Namo tassa bhagavato arahato sammāsambuddhassa
礼敬彼世尊、阿罗汉、正自觉者
Khuddakanikāye
小部
Khuddakapāṭhapāḷi
小诵经
1. Saraṇattayaṃ
1. 三皈依
Buddhaṃ [Pg.1] saraṇaṃ gacchāmi;
Dhammaṃ saraṇaṃ gacchāmi;
Saṅghaṃ saraṇaṃ gacchāmi.
我皈依佛；我皈依法；我皈依僧。
Dutiyampi buddhaṃ saraṇaṃ gacchāmi;
Dutiyampi dhammaṃ saraṇaṃ gacchāmi;
Dutiyampi saṅghaṃ saraṇaṃ gacchāmi.
第二次，我皈依佛；第二次，我皈依法；第二次，我皈依僧。
Tatiyampi buddhaṃ saraṇaṃ gacchāmi;
Tatiyampi dhammaṃ saraṇaṃ gacchāmi;
Tatiyampi saṅghaṃ saraṇaṃ gacchāmi.
第三次，我皈依佛；第三次，我皈依法；第三次，我皈依僧。
Saraṇattayaṃ niṭṭhitaṃ.
三皈依终。
2. Dasasikkhāpadaṃ
2. 十戒
1. Pāṇātipātā veramaṇī-sikkhāpadaṃ samādiyāmi.
1. 我受持离杀生学处。
2. Adinnādānā veramaṇī-sikkhāpadaṃ samādiyāmi.
2. 我受持离不与取学处。
3. Abrahmacariyā [Pg.2] veramaṇī-sikkhāpadaṃ samādiyāmi.
3. 我受持离非梵行学处。
4. Musāvādā veramaṇī-sikkhāpadaṃ samādiyāmi.
4. 我受持离妄语学处。
5. Surāmerayamajjapamādaṭṭhānā veramaṇī-sikkhāpadaṃ samādiyāmi.
5. 我受持离能导致放逸的酒类（包括麻醉品）学处。
6. Vikālabhojanā veramaṇī-sikkhāpadaṃ samādiyāmi.
6. 我受持离非时食学处。
7. Nacca-gīta-vādita-visūkadassanā veramaṇī-sikkhāpadaṃ samādiyāmi.
7. 我受持离观赏歌舞、音乐演奏和表演学处。
8. Mālā-gandha-vilepana-dhāraṇa-maṇḍana-vibhūsanaṭṭhānā veramaṇī-sikkhāpadaṃ samādiyāmi.
8. 我受持离为了装饰与美化而穿戴使用花鬘、芳香（香水）、化妆品学处。
9. Uccāsayana-mahāsayanā veramaṇī-sikkhāpadaṃ samādiyāmi.
9. 我受持离高广大床座的学处。
10. Jātarūpa-rajatapaṭiggahaṇā veramaṇī-sikkhāpadaṃ samādiyāmi.
10. 我受持离接受金银学处。
Dasasikkhāpadaṃ niṭṭhitaṃ.
十戒终。
3. Dvattiṃsākāro
3. 三十二身分
Atthi imasmiṃ kāye –
此身之中有：
Kesā lomā nakhā dantā taco,Maṃsaṃ nhāru aṭṭhi aṭṭhimiñjaṃ vakkaṃ,Hadayaṃ yakanaṃ kilomakaṃ pihakaṃ papphāsaṃ,Antaṃ antaguṇaṃ udariyaṃ karīsaṃ matthaluṅgaṃ,Pittaṃ semhaṃ pubbo lohitaṃ sedo medo,Assu vasā kheḷo siṅghāṇikā lasikā muttanti.
发、毛、爪、齿、皮，肉、筋、骨、骨髓、肾，心、肝、肋膜、脾、肺，肠、肠间膜、胃中物、粪、脑，胆汁、痰、脓、血、汗、脂肪，泪、膏、唾、涕、关节滑液、尿。
Dvattiṃsākāro niṭṭhito.
三十二行相终。
4. Kumārapañhā
4. 童子问
1. ‘‘Ekaṃ [Pg.3] nāma kiṃ’’? ‘‘Sabbe sattā āhāraṭṭhitikā’’.
