နမော တဿ ဘဂဝတော အရဟတော သမ္မာသမ္ဗုဒ္ဓဿ
礼敬彼世尊、阿罗汉、正自觉者
ခုဒ္ဒကနိကာယေ
小部
ခုဒ္ဒကပါဌပါဠိ
小诵经
၁. သရဏတ္တယံ
1. 三皈依
ဗုဒ္ဓံ [Pg.1] သရဏံ ဂစ္ဆာမိ;
ဓမ္မံ သရဏံ ဂစ္ဆာမိ;
သံဃံ သရဏံ ဂစ္ဆာမိ.
我皈依佛；我皈依法；我皈依僧。
ဒုတိယမ္ပိ ဗုဒ္ဓံ သရဏံ ဂစ္ဆာမိ;
ဒုတိယမ္ပိ ဓမ္မံ သရဏံ ဂစ္ဆာမိ;
ဒုတိယမ္ပိ သံဃံ သရဏံ ဂစ္ဆာမိ.
第二次，我皈依佛；第二次，我皈依法；第二次，我皈依僧。
တတိယမ္ပိ ဗုဒ္ဓံ သရဏံ ဂစ္ဆာမိ;
တတိယမ္ပိ ဓမ္မံ သရဏံ ဂစ္ဆာမိ;
တတိယမ္ပိ သံဃံ သရဏံ ဂစ္ဆာမိ.
第三次，我皈依佛；第三次，我皈依法；第三次，我皈依僧。
သရဏတ္တယံ နိဋ္ဌိတံ.
三皈依终。
၂. ဒသသိက္ခာပဒံ
2. 十戒
၁. ပါဏာတိပါတာ ဝေရမဏီ-သိက္ခာပဒံ သမာဒိယာမိ.
1. 我受持离杀生学处。
၂. အဒိန္နာဒါနာ ဝေရမဏီ-သိက္ခာပဒံ သမာဒိယာမိ.
2. 我受持离不与取学处。
၃. အဗြဟ္မစရိယာ [Pg.2] ဝေရမဏီ-သိက္ခာပဒံ သမာဒိယာမိ.
3. 我受持离非梵行学处。
၄. မုသာဝါဒါ ဝေရမဏီ-သိက္ခာပဒံ သမာဒိယာမိ.
4. 我受持离妄语学处。
၅. သုရာမေရယမဇ္ဇပမာဒဋ္ဌာနာ ဝေရမဏီ-သိက္ခာပဒံ သမာဒိယာမိ.
5. 我受持离能导致放逸的酒类（包括麻醉品）学处。
၆. ဝိကာလဘောဇနာ ဝေရမဏီ-သိက္ခာပဒံ သမာဒိယာမိ.
6. 我受持离非时食学处。
၇. နစ္စ-ဂီတ-ဝါဒိတ-ဝိသူကဒဿနာ ဝေရမဏီ-သိက္ခာပဒံ သမာဒိယာမိ.
7. 我受持离观赏歌舞、音乐演奏和表演学处。
၈. မာလာ-ဂန္ဓ-ဝိလေပန-ဓာရဏ-မဏ္ဍန-ဝိဘူသနဋ္ဌာနာ ဝေရမဏီ-သိက္ခာပဒံ သမာဒိယာမိ.
8. 我受持离为了装饰与美化而穿戴使用花鬘、芳香（香水）、化妆品学处。
၉. ဥစ္စာသယန-မဟာသယနာ ဝေရမဏီ-သိက္ခာပဒံ သမာဒိယာမိ.
9. 我受持离高广大床座的学处。
၁၀. ဇာတရူပ-ရဇတပဋိဂ္ဂဟဏာ ဝေရမဏီ-သိက္ခာပဒံ သမာဒိယာမိ.
10. 我受持离接受金银学处。
ဒသသိက္ခာပဒံ နိဋ္ဌိတံ.
十戒终。
၃. ဒွတ္တိံသာကာရော
3. 三十二身分
အတ္ထိ ဣမသ္မိံ ကာယေ –
此身之中有：
ကေသာ လောမာ နခါ ဒန္တာ တစော,မံသံ နှာရု အဋ္ဌိ အဋ္ဌိမိဉ္ဇံ ဝက္ကံ,ဟဒယံ ယကနံ ကိလောမကံ ပိဟကံ ပပ္ဖာသံ,အန္တံ အန္တဂုဏံ ဥဒရိယံ ကရီသံ မတ္ထလုင်္ဂံ,ပိတ္တံ သေမှံ ပုဗ္ဗော လောဟိတံ သေဒေါ မေဒေါ,အဿု ဝသာ ခေဠော သိင်္ဃာဏိကာ လသိကာ မုတ္တန္တိ.
发、毛、爪、齿、皮，肉、筋、骨、骨髓、肾，心、肝、肋膜、脾、肺，肠、肠间膜、胃中物、粪、脑，胆汁、痰、脓、血、汗、脂肪，泪、膏、唾、涕、关节滑液、尿。
ဒွတ္တိံသာကာရော နိဋ္ဌိတော.
