්ඛායතනං උප්පජ්ජති තස්ස තත්ථ ධම්මායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ ධම්මායතනං නිරුජ්ඣිස්සති තස්ස තත්ථ චක්ඛායතනං උප්පජ්ජතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ චක්ඛායතනං [Pg.186] උප්පජ්ජති. සචක්ඛුකානං උපපජ්ජන්තානං තෙසං තත්ථ ධම්මායතනඤ්ච නිරුජ්ඣිස්සති චක්ඛායතනඤ්ච උප්පජ්ජති. (චක්ඛායතනමූලකං)

236. (ක) යස්ස යත්ථ ඝානායතනං උප්පජ්ජති තස්ස තත්ථ රූපායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ රූපායතනං නිරුජ්ඣිස්සති තස්ස තත්ථ ඝානායතනං උප්පජ්ජතීති?

කාමාවචරා චවන්තානං අඝානකානං කාමාවචරං උපපජ්ජන්තානං රූපාවචරානං තෙසං තත්ථ රූපායතනං නිරුජ්ඣිස්සති, නො ච තෙසං තත්ථ ඝානායතනං උප්පජ්ජති. සඝානකානං උපපජ්ජන්තානං තෙසං තත්ථ රූපායතනඤ්ච නිරුජ්ඣිස්සති ඝානායතනඤ්ච උප්පජ්ජති.

(ක) යස්ස යත්ථ ඝානායතනං උප්පජ්ජති තස්ස තත්ථ මනායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ මනායතනං…පෙ…?

කාමාවචරා චවන්තානං අඝානකානං කාමාවචරං උපපජ්ජන්තානං රූපාවචරානං අරූපාවචරානං තෙසං තත්ථ මනායතනං…පෙ… සඝානකානං උපපජ්ජන්තානං තෙසං තත්ථ මනායතනඤ්ච නිරුජ්ඣිස්සති ඝානායතනඤ්ච උප්පජ්ජති.

(ක) යස්ස යත්ථ ඝානායතනං උප්පජ්ජති තස්ස තත්ථ ධම්මායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ ධම්මායතනං…පෙ…?

සබ්බෙසං චවන්තානං අඝානකානං උපපජ්ජන්තානං තෙසං තත්ථ ධම්මායතනං…පෙ… සඝානකානං උපපජ්ජන්තානං තෙසං තත්ථ ධම්මායතනඤ්ච නිරුජ්ඣිස්සති ඝානායතනඤ්ච උප්පජ්ජති. (ඝානායතනමූලකං)

237. (ක) යස්ස යත්ථ රූපායතනං උප්පජ්ජති තස්ස තත්ථ මනායතනං නිරුජ්ඣිස්සතීති?

අසඤ්ඤසත්තං උපපජ්ජන්තානං තෙසං තත්ථ රූපායතනං උප්පජ්ජති, නො ච තෙසං තත්ථ…පෙ… පඤ්චවොකාරං උපපජ්ජන්තානං තෙසං තත්ථ…පෙ….

(ඛ) යස්ස වා පන යත්ථ මනායතනං…පෙ…?

පඤ්චවොකාරා චවන්තානං අරූපානං තෙසං තත්ථ…පෙ… පඤ්චවොකාරං උපපජ්ජන්තානං තෙසං තත්ථ මනායතනඤ්ච නිරුජ්ඣිස්සති රූපායතනඤ්ච උප්පජ්ජති.

(ක) යස්ස යත්ථ රූපායතනං උප්පජ්ජති තස්ස තත්ථ ධම්මායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ ධම්මායතනං…පෙ…?

සබ්බෙසං චවන්තානං අරූපකානං උපපජ්ජන්තානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ රූපායතනං උප්පජ්ජති. සරූපකානං උපපජ්ජන්තානං තෙසං තත්ථ ධම්මායතනඤ්ච නිරුජ්ඣිස්සති රූපායතනඤ්ච උප්පජ්ජති.

238. (ක) යස්ස [Pg.187] යත්ථ මනායතනං උප්පජ්ජති තස්ස තත්ථ ධම්මායතනං නිරුජ්ඣිස්සතීති? ආමන්තා.

(ඛ) යස්ස වා පන යත්ථ ධම්මායතනං නිරුජ්ඣිස්සති තස්ස තත්ථ මනායතනං උප්පජ්ජතීති?

සබ්බෙසං චවන්තානං අචිත්තකානං උපපජ්ජන්තානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ මනායතනං උප්පජ්ජති. සචිත්තකානං උපපජ්ජන්තානං තෙසං තත්ථ ධම්මායතනඤ්ච නිරුජ්ඣිස්සති මනායතනඤ්ච උප්පජ්ජති.

(ඝ) පච්චනීකපුග්ගලො

239. (ක) යස්ස චක්ඛායතනං නුප්පජ්ජති තස්ස සොතායතනං න නිරුජ්ඣිස්සතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං චක්ඛායතනං නුප්පජ්ජති, නො ච තෙසං සොතායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනඤ්ච නුප්පජ්ජති සොතායතනඤ්ච න නිරුජ්ඣිස්සති.

(ඛ) යස්ස වා පන සොතායතනං න නිරුජ්ඣිස්සති තස්ස චක්ඛායතනං නුප්පජ්ජතීති? ආමන්තා.

(ක) යස්ස චක්ඛායතනං නුප්පජ්ජති තස්ස ඝානායතනං න නිරුජ්ඣිස්සතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං චක්ඛායතනං නුප්පජ්ජති, නො ච තෙසං ඝානායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනඤ්ච නුප්පජ්ජති ඝානායතනඤ්ච න නිරුජ්ඣිස්සති.

(ඛ) යස්ස වා පන ඝානායතනං න නිරුජ්ඣිස්සති තස්ස චක්ඛායතනං නුප්පජ්ජතීති?

පච්ඡිමභවිකානං රූපාවචරං උපපජ්ජන්තානං තෙසං ඝානායතනං න නිරුජ්ඣිස්සති, නො ච තෙසං චක්ඛායතනං නුප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ඝානායතනඤ්ච න නිරුජ්ඣිස්සති චක්ඛායතනඤ්ච නුප්පජ්ජති.

(ක) යස්ස චක්ඛායතනං නුප්පජ්ජති තස්ස රූපායතනං න නිරුජ්ඣිස්සතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං චක්ඛායතනං නුප්පජ්ජති, නො ච තෙසං රූපායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං [Pg.188] තෙසං චක්ඛායතනඤ්ච නුප්පජ්ජති රූපායතනඤ්ච න නිරුජ්ඣිස්සති.

(ඛ) යස්ස වා පන රූපායතනං…පෙ…? ආමන්තා.

යස්ස චක්ඛායතනං නුප්පජ්ජති තස්ස මනායතනං…පෙ… ධම්මායතනං න නිරුජ්ඣිස්සතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං චක්ඛායතනං නුප්පජ්ජති, නො ච තෙසං ධම්මායතනං න නිරුජ්ඣිස්සති. පරිනිබ්බන්තානං තෙසං චක්ඛායතනඤ්ච නුප්පජ්ජති ධම්මායතනඤ්ච න නිරුජ්ඣිස්සති.

යස්ස වා පන ධම්මායතනං…පෙ…? ආමන්තා. (චක්ඛායතනමූලකං)

240. (ක) යස්ස ඝානායතනං නුප්පජ්ජති තස්ස රූපායතනං න නිරුජ්ඣිස්සතීති?

සබ්බෙසං චවන්තානං අඝානකානං උපපජ්ජන්තානං තෙසං ඝානායතනං නුප්පජ්ජති, නො ච තෙසං රූපායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ඝානායතනඤ්ච නුප්පජ්ජති රූපායතනඤ්ච න නිරුජ්ඣිස්සති.

(ඛ) යස්ස වා පන රූපායතනං…පෙ…? ආමන්තා.

යස්ස ඝානායතනං නුප්පජ්ජති තස්ස මනායතනං…පෙ… ධම්මායතනං න නිරුජ්ඣිස්සතීති?

සබ්බෙසං චවන්තානං අඝානකානං උපපජ්ජන්තානං තෙසං ඝානායතනං නුප්පජ්ජති, නො ච තෙසං ධම්මායතනං න නිරුජ්ඣිස්සති. පරිනිබ්බන්තානං තෙසං ඝානායතනඤ්ච නුප්පජ්ජති ධම්මායතනඤ්ච න නිරුජ්ඣිස්සති.

යස්ස වා පන ධම්මායතනං…පෙ…? ආමන්තා. (ඝානායතනමූලකං)

241. යස්ස රූපායතනං නුප්පජ්ජති තස්ස මනායතනං…පෙ… ධම්මායතනං න නිරුජ්ඣිස්සතීති?

සබ්බෙසං චවන්තානං අරූපකානං උපපජ්ජන්තානං තෙසං රූපායතනං නුප්පජ්ජති, නො ච තෙසං ධම්මායතනං න නිරුජ්ඣිස්සති. පරිනිබ්බන්තානං තෙසං රූපායතනඤ්ච නුප්පජ්ජති ධම්මායතනඤ්ච න නිරුජ්ඣිස්සති.

යස්ස වා පන ධම්මායතනං…පෙ…? ආමන්තා.

242. (ක) යස්ස මනායතනං නුප්පජ්ජති තස්ස ධම්මායතනං න නිරුජ්ඣිස්සතීති?

සබ්බෙසං චවන්තානං අචිත්තකානං උපපජ්ජන්තානං තෙසං මනායතනං නුප්පජ්ජති, නො ච තෙසං ධම්මායතනං න නිරුජ්ඣිස්සති. පරිනිබ්බන්තානං තෙසං මනායතනඤ්ච නුප්පජ්ජති ධම්මායතනඤ්ච න නිරුජ්ඣිස්සති.

(ඛ) යස්ස වා පන ධම්මායතනං න නිරුජ්ඣිස්සති තස්ස මනායතනං නුප්පජ්ජතීති? ආමන්තා.

(ඞ) පච්චනීකඔකාසො

243. යත්ථ [Pg.189] චක්ඛායතනං නුප්පජ්ජති…පෙ….

(ච) පච්චනීකපුග්ගලොකාසා

244. (ක) යස්ස යත්ථ චක්ඛායතනං නුප්පජ්ජති තස්ස තත්ථ සොතායතනං න නිරුජ්ඣිස්සතීති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං තෙසං තත්ථ චක්ඛායතනං නුප්පජ්ජති, නො ච තෙසං තත්ථ සොතායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අසඤ්ඤසත්තානං අරූපානං තෙසං තත්ථ චක්ඛායතනඤ්ච නුප්පජ්ජති සොතායතනඤ්ච න නිරුජ්ඣිස්සති.

(ඛ) යස්ස වා පන යත්ථ සොතායතනං න නිරුජ්ඣිස්සති තස්ස තත්ථ චක්ඛායතනං නුප්පජ්ජතීති? ආමන්තා.

(ක) යස්ස යත්ථ චක්ඛායතනං නුප්පජ්ජති තස්ස තත්ථ ඝානායතනං න නිරුජ්ඣිස්සතීති?

කාමාවචරා චවන්තානං අචක්ඛුකානං කාමාවචරං උපපජ්ජන්තානං තෙසං තත්ථ චක්ඛායතනං නුප්පජ්ජති, නො ච තෙසං තත්ථ ඝානායතනං න නිරුජ්ඣිස්සති. කාමාවචරෙ පරිනිබ්බන්තානං රූපාවචරා චවන්තානං අසඤ්ඤසත්තානං අරූපානං තෙසං තත්ථ චක්ඛායතනඤ්ච නුප්පජ්ජති ඝානායතනඤ්ච න නිරුජ්ඣිස්සති.

(ඛ) යස්ස වා පන යත්ථ ඝානායතනං න නිරුජ්ඣිස්සති තස්ස තත්ථ චක්ඛායතනං නුප්පජ්ජතීති?

රූපාවචරං උපපජ්ජන්තානං තෙසං තත්ථ ඝානායතනං න නිරුජ්ඣිස්සති, නො ච තෙසං තත්ථ චක්ඛායතනං නුප්පජ්ජති. කාමාවචරෙ පරිනිබ්බන්තානං රූපාවචරා චවන්තානං අසඤ්ඤසත්තානං අරූපානං තෙසං තත්ථ ඝානායතනඤ්ච න නිරුජ්ඣිස්සති චක්ඛායතනඤ්ච නුප්පජ්ජති.

(ක) යස්ස යත්ථ චක්ඛායතනං නුප්පජ්ජති තස්ස තත්ථ රූපායතනං න නිරුජ්ඣිස්සතීති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං අසඤ්ඤසත්තානං තෙසං තත්ථ චක්ඛායතනං නුප්පජ්ජති, නො ච තෙසං තත්ථ රූපායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපානං තෙසං තත්ථ චක්ඛායතනඤ්ච නුප්පජ්ජති රූපායතනඤ්ච න නිරුජ්ඣිස්සති.

(ඛ) යස්ස වා පන යත්ථ රූපායතනං න නිරුජ්ඣිස්සති තස්ස තත්ථ චක්ඛායතනං නුප්පජ්ජතීති? ආමන්තා.

(ක) යස්ස යත්ථ චක්ඛායතනං නුප්පජ්ජති තස්ස තත්ථ මනායතනං න නිරුජ්ඣිස්සතීති?

පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං අරූපානං [Pg.190] තසං තත්ථ චක්ඛායතනං නුප්පජ්ජති, නො ච තෙසං තත්ථ මනායතනං න නිරුජ්ඣිස්සති. පරිනිබ්බන්තානං අසඤ්ඤසත්තානං තෙසං තත්ථ චක්ඛායතනඤ්ච නුප්පජ්ජති මනායතනඤ්ච න නිරුජ්ඣිස්සති.

(ඛ) යස්ස වා පන යත්ථ මනායතනං න නිරුජ්ඣිස්සති තස්ස තත්ථ චක්ඛායතනං නුප්පජ්ජතීති? ආමන්තා.

(ක) යස්ස යත්ථ චක්ඛායතනං නුප්පජ්ජති තස්ස තත්ථ ධම්මායතනං න නිරුජ්ඣිස්සතීති?

සබ්බෙසං චවන්තානං අචක්ඛුකානං උපපජ්ජන්තානං තෙසං තත්ථ චක්ඛායතනං නුප්පජ්ජති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ චක්ඛායතනඤ්ච නුප්පජ්ජති ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ චක්ඛායතනං නුප්පජ්ජතීති? ආමන්තා. (චක්ඛායතනමූලකං)

245. (ක) යස්ස යත්ථ ඝානායතනං නුප්පජ්ජති තස්ස තත්ථ රූපායතනං න නිරුජ්ඣිස්සතීති?

කාමාවචරා චවන්තානං අඝානකානං කාමාවචරං උපපජ්ජන්තානං රූපාවචරානං තෙසං තත්ථ ඝානායතනං නුප්පජ්ජති, නො ච තෙසං තත්ථ රූපායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපානං තෙසං තත්ථ ඝානායතනඤ්ච නුප්පජ්ජති රූපායතනඤ්ච න නිරුජ්ඣිස්සති.

(ඛ) යස්ස වා පන යත්ථ රූපායතනං න නිරුජ්ඣිස්සති තස්ස තත්ථ ඝානායතනං නුප්පජ්ජතීති? ආමන්තා.

(ක) යස්ස යත්ථ ඝානායතනං නුප්පජ්ජති තස්ස තත්ථ මනායතනං න නිරුජ්ඣිස්සතීති?

කාමාවචරා චවන්තානං අඝානකානං කාමාවචරං උපපජ්ජන්තානං රූපාවචරානං අරූපාවචරානං තෙසං තත්ථ ඝානායතනං නුප්පජ්ජති, නො ච තෙසං තත්ථ මනායතනං න නිරුජ්ඣිස්සති. පරිනිබ්බන්තානං අසඤ්ඤසත්තානං තෙසං තත්ථ ඝානායතනඤ්ච නුප්පජ්ජති මනායතනඤ්ච න නිරුජ්ඣිස්සති.

(ඛ) යස්ස වා පන යත්ථ මනායතනං න නිරුජ්ඣිස්සති තස්ස තත්ථ ඝානායතනං නුප්පජ්ජතීති? ආමන්තා.

(ක) යස්ස යත්ථ ඝානායතනං නුප්පජ්ජති තස්ස තත්ථ ධම්මායතනං න නිරුජ්ඣිස්සතීති?

සබ්බෙසං චවන්තානං අඝානකානං උපපජ්ජන්තානං තෙසං තත්ථ ඝානායතනං නුප්පජ්ජති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ ඝානායතනඤ්ච නුප්පජ්ජති ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ ඝානායතනං නුප්පජ්ජතීති? ආමන්තා. (ඝානායතනමූලකං)

246. (ක) යස්ස [Pg.191] යත්ථ රූපායතනං නුප්පජ්ජති තස්ස තත්ථ මනායතනං න නිරුජ්ඣිස්සතීති?

පඤ්චවොකාරා චවන්තානං අරූපානං තෙසං තත්ථ රූපායතනං නුප්පජ්ජති, නො ච තෙසං තත්ථ මනායතනං න නිරුජ්ඣිස්සති. පරිනිබ්බන්තානං අසඤ්ඤසත්තා චවන්තානං තෙසං තත්ථ රූපායතනඤ්ච නුප්පජ්ජති මනායතනඤ්ච න නිරුජ්ඣිස්සති.

(ඛ) යස්ස වා පන යත්ථ මනායතනං න නිරුජ්ඣිස්සති තස්ස තත්ථ රූපායතනං නුප්පජ්ජතීති?

අසඤ්ඤසත්තං උපපජ්ජන්තානං තෙසං තත්ථ මනායතනං න නිරුජ්ඣිස්සති, නො ච තෙසං තත්ථ රූපායතනං නුප්පජ්ජති. පරිනිබ්බන්තානං අසඤ්ඤසත්තා චවන්තානං තෙසං තත්ථ මනායතනඤ්ච න නිරුජ්ඣිස්සති රූපායතනඤ්ච නුප්පජ්ජති.

(ක) යස්ස යත්ථ රූපායතනං නුප්පජ්ජති තස්ස තත්ථ ධම්මායතනං න නිරුජ්ඣිස්සතීති?

සබ්බෙසං චවන්තානං අරූපකානං උපපජ්ජන්තානං තෙසං තත්ථ රූපායතනං නුප්පජ්ජති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ රූපායතනඤ්ච නුප්පජ්ජති ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ රූපායතනං නුප්පජ්ජතීති? ආමන්තා.

247. (ක) යස්ස යත්ථ මනායතනං නුප්පජ්ජති තස්ස තත්ථ ධම්මායතනං න නිරුජ්ඣිස්සතීති?

සබ්බෙසං චවන්තානං අචිත්තකානං උපපජ්ජන්තානං තෙසං තත්ථ මනායතනං නුප්පජ්ජති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ මනායතනඤ්ච නුප්පජ්ජති ධම්මායතනඤ්ච න නිරුජ්ඣිස්සති.

(ඛ) යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ මනායතනං නුප්පජ්ජතීති? ආමන්තා.

(6) අතීතානාගතවාරො

(ක) අනුලොමපුග්ගලො

248. (ක) යස්ස චක්ඛායතනං උප්පජ්ජිත්ථ තස්ස සොතායතනං නිරුජ්ඣිස්සතීති?

පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනං උප්පජ්ජිත්ථ, නො ච තෙසං සොතායතනං නිරුජ්ඣිස්සති. ඉතරෙසං තෙසං චක්ඛායතනඤ්ච උප්පජ්ජිත්ථ සොතායතනඤ්ච නිරුජ්ඣිස්සති.

(ඛ) යස්ස වා පන සොතායතනං නිරුජ්ඣිස්සති තස්ස චක්ඛායතනං උප්පජ්ජිත්ථාති? ආමන්තා.

(යථා [Pg.192] නිරොධවාරෙ අතීතානාගතා පුච්ඡා යස්සකම්පි යත්ථකම්පි යස්සයත්ථකම්පි අනුලොමම්පි පච්චනීකම්පි විභත්තං, එවං උප්පාදනිරොධෙපි අතීතානාගතා පුච්ඡා විභජිතබ්බා.)

උප්පාදනිරොධවාරො.

පවත්තිවාරො නිට්ඨිතො.

3. පරිඤ්ඤාවාරො

1. පච්චුප්පන්නවාරො

249. (ක) යො චක්ඛායතනං පරිජානාති සො සොතායතනං පරිජානාතීති? ආමන්තා.

(ඛ) යො වා පන සොතායතනං පරිජානාති සො චක්ඛායතනං පරිජානාතීති? ආමන්තා.

(ක) යො චක්ඛායතනං න පරිජානාති සො සොතායතනං න පරිජානාතීති? ආමන්තා.

(ඛ) යො වා පන සොතායතනං න පරිජානාති සො චක්ඛායතනං න පරිජානාතීති? ආමන්තා.

2. අතීතවාරො

250. (ක) යො චක්ඛායතනං පරිජානිත්ථ සො සොතායතනං පරිජානිත්ථාති? ආමන්තා.

(ඛ) යො වා පන සොතායතනං පරිජානිත්ථ සො චක්ඛායතනං පරිජානිත්ථාති? ආමන්තා.

(ක) යො චක්ඛායතනං න පරිජානිත්ථ සො සොතායතනං න පරිජානිත්ථාති? ආමන්තා.

(ඛ) යො වා පන සොතායතනං න පරිජානිත්ථ සො චක්ඛායතනං න පරිජානිත්ථාති? ආමන්තා.

3. අනාගතවාරො

251. (ක) යො චක්ඛායතනං පරිජානිස්සති සො සොතායතනං පරිජානිස්සතීති? ආමන්තා.

(ඛ) යො වා පන සොතායතනං පරිජානිස්සති සො චක්ඛායතනං පරිජානිස්සතීති? ආමන්තා.

(ක) යො [Pg.193] චක්ඛායතනං න පරිජානිස්සති සො සොතායතනං න පරිජානිස්සතීති? ආමන්තා.

(ඛ) යො වා පන සොතායතනං න පරිජානිස්සති සො චක්ඛායතනං න පරිජානිස්සතීති? ආමන්තා.

4. පච්චුප්පන්නාතීතවාරො

252. (ක) යො චක්ඛායතනං පරිජානාති සො සොතායතනං පරිජානිත්ථාති? නො.

(ඛ) යො වා පන සොතායතනං පරිජානිත්ථ සො චක්ඛායතනං පරිජානාතීති? නො.

(ක) යො චක්ඛායතනං න පරිජානාති සො සොතායතනං න පරිජානිත්ථාති?

අරහා චක්ඛායතනං න පරිජානාති, නො ච සොතායතනං න පරිජානිත්ථ. අග්ගමග්ගසමඞ්ගිඤ්ච අරහන්තඤ්ච ඨපෙත්වා අවසෙසා පුග්ගලා චක්ඛායතනඤ්ච න පරිජානන්ති සොතායතනඤ්ච න පරිජානිත්ථ.

(ඛ) යො වා පන සොතායතනං න පරිජානිත්ථ සො චක්ඛායතනං න පරිජානාතීති?

අග්ගමග්ගසමඞ්ගී සොතායතනං න පරිජානිත්ථ, නො ච චක්ඛායතනං න පරිජානාති. අග්ගමග්ගසමඞ්ගිඤ්ච අරහන්තඤ්ච ඨපෙත්වා අවසෙසා පුග්ගලා සොතායතනඤ්ච න පරිජානිත්ථ චක්ඛායතනඤ්ච න පරිජානන්ති.

5. පච්චුප්පන්නානාගතවාරො

253. (ක) යො චක්ඛායතනං පරිජානාති සො සොතායතනං පරිජානිස්සතීති? නො.

(ඛ) යො වා පන සොතායතනං පරිජානිස්සති සො චක්ඛායතනං පරිජානාතීති? නො.

(ක) යො චක්ඛායතනං න පරිජානාති සො සොතායතනං න පරිජානිස්සතීති?

යෙ මග්ගං පටිලභිස්සන්ති තෙ චක්ඛායතනං න පරිජානන්ති, නො ච සොතායතනං න පරිජානිස්සන්ති. අරහා යෙ ච පුථුජ්ජනා මග්ගං න පටිලභිස්සන්ති තෙ චක්ඛායතනඤ්ච න පරිජානන්ති සොතායතනඤ්ච න පරිජානිස්සන්ති.

(ඛ) යො වා පන සොතායතනං න පරිජානිස්සති සො චක්ඛායතනං න පරිජානාතීති?

අග්ගමග්ගසමඞ්ගී සොතායතනං න පරිජානිස්සති, නො ච චක්ඛායතනං න පරිජානාති. අරහා යෙ ච පුථුජ්ජනා මග්ගං න පටිලභිස්සන්ති තෙ සොතායතනඤ්ච න පරිජානිස්සන්ති චක්ඛායතනඤ්ච න පරිජානන්ති.

6. අතීතානාගතවාරො

254. (ක) යො [Pg.194] චක්ඛායතනං පරිජානිත්ථ සො සොතායතනං පරිජානිස්සතීති? නො.

(ඛ) යො වා පන සොතායතනං පරිජානිස්සති සො චක්ඛායතනං පරිජානිත්ථාති? නො.

(ක) යො චක්ඛායතනං න පරිජානිත්ථ සො සොතායතනං න පරිජානිස්සතීති?

යෙ මග්ගං පටිලභිස්සන්ති තෙ චක්ඛායතනං න පරිජානිත්ථ, නො ච සොතායතනං න පරිජානිස්සන්ති. අග්ගමග්ගසමඞ්ගී යෙ ච පුථුජ්ජනා මග්ගං න පටිලභිස්සන්ති තෙ චක්ඛායතනඤ්ච න පරිජානිත්ථ සොතායතනඤ්ච න පරිජානිස්සන්ති.

(ඛ) යො වා පන සොතායතනං න පරිජානිස්සති සො චක්ඛායතනං න පරිජානිත්ථාති?

අරහා සොතායතනං න පරිජානිස්සති, නො ච චක්ඛායතනං න පරිජානිත්ථ. අග්ගමග්ගසමඞ්ගී යෙ ච පුථුජ්ජනා මග්ගං න පටිලභිස්සන්ති තෙ සොතායතනඤ්ච න පරිජානිස්සන්ති චක්ඛායතනඤ්ච න පරිජානිත්ථ.

පරිඤ්ඤාවාරො.

ආයතනයමකං නිට්ඨිතං.

නමො තස්ස භගවතො අරහතො සම්මාසම්බුද්ධස්ස

4. ධාතුයමකං

1. පණ්ණත්තිවාරො

(ක) උද්දෙසො

1. අට්ඨාරස [Pg.195] ධාතුයො – චක්ඛුධාතු, සොතධාතු, ඝානධාතු, ජිව්හාධාතු, කායධාතු, රූපධාතු, සද්දධාතු, ගන්ධධාතු, රසධාතු, ඵොට්ඨබ්බධාතු, චක්ඛුවිඤ්ඤාණධාතු, සොතවිඤ්ඤාණධාතු, ඝානවිඤ්ඤාණධාතු, ජිව්හාවිඤ්ඤාණධාතු, කායවිඤ්ඤාණධාතු, මනොධාතු, මනොවිඤ්ඤාණධාතු, ධම්මධාතු.

1. පදසොධනවාරො

(ක) අනුලොමං

2. (ක) චක්ඛු චක්ඛුධාතු?

(ඛ) චක්ඛුධාතු චක්ඛු?

(ක) සොතං සොතධාතු?

(ඛ) සොතධාතු සොතං?…පෙ…

(ක) චක්ඛුවිඤ්ඤාණං චක්ඛුවිඤ්ඤාණධාතු?

(ඛ) චක්ඛුවිඤ්ඤාණධාතු චක්ඛුවිඤ්ඤාණං?…පෙ…

(ක) මනො මනොධාතු?

(ඛ) මනොධාතු මනො?

(ක) මනොවිඤ්ඤාණං මනොවිඤ්ඤාණධාතු?

(ඛ) මනොවිඤ්ඤාණධාතු මනොවිඤ්ඤාණං?

(ක) ධම්මො ධම්මධාතු?

(ඛ) ධම්මධාතු ධම්මො?

(ඛ) පච්චනීකං

3. (ක) න [Pg.196] චක්ඛු න චක්ඛුධාතු?

(ඛ) න චක්ඛුධාතු න චක්ඛු?

(ක) න සොතං න සොතධාතු?

(ඛ) න සොතධාතු න සොතං?…පෙ…

(ක) න චක්ඛුවිඤ්ඤාණං න චක්ඛුවිඤ්ඤාණධාතු?

(ඛ) න චක්ඛුවිඤ්ඤාණධාතු න චක්ඛුවිඤ්ඤාණං?…පෙ…

(ක) න මනො න මනොධාතු?

(ඛ) න මනොධාතු න මනො?

(ක) න මනොවිඤ්ඤාණං න මනොවිඤ්ඤාණධාතු?

(ඛ) න මනොවිඤ්ඤාණධාතු න මනොවිඤ්ඤාණං?

(ක) න ධම්මො න ධම්මධාතු?

(ඛ) න ධම්මධාතු න ධම්මො?

2. පදසොධනමූලචක්කවාරො

(ක) අනුලොමං

4. (ක) චක්ඛු චක්ඛුධාතු?

(ඛ) ධාතූ සොතධාතු?…පෙ…

(ක) චක්ඛු චක්ඛුධාතු?

(ඛ) ධාතූ ධම්මධාතු?

(යථා ආයතනයමකෙ චක්කං බන්ධිතං එවමිධ චක්කං බන්ධිතබ්බං.)

(ඛ) පච්චනීකං

5. (ක) න චක්ඛු න චක්ඛුධාතු?

(ඛ) න ධාතූ න සොතධාතු?

(ක) න චක්ඛු න චක්ඛුධාතු?

(ඛ) න ධාතූ න ඝානධාතු?…පෙ…

(ක) න චක්ඛු න චක්ඛුධාතු?

(ඛ) න ධාතූ න ධම්මධාතු?…පෙ…

(ක) න ධම්මො න ධම්මධාතු?

(ඛ) න ධාතූ න චක්ඛුධාතු?…පෙ…

(ක) න ධම්මො න ධම්මධාතු?

(ඛ) න ධාතූ න මනොවිඤ්ඤාණධාතු? (චක්කං බන්ධිතබ්බං).

3. සුද්ධධාතුවාරො

(ක) අනුලොමං

6. (ක) චක්ඛු [Pg.197] ධාතු?

(ඛ) ධාතූ චක්ඛු?

(ක) සොතං ධාතු?

(ඛ) ධාතූ සොතං?

ඝානං ධාතු?…පෙ… ජිව්හා ධාතු?… කායො ධාතු?… රූපං ධාතු?… සද්දො ධාතු?… ගන්ධො ධාතු?… රසො ධාතු?… ඵොට්ඨබ්බො ධාතු?…

(ක) චක්ඛුවිඤ්ඤාණං ධාතු?

(ඛ) ධාතූ චක්ඛුවිඤ්ඤාණං?

(ක) සොතවිඤ්ඤාණං ධාතු?

(ඛ) ධාතූ සොතවිඤ්ඤාණං?

… ඝානවිඤ්ඤාණං?…පෙ… ජිව්හාවිඤ්ඤාණං?… කායවිඤ්ඤාණං?

(ක) මනො ධාතු?

(ඛ) ධාතූ මනො?

(ක) මනොවිඤ්ඤාණං ධාතු?

(ඛ) ධාතූ මනොවිඤ්ඤාණං?

(ක) ධම්මො ධාතු?

(ඛ) ධාතූ ධම්මො?

(ඛ) පච්චනීකං

7. (ක) න චක්ඛු න ධාතු?

(ඛ) න ධාතූ න චක්ඛු?

(ක) න සොතං න ධාතු?

(ඛ) න ධාතූ න සොතං?

… න ඝානං?… න ජිව්හා?… න කායො?… න රූපං? … න සද්දො?… න ගන්ධො?… න රසො?… න ඵොට්ඨබ්බො?

(ක) න චක්ඛුවිඤ්ඤාණං න ධාතු?

(ඛ) න ධාතූ න චක්ඛුවිඤ්ඤාණං?

… න සොතවිඤ්ඤාණං?…පෙ… න ඝානවිඤ්ඤාණං?… න ජිව්හාවිඤ්ඤාණං?

(ක) න කායවිඤ්ඤාණං න ධාතු?

(ඛ) න ධාතූ න කායවිඤ්ඤාණං?

(ක) න මනො න ධාතු?

(ඛ) න ධාතූ න මනො?

(ක) න මනොවිඤ්ඤාණං න ධාතු?

(ඛ) න ධාතූ න මනොවිඤ්ඤාණං?

(ක) න ධම්මො න ධාතු?

(ඛ) න ධාතූ න ධම්මො?

4. සුද්ධධාතුමූලචක්කවාරො

(ක) අනුලොමං

8. (ක) චක්ඛු ධාතු?

(ඛ) ධාතූ සොතං?…පෙ…

(ක) චක්ඛු ධාතු?