1. “何为一？”“一切有情依食而住。”
2. ‘‘Dve nāma kiṃ’’? ‘‘Nāmañca rūpañca’’.
2. “何为二？”“名与色。”
3. ‘‘Tīṇi nāma kiṃ’’? ‘‘Tisso vedanā’’.
3. “何为三？”“三受。”
4. ‘‘Cattāri nāma kiṃ’’? ‘‘Cattāri ariyasaccāni’’.
4. “何为四？”“四圣谛。”
5. ‘‘Pañca nāma kiṃ’’? ‘‘Pañcupādānakkhandhā’’.
5. “何为五？”“五取蕴。”
6. ‘‘Cha nāma kiṃ’’? ‘‘Cha ajjhattikāni āyatanāni’’.
6. “何为六？”“六内处。”
7. ‘‘Satta nāma kiṃ’’? ‘‘Satta bojjhaṅgā’’.
7. “何为七？”“七觉支。”
8. ‘‘Aṭṭha nāma kiṃ’’? ‘‘Ariyo aṭṭhaṅgiko maggo’’.
8. “何为八？”“八支圣道。”
9. ‘‘Nava nāma kiṃ’’? ‘‘Nava sattāvāsā’’.
9. “何为九？”“九有情居。”
10. ‘‘Dasa nāma kiṃ’’? ‘‘Dasahaṅgehi samannāgato ‘arahā’ti vuccatī’’ti.
10. “何为十？”“具足十支者，被称为‘阿罗汉’。”
Kumārapañhā niṭṭhitā.
《童子问》终。
5. Maṅgalasuttaṃ
5. 吉祥经
1. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho aññatarā devatā abhikkantāya rattiyā abhikkantavaṇṇā kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho sā devatā bhagavantaṃ gāthāya ajjhabhāsi –
1. 如是我闻。一时，世尊住在舍卫城(Sāvatthī)祇陀林给孤独园。尔时，有一位天人，于深夜时分，容色绝妙，光明遍照整个祇陀林，来诣世尊前。趋前礼敬世尊后，退立一面。立于一面时，那位天人以偈颂对世尊说：
2.
2.
‘‘Bahū devā manussā ca, maṅgalāni acintayuṃ;
Ākaṅkhamānā sotthānaṃ, brūhi maṅgalamuttamaṃ’’.
“众多天与人，思惟诸吉祥，冀求安稳故，请说最上吉祥。”
3.
3.
‘‘Asevanā ca bālānaṃ, paṇḍitānañca sevanā;
Pūjā ca pūjaneyyānaṃ, etaṃ maṅgalamuttamaṃ.
“不亲近愚人，亲近于智者，礼敬应礼敬者，此为最上吉祥。”
4.
4.
‘‘Patirūpadesavāso [Pg.4] ca, pubbe ca katapuññatā;
Attasammāpaṇidhi ca, etaṃ maṅgalamuttamaṃ.
“居住适宜处，往昔有福德，自立于正道，此为最上吉祥。”
5.
5.
‘‘Bāhusaccañca sippañca, vinayo ca susikkhito;
Subhāsitā ca yā vācā, etaṃ maṅgalamuttamaṃ.
“多闻与技艺，善学于律仪，所言为善语，此为最上吉祥。”
6.
6.
‘‘Mātāpitu upaṭṭhānaṃ, puttadārassa saṅgaho;
Anākulā ca kammantā, etaṃ maṅgalamuttamaṃ.
奉养父母，爱护妻儿，事业无扰，此为最上吉祥。
7.
7.
‘‘Dānañca dhammacariyā ca, ñātakānañca saṅgaho;
Anavajjāni kammāni, etaṃ maṅgalamuttamaṃ.
布施与法行，摄受诸亲眷，及诸无过之业，此为最上吉祥。
8.
8.
‘‘Āratī viratī pāpā, majjapānā ca saṃyamo;
Appamādo ca dhammesu, etaṃ maṅgalamuttamaṃ.
远离断除诸恶，戒绝麻醉饮品，于法精勤不懈，此为最上吉祥。
9.
9.