三十二行相终。
၄. ကုမာရပဉှာ
4. 童子问
၁. ‘‘ဧကံ [Pg.3] နာမ ကိံ’’? ‘‘သဗ္ဗေ သတ္တာ အာဟာရဋ္ဌိတိကာ’’.
1. “何为一？”“一切有情依食而住。”
၂. ‘‘ဒွေ နာမ ကိံ’’? ‘‘နာမဉ္စ ရူပဉ္စ’’.
2. “何为二？”“名与色。”
၃. ‘‘တီဏိ နာမ ကိံ’’? ‘‘တိဿော ဝေဒနာ’’.
3. “何为三？”“三受。”
၄. ‘‘စတ္တာရိ နာမ ကိံ’’? ‘‘စတ္တာရိ အရိယသစ္စာနိ’’.
4. “何为四？”“四圣谛。”
၅. ‘‘ပဉ္စ နာမ ကိံ’’? ‘‘ပဉ္စုပါဒါနက္ခန္ဓာ’’.
5. “何为五？”“五取蕴。”
၆. ‘‘ဆ နာမ ကိံ’’? ‘‘ဆ အဇ္ဈတ္တိကာနိ အာယတနာနိ’’.
6. “何为六？”“六内处。”
၇. ‘‘သတ္တ နာမ ကိံ’’? ‘‘သတ္တ ဗောဇ္ဈင်္ဂါ’’.
7. “何为七？”“七觉支。”
၈. ‘‘အဋ္ဌ နာမ ကိံ’’? ‘‘အရိယော အဋ္ဌင်္ဂိကော မဂ္ဂေါ’’.
8. “何为八？”“八支圣道。”
၉. ‘‘နဝ နာမ ကိံ’’? ‘‘နဝ သတ္တာဝါသာ’’.
9. “何为九？”“九有情居。”
၁၀. ‘‘ဒသ နာမ ကိံ’’? ‘‘ဒသဟင်္ဂေဟိ သမန္နာဂတော ‘အရဟာ’တိ ဝုစ္စတီ’’တိ.
10. “何为十？”“具足十支者，被称为‘阿罗汉’。”
ကုမာရပဉှာ နိဋ္ဌိတာ.
《童子问》终。
၅. မင်္ဂလသုတ္တံ
5. 吉祥经
၁. ဧဝံ မေ သုတံ – ဧကံ သမယံ ဘဂဝါ သာဝတ္ထိယံ ဝိဟရတိ ဇေတဝနေ အနာထပိဏ္ဍိကဿ အာရာမေ. အထ ခေါ အညတရာ ဒေဝတာ အဘိက္ကန္တာယ ရတ္တိယာ အဘိက္ကန္တဝဏ္ဏာ ကေဝလကပ္ပံ ဇေတဝနံ ဩဘာသေတွာ ယေန ဘဂဝါ တေနုပသင်္ကမိ; ဥပသင်္ကမိတွာ ဘဂဝန္တံ အဘိဝါဒေတွာ ဧကမန္တံ အဋ္ဌာသိ. ဧကမန္တံ ဌိတာ ခေါ သာ ဒေဝတာ ဘဂဝန္တံ ဂါထာယ အဇ္ဈဘာသိ –
1. 如是我闻。一时，世尊住在舍卫城(Sāvatthī)祇陀林给孤独园。尔时，有一位天人，于深夜时分，容色绝妙，光明遍照整个祇陀林，来诣世尊前。趋前礼敬世尊后，退立一面。立于一面时，那位天人以偈颂对世尊说：
၂.
2.
‘‘ဗဟူ ဒေဝါ မနုဿာ စ, မင်္ဂလာနိ အစိန္တယုံ;
အာကင်္ခမာနာ သောတ္ထာနံ, ဗြူဟိ မင်္ဂလမုတ္တမံ’’.
“众多天与人，思惟诸吉祥，冀求安稳故，请说最上吉祥。”
၃.
3.
‘‘အသေဝနာ စ ဗာလာနံ, ပဏ္ဍိတာနဉ္စ သေဝနာ;
ပူဇာ စ ပူဇနေယျာနံ, ဧတံ မင်္ဂလမုတ္တမံ.
“不亲近愚人，亲近于智者，礼敬应礼敬者，此为最上吉祥。”
၄.
4.
‘‘ပတိရူပဒေသဝါသော [Pg.4] စ, ပုဗ္ဗေ စ ကတပုညတာ;
အတ္တသမ္မာပဏိဓိ စ, ဧတံ မင်္ဂလမုတ္တမံ.
“居住适宜处，往昔有福德，自立于正道，此为最上吉祥。”
၅.
5.
‘‘ဗာဟုသစ္စဉ္စ သိပ္ပဉ္စ, ဝိနယော စ သုသိက္ခိတော;
သုဘာသိတာ စ ယာ ဝါစာ, ဧတံ မင်္ဂလမုတ္တမံ.
“多闻与技艺，善学于律仪，所言为善语，此为最上吉祥。”
၆.
6.