(ඛ) ධාතූ ධම්මො?…පෙ…

(ක) ධම්මො ධාතු?

(ඛ) ධාතූ චක්ඛු?…පෙ…

(ක) ධම්මො ධාතු?

(ඛ) ධාතූ මනොවිඤ්ඤාණං? (චක්කං බන්ධිතබ්බං).

(ඛ) පච්චනීකං

9. (ක) න [Pg.198] චක්ඛු න ධාතු?

(ඛ) න ධාතූ න සොතං?

(ක) න චක්ඛු න ධාතු?

(ඛ) න ධාතූ න ඝානං?…පෙ….

(ක) න චක්ඛු න ධාතු?

(ඛ) න ධාතූ න ධම්මො?…පෙ…

(ක) න ධම්මො න ධාතු?

(ඛ) න ධාතූ න චක්ඛු?…පෙ…

(ක) න ධම්මො න ධාතු?

(ඛ) න ධාතූ න මනොවිඤ්ඤාණං? (චක්කං බන්ධිතබ්බං).

පණ්ණත්තිඋද්දෙසවාරො.

(ඛ) නිද්දෙසො

1. පදසොධනවාරො

(ක) අනුලොමං

10. (ක) චක්ඛු චක්ඛුධාතූති?

දිබ්බචක්ඛු පඤ්ඤාචක්ඛු චක්ඛු, න චක්ඛුධාතු. චක්ඛුධාතු චක්ඛු චෙව චක්ඛුධාතු ච.

(ඛ) චක්ඛුධාතු චක්ඛූති? ආමන්තා.

(ක) සොතං සොතධාතූති?

දිබ්බසොතං තණ්හාසොතං සොතං, න සොතධාතු. සොතධාතු සොතඤ්චෙව සොතධාතු ච.

(ඛ) සොතධාතු සොතන්ති? ආමන්තා.

(ක) ඝානං ඝානධාතූති? ආමන්තා.

(ඛ) ඝානධාතු ඝානන්ති? ආමන්තා. (ජිව්හාපි ඝානධාතුසදිසා).

(ක) කායො කායධාතූති?

කායධාතුං ඨපෙත්වා අවසෙසො කායො, න කායධාතු. කායධාතු කායො චෙව කායධාතු ච.

(ඛ) කායධාතු කායොති? ආමන්තා.

(ක) රූපං රූපධාතූති?

රූපධාතුං ඨපෙත්වා අවසෙසං රූපං, න රූපධාතු. රූපධාතු රූපඤ්චෙව රූපධාතු ච.

(ඛ) රූපධාතු රූපන්ති? ආමන්තා. (සද්දො ඝානසදිසො).

(ක) ගන්ධො [Pg.199] ගන්ධධාතූති?

සීලගන්ධො සමාධිගන්ධො පඤ්ඤාගන්ධො ගන්ධො, න ගන්ධධාතු. ගන්ධධාතු ගන්ධො චෙව ගන්ධධාතු ච.

(ඛ) ගන්ධධාතු ගන්ධොති? ආමන්තා.

(ක) රසො රසධාතූති?

අත්ථරසො ධම්මරසො විමුත්තිරසො රසො, න රසධාතු. රසධාතු රසො චෙව රසධාතු ච.

(ඛ) රසධාතු රසොති? ආමන්තා. (ඵොට්ඨබ්බො ඝානසදිසො).

(ක) චක්ඛුවිඤ්ඤාණං චක්ඛුවිඤ්ඤාණධාතූති? ආමන්තා.

(ඛ) චක්ඛුවිඤ්ඤාණධාතු චක්ඛුවිඤ්ඤාණන්ති? ආමන්තා.

සොතවිඤ්ඤාණං…පෙ… ඝානවිඤ්ඤාණං… ජිව්හාවිඤ්ඤාණං… කායවිඤ්ඤාණං….

(ක) මනො මනොධාතූති?

මනොධාතුං ඨපෙත්වා අවසෙසො මනො, න මනොධාතු. මනොධාතු මනො චෙව මනොධාතු ච.

(ඛ) මනොධාතු මනොති? ආමන්තා.

(ක) මනොවිඤ්ඤාණං මනොවිඤ්ඤාණධාතූති? ආමන්තා.

(ඛ) මනොවිඤ්ඤාණධාතු මනොවිඤ්ඤාණන්ති? ආමන්තා.

(ක) ධම්මො ධම්මධාතූති?

ධම්මධාතුං ඨපෙත්වා අවසෙසො ධම්මො, න ධම්මධාතු. ධම්මධාතු ධම්මො චෙව ධම්මධාතු ච.

(ඛ) ධම්මධාතු ධම්මොති? ආමන්තා.

(ඛ) පච්චනීකං

11. (ක) න චක්ඛු න චක්ඛුධාතූති? ආමන්තා.

(ඛ) න චක්ඛුධාතු න චක්ඛූති?

දිබ්බචක්ඛු පඤ්ඤාචක්ඛු න චක්ඛුධාතු, චක්ඛු. චක්ඛුඤ්ච චක්ඛුධාතුඤ්ච ඨපෙත්වා අවසෙසං න චෙව චක්ඛු න ච චක්ඛුධාතු.

(ක) න සොතං න සොතධාතූති? ආමන්තා.

(ඛ) න සොතධාතු න සොතන්ති?

දිබ්බසොතං තණ්හාසොතං න සොතධාතු, සොතං. සොතඤ්ච සොතධාතුඤ්ච ඨපෙත්වා අවසෙසං න චෙව සොතං න ච සොතධාතු.

(ක) න [Pg.200] ඝානං න ඝානධාතූති? ආමන්තා.

(ඛ) න ඝානධාතු න ඝානන්ති? ආමන්තා.

න ජිව්හා… (සංඛිත්තං, උභතො ආමන්තා).

(ක) න කායො න කායධාතූති? ආමන්තා.

(ඛ) න කායධාතු න කායොති?

කායධාතුං ඨපෙත්වා අවසෙසො න කායධාතු, කායො. කායඤ්ච කායධාතුඤ්ච ඨපෙත්වා අවසෙසො න චෙව කායො න ච කායධාතු.

(ක) න රූපං න රූපධාතූති? ආමන්තා.

(ඛ) න රූපධාතු න රූපන්ති?

රූපධාතුං ඨපෙත්වා අවසෙසං න රූපධාතු, රූපං. රූපඤ්ච රූපධාතුඤ්ච ඨපෙත්වා අවසෙසං න චෙව රූපං න ච රූපධාතු.

න සද්දො…පෙ… න ගන්ධො න ගන්ධධාතූති? ආමන්තා.

න ගන්ධධාතු න ගන්ධොති?

සීලගන්ධො සමාධිගන්ධො පඤ්ඤාගන්ධො න ගන්ධධාතු, ගන්ධො. ගන්ධඤ්ච ගන්ධධාතුඤ්ච ඨපෙත්වා අවසෙසො න චෙව ගන්ධො න ච ගන්ධධාතු.

(ක) න රසො න රසධාතූති? ආමන්තා.

(ඛ) න රසධාතු න රසොති?

අත්ථරසො ධම්මරසො විමුත්තිරසො න රසධාතු, රසො. රසඤ්ච රසධාතුඤ්ච ඨපෙත්වා අවසෙසො න චෙව රසො න ච රසධාතු.

න ඵොට්ඨබ්බො…පෙ… න චක්ඛුවිඤ්ඤාණං න චක්ඛුවිඤ්ඤාණධාතූති? ආමන්තා.

න චක්ඛුවිඤ්ඤාණධාතු න චක්ඛුවිඤ්ඤාණන්ති? ආමන්තා.

න සොතවිඤ්ඤාණං…පෙ… න ඝානවිඤ්ඤාණං… න ජිව්හාවිඤ්ඤාණං… න කායවිඤ්ඤාණං….

(ක) න මනො න මනොධාතූති? ආමන්තා.

(ඛ) න මනොධාතු න මනොති?

මනොධාතුං ඨපෙත්වා අවසෙසො න මනොධාතු, මනො. මනඤ්ච මනොධාතුඤ්ච ඨපෙත්වා අවසෙසො න චෙව මනො න ච මනොධාතු.

(ක) න මනොවිඤ්ඤාණං න මනොවිඤ්ඤාණධාතූති? ආමන්තා.

(ඛ) න මනොවිඤ්ඤාණධාතු න මනොවිඤ්ඤාණන්ති? ආමන්තා.

(ක) න ධම්මො න ධම්මධාතූති? ආමන්තා.

(ඛ) න ධම්මධාතු න ධම්මොති?

ධම්මධාතුං ඨපෙත්වා අවසෙසො න ධම්මධාතු, ධම්මො. ධම්මඤ්ච ධම්මධාතුඤ්ච ඨපෙත්වා අවසෙසො න චෙව ධම්මො න ච ධම්මධාතු.

2. පදසොධනමූලචක්කවාරො

(ක) අනුලොමං

12. (ක) චක්ඛු [Pg.201] චක්ඛුධාතූති?

දිබ්බචක්ඛු පඤ්ඤාචක්ඛු චක්ඛු, න චක්ඛුධාතු. චක්ඛුධාතු චක්ඛු චෙව චක්ඛුධාතු ච.

(ඛ) ධාතූ සොතධාතූති?

සොතධාතු ධාතු චෙව සොතධාතු ච. අවසෙසා ධාතූ න සොතධාතු.

(ක) චක්ඛු චක්ඛුධාතූති?

දිබ්බචක්ඛු පඤ්ඤාචක්ඛු චක්ඛු, න චක්ඛුධාතු. චක්ඛුධාතු චක්ඛු චෙව චක්ඛුධාතු ච. ධාතූ ඝානධාතු…පෙ… ධාතූ ධම්මධාතූති?

ධම්මධාතු ධාතු චෙව ධම්මධාතු ච. අවසෙසා ධාතූ න ධම්මධාතු.

(යථා ආයතනයමකෙ පණ්ණත්ති එවං ධාතුයමකෙපි පණ්ණත්ති. චක්කං බන්ධිතබ්බං).

(ඛ) පච්චනීකං

13. (ක) න චක්ඛු න චක්ඛුධාතූති? ආමන්තා.

(ඛ) න ධාතූ න සොතධාතූති? ආමන්තා.

න චක්ඛු න චක්ඛුධාතූති? ආමන්තා.

න ධාතූ න ඝානධාතු…පෙ… න ධාතූ න ධම්මධාතූති? ආමන්තා.

(චක්කං බන්ධිතබ්බං, සබ්බෙ ආමන්තා උභතොපි සෙසෙපි).

3. සුද්ධධාතුවාරො

(ක) අනුලොමං

14. (ක) චක්ඛු ධාතූති? ආමන්තා.

(ඛ) ධාතූ චක්ඛුධාතූති?

චක්ඛුධාතු ධාතු චෙව චක්ඛුධාතු ච. අවසෙසා ධාතූ න චක්ඛුධාතු.

සොතං ධාතූති? ආමන්තා.

ඝානං…පෙ… ජිව්හා… කායො… රූපං… සද්දො… ගන්ධො… රසො… ඵොට්ඨබ්බො….

(ක) චක්ඛුවිඤ්ඤාණං ධාතූති? ආමන්තා.

(ඛ) ධාතූ චක්ඛුවිඤ්ඤාණධාතූති?

චක්ඛුවිඤ්ඤාණධාතු ධාතු චෙව චක්ඛුවිඤ්ඤාණධාතු ච. අවසෙසා ධාතූ න [Pg.202] චක්ඛුවිඤ්ඤාණධාතු. සොතවිඤ්ඤාණං…පෙ… ඝානවිඤ්ඤාණං… ජිව්හාවිඤ්ඤාණං… කායවිඤ්ඤාණං….

(ක) මනො ධාතූති? ආමන්තා.

(ඛ) ධාතූ මනොධාතූති?

මනොධාතු ධාතු චෙව මනොධාතු ච. අවසෙසා ධාතූ න මනොධාතු.

(ක) මනොවිඤ්ඤාණං ධාතූති? ආමන්තා.

(ඛ) ධාතූ මනොවිඤ්ඤාණධාතූති?

මනොවිඤ්ඤාණධාතු ධාතු චෙව මනොවිඤ්ඤාණධාතු ච. අවසෙසා ධාතූ න මනොවිඤ්ඤාණධාතු.

(ක) ධම්මො ධාතූති? ආමන්තා.

(ඛ) ධාතූ ධම්මධාතූති?

ධම්මධාතු ධාතු චෙව ධම්මධාතු ච. අවසෙසා ධාතූ න ධම්මධාතු.

(ඛ) පච්චනීකං

15. (ක) න චක්ඛු න ධාතූති?

චක්ඛුං ඨපෙත්වා අවසෙසා ධාතූ න චක්ඛු, ධාතු. චක්ඛුඤ්ච ධාතුඤ්ච ඨපෙත්වා අවසෙසා න චෙව චක්ඛු න ච ධාතූ.

(ඛ) න ධාතූ න චක්ඛූති? ආමන්තා.

න සොතං න ධාතූති?

සොතං ඨපෙත්වා…පෙ… ඝානං ඨපෙත්වා…පෙ… ජිව්හ ඨපෙත්වා…පෙ….

(ක) න කායො න ධාතූති? ආමන්තා.

(ඛ) න ධාතූ න කායධාතූති? ආමන්තා.

න රූපං න ධාතූති?

රූපං ඨපෙත්වා…පෙ… සද්දං… ගන්ධං… රසං… ඵොට්ඨබ්බං… චක්ඛුවිඤ්ඤාණං…පෙ… මනොවිඤ්ඤාණං ඨපෙත්වා…පෙ….

(ක) න ධම්මො න ධාතූති? ආමන්තා.

(ඛ) න ධාතූ න ධම්මධාතූති? ආමන්තා.

4. සුද්ධධාතුමූලචක්කවාරො

(ක) අනුලොමං

16. (ක) චක්ඛු ධාතූති? ආමන්තා.

(ඛ) ධාතූ සොතධාතූති?

සොතධාතු ධාතු චෙව සොතධාතු ච. අවසෙසා ධාතූ න සොතධාතු.

චක්ඛු ධාතූති? ආමන්තා.

ධාතූ ඝානධාතු…පෙ… ධාතූ ධම්මධාතූති?

ධම්මධාතු ධාතු චෙව ධම්මධාතු ච. අවසෙසා ධාතූ න ධම්මධාතු. (චක්කං බන්ධිතබ්බං).

(ඛ) පච්චනීකං

17. (ක) න [Pg.203] චක්ඛු න ධාතූති?

චක්ඛුං ඨපෙත්වා අවසෙසා ධාතූ න චක්ඛුධාතු. චක්ඛුඤ්ච ධාතුඤ්ච ඨපෙත්වා අවසෙසා න චෙව චක්ඛු න ච ධාතු.

(ඛ) න ධාතූ න සොතධාතූති? ආමන්තා.

න චක්ඛු න ධාතූති?

චක්ඛුං ඨපෙත්වා අවසෙසා ධාතූ න චක්ඛු, ධාතු. චක්ඛු ච ධාතුඤ්ච ඨපෙත්වා අවසෙසා න චෙව චක්ඛු න ච ධාතු. න ධාතූ න ඝානධාතු…පෙ… න ධාතූ න ධම්මධාතූති? ආමන්තා.

(ක) න ධම්මො න ධාතූති? ආමන්තා.

(ඛ) න ධාතූ න චක්ඛුධාතූති? ආමන්තා.

න ධම්මො න ධාතූති? ආමන්තා.

න ධාතූ න සොතධාතු…පෙ… න ධාතූ න මනොවිඤ්ඤාණධාතූති? ආමන්තා. (චක්කං බන්ධිතබ්බං).

(යථා ආයතනයමකස්ස පණ්ණත්ති එවං ධාතුයමකස්ස පණ්ණත්ති විත්ථාරෙතබ්බා)

පණ්ණත්තිනිද්දෙසවාරො.

2. පවත්තිවාරො 1. උප්පාදවාරො

(1) පච්චුප්පන්නවාරො

(ක) අනුලොමපුග්ගලො

18. (ක) යස්ස චක්ඛුධාතු උප්පජ්ජති තස්ස සොතධාතු උප්පජ්ජතීති?

සචක්ඛුකානං අසොතකානං උපපජ්ජන්තානං තෙසං චක්ඛුධාතු උප්පජ්ජති, නො ච තෙසං සොතධාතු උප්පජ්ජති. සචක්ඛුකානං සසොතකානං උපපජ්ජන්තානං තෙසං චක්ඛුධාතු ච උප්පජ්ජති සොතධාතු ච උප්පජ්ජති.

(ඛ) යස්ස වා පන සොතධාතු උප්පජ්ජති තස්ස චක්ඛුධාතු උප්පජ්ජතීති?

සසොතකානං අචක්ඛුකානං උපපජ්ජන්තානං තෙසං සොතධාතු උප්පජ්ජති, නො ච තෙසං චක්ඛුධාතු උප්පජ්ජති. සසොතකානං සචක්ඛුකානං උපපජ්ජන්තානං තෙසං සොතධාතු ච උප්පජ්ජති චක්ඛුධාතු ච උප්පජ්ජති.

(ක) යස්ස චක්ඛුධාතු උප්පජ්ජති තස්ස ඝානධාතු උප්පජ්ජතීති?

සචක්ඛුකානං අඝානකානං උපපජ්ජන්තානං තෙසං චක්ඛුධාතු උප්පජ්ජති, නො ච තෙසං ඝානධාතු [Pg.204] උප්පජ්ජති. සචක්ඛුකානං සඝානකානං උපපජ්ජන්තානං තෙසං චක්ඛුධාතු ච උප්පජ්ජති ඝානධාතු ච උප්පජ්ජති.

(ඛ) යස්ස වා පන ඝානධාතු උප්පජ්ජති තස්ස චක්ඛුධාතු උප්පජ්ජතීති?

සඝානකානං අචක්ඛුකානං උපපජ්ජන්තානං තෙසං ඝානධාතු උප්පජ්ජති, නො ච තෙසං චක්ඛුධාතු උප්පජ්ජති. සඝානකානං සචක්ඛුකානං උපපජ්ජන්තානං තෙසං ඝානධාතු ච උප්පජ්ජති චක්ඛුධාතු ච උප්පජ්ජති.

(ක) යස්ස චක්ඛුධාතු උප්පජ්ජති තස්ස රූපධාතු උප්පජ්ජතීති? ආමන්තා.

(ඛ) යස්ස වා පන රූපධාතු උප්පජ්ජති තස්ස චක්ඛුධාතු උප්පජ්ජතීති?

සරූපකානං අචක්ඛුකානං උපපජ්ජන්තානං තෙසං රූපධාතු උප්පජ්ජති, නො ච තෙසං චක්ඛුධාතු උප්පජ්ජති. සචක්ඛුකානං උපපජ්ජන්තානං තෙසං රූපධාතු ච උප්පජ්ජති චක්ඛුධාතු ච උප්පජ්ජති.

(ක) යස්ස චක්ඛුධාතු උප්පජ්ජති තස්ස මනොවිඤ්ඤාණධාතු උප්පජ්ජතීති? ආමන්තා.

(ඛ) යස්ස වා පන මනොවිඤ්ඤාණධාතු උප්පජ්ජති තස්ස චක්ඛුධාතු උප්පජ්ජතීති?

සචිත්තකානං අචක්ඛුකානං උපපජ්ජන්තානං තෙසං මනොවිඤ්ඤාණධාතු උප්පජ්ජති, නො ච තෙසං චක්ඛුධාතු උප්පජ්ජති. සචක්ඛුකානං උපපජ්ජන්තානං තෙසං මනොවිඤ්ඤාණධාතු ච උප්පජ්ජති චක්ඛුධාතු ච උප්පජ්ජති.

(ක) යස්ස චක්ඛුධාතු උප්පජ්ජති තස්ස ධම්මධාතු උප්පජ්ජතීති? ආමන්තා.

(ඛ) යස්ස වා පන ධම්මධාතු උප්පජ්ජති තස්ස චක්ඛුධාතු උප්පජ්ජතීති?

අචක්ඛුකානං උපපජ්ජන්තානං තෙසං ධම්මධාතු උප්පජ්ජති, නො ච තෙසං චක්ඛුධාතු උප්පජ්ජති. සචක්ඛුකානං උපපජ්ජන්තානං තෙසං ධම්මධාතු ච උප්පජ්ජති චක්ඛුධාතු ච උප්පජ්ජති.

(යථා ආයතනයමකං විභත්තං එවං ධාතුයමකම්පි විභජිතබ්බං, සදිසං කාතබ්බං).

3. පරිඤ්ඤාවාරො

19. යො චක්ඛුධාතුං පරිජානාති සො සොතධාතුං පරිජානාතීති? ආමන්තා.…පෙ… (ධාතුයමකං පරිපුණ්ණං පෙය්‍යාලෙන).

ධාතුයමකං නිට්ඨිතං.

නමො තස්ස භගවතො අරහතො සම්මාසම්බුද්ධස්ස

5. සච්චයමකං

1. පණ්ණත්තිවාරො

(ක) උද්දෙසො

1. චත්තාරි [Pg.205] සච්චානි – දුක්ඛසච්චං, සමුදයසච්චං නිරොධසච්චං, මග්ගසච්චං.

1. පදසොධනවාරො

(ක) අනුලොමං

2. (ක) දුක්ඛං දුක්ඛසච්චං?

(ඛ) දුක්ඛසච්චං දුක්ඛං?

(ක) සමුදයො සමුදයසච්චං?

(ඛ) සමුදයසච්චං සමුදයො?

(ක) නිරොධො නිරොධසච්චං?

(ඛ) නිරොධසච්චං නිරොධො?

(ක) මග්ගො මග්ගසච්චං?

(ඛ) මග්ගසච්චං මග්ගො?

(ඛ) පච්චනීකං

3. (ක) න දුක්ඛං න දුක්ඛසච්චං?

(ඛ) න දුක්ඛසච්චං න දුක්ඛං?

(ක) න සමුදයො න සමුදයසච්චං?

(ඛ) න සමුදයසච්චං න සමුදයො?

(ක) න නිරොධො න නිරොධසච්චං?

(ඛ) න නිරොධසච්චං න නිරොධො?

(ක) න මග්ගො න මග්ගසච්චං?

(ඛ) න මග්ගසච්චං න මග්ගො?

2. පදසොධනමූලචක්කවාරො

(ක) අනුලොමං

4. (ක) දුක්ඛං [Pg.206] දුක්ඛසච්චං?

(ඛ) සච්චා සමුදයසච්චං?

(ක) දුක්ඛං දුක්ඛසච්චං?

(ඛ) සච්චා නිරොධසච්චං?

(ක) දුක්ඛං දුක්ඛසච්චං?

(ඛ) සච්චා මග්ගසච්චං?

(ක) සමුදයො සමුදයසච්චං?

(ඛ) සච්චා දුක්ඛසච්චං?

(ක) සමුදයො සමුදයසච්චං?

(ඛ) සච්චා නිරොධසච්චං?

(ක) සමුදයො සමුදයසච්චං?

(ඛ) සච්චා මග්ගසච්චං?

(ක) නිරොධො නිරොධසච්චං?

(ඛ) සච්චා දුක්ඛසච්චං?

(ක) නිරොධො නිරොධසච්චං?

(ඛ) සච්චා සමුදයසච්චං?

(ක) නිරොධො නිරොධසච්චං?

(ඛ) සච්චා මග්ගසච්චං?

(ක) මග්ගො මග්ගසච්චං?

(ඛ) සච්චා දුක්ඛසච්චං?

(ක) මග්ගො මග්ගසච්චං?

(ඛ) සච්චා සමුදයසච්චං?

(ක) මග්ගො මග්ගසච්චං?

(ඛ) සච්චා නිරොධසච්චං?

(ඛ) පච්චනීකං

5. (ක) න දුක්ඛං න දුක්ඛසච්චං?

(ඛ) න සච්චා න සමුදයසච්චං?

(ක) න දුක්ඛං න දුක්ඛසච්චං?

(ඛ) න සච්චා න නිරොධසච්චං?

(ක) න දුක්ඛං න දුක්ඛසච්චං?

(ඛ) න සච්චා න මග්ගසච්චං?

(ක) න සමුදයො න සමුදයසච්චං?

(ඛ) න සච්චා න දුක්ඛසච්චං?

(ක) න සමුදයො න සමුදයසච්චං?

(ඛ) න සච්චා න නිරොධසච්චං?

(ක) න සමුදයො න සමුදයසච්චං?

(ඛ) න සච්චා න මග්ගසච්චං?

(ක) න නිරොධො න නිරොධසච්චං?

(ඛ) න සච්චා න දුක්ඛසච්චං?

(ක) න නිරොධො න නිරොධසච්චං?

(ඛ) න සච්චා න සමුදයසච්චං?

(ක) න නිරොධො න නිරොධසච්චං?

(ඛ) න සච්චා න මග්ගසච්චං?

(ක) න මග්ගො න මග්ගසච්චං?

(ඛ) න සච්චා න දුක්ඛසච්චං?

(ක) න මග්ගො න මග්ගසච්චං?

(ඛ) න සච්චා න සමුදයසච්චං?

(ක) න මග්ගො න මග්ගසච්චං?

(ඛ) න සච්චා න නිරොධසච්චං?

3. සුද්ධසච්චවාරො

(ක) අනුලොමං

6. (ක) දුක්ඛං [Pg.207] සච්චං?

(ඛ) සච්චා දුක්ඛං?

(ක) සමුදයො සච්චං?

(ඛ) සච්චා සමුදයො?

(ක) නිරොධො සච්චං?

(ඛ) සච්චා නිරොධො?

(ක) මග්ගො සච්චං?

(ඛ) සච්චා මග්ගො?

(ඛ) පච්චනීකං

7. (ක) න දුක්ඛං න සච්චං?

(ඛ) න සච්චා න දුක්ඛං?

(ක) න සමුදයො න සච්චං?

(ඛ) න සච්චා න සමුදයො?

(ක) න නිරොධො න සච්චං?

(ඛ) න සච්චා න නිරොධො?

(ක) න මග්ගො න සච්චං?

(ඛ) න සච්චා න මග්ගො?

4. සුද්ධසච්චමූලචක්කවාරො

(ක) අනුලොමං

8. (ක) දුක්ඛං සච්චං?

(ඛ) සච්චා සමුදයො?

(ක) දුක්ඛං සච්චං?

(ඛ) සච්චා නිරොධො?

(ක) දුක්ඛං සච්චං?

(ඛ) සච්චා මග්ගො?

සමුදයො සච්චං?

සච්චා දුක්ඛං?…පෙ… සච්චා මග්ගො?

නිරොධො සච්චං?

සච්චා දුක්ඛං?…පෙ… සච්චා මග්ගො?

(ක) මග්ගො සච්චං?

(ඛ) සච්චා දුක්ඛං?

(ක) මග්ගො සච්චං?

(ඛ) සච්චා සමුදයො?

(ක) මග්ගො සච්චං?

(ඛ) සච්චා නිරොධො?

(ඛ) පච්චනීකං

9. (ක) න දුක්ඛං න සච්චං?

(ඛ) න සච්චා න සමුදයො?

(ක) න දුක්ඛං න සච්චං?

(ඛ) න සච්චා න නිරොධො?

(ක) න දුක්ඛං න සච්චං?

(ඛ) න සච්චා න මග්ගො?

න [Pg.208] සමුදයො න සච්චං?

න සච්චා න දුක්ඛං?…පෙ… න සච්චා න මග්ගො?

න නිරොධො න සච්චං?

න සච්චා න දුක්ඛං?…පෙ… න සච්චා න මග්ගො?

(ක) න මග්ගො න සච්චං?

(ඛ) න සච්චා න දුක්ඛං?

(ක) න මග්ගො න සච්චං?

(ඛ) න සච්චා න සමුදයො?

(ක) න මග්ගො න සච්චං?

(ඛ) න සච්චා න නිරොධො?

පණ්ණත්තිඋද්දෙසවාරො.

1. පණ්ණත්තිවාර

(ඛ) නිද්දෙසො

1. පදසොධනවාරො

(ක) අනුලොමං

10. (ක) දුක්ඛං දුක්ඛසච්චන්ති? ආමන්තා.

(ඛ) දුක්ඛසච්චං දුක්ඛන්ති?

කායිකං දුක්ඛං චෙතසිකං දුක්ඛං ඨපෙත්වා අවසෙසං දුක්ඛසච්චං, න දුක්ඛං. කායිකං දුක්ඛං චෙතසිකං දුක්ඛං දුක්ඛඤ්චෙව දුක්ඛසච්චඤ්ච.

(ක) සමුදයො සමුදයසච්චන්ති?

සමුදයසච්චං ඨපෙත්වා අවසෙසො සමුදයො, න සමුදයසච්චං. සමුදයසච්චං සමුදයො චෙව සමුදයසච්චඤ්ච.

(ඛ) සමුදයසච්චං සමුදයොති? ආමන්තා.

(ක) නිරොධො නිරොධසච්චන්ති?

නිරොධසච්චං ඨපෙත්වා අවසෙසො නිරොධො, න නිරොධසච්චං. නිරොධසච්චං නිරොධො චෙව නිරොධසච්චඤ්ච.

(ඛ) නිරොධසච්චං නිරොධොති? ආමන්තා.

(ක) මග්ගො මග්ගසච්චන්ති?

මග්ගසච්චං ඨපෙත්වා අවසෙසො මග්ගො, න මග්ගසච්චං. මග්ගසච්චං මග්ගො චෙව මග්ගසච්චඤ්ච.

(ඛ) මග්ගසච්චං මග්ගොති? ආමන්තා.

(ඛ) පච්චනීකං

11. (ක) න දුක්ඛං න දුක්ඛසච්චන්ති?

කායිකං දුක්ඛං චෙතසිකං දුක්ඛං ඨපෙත්වා අවසෙසං න දුක්ඛං දුක්ඛසච්චං. දුක්ඛඤ්ච දුක්ඛසච්චඤ්ච ඨපෙත්වා අවසෙසං න චෙව දුක්ඛං න ච දුක්ඛසච්චං.

(ඛ) න දුක්ඛසච්චං න දුක්ඛන්ති? ආමන්තා.

(ක) න [Pg.209] සමුදයො න සමුදයසච්චන්ති? ආමන්තා.

(ඛ) න සමුදයසච්චං න සමුදයොති?

සමුදයසච්චං ඨපෙත්වා අවසෙසො න සමුදයසච්චං, සමුදයො. සමුදයඤ්ච සමුදයසච්චඤ්ච ඨපෙත්වා අවසෙසො න චෙව සමුදයො න ච සමුදයසච්චං.

(ක) න නිරොධො න නිරොධසච්චන්ති? ආමන්තා.

(ඛ) න නිරොධසච්චං න නිරොධොති?

නිරොධසච්චං ඨපෙත්වා අවසෙසො න නිරොධසච්චං, නිරොධො. නිරොධඤ්ච නිරොධසච්චඤ්ච ඨපෙත්වා අවසෙසො න චෙව නිරොධො න ච නිරොධසච්චං.

(ක) න මග්ගො න මග්ගසච්චන්ති? ආමන්තා.

(ඛ) න මග්ගසච්චං න මග්ගොති?

මග්ගසච්චං ඨපෙත්වා අවසෙසො න මග්ගසච්චං, මග්ගො. මග්ගඤ්ච මග්ගසච්චඤ්ච ඨපෙත්වා අවසෙසො න චෙව මග්ගො න ච මග්ගසච්චං.

2. පදසොධනමූලචක්කවාරො

(ක) අනුලොමං

12. (ක) දුක්ඛං දුක්ඛසච්චන්ති? ආමන්තා.

(ඛ) සච්චා සමුදයසච්චන්ති?

සමුදයසච්චං සච්චඤ්චෙව සමුදයසච්චඤ්ච. අවසෙසා සච්චා න සමුදයසච්චං.

දුක්ඛං දුක්ඛසච්චන්ති? ආමන්තා.

සච්චා නිරොධසච්චන්ති?…පෙ… සච්චා මග්ගසච්චන්ති?

මග්ගසච්චං සච්චඤ්චෙව මග්ගසච්චඤ්ච. අවසෙසා සච්චා න මග්ගසච්චං.

13. සමුදයො සමුදයසච්චන්ති?

සමුදයසච්චං ඨපෙත්වා අවසෙසො සමුදයො, න සමුදයසච්චං. සමුදයසච්චං සමුදයො චෙව සමුදයසච්චඤ්ච. සච්චා දුක්ඛසච්චන්ති? …පෙ… සච්චා නිරොධසච්චන්ති?…පෙ… සච්චා මග්ගසච්චන්ති?

මග්ගසච්චං සච්චඤ්චෙව මග්ගසච්චඤ්ච. අවසෙසා සච්චා න මග්ගසච්චං.

14. නිරොධො නිරොධසච්චන්ති?

නිරොධසච්චං ඨපෙත්වා අවසෙසො නිරොධො, න නිරොධසච්චං. නිරොධසච්චං නිරොධො චෙව නිරොධසච්චඤ්ච.