‘‘Gāravo ca nivāto ca, santuṭṭhi ca kataññutā;
Kālena dhammassavanaṃ, etaṃ maṅgalamuttamaṃ.
恭敬与谦逊，知足与感恩，适时听闻正法，此为最上吉祥。
10.
10.
‘‘Khantī ca sovacassatā, samaṇānañca dassanaṃ;
Kālena dhammasākacchā, etaṃ maṅgalamuttamaṃ.
忍辱与善受教言，得见诸沙门，适时论议正法，此为最上吉祥。
11.
11.
‘‘Tapo ca brahmacariyañca, ariyasaccāna dassanaṃ;
Nibbānasacchikiriyā ca, etaṃ maṅgalamuttamaṃ.
克己与梵行，彻见诸圣谛，实证于涅槃，此为最上吉祥。
12.
12.
‘‘Phuṭṭhassa lokadhammehi, cittaṃ yassa na kampati;
Asokaṃ virajaṃ khemaṃ, etaṃ maṅgalamuttamaṃ.
世法所触时，其心不动摇，无忧、离尘、安稳，此为最上吉祥。
13.
13.
‘‘Etādisāni katvāna, sabbatthamaparājitā;
Sabbattha sotthiṃ gacchanti, taṃ tesaṃ maṅgalamuttama’’nti.
行持如此者，处处不为败，处处获安乐，此是彼等最上吉祥。
Maṅgalasuttaṃ niṭṭhitaṃ.
吉祥经终。
6. Ratanasuttaṃ
6. 宝经
1.
1.
Yānīdha bhūtāni samāgatāni, bhummāni vā yāni va antalikkhe;
Sabbeva bhūtā sumanā bhavantu, athopi sakkacca suṇantu bhāsitaṃ.
凡有诸神集于此，或居地上或空中，愿彼一切皆欢喜，并请恭敬听所说。
2.
2.
Tasmā [Pg.5] hi bhūtā nisāmetha sabbe, mettaṃ karotha mānusiyā pajāya;
Divā ca ratto ca haranti ye baliṃ, tasmā hi ne rakkhatha appamattā.
是故诸神请谛听，于人族类施慈心，彼等昼夜献供奉，汝等勤勉守护之。
3.
3.
Yaṃ kiñci vittaṃ idha vā huraṃ vā, saggesu vā yaṃ ratanaṃ paṇītaṃ;
Na no samaṃ atthi tathāgatena, idampi buddhe ratanaṃ paṇītaṃ;
Etena saccena suvatthi hotu.
于此世或他世，或于诸天界，凡有任何殊胜之宝，皆无等同于如来。此亦是佛陀之胜宝，以此谛实语，愿有大安乐。
4.
4.
Khayaṃ virāgaṃ amataṃ paṇītaṃ, yadajjhagā sakyamunī samāhito;
Na tena dhammena samatthi kiñci, idampi dhamme ratanaṃ paṇītaṃ;
Etena saccena suvatthi hotu.
释迦牟尼心寂定，已证灭尽、离欲、不死之胜法。无有任何法与此等同。此亦是正法之胜宝，以此谛实语，愿有大安乐。
5.
5.
Yaṃ buddhaseṭṭho parivaṇṇayī suciṃ, samādhimānantarikaññamāhu;
Samādhinā tena samo na vijjati, idampi dhamme ratanaṃ paṇītaṃ;
Etena saccena suvatthi hotu.
至上佛陀所赞叹的清净之定，被称为能立即产生果报。无有任何法与此定等同。此亦是正法之胜宝，以此谛实语，愿有大安乐。
6.
6.
Ye puggalā aṭṭha sataṃ pasatthā, cattāri etāni yugāni honti;
Te dakkhiṇeyyā sugatassa sāvakā, etesu dinnāni mahapphalāni;
Idampi saṅghe ratanaṃ paṇītaṃ, etena saccena suvatthi hotu.
为贤善者所称赞的八种个人，此等即是四双。彼等是善逝的声闻，堪受供养；于彼等所作布施，有大果报。此亦是僧伽中殊胜之宝，以此谛实语，愿有安乐。
7.
7.