‘‘မာတာပိတု ဥပဋ္ဌာနံ, ပုတ္တဒါရဿ သင်္ဂဟော;
အနာကုလာ စ ကမ္မန္တာ, ဧတံ မင်္ဂလမုတ္တမံ.
奉养父母，爱护妻儿，事业无扰，此为最上吉祥。
၇.
7.
‘‘ဒါနဉ္စ ဓမ္မစရိယာ စ, ဉာတကာနဉ္စ သင်္ဂဟော;
အနဝဇ္ဇာနိ ကမ္မာနိ, ဧတံ မင်္ဂလမုတ္တမံ.
布施与法行，摄受诸亲眷，及诸无过之业，此为最上吉祥。
၈.
8.
‘‘အာရတီ ဝိရတီ ပါပါ, မဇ္ဇပါနာ စ သံယမော;
အပ္ပမာဒေါ စ ဓမ္မေသု, ဧတံ မင်္ဂလမုတ္တမံ.
远离断除诸恶，戒绝麻醉饮品，于法精勤不懈，此为最上吉祥。
၉.
9.
‘‘ဂါရဝေါ စ နိဝါတော စ, သန္တုဋ္ဌိ စ ကတညုတာ;
ကာလေန ဓမ္မဿဝနံ, ဧတံ မင်္ဂလမုတ္တမံ.
恭敬与谦逊，知足与感恩，适时听闻正法，此为最上吉祥。
၁၀.
10.
‘‘ခန္တီ စ သောဝစဿတာ, သမဏာနဉ္စ ဒဿနံ;
ကာလေန ဓမ္မသာကစ္ဆာ, ဧတံ မင်္ဂလမုတ္တမံ.
忍辱与善受教言，得见诸沙门，适时论议正法，此为最上吉祥。
၁၁.
11.
‘‘တပေါ စ ဗြဟ္မစရိယဉ္စ, အရိယသစ္စာန ဒဿနံ;
နိဗ္ဗာနသစ္ဆိကိရိယာ စ, ဧတံ မင်္ဂလမုတ္တမံ.
克己与梵行，彻见诸圣谛，实证于涅槃，此为最上吉祥。
၁၂.
12.
‘‘ဖုဋ္ဌဿ လောကဓမ္မေဟိ, စိတ္တံ ယဿ န ကမ္ပတိ;
အသောကံ ဝိရဇံ ခေမံ, ဧတံ မင်္ဂလမုတ္တမံ.
世法所触时，其心不动摇，无忧、离尘、安稳，此为最上吉祥。
၁၃.
13.
‘‘ဧတာဒိသာနိ ကတွာန, သဗ္ဗတ္ထမပရာဇိတာ;
သဗ္ဗတ္ထ သောတ္ထိံ ဂစ္ဆန္တိ, တံ တေသံ မင်္ဂလမုတ္တမ’’န္တိ.
行持如此者，处处不为败，处处获安乐，此是彼等最上吉祥。
မင်္ဂလသုတ္တံ နိဋ္ဌိတံ.
吉祥经终。
၆. ရတနသုတ္တံ
6. 宝经
၁.
1.
ယာနီဓ ဘူတာနိ သမာဂတာနိ, ဘုမ္မာနိ ဝါ ယာနိ ဝ အန္တလိက္ခေ;
သဗ္ဗေဝ ဘူတာ သုမနာ ဘဝန္တု, အထောပိ သက္ကစ္စ သုဏန္တု ဘာသိတံ.
凡有诸神集于此，或居地上或空中，愿彼一切皆欢喜，并请恭敬听所说。
၂.
2.
တသ္မာ [Pg.5] ဟိ ဘူတာ နိသာမေထ သဗ္ဗေ, မေတ္တံ ကရောထ မာနုသိယာ ပဇာယ;
ဒိဝါ စ ရတ္တော စ ဟရန္တိ ယေ ဗလိံ, တသ္မာ ဟိ နေ ရက္ခထ အပ္ပမတ္တာ.
是故诸神请谛听，于人族类施慈心，彼等昼夜献供奉，汝等勤勉守护之。
၃.
3.
ယံ ကိဉ္စိ ဝိတ္တံ ဣဓ ဝါ ဟုရံ ဝါ, သဂ္ဂေသု ဝါ ယံ ရတနံ ပဏီတံ;
န နော သမံ အတ္ထိ တထာဂတေန, ဣဒမ္ပိ ဗုဒ္ဓေ ရတနံ ပဏီတံ;
ဧတေန သစ္စေန သုဝတ္ထိ ဟောတု.
于此世或他世，或于诸天界，凡有任何殊胜之宝，皆无等同于如来。此亦是佛陀之胜宝，以此谛实语，愿有大安乐。
၄.
4.
ခယံ ဝိရာဂံ အမတံ ပဏီတံ, ယဒဇ္ဈဂါ သကျမုနီ သမာဟိတော;
န တေန ဓမ္မေန သမတ္ထိ ကိဉ္စိ, ဣဒမ္ပိ ဓမ္မေ ရတနံ ပဏီတံ;
ဧတေန သစ္စေန သုဝတ္ထိ ဟောတု.