සච්චා දුක්ඛසච්චන්ති?…පෙ… සච්චා සමුදයසච්චන්ති? …පෙ… සච්චා මග්ගසච්චන්ති?

මග්ගසච්චං සච්චඤ්චෙව මග්ගසච්චඤ්ච. අවසෙසා සච්චා න මග්ගසච්චං.

15. මග්ගො [Pg.210] මග්ගසච්චන්ති?

මග්ගසච්චං ඨපෙත්වා අවසෙසො මග්ගො, න මග්ගසච්චං. මග්ගසච්චං මග්ගො චෙව මග්ගසච්චඤ්ච.

සච්චා දුක්ඛසච්චන්ති?…පෙ… සච්චා සමුදයසච්චන්ති? …පෙ… සච්චා නිරොධසච්චන්ති?

නිරොධසච්චං සච්චඤ්චෙව නිරොධසච්චඤ්ච. අවසෙසා සච්චා න නිරොධසච්චං.

(ඛ) පච්චනීකං

16. (ක) න දුක්ඛං න දුක්ඛසච්චන්ති?

කායිකං දුක්ඛං චෙතසිකං දුක්ඛං ඨපෙත්වා අවසෙසං න දුක්ඛං, දුක්ඛසච්චං. දුක්ඛඤ්ච දුක්ඛසච්චඤ්ච ඨපෙත්වා අවසෙසං න චෙව දුක්ඛං න ච දුක්ඛසච්චං.

(ඛ) න සච්චා න සමුදයසච්චන්ති? ආමන්තා.

න දුක්ඛං න දුක්ඛසච්චන්ති?

කායිකං දුක්ඛං චෙතසිකං දුක්ඛං ඨපෙත්වා අවසෙසං න දුක්ඛං, දුක්ඛසච්චං. දුක්ඛඤ්ච දුක්ඛසච්චඤ්ච ඨපෙත්වා අවසෙසං න චෙව දුක්ඛං න ච දුක්ඛසච්චං.

න සච්චා න නිරොධසච්චන්ති?…පෙ… න සච්චා න මග්ගසච්චන්ති? ආමන්තා.

17. (ක) න සමුදයො න සමුදයසච්චන්ති? ආමන්තා.

(ඛ) න සච්චා න දුක්ඛසච්චන්ති? ආමන්තා.

න සමුදයො න සමුදයසච්චන්ති? ආමන්තා.

න සච්චා න නිරොධසච්චන්ති?…පෙ… න සච්චා න මග්ගසච්චන්ති? ආමන්තා.

18. න නිරොධො න නිරොධසච්චන්ති? ආමන්තා.

න සච්චා න දුක්ඛසච්චන්ති?…පෙ… න සච්චා න සමුදයසච්චන්ති?…පෙ… න සච්චා න මග්ගසච්චන්ති? ආමන්තා.

19. (ක) න මග්ගො න මග්ගසච්චන්ති? ආමන්තා.

(ඛ) න සච්චා න දුක්ඛසච්චන්ති? ආමන්තා.

න මග්ගො න මග්ගසච්චන්ති? ආමන්තා.

න සච්චා න සමුදයසච්චන්ති?…පෙ… න සච්චා න නිරොධසච්චන්ති? ආමන්තා.

3. සුද්ධසච්චවාරො

(ක) අනුලොමං

20. (ක) දුක්ඛං සච්චන්ති? ආමන්තා.

(ඛ) සච්චා දුක්ඛසච්චන්ති?

දුක්ඛසච්චං සච්චඤ්චෙව දුක්ඛසච්චඤ්ච. අවසෙසා සච්චා න දුක්ඛසච්චං.

සමුදයො [Pg.211] සච්චන්ති? ආමන්තා…පෙ….

නිරොධො සච්චන්ති? ආමන්තා…පෙ….

(ක) මග්ගො සච්චන්ති? ආමන්තා.

(ඛ) සච්චා මග්ගසච්චන්ති?

මග්ගසච්චං සච්චඤ්චෙව මග්ගසච්චඤ්ච. අවසෙසා සච්චා න මග්ගසච්චං.

(ඛ) පච්චනීකං

21. (ක) න දුක්ඛං න සච්චන්ති?

දුක්ඛං ඨපෙත්වා අවසෙසා සච්චා න දුක්ඛං, සච්චා. දුක්ඛඤ්ච සච්චඤ්ච ඨපෙත්වා අවසෙසං න චෙව දුක්ඛං න ච සච්චා.

(ඛ) න සච්චා න දුක්ඛසච්චන්ති? ආමන්තා.

න සමුදයො න සච්චන්ති?

සමුදයං ඨපෙත්වා…පෙ… නිරොධං ඨපෙත්වා…පෙ….

(ක) න මග්ගො න සච්චන්ති?

මග්ගං ඨපෙත්වා අවසෙසා සච්චා න මග්ගො, සච්චා. මග්ගඤ්ච සච්චඤ්ච ඨපෙත්වා අවසෙසා න චෙව මග්ගො න ච සච්චා.

(ඛ) න සච්චා න මග්ගසච්චන්ති? ආමන්තා.

4. සුද්ධසච්චමූලචක්කවාරො

(ක) අනුලොමං

22. (ක) දුක්ඛං සච්චන්ති? ආමන්තා.

(ඛ) සච්චා සමුදයසච්චන්ති?

සමුදයසච්චං සච්චඤ්චෙව සමුදයසච්චඤ්ච. අවසෙසා සච්චා න සමුදයසච්චං.

දුක්ඛං සච්චන්ති? ආමන්තා.

සච්චා නිරොධසච්චන්ති?…පෙ…. සච්චා මග්ගසච්චන්ති?

මග්ගසච්චං සච්චඤ්චෙව මග්ගසච්චඤ්ච. අවසෙසා සච්චා න මග්ගසච්චං.

සමුදයො සච්චන්ති? ආමන්තා.…පෙ….

නිරොධො සච්චන්ති? ආමන්තා.…පෙ….

මග්ගො සච්චන්ති? ආමන්තා.

සච්චා දුක්ඛසච්චන්ති?…පෙ… සච්චා සමුදයසච්චන්ති? …පෙ… සච්චා නිරොධසච්චන්ති?

නිරොධසච්චං සච්චඤ්චෙව නිරොධසච්චඤ්ච. අවසෙසා සච්චා න නිරොධසච්චං.

(ඛ) පච්චනීකං

23. (ක) න [Pg.212] දුක්ඛං න සච්චන්ති?

දුක්ඛං ඨපෙත්වා අවසෙසා සච්චා න දුක්ඛං, සච්චා. දුක්ඛඤ්ච සච්චඤ්ච ඨපෙත්වා අවසෙසා න චෙව දුක්ඛං න ච සච්චා.

(ඛ) න සච්චා න සමුදයසච්චන්ති? ආමන්තා.

න දුක්ඛං න සච්චන්ති?

දුක්ඛං ඨපෙත්වා අවසෙසා සච්චා න දුක්ඛං, සච්චා. දුක්ඛඤ්ච සච්චඤ්ච ඨපෙත්වා අවසෙසා න චෙව දුක්ඛං න ච සච්චා.

න සච්චා න නිරොධසච්චන්ති?…පෙ… න සච්චා න මග්ගසච්චන්ති? ආමන්තා.

24. න සමුදයො න සච්චන්ති?

සමුදයං ඨපෙත්වා අවසෙසා සච්චා න සමුදයො, සච්චා. සමුදයඤ්ච සච්චඤ්ච ඨපෙත්වා අවසෙසා න චෙව සමුදයො න ච සච්චා.

න සච්චා න දුක්ඛසච්චන්ති?…පෙ….

25. න නිරොධො න සච්චන්ති?

නිරොධං ඨපෙත්වා…පෙ….

26. (ක) න මග්ගො න සච්චන්ති?

මග්ගං ඨපෙත්වා අවසෙසා සච්චා න මග්ගො, සච්චා. මග්ගඤ්ච සච්චඤ්ච ඨපෙත්වා අවසෙසා න චෙව මග්ගො න ච සච්චා.

(ඛ) න සච්චා න දුක්ඛසච්චන්ති? ආමන්තා.

න මග්ගො න සච්චන්ති?

මග්ගං ඨපෙත්වා අවසෙසා සච්චා න මග්ගො, සච්චා. මග්ගඤ්ච සච්චඤ්ච ඨපෙත්වා අවසෙසා න චෙව මග්ගො න ච සච්චා.

න සච්චා න සමුදයසච්චන්ති? ආමන්තා.…පෙ….

න සච්චා න නිරොධසච්චන්ති? ආමන්තා.

පණ්ණත්තිනිද්දෙසවාරො.

2. පවත්තිවාරො 1. උප්පාදවාරො

(1) පච්චුප්පන්නවාරො

(ක) අනුලොමපුග්ගලො

27. (ක) යස්ස දුක්ඛසච්චං උප්පජ්ජති තස්ස සමුදයසච්චං උප්පජ්ජතීති?

සබ්බෙසං උපපජ්ජන්තානං පවත්තෙ තණ්හාවිප්පයුත්තචිත්තස්ස උප්පාදක්ඛණෙ තෙසං දුක්ඛසච්චං උප්පජ්ජති, නො ච තෙසං සමුදයසච්චං උප්පජ්ජති. තණ්හාය උප්පාදක්ඛණෙ තෙසං [Pg.213] දුක්ඛසච්චඤ්ච උප්පජ්ජති සමුදයසච්චඤ්ච උප්පජ්ජති.

(ඛ) යස්ස වා පන සමුදයසච්චං උප්පජ්ජති තස්ස දුක්ඛසච්චං උප්පජ්ජතීති? ආමන්තා.

(ක) යස්ස දුක්ඛසච්චං උප්පජ්ජති තස්ස මග්ගසච්චං උප්පජ්ජතීති?

සබ්බෙසං උපපජ්ජන්තානං පවත්තෙ මග්ගවිප්පයුත්තචිත්තස්ස උප්පාදක්ඛණෙ තෙසං දුක්ඛසච්චං උප්පජ්ජති, නො ච තෙසං මග්ගසච්චං උප්පජ්ජති. පඤ්චවොකාරෙ මග්ගස්ස උප්පාදක්ඛණෙ තෙසං දුක්ඛසච්චඤ්ච උප්පජ්ජති මග්ගසච්චඤ්ච උප්පජ්ජති.

(ඛ) යස්ස වා පන මග්ගසච්චං උප්පජ්ජති තස්ස දුක්ඛසච්චං උප්පජ්ජතීති?

අරූපෙ මග්ගස්ස උප්පාදක්ඛණෙ තෙසං මග්ගසච්චං උප්පජ්ජති, නො ච තෙසං දුක්ඛසච්චං උප්පජ්ජති. පඤ්චවොකාරෙ මග්ගස්ස උප්පාදක්ඛණෙ තෙසං මග්ගසච්චඤ්ච උප්පජ්ජති දුක්ඛසච්චඤ්ච උප්පජ්ජති.

28. (ක) යස්ස සමුදයසච්චං උප්පජ්ජති තස්ස මග්ගසච්චං උප්පජ්ජතීති? නො.

(ඛ) යස්ස වා පන මග්ගසච්චං උප්පජ්ජති තස්ස සමුදයසච්චං උප්පජ්ජතීති? නො.

(ඛ) අනුලොමඔකාසො

29. (ක) යත්ථ දුක්ඛසච්චං උප්පජ්ජති තත්ථ සමුදයසච්චං උප්පජ්ජතීති?

අසඤ්ඤසත්තෙ තත්ථ දුක්ඛසච්චං උප්පජ්ජති, නො ච තත්ථ සමුදයසච්චං උප්පජ්ජති. චතුවොකාරෙ පඤ්චවොකාරෙ තත්ථ දුක්ඛසච්චඤ්ච උප්පජ්ජති සමුදයසච්චඤ්ච උප්පජ්ජති.

(ඛ) යත්ථ වා පන…පෙ…? ආමන්තා.

(ක) යත්ථ දුක්ඛසච්චං උප්පජ්ජති තත්ථ මග්ගසච්චං උප්පජ්ජතීති?

අපායෙ අසඤ්ඤසත්තෙ තත්ථ දුක්ඛසච්චං උප්පජ්ජති, නො ච තත්ථ මග්ගසච්චං උප්පජ්ජති. අවසෙසෙ චතුවොකාරෙ පඤ්චවොකාරෙ තත්ථ දුක්ඛසච්චඤ්ච උප්පජ්ජති මග්ගසච්චඤ්ච උප්පජ්ජති.

(ඛ) යත්ථ වා පන මග්ගසච්චං උප්පජ්ජති තත්ථ දුක්ඛසච්චං උප්පජ්ජතීති? ආමන්තා.

30. (ක) යත්ථ සමුදයසච්චං උප්පජ්ජති තත්ථ මග්ගසච්චං උප්පජ්ජතීති?

අපායෙ තත්ථ සමුදයසච්චං උප්පජ්ජති, නො ච තත්ථ මග්ගසච්චං උප්පජ්ජති. අවසෙසෙ චතුවොකාරෙ පඤ්චවොකාරෙ තත්ථ සමුදයසච්චඤ්ච උප්පජ්ජති මග්ගසච්චඤ්ච උප්පජ්ජති.

(ඛ) යත්ථ වා පන…පෙ…? ආමන්තා.

(ග) අනුලොමපුග්ගලොකාසා

31. යස්ස යත්ථ දුක්ඛසච්චං උප්පජ්ජති තස්ස තත්ථ සමුදයසච්චං උප්පජ්ජතීති?…පෙ….

(යස්සකම්පි යස්සයත්ථකම්පි සදිසං විත්ථාරෙතබ්බං).

(ඝ) පච්චනීකපුග්ගලො

32. (ක) යස්ස [Pg.214] දුක්ඛසච්චං නුප්පජ්ජති තස්ස සමුදයසච්චං නුප්පජ්ජතීති? ආමන්තා.

(ඛ) යස්ස වා පන සමුදයසච්චං නුප්පජ්ජති තස්ස දුක්ඛසච්චං නුප්පජ්ජතීති?

සබ්බෙසං උපපජ්ජන්තානං පවත්තෙ තණ්හාවිප්පයුත්තචිත්තස්ස උප්පාදක්ඛණෙ තෙසං සමුදයසච්චං නුප්පජ්ජති, නො ච තෙසං දුක්ඛසච්චං නුප්පජ්ජති. සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං සමුදයසච්චඤ්ච නුප්පජ්ජති දුක්ඛසච්චඤ්ච නුප්පජ්ජති.

(ක) යස්ස දුක්ඛසච්චං නුප්පජ්ජති තස්ස මග්ගසච්චං නුප්පජ්ජතීති?

අරූපෙ මග්ගස්ස උප්පාදක්ඛණෙ තෙසං දුක්ඛසච්චං නුප්පජ්ජති, නො ච තෙසං මග්ගසච්චං නුප්පජ්ජති. සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ ඵලස්ස උප්පාදක්ඛණෙ තෙසං දුක්ඛසච්චඤ්ච නුප්පජ්ජති මග්ගසච්චඤ්ච නුප්පජ්ජති.

(ඛ) යස්ස වා පන මග්ගසච්චං නුප්පජ්ජති තස්ස දුක්ඛසච්චං නුප්පජ්ජතීති?

සබ්බෙසං උපපජ්ජන්තානං පවත්තෙ මග්ගවිප්පයුත්තචිත්තස්ස උප්පාදක්ඛණෙ තෙසං මග්ගසච්චං නුප්පජ්ජති, නො ච තෙසං දුක්ඛසච්චං නුප්පජ්ජති. සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ ඵලස්ස උප්පාදක්ඛණෙ තෙසං මග්ගසච්චඤ්ච නුප්පජ්ජති දුක්ඛසච්චඤ්ච නුප්පජ්ජති.

33. (ක) යස්ස සමුදයසච්චං නුප්පජ්ජති තස්ස මග්ගසච්චං නුප්පජ්ජතීති?

මග්ගස්ස උප්පාදක්ඛණෙ තෙසං සමුදයසච්චං නුප්පජ්ජති, නො ච තෙසං මග්ගසච්චං නුප්පජ්ජති. සබ්බෙසං චිත්තස්ස භඞ්ගක්ඛණෙ තණ්හාවිප්පයුත්තමග්ගවිප්පයුත්තචිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං සමුදයසච්චඤ්ච නුප්පජ්ජති මග්ගසච්චඤ්ච නුප්පජ්ජති.

(ඛ) යස්ස වා පන මග්ගසච්චං නුප්පජ්ජති තස්ස සමුදයසච්චං නුප්පජ්ජතීති?

තණ්හාය උප්පාදක්ඛණෙ තෙසං මග්ගසච්චං නුප්පජ්ජති, නො ච තෙසං සමුදයසච්චං නුප්පජ්ජති. සබ්බෙසං චිත්තස්ස භඞ්ගක්ඛණෙ මග්ගවිප්පයුත්තතණ්හාවිප්පයුත්තචිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං මග්ගසච්චඤ්ච නුප්පජ්ජති සමුදයසච්චඤ්ච නුප්පජ්ජති.

(ඞ) පච්චනීකඔකාසො

34. (ක) යත්ථ දුක්ඛසච්චං නුප්පජ්ජති තත්ථ සමුදයසච්චං නුප්පජ්ජතීති? නත්ථි.

(ඛ) යත්ථ වා පන සමුදයසච්චං නුප්පජ්ජති තත්ථ දුක්ඛසච්චං නුප්පජ්ජතීති? උප්පජ්ජති.

(ක) යත්ථ [Pg.215] දුක්ඛසච්චං නුප්පජ්ජති තත්ථ මග්ගසච්චං නුප්පජ්ජතීති? නත්ථි.

(ඛ) යත්ථ වා පන මග්ගසච්චං නුප්පජ්ජති තත්ථ දුක්ඛසච්චං නුප්පජ්ජතීති? උප්පජ්ජති.

35. (ක) යත්ථ සමුදයසච්චං නුප්පජ්ජති තත්ථ මග්ගසච්චං නුප්පජ්ජතීති? ආමන්තා.

(ඛ) යත්ථ වා පන මග්ගසච්චං නුප්පජ්ජති තත්ථ සමුදයසච්චං නුප්පජ්ජතීති?

අපායෙ තත්ථ මග්ගසච්චං නුප්පජ්ජති, නො ච තත්ථ සමුදයසච්චං නුප්පජ්ජති. අසඤ්ඤසත්තෙ තත්ථ මග්ගසච්චඤ්ච නුප්පජ්ජති සමුදයසච්චඤ්ච නුප්පජ්ජති.

(ච) පච්චනීකපුග්ගලොකාසා

36. (ක) යස්ස යත්ථ දුක්ඛසච්චං නුප්පජ්ජති තස්ස තත්ථ සමුදයසච්චං නුප්පජ්ජතීති? ආමන්තා.

(ඛ) යස්ස වා පන යත්ථ සමුදයසච්චං නුප්පජ්ජති තස්ස තත්ථ දුක්ඛසච්චං නුප්පජ්ජතීති?

සබ්බෙසං උපපජ්ජන්තානං පවත්තෙ තණ්හාවිප්පයුත්තචිත්තස්ස උප්පාදක්ඛණෙ තෙසං තත්ථ සමුදයසච්චං නුප්පජ්ජති, නො ච තෙසං තත්ථ දුක්ඛසච්චං නුප්පජ්ජති. සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං තත්ථ සමුදයසච්චඤ්ච නුප්පජ්ජති දුක්ඛසච්චඤ්ච නුප්පජ්ජති.

(ක) යස්ස යත්ථ දුක්ඛසච්චං නුප්පජ්ජති තස්ස තත්ථ මග්ගසච්චං නුප්පජ්ජතීති?

අරූපෙ මග්ගස්ස උප්පාදක්ඛණෙ තෙසං තත්ථ දුක්ඛසච්චං නුප්පජ්ජති, නො ච තෙසං තත්ථ මග්ගසච්චං නුප්පජ්ජති. සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ ඵලස්ස උප්පාදක්ඛණෙ තෙසං තත්ථ දුක්ඛසච්චඤ්ච නුප්පජ්ජති මග්ගසච්චඤ්ච නුප්පජ්ජති.

(ඛ) යස්ස වා පන යත්ථ මග්ගසච්චං නුප්පජ්ජති තස්ස තත්ථ දුක්ඛසච්චං නුප්පජ්ජතීති?

සබ්බෙසං උපපජ්ජන්තානං පවත්තෙ මග්ගවිප්පයුත්තචිත්තස්ස උප්පාදක්ඛණෙ තෙසං තත්ථ මග්ගසච්චං නුප්පජ්ජති, නො ච තෙසං තත්ථ දුක්ඛසච්චං නුප්පජ්ජති. සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ ඵලස්ස උප්පාදක්ඛණෙ තෙසං තත්ථ මග්ගසච්චඤ්ච නුප්පජ්ජති දුක්ඛසච්චඤ්ච නුප්පජ්ජති.

37. (ක) යස්ස යත්ථ සමුදයසච්චං නුප්පජ්ජති තස්ස තත්ථ මග්ගසච්චං නුප්පජ්ජතීති?

මග්ගස්ස උප්පාදක්ඛණෙ තෙසං තත්ථ සමුදයසච්චං නුප්පජ්ජති, නො ච තෙසං තත්ථ මග්ගසච්චං නුප්පජ්ජති. සබ්බෙසං චිත්තස්ස භඞ්ගක්ඛණෙ තණ්හාවිප්පයුත්තමග්ගවිප්පයුත්තචිත්තස්ස උප්පාදක්ඛණෙ අසඤ්ඤසත්තානං තෙසං තත්ථ සමුදයසච්චඤ්ච නුප්පජ්ජති මග්ගසච්චඤ්ච නුප්පජ්ජති.

(ඛ) යස්ස වා පන යත්ථ මග්ගසච්චං නුප්පජ්ජති තස්ස තත්ථ සමුදයසච්චං නුප්පජ්ජතීති?

තණ්හාය උප්පාදක්ඛණෙ තෙසං [Pg.216] තත්ථ මග්ගසච්චං නුප්පජ්ජති, නො ච තෙසං තත්ථ සමුදයසච්චං නුප්පජ්ජති. සබ්බෙසං චිත්තස්ස භඞ්ගක්ඛණෙ මග්ගවිප්පයුත්තතණ්හාවිප්පයුත්තචිත්තස්ස උප්පාදක්ඛණෙ අසඤ්ඤසත්තානං තෙසං තත්ථ මග්ගසච්චඤ්ච නුප්පජ්ජති සමුදයසච්චඤ්ච නුප්පජ්ජති.

(2) අතීතවාරො

(ක) අනුලොමපුග්ගලො

38. (ක) යස්ස දුක්ඛසච්චං උප්පජ්ජිත්ථ තස්ස සමුදයසච්චං උප්පජ්ජිත්ථාති? ආමන්තා.

(ඛ) යස්ස වා පන සමුදයසච්චං උප්පජ්ජිත්ථ තස්ස දුක්ඛසච්චං උප්පජ්ජිත්ථාති? ආමන්තා.

(ක) යස්ස දුක්ඛසච්චං උප්පජ්ජිත්ථ තස්ස මග්ගසච්චං උප්පජ්ජිත්ථාති?

අනභිසමෙතාවීනං තෙසං දුක්ඛසච්චං උප්පජ්ජිත්ථ, නො ච තෙසං මග්ගසච්චං උප්පජ්ජිත්ථ. අභිසමෙතාවීනං තෙසං දුක්ඛසච්චඤ්ච උප්පජ්ජිත්ථ මග්ගසච්චඤ්ච උප්පජ්ජිත්ථ.

(ඛ) යස්ස වා පන…පෙ… උප්පජ්ජිත්ථාති? ආමන්තා.

39. (ක) යස්ස සමුදයසච්චං උප්පජ්ජිත්ථ තස්ස මග්ගසච්චං උප්පජ්ජිත්ථාති?

අනභිසමෙතාවීනං තෙසං සමුදයසච්චං උප්පජ්ජිත්ථ, නො ච තෙසං මග්ගසච්චං උප්පජ්ජිත්ථ. අභිසමෙතාවීනං තෙසං සමුදයසච්චඤ්ච උප්පජ්ජිත්ථ මග්ගසච්චඤ්ච උප්පජ්ජිත්ථ.

(ඛ) යස්ස වා පන…පෙ… උප්පජ්ජිත්ථාති? ආමන්තා.

(ඛ) අනුලොමඔකාසො

40. යත්ථ දුක්ඛසච්චං උප්පජ්ජිත්ථ…පෙ….

(යත්ථකම්පි සබ්බත්ථ සදිසං. තන්තිනානාකරණං හෙට්ඨා යත්ථකසදිසං).

(ග) අනුලොමපුග්ගලොකාසා

41. (ක) යස්ස යත්ථ දුක්ඛසච්චං උප්පජ්ජිත්ථ තස්ස තත්ථ සමුදයසච්චං උප්පජ්ජිත්ථාති?

සුද්ධාවාසානං දුතියෙ චිත්තෙ වත්තමානෙ අසඤ්ඤසත්තානං තෙසං තත්ථ දුක්ඛසච්චං උප්පජ්ජිත්ථ, නො ච තෙසං තත්ථ සමුදයසච්චං උප්පජ්ජිත්ථ. ඉතරෙසං චතුවොකාරානං පඤ්චවොකාරානං තෙසං තත්ථ දුක්ඛසච්චඤ්ච උප්පජ්ජිත්ථ සමුදයසච්චඤ්ච උප්පජ්ජිත්ථ.

(ඛ) යස්ස වා පන යත්ථ…පෙ… උප්පජ්ජිත්ථාති? ආමන්තා.

(ක) යස්ස [Pg.217] යත්ථ දුක්ඛසච්චං උප්පජ්ජිත්ථ තස්ස තත්ථ මග්ගසච්චං උප්පජ්ජිත්ථාති?

සුද්ධාවාසානං දුතියෙ චිත්තෙ වත්තමානෙ අනභිසමෙතාවීනං අසඤ්ඤසත්තානං තෙසං තත්ථ දුක්ඛසච්චං උප්පජ්ජිත්ථ, නො ච තෙසං තත්ථ මග්ගසච්චං උප්පජ්ජිත්ථ. අභිසමෙතාවීනං තෙසං තත්ථ දුක්ඛසච්චඤ්ච උප්පජ්ජිත්ථ මග්ගසච්චඤ්ච උප්පජ්ජිත්ථ.

(ඛ) යස්ස වා පන යත්ථ…පෙ… උප්පජ්ජිත්ථාති? ආමන්තා.

42. (ක) යස්ස යත්ථ සමුදයසච්චං උප්පජ්ජිත්ථ තස්ස තත්ථ මග්ගසච්චං උප්පජ්ජිත්ථාති?

සුද්ධාවාසානං දුතියෙ අකුසලෙ චිත්තෙ වත්තමානෙ අනභිසමෙතාවීනං තෙසං තත්ථ සමුදයසච්චං උප්පජ්ජිත්ථ, නො ච තෙසං තත්ථ මග්ගසච්චං උප්පජ්ජිත්ථ. අභිසමෙතාවීනං තෙසං තත්ථ සමුදයසච්චඤ්ච උප්පජ්ජිත්ථ මග්ගසච්චඤ්ච උප්පජ්ජිත්ථ.

(ඛ) යස්ස වා පන යත්ථ…පෙ… උප්පජ්ජිත්ථාති? ආමන්තා.

(ඝ) පච්චනීකපුග්ගලො

43. (ක) යස්ස දුක්ඛසච්චං නුප්පජ්ජිත්ථ තස්ස සමුදයසච්චං නුප්පජ්ජිත්ථාති? නත්ථි.

(ඛ) යස්ස වා පන…පෙ… නුප්පජ්ජිත්ථාති? නත්ථි.

(ක) යස්ස දුක්ඛසච්චං නුප්පජ්ජිත්ථ තස්ස මග්ගසච්චං නුප්පජ්ජිත්ථාති? නත්ථි.

(ඛ) යස්ස වා පන මග්ගසච්චං නුප්පජ්ජිත්ථ තස්ස දුක්ඛසච්චං නුප්පජ්ජිත්ථාති? උප්පජ්ජිත්ථ.

44. (ක) යස්ස සමුදයසච්චං නුප්පජ්ජිත්ථ තස්ස මග්ගසච්චං නුප්පජ්ජිත්ථාති? නත්ථි.

(ඛ) යස්ස වා පන…පෙ… නුප්පජ්ජිත්ථාති? උප්පජ්ජිත්ථ.

(ඞ) පච්චනීකඔකාසො

45. යත්ථ දුක්ඛසච්චං නුප්පජ්ජිත්ථ…පෙ….

(ච) පච්චනීකපුග්ගලොකාසා

46. (ක) යස්ස යත්ථ දුක්ඛසච්චං නුප්පජ්ජිත්ථ තස්ස තත්ථ සමුදයසච්චං නුප්පජ්ජිත්ථාති? ආමන්තා.

(ඛ) යස්ස වා පන යත්ථ සමුදයසච්චං නුප්පජ්ජිත්ථ තස්ස තත්ථ දුක්ඛසච්චං නුප්පජ්ජිත්ථාති?

සුද්ධාවාසානං දුතියෙ චිත්තෙ වත්තමානෙ අසඤ්ඤසත්තානං තෙසං තත්ථ සමුදයසච්චං නුප්පජ්ජිත්ථ, නො ච තෙසං තත්ථ දුක්ඛසච්චං නුප්පජ්ජිත්ථ. සුද්ධාවාසං උපපජ්ජන්තානං තෙසං තත්ථ සමුදයසච්චඤ්ච නුප්පජ්ජිත්ථ දුක්ඛසච්චඤ්ච නුප්පජ්ජිත්ථ.

(ක) යස්ස [Pg.218] යත්ථ දුක්ඛසච්චං නුප්පජ්ජිත්ථ තස්ස තත්ථ මග්ගසච්චං නුප්පජ්ජිත්ථාති? ආමන්තා.

(ඛ) යස්ස වා පන යත්ථ මග්ගසච්චං නුප්පජ්ජිත්ථ තස්ස තත්ථ දුක්ඛසච්චං නුප්පජ්ජිත්ථාති?

සුද්ධාවාසානං දුතියෙ චිත්තෙ වත්තමානෙ අනභිසමෙතාවීනං අසඤ්ඤසත්තානං තෙසං තත්ථ මග්ගසච්චං නුප්පජ්ජිත්ථ, නො ච තෙසං තත්ථ දුක්ඛසච්චං නුප්පජ්ජිත්ථ. සුද්ධාවාසං උපපජ්ජන්තානං තෙසං තත්ථ මග්ගසච්චඤ්ච නුප්පජ්ජිත්ථ දුක්ඛසච්චඤ්ච නුප්පජ්ජිත්ථ.

47. (ක) යස්ස යත්ථ සමුදයසච්චං නුප්පජ්ජිත්ථ තස්ස තත්ථ මග්ගසච්චං නුප්පජ්ජිත්ථාති? ආමන්තා.

(ඛ) යස්ස වා පන යත්ථ මග්ගසච්චං නුප්පජ්ජිත්ථ තස්ස තත්ථ සමුදයසච්චං නුප්පජ්ජිත්ථාති?

සුද්ධාවාසානං දුතියෙ අකුසලෙ චිත්තෙ වත්තමානෙ අනභිසමෙතාවීනං තෙසං තත්ථ මග්ගසච්චං නුප්පජ්ජිත්ථ, නො ච තෙසං තත්ථ සමුදයසච්චං නුප්පජ්ජිත්ථ. සුද්ධාවාසානං දුතියෙ චිත්තෙ වත්තමානෙ අසඤ්ඤසත්තානං තෙසං තත්ථ මග්ගසච්චඤ්ච නුප්පජ්ජිත්ථ සමුදයසච්චඤ්ච නුප්පජ්ජිත්ථ.

(3) අනාගතවාරො

(ක) අනුලොමපුග්ගලො

48. (ක) යස්ස දුක්ඛසච්චං උප්පජ්ජිස්සති තස්ස සමුදයසච්චං උප්පජ්ජිස්සතීති?

අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං දුක්ඛසච්චං උප්පජ්ජිස්සති, නො ච තෙසං සමුදයසච්චං උප්පජ්ජිස්සති. ඉතරෙසං තෙසං දුක්ඛසච්චඤ්ච උප්පජ්ජිස්සති සමුදයසච්චඤ්ච උප්පජ්ජිස්සති.

(ඛ) යස්ස වා පන…පෙ…? ආමන්තා.

(ක) යස්ස දුක්ඛසච්චං උප්පජ්ජිස්සති තස්ස මග්ගසච්චං උප්පජ්ජිස්සතීති?

අග්ගමග්ගසමඞ්ගීනං අරහන්තානං යෙ ච පුථුජ්ජනා මග්ගං න පටිලභිස්සන්ති තෙසං දුක්ඛසච්චං උප්පජ්ජිස්සති, නො ච තෙසං මග්ගසච්චං උප්පජ්ජිස්සති. යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං දුක්ඛසච්චඤ්ච උප්පජ්ජිස්සති මග්ගසච්චඤ්ච උප්පජ්ජිස්සති.