Ye suppayuttā manasā daḷhena, nikkāmino gotamasāsanamhi;
Te pattipattā amataṃ vigayha, laddhā mudhā nibbutiṃ bhuñjamānā;
Idampi [Pg.6] saṅghe ratanaṃ paṇītaṃ, etena saccena suvatthi hotu.
彼等于乔达摩教法中，以坚定心善勤精进，已离诸欲；彼等已证所应证，浸入不死，无偿获得，享受寂灭。此亦是僧伽中殊胜之宝，以此谛实语，愿有安乐。
8.
8.
Yathindakhīlo pathavissito siyā, catubbhi vātehi asampakampiyo;
Tathūpamaṃ sappurisaṃ vadāmi, yo ariyasaccāni avecca passati;
Idampi saṅghe ratanaṃ paṇītaṃ, etena saccena suvatthi hotu.
犹如帝释之柱，植于大地，四方之风不能动摇；我说彼善人亦复如是，彼已洞见诸圣谛。此亦是僧伽中殊胜之宝，以此谛实语，愿有安乐。
9.
9.
Ye ariyasaccāni vibhāvayanti, gambhīrapaññena sudesitāni;
Kiñcāpi te honti bhusaṃ pamattā, na te bhavaṃ aṭṭhamamādiyanti;
Idampi saṅghe ratanaṃ paṇītaṃ, etena saccena suvatthi hotu.
彼等能善明了由深慧者所善说之圣谛；纵然彼等极放逸，亦不取第八有。此亦是僧伽中殊胜之宝，以此谛实语，愿有安乐。
10.
10.
Sahāvassa dassanasampadāya, tayassu dhammā jahitā bhavanti;
Sakkāyadiṭṭhī vicikicchitañca, sīlabbataṃ vāpi yadatthi kiñci.
与其见具足同时，彼实已断此三法：有身见、疑，以及任何戒禁取。
11.
11.
Catūhapāyehi ca vippamutto, chaccābhiṭhānāni abhabba kātuṃ ;
Idampi saṅghe ratanaṃ paṇītaṃ, etena saccena suvatthi hotu.
彼已解脱于四恶趣，且不能作六重罪。此亦是僧伽中殊胜之宝，以此谛实语，愿有安乐。
12.
12.
Kiñcāpi so kamma karoti pāpakaṃ, kāyena vācā uda cetasā vā;
Abhabba so tassa paṭicchadāya, abhabbatā diṭṭhapadassa vuttā;
Idampi [Pg.7] saṅghe ratanaṃ paṇītaṃ, etena saccena suvatthi hotu.
纵然彼以身、语或意造作恶业，彼亦不能覆藏之；于见道者，已说此为不可能。此亦是僧伽中殊胜之宝，以此谛实语，愿有安乐。
13.
13.
Vanappagumbe yatha phussitagge, gimhānamāse paṭhamasmiṃ gimhe;
Tathūpamaṃ dhammavaraṃ adesayi, nibbānagāmiṃ paramaṃ hitāya;
Idampi buddhe ratanaṃ paṇītaṃ, etena saccena suvatthi hotu.
犹如林丛之巅，于夏首月，繁花盛开；为究竟利益，彼亦如是教示导向涅槃之胜法。此亦是佛陀中殊胜之宝，以此谛实语，愿有安乐。
14.
14.
Varo varaññū varado varāharo, anuttaro dhammavaraṃ adesayi;
Idampi buddhe ratanaṃ paṇītaṃ, etena saccena suvatthi hotu.
最胜者、知最胜者、施最胜者、引来最胜者，无上士宣说了殊胜之法。此亦是佛陀中殊胜之宝，以此谛实语，愿有安乐。
15.
15.
Khīṇaṃ purāṇaṃ nava natthi sambhavaṃ, virattacittāyatike bhavasmiṃ;
Te khīṇabījā avirūḷhichandā, nibbanti dhīrā yathāyaṃ padīpo;
Idampi saṅghe ratanaṃ paṇītaṃ, etena saccena suvatthi hotu.
旧业已尽，新业不生，于未来有，其心离贪。彼等种子已尽，欲不增长，智者寂灭，犹如灯熄。此亦于僧伽中，为殊胜宝。以此谛语，愿得安乐。
16.
16.