释迦牟尼心寂定，已证灭尽、离欲、不死之胜法。无有任何法与此等同。此亦是正法之胜宝，以此谛实语，愿有大安乐。
၅.
5.
ယံ ဗုဒ္ဓသေဋ္ဌော ပရိဝဏ္ဏယီ သုစိံ, သမာဓိမာနန္တရိကညမာဟု;
သမာဓိနာ တေန သမော န ဝိဇ္ဇတိ, ဣဒမ္ပိ ဓမ္မေ ရတနံ ပဏီတံ;
ဧတေန သစ္စေန သုဝတ္ထိ ဟောတု.
至上佛陀所赞叹的清净之定，被称为能立即产生果报。无有任何法与此定等同。此亦是正法之胜宝，以此谛实语，愿有大安乐。
၆.
6.
ယေ ပုဂ္ဂလာ အဋ္ဌ သတံ ပသတ္ထာ, စတ္တာရိ ဧတာနိ ယုဂါနိ ဟောန္တိ;
တေ ဒက္ခိဏေယျာ သုဂတဿ သာဝကာ, ဧတေသု ဒိန္နာနိ မဟပ္ဖလာနိ;
ဣဒမ္ပိ သံဃေ ရတနံ ပဏီတံ, ဧတေန သစ္စေန သုဝတ္ထိ ဟောတု.
为贤善者所称赞的八种个人，此等即是四双。彼等是善逝的声闻，堪受供养；于彼等所作布施，有大果报。此亦是僧伽中殊胜之宝，以此谛实语，愿有安乐。
၇.
7.
ယေ သုပ္ပယုတ္တာ မနသာ ဒဠှေန, နိက္ကာမိနော ဂေါတမသာသနမှိ;
တေ ပတ္တိပတ္တာ အမတံ ဝိဂယှ, လဒ္ဓါ မုဓာ နိဗ္ဗုတိံ ဘုဉ္ဇမာနာ;
ဣဒမ္ပိ [Pg.6] သံဃေ ရတနံ ပဏီတံ, ဧတေန သစ္စေန သုဝတ္ထိ ဟောတု.
彼等于乔达摩教法中，以坚定心善勤精进，已离诸欲；彼等已证所应证，浸入不死，无偿获得，享受寂灭。此亦是僧伽中殊胜之宝，以此谛实语，愿有安乐。
၈.
8.
ယထိန္ဒခီလော ပထဝိဿိတော သိယာ, စတုဗ္ဘိ ဝါတေဟိ အသမ္ပကမ္ပိယော;
တထူပမံ သပ္ပုရိသံ ဝဒါမိ, ယော အရိယသစ္စာနိ အဝေစ္စ ပဿတိ;
ဣဒမ္ပိ သံဃေ ရတနံ ပဏီတံ, ဧတေန သစ္စေန သုဝတ္ထိ ဟောတု.
犹如帝释之柱，植于大地，四方之风不能动摇；我说彼善人亦复如是，彼已洞见诸圣谛。此亦是僧伽中殊胜之宝，以此谛实语，愿有安乐。
၉.
9.
ယေ အရိယသစ္စာနိ ဝိဘာဝယန္တိ, ဂမ္ဘီရပညေန သုဒေသိတာနိ;
ကိဉ္စာပိ တေ ဟောန္တိ ဘုသံ ပမတ္တာ, န တေ ဘဝံ အဋ္ဌမမာဒိယန္တိ;
ဣဒမ္ပိ သံဃေ ရတနံ ပဏီတံ, ဧတေန သစ္စေန သုဝတ္ထိ ဟောတု.
彼等能善明了由深慧者所善说之圣谛；纵然彼等极放逸，亦不取第八有。此亦是僧伽中殊胜之宝，以此谛实语，愿有安乐。
၁၀.
10.
သဟာဝဿ ဒဿနသမ္ပဒါယ, တယဿု ဓမ္မာ ဇဟိတာ ဘဝန္တိ;
သက္ကာယဒိဋ္ဌီ ဝိစိကိစ္ဆိတဉ္စ, သီလဗ္ဗတံ ဝါပိ ယဒတ္ထိ ကိဉ္စိ.
与其见具足同时，彼实已断此三法：有身见、疑，以及任何戒禁取。
၁၁.
11.
စတူဟပါယေဟိ စ ဝိပ္ပမုတ္တော, ဆစ္စာဘိဌာနာနိ အဘဗ္ဗ ကာတုံ ;
ဣဒမ္ပိ သံဃေ ရတနံ ပဏီတံ, ဧတေန သစ္စေန သုဝတ္ထိ ဟောတု.
彼已解脱于四恶趣，且不能作六重罪。此亦是僧伽中殊胜之宝，以此谛实语，愿有安乐。
၁၂.
12.