(ඛ) යස්ස වා පන…පෙ… උප්පජ්ජිස්සතීති? ආමන්තා.

49. (ක) යස්ස සමුදයසච්චං උප්පජ්ජිස්සති තස්ස මග්ගසච්චං උප්පජ්ජිස්සතීති?

යෙ පුථුජ්ජනා මග්ගං න පටිලභිස්සන්ති තෙසං සමුදයසච්චං උප්පජ්ජිස්සති, නො ච තෙසං මග්ගසච්චං උප්පජ්ජිස්සති. යෙ මග්ගං පටිලභිස්සන්ති තෙසං සමුදයසච්චඤ්ච උප්පජ්ජිස්සති [Pg.219] මග්ගසච්චඤ්ච උප්පජ්ජිස්සති.

(ඛ) යස්ස වා පන මග්ගසච්චං උප්පජ්ජිස්සති තස්ස සමුදයසච්චං උප්පජ්ජිස්සතීති?

යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං මග්ගසච්චං උප්පජ්ජිස්සති, නො ච තෙසං සමුදයසච්චං උප්පජ්ජිස්සති. යෙ මග්ගං පටිලභිස්සන්ති තෙසං මග්ගසච්චඤ්ච උප්පජ්ජිස්සති සමුදයසච්චඤ්ච උප්පජ්ජිස්සති.

(ඛ) අනුලොමඔකාසො

50. යත්ථ දුක්ඛසච්චං උප්පජ්ජිස්සති…පෙ….

(ග) අනුලොමපුග්ගලොකාසා

51. (ක) යස්ස යත්ථ දුක්ඛසච්චං උප්පජ්ජිස්සති තස්ස තත්ථ සමුදයසච්චං උප්පජ්ජිස්සතීති?

අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති අසඤ්ඤසත්තානං තෙසං තත්ථ දුක්ඛසච්චං උප්පජ්ජිස්සති, නො ච තෙසං තත්ථ සමුදයසච්චං උප්පජ්ජිස්සති. ඉතරෙසං චතුවොකාරානං පඤ්චවොකාරානං තෙසං තත්ථ දුක්ඛසච්චඤ්ච උප්පජ්ජිස්සති සමුදයසච්චඤ්ච උප්පජ්ජිස්සති.

(ඛ) යස්ස වා පන යත්ථ සමුදයසච්චං උප්පජ්ජිස්සති…පෙ… උප්පජ්ජිස්සතීති? ආමන්තා.

(ක) යස්ස යත්ථ දුක්ඛසච්චං උප්පජ්ජිස්සති තස්ස තත්ථ මග්ගසච්චං උප්පජ්ජිස්සතීති?

අග්ගමග්ගසමඞ්ගීනං අරහන්තානං යෙ ච පුථුජ්ජනා මග්ගං න පටිලභිස්සන්ති ආපායිකානං අසඤ්ඤසත්තානං තෙසං තත්ථ දුක්ඛසච්චං උප්පජ්ජිස්සති, නො ච තෙසං තත්ථ මග්ගසච්චං උප්පජ්ජිස්සති. යස්ස චිත්තස්ස අනන්තරා අග්ගමග්ගං පටිලභිස්සන්ති, යෙ චඤ්ඤෙ මග්ගං පටිලභිස්සන්ති තෙසං තත්ථ දුක්ඛසච්චඤ්ච උප්පජ්ජිස්සති මග්ගසච්චඤ්ච උප්පජ්ජිස්සති.

(ඛ) යස්ස වා පන යත්ථ මග්ගසච්චං උප්පජ්ජිස්සති තස්ස තත්ථ දුක්ඛසච්චං උප්පජ්ජිස්සතීති? ආමන්තා.

52. (ක) යස්ස යත්ථ සමුදයසච්චං උප්පජ්ජිස්සති තස්ස තත්ථ මග්ගසච්චං උප්පජ්ජිස්සතීති?

ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං තත්ථ සමුදයසච්චං උප්පජ්ජිස්සති, නො ච තෙසං තත්ථ මග්ගසච්චං උප්පජ්ජිස්සති. යෙ මග්ගං පටිලභිස්සන්ති තෙසං තත්ථ සමුදයසච්චඤ්ච උප්පජ්ජිස්සති මග්ගසච්චඤ්ච උප්පජ්ජිස්සති.

(ඛ) යස්ස වා පන යත්ථ මග්ගසච්චං උප්පජ්ජිස්සති තස්ස තත්ථ සමුදයසච්චං උප්පජ්ජිස්සතීති?

යස්ස චිත්තස්ස අනන්තරා අග්ගමග්ගං [Pg.220] පටිලභිස්සන්ති තෙසං තත්ථ මග්ගසච්චං උප්පජ්ජිස්සති, නො ච තෙසං තත්ථ සමුදයසච්චං උප්පජ්ජිස්සති. යෙ මග්ගං පටිලභිස්සන්ති තෙසං තත්ථ මග්ගසච්චඤ්ච උප්පජ්ජිස්සති සමුදයසච්චඤ්ච උප්පජ්ජිස්සති.

(ඝ) පච්චනීකපුග්ගලො

53. (ක) යස්ස දුක්ඛසච්චං නුප්පජ්ජිස්සති තස්ස සමුදයසච්චං නුප්පජ්ජිස්සතීති? ආමන්තා.

(ඛ) යස්ස වා පන සමුදයසච්චං නුප්පජ්ජිස්සති තස්ස දුක්ඛසච්චං නුප්පජ්ජිස්සතීති?

අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං සමුදයසච්චං නුප්පජ්ජිස්සති, නො ච තෙසං දුක්ඛසච්චං නුප්පජ්ජිස්සති. පච්ඡිමචිත්තසමඞ්ගීනං තෙසං සමුදයසච්චඤ්ච නුප්පජ්ජිස්සති දුක්ඛසච්චඤ්ච නුප්පජ්ජිස්සති.

(ක) යස්ස දුක්ඛසච්චං නුප්පජ්ජිස්සති තස්ස මග්ගසච්චං නුප්පජ්ජිස්සතීති? ආමන්තා.

(ඛ) යස්ස වා පන මග්ගසච්චං නුප්පජ්ජිස්සති තස්ස දුක්ඛසච්චං නුප්පජ්ජිස්සතීති?

අග්ගමග්ගසමඞ්ගීනං අරහන්තානං යෙ ච පුථුජ්ජනා මග්ගං න පටිලභිස්සන්ති තෙසං මග්ගසච්චං නුප්පජ්ජිස්සති, නො ච තෙසං දුක්ඛසච්චං නුප්පජ්ජිස්සති. පච්ඡිමචිත්තසමඞ්ගීනං තෙසං මග්ගසච්චඤ්ච නුප්පජ්ජිස්සති දුක්ඛසච්චඤ්ච නුප්පජ්ජිස්සති.

54. (ක) යස්ස සමුදයසච්චං නුප්පජ්ජිස්සති තස්ස මග්ගසච්චං නුප්පජ්ජිස්සතීති?

යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං සමුදයසච්චං නුප්පජ්ජිස්සති, නො ච තෙසං මග්ගසච්චං නුප්පජ්ජිස්සති. අග්ගමග්ගසමඞ්ගීනං අරහන්තානං තෙසං සමුදයසච්චඤ්ච නුප්පජ්ජිස්සති මග්ගසච්චඤ්ච නුප්පජ්ජිස්සති.

(ඛ) යස්ස වා පන මග්ගසච්චං නුප්පජ්ජිස්සති තස්ස සමුදයසච්චං නුප්පජ්ජිස්සතීති?

යෙ පුථුජ්ජනා මග්ගං න පටිලභිස්සන්ති තෙසං මග්ගසච්චං නුප්පජ්ජිස්සති, නො ච තෙසං සමුදයසච්චං නුප්පජ්ජිස්සති. අග්ගමග්ගසමඞ්ගීනං අරහන්තානං තෙසං මග්ගසච්චඤ්ච නුප්පජ්ජිස්සති සමුදයසච්චඤ්ච නුප්පජ්ජිස්සති.

(ඞ) පච්චනීකඔකාසො

55. යත්ථ දුක්ඛසච්චං නුප්පජ්ජිස්සති…පෙ….

(ච) පච්චනීකපුග්ගලොකාසා

56. (ක) යස්ස යත්ථ දුක්ඛසච්චං නුප්පජ්ජිස්සති තස්ස තත්ථ සමුදයසච්චං නුප්පජ්ජිස්සතීති? ආමන්තා.

(ඛ) යස්ස වා පන යත්ථ සමුදයසච්චං නුප්පජ්ජිස්සති තස්ස [Pg.221] තත්ථ දුක්ඛසච්චං නුප්පජ්ජිස්සතීති?

අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති අසඤ්ඤසත්තානං තෙසං තත්ථ සමුදයසච්චං නුප්පජ්ජිස්සති, නො ච තෙසං තත්ථ දුක්ඛසච්චං නුප්පජ්ජිස්සති. පච්ඡිමචිත්තසමඞ්ගීනං තෙසං තත්ථ සමුදයසච්චඤ්ච නුප්පජ්ජිස්සති දුක්ඛසච්චඤ්ච නුප්පජ්ජිස්සති.

(ක) යස්ස යත්ථ දුක්ඛසච්චං නුප්පජ්ජිස්සති තස්ස තත්ථ මග්ගසච්චං නුප්පජ්ජිස්සතීති? ආමන්තා.

(ඛ) යස්ස වා පන යත්ථ මග්ගසච්චං නුප්පජ්ජිස්සති තස්ස තත්ථ දුක්ඛසච්චං නුප්පජ්ජිස්සතීති?

අග්ගමග්ගසමඞ්ගීනං අරහන්තානං යෙ ච පුථුජ්ජනා මග්ගං න පටිලභිස්සන්ති ආපායිකානං අසඤ්ඤසත්තානං තෙසං තත්ථ මග්ගසච්චං නුප්පජ්ජිස්සති, නො ච තෙසං තත්ථ දුක්ඛසච්චං නුප්පජ්ජිස්සති. පච්ඡිමචිත්තසමඞ්ගීනං තෙසං තත්ථ මග්ගසච්චඤ්ච නුප්පජ්ජිස්සති දුක්ඛසච්චඤ්ච නුප්පජ්ජිස්සති.

57. (ක) යස්ස යත්ථ සමුදයසච්චං නුප්පජ්ජිස්සති තස්ස තත්ථ මග්ගසච්චං නුප්පජ්ජිස්සතීති?

යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං තත්ථ සමුදයසච්චං නුප්පජ්ජිස්සති, නො ච තෙසං තත්ථ මග්ගසච්චං නුප්පජ්ජිස්සති. අග්ගමග්ගසමඞ්ගීනං අරහන්තානං අසඤ්ඤසත්තානං තෙසං තත්ථ සමුදයසච්චඤ්ච නුප්පජ්ජිස්සති මග්ගසච්චඤ්ච නුප්පජ්ජිස්සති.

(ඛ) යස්ස වා පන යත්ථ මග්ගසච්චං නුප්පජ්ජිස්සති තස්ස තත්ථ සමුදයසච්චං නුප්පජ්ජිස්සතීති?

ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං තත්ථ මග්ගසච්චං නුප්පජ්ජිස්සති, නො ච තෙසං තත්ථ සමුදයසච්චං නුප්පජ්ජිස්සති. අග්ගමග්ගසමඞ්ගීනං අරහන්තානං අසඤ්ඤසත්තානං තෙසං තත්ථ මග්ගසච්චඤ්ච නුප්පජ්ජිස්සති සමුදයසච්චඤ්ච නුප්පජ්ජිස්සති.

(4) පච්චුප්පන්නාතීතවාරො

(ක) අනුලොමපුග්ගලො

58. (ක) යස්ස දුක්ඛසච්චං උප්පජ්ජති තස්ස සමුදයසච්චං උප්පජ්ජිත්ථාති? ආමන්තා.

(ඛ) යස්ස වා පන සමුදයසච්චං උප්පජ්ජිත්ථ තස්ස දුක්ඛසච්චං උප්පජ්ජතීති?

සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං සමුදයසච්චං උප්පජ්ජිත්ථ, නො ච තෙසං දුක්ඛසච්චං උප්පජ්ජති. සබ්බෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං සමුදයසච්චඤ්ච උප්පජ්ජිත්ථ දුක්ඛසච්චඤ්ච උප්පජ්ජති.

(ක) යස්ස [Pg.222] දුක්ඛසච්චං උප්පජ්ජති තස්ස මග්ගසච්චං උප්පජ්ජිත්ථාති? අනභිසමෙතාවීනං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං දුක්ඛසච්චං උප්පජ්ජති, නො ච තෙසං මග්ගසච්චං උප්පජ්ජිත්ථ. අභිසමෙතාවීනං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං දුක්ඛසච්චඤ්ච උප්පජ්ජති මග්ගසච්චඤ්ච උප්පජ්ජිත්ථ.

(ඛ) යස්ස වා පන මග්ගසච්චං උප්පජ්ජිත්ථ තස්ස දුක්ඛසච්චං උප්පජ්ජතීති?

අභිසමෙතාවීනං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං මග්ගසච්චං උප්පජ්ජිත්ථ, නො ච තෙසං දුක්ඛසච්චං උප්පජ්ජති. අභිසමෙතාවීනං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං මග්ගසච්චඤ්ච උප්පජ්ජිත්ථ දුක්ඛසච්චඤ්ච උප්පජ්ජති.

59. (ක) යස්ස සමුදයසච්චං උප්පජ්ජති තස්ස මග්ගසච්චං උප්පජ්ජිත්ථාති?

අනභිසමෙතාවීනං තණ්හාය උප්පාදක්ඛණෙ තෙසං සමුදයසච්චං උප්පජ්ජති, නො ච තෙසං මග්ගසච්චං උප්පජ්ජිත්ථ. අභිසමෙතාවීනං තණ්හාය උප්පාදක්ඛණෙ තෙසං සමුදයසච්චඤ්ච උප්පජ්ජති මග්ගසච්චඤ්ච උප්පජ්ජිත්ථ.

(ඛ) යස්ස වා පන මග්ගසච්චං උප්පජ්ජිත්ථ තස්ස සමුදයසච්චං උප්පජ්ජතීති?

අභිසමෙතාවීනං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ නිරොධසමාපන්නානං තෙසං මග්ගසච්චං උප්පජ්ජිත්ථ, නො ච තෙසං සමුදයසච්චං උප්පජ්ජති. අභිසමෙතාවීනං තණ්හාය උප්පාදක්ඛණෙ තෙසං මග්ගසච්චඤ්ච උප්පජ්ජිත්ථ සමුදයසච්චඤ්ච උප්පජ්ජති.

(ඛ) අනුලොමඔකාසො

60. යත්ථ දුක්ඛසච්චං උප්පජ්ජති…පෙ… (යත්ථකා සදිසා සබ්බෙ).

(ග) අනුලොමපුග්ගලොකාසා

61. (ක) යස්ස යත්ථ දුක්ඛසච්චං උප්පජ්ජති තස්ස තත්ථ සමුදයසච්චං උප්පජ්ජිත්ථාති?

සුද්ධාවාසානං උපපත්තිචිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං තෙසං තත්ථ දුක්ඛසච්චං උප්පජ්ජති, නො ච තෙසං තත්ථ සමුදයසච්චං උප්පජ්ජිත්ථ. ඉතරෙසං චතුවොකාරං පඤ්චවොකාරං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං තත්ථ දුක්ඛසච්චඤ්ච උප්පජ්ජති සමුදයසච්චඤ්ච උප්පජ්ජිත්ථ.

(ඛ) යස්ස වා පන යත්ථ සමුදයසච්චං උප්පජ්ජිත්ථ තස්ස තත්ථ දුක්ඛසච්චං උප්පජ්ජතීති?

චතුවොකාරා පඤ්චවොකාරා චවන්තානං පවත්තෙ චිත්තස්ස භඞ්ගක්ඛණෙ [Pg.223] අරූපෙ මග්ගස්ස ච ඵලස්ස ච උප්පාදක්ඛණෙ තෙසං තත්ථ සමුදයසච්චං උප්පජ්ජිත්ථ, නො ච තෙසං තත්ථ දුක්ඛසච්චං උප්පජ්ජති. චතුවොකාරං පඤ්චවොකාරං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං තත්ථ සමුදයසච්චඤ්ච උප්පජ්ජිත්ථ දුක්ඛසච්චඤ්ච උප්පජ්ජති.

(ක) යස්ස යත්ථ දුක්ඛසච්චං උප්පජ්ජති තස්ස තත්ථ මග්ගසච්චං උප්පජ්ජිත්ථාති?

සුද්ධාවාසානං උපපත්තිචිත්තස්ස උප්පාදක්ඛණෙ අනභිසමෙතාවීනං උපපජ්ජන්තානං පවත්තෙ චිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං තෙසං තත්ථ දුක්ඛසච්චං උප්පජ්ජති, නො ච තෙසං තත්ථ මග්ගසච්චං උප්පජ්ජිත්ථ. අභිසමෙතාවීනං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං තත්ථ දුක්ඛසච්චඤ්ච උප්පජ්ජති මග්ගසච්චඤ්ච උප්පජ්ජිත්ථ.

(ඛ) යස්ස වා පන යත්ථ මග්ගසච්චං උප්පජ්ජිත්ථ තස්ස තත්ථ දුක්ඛසච්චං උප්පජ්ජතීති?

අභිසමෙතාවීනං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං තත්ථ මග්ගසච්චං උප්පජ්ජිත්ථ, නො ච තෙසං තත්ථ දුක්ඛසච්චං උප්පජ්ජති. අභිසමෙතාවීනං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං තත්ථ මග්ගසච්චඤ්ච උප්පජ්ජිත්ථ දුක්ඛසච්චඤ්ච උප්පජ්ජති.

62. (ක) යස්ස යත්ථ සමුදයසච්චං උප්පජ්ජති තස්ස තත්ථ මග්ගසච්චං උප්පජ්ජිත්ථාති?

අනභිසමෙතාවීනං තණ්හාය උප්පාදක්ඛණෙ තෙසං තත්ථ සමුදයසච්චං උප්පජ්ජති, නො ච තෙසං තත්ථ මග්ගසච්චං උප්පජ්ජිත්ථ. අභිසමෙතාවීනං තණ්හාය උප්පාදක්ඛණෙ තෙසං තත්ථ සමුදයසච්චඤ්ච උප්පජ්ජති මග්ගසච්චඤ්ච උප්පජ්ජිත්ථ.

(ඛ) යස්ස වා පන යත්ථ මග්ගසච්චං උප්පජ්ජිත්ථ තස්ස තත්ථ සමුදයසච්චං උප්පජ්ජතීති?

අභිසමෙතාවීනං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ තෙසං තත්ථ මග්ගසච්චං උප්පජ්ජිත්ථ, නො ච තෙසං තත්ථ සමුදයසච්චං උප්පජ්ජති. අභිසමෙතාවීනං තණ්හාය උප්පාදක්ඛණෙ තෙසං තත්ථ මග්ගසච්චඤ්ච උප්පජ්ජිත්ථ සමුදයසච්චඤ්ච උප්පජ්ජති.

(ඝ) පච්චනීකපුග්ගලො

63. (ක) යස්ස දුක්ඛසච්චං නුප්පජ්ජති තස්ස සමුදයසච්චං නුප්පජ්ජිත්ථාති?

උප්පජ්ජිත්ථ.

(ඛ) යස්ස වා පන සමුදයසච්චං නුප්පජ්ජිත්ථ තස්ස දුක්ඛසච්චං නුප්පජ්ජතීති? නත්ථි.

(ක) යස්ස දුක්ඛසච්චං නුප්පජ්ජති තස්ස මග්ගසච්චං නුප්පජ්ජිත්ථාති?

අභිසමෙතාවීනං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච [Pg.224] උප්පාදක්ඛණෙ තෙසං දුක්ඛසච්චං නුප්පජ්ජති, නො ච තෙසං මග්ගසච්චං නුප්පජ්ජිත්ථ. අනභිසමෙතාවීනං චවන්තානං පවත්තෙ චිත්තස්ස භඞ්ගක්ඛණෙ තෙසං දුක්ඛසච්චඤ්ච නුප්පජ්ජති මග්ගසච්චඤ්ච නුප්පජ්ජිත්ථ.

(ඛ) යස්ස වා පන මග්ගසච්චං නුප්පජ්ජිත්ථ තස්ස දුක්ඛසච්චං නුප්පජ්ජතීති?

අනභිසමෙතාවීනං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං මග්ගසච්චං නුප්පජ්ජිත්ථ, නො ච තෙසං දුක්ඛසච්චං නුප්පජ්ජති. අනභිසමෙතාවීනං චවන්තානං පවත්තෙ චිත්තස්ස භඞ්ගක්ඛණෙ තෙසං මග්ගසච්චඤ්ච නුප්පජ්ජිත්ථ දුක්ඛසච්චඤ්ච නුප්පජ්ජති.

64. (ක) යස්ස සමුදයසච්චං නුප්පජ්ජති තස්ස මග්ගසච්චං නුප්පජ්ජිත්ථාති?

අභිසමෙතාවීනං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ නිරොධසමාපන්නානං තෙසං සමුදයසච්චං නුප්පජ්ජති, නො ච තෙසං මග්ගසච්චං නුප්පජ්ජිත්ථ. අනභිසමෙතාවීනං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ අසඤ්ඤසත්තානං තෙසං සමුදයසච්චඤ්ච නුප්පජ්ජති මග්ගසච්චඤ්ච නුප්පජ්ජිත්ථ.

(ඛ) යස්ස වා පන මග්ගසච්චං නුප්පජ්ජිත්ථ තස්ස සමුදයසච්චං නුප්පජ්ජතීති?

අනභිසමෙතාවීනං තණ්හාය උප්පාදක්ඛණෙ තෙසං මග්ගසච්චං නුප්පජ්ජිත්ථ, නො ච තෙසං සමුදයසච්චං නුප්පජ්ජති. අනභිසමෙතාවීනං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ අසඤ්ඤසත්තානං තෙසං මග්ගසච්චඤ්ච නුප්පජ්ජිත්ථ සමුදයසච්චඤ්ච නුප්පජ්ජති.

(ඞ) පච්චනීකඔකාසො

65. යත්ථ දුක්ඛසච්චං නුප්පජ්ජති…පෙ….

(ච) පච්චනීකපුග්ගලොකාසා

66. (ක) යස්ස යත්ථ දුක්ඛසච්චං නුප්පජ්ජති තස්ස තත්ථ සමුදයසච්චං නුප්පජ්ජිත්ථාති?

චතුවොකාරා පඤ්චවොකාරා චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං තත්ථ දුක්ඛසච්චං නුප්පජ්ජති, නො ච තෙසං තත්ථ සමුදයසච්චං නුප්පජ්ජිත්ථ. සුද්ධාවාසානං උපපත්තිචිත්තස්ස භඞ්ගක්ඛණෙ අසඤ්ඤසත්තා චවන්තානං තෙසං තත්ථ දුක්ඛසච්චඤ්ච නුප්පජ්ජති සමුදයසච්චඤ්ච නුප්පජ්ජිත්ථ.

(ඛ) යස්ස වා පන යත්ථ සමුදයසච්චං නුප්පජ්ජිත්ථ තස්ස තත්ථ දුක්ඛසච්චං නුප්පජ්ජතීති?

සුද්ධාවාසානං උපපත්තිචිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං තෙසං තත්ථ සමුදයසච්චං නුප්පජ්ජිත්ථ, නො ච තෙසං තත්ථ දුක්ඛසච්චං නුප්පජ්ජති. සුද්ධාවාසානං උපපත්තිචිත්තස්ස භඞ්ගක්ඛණෙ අසඤ්ඤසත්තා චවන්තානං තෙසං තත්ථ සමුදයසච්චඤ්ච නුප්පජ්ජිත්ථ දුක්ඛසච්චඤ්ච නුප්පජ්ජති.

(ක) යස්ස [Pg.225] යත්ථ දුක්ඛසච්චං නුප්පජ්ජති තස්ස තත්ථ මග්ගසච්චං නුප්පජ්ජිත්ථාති?

අභිසමෙතාවීනං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං තත්ථ දුක්ඛසච්චං නුප්පජ්ජති, නො ච තෙසං තත්ථ මග්ගසච්චං නුප්පජ්ජිත්ථ. සුද්ධාවාසානං උපපත්තිචිත්තස්ස භඞ්ගක්ඛණෙ අනභිසමෙතාවීනං චවන්තානං පවත්තෙ චිත්තස්ස භඞ්ගක්ඛණෙ අසඤ්ඤසත්තා චවන්තානං තෙසං තත්ථ දුක්ඛසච්චඤ්ච නුප්පජ්ජති මග්ගසච්චඤ්ච නුප්පජ්ජිත්ථ.

(ඛ) යස්ස වා පන යත්ථ මග්ගසච්චං නුප්පජ්ජිත්ථ තස්ස තත්ථ දුක්ඛසච්චං නුප්පජ්ජතීති?

සුද්ධාවාසානං උපපත්තිචිත්තස්ස උප්පාදක්ඛණෙ අනභිසමෙතාවීනං උපපජ්ජන්තානං පවත්තෙ චිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං තෙසං තත්ථ මග්ගසච්චං නුප්පජ්ජිත්ථ, නො ච තෙසං තත්ථ දුක්ඛසච්චං නුප්පජ්ජති. සුද්ධාවාසානං උපපත්තිචිත්තස්ස භඞ්ගක්ඛණෙ අනභිසමෙතාවීනං චවන්තානං පවත්තෙ චිත්තස්ස භඞ්ගක්ඛණෙ අසඤ්ඤසත්තා චවන්තානං තෙසං තත්ථ මග්ගසච්චඤ්ච නුප්පජ්ජිත්ථ දුක්ඛසච්චඤ්ච නුප්පජ්ජති.

67. (ක) යස්ස යත්ථ සමුදයසච්චං නුප්පජ්ජති තස්ස තත්ථ මග්ගසච්චං නුප්පජ්ජිත්ථාති?

අභිසමෙතාවීනං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ තෙසං තත්ථ සමුදයසච්චං නුප්පජ්ජති, නො ච තෙසං තත්ථ මග්ගසච්චං නුප්පජ්ජිත්ථ. සුද්ධාවාසානං දුතියෙ චිත්තෙ වත්තමානෙ අනභිසමෙතාවීනං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ අසඤ්ඤසත්තානං තෙසං තත්ථ සමුදයසච්චඤ්ච නුප්පජ්ජති මග්ගසච්චඤ්ච නුප්පජ්ජිත්ථ.

(ඛ) යස්ස වා පන යත්ථ මග්ගසච්චං නුප්පජ්ජිත්ථ තස්ස තත්ථ සමුදයසච්චං නුප්පජ්ජතීති?

අනභිසමෙතාවීනං තණ්හාය උප්පාදක්ඛණෙ තෙසං තත්ථ මග්ගසච්චං නුප්පජ්ජිත්ථ, නො ච තෙසං තත්ථ සමුදයසච්චං නුප්පජ්ජති. සුද්ධාවාසානං දුතියෙ චිත්තෙ වත්තමානෙ අනභිසමෙතාවීනං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ අසඤ්ඤසත්තානං තෙසං තත්ථ මග්ගසච්චඤ්ච නුප්පජ්ජිත්ථ සමුදයසච්චඤ්ච නුප්පජ්ජති.

(5) පච්චුප්පන්නානාගතවාරො

(ක) අනුලොමපුග්ගලො

68. (ක) යස්ස දුක්ඛසච්චං උප්පජ්ජති තස්ස සමුදයසච්චං උප්පජ්ජිස්සතීති?

අග්ගමග්ගස්ස උප්පාදක්ඛණෙ අරහන්තානං චිත්තස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ තෙසං දුක්ඛසච්චං උප්පජ්ජති, නො ච තෙසං සමුදයසච්චං උප්පජ්ජිස්සති. ඉතරෙසං උපපජ්ජන්තානං [Pg.226] පවත්තෙ චිත්තස්ස උප්පාදක්ඛණෙ තෙසං දුක්ඛසච්චඤ්ච උප්පජ්ජති සමුදයසච්චඤ්ච උප්පජ්ජිස්සති.

(ඛ) යස්ස වා පන සමුදයසච්චං උප්පජ්ජිස්සති තස්ස දුක්ඛසච්චං උප්පජ්ජතීති?

සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං සමුදයසච්චං උප්පජ්ජිස්සති, නො ච තෙසං දුක්ඛසච්චං උප්පජ්ජති. සබ්බෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං සමුදයසච්චඤ්ච උප්පජ්ජිස්සති දුක්ඛසච්චඤ්ච උප්පජ්ජති.

(ක) යස්ස දුක්ඛසච්චං උප්පජ්ජති තස්ස මග්ගසච්චං උප්පජ්ජිස්සතීති?

අග්ගමග්ගස්ස උප්පාදක්ඛණෙ අරහන්තානං චිත්තස්ස උප්පාදක්ඛණෙ යෙ ච පුථුජ්ජනා මග්ගං න පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං දුක්ඛසච්චං උප්පජ්ජති, නො ච තෙසං මග්ගසච්චං උප්පජ්ජිස්සති. යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ යෙ චඤ්ඤෙ මග්ගං පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං දුක්ඛසච්චඤ්ච උප්පජ්ජති මග්ගසච්චඤ්ච උප්පජ්ජිස්සති.

(ඛ) යස්ස වා පන මග්ගසච්චං උප්පජ්ජිස්සති තස්ස දුක්ඛසච්චං උප්පජ්ජතීති?

යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ යෙ චඤ්ඤෙ මග්ගං පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං මග්ගසච්චං උප්පජ්ජිස්සති, නො ච තෙසං දුක්ඛසච්චං උප්පජ්ජති. යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ යෙ චඤ්ඤෙ මග්ගං පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං මග්ගසච්චඤ්ච උප්පජ්ජිස්සති දුක්ඛසච්චඤ්ච උප්පජ්ජති.

69. (ක) යස්ස සමුදයසච්චං උප්පජ්ජති තස්ස මග්ගසච්චං උප්පජ්ජිස්සතීති?

යෙ පුථුජ්ජනා මග්ගං න පටිලභිස්සන්ති තෙසං තණ්හාය උප්පාදක්ඛණෙ තෙසං සමුදයසච්චං උප්පජ්ජති, නො ච තෙසං මග්ගසච්චං උප්පජ්ජිස්සති. යෙ මග්ගං පටිලභිස්සන්ති තෙසං තණ්හාය උප්පාදක්ඛණෙ තෙසං සමුදයසච්චඤ්ච උප්පජ්ජති මග්ගසච්චඤ්ච උප්පජ්ජිස්සති.

(ඛ) යස්ස වා පන මග්ගසච්චං උප්පජ්ජිස්සති තස්ස සමුදයසච්චං උප්පජ්ජතීති?

යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ නිරොධසමාපන්නානං අසඤ්ඤසත්තානං තෙසං මග්ගසච්චං උප්පජ්ජිස්සති, නො ච තෙසං සමුදයසච්චං උප්පජ්ජති. යෙ මග්ගං පටිලභිස්සන්ති තෙසං තණ්හාය [Pg.227] උප්පාදක්ඛණෙ තෙසං මග්ගසච්චඤ්ච උප්පජ්ජිස්සති සමුදයසච්චඤ්ච උප්පජ්ජති.

(ඛ) අනුලොමඔකාසො

70. යත්ථ දුක්ඛසච්චං උප්පජ්ජති…පෙ… (යත්ථකම්පි යස්සයත්ථකසදිසං කාතබ්බං).

(ග) අනුලොමපුග්ගලොකාසා

71. (ක) යස්ස යත්ථ දුක්ඛසච්චං උප්පජ්ජති තස්ස තත්ථ සමුදයසච්චං උප්පජ්ජිස්සතීති?

අග්ගමග්ගස්ස උප්පාදක්ඛණෙ අරහන්තානං චිත්තස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං තෙසං තත්ථ දුක්ඛසච්චං උප්පජ්ජති, නො ච තෙසං තත්ථ සමුදයසච්චං උප්පජ්ජිස්සති. ඉතරෙසං චතුවොකාරං පඤ්චවොකාරං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං තත්ථ දුක්ඛසච්චඤ්ච උප්පජ්ජති සමුදයසච්චඤ්ච උප්පජ්ජිස්සති.

(ඛ) යස්ස වා පන යත්ථ සමුදයසච්චං උප්පජ්ජිස්සති තස්ස තත්ථ දුක්ඛසච්චං උප්පජ්ජතීති?

චතුවොකාරා පඤ්චවොකාරා චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං තත්ථ සමුදයසච්චං උප්පජ්ජිස්සති, නො ච තෙසං තත්ථ දුක්ඛසච්චං උප්පජ්ජති. චතුවොකාරං පඤ්චවොකාරං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං තත්ථ සමුදයසච්චඤ්ච උප්පජ්ජිස්සති දුක්ඛසච්චඤ්ච උප්පජ්ජති.