Yānīdha bhūtāni samāgatāni, bhummāni vā yāni va antalikkhe;
Tathāgataṃ devamanussapūjitaṃ, buddhaṃ namassāma suvatthi hotu.
凡于此地集会之诸神，或地居者，或空居者，我等礼敬天人所供奉之如来佛陀，愿得安乐。
17.
17.
Yānīdha bhūtāni samāgatāni, bhummāni vā yāni va antalikkhe;
Tathāgataṃ devamanussapūjitaṃ, dhammaṃ namassāma suvatthi hotu.
凡于此地集会之诸神，或地居者，或空居者，我等礼敬天人所供奉、如来之正法，愿得安乐。
18.
18.
Yānīdha [Pg.8] bhūtāni samāgatāni, bhummāni vā yāni va antalikkhe;
Tathāgataṃ devamanussapūjitaṃ, saṅghaṃ namassāma suvatthi hotūti.
凡于此地集会之诸神，或地居者，或空居者，我等礼敬天人所供奉、善行之僧伽，愿得安乐。
Ratanasuttaṃ niṭṭhitaṃ.
宝经终。
7. Tirokuṭṭasuttaṃ
7. 墙外经
1.
1.
Tirokuṭṭesu tiṭṭhanti, sandhisiṅghāṭakesu ca;
Dvārabāhāsu tiṭṭhanti, āgantvāna sakaṃ gharaṃ.
彼等来到自家，伫立于墙外，及于路口街衢，亦伫立于门柱旁。
2.
2.
Pahūte annapānamhi, khajjabhojje upaṭṭhite;
Na tesaṃ koci sarati, sattānaṃ kammapaccayā.
饮食丰盈，肴馔备陈；然因彼等众生业缘故，无人忆念之。
3.
3.
Evaṃ dadanti ñātīnaṃ, ye honti anukampakā;
Suciṃ paṇītaṃ kālena, kappiyaṃ pānabhojanaṃ;
Idaṃ vo ñātīnaṃ hotu, sukhitā hontu ñātayo.
凡有悲悯心者，为亲眷如是施予：清净、殊胜、适时、合宜之饮食。（并言：）“愿此为汝等亲眷所有，愿诸亲眷得安乐！”
4.
4.
Te ca tattha samāgantvā, ñātipetā samāgatā;
Pahūte annapānamhi, sakkaccaṃ anumodare.
彼等亡故亲眷，于彼处集会，对丰盈之饮食，虔诚地随喜。
5.
5.
Ciraṃ jīvantu no ñātī, yesaṃ hetu labhāmase;
Amhākañca katā pūjā, dāyakā ca anipphalā.
“愿我亲族得长寿，因彼故我等得享；亦为我等作供养，施主功德不唐捐。”
6.
6.
Na hi tattha kasi atthi, gorakkhettha na vijjati;
Vaṇijjā tādisī natthi, hiraññena kayokayaṃ ;
Ito dinnena yāpenti, petā kālaṅkatā tahiṃ.
彼处实无农耕，亦无牧牛之事；无有如是贸易，亦无金钱交易。已逝彼处之饿鬼，唯依此间所施活命。
7.
7.
Unname udakaṃ vuṭṭhaṃ, yathā ninnaṃ pavattati;
Evameva ito dinnaṃ, petānaṃ upakappati.
譬如雨降于高地，水必流向于低谷；如是此间所施与，利益饿鬼亦复然。
8.
8.
Yathā vārivahā pūrā, paripūrenti sāgaraṃ;
Evameva ito dinnaṃ, petānaṃ upakappati.
譬如众川流满盈，终能充满于大海；如是此间所施与，利益饿鬼亦复然。
9.
9.
Adāsi [Pg.9] me akāsi me, ñātimittā sakhā ca me;
Petānaṃ dakkhiṇaṃ dajjā, pubbe katamanussaraṃ.
“彼曾施予我，彼曾为我作，彼是我亲眷、朋友与同伴。”如是忆念往昔所为，应为亡者行此布施。
10.
10.
Na hi ruṇṇaṃ vā soko vā, yā caññā paridevanā;
Na taṃ petānamatthāya, evaṃ tiṭṭhanti ñātayo.