ကိဉ္စာပိ သော ကမ္မ ကရောတိ ပါပကံ, ကာယေန ဝါစာ ဥဒ စေတသာ ဝါ;
အဘဗ္ဗ သော တဿ ပဋိစ္ဆဒါယ, အဘဗ္ဗတာ ဒိဋ္ဌပဒဿ ဝုတ္တာ;
ဣဒမ္ပိ [Pg.7] သံဃေ ရတနံ ပဏီတံ, ဧတေန သစ္စေန သုဝတ္ထိ ဟောတု.
纵然彼以身、语或意造作恶业，彼亦不能覆藏之；于见道者，已说此为不可能。此亦是僧伽中殊胜之宝，以此谛实语，愿有安乐。
၁၃.
13.
ဝနပ္ပဂုမ္ဗေ ယထ ဖုဿိတဂ္ဂေ, ဂိမှာနမာသေ ပဌမသ္မိံ ဂိမှေ;
တထူပမံ ဓမ္မဝရံ အဒေသယိ, နိဗ္ဗာနဂါမိံ ပရမံ ဟိတာယ;
ဣဒမ္ပိ ဗုဒ္ဓေ ရတနံ ပဏီတံ, ဧတေန သစ္စေန သုဝတ္ထိ ဟောတု.
犹如林丛之巅，于夏首月，繁花盛开；为究竟利益，彼亦如是教示导向涅槃之胜法。此亦是佛陀中殊胜之宝，以此谛实语，愿有安乐。
၁၄.
14.
ဝရော ဝရညူ ဝရဒေါ ဝရာဟရော, အနုတ္တရော ဓမ္မဝရံ အဒေသယိ;
ဣဒမ္ပိ ဗုဒ္ဓေ ရတနံ ပဏီတံ, ဧတေန သစ္စေန သုဝတ္ထိ ဟောတု.
最胜者、知最胜者、施最胜者、引来最胜者，无上士宣说了殊胜之法。此亦是佛陀中殊胜之宝，以此谛实语，愿有安乐。
၁၅.
15.
ခီဏံ ပုရာဏံ နဝ နတ္ထိ သမ္ဘဝံ, ဝိရတ္တစိတ္တာယတိကေ ဘဝသ္မိံ;
တေ ခီဏဗီဇာ အဝိရူဠှိဆန္ဒာ, နိဗ္ဗန္တိ ဓီရာ ယထာယံ ပဒီပေါ;
ဣဒမ္ပိ သံဃေ ရတနံ ပဏီတံ, ဧတေန သစ္စေန သုဝတ္ထိ ဟောတု.
旧业已尽，新业不生，于未来有，其心离贪。彼等种子已尽，欲不增长，智者寂灭，犹如灯熄。此亦于僧伽中，为殊胜宝。以此谛语，愿得安乐。
၁၆.
16.
ယာနီဓ ဘူတာနိ သမာဂတာနိ, ဘုမ္မာနိ ဝါ ယာနိ ဝ အန္တလိက္ခေ;
တထာဂတံ ဒေဝမနုဿပူဇိတံ, ဗုဒ္ဓံ နမဿာမ သုဝတ္ထိ ဟောတု.
凡于此地集会之诸神，或地居者，或空居者，我等礼敬天人所供奉之如来佛陀，愿得安乐。
၁၇.
17.
ယာနီဓ ဘူတာနိ သမာဂတာနိ, ဘုမ္မာနိ ဝါ ယာနိ ဝ အန္တလိက္ခေ;
တထာဂတံ ဒေဝမနုဿပူဇိတံ, ဓမ္မံ နမဿာမ သုဝတ္ထိ ဟောတု.
凡于此地集会之诸神，或地居者，或空居者，我等礼敬天人所供奉、如来之正法，愿得安乐。
၁၈.
18.
ယာနီဓ [Pg.8] ဘူတာနိ သမာဂတာနိ, ဘုမ္မာနိ ဝါ ယာနိ ဝ အန္တလိက္ခေ;
တထာဂတံ ဒေဝမနုဿပူဇိတံ, သံဃံ နမဿာမ သုဝတ္ထိ ဟောတူတိ.
凡于此地集会之诸神，或地居者，或空居者，我等礼敬天人所供奉、善行之僧伽，愿得安乐。
ရတနသုတ္တံ နိဋ္ဌိတံ.
宝经终。
၇. တိရောကုဋ္ဋသုတ္တံ
7. 墙外经
၁.
1.
တိရောကုဋ္ဋေသု တိဋ္ဌန္တိ, သန္ဓိသိင်္ဃာဋကေသု စ;
ဒွါရဗာဟာသု တိဋ္ဌန္တိ, အာဂန္တွာန သကံ ဃရံ.
彼等来到自家，伫立于墙外，及于路口街衢，亦伫立于门柱旁。
၂.
2.
ပဟူတေ အန္နပါနမှိ, ခဇ္ဇဘောဇ္ဇေ ဥပဋ္ဌိတေ;
န တေသံ ကောစိ သရတိ, သတ္တာနံ ကမ္မပစ္စယာ.
饮食丰盈，肴馔备陈；然因彼等众生业缘故，无人忆念之。
၃.
3.