(ක) යස්ස යත්ථ දුක්ඛසච්චං උප්පජ්ජති තස්ස තත්ථ මග්ගසච්චං උප්පජ්ජිස්සතීති?

අග්ගමග්ගස්ස උප්පාදක්ඛණෙ අරහන්තානං චිත්තස්ස උප්පාදක්ඛණෙ ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං තෙසං තත්ථ දුක්ඛසච්චං උප්පජ්ජති, නො ච තෙසං තත්ථ මග්ගසච්චං උප්පජ්ජිස්සති. යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ යෙ චඤ්ඤෙ මග්ගං පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං තත්ථ දුක්ඛසච්චඤ්ච උප්පජ්ජති මග්ගසච්චඤ්ච උප්පජ්ජිස්සති.

(ඛ) යස්ස වා පන යත්ථ මග්ගසච්චං උප්පජ්ජිස්සති තස්ස තත්ථ දුක්ඛසච්චං උප්පජ්ජතීති?

යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ යෙ චඤ්ඤෙ මග්ගං පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස [Pg.228] ච ඵලස්ස ච උප්පාදක්ඛණෙ තෙසං තත්ථ මග්ගසච්චං උප්පජ්ජිස්සති, නො ච තෙසං තත්ථ දුක්ඛසච්චං උප්පජ්ජති. යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ යෙ චඤ්ඤෙ මග්ගං පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං තත්ථ මග්ගසච්චඤ්ච උප්පජ්ජිස්සති දුක්ඛසච්චඤ්ච උප්පජ්ජති.

72. (ක) යස්ස යත්ථ සමුදයසච්චං උප්පජ්ජති තස්ස තත්ථ මග්ගසච්චං උප්පජ්ජිස්සතීති?

ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය උප්පාදක්ඛණෙ තෙසං තත්ථ සමුදයසච්චං උප්පජ්ජති, නො ච තෙසං තත්ථ මග්ගසච්චං උප්පජ්ජිස්සති. යෙ මග්ගං පටිලභිස්සන්ති තෙසං තණ්හාය උප්පාදක්ඛණෙ තෙසං තත්ථ සමුදයසච්චඤ්ච උප්පජ්ජති මග්ගසච්චඤ්ච උප්පජ්ජිස්සති.

(ඛ) යස්ස වා පන යත්ථ මග්ගසච්චං උප්පජ්ජිස්සති තස්ස තත්ථ සමුදයසච්චං උප්පජ්ජතීති?

යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ තෙසං තත්ථ මග්ගසච්චං උප්පජ්ජිස්සති, නො ච තෙසං තත්ථ සමුදයසච්චං උප්පජ්ජති. යෙ මග්ගං පටිලභිස්සන්ති තෙසං තණ්හාය උප්පාදක්ඛණෙ තෙසං තත්ථ මග්ගසච්චඤ්ච උප්පජ්ජිස්සති සමුදයසච්චඤ්ච උප්පජ්ජති.

(ඝ) පච්චනීකපුග්ගලො

73. (ක) යස්ස දුක්ඛසච්චං නුප්පජ්ජති තස්ස සමුදයසච්චං නුප්පජ්ජිස්සතීති?

සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං දුක්ඛසච්චං නුප්පජ්ජති, නො ච තෙසං සමුදයසච්චං නුප්පජ්ජිස්සති. අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ අරූපෙ අග්ගමග්ගස්ස ච ඵලස්ස ච උප්පාදක්ඛණෙ තෙසං දුක්ඛසච්චඤ්ච නුප්පජ්ජති සමුදයසච්චඤ්ච නුප්පජ්ජිස්සති.

(ඛ) යස්ස වා පන සමුදයසච්චං නුප්පජ්ජිස්සති තස්ස දුක්ඛසච්චං නුප්පජ්ජතීති?

අග්ගමග්ගස්ස උප්පාදක්ඛණෙ අරහන්තානං චිත්තස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ තෙසං සමුදයසච්චං නුප්පජ්ජිස්සති, නො ච තෙසං දුක්ඛසච්චං නුප්පජ්ජති. අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ අරූපෙ අග්ගමග්ගස්ස ච ඵලස්ස ච උප්පාදක්ඛණෙ තෙසං සමුදයසච්චඤ්ච නුප්පජ්ජිස්සති දුක්ඛසච්චඤ්ච නුප්පජ්ජති.

(ක) යස්ස [Pg.229] දුක්ඛසච්චං නුප්පජ්ජති තස්ස මග්ගසච්චං නුප්පජ්ජිස්සතීති?

යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ යෙ චඤ්ඤෙ මග්ගං පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං දුක්ඛසච්චං නුප්පජ්ජති, නො ච තෙසං මග්ගසච්චං නුප්පජ්ජිස්සති. අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යෙ ච පුථුජ්ජනා මග්ගං න පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ අග්ගමග්ගස්ස ච ඵලස්ස ච උප්පාදක්ඛණෙ තෙසං දුක්ඛසච්චඤ්ච නුප්පජ්ජති මග්ගසච්චඤ්ච නුප්පජ්ජිස්සති.

(ඛ) යස්ස වා පන මග්ගසච්චං නුප්පජ්ජිස්සති තස්ස දුක්ඛසච්චං නුප්පජ්ජතීති?

අග්ගමග්ගස්ස උප්පාදක්ඛණෙ අරහන්තානං චිත්තස්ස උප්පාදක්ඛණෙ යෙ ච පුථුජ්ජනා මග්ගං න පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං මග්ගසච්චං නුප්පජ්ජිස්සති, නො ච තෙසං දුක්ඛසච්චං නුප්පජ්ජති. අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යෙ ච පුථුජ්ජනා මග්ගං න පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ අග්ගමග්ගස්ස ච ඵලස්ස ච උප්පාදක්ඛණෙ තෙසං මග්ගසච්චඤ්ච නුප්පජ්ජිස්සති දුක්ඛසච්චඤ්ච නුප්පජ්ජති.

74. (ක) යස්ස සමුදයසච්චං නුප්පජ්ජති තස්ස මග්ගසච්චං නුප්පජ්ජිස්සතීති?

යස්ස චිත්තස්ස අනන්තරා අග්ගමග්ගං පටිලභිස්සාන්ති යෙ චඤ්ඤෙ මග්ගං පටිලභිස්සන්ති තෙසං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ නිරොධසමාපන්නානං අසඤ්ඤසත්තානං තෙසං සමුදයසච්චං නුප්පජ්ජති, නො ච තෙසං මග්ගසච්චං නුප්පජ්ජිස්සති. අග්ගමග්ගසමඞ්ගීනං අරහන්තානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ තෙසං සමුදයසච්චඤ්ච නුප්පජ්ජති මග්ගසච්චඤ්ච නුප්පජ්ජිස්සති.

(ඛ) යස්ස වා පන මග්ගසච්චං නුප්පජ්ජිස්සති තස්ස සමුදයසච්චං නුප්පජ්ජතීති?

යෙ පුථුජ්ජනා මග්ගං න පටිලභිස්සන්ති තෙසං තණ්හාය උප්පාදක්ඛණෙ තෙසං මග්ගසච්චං නුප්පජ්ජිස්සති, නො ච තෙසං සමුදයසච්චං නුප්පජ්ජති. අග්ගමග්ගසමඞ්ගීනං අරහන්තානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ තෙසං මග්ගසච්චඤ්ච නුප්පජ්ජිස්සති සමුදයසච්චඤ්ච නුප්පජ්ජති.

(ඞ) පච්චනීකඔකාසො

75. යත්ථ දුක්ඛසච්චං නුප්පජ්ජති…පෙ….

(ච) පච්චනීකපුග්ගලොකාසා

76. (ක) යස්ස [Pg.230] යත්ථ දුක්ඛසච්චං නුප්පජ්ජති තස්ස තත්ථ සමුදයසච්චං නුප්පජ්ජිස්සතීති?

චතුවොකාරා පඤ්චවොකාරා චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං තත්ථ දුක්ඛසච්චං නුප්පජ්ජති, නො ච තෙසං තත්ථ සමුදයසච්චං නුප්පජ්ජිස්සති. අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ අසඤ්ඤසත්තා චවන්තානං අරූපෙ අග්ගමග්ගස්ස ච ඵලස්ස ච උප්පාදක්ඛණෙ තෙසං තත්ථ දුක්ඛසච්චඤ්ච නුප්පජ්ජති සමුදයසච්චඤ්ච නුප්පජ්ජිස්සති.

(ඛ) යස්ස වා පන යත්ථ සමුදයසච්චං නුප්පජ්ජිස්සති තස්ස තත්ථ දුක්ඛසච්චං නුප්පජ්ජතීති?

අග්ගමග්ගස්ස උප්පාදක්ඛණෙ අරහන්තානං චිත්තස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං තෙසං තත්ථ සමුදයසච්චං නුප්පජ්ජිස්සති, නො ච තෙසං තත්ථ දුක්ඛසච්චං නුප්පජ්ජති. අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ අරූපෙ අග්ගමග්ගස්ස ච ඵලස්ස ච උප්පාදක්ඛණෙ අසඤ්ඤසත්තා චවන්තානං තෙසං තත්ථ සමුදයසච්චඤ්ච නුප්පජ්ජිස්සති දුක්ඛසච්චඤ්ච නුප්පජ්ජති.

(ක) යස්ස යත්ථ දුක්ඛසච්චං නුප්පජ්ජති තස්ස තත්ථ මග්ගසච්චං නුප්පජ්ජිස්සතීති?

යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ යෙ චඤ්ඤෙ මග්ගං පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං තත්ථ දුක්ඛසච්චං නුප්පජ්ජති, නො ච තෙසං තත්ථ මග්ගසච්චං නුප්පජ්ජිස්සති. අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අසඤ්ඤත්තා චවන්තානං අරූපෙ අග්ගමග්ගස්ස ච ඵලස්ස ච උප්පාදක්ඛණෙ අසඤ්ඤසත්තා චවන්තානං තෙසං තත්ථ දුක්ඛසච්චඤ්ච නුප්පජ්ජති මග්ගසච්චඤ්ච නුප්පජ්ජිස්සති.

(ඛ) යස්ස වා පන යත්ථ මග්ගසච්චං නුප්පජ්ජිස්සති තස්ස තත්ථ දුක්ඛසච්චං නුප්පජ්ජතීති?

අග්ගමග්ගස්ස උප්පාදක්ඛණෙ අරහන්තානං චිත්තස්ස උප්පාදක්ඛණෙ ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං තෙසං තත්ථ මග්ගසච්චං නුප්පජ්ජිස්සති, නො ච තෙසං තත්ථ දුක්ඛසච්චං නුප්පජ්ජති. අග්ගමග්ගස්ස භඞ්ගක්ඛණෙ අරහන්තානං චිත්තස්ස [Pg.231] භඞ්ගක්ඛණෙ ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ අග්ගමග්ගස්ස ච ඵලස්ස ච උප්පාදක්ඛණෙ අසඤ්ඤසත්තා චවන්තානං තෙසං තත්ථ මග්ගසච්චඤ්ච නුප්පජ්ජිස්සති දුක්ඛසච්චඤ්ච නුප්පජ්ජති.

77. (ක) යස්ස යත්ථ සමුදයසච්චං නුප්පජ්ජති තස්ස තත්ථ මග්ගසච්චං නුප්පජ්ජිස්සතීති?

යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ තෙසං තත්ථ සමුදයසච්චං නුප්පජ්ජති, නො ච තෙසං තත්ථ මග්ගසච්චං නුප්පජ්ජිස්සති. අග්ගමග්ගසමඞ්ගීනං අරහන්තානං, ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ අසඤ්ඤසත්තානං තෙසං තත්ථ සමුදයසච්චඤ්ච නුප්පජ්ජති මග්ගසච්චඤ්ච නුප්පජ්ජිස්සති.

(ඛ) යස්ස වා පන යත්ථ මග්ගසච්චං නුප්පජ්ජිස්සති තස්ස තත්ථ සමුදයසච්චං නුප්පජ්ජතීති?

ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය උප්පාදක්ඛණෙ තෙසං තත්ථ මග්ගසච්චං නුප්පජ්ජිස්සති, නො ච තෙසං තත්ථ සමුදයසච්චං නුප්පජ්ජති. අග්ගමග්ගසමඞ්ගීනං අරහන්තානං ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ අසඤ්ඤසත්තානං තෙසං තත්ථ මග්ගසච්චඤ්ච නුප්පජ්ජිස්සති සමුදයසච්චඤ්ච නුප්පජ්ජති.

(6) අතීතානාගතවාරො

(ක) අනුලොමපුග්ගලො

78. (ක) යස්ස දුක්ඛසච්චං උප්පජ්ජිත්ථ තස්ස සමුදයසච්චං උප්පජ්ජිස්සතීති?

අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං දුක්ඛසච්චං උප්පජ්ජිත්ථ, නො ච තෙසං සමුදයසච්චං උප්පජ්ජිස්සති. ඉතරෙසං තෙසං දුක්ඛසච්චඤ්ච උප්පජ්ජිත්ථ සමුදයසච්චඤ්ච උප්පජ්ජිස්සති.

(ඛ) යස්ස වා පන සමුදයසච්චං උප්පජ්ජිස්සති තස්ස දුක්ඛසච්චං උප්පජ්ජිත්ථාති? ආමන්තා.

(ක) යස්ස දුක්ඛසච්චං උප්පජ්ජිත්ථ තස්ස මග්ගසච්චං උප්පජ්ජිස්සතීති?

අග්ගමග්ගසමඞ්ගීනං අරහන්තානං යෙ ච පුථුජ්ජනා මග්ගං න පටිලභිස්සන්ති තෙසං දුක්ඛසච්චං උප්පජ්ජිත්ථ, නො ච තෙසං මග්ගසච්චං උප්පජ්ජිස්සති. යස්ස චිත්තස්ස අනන්තරා අග්ගමග්ගං පටිලභිස්සන්ති [Pg.232] යෙ චඤ්ඤෙ මග්ගං පටිලභිස්සන්ති තෙසං දුක්ඛසච්චඤ්ච උප්පජ්ජිත්ථ මග්ගසච්චඤ්ච උප්පජ්ජිස්සති.

(ඛ) යස්ස වා පන…පෙ…? ආමන්තා.

79. (ක) යස්ස සමුදයසච්චං උප්පජ්ජිත්ථ තස්ස මග්ගසච්චං උප්පජ්ජිස්සතීති? අග්ගමග්ගසමඞ්ගීනං අරහන්තානං යෙ ච පුථුජ්ජනා මග්ගං න පටිලභිස්සන්ති තෙසං සමුදයසච්චං උප්පජ්ජිත්ථ, නො ච තෙසං මග්ගසච්චං උප්පජ්ජිස්සති. යස්ස චිත්තස්ස අනන්තරා අග්ගමග්ගං පටිලභිස්සන්ති, යෙ චඤ්ඤෙ මග්ගං පටිලභිස්සන්ති තෙසං සමුදයසච්චඤ්ච උප්පජ්ජිත්ථ මග්ගසච්චඤ්ච උප්පජ්ජිස්සති.

(ඛ) යස්ස වා පන…පෙ…? ආමන්තා.

(ඛ) අනුලොමඔකාසො

80. යත්ථ දුක්ඛසච්චං උප්පජ්ජිත්ථ…පෙ….

(ග) අනුලොමපුග්ගලොකාසා

81. (ක) යස්ස යත්ථ දුක්ඛසච්චං උප්පජ්ජිත්ථ තස්ස තත්ථ සමුදයසච්චං උප්පජ්ජිස්සතීති?

අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති අසඤ්ඤසත්තානං තෙසං තත්ථ දුක්ඛසච්චං උප්පජ්ජිත්ථ, නො ච තෙසං තත්ථ සමුදයසච්චං උප්පජ්ජිස්සති. ඉතරෙසං චතුවොකාරානං පඤ්චවොකාරානං තෙසං තත්ථ දුක්ඛසච්චඤ්ච උප්පජ්ජිත්ථ සමුදයසච්චඤ්ච උප්පජ්ජිස්සති.

(ඛ) යස්ස වා පන යත්ථ සමුදයසච්චං උප්පජ්ජිස්සති තස්ස තත්ථ දුක්ඛසච්චං උප්පජ්ජිත්ථාති?

සුද්ධාවාසං උපපජ්ජන්තානං තෙසං තත්ථ සමුදයසච්චං උප්පජ්ජිස්සති, නො ච තෙසං තත්ථ දුක්ඛසච්චං උප්පජ්ජිත්ථ. ඉතරෙසං චතුවොකාරානං පඤ්චවොකාරානං තෙසං තත්ථ සමුදයසච්චඤ්ච උප්පජ්ජිස්සති දුක්ඛසච්චඤ්ච උප්පජ්ජිත්ථ.

(ක) යස්ස යත්ථ දුක්ඛසච්චං උප්පජ්ජිත්ථ තස්ස තත්ථ මග්ගසච්චං උප්පජ්ජිස්සතීති?

අග්ගමග්ගසමඞ්ගීනං අරහන්තානං යෙ ච පුථුජ්ජනා මග්ගං න පටිලභිස්සන්ති ආපායිකානං අසඤ්ඤසත්තානං තෙසං තත්ථ දුක්ඛසච්චං උප්පජ්ජිත්ථ, නො ච තෙසං තත්ථ මග්ගසච්චං උප්පජ්ජිස්සති. යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තත්ථ දුක්ඛසච්චඤ්ච උප්පජ්ජිත්ථ මග්ගසච්චඤ්ච උප්පජ්ජිස්සති.

(ඛ) යස්ස වා පන යත්ථ මග්ගසච්චං උප්පජ්ජිස්සති තස්ස තත්ථ දුක්ඛසච්චං උප්පජ්ජිත්ථාති?

සුද්ධාවාසං උපපජ්ජන්තානං තෙසං තත්ථ මග්ගසච්චං උප්පජ්ජිස්සති, නො ච තෙසං තත්ථ දුක්ඛසච්චං උප්පජ්ජිත්ථ. යස්ස චිත්තස්ස [Pg.233] අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තත්ථ මග්ගසච්චඤ්ච උප්පජ්ජිස්සති දුක්ඛසච්චඤ්ච උප්පජ්ජිත්ථ.

82. (ක) යස්ස යත්ථ සමුදයසච්චං උප්පජ්ජිත්ථ තස්ස තත්ථ මග්ගසච්චං උප්පජ්ජිස්සතීති?

අග්ගමග්ගසමඞ්ගීනං අරහන්තානං යෙ ච පුථුජ්ජනා මග්ගං න පටිලභිස්සන්ති ආපායිකානං තෙසං තත්ථ සමුදයසච්චං උප්පජ්ජිත්ථ, නො ච තෙසං තත්ථ මග්ගසච්චං උප්පජ්ජිස්සති. යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තත්ථ සමුදයසච්චඤ්ච උප්පජ්ජිත්ථ මග්ගසච්චඤ්ච උප්පජ්ජිස්සති.

(ඛ) යස්ස වා පන යත්ථ මග්ගසච්චං උප්පජ්ජිස්සති තස්ස තත්ථ සමුදයසච්චං උප්පජ්ජිත්ථාති?

සුද්ධාවාසානං දුතියෙ චිත්තෙ වත්තමානෙ තෙසං තත්ථ මග්ගසච්චං උප්පජ්ජිස්සති, නො ච තෙසං තත්ථ සමුදයසච්චං උප්පජ්ජිත්ථ. යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තත්ථ මග්ගසච්චඤ්ච උප්පජ්ජිස්සති සමුදයසච්චඤ්ච උප්පජ්ජිත්ථ.

(ඝ) පච්චනීකපුග්ගලො

83. (ක) යස්ස දුක්ඛසච්චං නුප්පජ්ජිත්ථ තස්ස සමුදයසච්චං නුප්පජ්ජිස්සතීති? නත්ථි.

(ඛ) යස්ස වා පන සමුදයසච්චං නුප්පජ්ජිස්සති තස්ස දුක්ඛසච්චං නුප්පජ්ජිත්ථාති? උප්පජ්ජිත්ථ.

(ක) යස්ස දුක්ඛසච්චං නුප්පජ්ජිත්ථ තස්ස මග්ගසච්චං නුප්පජ්ජිස්සතීති? නත්ථි.

(ඛ) යස්ස වා පන මග්ගසච්චං නුප්පජ්ජිස්සති තස්ස දුක්ඛසච්චං නුප්පජ්ජිත්ථාති? උප්පජ්ජිත්ථ.

84. (ක) යස්ස සමුදයසච්චං නුප්පජ්ජිත්ථ තස්ස මග්ගසච්චං නුප්පජ්ජිස්සතීති? නත්ථි.

(ඛ) යස්ස වා පන මග්ගසච්චං නුප්පජ්ජිස්සති තස්ස සමුදයසච්චං නුප්පජ්ජිත්ථාති? උප්පජ්ජිත්ථ.

(ඞ) පච්චනීකඔකාසො

85. යත්ථ දුක්ඛසච්චං නුප්පජ්ජිත්ථ…පෙ….

(ච) පච්චනීකපුග්ගලොකාසා

86. (ක) යස්ස යත්ථ දුක්ඛසච්චං නුප්පජ්ජිත්ථ තස්ස තත්ථ සමුදයසච්චං නුප්පජ්ජිස්සතීති? උප්පජ්ජිස්සති.

(ඛ) යස්ස වා පන යත්ථ සමුදයසච්චං නුප්පජ්ජිස්සති තස්ස තත්ථ දුක්ඛසච්චං නුප්පජ්ජිත්ථාති? උප්පජ්ජිත්ථ.

(ක) යස්ස [Pg.234] යත්ථ දුක්ඛසච්චං නුප්පජ්ජිත්ථ තස්ස තත්ථ මග්ගසච්චං නුප්පජ්ජිස්සතීති? උප්පජ්ජිස්සති.

(ඛ) යස්ස වා පන යත්ථ මග්ගසච්චං නුප්පජ්ජිස්සති තස්ස තත්ථ දුක්ඛසච්චං නුප්පජ්ජිත්ථාති? උප්පජ්ජිත්ථ.

87. (ක) යස්ස යත්ථ සමුදයසච්චං නුප්පජ්ජිත්ථ තස්ස තත්ථ මග්ගසච්චං නුප්පජ්ජිස්සතීති?

සුද්ධාවාසානං දුතියෙ චිත්තෙ වත්තමානෙ තෙසං තත්ථ සමුදයසච්චං නුප්පජ්ජිත්ථ, නො ච තෙසං තත්ථ මග්ගසච්චං නුප්පජ්ජිස්සති. අසඤ්ඤසත්තානං තෙසං තත්ථ සමුදයසච්චඤ්ච නුප්පජ්ජිත්ථ මග්ගසච්චඤ්ච නුප්පජ්ජිස්සති.

(ඛ) යස්ස වා පන යත්ථ මග්ගසච්චං නුප්පජ්ජිස්සති තස්ස තත්ථ සමුදයසච්චං නුප්පජ්ජිත්ථාති?

අග්ගමග්ගසමඞ්ගීනං අරහන්තානං යෙ ච පුථුජ්ජනා මග්ගං න පටිලභිස්සන්ති ආපායිකානං තෙසං තත්ථ මග්ගසච්චං නුප්පජ්ජිස්සති, නො ච තෙසං තත්ථ සමුදයසච්චං නුප්පජ්ජිත්ථ. අසඤ්ඤසත්තානං තෙසං තත්ථ මග්ගසච්චඤ්ච නුප්පජ්ජිස්සති සමුදයසච්චඤ්ච නුප්පජ්ජිත්ථ.

උප්පාදවාරො.

2. පවත්ති 2. නිරොධවාරො

(1) පච්චුප්පන්නවාරො

(ක) අනුලොමපුග්ගලො

88. (ක) යස්ස දුක්ඛසච්චං නිරුජ්ඣති තස්ස සමුදයසච්චං නිරුජ්ඣතීති?

සබ්බෙසං චවන්තානං පවත්තෙ තණ්හාවිප්පයුත්තචිත්තස්ස භඞ්ගක්ඛණෙ තෙසං දුක්ඛසච්චං නිරුජ්ඣති, නො ච තෙසං සමුදයසච්චං නිරුජ්ඣති. තණ්හාය භඞ්ගක්ඛණෙ තෙසං දුක්ඛසච්චඤ්ච නිරුජ්ඣති සමුදයසච්චඤ්ච නිරුජ්ඣති.

(ඛ) යස්ස වා පන සමුදයසච්චං නිරුජ්ඣති තස්ස දුක්ඛසච්චං නිරුජ්ඣතීති? ආමන්තා.

(ක) යස්ස දුක්ඛසච්චං නිරුජ්ඣති තස්ස මග්ගසච්චං නිරුජ්ඣතීති?

සබ්බෙසං චවන්තානං පවත්තෙ මග්ගවිප්පයුත්තචිත්තස්ස භඞ්ගක්ඛණෙ තෙසං දුක්ඛසච්චං නිරුජ්ඣති, නො ච තෙසං මග්ගසච්චං නිරුජ්ඣති. පඤ්චවොකාරෙ මග්ගස්ස භඞ්ගක්ඛණෙ තෙසං දුක්ඛසච්චඤ්ච නිරුජ්ඣති මග්ගසච්චඤ්ච නිරුජ්ඣති.

(ඛ) යස්ස වා පන මග්ගසච්චං නිරුජ්ඣති තස්ස දුක්ඛසච්චං නිරුජ්ඣතීති?

අරූපෙ මග්ගස්ස භඞ්ගක්ඛණෙ තෙසං මග්ගසච්චං නිරුජ්ඣති, නො [Pg.235] ච තෙසං දුක්ඛසච්චං නිරුජ්ඣති. පඤ්චවොකාරෙ මග්ගස්ස භඞ්ගක්ඛණෙ තෙසං මග්ගසච්චඤ්ච නිරුජ්ඣති දුක්ඛසච්චඤ්ච නිරුජ්ඣති.

89. (ක) යස්ස සමුදයසච්චං නිරුජ්ඣති තස්ස මග්ගසච්චං නිරුජ්ඣතීති? නො.

(ඛ) යස්ස වා පන මග්ගසච්චං නිරුජ්ඣති තස්ස සමුදයසච්චං නිරුජ්ඣතීති? නො.

(ඛ) අනුලොමඔකාසො

90. යත්ථ දුක්ඛසච්චං නිරුජ්ඣති තත්ථ සමුදයසච්චං නිරුජ්ඣතීති?

අසඤ්ඤසත්තෙ තත්ථ දුක්ඛසච්චං නිරුජ්ඣති…පෙ….

(යත්ථකං උප්පාදෙපි නිරොධෙපි උප්පාදනිරොධෙපි සදිසං, නත්ථි නානාකරණං).

(ග) අනුලොමපුග්ගලොකාසා

91. යස්ස යත්ථ දුක්ඛසච්චං නිරුජ්ඣති…පෙ….

(යස්සයත්ථකම්පි සදිසං විත්ථාරෙතබ්බං).

(ඝ) පච්චනීකපුග්ගලො

92. (ක) යස්ස දුක්ඛසච්චං න නිරුජ්ඣති තස්ස සමුදයසච්චං න නිරුජ්ඣතීති? ආමන්තා.

(ඛ) යස්ස වා පන සමුදයසච්චං න නිරුජ්ඣති තස්ස දුක්ඛසච්චං න නිරුජ්ඣතීති?

සබ්බෙසං චවන්තානං පවත්තෙ තණ්හාවිප්පයුත්තචිත්තස්ස භඞ්ගක්ඛණෙ තෙසං සමුදයසච්චං න නිරුජ්ඣති, නො ච තෙසං දුක්ඛසච්චං න නිරුජ්ඣති. සබ්බෙසං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ මග්ගස්ස ච ඵලස්ස ච භඞ්ගක්ඛණෙ තෙසං සමුදයසච්චඤ්ච න නිරුජ්ඣති දුක්ඛසච්චඤ්ච න නිරුජ්ඣති.

(ක) යස්ස දුක්ඛසච්චං න නිරුජ්ඣති තස්ස මග්ගසච්චං න නිරුජ්ඣතීති?

අරූපෙ මග්ගස්ස භඞ්ගක්ඛණෙ තෙසං දුක්ඛසච්චං න නිරුජ්ඣති, නො ච තෙසං මග්ගසච්චං න නිරුජ්ඣති. සබ්බෙසං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ ඵලස්ස භඞ්ගක්ඛණෙ තෙසං දුක්ඛසච්චඤ්ච න නිරුජ්ඣති මග්ගසච්චඤ්ච න නිරුජ්ඣති.

(ඛ) යස්ස වා පන මග්ගසච්චං න නිරුජ්ඣති තස්ස දුක්ඛසච්චං න නිරුජ්ඣතීති?

සබ්බෙසං චවන්තානං පවත්තෙ මග්ගවිප්පයුත්තචිත්තස්ස භඞ්ගක්ඛණෙ තෙසං මග්ගසච්චං න නිරුජ්ඣති, නො ච තෙසං දුක්ඛසච්චං න නිරුජ්ඣති. සබ්බෙසං උපපජ්ජන්තානං පවත්තෙ චිත්තස්ස උප්පාදක්ඛණෙ [Pg.236] අරූපෙ ඵලස්ස භඞ්ගක්ඛණෙ තෙසං මග්ගසච්චඤ්ච න නිරුජ්ඣති දුක්ඛසච්චඤ්ච න නිරුජ්ඣති.

93. (ක) යස්ස සමුදයසච්චං න නිරුජ්ඣති තස්ස මග්ගසච්චං න නිරුජ්ඣතීති?

මග්ගස්ස භඞ්ගක්ඛණෙ තෙසං සමුදයසච්චං න නිරුජ්ඣති, නො ච තෙසං මග්ගසච්චං න නිරුජ්ඣති. සබ්බෙසං චිත්තස්ස උප්පාදක්ඛණෙ තණ්හාවිප්පයුත්තමග්ගවිප්පයුත්තචිත්තස්ස භඞ්ගක්ඛණෙ නිරොධසමාපන්නානං අසඤ්ඤසත්තානං තෙසං සමුදයසච්චඤ්ච න නිරුජ්ඣති මග්ගසච්චඤ්ච න නිරුජ්ඣති.

(ඛ) යස්ස වා පන මග්ගසච්චං න නිරුජ්ඣති තස්ස සමුදයසච්චං න නිරුජ්ඣතීති?

තණ්හාය භඞ්ගක්ඛණෙ තෙසං මග්ගසච්චං න නිරුජ්ඣති, නො ච තෙසං සමුදයසච්චං න නිරුජ්ඣති. සබ්බෙසං චිත්තස්ස උප්පාදක්ඛණෙ මග්ගවිප්පයුත්තතණ්හාවිප්පයුත්තචිත්තස්ස භඞ්ගක්ඛණෙ නිරොධසමාපන්නානං අසඤ්ඤසත්තානං තෙසං මග්ගසච්චඤ්ච න නිරුජ්ඣති සමුදයසච්චඤ්ච න නිරුජ්ඣති.

(ඞ) පච්චනීකඔකාසො

94. යත්ථ දුක්ඛසච්චං න නිරුජ්ඣති…පෙ….

(ච) පච්චනීකපුග්ගලොකාසා

95. යස්ස යත්ථ දුක්ඛසච්චං න නිරුජ්ඣති…පෙ….

(යස්සකම්පි යස්සයත්ථකම්පි සදිසං, යස්සයත්ථකෙපි නිරොධසමාපන්නානන්ති චෙතං න කාතබ්බං).

(2) අතීතවාරො

(ක) අනුලොමපුග්ගලො

96. යස්ස දුක්ඛසච්චං නිරුජ්ඣිත්ථ තස්ස සමුදයසච්චං නිරුජ්ඣිත්ථාති? ආමන්තා.

(යථා උප්පාදවාරෙ අතීතා පුච්ඡා අනුලොමම්පි පච්චනීකම්පි විභත්තා එවං නිරොධෙපි විභජිතබ්බා, නත්ථි නානාකරණං).

(3) අනාගතවාරො

(ක) අනුලොමපුග්ගලො

97. (ක) යස්ස [Pg.237] දුක්ඛසච්චං නිරුජ්ඣිස්සති තස්ස සමුදයසච්චං නිරුජ්ඣිස්සතීති?

අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං දුක්ඛසච්චං නිරුජ්ඣිස්සති, නො ච තෙසං සමුදයසච්චං නිරුජ්ඣිස්සති. ඉතරෙසං තෙසං දුක්ඛසච්චඤ්ච නිරුජ්ඣිස්සති සමුදයසච්චඤ්ච නිරුජ්ඣිස්සති.

(ඛ) යස්ස වා පන…පෙ…? ආමන්තා.

(ක) යස්ස දුක්ඛසච්චං නිරුජ්ඣිස්සති තස්ස මග්ගසච්චං නිරුජ්ඣිස්සතීති?