哭泣、忧愁，或任何其他悲叹，对亡者实无益处；亲人们亦只是如此而已。
11.
11.
Ayañca kho dakkhiṇā dinnā, saṅghamhi suppatiṭṭhitā;
Dīgharattaṃ hitāyassa, ṭhānaso upakappati.
然而，此供养已施予，善安立于僧伽中；为彼长夜之利益，即刻得以成办。
12.
12.
So ñātidhammo ca ayaṃ nidassito, petāna pūjā ca katā uḷārā;
Balañca bhikkhūnamanuppadinnaṃ, tumhehi puññaṃ pasutaṃ anappakanti.
此亲族之道已明示，已为亡者作胜供，亦为比丘增气力，汝等已积无量福。
Tirokuṭṭasuttaṃ niṭṭhitaṃ.
墙外经终。
8. Nidhikaṇḍasuttaṃ
8. 藏宝经
1.
1.
Nidhiṃ nidheti puriso, gambhīre odakantike;
Atthe kicce samuppanne, atthāya me bhavissati.
有人埋藏宝藏，于深水岸边；心念：“若有事需，此将为我利。”
2.
2.
Rājato vā duruttassa, corato pīḷitassa vā;
Iṇassa vā pamokkhāya, dubbhikkhe āpadāsu vā;
Etadatthāya lokasmiṃ, nidhi nāma nidhīyati.
或为王难所诬，或为盗匪所扰；为求解脱债务，或于饥馑灾祸；为此等利益，世间埋藏财宝。
3.
3.
Tāvassunihito santo, gambhīre odakantike;
Na sabbo sabbadā eva, tassa taṃ upakappati.
虽于深水岸边善为藏匿，然此宝藏非能全部、时时为彼所用。
4.
4.
Nidhi vā ṭhānā cavati, saññā vāssa vimuyhati;
Nāgā vā apanāmenti, yakkhā vāpi haranti naṃ.
宝藏或从其处移动，其人记忆或错乱；龙或将其移走，夜叉亦或将其夺去。
5.
5.
Appiyā vāpi dāyādā, uddharanti apassato;
Yadā puññakkhayo hoti, sabbametaṃ vinassati.
或不睦之继承人，趁其不察而掘取；当其福德耗尽，这一切便会毁灭。
6.
6.
Yassa dānena sīlena, saṃyamena damena ca;
Nidhī sunihito hoti, itthiyā purisassa vā.
于任何男女，若以布施、持戒、节制与调伏，善藏此功德宝藏。
7.
7.
Cetiyamhi [Pg.10] ca saṅghe vā, puggale atithīsu vā;
Mātari pitari cāpi, atho jeṭṭhamhi bhātari.
于塔寺，或于僧团；于个人，或于宾客；于母亲，亦于父亲；以及于长兄。
8.
8.
Eso nidhi sunihito, ajeyyo anugāmiko;
Pahāya gamanīyesu, etaṃ ādāya gacchati.
此宝藏善藏，不可夺取，能随行于后；舍弃必离之物，携此宝藏而去。
9.
9.
Asādhāraṇamaññesaṃ, acorāharaṇo nidhi;
Kayirātha dhīro puññāni, yo nidhi anugāmiko.
此宝藏不与他人共有，盗贼不能夺取；是故智者应行功德，此乃随行之宝藏。
10.
10.
Esa devamanussānaṃ, sabbakāmadado nidhi;
Yaṃ yadevābhipatthenti, sabbametena labbhati.
此宝藏能给予天人一切所欲；无论他们欲求何物，一切皆由此获得。
11.
11.
Suvaṇṇatā susaratā, susaṇṭhānā surūpatā ;
Ādhipaccaparivāro, sabbametena labbhati.
肤色光洁、音声美妙、身形善好与容貌端严；主权与眷属，一切皆由此获得。
12.
12.
Padesarajjaṃ issariyaṃ, cakkavattisukhaṃ piyaṃ;
Devarajjampi dibbesu, sabbametena labbhati.
地方王权与主权，可爱转轮王之乐；乃至天界之王位，一切皆由此获得。
13.
13.
Mānussikā ca sampatti, devaloke ca yā rati;
Yā ca nibbānasampatti, sabbametena labbhati.