ဧဝံ ဒဒန္တိ ဉာတီနံ, ယေ ဟောန္တိ အနုကမ္ပကာ;
သုစိံ ပဏီတံ ကာလေန, ကပ္ပိယံ ပါနဘောဇနံ;
ဣဒံ ဝေါ ဉာတီနံ ဟောတု, သုခိတာ ဟောန္တု ဉာတယော.
凡有悲悯心者，为亲眷如是施予：清净、殊胜、适时、合宜之饮食。（并言：）“愿此为汝等亲眷所有，愿诸亲眷得安乐！”
၄.
4.
တေ စ တတ္ထ သမာဂန္တွာ, ဉာတိပေတာ သမာဂတာ;
ပဟူတေ အန္နပါနမှိ, သက္ကစ္စံ အနုမောဒရေ.
彼等亡故亲眷，于彼处集会，对丰盈之饮食，虔诚地随喜。
၅.
5.
စိရံ ဇီဝန္တု နော ဉာတီ, ယေသံ ဟေတု လဘာမသေ;
အမှာကဉ္စ ကတာ ပူဇာ, ဒါယကာ စ အနိပ္ဖလာ.
“愿我亲族得长寿，因彼故我等得享；亦为我等作供养，施主功德不唐捐。”
၆.
6.
န ဟိ တတ္ထ ကသိ အတ္ထိ, ဂေါရက္ခေတ္ထ န ဝိဇ္ဇတိ;
ဝဏိဇ္ဇာ တာဒိသီ နတ္ထိ, ဟိရညေန ကယောကယံ ;
ဣတော ဒိန္နေန ယာပေန္တိ, ပေတာ ကာလင်္ကတာ တဟိံ.
彼处实无农耕，亦无牧牛之事；无有如是贸易，亦无金钱交易。已逝彼处之饿鬼，唯依此间所施活命。
၇.
7.
ဥန္နမေ ဥဒကံ ဝုဋ္ဌံ, ယထာ နိန္နံ ပဝတ္တတိ;
ဧဝမေဝ ဣတော ဒိန္နံ, ပေတာနံ ဥပကပ္ပတိ.
譬如雨降于高地，水必流向于低谷；如是此间所施与，利益饿鬼亦复然。
၈.
8.
ယထာ ဝါရိဝဟာ ပူရာ, ပရိပူရေန္တိ သာဂရံ;
ဧဝမေဝ ဣတော ဒိန္နံ, ပေတာနံ ဥပကပ္ပတိ.
譬如众川流满盈，终能充满于大海；如是此间所施与，利益饿鬼亦复然。
၉.
9.
အဒါသိ [Pg.9] မေ အကာသိ မေ, ဉာတိမိတ္တာ သခါ စ မေ;
ပေတာနံ ဒက္ခိဏံ ဒဇ္ဇာ, ပုဗ္ဗေ ကတမနုဿရံ.
“彼曾施予我，彼曾为我作，彼是我亲眷、朋友与同伴。”如是忆念往昔所为，应为亡者行此布施。
၁၀.
10.
န ဟိ ရုဏ္ဏံ ဝါ သောကော ဝါ, ယာ စညာ ပရိဒေဝနာ;
န တံ ပေတာနမတ္ထာယ, ဧဝံ တိဋ္ဌန္တိ ဉာတယော.
哭泣、忧愁，或任何其他悲叹，对亡者实无益处；亲人们亦只是如此而已。
၁၁.
11.
အယဉ္စ ခေါ ဒက္ခိဏာ ဒိန္နာ, သံဃမှိ သုပ္ပတိဋ္ဌိတာ;
ဒီဃရတ္တံ ဟိတာယဿ, ဌာနသော ဥပကပ္ပတိ.
然而，此供养已施予，善安立于僧伽中；为彼长夜之利益，即刻得以成办。
၁၂.
12.
သော ဉာတိဓမ္မော စ အယံ နိဒဿိတော, ပေတာန ပူဇာ စ ကတာ ဥဠာရာ;
ဗလဉ္စ ဘိက္ခူနမနုပ္ပဒိန္နံ, တုမှေဟိ ပုညံ ပသုတံ အနပ္ပကန္တိ.
此亲族之道已明示，已为亡者作胜供，亦为比丘增气力，汝等已积无量福。
တိရောကုဋ္ဋသုတ္တံ နိဋ္ဌိတံ.
墙外经终。
၈. နိဓိကဏ္ဍသုတ္တံ
8. 藏宝经
၁.
1.
နိဓိံ နိဓေတိ ပုရိသော, ဂမ္ဘီရေ ဩဒကန္တိကေ;
အတ္ထေ ကိစ္စေ သမုပ္ပန္နေ, အတ္ထာယ မေ ဘဝိဿတိ.
有人埋藏宝藏，于深水岸边；心念：“若有事需，此将为我利。”
၂.
2.