අග්ගමග්ගස්ස භඞ්ගක්ඛණෙ අරහන්තානං යෙ ච පුථුජ්ජනා මග්ගං න පටිලභිස්සන්ති තෙසං දුක්ඛසච්චං නිරුජ්ඣිස්සති, නො ච තෙසං මග්ගසච්චං නිරුජ්ඣිස්සති. අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං දුක්ඛසච්චඤ්ච නිරුජ්ඣිස්සති මග්ගසච්චඤ්ච නිරුජ්ඣිස්සති.

(ඛ) යස්ස වා පන…පෙ…. ආමන්තා.

98. (ක) යස්ස සමුදයසච්චං නිරුජ්ඣිස්සති තස්ස මග්ගසච්චං නිරුජ්ඣිස්සතීති?

යෙ පුථුජ්ජනා මග්ගං න පටිලභිස්සන්ති තෙසං සමුදයසච්චං නිරුජ්ඣිස්සති, නො ච තෙසං මග්ගසච්චං නිරුජ්ඣිස්සති. යෙ මග්ගං පටිලභිස්සන්ති තෙසං සමුදයසච්චඤ්ච නිරුජ්ඣිස්සති මග්ගසච්චඤ්ච නිරුජ්ඣිස්සති.

(ඛ) යස්ස වා පන මග්ගසච්චං නිරුජ්ඣිස්සති තස්ස සමුදයසච්චං නිරුජ්ඣිස්සතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං මග්ගසච්චං නිරුජ්ඣිස්සති, නො ච තෙසං සමුදයසච්චං නිරුජ්ඣිස්සති. යෙ මග්ගං පටිලභිස්සන්ති තෙසං මග්ගසච්චඤ්ච නිරුජ්ඣිස්සති සමුදයසච්චඤ්ච නිරුජ්ඣිස්සති.

(ඛ) අනුලොමඔකාසො

99. යත්ථ දුක්ඛසච්චං නිරුජ්ඣිස්සති…පෙ….

(ග) අනුලොමපුග්ගලොකාසා

100. යස්ස යත්ථ දුක්ඛසච්චං නිරුජ්ඣිස්සති තස්ස තත්ථ සමුදයසච්චං නිරුජ්ඣිස්සතීති?

අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති [Pg.238] අසඤ්ඤසත්තානං තෙසං තත්ථ දුක්ඛසච්චං නිරුජ්ඣිස්සති, නො ච තෙසං තත්ථ සමුදයසච්චං නිරුජ්ඣිස්සති. ඉතරෙසං චතුවොකාරානං පඤ්චවොකාරානං තෙසං තත්ථ දුක්ඛසච්චඤ්ච නිරුජ්ඣිස්සති සමුදයසච්චඤ්ච නිරුජ්ඣිස්සති…පෙ….

(යස්සකම්පි යස්සයත්ථකම්පි සදිසං).

(ඝ) පච්චනීකපුග්ගලො

101. (ක) යස්ස දුක්ඛසච්චං න නිරුජ්ඣිස්සති තස්ස සමුදයසච්චං න නිරුජ්ඣිස්සතීති? ආමන්තා.

(ඛ) යස්ස වා පන සමුදයසච්චං න නිරුජ්ඣිස්සති තස්ස දුක්ඛසච්චං න නිරුජ්ඣිස්සතීති?

අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං සමුදයසච්චං න නිරුජ්ඣිස්සති, නො ච තෙසං දුක්ඛසච්චං න නිරුජ්ඣිස්සති. පච්ඡිමචිත්තස්ස භඞ්ගක්ඛණෙ තෙසං සමුදයසච්චඤ්ච න නිරුජ්ඣිස්සති දුක්ඛසච්චඤ්ච න නිරුජ්ඣිස්සති.

(ක) යස්ස දුක්ඛසච්චං න නිරුජ්ඣිස්සති තස්ස මග්ගසච්චං න නිරුජ්ඣිස්සතීති? ආමන්තා.

(ඛ) යස්ස වා පන මග්ගසච්චං න නිරුජ්ඣිස්සති තස්ස දුක්ඛසච්චං න නිරුජ්ඣිස්සතීති?

අග්ගමග්ගස්ස භඞ්ගක්ඛණෙ අරහන්තානං යෙ ච පුථුජ්ජනා මග්ගං න පටිලභිස්සන්ති තෙසං මග්ගසච්චං න නිරුජ්ඣිස්සති, නො ච තෙසං දුක්ඛසච්චං න නිරුජ්ඣිස්සති. පච්ඡිමචිත්තස්ස භඞ්ගක්ඛණෙ තෙසං මග්ගසච්චඤ්ච න නිරුජ්ඣිස්සති දුක්ඛසච්චඤ්ච න නිරුජ්ඣිස්සති.

102. (ක) යස්ස සමුදයසච්චං න නිරුජ්ඣිස්සති තස්ස මග්ගසච්චං න නිරුජ්ඣිස්සතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං සමුදයසච්චං න නිරුජ්ඣිස්සති, නො ච තෙසං මග්ගසච්චං න නිරුජ්ඣිස්සති. අග්ගමග්ගස්ස භඞ්ගක්ඛණෙ අරහන්තානං තෙසං සමුදයසච්චඤ්ච න නිරුජ්ඣිස්සති මග්ගසච්චඤ්ච න නිරුජ්ඣිස්සති.

(ඛ) යස්ස වා පන මග්ගසච්චං න නිරුජ්ඣිස්සති තස්ස සමුදයසච්චං න නිරුජ්ඣිස්සතීති?

යෙ පුථුජ්ජනා මග්ගං න පටිලභිස්සන්ති තෙසං මග්ගසච්චං න නිරුජ්ඣිස්සති, නො ච තෙසං සමුදයසච්චං න නිරුජ්ඣිස්සති. අග්ගමග්ගස්ස භඞ්ගක්ඛණෙ අරහන්තානං තෙසං මග්ගසච්චඤ්ච න නිරුජ්ඣිස්සති සමුදයසච්චඤ්ච න නිරුජ්ඣිස්සති.

(ඞ) පච්චනීකඔකාසො

103. යත්ථ දුක්ඛසච්චං න නිරුජ්ඣිස්සති…පෙ….

(ච) පච්චනීකපුග්ගලොකාසා

104. (ක) යස්ස [Pg.239] යත්ථ දුක්ඛසච්චං න නිරුජ්ඣිස්සති තස්ස තත්ථ සමුදයසච්චං න නිරුජ්ඣිස්සතීති? ආමන්තා.

(ඛ) යස්ස වා පන යත්ථ සමුදයසච්චං න නිරුජ්ඣිස්සති තස්ස තත්ථ දුක්ඛසච්චං න නිරුජ්ඣිස්සතීති?

අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති අසඤ්ඤසත්තානං තෙසං තත්ථ සමුදයසච්චං න නිරුජ්ඣිස්සති, නො ච තෙසං තත්ථ දුක්ඛසච්චං න නිරුජ්ඣිස්සති. පච්ඡිමචිත්තස්ස භඞ්ගක්ඛණෙ තෙසං තත්ථ සමුදයසච්චඤ්ච න නිරුජ්ඣිස්සති දුක්ඛසච්චඤ්ච න නිරුජ්ඣිස්සති.

(ක) යස්ස යත්ථ දුක්ඛසච්චං න නිරුජ්ඣිස්සති තස්ස තත්ථ මග්ගසච්චං න නිරුජ්ඣිස්සතීති? ආමන්තා.

(ඛ) යස්ස වා පන යත්ථ මග්ගසච්චං න නිරුජ්ඣිස්සති තස්ස තත්ථ දුක්ඛසච්චං න නිරුජ්ඣිස්සතීති?

අග්ගමග්ගස්ස භඞ්ගක්ඛණෙ අරහන්තානං යෙ ච පුථුජ්ජනා මග්ගං න පටිලභිස්සන්ති ආපායිකානං අසඤ්ඤසත්තානං තෙසං තත්ථ මග්ගසච්චං න නිරුජ්ඣිස්සති, නො ච තෙසං තත්ථ දුක්ඛසච්චං න නිරුජ්ඣිස්සති. පච්ඡිමචිත්තස්ස භඞ්ගක්ඛණෙ තෙසං තත්ථ මග්ගසච්චඤ්ච න නිරුජ්ඣිස්සති දුක්ඛසච්චඤ්ච න නිරුජ්ඣිස්සති.

105. (ක) යස්ස යත්ථ සමුදයසච්චං න නිරුජ්ඣිස්සති තස්ස තත්ථ මග්ගසච්චං න නිරුජ්ඣිස්සතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං තත්ථ සමුදයසච්චං න නිරුජ්ඣිස්සති, නො ච තෙසං තත්ථ මග්ගසච්චං න නිරුජ්ඣිස්සති. අග්ගමග්ගස්ස භඞ්ගක්ඛණෙ අරහන්තානං අසඤ්ඤසත්තානං තෙසං තත්ථ සමුදයසච්චඤ්ච න නිරුජ්ඣිස්සති මග්ගසච්චඤ්ච න නිරුජ්ඣිස්සති.

(ඛ) යස්ස වා පන යත්ථ මග්ගසච්චං න නිරුජ්ඣිස්සති තස්ස තත්ථ සමුදයසච්චං න නිරුජ්ඣිස්සතීති?

ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං තත්ථ මග්ගසච්චං න නිරුජ්ඣිස්සති, නො ච තෙසං තත්ථ සමුදයසච්චං න නිරුජ්ඣිස්සති. අග්ගමග්ගස්ස භඞ්ගක්ඛණෙ අරහන්තානං අසඤ්ඤසත්තානං තෙසං තත්ථ මග්ගසච්චඤ්ච න නිරුජ්ඣිස්සති සමුදයසච්චඤ්ච න නිරුජ්ඣිස්සති.

(4) පච්චුප්පන්නාතීතවාරො

(ක) අනුලොමපුග්ගලො

106. (ක) යස්ස දුක්ඛසච්චං නිරුජ්ඣති තස්ස සමුදයසච්චං නිරුජ්ඣිත්ථාති? ආමන්තා.

(ඛ) යස්ස වා පන සමුදයසච්චං නිරුජ්ඣිත්ථ තස්ස දුක්ඛසච්චං නිරුජ්ඣතීති?

සබ්බෙසං [Pg.240] උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ මග්ගස්ස ච ඵලස්ස ච භඞ්ගක්ඛණෙ තෙසං සමුදයසච්චං නිරුජ්ඣිත්ථ, නො ච තෙසං දුක්ඛසච්චං නිරුජ්ඣති. සබ්බෙසං චවන්තානං පවත්තෙ චිත්තස්ස භඞ්ගක්ඛණෙ තෙසං සමුදයසච්චඤ්ච නිරුජ්ඣිත්ථ දුක්ඛසච්චඤ්ච නිරුජ්ඣති.

(ක) යස්ස දුක්ඛසච්චං නිරුජ්ඣති තස්ස මග්ගසච්චං නිරුජ්ඣිත්ථාති?

අනභිසමෙතාවීනං චවන්තානං පවත්තෙ චිත්තස්ස භඞ්ගක්ඛණෙ තෙසං දුක්ඛසච්චං නිරුජ්ඣති, නො ච තෙසං මග්ගසච්චං නිරුජ්ඣිත්ථ. අභිසමෙතාවීනං චවන්තානං පවත්තෙ චිත්තස්ස භඞ්ගක්ඛණෙ තෙසං දුක්ඛසච්චඤ්ච නිරුජ්ඣති මග්ගසච්චඤ්ච නිරුජ්ඣිත්ථ.

(ඛ) යස්ස වා පන මග්ගසච්චං නිරුජ්ඣිත්ථ තස්ස දුක්ඛසච්චං නිරුජ්ඣතීති?

අභිසමෙතාවීනං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ මග්ගස්ස ච ඵලස්ස ච භඞ්ගක්ඛණෙ තෙසං මග්ගසච්චං නිරුජ්ඣිත්ථ, නො ච තෙසං දුක්ඛසච්චං නිරුජ්ඣති. අභිසමෙතාවීනං චවන්තානං පවත්තෙ චිත්තස්ස භඞ්ගක්ඛණෙ තෙසං මග්ගසච්චඤ්ච නිරුජ්ඣිත්ථ දුක්ඛසච්චඤ්ච නිරුජ්ඣති.

107. (ක) යස්ස සමුදයසච්චං නිරුජ්ඣති තස්ස මග්ගසච්චං නිරුජ්ඣිත්ථාති?

අනභිසමෙතාවීනං තණ්හාය භඞ්ගක්ඛණෙ තෙසං සමුදයසච්චං නිරුජ්ඣති, නො ච තෙසං මග්ගසච්චං නිරුජ්ඣිත්ථ. අභිසමෙතාවීනං තණ්හාය භඞ්ගක්ඛණෙ තෙසං සමුදයසච්චඤ්ච නිරුජ්ඣති මග්ගසච්චඤ්ච නිරුජ්ඣිත්ථ.

(ඛ) යස්ස වා පන මග්ගසච්චං නිරුජ්ඣිත්ථ තස්ස සමුදයසච්චං නිරුජ්ඣතීති?

අභිසමෙතාවීනං තණ්හාය උප්පාදක්ඛණෙ තණ්හාවිප්පයුත්තචිත්තෙ වත්තමානෙ නිරොධසමාපන්නානං තෙසං මග්ගසච්චං නිරුජ්ඣිත්ථ, නො ච තෙසං සමුදයසච්චං නිරුජ්ඣති. අභිසමෙතාවීනං තණ්හාය භඞ්ගක්ඛණෙ තෙසං මග්ගසච්චඤ්ච නිරුජ්ඣිත්ථ සමුදයසච්චඤ්ච නිරුජ්ඣති.

(ඛ) අනුලොමඔකාසො

108. යත්ථ දුක්ඛසච්චං නිරුජ්ඣති…පෙ….

(ග) අනුලොමපුග්ගලොකාසා

109. (ක) යස්ස යත්ථ දුක්ඛසච්චං නිරුජ්ඣති තස්ස තත්ථ සමුදයසච්චං නිරුජ්ඣිත්ථාති?

සුද්ධාවාසානං උපපත්තිචිත්තස්ස භඞ්ගක්ඛණෙ අසඤ්ඤසත්තා චවන්තානං තෙසං තත්ථ දුක්ඛසච්චං නිරුජ්ඣති, නො ච තෙසං තත්ථ සමුදයසච්චං නිරුජ්ඣිත්ථ. ඉතරෙසං චතුවොකාරා පඤ්චවොකාරා චවන්තානං පවත්තෙ චිත්තස්ස භඞ්ගක්ඛණෙ තෙසං තත්ථ දුක්ඛසච්චඤ්ච නිරුජ්ඣති සමුදයසච්චඤ්ච නිරුජ්ඣිත්ථ.

(ඛ) යස්ස වා [Pg.241] පන යත්ථ සමුදයසච්චං නිරුජ්ඣිත්ථ තස්ස තත්ථ දුක්ඛසච්චං නිරුජ්ඣතීති?

චතුවොකාරං පඤ්චවොකාරං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ මග්ගස්ස ච ඵලස්ස ච භඞ්ගක්ඛණෙ තෙසං තත්ථ සමුදයසච්චං නිරුජ්ඣිත්ථ, නො ච තෙසං තත්ථ දුක්ඛසච්චං නිරුජ්ඣති. චතුවොකාරා පඤ්චවොකාරා චවන්තානං පවත්තෙ චිත්තස්ස භඞ්ගක්ඛණෙ තෙසං තත්ථ සමුදයසච්චඤ්ච නිරුජ්ඣිත්ථ දුක්ඛසච්චඤ්ච නිරුජ්ඣති.

(ක) යස්ස යත්ථ දුක්ඛසච්චං නිරුජ්ඣති තස්ස තත්ථ මග්ගසච්චං නිරුජ්ඣිත්ථාති?

සුද්ධාවාසානං උපපත්තිචිත්තස්ස භඞ්ගක්ඛණෙ අනභිසමෙතාවීනං චවන්තානං පවත්තෙ චිත්තස්ස භඞ්ගක්ඛණෙ අසඤ්ඤසත්තා චවන්තානං තෙසං තත්ථ දුක්ඛසච්චං නිරුජ්ඣති, නො ච තෙසං තත්ථ මග්ගසච්චං නිරුජ්ඣිත්ථ. අභිසමෙතාවීනං චවන්තානං පවත්තෙ චිත්තස්ස භඞ්ගක්ඛණෙ තෙසං තත්ථ දුක්ඛසච්චඤ්ච නිරුජ්ඣති මග්ගසච්චඤ්ච නිරුජ්ඣිත්ථ.

(ඛ) යස්ස වා පන යත්ථ මග්ගසච්චං නිරුජ්ඣිත්ථ තස්ස තත්ථ දුක්ඛසච්චං නිරුජ්ඣතීති?

අභිසමෙතාවීනං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ මග්ගස්ස ච ඵලස්ස ච භඞ්ගක්ඛණෙ තෙසං තත්ථ මග්ගසච්චං නිරුජ්ඣිත්ථ, නො ච තෙසං තත්ථ දුක්ඛසච්චං නිරුජ්ඣති. අභිසමෙතාවීනං චවන්තානං පවත්තෙ චිත්තස්ස භඞ්ගක්ඛණෙ තෙසං තත්ථ මග්ගසච්චඤ්ච නිරුජ්ඣිත්ථ දුක්ඛසච්චඤ්ච නිරුජ්ඣති.

110. (ක) යස්ස යත්ථ සමුදයසච්චං නිරුජ්ඣති තස්ස තත්ථ මග්ගසච්චං නිරුජ්ඣිත්ථාති?

අනභිසමෙතාවීනං තණ්හාය භඞ්ගක්ඛණෙ තෙසං තත්ථ සමුදයසච්චං නිරුජ්ඣති, නො ච තෙසං තත්ථ මග්ගසච්චං නිරුජ්ඣිත්ථ. අභිසමෙතාවීනං තණ්හාය භඞ්ගක්ඛණෙ තෙසං තත්ථ සමුදයසච්චඤ්ච නිරුජ්ඣති මග්ගසච්චඤ්ච නිරුජ්ඣිත්ථ.

(ඛ) යස්ස වා පන යත්ථ මග්ගසච්චං නිරුජ්ඣිත්ථ තස්ස තත්ථ සමුදයසච්චං නිරුජ්ඣතීති?

අභිසමෙතාවීනං තණ්හාය උප්පාදක්ඛණෙ තණ්හාවිප්පයුත්තචිත්තෙ වත්තමානෙ තෙසං තත්ථ මග්ගසච්චං නිරුජ්ඣිත්ථ, නො ච තෙසං තත්ථ සමුදයසච්චං නිරුජ්ඣති. අභිසමෙතාවීනං තණ්හාය භඞ්ගක්ඛණෙ තෙසං තත්ථ මග්ගසච්චඤ්ච නිරුජ්ඣිත්ථ සමුදයසච්චඤ්ච නිරුජ්ඣති.

(ඝ) පච්චනීකපුග්ගලො

111. (ක) යස්ස දුක්ඛසච්චං න නිරුජ්ඣති තස්ස සමුදයසච්චං න නිරුජ්ඣිත්ථාති? නිරුජ්ඣිත්ථ.

(ඛ) යස්ස වා පන සමුදයසච්චං න නිරුජ්ඣිත්ථ තස්ස දුක්ඛසච්චං න නිරුජ්ඣතීති? නත්ථි.

(ක) යස්ස [Pg.242] දුක්ඛසච්චං න නිරුජ්ඣති තස්ස මග්ගසච්චං න නිරුජ්ඣිත්ථාති?

අභිසමෙතාවීනං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ මග්ගස්ස ච ඵලස්ස ච භඞ්ගක්ඛණෙ තෙසං දුක්ඛසච්චං න නිරුජ්ඣති, නො ච තෙසං මග්ගසච්චං න නිරුජ්ඣිත්ථ. අනභිසමෙතාවීනං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං දුක්ඛසච්චඤ්ච න නිරුජ්ඣති මග්ගසච්චඤ්ච න නිරුජ්ඣිත්ථ.

(ඛ) යස්ස වා පන මග්ගසච්චං න නිරුජ්ඣිත්ථ තස්ස දුක්ඛසච්චං න නිරුජ්ඣතීති?

අනභිසමෙතාවීනං චවන්තානං පවත්තෙ චිත්තස්ස භඞ්ගක්ඛණෙ තෙසං මග්ගසච්චං න නිරුජ්ඣිත්ථ, නො ච තෙසං දුක්ඛසච්චං න නිරුජ්ඣති. අනභිසමෙතාවීනං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං මග්ගසච්චඤ්ච න නිරුජ්ඣිත්ථ දුක්ඛසච්චඤ්ච න නිරුජ්ඣති.

112. (ක) යස්ස සමුදයසච්චං න නිරුජ්ඣති තස්ස මග්ගසච්චං න නිරුජ්ඣිත්ථාති?

අභිසමෙතාවීනං තණ්හාය උප්පාදක්ඛණෙ තණ්හාවිප්පයුත්තචිත්තෙ වත්තමානෙ නිරොධසමාපන්නානං තෙසං සමුදයසච්චං න නිරුජ්ඣති, නො ච තෙසං මග්ගසච්චං න නිරුජ්ඣිත්ථ. අනභිසමෙතාවීනං තණ්හාය උප්පාදක්ඛණෙ තණ්හාවිප්පයුත්තචිත්තෙ වත්තමානෙ අසඤ්ඤසත්තානං තෙසං සමුදයසච්චඤ්ච න නිරුජ්ඣති මග්ගසච්චඤ්ච න නිරුජ්ඣිත්ථ.

(ඛ) යස්ස වා පන මග්ගසච්චං න නිරුජ්ඣිත්ථ තස්ස සමුදයසච්චං න නිරුජ්ඣතීති?

අනභිසමෙතාවීනං තණ්හාය භඞ්ගක්ඛණෙ තෙසං මග්ගසච්චං න නිරුජ්ඣිත්ථ, නො ච තෙසං සමුදයසච්චං න නිරුජ්ඣති. අනභිසමෙතාවීනං තණ්හාය උප්පාදක්ඛණෙ තණ්හාවිප්පයුත්තචිත්තෙ වත්තමානෙ අසඤ්ඤසත්තානං තෙසං මග්ගසච්චඤ්ච න නිරුජ්ඣිත්ථ සමුදයසච්චඤ්ච න නිරුජ්ඣති.

(ඞ) පච්චනීකඔකාසො

113. යත්ථ දුක්ඛසච්චං න නිරුජ්ඣති…පෙ….

(ච) පච්චනීකපුග්ගලොකාසා

114. (ක) යස්ස යත්ථ දුක්ඛසච්චං න නිරුජ්ඣති තස්ස තත්ථ සමුදයසච්චං න නිරුජ්ඣිත්ථාති?

චතුවොකාරං පඤ්චවොකාරං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ මග්ගස්ස ච ඵලස්ස ච භඞ්ගක්ඛණෙ තෙසං තත්ථ දුක්ඛසච්චං න නිරුජ්ඣති, නො ච තෙසං තත්ථ සමුදයසච්චං න නිරුජ්ඣිත්ථ. සුද්ධාවාසානං උපපත්තිචිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං තෙසං තත්ථ දුක්ඛසච්චඤ්ච න නිරුජ්ඣති සමුදයසච්චඤ්ච න නිරුජ්ඣිත්ථ.

(ඛ) යස්ස වා පන යත්ථ [Pg.243] සමුදයසච්චං න නිරුජ්ඣිත්ථ තස්ස තත්ථ දුක්ඛසච්චං න නිරුජ්ඣතීති?

සුද්ධාවාසානං උපපත්තිචිත්තස්ස භඞ්ගක්ඛණෙ අසඤ්ඤසත්තා චවන්තානං තෙසං තත්ථ සමුදයසච්චං න නිරුජ්ඣිත්ථ, නො ච තෙසං තත්ථ දුක්ඛසච්චං න නිරුජ්ඣති. සුද්ධාවාසානං උපපත්තිචිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං තෙසං තත්ථ සමුදයසච්චඤ්ච න නිරුජ්ඣිත්ථ දුක්ඛසච්චඤ්ච න නිරුජ්ඣති.

(ක) යස්ස යත්ථ දුක්ඛසච්චං න නිරුජ්ඣති තස්ස තත්ථ මග්ගසච්චං න නිරුජ්ඣිත්ථාති?

අභිසමෙතාවීනං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ මග්ගස්ස ච ඵලස්ස ච භඞ්ගක්ඛණෙ තෙසං තත්ථ දුක්ඛසච්චං න නිරුජ්ඣති, නො ච තෙසං තත්ථ මග්ගසච්චං න නිරුජ්ඣිත්ථ. සුද්ධාවාසානං උපපත්තිචිත්තස්ස උප්පාදක්ඛණෙ අනභිසමෙතාවීනං උපපජ්ජන්තානං පවත්තෙ චිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං තෙසං තත්ථ දුක්ඛසච්චඤ්ච න නිරුජ්ඣති මග්ගසච්චඤ්ච න නිරුජ්ඣිත්ථ.

(ඛ) යස්ස වා පන යත්ථ මග්ගසච්චං න නිරුජ්ඣිත්ථ තස්ස තත්ථ දුක්ඛසච්චං න නිරුජ්ඣතීති?

සුද්ධාවාසානං උපපත්තිචිත්තස්ස භඞ්ගක්ඛණෙ අනභිසමෙතාවීනං චවන්තානං පවත්තෙ චිත්තස්ස භඞ්ගක්ඛණෙ අසඤ්ඤසත්තා චවන්තානං තෙසං තත්ථ මග්ගසච්චං න නිරුජ්ඣිත්ථ, නො ච තෙසං තත්ථ දුක්ඛසච්චං න නිරුජ්ඣති. සුද්ධාවාසානං උපපත්තිචිත්තස්ස උප්පාදක්ඛණෙ අනභිසමෙතාවීනං උපපජ්ජන්තානං පවත්තෙ චිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං තෙසං තත්ථ මග්ගසච්චඤ්ච න නිරුජ්ඣිත්ථ දුක්ඛසච්චඤ්ච න නිරුජ්ඣති.

115. (ක) යස්ස යත්ථ සමුදයසච්චං න නිරුජ්ඣති තස්ස තත්ථ මග්ගසච්චං න නිරුජ්ඣිත්ථාති?

අභිසමෙතාවීනං තණ්හාය උප්පාදක්ඛණෙ තණ්හාවිප්පයුත්තචිත්තෙ වත්තමානෙ තෙසං තත්ථ සමුදයසච්චං න නිරුජ්ඣති, නො ච තෙසං තත්ථ මග්ගසච්චං න නිරුජ්ඣිත්ථ. සුද්ධාවාසානං දුතියෙ චිත්තෙ වත්තමානෙ අනභිසමෙතාවීනං තණ්හාය උප්පාදක්ඛණෙ තණ්හාවිප්පයුත්තචිත්තෙ වත්තමානෙ අසඤ්ඤසත්තානං තෙසං තත්ථ සමුදයසච්චඤ්ච න නිරුජ්ඣති මග්ගසච්චඤ්ච න නිරුජ්ඣිත්ථ.

(ඛ) යස්ස වා පන යත්ථ මග්ගසච්චං න නිරුජ්ඣිත්ථ තස්ස තත්ථ සමුදයසච්චං න නිරුජ්ඣතීති?

අනභිසමෙතාවීනං තණ්හාය භඞ්ගක්ඛණෙ තෙසං තත්ථ මග්ගසච්චං න නිරුජ්ඣිත්ථ, නො ච තෙසං තත්ථ සමුදයසච්චං න නිරුජ්ඣති. සුද්ධාවාසානං දුතියෙ චිත්තෙ වත්තමානෙ අනභිසමෙතාවීනං තණ්හාය උප්පාදක්ඛණෙ තණ්හාවිප්පයුත්තචිත්තෙ වත්තමානෙ අසඤ්ඤසත්තානං තෙසං තත්ථ මග්ගසච්චඤ්ච න නිරුජ්ඣිත්ථ සමුදයසච්චඤ්ච න නිරුජ්ඣති.

(5) පච්චුප්පන්නානාගතවාරො

(ක) අනුලොමපුග්ගලො

116. (ක) යස්ස [Pg.244] දුක්ඛසච්චං නිරුජ්ඣති තස්ස සමුදයසච්චං නිරුජ්ඣිස්සතීති?

අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ තෙසං දුක්ඛසච්චං නිරුජ්ඣති, නො ච තෙසං සමුදයසච්චං නිරුජ්ඣිස්සති. ඉතරෙසං චවන්තානං පවත්තෙ චිත්තස්ස භඞ්ගක්ඛණෙ තෙසං දුක්ඛසච්චඤ්ච නිරුජ්ඣති සමුදයසච්චඤ්ච නිරුජ්ඣිස්සති.

(ඛ) යස්ස වා පන සමුදයසච්චං නිරුජ්ඣිස්සති තස්ස දුක්ඛසච්චං නිරුජ්ඣතීති?

සබ්බෙසං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ මග්ගස්ස ච ඵලස්ස ච භඞ්ගක්ඛණෙ තෙසං සමුදයසච්චං නිරුජ්ඣිස්සති, නො ච තෙසං දුක්ඛසච්චං නිරුජ්ඣති. සබ්බෙසං චවන්තානං පවත්තෙ චිත්තස්ස භඞ්ගක්ඛණෙ තෙසං සමුදයසච්චඤ්ච නිරුජ්ඣිස්සති දුක්ඛසච්චඤ්ච නිරුජ්ඣති.

(ක) යස්ස දුක්ඛසච්චං නිරුජ්ඣති තස්ස මග්ගසච්චං නිරුජ්ඣිස්සතීති?

අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යෙ ච පුථුජ්ජනා මග්ගං න පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ තෙසං දුක්ඛසච්චං නිරුජ්ඣති, නො ච තෙසං මග්ගසච්චං නිරුජ්ඣිස්සති. යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ යෙ චඤ්ඤෙ මග්ගං පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ තෙසං දුක්ඛසච්චඤ්ච නිරුජ්ඣති මග්ගසච්චඤ්ච නිරුජ්ඣිස්සති.

(ඛ) යස්ස වා පන මග්ගසච්චං නිරුජ්ඣිස්සති තස්ස දුක්ඛසච්චං නිරුජ්ඣතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ යෙ චඤ්ඤෙ මග්ගං පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ මග්ගස්ස ච ඵලස්ස ච භඞ්ගක්ඛණෙ තෙසං මග්ගසච්චං නිරුජ්ඣිස්සති, නො ච තෙසං දුක්ඛසච්චං නිරුජ්ඣති. යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ යෙ චඤ්ඤෙ මග්ගං පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ තෙසං මග්ගසච්චඤ්ච නිරුජ්ඣිස්සති දුක්ඛසච්චඤ්ච නිරුජ්ඣති.

117. (ක) යස්ස සමුදයසච්චං නිරුජ්ඣති තස්ස මග්ගසච්චං නිරුජ්ඣිස්සතීති?

යෙ පුථුජ්ජනා මග්ගං න පටිලභිස්සන්ති තෙසං තණ්හාය භඞ්ගක්ඛණෙ තෙසං සමුදයසච්චං [Pg.245] නිරුජ්ඣති, නො ච තෙසං මග්ගසච්චං නිරුජ්ඣිස්සති. යෙ මග්ගං පටිලභිස්සන්ති තෙසං තණ්හාය භඞ්ගක්ඛණෙ තෙසං සමුදයසච්චඤ්ච නිරුජ්ඣති මග්ගසච්චඤ්ච නිරුජ්ඣිස්සති.

(ඛ) යස්ස වා පන මග්ගසච්චං නිරුජ්ඣිස්සති තස්ස සමුදයසච්චං නිරුජ්ඣතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තණ්හාය උප්පාදක්ඛණෙ තණ්හාවිප්පයුත්තචිත්තෙ වත්තමානෙ නිරොධසමාපන්නානං අසඤ්ඤසත්තානං තෙසං මග්ගසච්චං නිරුජ්ඣිස්සති, නො ච තෙසං සමුදයසච්චං නිරුජ්ඣති. යෙ මග්ගං පටිලභිස්සන්ති තෙසං තණ්හාය භඞ්ගක්ඛණෙ තෙසං මග්ගසච්චඤ්ච නිරුජ්ඣිස්සති සමුදයසච්චඤ්ච නිරුජ්ඣති.

(ඛ) අනුලොමඔකාසො

118. යත්ථ දුක්ඛසච්චං නිරුජ්ඣති…පෙ….

(ග) අනුලොමපුග්ගලොකාසා

119. (ක) යස්ස යත්ථ දුක්ඛසච්චං නිරුජ්ඣති තස්ස තත්ථ සමුදයසච්චං නිරුජ්ඣිස්සතීති?

අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ අසඤ්ඤසත්තා චවන්තානං තෙසං තත්ථ දුක්ඛසච්චං නිරුජ්ඣති, නො ච තෙසං තත්ථ සමුදයසච්චං නිරුජ්ඣිස්සති. ඉතරෙසං චතුවොකාරා පඤ්චවොකාරා චවන්තානං පවත්තෙ චිත්තස්ස භඞ්ගක්ඛණෙ තෙසං තත්ථ දුක්ඛසච්චඤ්ච නිරුජ්ඣති සමුදයසච්චඤ්ච නිරුජ්ඣිස්සති.