人间之圆满，天界之喜乐，以及涅槃之圆满，一切皆由此获得。
14.
14.
Mittasampadamāgamma, yonisova payuñjato;
Vijjā vimutti vasībhāvo, sabbametena labbhati.
依止具德友，如理精勤者；明、解脱与自在，皆由此而得。
15.
15.
Paṭisambhidā vimokkhā ca, yā ca sāvakapāramī;
Paccekabodhi buddhabhūmi, sabbametena labbhati.
无碍解与八解脱，以及声闻波罗蜜；独觉菩提与佛地，一切皆由此获得。
16.
16.
Evaṃ mahatthikā esā, yadidaṃ puññasampadā;
Tasmā dhīrā pasaṃsanti, paṇḍitā katapuññatanti.
如是福德成就，具有大利益；是故智者与贤圣，赞叹已作福德。
Nidhikaṇḍasuttaṃ niṭṭhitaṃ.
《宝藏品经》终。
9. Mettasuttaṃ
9. 慈经
1.
1.
Karaṇīyamatthakusalena, yantasantaṃ padaṃ abhisamecca;
Sakko ujū ca suhujū ca, suvaco cassa mudu anatimānī.
善于利乐者，为证寂静境，应行此等事：有能、正直、极正直，言语柔顺，心意柔和，无有骄慢。
2.
2.
Santussako [Pg.11] ca subharo ca, appakicco ca sallahukavutti;
Santindriyo ca nipako ca, appagabbho kulesvananugiddho.
知足且易养，少务且生活简朴；诸根寂静且有慧，不鲁莽且于俗家无贪着。
3.
3.
Na ca khuddamācare kiñci, yena viññū pare upavadeyyuṃ;
Sukhinova khemino hontu, sabbasattā bhavantu sukhitattā.
不应行任何微小过，以免为智者所谴责；愿众生快乐安稳，愿一切有情内心安乐。
4.
4.
Ye keci pāṇabhūtatthi, tasā vā thāvarā vanavasesā;
Dīghā vā yeva mahantā, majjhimā rassakā aṇukathūlā.
凡所有生命，无论动摇或不动摇者，一切无有余；或长或巨大，或中等短小，或微细或粗壮。
5.
5.
Diṭṭhā vā yeva adiṭṭhā, ye va dūre vasanti avidūre;
Bhūtā va sambhavesī va, sabbasattā bhavantu sukhitattā.
或已见或未见，或住远或住近；或已生或求生，愿一切有情内心安乐。
6.
6.
Na paro paraṃ nikubbetha, nātimaññetha katthaci na kañci ;
Byārosanā paṭighasaññā, nāññamaññassa dukkhamiccheyya.
不应欺骗他人，不应于任何处，轻视任何人；莫因冲突与嗔恚，而愿他人受苦。
7.
7.
Mātā yathā niyaṃ puttamāyusā ekaputtamanurakkhe;
Evampi sabbabhūtesu, mānasaṃ bhāvaye aparimāṇaṃ.
如同母亲以生命守护自己的独子；同样地，对一切众生，应修习无量之心。
8.
8.
Mettañca sabbalokasmi, mānasaṃ bhāvaye aparimāṇaṃ;
Uddhaṃ adho ca tiriyañca, asambādhaṃ averamasapattaṃ.
于一切世间，应修习无量慈心，向上、向下及横向，无碍、无怨、无敌。
9.
9.
Tiṭṭhaṃ caraṃ nisinno va, sayāno yāvatāssa vitamiddho ;
Etaṃ satiṃ adhiṭṭheyya, brahmametaṃ vihāramidhamāhu.
行住坐卧，只要醒觉无昏沉，即应确立此正念。于此教法中，此被称为梵住。
10.
10.
Diṭṭhiñca anupaggamma, sīlavā dassanena sampanno;
Kāmesu vinaya gedhaṃ, na hi jātuggabbhaseyya puna retīti.
不执于邪见，具戒行、具正见，于诸欲调伏贪求，则必不再入母胎。
Mettasuttaṃ niṭṭhitaṃ.
《慈经》终。
Khuddakapāṭhapāḷi niṭṭhitā.
小诵经终。