ရာဇတော ဝါ ဒုရုတ္တဿ, စောရတော ပီဠိတဿ ဝါ;
ဣဏဿ ဝါ ပမောက္ခာယ, ဒုဗ္ဘိက္ခေ အာပဒါသု ဝါ;
ဧတဒတ္ထာယ လောကသ္မိံ, နိဓိ နာမ နိဓီယတိ.
或为王难所诬，或为盗匪所扰；为求解脱债务，或于饥馑灾祸；为此等利益，世间埋藏财宝。
၃.
3.
တာဝဿုနိဟိတော သန္တော, ဂမ္ဘီရေ ဩဒကန္တိကေ;
န သဗ္ဗော သဗ္ဗဒါ ဧဝ, တဿ တံ ဥပကပ္ပတိ.
虽于深水岸边善为藏匿，然此宝藏非能全部、时时为彼所用。
၄.
4.
နိဓိ ဝါ ဌာနာ စဝတိ, သညာ ဝါဿ ဝိမုယှတိ;
နာဂါ ဝါ အပနာမေန္တိ, ယက္ခာ ဝါပိ ဟရန္တိ နံ.
宝藏或从其处移动，其人记忆或错乱；龙或将其移走，夜叉亦或将其夺去。
၅.
5.
အပ္ပိယာ ဝါပိ ဒါယာဒါ, ဥဒ္ဓရန္တိ အပဿတော;
ယဒါ ပုညက္ခယော ဟောတိ, သဗ္ဗမေတံ ဝိနဿတိ.
或不睦之继承人，趁其不察而掘取；当其福德耗尽，这一切便会毁灭。
၆.
6.
ယဿ ဒါနေန သီလေန, သံယမေန ဒမေန စ;
နိဓီ သုနိဟိတော ဟောတိ, ဣတ္ထိယာ ပုရိသဿ ဝါ.
于任何男女，若以布施、持戒、节制与调伏，善藏此功德宝藏。
၇.
7.
စေတိယမှိ [Pg.10] စ သံဃေ ဝါ, ပုဂ္ဂလေ အတိထီသု ဝါ;
မာတရိ ပိတရိ စာပိ, အထော ဇေဋ္ဌမှိ ဘာတရိ.
于塔寺，或于僧团；于个人，或于宾客；于母亲，亦于父亲；以及于长兄。
၈.
8.
ဧသော နိဓိ သုနိဟိတော, အဇေယျော အနုဂါမိကော;
ပဟာယ ဂမနီယေသု, ဧတံ အာဒါယ ဂစ္ဆတိ.
此宝藏善藏，不可夺取，能随行于后；舍弃必离之物，携此宝藏而去。
၉.
9.
အသာဓာရဏမညေသံ, အစောရာဟရဏော နိဓိ;
ကယိရာထ ဓီရော ပုညာနိ, ယော နိဓိ အနုဂါမိကော.
此宝藏不与他人共有，盗贼不能夺取；是故智者应行功德，此乃随行之宝藏。
၁၀.
10.
ဧသ ဒေဝမနုဿာနံ, သဗ္ဗကာမဒဒေါ နိဓိ;
ယံ ယဒေဝါဘိပတ္ထေန္တိ, သဗ္ဗမေတေန လဗ္ဘတိ.
此宝藏能给予天人一切所欲；无论他们欲求何物，一切皆由此获得。
၁၁.
11.
သုဝဏ္ဏတာ သုသရတာ, သုသဏ္ဌာနာ သုရူပတာ ;
အာဓိပစ္စပရိဝါရော, သဗ္ဗမေတေန လဗ္ဘတိ.
肤色光洁、音声美妙、身形善好与容貌端严；主权与眷属，一切皆由此获得。
၁၂.
12.
ပဒေသရဇ္ဇံ ဣဿရိယံ, စက္ကဝတ္တိသုခံ ပိယံ;
ဒေဝရဇ္ဇမ္ပိ ဒိဗ္ဗေသု, သဗ္ဗမေတေန လဗ္ဘတိ.
地方王权与主权，可爱转轮王之乐；乃至天界之王位，一切皆由此获得。
၁၃.
13.
မာနုဿိကာ စ သမ္ပတ္တိ, ဒေဝလောကေ စ ယာ ရတိ;
ယာ စ နိဗ္ဗာနသမ္ပတ္တိ, သဗ္ဗမေတေန လဗ္ဘတိ.
人间之圆满，天界之喜乐，以及涅槃之圆满，一切皆由此获得。
၁၄.
14.
မိတ္တသမ္ပဒမာဂမ္မ, ယောနိသောဝ ပယုဉ္ဇတော;
ဝိဇ္ဇာ ဝိမုတ္တိ ဝသီဘာဝေါ, သဗ္ဗမေတေန လဗ္ဘတိ.
依止具德友，如理精勤者；明、解脱与自在，皆由此而得。
၁၅.
15.
ပဋိသမ္ဘိဒါ ဝိမောက္ခာ စ, ယာ စ သာဝကပါရမီ;
ပစ္စေကဗောဓိ ဗုဒ္ဓဘူမိ, သဗ္ဗမေတေန လဗ္ဘတိ.