(ඛ) යස්ස වා පන යත්ථ සමුදයසච්චං නිරුජ්ඣිස්සති තස්ස තත්ථ දුක්ඛසච්චං නිරුජ්ඣතීති?

චතුවොකාරං පඤ්චවොකාරං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ මග්ගස්ස ච ඵලස්ස ච භඞ්ගක්ඛණෙ තෙසං තත්ථ සමුදයසච්චං නිරුජ්ඣිස්සති, නො ච තෙසං තත්ථ දුක්ඛසච්චං නිරුජ්ඣති. චතුවොකාරා පඤ්චවොකාරා චවන්තානං පවත්තෙ චිත්තස්ස භඞ්ගක්ඛණෙ තෙසං තත්ථ සමුදයසච්චඤ්ච නිරුජ්ඣිස්සති දුක්ඛසච්චඤ්ච නිරුජ්ඣති.

(ක) යස්ස යත්ථ දුක්ඛසච්චං නිරුජ්ඣති තස්ස තත්ථ මග්ගසච්චං නිරුජ්ඣිස්සතීති?

අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අසඤ්ඤසත්තා චවන්තානං තෙසං තත්ථ දුක්ඛසච්චං නිරුජ්ඣති, නො ච තෙසං තත්ථ මග්ගසච්චං නිරුජ්ඣිස්සති. යස්ස චිත්තස්ස අනන්තරා අග්ගමග්ගං පටිලභිස්සන්ති [Pg.246] තස්ස චිත්තස්ස භඞ්ගක්ඛණෙ යෙ චඤ්ඤෙ මග්ගං පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ තෙසං තත්ථ දුක්ඛසච්චඤ්ච නිරුජ්ඣති මග්ගසච්චඤ්ච නිරුජ්ඣිස්සති.

(ඛ) යස්ස වා පන යත්ථ මග්ගසච්චං නිරුජ්ඣිස්සති තස්ස තත්ථ දුක්ඛසච්චං නිරුජ්ඣතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ යෙ චඤ්ඤෙ මග්ගං පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ මග්ගස්ස ච ඵලස්ස ච භඞ්ගක්ඛණෙ තෙසං තත්ථ මග්ගසච්චං නිරුජ්ඣිස්සති, නො ච තෙසං තත්ථ දුක්ඛසච්චං නිරුජ්ඣති. යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ යෙ චඤ්ඤෙ මග්ගං පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ තෙසං තත්ථ මග්ගසච්චඤ්ච නිරුජ්ඣිස්සති දුක්ඛසච්චඤ්ච නිරුජ්ඣති.

120. (ක) යස්ස යත්ථ සමුදයසච්චං නිරුජ්ඣති තස්ස තත්ථ මග්ගසච්චං නිරුජ්ඣිස්සතීති?

ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය භඞ්ගක්ඛණෙ තෙසං තත්ථ සමුදයසච්චං නිරුජ්ඣති, නො ච තෙසං තත්ථ මග්ගසච්චං නිරුජ්ඣිස්සති. යෙ මග්ගං පටිලභිස්සන්ති තෙසං තණ්හාය භඞ්ගක්ඛණෙ තෙසං තත්ථ සමුදයසච්චඤ්ච නිරුජ්ඣති මග්ගසච්චඤ්ච නිරුජ්ඣිස්සති.

(ඛ) යස්ස වා පන යත්ථ මග්ගසච්චං නිරුජ්ඣිස්සති තස්ස තත්ථ සමුදයසච්චං නිරුජ්ඣතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තණ්හාය උප්පාදක්ඛණෙ තණ්හාවිප්පයුත්තචිත්තෙ වත්තමානෙ තෙසං තත්ථ මග්ගසච්චං නිරුජ්ඣිස්සති, නො ච තෙසං තත්ථ සමුදයසච්චං නිරුජ්ඣති. යෙ මග්ගං පටිලභිස්සන්ති තෙසං තණ්හාය භඞ්ගක්ඛණෙ තෙසං තත්ථ මග්ගසච්චඤ්ච නිරුජ්ඣිස්සති සමුදයසච්චඤ්ච නිරුජ්ඣති.

(ඝ) පච්චනීකපුග්ගලො

121. (ක) යස්ස දුක්ඛසච්චං න නිරුජ්ඣති තස්ස සමුදයසච්චං න නිරුජ්ඣිස්සතීති?

සබ්බෙසං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ මග්ගස්ස ච ඵලස්ස ච භඞ්ගක්ඛණෙ තෙසං දුක්ඛසච්චං න නිරුජ්ඣති, නො ච තෙසං සමුදයසච්චං න නිරුජ්ඣිස්සති. අග්ගමග්ගස්ස උප්පාදක්ඛණෙ අරහන්තානං චිත්තස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ අරූපෙ අග්ගමග්ගස්ස ච ඵලස්ස ච භඞ්ගක්ඛණෙ තෙසං දුක්ඛසච්චඤ්ච [Pg.247] න නිරුජ්ඣති සමුදයසච්චඤ්ච න නිරුජ්ඣිස්සති.

(ඛ) යස්ස වා පන සමුදයසච්චං න නිරුජ්ඣිස්සති තස්ස දුක්ඛසච්චං න නිරුජ්ඣතීති?

අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ තෙසං සමුදයසච්චං න නිරුජ්ඣිස්සති, නො ච තෙසං දුක්ඛසච්චං න නිරුජ්ඣති. අග්ගමග්ගස්ස උප්පාදක්ඛණෙ අරහන්තානං චිත්තස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ අරූපෙ අග්ගමග්ගස්ස ච ඵලස්ස ච භඞ්ගක්ඛණෙ තෙසං සමුදයසච්චඤ්ච න නිරුජ්ඣිස්සති දුක්ඛසච්චඤ්ච න නිරුජ්ඣති.

(ක) යස්ස දුක්ඛසච්චං න නිරුජ්ඣති තස්ස මග්ගසච්චං න නිරුජ්ඣිස්සතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ යෙ චඤ්ඤෙ මග්ගං පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ මග්ගස්ස ච ඵලස්ස ච භඞ්ගක්ඛණෙ තෙසං දුක්ඛසච්චං න නිරුජ්ඣති, නො ච තෙසං මග්ගසච්චං න නිරුජ්ඣිස්සති. අරහන්තානං චිත්තස්ස උප්පාදක්ඛණෙ යෙ ච පුථුජ්ජනා මග්ගං න පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ අග්ගමග්ගස්ස ච ඵලස්ස ච භඞ්ගක්ඛණෙ තෙසං දුක්ඛසච්චඤ්ච න නිරුජ්ඣති මග්ගසච්චඤ්ච න නිරුජ්ඣිස්සති.

(ඛ) යස්ස වා පන මග්ගසච්චං න නිරුජ්ඣිස්සති තස්ස දුක්ඛසච්චං න නිරුජ්ඣතීති?

අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යෙ ච පුථුජ්ජනා මග්ගං න පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ තෙසං මග්ගසච්චං න නිරුජ්ඣිස්සති, නො ච තෙසං දුක්ඛසච්චං න නිරුජ්ඣති. අරහන්තානං චිත්තස්ස උප්පාදක්ඛණෙ යෙ ච පුථුජ්ජනා මග්ගං න පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ අග්ගමග්ගස්ස ච ඵලස්ස ච භඞ්ගක්ඛණෙ තෙසං මග්ගසච්චඤ්ච න නිරුජ්ඣිස්සති දුක්ඛසච්චඤ්ච න නිරුජ්ඣති.

122. (ක) යස්ස සමුදයසච්චං න නිරුජ්ඣති තස්ස මග්ගසච්චං න නිරුජ්ඣිස්සතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තණ්හාය උප්පාදක්ඛණෙ තණ්හාවිප්පයුත්තචිත්තෙ වත්තමානෙ නිරොධසමාපන්නානං අසඤ්ඤසත්තානං තෙසං සමුදයසච්චං න නිරුජ්ඣති, නො ච තෙසං මග්ගසච්චං න නිරුජ්ඣිස්සති. අග්ගමග්ගස්ස භඞ්ගක්ඛණෙ අරහන්තානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය [Pg.248] උප්පාදක්ඛණෙ තණ්හාවිප්පයුත්තචිත්තෙ වත්තමානෙ තෙසං සමුදයසච්චඤ්ච න නිරුජ්ඣති මග්ගසච්චඤ්ච න නිරුජ්ඣිස්සති.

(ඛ) යස්ස වා පන මග්ගසච්චං න නිරුජ්ඣිස්සති තස්ස සමුදයසච්චං න නිරුජ්ඣතීති?

යෙ පුථුජ්ජනා මග්ගං න පටිලභිස්සන්ති තෙසං තණ්හාය භඞ්ගක්ඛණෙ තෙසං මග්ගසච්චං න නිරුජ්ඣිස්සති, නො ච තෙසං සමුදයසච්චං න නිරුජ්ඣති. අග්ගමග්ගස්ස භඞ්ගක්ඛණෙ අරහන්තානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය උප්පාදක්ඛණෙ තණ්හාවිප්පයුත්තචිත්තෙ වත්තමානෙ තෙසං මග්ගසච්චඤ්ච න නිරුජ්ඣිස්සති සමුදයසච්චඤ්ච න නිරුජ්ඣති.

(ඞ) පච්චනීකඔකාසො

123. යත්ථ දුක්ඛසච්චං න නිරුජ්ඣති…පෙ….

(ච) පච්චනීකපුග්ගලොකාසා

124. (ක) යස්ස යත්ථ දුක්ඛසච්චං න නිරුජ්ඣති තස්ස තත්ථ සමුදයසච්චං න නිරුජ්ඣිස්සතීති?

චතුවොකාරං පඤ්චවොකාරං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ මග්ගස්ස ච ඵලස්ස ච භඞ්ගක්ඛණෙ තෙසං තත්ථ දුක්ඛසච්චං න නිරුජ්ඣති, නො ච තෙසං තත්ථ සමුදයසච්චං න නිරුජ්ඣිස්සති. අග්ගමග්ගස්ස උප්පාදක්ඛණෙ අරහන්තානං චිත්තස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං අරූපෙ අග්ගමග්ගස්ස ච ඵලස්ස ච භඞ්ගක්ඛණෙ අසඤ්ඤසත්තං උපපජ්ජන්තානං තෙසං තත්ථ දුක්ඛසච්චඤ්ච න නිරුජ්ඣති සමුදයසච්චඤ්ච න නිරුජ්ඣිස්සති.

(ඛ) යස්ස වා පන යත්ථ සමුදයසච්චං න නිරුජ්ඣිස්සති තස්ස තත්ථ දුක්ඛසච්චං න නිරුජ්ඣතීති?

අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ අසඤ්ඤසත්තා චවන්තානං තෙසං තත්ථ සමුදයසච්චං න නිරුජ්ඣිස්සති, නො ච තෙසං තත්ථ දුක්ඛසච්චං න නිරුජ්ඣති. අග්ගමග්ගස්ස උප්පාදක්ඛණෙ අරහන්තානං චිත්තස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ අරූපෙ අග්ගමග්ගස්ස ච ඵලස්ස ච භඞ්ගක්ඛණෙ අසඤ්ඤසත්තං උපපජ්ජන්තානං තෙසං තත්ථ සමුදයසච්චඤ්ච න නිරුජ්ඣිස්සති දුක්ඛසච්චඤ්ච න නිරුජ්ඣති.

(ක) යස්ස යත්ථ දුක්ඛසච්චං න නිරුජ්ඣති තස්ස තත්ථ මග්ගසච්චං න නිරුජ්ඣිස්සතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස [Pg.249] චිත්තස්ස උප්පාදක්ඛණෙ යෙ චඤ්ඤෙ මග්ගං පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ මග්ගස්ස ච ඵලස්ස ච භඞ්ගක්ඛණෙ තෙසං තත්ථ දුක්ඛසච්චං න නිරුජ්ඣති, නො ච තෙසං තත්ථ මග්ගසච්චං න නිරුජ්ඣිස්සති. අරහන්තානං චිත්තස්ස උප්පාදක්ඛණෙ ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං අරූපෙ අග්ගමග්ගස්ස ච ඵලස්ස ච භඞ්ගක්ඛණෙ තෙසං තත්ථ දුක්ඛසච්චඤ්ච න නිරුජ්ඣති මග්ගසච්චඤ්ච න නිරුජ්ඣිස්සති.

(ඛ) යස්ස වා පන යත්ථ මග්ගසච්චං න නිරුජ්ඣිස්සති තස්ස තත්ථ දුක්ඛසච්චං න නිරුජ්ඣතීති?

අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අසඤ්ඤසත්තා චවන්තානං තෙසං තත්ථ මග්ගසච්චං න නිරුජ්ඣිස්සති, නො ච තෙසං තත්ථ දුක්ඛසච්චං න නිරුජ්ඣති. අරහන්තානං චිත්තස්ස උප්පාදක්ඛණෙ ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ අරූපෙ අග්ගමග්ගස්ස ච ඵලස්ස ච භඞ්ගක්ඛණෙ අසඤ්ඤසත්තං උපපජ්ජන්තානං තෙසං තත්ථ මග්ගසච්චඤ්ච න නිරුජ්ඣිස්සති දුක්ඛසච්චඤ්ච න නිරුජ්ඣති.

125. (ක) යස්ස යත්ථ සමුදයසච්චං න නිරුජ්ඣති තස්ස තත්ථ මග්ගසච්චං න නිරුජ්ඣිස්සතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තණ්හාය උප්පාදක්ඛණෙ තණ්හාවිප්පයුත්තචිත්තෙ වත්තමානෙ තෙසං තත්ථ සමුදයසච්චං න නිරුජ්ඣති, නො ච තෙසං තත්ථ මග්ගසච්චං න නිරුජ්ඣිස්සති. අග්ගමග්ගස්ස භඞ්ගක්ඛණෙ අරහන්තානං ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය උප්පාදක්ඛණෙ තණ්හාවිප්පයුත්තචිත්තෙ වත්තමානෙ අසඤ්ඤසත්තානං තෙසං තත්ථ සමුදයසච්චඤ්ච න නිරුජ්ඣති මග්ගසච්චඤ්ච න නිරුජ්ඣිස්සති.

(ඛ) යස්ස වා පන යත්ථ මග්ගසච්චං න නිරුජ්ඣිස්සති තස්ස තත්ථ සමුදයසච්චං න නිරුජ්ඣතීති?

ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය භඞ්ගක්ඛණෙ තෙසං තත්ථ මග්ගසච්චං න නිරුජ්ඣිස්සති, නො ච තෙසං තත්ථ සමුදයසච්චං න නිරුජ්ඣති. අග්ගමග්ගස්ස භඞ්ගක්ඛණෙ අරහන්තානං ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය උප්පාදක්ඛණෙ තණ්හාවිප්පයුත්තචිත්තෙ වත්තමානෙ අසඤ්ඤසත්තානං තෙසං තත්ථ මග්ගසච්චඤ්ච න නිරුජ්ඣිස්සති සමුදයසච්චඤ්ච න නිරුජ්ඣිති.

(6) අතීතානාගතවාරො

(ක) අනුලොමපුග්ගලො

126. (ක) යස්ස [Pg.250] දුක්ඛසච්චං නිරුජ්ඣිත්ථ තස්ස සමුදයසච්චං නිරුජ්ඣිස්සතීති?

අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං දුක්ඛසච්චං නිරුජ්ඣිත්ථ, නො ච තෙසං සමුදයසච්චං නිරුජ්ඣිස්සති. ඉතරෙසං තෙසං දුක්ඛසච්චඤ්ච නිරුජ්ඣිත්ථ සමුදයසච්චඤ්ච නිරුජ්ඣිස්සති.

(ඛ) යස්ස වා පන…පෙ…? ආමන්තා.

(ක) යස්ස දුක්ඛසච්චං නිරුජ්ඣිත්ථ තස්ස මග්ගසච්චං නිරුජ්ඣිස්සතීති?

අග්ගමග්ගස්ස භඞ්ගක්ඛණෙ අරහන්තානං යෙ ච පුථුජ්ජනා මග්ගං න පටිලභිස්සන්ති තෙසං දුක්ඛසච්චං නිරුජ්ඣිත්ථ, නො ච තෙසං මග්ගසච්චං නිරුජ්ඣිස්සති. අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං දුක්ඛසච්චඤ්ච නිරුජ්ඣිත්ථ මග්ගසච්චඤ්ච නිරුජ්ඣිස්සති.

(ඛ) යස්ස වා පන…පෙ…? ආමන්තා.

127. (ක) යස්ස සමුදයසච්චං නිරුජ්ඣිත්ථ තස්ස මග්ගසච්චං නිරුජ්ඣිස්සතීති?

අග්ගමග්ගස්ස භඞ්ගක්ඛණෙ අරහන්තානං යෙ ච පුථුජ්ජනා මග්ගං න පටිලභිස්සන්ති තෙසං සමුදයසච්චං නිරුජ්ඣිත්ථ, නො ච තෙසං මග්ගසච්චං නිරුජ්ඣිස්සති. අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං සමුදයසච්චඤ්ච නිරුජ්ඣිත්ථ මග්ගසච්චඤ්ච නිරුජ්ඣිස්සති.

(ඛ) යස්ස වා පන…පෙ…? ආමන්තා.

(ඛ) අනුලොමඔකාසො

128. යත්ථ දුක්ඛසච්චං නිරුජ්ඣිත්ථ…පෙ….

(ග) අනුලොමපුග්ගලොකාසා

129. (ක) යස්ස යත්ථ දුක්ඛසච්චං නිරුජ්ඣිත්ථ තස්ස තත්ථ සමුදයසච්චං නිරුජ්ඣිස්සතීති?

අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති අසඤ්ඤසත්තානං තෙසං තත්ථ දුක්ඛසච්චං නිරුජ්ඣිත්ථ, නො ච තෙසං තත්ථ සමුදයසච්චං නිරුජ්ඣිස්සති. ඉතරෙසං චතුවොකාරානං පඤ්චවොකාරානං තෙසං තත්ථ දුක්ඛසච්චඤ්ච නිරුජ්ඣිත්ථ සමුදයසච්චඤ්ච නිරුජ්ඣිස්සති.

(ඛ) යස්ස වා පන යත්ථ සමුදයසච්චං නිරුජ්ඣිස්සති තස්ස තත්ථ දුක්ඛසච්චං නිරුජ්ඣිත්ථාති[Pg.251]?

සුද්ධාවාසං උපපජ්ජන්තානං තෙසං තත්ථ සමුදයසච්චං නිරුජ්ඣිස්සති, නො ච තෙසං තත්ථ දුක්ඛසච්චං නිරුජ්ඣිත්ථ. ඉතරෙසං චතුවොකාරානං පඤ්චවොකාරානං තෙසං තත්ථ සමුදයසච්චඤ්ච නිරුජ්ඣිස්සති දුක්ඛසච්චඤ්ච නිරුජ්ඣිත්ථ.

(ක) යස්ස යත්ථ දුක්ඛසච්චං නිරුජ්ඣිත්ථ තස්ස තත්ථ මග්ගසච්චං නිරුජ්ඣිස්සතීති?

අග්ගමග්ගස්ස භඞ්ගක්ඛණෙ අරහන්තානං යෙ ච පුථුජ්ජනා මග්ගං න පටිලභිස්සන්ති ආපායිකානං අසඤ්ඤසත්තානං තෙසං තත්ථ දුක්ඛසච්චං නිරුජ්ඣිත්ථ, නො ච තෙසං තත්ථ මග්ගසච්චං නිරුජ්ඣිස්සති. අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තත්ථ දුක්ඛසච්චඤ්ච නිරුජ්ඣිත්ථ මග්ගසච්චඤ්ච නිරුජ්ඣිස්සති.

(ඛ) යස්ස වා පන යත්ථ මග්ගසච්චං නිරුජ්ඣිස්සති තස්ස තත්ථ දුක්ඛසච්චං නිරුජ්ඣිත්ථාති?

සුද්ධාවාසං උපපජ්ජන්තානං තෙසං තත්ථ මග්ගසච්චං නිරුජ්ඣිස්සති, නො ච තෙසං තත්ථ දුක්ඛසච්චං නිරුජ්ඣිත්ථ. අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තත්ථ මග්ගසච්චඤ්ච නිරුජ්ඣිස්සති දුක්ඛසච්චඤ්ච නිරුජ්ඣිත්ථ.

130. (ක) යස්ස යත්ථ සමුදයසච්චං නිරුජ්ඣිත්ථ තස්ස තත්ථ මග්ගසච්චං නිරුජ්ඣිස්සතීති?

අග්ගමග්ගස්ස භඞ්ගක්ඛණෙ අරහන්තානං යෙ ච පුථුජ්ජනා මග්ගං න පටිලභිස්සන්ති ආපායිකානං තෙසං තත්ථ සමුදයසච්චං නිරුජ්ඣිත්ථ, නො ච තෙසං තත්ථ මග්ගසච්චං නිරුජ්ඣිස්සති. අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තත්ථ සමුදයසච්චඤ්ච නිරුජ්ඣිත්ථ මග්ගසච්චඤ්ච නිරුජ්ඣිස්සති.

(ඛ) යස්ස වා පන යත්ථ මග්ගසච්චං නිරුජ්ඣිස්සති තස්ස තත්ථ සමුදයසච්චං නිරුජ්ඣිත්ථාති.

සුද්ධාවාසානං දුතියෙ චිත්තෙ වත්තමානෙ තෙසං තත්ථ මග්ගසච්චං නිරුජ්ඣිස්සති, නො ච තෙසං තත්ථ සමුදයසච්චං නිරුජ්ඣිත්ථ. අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තත්ථ මග්ගසච්චඤ්ච නිරුජ්ඣිස්සති සමුදයසච්චඤ්ච නිරුජ්ඣිත්ථ.

(ඝ) පච්චනීකපුග්ගලො

131. (ක) යස්ස දුක්ඛසච්චං න නිරුජ්ඣිත්ථ තස්ස සමුදයසච්චං න නිරුජ්ඣිස්සතීති? නත්ථි.

(ඛ) යස්ස වා පන සමුදයසච්චං න නිරුජ්ඣිස්සති තස්ස දුක්ඛසච්චං න නිරුජ්ඣිත්ථාති? නිරුජ්ඣිත්ථ.

(ක) යස්ස [Pg.252] දුක්ඛසච්චං න නිරුජ්ඣිත්ථ තස්ස මග්ගසච්චං න නිරුජ්ඣිස්සතීති? නත්ථි.

(ඛ) යස්ස වා පන මග්ගසච්චං න නිරුජ්ඣිස්සති තස්ස දුක්ඛසච්චං න නිරුජ්ඣිත්ථාති? නිරුජ්ඣිත්ථ.

132. (ක) යස්ස සමුදයසච්චං න නිරුජ්ඣිත්ථ තස්ස මග්ගසච්චං න නිරුජ්ඣිස්සතීති? නත්ථි.

(ඛ) යස්ස වා පන මග්ගසච්චං න නිරුජ්ඣිස්සති තස්ස සමුදයසච්චං න නිරුජ්ඣිත්ථාති? නිරුජ්ඣිත්ථ.

(ඞ) පච්චනීකඔකාසො

133. යත්ථ දුක්ඛසච්චං න නිරුජ්ඣිත්ථ…පෙ….

(ච) පච්චනීකපුග්ගලොකාසා

134. (ක) යස්ස යත්ථ දුක්ඛසච්චං න නිරුජ්ඣිත්ථ තස්ස තත්ථ සමුදයසච්චං න නිරුජ්ඣිස්සතීති? නිරුජ්ඣිස්සති.

(ඛ) යස්ස වා පන යත්ථ සමුදයසච්චං න නිරුජ්ඣිස්සති තස්ස තත්ථ දුක්ඛසච්චං න නිරුජ්ඣිත්ථාති? නිරුජ්ඣිත්ථ.

(ක) යස්ස යත්ථ දුක්ඛසච්චං න නිරුජ්ඣිත්ථ තස්ස තත්ථ මග්ගසච්චං න නිරුජ්ඣිස්සතීති? නිරුජ්ඣිස්සති.

(ඛ) යස්ස වා පන යත්ථ මග්ගසච්චං න නිරුජ්ඣිස්සති තස්ස තත්ථ දුක්ඛසච්චං න නිරුජ්ඣිත්ථාති? නිරුජ්ඣිත්ථ.

135. (ක) යස්ස යත්ථ සමුදයසච්චං න නිරුජ්ඣිත්ථ තස්ස තත්ථ මග්ගසච්චං න නිරුජ්ඣිස්සතීති?

සුද්ධාවාසානං දුතියෙ චිත්තෙ වත්තමානෙ තෙසං තත්ථ සමුදයසච්චං න නිරුජ්ඣිත්ථ, නො ච තෙසං තත්ථ මග්ගසච්චං න නිරුජ්ඣිස්සති. අසඤ්ඤසත්තානං තෙසං තත්ථ සමුදයසච්චඤ්ච න නිරුජ්ඣිත්ථ මග්ගසච්චඤ්ච න නිරුජ්ඣිස්සති.

(ඛ) යස්ස වා පන යත්ථ මග්ගසච්චං න නිරුජ්ඣිස්සති තස්ස තත්ථ සමුදයසච්චං න නිරුජ්ඣිත්ථාති?

අග්ගමග්ගස්ස භඞ්ගක්ඛණෙ අරහන්තානං යෙ ච පුථුජ්ජනා මග්ගං න පටිලභිස්සන්ති ආපායිකානං තෙසං තත්ථ මග්ගසච්චං න නිරුජ්ඣිස්සති, නො ච තෙසං තත්ථ සමුදයසච්චං න නිරුජ්ඣිත්ථ. අසඤ්ඤසත්තානං තෙසං තත්ථ මග්ගසච්චඤ්ච න නිරුජ්ඣිස්සති සමුදයසච්චඤ්ච න නිරුජ්ඣිත්ථ.

නිරොධවාරො.

2. පවත්ති 3. උප්පාදනිරොධවාරො

(1) පච්චුප්පන්නවාරො

(ක) අනුලොමපුග්ගලො

136. (ක) යස්ස [Pg.253] දුක්ඛසච්චං උප්පජ්ජති තස්ස සමුදයසච්චං නිරුජ්ඣතීති? නො.

(ඛ) යස්ස වා පන සමුදයසච්චං නිරුජ්ඣති තස්ස දුක්ඛසච්චං උප්පජ්ජතීති? නො.

(ක) යස්ස දුක්ඛසච්චං උප්පජ්ජති තස්ස මග්ගසච්චං නිරුජ්ඣතීති? නො.

(ඛ) යස්ස වා පන මග්ගසච්චං නිරුජ්ඣති තස්ස දුක්ඛසච්චං උප්පජ්ජතීති? නො.

137. (ක) යස්ස සමුදයසච්චං උප්පජ්ජති තස්ස මග්ගසච්චං නිරුජ්ඣතීති? නො.

(ඛ) යස්ස වා පන මග්ගසච්චං නිරුජ්ඣති තස්ස සමුදයසච්චං උප්පජ්ජතීති? නො.

(ඛ) අනුලොමඔකාසො

138. යත්ථ දුක්ඛසච්චං උප්පජ්ජති තත්ථ සමුදයසච්චං නිරුජ්ඣතීති?

අසඤ්ඤසත්තෙ තත්ථ දුක්ඛසච්චං උප්පජ්ජති, නො ච තත්ථ සමුදයසච්චං නිරුජ්ඣති…පෙ….

(යත්ථකං උප්පාදවාරෙපි නිරොධවාරෙපි උප්පාදනිරොධවාරෙපි සදිසං නත්ථි නානාකරණං).

(ග) අනුලොමපුග්ගලොකාසා

139. යස්ස යත්ථ දුක්ඛසච්චං උප්පජ්ජති තස්ස තත්ථ සමුදයසච්චං නිරුජ්ඣතීති? නො.

(යස්සකම්පි යස්සයත්ථකම්පි සදිසං).

(ඝ) පච්චනීකපුග්ගලො

140. (ක) යස්ස දුක්ඛසච්චං නුප්පජ්ජති තස්ස සමුදයසච්චං න නිරුජ්ඣතීති?

තණ්හාය භඞ්ගක්ඛණෙ තෙසං දුක්ඛසච්චං නුප්පජ්ජති, නො ච තෙසං සමුදයසච්චං න නිරුජ්ඣති. සබ්බෙසං චවන්තානං පවත්තෙ තණ්හාවිප්පයුත්තචිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං දුක්ඛසච්චඤ්ච නුප්පජ්ජති සමුදයසච්චඤ්ච [Pg.254] න නිරුජ්ඣති.

(ඛ) යස්ස වා පන සමුදයසච්චං න නිරුජ්ඣති තස්ස දුක්ඛසච්චං නුප්පජ්ජතීති?

සබ්බෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං සමුදයසච්චං න නිරුජ්ඣති, නො ච තෙසං දුක්ඛසච්චං නුප්පජ්ජති. සබ්බෙසං චවන්තානං පවත්තෙ තණ්හාවිප්පයුත්තචිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං සමුදයසච්චඤ්ච න නිරුජ්ඣති දුක්ඛසච්චඤ්ච නුප්පජ්ජති.

(ක) යස්ස දුක්ඛසච්චං නුප්පජ්ජති තස්ස මග්ගසච්චං න නිරුජ්ඣතීති?

මග්ගස්ස භඞ්ගක්ඛණෙ තෙසං දුක්ඛසච්චං නුප්පජ්ජති, නො ච තෙසං මග්ගසච්චං න නිරුජ්ඣති. සබ්බෙසං චවන්තානං පවත්තෙ මග්ගවිප්පයුත්තචිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං දුක්ඛසච්චඤ්ච නුප්පජ්ජති මග්ගසච්චඤ්ච න නිරුජ්ඣති.

(ඛ) යස්ස වා පන මග්ගසච්චං න නිරුජ්ඣති තස්ස දුක්ඛසච්චං නුප්පජ්ජතීති?

සබ්බෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං මග්ගසච්චං න නිරුජ්ඣති, නො ච තෙසං දුක්ඛසච්චං නුප්පජ්ජති. සබ්බෙසං චවන්තානං පවත්තෙ මග්ගවිප්පයුත්තචිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං මග්ගසච්චඤ්ච න නිරුජ්ඣති දුක්ඛසච්චඤ්ච නුප්පජ්ජති.

141. (ක) යස්ස සමුදයසච්චං නුප්පජ්ජති තස්ස මග්ගසච්චං න නිරුජ්ඣතීති?

මග්ගස්ස භඞ්ගක්ඛණෙ තෙසං සමුදයසච්චං නුප්පජ්ජති, නො ච තෙසං මග්ගසච්චං න නිරුජ්ඣති. තණ්හාවිප්පයුත්තචිත්තස්ස උප්පාදක්ඛණෙ මග්ගවිප්පයුත්තචිත්තස්ස භඞ්ගක්ඛණෙ නිරොධසමාපන්නානං අසඤ්ඤසත්තානං තෙසං සමුදයසච්චඤ්ච නුප්පජ්ජති මග්ගසච්චඤ්ච න නිරුජ්ඣති.

(ඛ) යස්ස වා පන මග්ගසච්චං න නිරුජ්ඣති තස්ස සමුදයසච්චං නුප්පජ්ජතීති?

තණ්හාය උප්පාදක්ඛණෙ තෙසං මග්ගසච්චං න නිරුජ්ඣති, නො ච තෙසං සමුදයසච්චං නුප්පජ්ජති. මග්ගවිප්පයුත්තචිත්තස්ස භඞ්ගක්ඛණෙ තණ්හාවිප්පයුත්තචිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං මග්ගසච්චඤ්ච න නිරුජ්ඣති සමුදයසච්චඤ්ච නුප්පජ්ජති.

(ඞ) පච්චනීකඔකාසො

142. යත්ථ දුක්ඛසච්චං නුප්පජ්ජති…පෙ….

(ච) පච්චනීකපුග්ගලොකාසා

143. යස්ස යත්ථ දුක්ඛසච්චං නුප්පජ්ජති…පෙ….

(යස්සකම්පි යස්සයත්ථකම්පි සදිසං, යස්සයත්ථකෙපි නිරොධසමාපන්නානන්ති න කාතබ්බං).

(2) අතීතවාරො

(ක) අනුලොමපුග්ගලො

144. (ක) යස්ස [Pg.255] දුක්ඛසච්චං උප්පජ්ජිත්ථ තස්ස සමුදයසච්චං නිරුජ්ඣිත්ථාති? ආමන්තා.

(ඛ) යස්ස වා පන…පෙ…? ආමන්තා.

(අතීතා පුච්ඡා යථා උප්පාදවාරෙ විභත්තා එවං උප්පාදනිරොධවාරෙපි අනුලොමම්පි පච්චනීකම්පි විභජිතබ්බං).