无碍解与八解脱，以及声闻波罗蜜；独觉菩提与佛地，一切皆由此获得。
၁၆.
16.
ဧဝံ မဟတ္ထိကာ ဧသာ, ယဒိဒံ ပုညသမ္ပဒါ;
တသ္မာ ဓီရာ ပသံသန္တိ, ပဏ္ဍိတာ ကတပုညတန္တိ.
如是福德成就，具有大利益；是故智者与贤圣，赞叹已作福德。
နိဓိကဏ္ဍသုတ္တံ နိဋ္ဌိတံ.
《宝藏品经》终。
၉. မေတ္တသုတ္တံ
9. 慈经
၁.
1.
ကရဏီယမတ္ထကုသလေန, ယန္တသန္တံ ပဒံ အဘိသမေစ္စ;
သက္ကော ဥဇူ စ သုဟုဇူ စ, သုဝစော စဿ မုဒု အနတိမာနီ.
善于利乐者，为证寂静境，应行此等事：有能、正直、极正直，言语柔顺，心意柔和，无有骄慢。
၂.
2.
သန္တုဿကော [Pg.11] စ သုဘရော စ, အပ္ပကိစ္စော စ သလ္လဟုကဝုတ္တိ;
သန္တိန္ဒြိယော စ နိပကော စ, အပ္ပဂဗ္ဘော ကုလေသွနနုဂိဒ္ဓေါ.
知足且易养，少务且生活简朴；诸根寂静且有慧，不鲁莽且于俗家无贪着。
၃.
3.
န စ ခုဒ္ဒမာစရေ ကိဉ္စိ, ယေန ဝိညူ ပရေ ဥပဝဒေယျုံ;
သုခိနောဝ ခေမိနော ဟောန္တု, သဗ္ဗသတ္တာ ဘဝန္တု သုခိတတ္တာ.
不应行任何微小过，以免为智者所谴责；愿众生快乐安稳，愿一切有情内心安乐。
၄.
4.
ယေ ကေစိ ပါဏဘူတတ္ထိ, တသာ ဝါ ထာဝရာ ဝနဝသေသာ;
ဒီဃာ ဝါ ယေဝ မဟန္တာ, မဇ္ဈိမာ ရဿကာ အဏုကထူလာ.
凡所有生命，无论动摇或不动摇者，一切无有余；或长或巨大，或中等短小，或微细或粗壮。
၅.
5.
ဒိဋ္ဌာ ဝါ ယေဝ အဒိဋ္ဌာ, ယေ ဝ ဒူရေ ဝသန္တိ အဝိဒူရေ;
ဘူတာ ဝ သမ္ဘဝေသီ ဝ, သဗ္ဗသတ္တာ ဘဝန္တု သုခိတတ္တာ.
或已见或未见，或住远或住近；或已生或求生，愿一切有情内心安乐。
၆.
6.
န ပရော ပရံ နိကုဗ္ဗေထ, နာတိမညေထ ကတ္ထစိ န ကဉ္စိ ;
ဗျာရောသနာ ပဋိဃသညာ, နာညမညဿ ဒုက္ခမိစ္ဆေယျ.
不应欺骗他人，不应于任何处，轻视任何人；莫因冲突与嗔恚，而愿他人受苦。
၇.
7.
မာတာ ယထာ နိယံ ပုတ္တမာယုသာ ဧကပုတ္တမနုရက္ခေ;
ဧဝမ္ပိ သဗ္ဗဘူတေသု, မာနသံ ဘာဝယေ အပရိမာဏံ.
如同母亲以生命守护自己的独子；同样地，对一切众生，应修习无量之心。
၈.
8.
မေတ္တဉ္စ သဗ္ဗလောကသ္မိ, မာနသံ ဘာဝယေ အပရိမာဏံ;
ဥဒ္ဓံ အဓော စ တိရိယဉ္စ, အသမ္ဗာဓံ အဝေရမသပတ္တံ.
于一切世间，应修习无量慈心，向上、向下及横向，无碍、无怨、无敌。
၉.
9.
တိဋ္ဌံ စရံ နိသိန္နော ဝ, သယာနော ယာဝတာဿ ဝိတမိဒ္ဓေါ ;
ဧတံ သတိံ အဓိဋ္ဌေယျ, ဗြဟ္မမေတံ ဝိဟာရမိဓမာဟု.
行住坐卧，只要醒觉无昏沉，即应确立此正念。于此教法中，此被称为梵住。
၁၀.
10.
ဒိဋ္ဌိဉ္စ အနုပဂ္ဂမ္မ, သီလဝါ ဒဿနေန သမ္ပန္နော;
ကာမေသု ဝိနယ ဂေဓံ, န ဟိ ဇာတုဂ္ဂဗ္ဘသေယျ ပုန ရေတီတိ.
不执于邪见，具戒行、具正见，于诸欲调伏贪求，则必不再入母胎。
မေတ္တသုတ္တံ နိဋ္ဌိတံ.
《慈经》终。
ခုဒ္ဒကပါဌပါဠိ နိဋ္ဌိတာ.
小诵经终。