(3) අනාගතවාරො

(ක) අනුලොමපුග්ගලො

145. (ක) යස්ස දුක්ඛසච්චං උප්පජ්ජිස්සති තස්ස සමුදයසච්චං නිරුජ්ඣිස්සතීති?

අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං දුක්ඛසච්චං උප්පජ්ජිස්සති, නො ච තෙසං සමුදයසච්චං නිරුජ්ඣිස්සති. ඉතරෙසං තෙසං දුක්ඛසච්චඤ්ච උප්පජ්ජිස්සති සමුදයසච්චඤ්ච නිරුජ්ඣිස්සති.

(ඛ) යස්ස වා පන…පෙ…? ආමන්තා.

(ක) යස්ස දුක්ඛසච්චං උප්පජ්ජිස්සති තස්ස මග්ගසච්චං නිරුජ්ඣිස්සතීති?

අග්ගමග්ගස්ස භඞ්ගක්ඛණෙ අරහන්තානං යෙ ච පුථුජ්ජනා මග්ගං න පටිලභිස්සන්ති තෙසං දුක්ඛසච්චං උප්පජ්ජිස්සති, නො ච තෙසං මග්ගසච්චං නිරුජ්ඣිස්සති. අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං දුක්ඛසච්චඤ්ච උප්පජ්ජිස්සති මග්ගසච්චඤ්ච නිරුජ්ඣිස්සති.

(ඛ) යස්ස වා පන…පෙ…? ආමන්තා.

146. (ක) යස්ස සමුදයසච්චං උප්පජ්ජිස්සති තස්ස මග්ගසච්චං නිරුජ්ඣිස්සතීති?

යෙ පුථුජ්ජනා මග්ගං න පටිලභිස්සන්ති තෙසං සමුදයසච්චං උප්පජ්ජිස්සති, නො ච තෙසං මග්ගසච්චං නිරුජ්ඣිස්සති. යෙ මග්ගං පටිලභිස්සන්ති තෙසං සමුදයසච්චඤ්ච උප්පජ්ජිස්සති මග්ගසච්චඤ්ච නිරුජ්ඣිස්සති.

(ඛ) යස්ස වා පන මග්ගසච්චං නිරුජ්ඣිස්සති තස්ස සමුදයසච්චං උප්පජ්ජිස්සතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං මග්ගසච්චං නිරුජ්ඣිස්සති, නො ච තෙසං සමුදයසච්චං උප්පජ්ජිස්සති. යෙ මග්ගං පටිලභිස්සන්ති තෙසං මග්ගසච්චඤ්ච නිරුජ්ඣිස්සති සමුදයසච්චඤ්ච උප්පජ්ජිස්සති.

(ඛ) අනුලොමඔකාසො

147. යත්ථ [Pg.256] දුක්ඛසච්චං උප්පජ්ජිස්සති…පෙ….

(ග) අනුලොමපුග්ගලොකාසා

148. යස්ස යත්ථ දුක්ඛසච්චං උප්පජ්ජිස්සති තස්ස තත්ථ සමුදයසච්චං නිරුජ්ඣිස්සතීති?

අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති අසඤ්ඤසත්තානං තෙසං තත්ථ …පෙ… ඉතරෙසං චතුවොකාරානං පඤ්චවොකාරානං තෙසං තත්ථ…පෙ…. (යස්සකම්පි යස්සයත්ථකම්පි සදිසං).

(ඝ) පච්චනීකපුග්ගලො

149. (ක) යස්ස දුක්ඛසච්චං නුප්පජ්ජිස්සති තස්ස සමුදයසච්චං න නිරුජ්ඣිස්සතීති? ආමන්තා.

(ඛ) යස්ස වා පන සමුදයසච්චං න නිරුජ්ඣිස්සති තස්ස දුක්ඛසච්චං නුප්පජ්ජිස්සතීති?

අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං සමුදයසච්චං න නිරුජ්ඣිස්සති, නො ච තෙසං දුක්ඛසච්චං නුප්පජ්ජිස්සති. පච්ඡිමචිත්තසමඞ්ගීනං තෙසං සමුදයසච්චඤ්ච න නිරුජ්ඣිස්සති දුක්ඛසච්චඤ්ච නුප්පජ්ජිස්සති.

(ක) යස්ස දුක්ඛසච්චං නුප්පජ්ජිස්සති තස්ස මග්ගසච්චං න නිරුජ්ඣිස්සතීති? ආමන්තා.

(ඛ) යස්ස වා පන මග්ගසච්චං න නිරුජ්ඣිස්සති තස්ස දුක්ඛසච්චං නුප්පජ්ජිස්සතීති?

අග්ගමග්ගස්ස භඞ්ගක්ඛණෙ අරහන්තානං යෙ ච පුථුජ්ජනා මග්ගං න පටිලභිස්සන්ති තෙසං මග්ගසච්චං න නිරුජ්ඣිස්සති, නො ච තෙසං දුක්ඛසච්චං නුප්පජ්ජිස්සති. පච්ඡිමචිත්තසමඞ්ගීනං තෙසං මග්ගසච්චඤ්ච න නිරුජ්ඣිස්සති දුක්ඛසච්චඤ්ච නුප්පජ්ජිස්සති.

150. (ක) යස්ස සමුදයසච්චං නුප්පජ්ජිස්සති තස්ස මග්ගසච්චං න නිරුජ්ඣිස්සතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං සමුදයසච්චං නුප්පජ්ජිස්සති, නො ච තෙසං මග්ගසච්චං න නිරුජ්ඣිස්සති. අග්ගමග්ගස්ස භඞ්ගක්ඛණෙ අරහන්තානං තෙසං සමුදයසච්චඤ්ච නුප්පජ්ජිස්සති මග්ගසච්චඤ්ච න නිරුජ්ඣිස්සති.

(ඛ) යස්ස වා පන මග්ගසච්චං න නිරුජ්ඣිස්සති තස්ස සමුදයසච්චං නුප්පජ්ජිස්සතීති?

යෙ පුථුජ්ජනා මග්ගං න පටිලභිස්සන්ති තෙසං මග්ගසච්චං න නිරුජ්ඣිස්සති, නො ච තෙසං සමුදයසච්චං නුප්පජ්ජිස්සති. අග්ගමග්ගස්ස භඞ්ගක්ඛණෙ [Pg.257] අරහන්තානං තෙසං මග්ගසච්චඤ්ච න නිරුජ්ඣිස්සති සමුදයසච්චඤ්ච නුප්පජ්ජිස්සති.

(ඞ) පච්චනීකඔකාසො

151. යත්ථ දුක්ඛසච්චං නුප්පජ්ජිස්සති…පෙ….

(ච) පච්චනීකපුග්ගලොකාසා

152. යස්ස යත්ථ දුක්ඛසච්චං නුප්පජ්ජිස්සති…පෙ….

(යස්සකම්පි යස්සයත්ථකම්පි සදිසං, සමුදයසච්චං මග්ගසච්චං නානාකරණං, අග්ගමග්ගස්ස භඞ්ගක්ඛණෙ, අරහන්තානං අසඤ්ඤසත්තානං තෙසං තත්ථ මග්ගසච්චඤ්ච න නිරුජ්ඣිස්සති සමුදයසච්චඤ්ච නුප්පජ්ජිස්සති).

(4) පච්චුප්පන්නාතීතවාරො

(ක) අනුලොමපුග්ගලො

153. යස්ස දුක්ඛසච්චං උප්පජ්ජති තස්ස සමුදයසච්චං නිරුජ්ඣිත්ථාති? ආමන්තා.

යස්ස වා පන…පෙ….

(පච්චුප්පන්නඅතීතා පුච්ඡා උප්පාදවාරෙපි උප්පාදනිරොධවාරෙපි යස්සකම්පි යත්ථකම්පි යස්සයත්ථකම්පි අනුලොමම්පි පච්චනීකම්පි සදිසං, අසම්මොහන්තෙන විභජිතබ්බා).

(5) පච්චුප්පන්නානාගතවාරො

(ක) අනුලොමපුග්ගලො

154. (ක) යස්ස දුක්ඛසච්චං උප්පජ්ජති තස්ස සමුදයසච්චං නිරුජ්ඣිස්සතීති?

අග්ගමග්ගස්ස උප්පාදක්ඛණෙ අරහන්තානං චිත්තස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ තෙසං දුක්ඛසච්චං උප්පජ්ජති, නො ච තෙසං සමුදයසච්චං නිරුජ්ඣිස්සති. ඉතරෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං දුක්ඛසච්චඤ්ච උප්පජ්ජති සමුදයසච්චඤ්ච නිරුජ්ඣිස්සති.

(ඛ) යස්ස වා පන සමුදයසච්චං නිරුජ්ඣිස්සති තස්ස දුක්ඛසච්චං උප්පජ්ජතීති?

සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස [Pg.258] ච උප්පාදක්ඛණෙ තෙසං සමුදයසච්චං නිරුජ්ඣිස්සති, නො ච තෙසං දුක්ඛසච්චං උප්පජ්ජති. සබ්බෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං සමුදයසච්චඤ්ච නිරුජ්ඣිස්සති දුක්ඛසච්චඤ්ච උප්පජ්ජති.

(ක) යස්ස දුක්ඛසච්චං උප්පජ්ජති තස්ස මග්ගසච්චං නිරුජ්ඣිස්සතීති?

අරහන්තානං චිත්තස්ස උප්පාදක්ඛණෙ යෙ ච පුථුජ්ජනා මග්ගං න පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං දුක්ඛසච්චං උප්පජ්ජති, නො ච තෙසං මග්ගසච්චං නිරුජ්ඣිස්සති. අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ යෙ චඤ්ඤෙ මග්ගං පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං දුක්ඛසච්චඤ්ච උප්පජ්ජති මග්ගසච්චඤ්ච නිරුජ්ඣිස්සති.

(ඛ) යස්ස වා පන මග්ගසච්චං නිරුජ්ඣිස්සති තස්ස දුක්ඛසච්චං උප්පජ්ජතීති?

යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ යෙ චඤ්ඤෙ මග්ගං පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං මග්ගසච්චං නිරුජ්ඣිස්සති, නො ච තෙසං දුක්ඛසච්චං උප්පජ්ජති. අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ යෙ චඤ්ඤෙ මග්ගං පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං මග්ගසච්චඤ්ච නිරුජ්ඣිස්සති දුක්ඛසච්චඤ්ච උප්පජ්ජති.

155. (ක) යස්ස සමුදයසච්චං උප්පජ්ජති තස්ස මග්ගසච්චං නිරුජ්ඣිස්සතීති?

යෙ පුථුජ්ජනා මග්ගං න පටිලභිස්සන්ති තෙසං තණ්හාය උප්පාදක්ඛණෙ තෙසං සමුදයසච්චං උප්පජ්ජති, නො ච තෙසං මග්ගසච්චං නිරුජ්ඣිස්සති. යෙ මග්ගං පටිලභිස්සන්ති තෙසං තණ්හාය උප්පාදක්ඛණෙ තෙසං සමුදයසච්චඤ්ච උප්පජ්ජති මග්ගසච්චඤ්ච නිරුජ්ඣිස්සති.

(ඛ) යස්ස වා පන මග්ගසච්චං නිරුජ්ඣිස්සති තස්ස සමුදයසච්චං උප්පජ්ජතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ නිරොධසමාපන්නානං අසඤ්ඤසත්තානං තෙසං මග්ගසච්චං නිරුජ්ඣිස්සති, නො ච තෙසං සමුදයසච්චං උප්පජ්ජති. යෙ මග්ගං පටිලභිස්සන්ති තෙසං තණ්හාය උප්පාදක්ඛණෙ තෙසං මග්ගසච්චඤ්ච නිරුජ්ඣිස්සති සමුදයසච්චඤ්ච උප්පජ්ජති.

(ඛ) අනුලොමඔකාසො

156. යත්ථ දුක්ඛසච්චං උප්පජ්ජති…පෙ….

(ග) අනුලොමපුග්ගලොකාසා

157. (ක) යස්ස [Pg.259] යත්ථ දුක්ඛසච්චං උප්පජ්ජති තස්ස තත්ථ සමුදයසච්චං නිරුජ්ඣිස්සතීති?

අග්ගමග්ගස්ස උප්පාදක්ඛණෙ අරහන්තානං චිත්තස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං තෙසං තත්ථ දුක්ඛසච්චං…පෙ… ඉතරෙසං චතුවොකාරං පඤ්චවොකාරං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං තත්ථ දුක්ඛසච්චං…පෙ….

(ඛ) යස්ස වා පන යත්ථ සමුදයසච්චං නිරුජ්ඣිස්සති තස්ස තත්ථ දුක්ඛසච්චං උප්පජ්ජතීති?

චතුවොකාරා පඤ්චවොකාරා චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං තත්ථ සමුදයසච්චං නිරුජ්ඣිස්සති, නො ච තෙසං තත්ථ දුක්ඛසච්චං උප්පජ්ජති. චතුවොකාරං පඤ්චවොකාරං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං තත්ථ සමුදයසච්චඤ්ච නිරුජ්ඣිස්සති දුක්ඛසච්චඤ්ච උප්පජ්ජති.

(ක) යස්ස යත්ථ දුක්ඛසච්චං උප්පජ්ජති තස්ස තත්ථ මග්ගසච්චං නිරුජ්ඣිස්සතීති?

අරහන්තානං චිත්තස්ස උප්පාදක්ඛණෙ ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං තෙසං තත්ථ දුක්ඛසච්චං උප්පජ්ජති, නො ච තෙසං තත්ථ මග්ගසච්චං නිරුජ්ඣිස්සති. අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ යෙ චඤ්ඤෙ මග්ගං පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං තත්ථ දුක්ඛසච්චඤ්ච උප්පජ්ජති මග්ගසච්චඤ්ච නිරුජ්ඣිස්සති.

(ඛ) යස්ස වා පන යත්ථ මග්ගසච්චං නිරුජ්ඣිස්සති තස්ස තත්ථ දුක්ඛසච්චං උප්පජ්ජතීති?

යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ යෙ චඤ්ඤෙ මග්ගං පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං තත්ථ මග්ගසච්චං නිරුජ්ඣිස්සති, නො ච තෙසං තත්ථ දුක්ඛසච්චං උප්පජ්ජති. අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ යෙ චඤ්ඤෙ මග්ගං පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං තත්ථ මග්ගසච්චඤ්ච නිරුජ්ඣිස්සති දුක්ඛසච්චඤ්ච උප්පජ්ජති.

158. (ක) යස්ස යත්ථ සමුදයසච්චං උප්පජ්ජති තස්ස තත්ථ මග්ගසච්චං නිරුජ්ඣිස්සතීති?

ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය උප්පාදක්ඛණෙ තෙසං තත්ථ සමුදයසච්චං උප්පජ්ජති, නො ච [Pg.260] තෙසං තත්ථ මග්ගසච්චං නිරුජ්ඣිස්සති. යෙ මග්ගං පටිලභිස්සන්ති තෙසං තණ්හාය උප්පාදක්ඛණෙ තෙසං තත්ථ සමුදයසච්චඤ්ච උප්පජ්ජති මග්ගසච්චඤ්ච නිරුජ්ඣිස්සති.

(ඛ) යස්ස වා පන යත්ථ මග්ගසච්චං නිරුජ්ඣිස්සති තස්ස තත්ථ සමුදයසච්චං උප්පජ්ජතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ තෙසං තත්ථ මග්ගසච්චං නිරුජ්ඣිස්සති, නො ච තෙසං තත්ථ සමුදයසච්චං උප්පජ්ජති. යෙ මග්ගං පටිලභිස්සන්ති තෙසං තණ්හාය උප්පාදක්ඛණෙ තෙසං තත්ථ මග්ගසච්චඤ්ච නිරුජ්ඣිස්සති සමුදයසච්චඤ්ච උප්පජ්ජති.

(ඝ) පච්චනීකපුග්ගලො

159. (ක) යස්ස දුක්ඛසච්චං නුප්පජ්ජති තස්ස සමුදයසච්චං න නිරුජ්ඣිස්සතීති?

සබ්බෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං දුක්ඛසච්චං නුප්පජ්ජති, නො ච තෙසං සමුදයසච්චං න නිරුජ්ඣිස්සති. අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ අරූපෙ අග්ගමග්ගස්ස ච ඵලස්ස ච උප්පාදක්ඛණෙ තෙසං දුක්ඛසච්චඤ්ච නුප්පජ්ජති සමුදයසච්චඤ්ච න නිරුජ්ඣිස්සති.

(ඛ) යස්ස වා පන සමුදයසච්චං න නිරුජ්ඣිස්සති තස්ස දුක්ඛසච්චං නුප්පජ්ජතීති?

අග්ගමග්ගස්ස උප්පාදක්ඛණෙ අරහන්තානං චිත්තස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ තෙසං සමුදයසච්චං න නිරුජ්ඣිස්සති, නො ච තෙසං දුක්ඛසච්චං නුප්පජ්ජති. අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ අරූපෙ අග්ගමග්ගස්ස ච ඵලස්ස ච උප්පාදක්ඛණෙ තෙසං සමුදයසච්චඤ්ච න නිරුජ්ඣිස්සති දුක්ඛසච්චඤ්ච නුප්පජ්ජති.

(ක) යස්ස දුක්ඛසච්චං නුප්පජ්ජති තස්ස මග්ගසච්චං න නිරුජ්ඣිස්සතීති?

යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ යෙ චඤ්ඤෙ මග්ගං පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං දුක්ඛසච්චං නුප්පජ්ජති, නො ච තෙසං මග්ගසච්චං න නිරුජ්ඣිස්සති. අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යෙ ච පුථුජ්ජනා මග්ගං න පටිලභිස්සන්ති තෙසං [Pg.261] චවන්තානං පවත්තෙ චිත්තස්ස භඞ්ගක්ඛණෙ අරූපෙ අග්ගඵලස්ස උප්පාදක්ඛණෙ තෙසං දුක්ඛසච්චඤ්ච නුප්පජ්ජති මග්ගසච්චඤ්ච න නිරුජ්ඣිස්සති.

(ඛ) යස්ස වා පන මග්ගසච්චං න නිරුජ්ඣිස්සති තස්ස දුක්ඛසච්චං නුප්පජ්ජතීති?

අරහන්තානං චිත්තස්ස උප්පාදක්ඛණෙ යෙ ච පුථුජ්ජනා මග්ගං න පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ තෙසං මග්ගසච්චං න නිරුජ්ඣිස්සති, නො ච තෙසං දුක්ඛසච්චං නුප්පජ්ජති. අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යෙ ච පුථුජ්ජනා මග්ගං න පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ අග්ගඵලස්ස උප්පාදක්ඛණෙ තෙසං මග්ගසච්චඤ්ච න නිරුජ්ඣිස්සති දුක්ඛසච්චඤ්ච නුප්පජ්ජති.

160. (ක) යස්ස සමුදයසච්චං නුප්පජ්ජති තස්ස මග්ගසච්චං න නිරුජ්ඣිස්සතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ නිරොධසමාපන්නානං අසඤ්ඤසත්තානං තෙසං සමුදයසච්චං නුප්පජ්ජති, නො ච තෙසං මග්ගසච්චං න නිරුජ්ඣිස්සති. අග්ගමග්ගස්ස භඞ්ගක්ඛණෙ අරහන්තානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ තෙසං සමුදයසච්චඤ්ච නුප්පජ්ජති මග්ගසච්චඤ්ච න නිරුජ්ඣිස්සති.

(ඛ) යස්ස වා පන මග්ගසච්චං න නිරුජ්ඣිස්සති තස්ස සමුදයසච්චං නුප්පජ්ජතීති?

යෙ පුථුජ්ජනා මග්ගං න පටිලභිස්සන්ති තෙසං තණ්හාය උප්පාදක්ඛණෙ තෙසං මග්ගසච්චං න නිරුජ්ඣිස්සති, නො ච තෙසං සමුදයසච්චං නුප්පජ්ජති. අග්ගමග්ගස්ස භඞ්ගක්ඛණෙ අරහන්තානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ තෙසං මග්ගසච්චඤ්ච න නිරුජ්ඣිස්සති සමුදයසච්චඤ්ච නුප්පජ්ජති.

(ඞ) පච්චනීකඔකාසො

161. යත්ථ දුක්ඛසච්චං නුප්පජ්ජති…පෙ….

(ච) පච්චනීකපුග්ගලොකාසා

162. (ක) යස්ස යත්ථ දුක්ඛසච්චං නුප්පජ්ජති තස්ස තත්ථ සමුදයසච්චං න නිරුජ්ඣිස්සතීති?

චතුවොකාරා පඤ්චවොකාරා චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං තත්ථ දුක්ඛසච්චං නුප්පජ්ජති, නො ච තෙසං තත්ථ සමුදයසච්චං න නිරුජ්ඣිස්සති. අග්ගමග්ගස්ස [Pg.262] භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ අරූපෙ අග්ගමග්ගස්ස ච ඵලස්ස ච උප්පාදක්ඛණෙ අසඤ්ඤසත්තා චවන්තානං තෙසං තත්ථ දුක්ඛසච්චඤ්ච නුප්පජ්ජති සමුදයසච්චඤ්ච න නිරුජ්ඣිස්සති.

(ඛ) යස්ස වා පන යත්ථ සමුදයසච්චං න නිරුජ්ඣිස්සති තස්ස තත්ථ දුක්ඛසච්චං නුප්පජ්ජතීති?

අග්ගමග්ගස්ස උප්පාදක්ඛණෙ අරහන්තානං චිත්තස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං තෙසං තත්ථ සමුදයසච්චං න නිරුජ්ඣිස්සති, නො ච තෙසං තත්ථ දුක්ඛසච්චං නුප්පජ්ජති. අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ අරූපෙ අග්ගමග්ගස්ස ච ඵලස්ස ච උප්පාදක්ඛණෙ අසඤ්ඤසත්තා චවන්තානං තෙසං තත්ථ සමුදයසච්චඤ්ච න නිරුජ්ඣිස්සති දුක්ඛසච්චඤ්ච නුප්පජ්ජති.

(ක) යස්ස යත්ථ දුක්ඛසච්චං නුප්පජ්ජති තස්ස තත්ථ මග්ගසච්චං න නිරුජ්ඣිස්සතීති?

යස්ස චිත්තස්ස අනන්තරා අග්ගමග්ගං පටිලභිස්සන්ති තස්ස චිත්තස්ස භඞ්ගක්ඛණෙ යෙ චඤ්ඤෙ මග්ගං පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ මග්ගස්ස ච ඵලස්ස ච උප්පාදක්ඛණෙ තෙසං තත්ථ දුක්ඛසච්චං නුප්පජ්ජති, නො ච තෙසං තත්ථ මග්ගසච්චං න නිරුජ්ඣිස්සති. අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ අග්ගඵලස්ස උප්පාදක්ඛණෙ අසඤ්ඤසත්තා චවන්තානං තෙසං තත්ථ දුක්ඛසච්චඤ්ච නුප්පජ්ජති මග්ගසච්චඤ්ච න නිරුජ්ඣිස්සති.

(ඛ) යස්ස වා පන යත්ථ මග්ගසච්චං න නිරුජ්ඣිස්සති තස්ස තත්ථ දුක්ඛසච්චං නුප්පජ්ජතීති?

අරහන්තානං චිත්තස්ස උප්පාදක්ඛණෙ ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං උපපජ්ජන්තානං පවත්තෙ චිත්තස්ස උප්පාදක්ඛණෙ අසඤ්ඤසත්තං උපපජ්ජන්තානං තෙසං තත්ථ මග්ගසච්චං න නිරුජ්ඣිස්සති, නො ච තෙසං තත්ථ දුක්ඛසච්චං නුප්පජ්ජති. අග්ගමග්ගස්ස භඞ්ගක්ඛණෙ අරහන්තානං චිත්තස්ස භඞ්ගක්ඛණෙ ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං චවන්තානං පවත්තෙ චිත්තස්ස භඞ්ගක්ඛණෙ අරූපෙ අග්ගඵලස්ස උප්පාදක්ඛණෙ අසඤ්ඤසත්තා චවන්තානං තෙසං තත්ථ මග්ගසච්චඤ්ච න නිරුජ්ඣිස්සති දුක්ඛසච්චඤ්ච නුප්පජ්ජති.

163. (ක) යස්ස [Pg.263] යත්ථ සමුදයසච්චං නුප්පජ්ජති තස්ස තත්ථ මග්ගසච්චං න නිරුජ්ඣිස්සතීති?

අග්ගමග්ගස්ස උප්පාදක්ඛණෙ යස්ස චිත්තස්ස අනන්තරා අග්ගමග්ගං පටිලභිස්සන්ති යෙ චඤ්ඤෙ මග්ගං පටිලභිස්සන්ති තෙසං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ තෙසං තත්ථ සමුදයසච්චං නුප්පජ්ජති, නො ච තෙසං තත්ථ මග්ගසච්චං න නිරුජ්ඣිස්සති. අග්ගමග්ගස්ස භඞ්ගක්ඛණෙ අරහන්තානං ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ අසඤ්ඤසත්තානං තෙසං තත්ථ සමුදයසච්චඤ්ච නුප්පජ්ජති මග්ගසච්චඤ්ච න නිරුජ්ඣිස්සති.

(ඛ) යස්ස වා පන යත්ථ මග්ගසච්චං න නිරුජ්ඣිස්සති තස්ස තත්ථ සමුදයසච්චං නුප්පජ්ජතීති?

ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය උප්පාදක්ඛණෙ තෙසං තත්ථ මග්ගසච්චං න නිරුජ්ඣිස්සති, නො ච තෙසං තත්ථ සමුදයසච්චං නුප්පජ්ජති. අග්ගමග්ගස්ස භඞ්ගක්ඛණෙ අරහන්තානං ආපායිකානං යෙ ච පුථුජ්ජනා මග්ගං න පටිලභිස්සන්ති තෙසං තණ්හාය භඞ්ගක්ඛණෙ තණ්හාවිප්පයුත්තචිත්තෙ වත්තමානෙ අසඤ්ඤසත්තානං තෙසං තත්ථ මග්ගසච්චඤ්ච න නිරුජ්ඣිස්සති සමුදයසච්චඤ්ච නුප්පජ්ජති.

(6) අතීතානාගතවාරො

(ක) අනුලොමපුග්ගලො

164. යස්ස දුක්ඛසච්චං උප්පජ්ජිත්ථ තස්ස සමුදයසච්චං නිරුජ්ඣිස්සතීති?

(යථා නිරොධවාරෙ අතීතානාගතා පුච්ඡා අනුලොමම්පි පච්චනීකම්පි විභත්තා එවං උප්පාදනිරොධවාරෙපි අසම්මොහන්තෙන විභජිතබ්බං).

උප්පාදනිරොධවාරො.

පවත්තිවාරො නිට්ඨිතො.

3. පරිඤ්ඤාවාරො

1. පච්චුප්පන්නවාරො

165. (ක) යො දුක්ඛසච්චං පරිජානාති සො සමුදයසච්චං පජහතීති? ආමන්තා.

(ඛ) යො වා පන සමුදයසච්චං පජහති සො දුක්ඛසච්චං පරිජානාතීති? ආමන්තා.

(ක) යො [Pg.264] දුක්ඛසච්චං න පරිජානාති සො සමුදයසච්චං නප්පජහතීති? ආමන්තා.

(ඛ) යො වා පන…පෙ…? ආමන්තා.

2. අතීතවාරො

166. (ක) යො දුක්ඛසච්චං පරිජානිත්ථ සො සමුදයසච්චං පජහිත්ථාති? ආමන්තා.

(ඛ) යො වා පන…පෙ…? ආමන්තා.

(ක) යො දුක්ඛසච්චං න පරිජානිත්ථ සො සමුදයසච්චං නප්පජහිත්ථාති? ආමන්තා.

(ඛ) යො වා පන…පෙ…? ආමන්තා.

3. අනාගතවාරො

167. (ක) යො දුක්ඛසච්චං පරිජානිස්සති සො සමුදයසච්චං පජහිස්සතීති? ආමන්තා.

(ඛ) යො වා පන…පෙ…? ආමන්තා.

(ක) යො දුක්ඛසච්චං න පරිජානිස්සති සො සමුදයසච්චං නප්පජහිස්සතීති? ආමන්තා.

(ඛ) යො වා පන…පෙ…? ආමන්තා.

4. පච්චුප්පන්නාතීතවාරො

168. (ක) යො දුක්ඛසච්චං පරිජානාති සො සමුදයසච්චං පජහිත්ථාති? නො.

(ඛ) යො වා පන සමුදයසච්චං පජහිත්ථ සො දුක්ඛසච්චං පරිජානාතීති? නො.

(ක) යො දුක්ඛසච්චං න පරිජානාති සො සමුදයසච්චං නප්පජහිත්ථාති?

අරහා දුක්ඛසච්චං න පරිජානාති, නො ච සමුදයසච්චං නප්පජහිත්ථ. අග්ගමග්ගසමඞ්ගිඤ්ච අරහන්තඤ්ච ඨපෙත්වා අවසෙසා පුග්ගලා දුක්ඛසච්චඤ්ච න පරිජානන්ති සමුදයසච්චඤ්ච නප්පජහිත්ථ.

(ඛ) යො වා පන සමුදයසච්චං නප්පජහිත්ථ සො දුක්ඛසච්චං න පරිජානාතීති?

අග්ගමග්ගසමඞ්ගී සමුදයසච්චං නප්පජහිත්ථ, නො ච දුක්ඛසච්චං න පරිජානාති. අග්ගමග්ගසමඞ්ගිඤ්ච අරහන්තඤ්ච ඨපෙත්වා අවසෙසා පුග්ගලා සමුදයසච්චඤ්ච නප්පජහිත්ථ දුක්ඛසච්චඤ්ච න පරිජානන්ති.

5. පච්චුප්පන්නානාගතවාරො

169. (ක) යො දුක්ඛසච්චං පරිජානාති සො සමුදයසච්චං පජහිස්සතීති? නො.

(ඛ) යො වා පන සමුදයසච්චං පජහිස්සති සො දුක්ඛසච්චං පරිජානාතීති? නො.

(ක) යො [Pg.265] දුක්ඛසච්චං න පරිජානාති සො සමුදයසච්චං නප්පජහිස්සතීති?

යෙ මග්ගං පටිලභිස්සන්ති තෙ දුක්ඛසච්චං න පරිජානන්ති, නො ච සමුදයසච්චං නප්පජහිස්සන්ති. අරහා යෙ ච පුථුජ්ජනා මග්ගං න පටිලභිස්සන්ති තෙ දුක්ඛසච්චඤ්ච න පරිජානන්ති සමුදයසච්චඤ්ච නප්පජහිස්සන්ති.

(ඛ) යො වා පන සමුදයසච්චං නප්පජහිස්සති සො දුක්ඛසච්චං න පරිජානාතීති?

අග්ගමග්ගසමඞ්ගී සමුදයසච්චං නප්පජහිස්සති, නො ච දුක්ඛසච්චං න පරිජානාති. අරහා යෙ ච පුථුජ්ජනා මග්ගං න පටිලභිස්සන්ති තෙ සමුදයසච්චඤ්ච නප්පජහිස්සන්ති දුක්ඛසච්චඤ්ච න පරිජානන්ති.

6. අතීතානාගතවාරො

170. (ක) යො දුක්ඛසච්චං පරිජානිත්ථ සො සමුදයසච්චං පජහිස්සතීති? නො.

(ඛ) යො වා පන සමුදයසච්චං පජහිස්සති සො දුක්ඛසච්චං පරිජානිත්ථාති? නො.

(ක) යො දුක්ඛසච්චං න පරිජානිත්ථ සො සමුදයසච්චං නප්පජහිස්සතීති?

යෙ මග්ගං පටිලභිස්සන්ති තෙ දුක්ඛසච්චං න පරිජානිත්ථ, නො ච තෙ සමුදයසච්චං නප්පජහිස්සන්ති. අග්ගමග්ගසමඞ්ගී යෙ ච පුථුජ්ජනා මග්ගං න පටිලභිස්සන්ති තෙ දුක්ඛසච්චඤ්ච න පරිජානිත්ථ සමුදයසච්චඤ්ච නප්පජහිස්සන්ති.

(ඛ) යො වා පන සමුදයසච්චං නප්පජහිස්සති සො දුක්ඛසච්චං න පරිජානිත්ථාති?

අරහා සමුදයසච්චං නප්පජහිස්සති, නො ච දුක්ඛසච්චං න පරිජානිත්ථ. අග්ගමග්ගසමඞ්ගී යෙ ච පුථුජ්ජනා මග්ගං න පටිලභිස්සන්ති තෙ සමුදයසච්චඤ්ච නප්පජහිස්සන්ති දුක්ඛසච්චඤ්ච න පරිජානිත්ථ.

පරිඤ්ඤාවාරො.

සච්චයමකං නිට්ඨිතං.